Икона Богородицы Андрониковская

Празднование

Тропарь, глас 2

Богомудрый апостол Лука
начерта́ пречистый Твой образ,
о, Всесвятая Владычице,
и́мже хвалу воздая́ Святей Троице,
яко Избра́нную предвечным Советом Богоотрокови́цу велича́ше Тя.
Сей же образ Твой в земли Гре́честей царственному дому Палеоло́гов заступление бысть.
Последи́ же волею Твоею
стране Росси́йстей дарова́ся.
Ныне же пред иконою Твоею
ве́рнии лю́дие Твои непрестанно благоговейная пения приносит Ти,
Богороди́тельнице и Владычице
во умилении сердечнем вопию́ще:

Радуйся, благодатная Марие, Заступнице душ наших.

Тропарь, глас 2

Осеня́еми, Пречистая,
благодатию Твоею раби Твои
и взирающе ко пречистому образу Твоему
уми́льно глаго́лем:
я́коже во дни древния
образом Твоим многая и преславная чудеса верным явила еси́,
тако и нам, почитающим всесвятую икону Твою
даруй великия милости Твоя,
избавление от всяких бед, печали и зла,

и возведи нас в неизреченную радость Царствия Христа Бога нашего.