Православный Мир
Житие
Преподобная Мелания, первая из знатных римлянок "с юных лет стремившаяся ко Христу, жаждущая телесной непорочности и уязвленная Божественной любовью", родилась в христианской семье. Родители ее – люди именитые и богатые – видели в дочери наследницу и продолжательницу рода. В четырнадцать лет Мелания против своей воли была выдана замуж за знатного юношу Апиниана. С самого начала совместной жизни святая умоляла супруга жить с ней в непорочности или отпустить незапятнанной и телом и душой. Апиниан отвечал: "Когда по велению Господа мы приобретем двоих детей в наследники своему имуществу, тогда вместе отречемся от мира". Вскоре святая Мелания родила девочку, которую молодые родители посвятили Богу. Продолжая жить в супружестве, Мелания тайно носила власяницу и проводила ночи в молитвах. Вторые роды Мелании были преждевременными и мучительными. Родился мальчик, его крестили, и он сразу отошел ко Господу. Видя страдания своей супруги, блаженный Апиниан просил Бога сохранить жизнь святой Мелании и дал обет провести остаток совместной жизни в непорочности. Выздоровев, святая сняла навсегда свои шелковые одежды. Вскоре умерла их дочь. Между тем родители святых противились их желанию посвятить себя Богу. Только когда отца Мелании постигла смертельная болезнь, он просил у них прощения и напутствовал следовать избранному ими пути, прося о нем молиться. Святые тут же оставили город Рим, и для них началась новая жизнь, целиком посвященная служению Богу. Апиниану было в то время 24 года, а Мелании – 20. Они стали посещать больных, принимать странников, щедро помогать бедным. Обходили тюрьмы, места ссылок и рудники и освобождали несчастных, которые содержались там за долги. Продав имения в Италии и Испании, они щедрой рукой помогали старцам и монастырям, покупая для последних земли в Месопотамии, Сирии, Египте, Финикии и Палестине. На их средства было построено много храмов и больниц. Церкви Запада и Востока получали от них благодеяния. Когда они, покинув родину, отплыли в Африку, во время плавания началась сильная буря. Моряки говорили, что это гнев Божий, но блаженная Мелания сказала, чтобы они предали корабль воле Несущего его. Волны прибили корабль к острову, на котором стоял город, осажденный варварами. Осаждавшие требовали от жителей выкуп, грозя городу уничтожением. Святые внесли нужные деньги и тем спасли от гибели город и его жителей. Прибыв в Африку, они и там оказывали помощь всем нуждающимся. По благословению местных епископов жертвовали на церкви и монастыри. В то же время святая Мелания продолжала смирять плоть свою строгим постом, а душу утверждала непрестанным чтением Слова Божия, переписывая священные книги и раздавая неимущим. Она сама сшила власяницу и, не снимая, носила ее.
В Африке святые пробыли 7 лет, а затем, освободившись, по заповеди Христовой, от всех своих богатств, направились в Иерусалим. По пути, в Александрии, они были приняты святым епископом Кириллом и встретились в храме со святым старцем Несторием, имевшим дар пророчества и исцеления. Старец обратился к ним, утешая и призывая к мужеству, терпению в ожидании Славы Небесной. В Иерусалиме святые раздали бедным оставшееся у них золото и проводили дни свои в нищете и молитве. После недолгого путешествия в Египет, где святые посетили многих отцов-пустынников, святая Мелания затворилась в одинокой келлии на горе Елеонской, лишь изредка видясь со святым Апинианом. Постепенно возле келлии возник монастырь, где собралось до девяноста дев. Святая Мелания по смирению не согласилась быть его игуменией и по-прежнему жила и молилась в одиночестве. В поучениях святая Мелания призывала сестер бодрствовать и молиться, оберегать свои помыслы и возгревать прежде всего любовь к Богу и друг ко другу, соблюдая святую православную веру и чистоту душевную и телесную. Особо увещевала их быть послушными воле Божией. Напоминая слова апостола, советовала соблюдать пост "не с огорчением и не с принуждением: ибо доброхотно дающих любит Бог". В обители ее стараниями была построена молельня и алтарь, где погребли мощи святых: пророка Божия Захарии, святого первомученика Стефана и Сорока святых, принявших муку в Севастии. К этому времени святой Апиниан отошел ко Господу. Святая Мелания погребла мощи блаженного и провела около четырех лет возле этого места в посте и непрестанной молитве.
Святая пожелала построить мужской монастырь на горе Вознесения Христова. Господь благословил ее замысел, послав христолюбца, давшего средства на монастырь. Приняв их с радостью, святая Мелания в один год свершила это великое дело. В воздвигнутом ею монастыре святые мужи стали неустанно возносить молитвы свои Богу в церкви Вознесения Христова. Окончив свои труды, блаженная покинула Иерусалим, отбыв в Константинополь к своему дяде-язычнику в надежде спасти его душу. По дороге она молилась у мощей святого Лаврентия на месте его мученичества и получила доброе предзнаменование. Прибыв в Константинополь, святая нашла там своего дядю в болезни и беседовала с ним. Под влиянием ее бесед больной оставил язычество и умер христианином. В то время многих жителей столицы смущало еретическое учение Нестория. Святая Мелания принимала всех, обращавшихся к ней за вразумлением. Много чудес совершилось по молитвам блаженной. Вернувшись в свой монастырь, угодница Божия почувствовала приближение кончины и объявила об этом пресвитеру и сестрам. В глубокой скорби и слезах выслушали они ее последние наставления. Испросив их молитв и заповедав блюсти себя в чистоте, с радостью и ликованием приобщившись Святых Тайн, кротко и спокойно святая Мелания предала душу свою Господу. Это было в 439 году.
Песнопения
Кондак, глас 3
Де́вства чистоты́ возлю́бльши и обру́чника к благи́м увеща́вши,
премно́жество бога́тства расточи́
в пребыва́ние и́ночествующим, Богоблаже́нная, и оби́тели воздви́же.
Те́мже в Небе́сныя оби́тели всели́ся,
помина́й нас, Мела́ние всечестна́я.
Канон
Канон преподобной Мелании Римляныне
Минея, 30 Декабря.
Глас 4
Песнь 1
Ирмос: Отве́рзу уста́ моя́,
и напо́лнятся Ду́ха,
и сло́во отры́гну Цари́це Ма́тери,
и явлю́ся, све́тло торжеству́я,
и воспою́, ра́дуяся, Тоя́ чудеса́.
Припев: Преподо́бная ма́ти Мела́ние, моли́ Бо́га о на́с.
Страсте́й омраче́нием очерне́вша мя всю́ду, просвети́в,
очи́сти светоно́сными моли́твами преподо́бныя Твоея́, Человеколю́бче, Мела́нии
и, сию́ чтущу, сло́во ми вдохни́.
Припев: Преподо́бная ма́ти Мела́ние, моли́ Бо́га о на́с.
Те́пле после́довала еси́ тебе́ ра́ди во́льное распя́тие Претерпе́вшему,
на ра́мех нося́щи, всеблаже́нная, усе́рдно крест твой,
и Сего́ сохрани́ла еси́ опра́вдания.
Сла́ва Отцу́ и Сы́ну и Свято́му Ду́ху.
Роди́телей пристра́стия и пло́ти любосла́стия до конца́ уклони́лася еси́,
еди́наго вожделе́вши рачи́теля – Христа́, Богому́драя, добро́ты;
Его́же вся жела́ют, Сло́ва причаща́ющиися.
И ны́не и при́сно и во ве́ки веко́в. Ами́нь.
Богородичен: Обнищава́ет Бога́тый, мене́ обогаща́я Божество́м,
зле обнища́вшаго невоздержа́нием пе́рвее,
и Безнача́льный се́ нача́ло прие́млет,
от Де́вы ражда́емь Богоотрокови́цы.
Песнь 3
Ирмос: Не му́дростию, и си́лою, и бога́тством хва́лимся,
но Тобо́ю, О́тчею Ипоста́сною Му́дростию, Христе́:
несть бо свят, па́че Тебе́, Человеколю́бче.
Припев: Преподо́бная ма́ти Мела́ние, моли́ Бо́га о на́с.
Я́же ни́жних отсту́пльше жела́ний,
все жела́ние дала́ еси́ благоче́стно произво́лением, сла́вная,
к бу́дущим то́кмо и ве́чнующим.
Припев: Преподо́бная ма́ти Мела́ние, моли́ Бо́га о на́с.
Приле́жными моли́твами чу́вствия украси́ла еси́
и Ду́ха заря́ми светови́дна была́ еси́ вся,
в телеси́ невеще́ственное житие́ подража́вши.
Сла́ва Отцу́ и Сы́ну и Свято́му Ду́ху.
И веща́ющи, и молча́щи, яви́лася еси́ наказа́ние,
неутвержде́ных утвержде́ние, мона́шествующих о́браз, Мела́ние Богому́драя;
те́мже пое́м тя.
И ны́не и при́сно и во ве́ки веко́в. Ами́нь.
Богородичен: Облага́яй Небеса́ о́блаки хоте́нием
повива́ется во́лею, рука́ми Де́вы держи́мь,
руки́ мя исхища́я борца́.
Седален, глас 4
Боже́ственная повеле́ния соверша́ющи со тща́нием,
расточи́вши, раздала́ еси́ тьмы зла́та твоего́ ни́щим:
взе́мши же крест твой на ра́мена, Мела́ние,
вку́пе с твои́м женихо́м после́довала еси́ ве́рою Христу́,
распе́ншемуся пло́тию, еди́ному Бо́гу на́шему.
Песнь 4
Ирмос: Седя́й в Сла́ве на Престо́ле Божества́
во о́блаце ле́гце,
прии́де Иису́с Пребоже́ственный
Нетле́нною Дла́нию и спасе́ зову́щия:
слава, Христе́, си́ле Твое́й.
Припев: Преподо́бная ма́ти Мела́ние, моли́ Бо́га о на́с.
Воздержа́нием по́хоти плотски́я умертви́вши,
жи́знь живу́щих име́ла еси́, все́льшуюся в тя, всечестна́я;
к не́йже, от земли́ преста́вльшися, всели́лася еси́,
Ца́рствия Небе́снаго наслажда́ющися.
Припев: Преподо́бная ма́ти Мела́ние, моли́ Бо́га о на́с.
Мно́гия твоя́ тьмы зла́та разда́вши а́лчущим,
вои́стинну сия́ скрыва́еши в сокро́вищах, никогда́же ветша́ющих,
во ве́ки же соблюда́ющим тебе́ дово́льное пребыва́ние.
Сла́ва Отцу́ и Сы́ну и Свято́му Ду́ху.
Ми́лования твоего́ бога́тство я́коже река́ бысть,
напая́ющи вся́кое ни́щих се́рдце, сла́вная, скве́рну отмыва́ющи нищеты́,
бога́тство некра́домо исхода́тайствующи тебе́ на Небесе́х неистощи́мое.
И ны́не и при́сно и во ве́ки веко́в. Ами́нь.
Богородичен: Похоте́м повину́вся страсте́й, я́коже безслове́сен,
слове́сен сый, приложи́хся ското́м;
но, Сло́во поро́ждшая Присносу́щное,
не пре́зри мене́, всегда́ погиба́ющаго.
Песнь 5
Ирмос: Нечести́вии не узрят сла́вы Твоея́, Христе́,
но мы Тя, Единоро́дне,
Оте́ческия сла́вы Сия́ние Божества́,
от но́щи у́тренююще, воспева́ем Тя, Человеколю́бче.
Припев: Преподо́бная ма́ти Мела́ние, моли́ Бо́га о на́с.
Безобра́зныя ви́ды страсте́й до конца́ от души́ острога́вши, честна́я,
ша́ром воздержа́ния живонаписа́ла еси́ в ней безстра́стие
и любо́вь нелицеме́рну.
Припев: Преподо́бная ма́ти Мела́ние, моли́ Бо́га о на́с.
Све́тло, я́ко зерца́ло, бы́вши я́ве,
све́тле дарова́ния Ду́ха Боже́ственнаго, сла́вная, восприя́ла еси́
и ве́рныя просвети́ла еси́ све́тлостию жития́ твоего́.
Сла́ва Отцу́ и Сы́ну и Свято́му Ду́ху.
Воздержа́нием погаси́вши страсте́й распале́ние,
огнь возжгла́ еси́ душе́вный, во всем житии́ твое́м блиста́ющися
и омраче́ния де́монская отража́ющи.
И ны́не и при́сно и во ве́ки веко́в. Ами́нь.
Богородичен: Де́ва роди́ Бо́га Емману́ила во гра́де Вифлее́ме, Еде́м отверза́ющаго,
дре́вле ми заключе́нный невоздержа́нием сне́ди и ле́стию зми́я.
Песнь 6
Ирмос: Пожру́ Ти со гла́сом хвале́ния, Го́споди,
Це́рковь вопие́т Ти,
от бесо́вския кро́ве очи́щшися
ра́ди ми́лости от ребр Твои́х
исте́кшею Кро́вию.
Припев: Преподо́бная ма́ти Мела́ние, моли́ Бо́га о на́с.
Немо́кренно жите́йское прешла еси́ обурева́ние,
направля́ема манове́нием вся сло́вом Сотво́ршаго,
и в приста́нище спасе́ния, Мела́ние, дости́гла еси́.
Припев: Преподо́бная ма́ти Мела́ние, моли́ Бо́га о на́с.
И́скрами те́плаго твоего́ е́же к Го́споду раче́ния
разжже́нныя стре́лы грехо́вныя вся попали́шася,
и де́монское злоде́йство до конца́ погубле́но бысть.
Сла́ва Отцу́ и Сы́ну и Свято́му Ду́ху.
Ум твой, к лу́чшему едине́нием обожа́емь,
су́щия к пло́ти любве́ отлучи́ся манове́нием всеси́льным;
сего́ ра́ди поще́ния труды́ понесла́ еси́.
И ны́не и при́сно и во ве́ки веко́в. Ами́нь.
Богородичен: Обожа́ет мя от Де́вы рожде́йся Госпо́дь,
и пелена́ми повива́ется, разреше́ние творя́ мои́х прегреше́ний,
и вмеща́ется в верте́п,
И́же все́ми невмести́мый.
Песнь 7
Ирмос: Спасы́й во огни́ авраа́мския Твоя́ о́троки
и халде́и уби́в,
я́же пра́вда пра́ведно уловля́ше,
препе́тый Го́споди,
Бо́же оте́ц на́ших, благослове́н еси́.
Припев: Преподо́бная ма́ти Мела́ние, моли́ Бо́га о на́с.
С супру́жником Христо́во и́го нося́щи, Богоно́сная,
обнови́сте моли́тв ра́лом ду́ши и, ни́ву до́брых возде́лавше,
наслажда́етеся во ве́ки Вы́шния сла́вы.
Припев: Преподо́бная ма́ти Мела́ние, моли́ Бо́га о на́с.
Я́ко ма́слина, псало́мски в дому́ Бо́жии насажде́на,
умаща́еши та́инственно сердца́, преподо́бная,
и ли́ца еле́ем боле́зней твои́х ве́рно восхваля́ющих твоя́ по́двиги.
Сла́ва Отцу́ и Сы́ну и Свято́му Ду́ху.
Воздержа́ния ороше́нием угаси́вши страсте́й пе́щи,
одожде́нием моли́тв врачева́ний пучи́ны источи́ла еси́,
и страсте́й приверже́ния потопля́ющи, Мела́ние, чту́щих тя.
И ны́не и при́сно и во ве́ки веко́в. Ами́нь.
Богородичен: Руно́ Тя, рече́ Дави́д, я́ко дождь прие́мшу Небе́сный, Чи́стая,
беззако́ния пото́ки изсуша́ющь
и ве́рных напоя́ющь смы́слы, грехо́м пресо́хшия.
Песнь 8
Ирмос: О́троки благочести́выя в пещи́
Рождество́ Богоро́дичо спасло́ есть;
тогда́ у́бо образу́емое,
ны́не же де́йствуемое,
вселе́нную всю воздвиза́ет пе́ти Тебе́:
Го́спода по́йте, дела́,
и превозноси́те Его́ во вся ве́ки.
Припев: Преподо́бная ма́ти Мела́ние, моли́ Бо́га о на́с.
Храм се́рдце и те́ло Тро́ице Пребоже́ственней соверши́вши,
Боже́ственныя возсоздала́ еси́ хра́мы, достосла́вная,
в ни́хже дев чи́ны и мона́шествующих ли́ки совокупи́ла еси́,
пою́щия согла́сно и превознося́щия Христа́ во вся ве́ки.
Припев: Преподо́бная ма́ти Мела́ние, моли́ Бо́га о на́с.
Ми́лостынею ми́лость стяжа́ла еси́,
расточи́вши, дала́ еси́ убо́гим,
пра́вда твоя́ пребыва́ет, ве́чнующи,
и е́же от сея́ приобре́тение тебе́ неветша́емое, Мела́ние, Богоно́сице преподо́бная.
Те́мже тя чтим, я́ко вои́стинну победоно́сицу.
Сла́ва Отцу́ и Сы́ну и Свято́му Ду́ху.
Смы́слом, му́жеством, целому́дрием и Боже́ственною пра́вдою блиста́ющи,
име́ла еси́ вознося́щее тя на высоту́ Небе́сную высокотво́рное смире́ние,
и́мже низложи́ла еси́, преподо́бная, велича́ваго зми́я:
тем тя почита́ем, я́ко и́стинную победоно́сицу.
И ны́не и при́сно и во ве́ки веко́в. Ами́нь.
Богородичен: Страсте́й мя смуща́ют треволне́ния,
глубина́ отча́яния потопля́ет мя,
спаси́ мя, Всенепоро́чная Ма́ти, и спасу́ся:
Спа́са бо Го́спода родила́ еси́, во я́слех я́ко Младе́нца положе́на,
Его́же превозно́сим во вся ве́ки.
Песнь 9
Ирмос: Е́ва у́бо неду́гом преслуша́ния
кля́тву всели́ла есть;
Ты же, Де́во Богоро́дице,
прозябе́нием чревоноше́ния ми́рови Благослове́ние процвела́ еси́.
Тем Тя вси велича́ем.
Припев: Преподо́бная ма́ти Мела́ние, моли́ Бо́га о на́с.
На высоту́ я́ве кра́йняго соверше́нства востекла́ еси́, блаже́нная,
и пости́гла еси́ чи́ны Безтеле́сных,
ко и́стинному жела́нию прибли́жившися,
исто́чник благи́х ны́не прия́ла еси́;
тем тя вси ублажа́ем.
Припев: Преподо́бная ма́ти Мела́ние, моли́ Бо́га о на́с.
С ли́ки весели́шися по́стников, воздержа́вшися и стра́сти умертви́вши,
зри́ши откро́венным лице́м Бо́жию красоту́,
ю́же пре́жде явле́ния стяжа́ла еси́ целому́дрием,
Мела́ние всеблаже́нная.
Сла́ва Отцу́ и Сы́ну и Свято́му Ду́ху.
Ходи́вши стезе́ю те́сною, простра́ннаго Рая́ широты́ дости́гла еси́,
иде́же ра́дость пра́зднующих, иде́же дре́во жи́зни есть,
нас непреста́нно помина́ющи, чту́щих твое́ успе́ние.
И ны́не и при́сно и во ве́ки веко́в. Ами́нь.
Богородичен: И́же на плеща́х Херуви́мов стра́шно носи́мый,
на руку́ ны́не седи́т Отрокови́цы Чи́стыя,
и пелена́ми повива́ется, разреша́я плени́цы зол на́ших,
и млеко́м я́ко Младе́нец пита́ется,
пита́яй вся́кое дыха́ние.
