Преподобный Михе́й Радонежский

Краткое житие преподобного Михея Радонежского

Ученик и келейник Сергия Радонежского († 1392; память 5/18июля и 25 сентября/8 октября). Под руководством великого старца, подвизаясь в простоте сердца, преподобный Михей достиг такой высокой степени духовной чистоты, что один из всех сподвижников Сергиевых удостоился присутствовать при посещении Матери Божией своего избранника.

Каждый день преподобный Сергий по совершении вечернего келейного правила пел акафист Пресвятой Богородице перед Ее иконой. Однажды ночью после усердной молитвы к Матери Божией о своей обители его святая душа ощутила приближение небесного явления, и он сказал своему келейному ученику преподобному Михею: «Бодрствуй, чадо: мы будем в сей час иметь чудесное посещение». Едва сказал он это, как послышался голос: «Се, Пречистая грядет!» Тогда старец встал и поспешно вышел в сени; здесь осиял его свет паче солнечного, и он узрел Преблагословенную Деву, сопровождаемую апостолами Петром и Иоанном Богословом. Матерь Божия обещала быть неотступной от места сего и всегда покрывать его. Вострепетал старец от страха и радости, а когда пришел в себя, то увидел ученика своего Михея лежащим на полу, как бы умершим; великий наставник мог видеть Царицу Небесную и слышать голос Ее, а ученик, пораженный ужасом, не в состоянии был видеть все и видел только свет небесный. Когда преподобный Михей пришел в чувство, то, упавши к ногам преподобного Сергия, спросил: «Скажи, отче, Господа ради, что это за чудное видение? Душа моя едва не разделилась от тела...» Но преподобный Сергий и сам еще не мог говорить от волнения душевного, только лицо его цвело небесной радостью. «Подожди, чадо, – сказал он ученику, – и моя душа трепещет от этого видения». Когда, наконец, старец несколько успокоился, то послал преподобного Михея пригласить двоих благоговейных мужей из братии – Исаака молчальника и Симона экклесиарха. И все вместе совершили они молебное пение Богоматери. По древнему преданию церковному и записанному в Никоновой летописи, это небесное посещение было в пост Рождества Христова, в ночь с пятницы на субботу и, как думают, в 1384 году.

Кроткий ученик кроткого старца преставился еще при жизни своего аввы, 6 мая 1385 г. Мощи его почивают под спудом небольшой церкви, устроенной и освященной 10 декабря 1734 года в честь явления Богоматери преподобному Сергию, свидетелем чего удостоился быть преподобный Михей.

Полное житие преподобного Михея Радонежского

Михей был любимый келейник преподобного Сергия, «возливавший», по выражению Епифания, «воду на руце его». Под руководством великого старца, подвизаясь в простоте сердца, Михей достиг такой высокой степени духовной чистоты, что один из всех сподвижников Сергиевых удостоился видеть Матерь Божию, посетившую своего избранника. Вот что поведает об этом другой ученик Сергиев, Епифаний.

Однажды в глубокую ночь преподобный Сергий совершал свое келейное правило и перед иконою Богоматери пел акафист, что он делал, по своему обычаю, ежедневно. Часто взирал он на святую икону и усердно молил Матерь Божию о своей обители. «Пречистая Мати Христа моего, – взывал святой старец, – Ходатаица и Заступница и крепкая Помощница роду человеческому! Буди и нам недостойным Ходатаицей, присно моли Сына Твоего и Бога нашего, да призрит Он милостиво на святое место сие, посвященное в похвалу и честь Его святого имени на веки! Тебя, Матерь Сладчайшего моего Иисуса Христа, призываем на помощь, рабы Твои, ибо Ты имеешь великое дерзновение у Сына Твоего и Бога! Будь же всем спасительное упокоение и пристанище!»

Так молился преподобный; его чистое сердце горело благодатным пламенем, его смиренный ум весь погружен был в молитву, и он, как дитя, в простоте души беседовал с Пречистой Матерью всех возлюбивших чистым сердцем Ее Божественного Сына.

Окончив молитву, он сел для отдохновения; но вдруг его святая душа ощутила приближение небесного явления, и он сказал своему келейному ученику, преподобному Михею: «Бодрствуй, чадо, мы будем в сей час иметь чудесное посещение». Едва сказал он это, как послышался голос: «Се, Пречистая грядет!»

Тогда старец встал и поспешно вышел в сени; здесь осиял его свет паче солнечного, и он узрел Преблагословенную Деву, сопровождаемую апостолами Петром первоверховным и Иоанном девственником – Богословом. Не в силах будучи вынести этого чудного сияния и неизреченной славы Матери Света, Преподобный Сергий пал ниц, но Благая Матерь прикоснулась к нему рукою и ободрила его словами благодати. «Не бойся, избранниче Мой, – изрекла Она. – Я пришла посетить тебя: услышана молитва твоя об учениках твоих, не скорби больше и об обители твоей, отныне она будет иметь изобилие во всем, и не только при жизни твоей, но и по отшествии твоем к Богу Я неотступна буду от места сего и всегда буду покрывать его». Сказала так и стала невидима.

Вострепетал старец от страха и радости: несколько минут был как бы в восторженном состоянии, а когда пришел в себя, то увидел ученика своего Михея лежащим на полу, как бы умершим; великий наставник мог видеть Царицу Небесную и слышать голос Ее, а ученик, пораженный ужасом, не в состоянии был видеть все, и видел только свет небесный.

«Встань, чадо мое», – кротко сказал старец. Михей пришел в чувство, но тут же упал к ногам преподобного Сергия. «Скажи, отче, Господа ради, – говорил он, – что это за чудное видение? Душа моя едва не разделилась от тела»...

Но Сергий и сам еще не мог говорить от волнения душевного, только лицо его цвело небесной радостью. «Подожди, чадо, – сказал он ученику, – и моя душа трепещет от этого видения».

Когда наконец старец несколько успокоился, то послал Михея пригласить двоих благоговейных мужей из братии – Исаакия молчальника и Симона экклесиарха. Те поспешили на зов своего старца-игумена, и он рассказал им все, что сейчас было у него в келлии. И все вместе совершили они молебное пение Богоматери, а Преподобный Сергий провел всю ночь без сна, внимая умом Божественному видению, которое было венцом его подвигов еще здесь, на земле. «Не гаданием, не в сонном видении, а наяву видел Он Матерь Божию, как видел Ее некогда преподобный Афанасий Афонский», – замечает при сем летописец.

По древнему преданию церковному и записанному в Никоновой летописи, это небесное посещение было в пост Рождества Христова, в ночь с пятницы на субботу и, как думают, в 1384 году; по другому предположению, это событие относят к Рождественскому посту 1379 года, указывая на то, что в наступивших летом 1380 года трудных обстоятельствах (нашествие Мамая) сам великий заступник земли Русской, прп. Сергий, имел духовную нужду в особенном подкреплении, и обращают внимание на то, что преподобный послал на поле Куликово именно Богородичную просфору.

В благодарное воспоминание сего чудного посещения в обители преподобного Сергия установлено каждую пятницу с вечера совершать всенощное бдение с акафистом Богоматери в юго-западном притворе Троицкого собора, на том месте, где, по преданию, стояла келлия преподобного Сергия и где красуется теперь величественная икона, изображающая это чудное пришествие Небесной Гостьи.

Кроткий ученик кроткого старца преставился еще при жизни своего аввы, 6 мая 1385 года. Мощи его почивают под спудом небольшой церкви, устроенной и освященной 10 декабря 1734 года по указу Святейшего Синода, «в честь явления Богоматери преподобному Сергию», свидетелем чего удостоился быть Михей.

Тропарь, глас 4

И́го Госпо́дне на ра́мо взем,
после́довал еси́ Христо́ви со учи́телем свои́м преподо́бным Се́ргием,
с ни́мже и сподо́бился еси́ ви́дети Пресвяту́ю Богоро́дицу.
И слы́шал еси́ пресла́дкий глас Ея́,
я́ко обеща́ся неотсту́пна бы́ти ме́ста сего́,
но, о, преподо́бне Михе́е,

моли́ся о чту́щих святу́ю па́мять твою́.

Кондак, глас 8

Прииди́те, мона́шествующих собо́ри и по́стников ли́цы,
соше́дшеся, похва́лим блаже́ннаго Михе́я,
спо́стника преподо́бнаго Се́ргия,
с ни́мже предстои́т Святе́й Тро́ице

и мо́лится спасти́ся душа́м на́шим.

Молитва

О, преблаже́нне и Богому́дре о́тче Михе́е! Ты и́стиннаго Па́стыря Христа́ за́поведи исполня́я, вся́ко весе́лие, е́же в ми́ре, возненави́дел еси́ и житие́ твое́ в слеза́х препровожда́л еси́, теле́сныя стра́сти до конца́ умерщвля́я и во всем после́дуя житию́ учи́теля твоего́ преподо́бнаго Се́ргия, с ни́мже и сподо́бился еси́ ви́дети Небе́сную Цари́цу, Пресвяту́ю Богоро́дицу, посеща́ющую вас и благода́тне обещава́ющую, я́ко неотсту́пна бу́дет от ме́ста сего́. О такове́й, да́нней тебе́ благода́ти, ве́дуще мы, я́ко и ны́не ку́пно с Богоно́сным а́ввою твои́м во оби́телях све́та обита́еши и Го́споду предстои́ши, смире́нно мо́лим тя, к честне́й ра́це твое́й припа́дающе: не преста́ни вку́пе с ним моля́ся о нас ко Го́споду на́шему Иису́су Христу́ и Пречи́стей Его́ Ма́тери, о е́же сохрани́ти страну́ на́шу в ми́ре и благопребыва́нии, побе́ду на враги́ дарова́ти, всем же нам во благоче́стии и чистоте́ и взаи́мной любви́ ти́хое и безмо́лвное житие́ устро́ити, от гла́да, губи́тельства, огня́, меча́, междоусо́бныя бра́ни и от вся́кия беды́ и ну́жды нас изба́вити, да, спасе́ни душе́ю же и те́лом, единоду́шно сла́вим в Тро́ице сла́вимаго Бо́га, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Канон преподобному Михею Радонежскому

Минея, 6 Мая.

Глас 2

Песнь 1

Ирмос: Во глубине́ постла́ иногда́
фараони́тское всево́инство преоруже́нная си́ла,
вопло́щшееся же Сло́во всезло́бный грех потреби́ло есть:
препросла́вленный Госпо́дь сла́вно бо просла́вися.

Припев: Преподо́бне о́тче Михéе, моли́ Бо́га о на́с.

Похва́льное тебе́ привнести́ пе́ние, Богоно́се Михе́е, тща́щуся,
пода́ждь ми благода́ть моли́твами твои́ми,
я́ко да по́двиги твоя́ честны́я пропове́м.

Припев: Преподо́бне о́тче Михéе, моли́ Бо́га о на́с.

Ра́достно яре́м Госпо́день от ю́ности, Богому́дре, восприи́м,
вда́лся еси́ учи́телю твоему́, преподо́бному Се́ргию,
и сему́ неотлу́чно сожи́тельствовал еси́, сла́вя Бо́га.

Сла́ва Отцу́ и Сы́ну и Свято́му Ду́ху.

Е́же па́че всего́ бы́ти в послуша́нии позна́л еси́, о́тче,
мно́жайшими по́ты восприи́м Вы́шнее Ца́рство, а́нгельски на земли́ пожи́в,
и ны́не предстоя́ Святе́й Тро́ице, нас помина́й.

И ны́не и при́сно и во ве́ки веко́в. Ами́нь.

Богородичен: Прииди́те, лю́дие, ублажи́м Ма́терь Бо́жию,
посети́вшую ме́сто свято́е сие́ и обеща́вшуюся неотсту́пна бы́ти,
Ея́же словеса́ и Михе́й слы́шати сподо́бися.

Песнь 3

Ирмос: Процвела́ есть пусты́ня, я́ко крин, Го́споди,
язы́ческая неплодя́щая, Це́рковь
прише́ствием Твои́м,
в не́йже утверди́ся мое́ се́рдце.

Припев: Преподо́бне о́тче Михéе, моли́ Бо́га о на́с.

О, твоего́ му́жества, о, душе́вныя до́блести, сла́вне!
Ты бо, неви́димыя враги́ сокруши́ти жела́я,
своея́ во́ли отре́клся еси́, де́лом на вся́кое повеле́ние отвещава́я.

Припев: Преподо́бне о́тче Михéе, моли́ Бо́га о на́с.

Досто́йно по́двиги твоя́ похвали́ти кто возмо́жет?
Ты бо в пусты́ни, на Ма́ковице жи́тельствуя,
глад и жа́жду со учи́телем твои́м претерпева́л еси́.

Сла́ва Отцу́ и Сы́ну и Свято́му Ду́ху.

Огню́ я́вльшуся во святи́лищи, и окружа́ющу преподо́бнаго Се́ргия, и неопаля́ющу,
я́коже дре́вле купина́, ю́же Моисе́й ви́дев та́инственно,
слы́шав ты о чудеси́ сем, ве́рою утверди́лся еси́.

И ны́не и при́сно и во ве́ки веко́в. Ами́нь.

Богородичен: Богоро́дице, всех Цари́це,
умоли́ над все́ми ца́рствующаго Сы́на Твоего́ Христа́ Бо́га на́шего,
да изба́вит оби́тель сию́ от бед и напа́стей, я́коже предрекла́ еси́.

Седален, глас 4

Блаже́н ты, о́тче Михе́е, вои́стинну и треблаже́н был еси́,
прилепля́яся бо к смиренному́дру ста́рцу,
смире́нием ду́шу твою́ напои́л еси́,
послуша́ния же до́блесть усво́ив та́ко,
я́ко и по сме́рти де́лом сие́ явля́еши,
ше́ствие творя́ ско́ро к Москве́ на ко́нех,
я́коже ви́ден был еси́ со ине́ми двема́, Варфоломе́ем и Нау́мом,
призыва́я ра́тныя лю́ди на по́мощь осажде́нным,
те́мже, ублажа́юще, мо́лим тя:
прииди́ и ны́не к нам на по́мощь, осажде́нным грехи́ мно́гими,
кре́пкою твое́ю моли́твою низложи́ враги́, борю́щия ны.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Стена́ непобеди́мая нам, христиа́ном, еси́, Богоро́дице Де́во:
к Тебе́ бо прибега́юще, невреди́ми пребыва́ем.
И па́ки согреша́юще, и́мамы Тя Моли́твенницу.
Тем, благодаря́ще, вопие́м Ти:
ра́дуйся, Благода́тная, Госпо́дь с Тобо́ю.

Песнь 4

Ирмос: Прише́л еси́ от Де́вы, не хода́тай, ни А́нгел,
но Сам, Го́споди, вопло́щся,
и спасл еси́ всего́ мя, челове́ка.
Тем зову́ Ти: сла́ва си́ле Твое́й, Го́споди.

Припев: Преподо́бне о́тче Михéе, моли́ Бо́га о на́с.

Ни лю́тость враго́в духо́вных, ни ску́дость пусты́ни
разсла́биша терпе́ния твоего́, преподо́бне,
но я́ко адама́нт тверд, пребы́л еси́,
ре́вностию Боже́ственною распаля́емь.

Припев: Преподо́бне о́тче Михéе, моли́ Бо́га о на́с.

Осо́бь бесе́дуя Бо́гу и Сему́ приближа́яся душе́ю, Михе́е, о́тче наш,
никогда́же победи́лся еси́ ле́ностию,
но бодр при́сно пребыва́я, на вся́кое де́ло угото́ван.

Сла́ва Отцу́ и Сы́ну и Свято́му Ду́ху.

Миро благово́нное – Христа́ прии́м в се́рдцы твое́м,
подо́бяся Ему́, е́же послушли́ву бы́ти до сме́рти,
те́мже к черто́гу Небе́сному ра́достно поте́кл еси́ по стопа́м Влады́ки.

И ны́не и при́сно и во ве́ки веко́в. Ами́нь.

Богородичен: Удивля́ется всяк я́зык и страна́,
зря́ще, Влады́чице, сбытие́ слове́с Твои́х,
и́бо да́же и до днесь неоску́дно пребыва́ет вели́кая Ла́вра, оби́тель Се́ргиева.

Песнь 5

Ирмос: Хода́тай Бо́гу и челове́ком был еси́, Христе́ Бо́же:
Тобо́ю бо, Влады́ко, к Светонача́льнику Отцу́ Твоему́,
от но́щи неве́дения
преведе́ние и́мамы.

Припев: Преподо́бне о́тче Михéе, моли́ Бо́га о на́с.

Му́дрость су́щую, Христа́ Бо́га, обита́ющую в души́ твое́й,
стяжа́в изоби́льно, Богому́дре Михе́е,
вся́кия се́ти зло́бы а́дскаго хитреца́ растерза́л еси́,
самаго́ себе́ вдав в послуша́ние.

Припев: Преподо́бне о́тче Михéе, моли́ Бо́га о на́с.

И́стинно росо́ю по́двиг твои́х, о́тче преблаже́нне, погаси́в вся стра́сти,
возже́гл еси́ огнь любве́ и ве́ры к твоему́ учи́телю,
воздержа́ние во всем име́я, свети́льниче безстра́стия.

Сла́ва Отцу́ и Сы́ну и Свято́му Ду́ху.

Хотя́ Тро́ице жили́ще ду́шу твою́ сотвори́ти,
потща́лся еси́ те́сным и приско́рбным путе́м, подража́я ста́рцу, ше́ствовати,
при хра́ме Святы́я Тро́ицы живя́ и непреста́нно моля́ся.

И ны́не и при́сно и во ве́ки веко́в. Ами́нь.

Богородичен: Е́же от усе́рдия, приими́, Влады́чице,
приноси́мое Тебе́ благодаре́ние и хвалу́ и просвети́ ду́ши на́ша,
вси бо челове́цы есмы́, лише́ны сла́вы Бо́жией.

Песнь 6

Ирмос: В бе́здне грехо́вней валя́яся,
неизсле́дную милосе́рдия Твоего́ призыва́ю бе́здну:
от тли, Бо́же, мя возведи́.

Припев: Преподо́бне о́тче Михéе, моли́ Бо́га о на́с.

Ю́же прия́л еси́ благода́ть твори́ти плоды́ ду́ха:
любы́, ра́дость, мир, долготерпе́ние,
бла́гость, милосе́рдие, ве́ру, кро́тость, воздержа́ние,
пода́ждь и нам моли́твами твои́ми.

Припев: Преподо́бне о́тче Михéе, моли́ Бо́га о на́с.

По́стническими по́двиги у́глие страсте́й угаси́в вои́стинну
и огне́м любве́ к Бо́гу попали́л еси́ неве́рие, и хулу́,
и вся́кое возноше́ние, взима́ющееся на ра́зум Бо́жий, преподо́бне.

Сла́ва Отцу́ и Сы́ну и Свято́му Ду́ху.

Оте́чество и род ты, о́тче, оста́вив,
в пусты́ню прише́л еси́ к вели́кому Се́ргию,
с ни́мже подвиза́яся при хра́ме Живонача́льныя Тро́ицы,
дом Ду́ху Свято́му себе́ сотвори́л еси́.

И ны́не и при́сно и во ве́ки веко́в. Ами́нь.

Богородичен: Ю́ноши, и ста́рцы, и всяк во́зраст,
прииди́те, ны́не восхва́лим Преблагослове́нную в жена́х Ма́терь Де́ву Отрокови́цу,
я́вльшуюся со апо́столы преподо́бным отце́м Се́ргию и Михе́ю.

Кондак, глас 8

Прииди́те, мона́шествующих собо́ри и по́стников ли́цы,
соше́дшеся, похва́лим блаже́ннаго Михе́я,
спо́стника преподо́бнаго Се́ргия,
с ни́мже предстои́т Святе́й Тро́ице
и мо́лится спасти́ся душа́м на́шим.

Икос

Ева́нгельский глас, о́тче, услы́шав:
а́ще не бу́дете, я́ко де́ти, не вни́дите в Ца́рствие Небе́сное,
и а́ще кто хо́щет по Мне ити́, да отве́ржется себе́,–
вся у́бо оста́вил еси́ мирска́я пристра́стия,
бога́тство и сла́ву, я́ко прах, вмени́в,
де́тски вда́лся еси́ преподо́бному Се́ргию, повину́яся во всем.
Мы же, па́мять твою́ соверша́юще, вопие́м ти си́це:
ра́дуйся, о́тче, за́поведей Госпо́дних исполни́телю;
ра́дуйся, послуша́ния и смире́ния до́брый рачи́телю.
Ра́дуйся, храни́телю ста́рческих повеле́ний;
ра́дуйся, соприча́стниче та́йных открове́ний.
Ра́дуйся, сподви́жниче живу́щим во И́мя Святы́я Тро́ицы;
ра́дуйся, досто́йный зри́телю явле́ния Пресвяты́я Богоро́дицы.
Ра́дуйся, Михе́е, де́лателю смиренному́дрый.

Песнь 7

Ирмос: Богопроти́вное веле́ние беззако́ннующаго мучи́теля
высо́к пла́мень вознесло́ есть,
Христо́с же простре́ Богочести́вым отроко́м ро́су духо́вную,
Сый благослове́н и препросла́влен.

Припев: Преподо́бне о́тче Михéе, моли́ Бо́га о на́с.

Христу́ себе́ сочета́в, кро́тостию, терпе́нием и повинове́нием
ум прего́рдый Боже́ственным смире́нием смири́л еси́, поя́ при́сно:
благослове́н Бог оте́ц на́ших.

Припев: Преподо́бне о́тче Михéе, моли́ Бо́га о на́с.

В пусты́ни тружда́яся,
я́ко крин, прозя́бл еси́, доброде́тельми укра́шен,
красне́йшее прозябе́ние, о́тче Михе́е, поя́ Бо́гу в души́ твое́й:
благослове́н еси́, Го́споди, во ве́ки.

Сла́ва Отцу́ и Сы́ну и Свято́му Ду́ху.

А́нгелом земны́м в дому́ Живонача́льныя Тро́ицы подража́я, жи́тельствовав,
Небе́сный челове́к сотвори́лся еси́,
и ны́не на Небесе́х лику́еши со А́нгелы во ве́ки.

И ны́не и при́сно и во ве́ки веко́в. Ами́нь.

Богородичен: Лю́бящая ме́сто сие́, Ма́ти Бо́жия, Препросла́вленная,
угаси́ пещь страсте́й на́ших милосе́рдием Твои́м,
да воспева́ем Тя во ве́ки со избра́нники Твои́ми.

Песнь 8

Ирмос: Пещь иногда́ о́гненная в Вавило́не де́йства разделя́ше,
Бо́жиим веле́нием халде́и опаля́ющая,
ве́рныя же ороша́ющая, пою́щия:
благослови́те, вся дела́ Госпо́дня, Го́спода.

Припев: Преподо́бне о́тче Михéе, моли́ Бо́га о на́с.

Уклони́лся еси́, о́тче досточу́дне, от зле веду́щих к поги́бели,
к стезя́м же Боже́ственным прилепи́лся еси́
и ду́шу твою́ Христу́ пре́дал еси́,
да ца́рствуеши с Ним во ве́ки.

Припев: Преподо́бне о́тче Михéе, моли́ Бо́га о на́с.

От земли́ на Не́бо ду́хом пресели́лся еси́, о́тче,
те́ло же твое́ рука́ми учи́теля в земли́ погребе́ся.
Ны́не же со святы́ми лику́ет дух твой, взыва́я:
благослове́н еси́, Го́споди Бо́же, во ве́ки.

Сла́ва Отцу́ и Сы́ну и Свято́му Ду́ху.

Святу́ю Тро́ицу чествова́ти научи́лся еси́ от учи́теля твоего́ Се́ргия преподо́бнаго,
те́мже и Бог вас превознесе́ и дарова́ честь,
е́же со А́нгелы и все́ми святы́ми сла́вити Его́ во ве́ки.

И ны́не и при́сно и во ве́ки веко́в. Ами́нь.

Богородичен: Есть вои́стинну сей святы́й день,
в о́ньже собра́ нас Ма́терь Бо́жия просла́вити по́двиги преподо́бных оте́ц, зде просия́вших,
и́хже па́мять пребыва́ет во ве́ки.

Песнь 9

Ирмос: Безнача́льна Роди́теля Сын, Бог и Госпо́дь,
вопло́щся от Де́вы, нам яви́ся,
омраче́нная просвети́ти, собра́ти расточе́нная.
Тем Всепе́тую Богоро́дицу велича́ем.

Припев: Преподо́бне о́тче Михéе, моли́ Бо́га о на́с.

Рече́ Госпо́дь:
прославля́ющаго Мя просла́влю.
Вои́стинну сбы́шася словеса́ сия́,
та́ко бо просла́ви Госпо́дь преподо́бнаго Се́ргия
и учени́к его́ мно́жество в земли́ Росси́йстей,
я́ко и до днесь сла́ва их зри́тся.

Припев: Преподо́бне о́тче Михéе, моли́ Бо́га о на́с.

Добр учи́тель, и добри́ суть ученицы́ его́:
приснопа́мятный Ни́кон, прия́вший бре́мя оте́ческое, и Михе́й смире́нный,
Иа́ков Яку́та и Васи́лий, пре́жде всех прише́дый,
Они́сим диа́кон и Елиссе́й, до́бре подвиза́вшияся.

Сла́ва Отцу́ и Сы́ну и Свято́му Ду́ху.

Ца́рствовати и́мут с ни́ми и Митрофа́н игу́мен,
Си́мон же архимандри́т, и друго́й Си́мон,
Исаа́кий и Мака́рий, зри́тели А́нгела,
Илия́, Игна́тий и Иоанни́кий пресла́внии,
Алекса́ндр и Андре́й во́ини и Епифа́ний Прему́дрый.

И ны́не и при́сно и во ве́ки веко́в. Ами́нь.

Богородичен: А́нгелов Цари́цу и мона́шескаго чи́на а́нгельскаго Влады́чицу,
прииди́те вси, восхва́лим и поклони́мся Ей,
Та бо нело́жно обеща́ся бы́ти неотсту́пна ме́ста сего́ до сконча́ния ве́ка.

Светилен

Свет Христо́в всели́ся в тя, Михе́е преподо́бне,
да, предугото́вав чистото́ю жи́зни ду́шу твою́,
у́зриши свет Небе́сный в посеще́нии Богома́тери и не у́мреши.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Сла́дость А́нгелов, преподо́бных ра́дование,
христиа́н всех Предста́тельнице, Де́во Ма́ти Госпо́дня,
заступи́ нас и изба́ви ве́чных мук.