Святитель Епифа́ний, епископ Кипрский

Житие святителя Епифания Кипрского

Святитель Епифаний, епископ Кипрский, жил в IV веке в Финикии, по происхождению был еврей, в молодости получил хорошее образование. Он обратился к христианской вере после того, как увидел одного монаха, по имени Лукиан, отдавшего нищему свою одежду. Пораженный милосердием монаха, Епифаний просил наставить его в христианстве. Он принял Крещение и удалился в монастырь, устроенный его наставником Лукианом. В монастыре он подвизался под руководством опытного старца Илариона, занимался перепиской греческих книг, преуспевая в иноческой жизни. Святой Епифаний за свои подвиги сподобился дара чудотворений, но, чтобы избежать людской славы, он удалился из обители в пустыню Спанидрион. Там его захватили разбойники и три месяца держали в плену. Своим словом о покаянии святой привел одного из шайки разбойников к святой вере в Истинного Бога. Когда святого подвижника отпустили, с ним ушел и разбойник. Святой Епифаний привел его в свой монастырь и крестил с именем Иоанн. С тех пор он стал верным учеником святого Епифания и тщательно записывал жизнь и чудотворения своего наставника. Молва о праведной жизни святого Епифания распространялась далеко за пределы обители. Святой вторично удалился в пустыню вместе с Иоанном. Но и в пустыню к нему стали приходить ученики. Так возникла новая обитель. Через некоторое время святой Епифаний и Иоанн предприняли путешествие в Иерусалим для поклонения его святыням и оттуда возвратились в монастырь Спанидрион. Жители города Ликии послали к святому Епифанию инока Поливия передать их просьбу занять епископский престол вместо умершего архипастыря. Однако прозорливый подвижник, узнав об этом намерении, тайно удалился в Пафийскую пустыню к великому подвижнику Илариону (память 21 октября), под руководством которого он подвизался в молодые годы. Святые два месяца провели в совместных молитвах, а затем Иларион послал святого Епифания в Саламин. Там епископы собрались для избрания нового архиерея вместо недавно скончавшегося. Старейшему из них, епископу Паппию, Господь открыл, что епископом следует избрать пришедшего в город инока Епифания. Когда Епифания нашли, святой Паппий ввел его в церковь, где по послушанию воле участников собора Епифаний должен был дать свое согласие. Так состоялось возведение на епископскую кафедру Саламина святого Епифания около 367 года.

Святитель Епифаний прославился на архиерейской кафедре великой ревностью о вере, любовью и милосердием к бедным, простотой нрава. Он много претерпел от клеветы и зависти некоторых из своих клириков. За чистоту своей жизни святитель Епифаний получил дарование видеть во время Божественной литургии наитие Святого Духа на Святые Дары. Однажды святитель, совершая Таинство, был лишен этого видения. Тогда он подозвал одного из клириков и тихо сказал ему: "Выйди, сын мой, ибо ты сегодня недостоин присутствовать при совершении Таинства".

На этом событии прервались записи его ученика Иоанна, так как он заболел и скончался. Дальнейшее описание жизни святителя Епифания продолжил второй его ученик Полувий (впоследствии епископ Ринокирский).

В конце жизни святителя Епифания по проискам императрицы Евдоксии и Александрийского патриарха Феофила вызвали в Константинополь на собор, который был созван для суда над великим святителем Иоанном Златоустом. Но святитель Епифаний, не желая быть участником беззаконного собора, покинул Константинополь. Во время плавания на корабле святитель почувствовал приближение своей смерти, он преподал своим ученикам последнее наставление – соблюдать заповеди Божии и хранить ум от нечистых помыслов – и через двое суток скончался. Жители города Саламина с рыданиями встретили тело своего архипастыря и 12 мая 403 года с честью погребли в новой церкви, возведенной Святителем.

Седьмой Вселенский Собор наименовал святителя Епифания отцом и учителем Церкви. В творениях святителя Епифания "Панарий" и "Анкорат" содержится опровержение арианской и других ересей. В других сочинениях встречается много драгоценных церковно-исторических преданий и указаний на греческие переводы Библии.

Тропарь, глас 4

Бо́же оте́ц на́ших,
творя́й при́сно с на́ми по Твое́й кро́тости,
не отста́ви ми́лость Твою́ от нас,
но моли́твами их

в ми́ре упра́ви живо́т наш.

Кондак, глас 4

Священнонача́льник чу́дную дво́ицу восхва́лим, ве́рнии, по до́лгу,
с Ге́рманом Боже́ственнаго Епифа́ния:
си́и бо попали́ша безбо́жных язы́ки,
догма́ты прему́дрейшия возло́жше всем,

правосла́вно пою́щим при́сно благоче́стия вели́кое та́инство.

Канон святителю Епифанию Кипрскому

Минея, 12 Мая.

Глас 1

Песнь 1

Ирмос: Твоя́ победительная десни́ца
боголе́пно в кре́пости просла́вися:
та бо, Безсме́ртне,
я́ко всемогу́щая, проти́вныя сотре́,
изра́ильтяном путь глубины́ новосоде́лавшая.

Припев: Святи́телю о́тче Епифа́ние, моли́ Бо́га о на́с.

Во уго́днем ве́рою пожи́в зако́не писа́ний, Влады́чний подъя́л еси́ яре́м,
украси́вся же, пребога́те, свети́льник показа́лся еси́,
земны́я просвеща́я концы́.

Припев: Святи́телю о́тче Епифа́ние, моли́ Бо́га о на́с.

Жела́нием Боже́ственнаго зако́на объя́т быв
и непра́веднаго разсуди́в пра́ведное, о́тче Епифа́ние,
обра́зно прия́л еси́ спаси́тельную ве́ру Тро́йческую,
я́коже от Боже́ственнаго проразуме́ния.

Сла́ва Отцу́ и Сы́ну и Свято́му Ду́ху.

Цели́тель пло́ти же и души́, богови́ден бысть тебе́ челове́к,
подъяре́мником твои́м страстно́е уби́л есть стремле́ние,
и исцели́ души́ неве́рное мудрова́ние.

И ны́не и при́сно и во ве́ки веко́в. Ами́нь.

Богородичен: Весь о́браз мой прие́м, И́же во о́бразе Бо́жии пе́рвее зри́мый,
весь обнови́л есть, во Твою́ утро́бу боголе́пно все́лься, Чи́стая.
Те́мже Богоро́дицу ве́рою Тя вси сла́вим.

Песнь 3

Ирмос: Еди́не, ве́дый челове́ческаго существа́ не́мощь
и ми́лостивно в не вообра́жся,
препоя́ши мя с высоты́ си́лою,
е́же вопи́ти Тебе́, Святы́й,
одушевле́нный хра́ме неизрече́нныя славы Твоея́, Человеколю́бче.

Припев: Святи́телю о́тче Епифа́ние, моли́ Бо́га о на́с.

Черну́ оде́жду ви́дев пода́вшаго, проси́вшу ми́лости, теле́сныма очи́ма,
све́тлою же ри́зою оде́яна разу́мно узре́в,
Боже́ственною благода́тию просвети́лся еси́ к ве́ре непоро́чней.

Припев: Святи́телю о́тче Епифа́ние, моли́ Бо́га о на́с.

Слы́шав глаго́лы благочести́выя, ве́щи возгнуша́лся еси́ у́бо
и, житие́ возжела́в невеще́ственно, я́ко и кро́ви соприча́стну твое́й
и ра́зума прича́стну прии́м сестру́, яви́стася супру́га блаже́нная.

Сла́ва Отцу́ и Сы́ну и Свято́му Ду́ху.

Ме́ртвых помышле́ний отврати́вся, преблаже́нне Епифа́ние, возжела́л еси́ живо́му служи́ти Бо́гу
и к Боже́ственному хра́му ве́рно прите́кл еси́,
прие́м о́браз све́тлый, пребо́гате, ме́ртвых твои́х явля́я отпаде́ние.

И ны́не и при́сно и во ве́ки веко́в. Ами́нь.

Богородичен: Святы́х Свята́го Христа́ свя́то породила́ еси́,
Святы́ни свято́е селе́ние, во святы́х почива́ющаго, Ему́же вопие́м:
Свята́ Це́рковь одушевле́нная пречи́стыя сла́вы Твоея́, Человеколю́бче.

Седален, глас 8

Ног твои́х обу́щи, я́коже Моисе́й, во святе́м ме́сте отложи́в,
Боже́ственным та́йнам научи́лся еси́ духо́вным
и, воздержа́ния боле́зньми умертви́в те́ло твое́,
пресла́вных чуде́с тварь испо́лнил еси́.
Те́мже и Богодохнове́ннаго Писа́ния неизрече́нная всем благоразсуди́л еси́,
Богоно́се о́тче наш, святи́телю Епифа́ние,
моли́ Христа́ Бо́га согреше́ний оставле́ние дарова́ти
чту́щим любо́вию святу́ю па́мять твою́.

Песнь 4

Ирмос: Го́ру Тя, благода́тию Бо́жиею приосене́нную,
прозорли́выма Авваку́м усмотри́в очи́ма,
из Тебе́ изы́ти Изра́илеву провозглаша́ше Свято́му
во спасе́ние на́ше и обновле́ние.

Припев: Святи́телю о́тче Епифа́ние, моли́ Бо́га о на́с.

Моли́твенник, я́коже раб, присту́пль ко креще́нию, сыноположи́лся еси́ им
и насле́дник и́стинен Бо́жий, Епифа́ние, и Христу́ снасле́дник был еси́,
боголе́пно Тому́ пожи́в.

Припев: Святи́телю о́тче Епифа́ние, моли́ Бо́га о на́с.

Зрит твое́ многоукра́шено лице́
и неизрече́нною Па́стырь сла́вою и венце́м благоле́пным сла́вную главу́ твою́
па́че естества́ венча́ну, сла́вне, чи́стаго твоего́ се́рдца о́бразы.

Припев: Святи́телю о́тче Епифа́ние, моли́ Бо́га о на́с.

Был еси́ прия́телище Боже́ственныя благода́ти, преподо́бне,
и расточи́л еси́ мудре бога́тство вре́менное Христу́,
и, име́нием Небе́сным обога́щся, некра́домое сокры́л еси́,
я́коже разу́мный суди́я, Епифа́ние.

Сла́ва Отцу́ и Сы́ну и Свято́му Ду́ху.

Ю́ных отве́ргл еси́ в ю́ности мудрова́ние,
укре́пль же ся ста́рческими от му́дрых и разу́мных, стра́хом, блаже́нне, Боже́ственным,
поуче́нием слове́с духо́вных рачи́тель прему́дрости был еси́.

И ны́не и при́сно и во ве́ки веко́в. Ами́нь.

Богородичен: Святы́х Свята́я Богоро́дице Всепе́тая, ча́яние язы́ков и спасе́ние ве́рных,
из Тебе́ возсия́ Изба́витель, и Жизнода́вец, и Госпо́дь,
Его́же моли́ спасти́ся рабо́м Твои́м.

Песнь 5

Ирмос: Просвети́вый сия́нием прише́ствия Твоего́, Христе́,
и освети́вый Кресто́м Твои́м ми́ра концы́,
сердца́ просвети́ све́том Твоего́ Богоразу́мия
правосла́вно по́ющих Тя.

Припев: Святи́телю о́тче Епифа́ние, моли́ Бо́га о на́с.

Преподо́бно твое́ чре́во хле́бом и водо́ю утесни́л еси́,
я́ко ва́риво име́в соль,
и стра́сти удержа́л еси́ пло́ти, во пло́ти житию́ Безпло́тных подо́бяся.

Припев: Святи́телю о́тче Епифа́ние, моли́ Бо́га о на́с.

Уще́дрил еси́ та́ющих в жа́жди зно́я и зной премени́л еси́,
боголе́пно зна́мения начиная́, я́ко служи́тель изря́ден,
твоему́ подо́бяся Влады́це, ви́но в во́ду преложи́л еси́, блаже́нне.

Сла́ва Отцу́ и Сы́ну и Свято́му Ду́ху.

Избе́гл еси́ тщи́я челове́к сла́вы
и в пусты́ню, я́коже твой Влады́ка, всели́лся еси́,
искуше́нии, му́дре, Влады́чними к боре́нию неви́димых неможе́ние твое́ укрепля́я.

И ны́не и при́сно и во ве́ки веко́в. Ами́нь.

Богородичен: Сло́во Боже́ственное сло́вом во утро́бе вмести́ла еси́ па́че сло́ва, Богоро́дице,
Того́ у́бо моли́ от бесслове́сных дея́ний и сласте́й смертоно́сных
свободи́ти рабы́ Твоя́.

Песнь 6

Ирмос: Обы́де нас после́дняя бе́здна,
несть избавля́яй,
вмени́хомся, я́ко о́вцы заколе́ния,
спаси́ лю́ди Твоя́, Бо́же наш,
Ты бо кре́пость немощству́ющих и исправле́ние.

Припев: Святи́телю о́тче Епифа́ние, моли́ Бо́га о на́с.

Бесо́встии тя подо́бницы окружи́вше, ага́рянстии вну́чата,
Влады́це же подо́бяся твоему́, супроти́вящагося возблагоде́тельствовал еси́
и све́тло показа́л еси́, о́тче, друго́е о́ко.

Припев: Святи́телю о́тче Епифа́ние, моли́ Бо́га о на́с.

Соде́тель твой, в тебе́ почи́вый, Ду́ха тя орга́н
и Бо́га, я́коже Моисе́я, фарао́ну показа́, ара́вским жили́щем:
вои́стинну бо яви́лся еси́, о́бразу Сего́ подо́бяся.

Сла́ва Отцу́ и Сы́ну и Свято́му Ду́ху.

Сотрясе́ ассири́йскаго царя́, дух гоня́щаго,
бысть же ве́стник твое́й, о́тче, доброде́тели и Боже́ственныя благода́ти,
и́бо того́ весть сла́вити Бог сла́вящия.

И ны́не и при́сно и во ве́ки веко́в. Ами́нь.

Богородичен: Веселя́тся о Тебе́, Де́во Пречи́стая, ро́да на́шего пра́отцы,
Еде́м восприе́мше Тобо́ю, его́же преступле́нием погуби́ша:
Ты бо Чиста́ и пре́жде рождества́, и по рождестве́ еси́.

Кондак, глас 4

Священнонача́льник чу́дную дво́ицу восхва́лим, ве́рнии, по до́лгу,
с Ге́рманом Боже́ственнаго Епифа́ния:
си́и бо попали́ша безбо́жных язы́ки,
догма́ты прему́дрейшия возло́жше всем,
правосла́вно пою́щим при́сно благоче́стия вели́кое та́инство.

Икос

Я́ко свяще́нных добро́ту и сла́ву правосла́вных,
дво́ицу святу́ю почти́м досто́йно:
си́и бо яви́шася нам столпи́ утвержде́ния
на враги́ неви́димыя и ви́димыя всегда́,
ве́ры же столпи́ непрекло́ннии и Це́ркве украше́ние красно́.
Его́же нося́щи, пра́во исправля́ет, у́мно вопию́щи:
возвесели́ся во мне дух мой вои́стинну,
оде́жду мою́, я́коже пре́жде, восприе́мши, ю́же еретицы́ растерза́ша,
не пою́ще благоче́стия вели́кое та́инство.

Песнь 7

Ирмос: Тебе́, у́мную, Богоро́дице, пещь
разсмотря́ем, ве́рнии:
я́коже бо о́троки спасе́ три превозноси́мый,
мир обнови́, во чре́ве Твое́м всеце́л,
хва́льный отце́в Бог и препросла́влен.

Припев: Святи́телю о́тче Епифа́ние, моли́ Бо́га о на́с.

От Боже́ственныя десни́цы прие́м чуде́с дар,
прося́щим у тебе́ ту́не, о́тче, исцеле́ния всем разда́л еси́,
я́коже Влады́ка тебе́ повеле́,
хва́льный отце́в Бог и препросла́влен.

Припев: Святи́телю о́тче Епифа́ние, моли́ Бо́га о на́с.

Па́дает, на ногу́ твое́ю валя́яся, ассири́йский царь,
стыде́тися бо доброде́тели весть и сопоста́т.
Вся́каго же покаря́ет Еди́ный, во святы́х почива́я, хва́льный отце́в Бог и препросла́влен.

Припев: Святи́телю о́тче Епифа́ние, моли́ Бо́га о на́с.

Сло́во молчи́т, исправле́ния твоя́ и чуде́с мно́жество ника́коже возмо́же сказа́ти, всеблаже́нне:
песка́ бо премину́ет, е́же Христо́с тебе́ дарова́,
хва́льный отце́в Бог и препросла́влен.

Сла́ва Отцу́ и Сы́ну и Свято́му Ду́ху.

Троичен: Трисве́тлая Еди́нице, неоску́дный безме́рныя бе́здны Све́те,
назира́еши Твоя́ певцы́:
превозноси́мый Безнача́льный О́тче, и Сы́не Собезнача́льный, и Ду́ше Соприсносу́щный,
хва́льный отце́в Бог и препросла́влен.

И ны́не и при́сно и во ве́ки веко́в. Ами́нь.

Богородичен: Ты, Исто́чник жи́зни ро́ждши,
умерщвле́на мя лю́те бесо́вскими наведе́нии,
Чи́стая Всенепоро́чная, оживи́ моли́твами Твои́ми,
Твоему́ Сы́ну воспева́юща:
хва́льный отце́в Бог и препросла́влен.

Песнь 8

Ирмос: В пещи́ о́троцы Изра́илевы,
я́коже в горни́ле,
добро́тою благоче́стия чисте́е зла́та блеща́хуся, глаго́люще:
благослови́те, вся дела́ Госпо́дня, Го́спода,
по́йте и превозноси́те во вся ве́ки.

Припев: Святи́телю о́тче Епифа́ние, моли́ Бо́га о на́с.

Ты сло́вом обличи́л еси́ му́дре ересе́й пре́лесть
и сия́нием благоче́стия отгна́л еси́ ту́ю, вопия́, Епифа́ние:
благослови́те, вся дела́ Госпо́дня, Го́спода,
по́йте и превозноси́те во вся ве́ки.

Припев: Святи́телю о́тче Епифа́ние, моли́ Бо́га о на́с.

На престо́л возне́сся высо́к, над страстьми́ бо ца́рствовал еси́, плоть же удержа́в,
ты упа́сл еси́ Христо́во ста́до, зовы́й:
благослови́те, вся дела́ Госпо́дня, Го́спода,
по́йте и превозноси́те во вся ве́ки.

Припев: Святи́телю о́тче Епифа́ние, моли́ Бо́га о на́с.

Да лику́ет вся́ко мы́сленное и слове́сное существо́
в па́мять святи́теля и уго́дника Христо́ва, ве́рно зову́щее:
благослови́те, вся дела́ Госпо́дня, Го́спода,
по́йте и превозноси́те во вся ве́ки.

Сла́ва Отцу́ и Сы́ну и Свято́му Ду́ху.

Богоуго́дно ты богосло́вив, я́ко основа́ние уче́ний
всем богосло́вие оста́вил еси́ твое́, и́мже, о́тче, пое́м:
благослови́те, вся дела́ Госпо́дня, Го́спода,
по́йте и превозноси́те во вся ве́ки.

И ны́не и при́сно и во ве́ки веко́в. Ами́нь.

Богородичен: Ра́дуйся, престо́ле сла́вный Бо́жий,
ра́дуйся, ве́рных стено́,
е́юже свет су́щим во тьме возсия́, Христо́с.
И, Тя блажа́ще, вопие́м:
вся дела́, Де́ву благослови́те и славосло́вите пречи́стое Ея́ Рождество́.

Песнь 9

Ирмос: О́браз чи́стаго Рождества́ Твоего́
огнепали́мая купина́ показа́ неопа́льная,
и ны́не на нас напа́стей свире́пеющую угаси́ти мо́лимся пещь,
да Тя, Богоро́дице,
непреста́нно велича́ем.

Припев: Святи́телю о́тче Епифа́ние, моли́ Бо́га о на́с.

Преде́л де́тели житие́ твое́ и виде́ния Божественнаго, о́тче,
словеса́ твоя́ богому́дрым вои́стинну лю́дем оста́вися, Епифа́ние блаже́нне сла́вне.
Те́мже тя по достоя́нию, восхваля́юще, велича́ем.

Припев: Святи́телю о́тче Епифа́ние, моли́ Бо́га о на́с.

Неве́сте Христо́ве предста́, Це́ркви, сла́вне Епифа́ние,
и ути́ши я́же на Ню воздви́женую, моли́твами твои́ми, свере́пую бу́рю,
я́ко име́я дерзнове́ние ко Влады́це и Человеколю́бцу.

Сла́ва Отцу́ и Сы́ну и Свято́му Ду́ху.

Троичен: Царю́ царе́й, Свята́я Единонача́льная Тро́ице, все́ми влады́чествующая,
пою́щим Тя согреше́ний проще́ние и жити́я всего́ устрое́ние
неотъе́млемо пода́ждь Епифа́ния моли́твами.

И ны́не и при́сно и во ве́ки веко́в. Ами́нь.

Богородичен: О, па́че ума́ чуде́с Твои́х!
Бо́жие бо Сло́во, плоть бы́вшее, еди́на родила́ еси́ нам па́че естества́, Ма́ти Де́во,
вся́ческая Боже́ственною во́лею я́ве содержа́ща,
Его́же о всех умоли́.

Светилен

Прииди́те, ве́рнии, почти́м Боже́ственное и всесвяще́нное иера́рхов совокупле́ние,
в пе́ниих пе́сненных Боже́ственнаго Епифа́ния и Ге́рмана,
разори́вшия ересе́й омраче́ние и благоче́стия заре́ю просве́щшия всю тварь.