Святитель Иса́ия, епископ Ростовский

Ученик преподобного Феодосия Печерского, основатель Димитриевского монастыря в Киеве. В 1078 году поставлен епископом Ростовским. Ревностно искоренял язычество, строил храмы, заботился о бедных. Участвовал в освящении Успенского собора Киево-Печерской Лавры (1089). Скончался 15 мая 1090 года. Мощи почивают в Ростовском Успенском соборе.

Краткое житие святителя Исаии, епископа Ростовского

Родился под Киевом, в молодости принял постриг в Киево-Печерском монастыре при преподобном Феодосии († 1074 г.; память 3/16 мая). В 1065 г. за добродетельную жизнь по желанию великого князя Изяслава был поставлен игуменом Дмитриевского монастыря. В 1078 г. св. Исаия был рукоположен во епископа города Ростова, где тогда еще много было язычников. Ревностно трудился святитель, насаждая православие среди жителей своей обширной епархии, построил в Ростове собор в честь Успения Пресвятой Богородицы.

Господь прославил Своего угодника, совершая через него знамения и чудотворения: в 1089 г. «облаком носимый, якоже древле апостолы», Исаия присутствовал при освящении «небеси подобной» церкви Успения Богоматери в Киево-Печерском монастыре. Скончался 15 мая 1090 г. Нетленные мощи святителя были обретены в 1164 г.

Полное житие святителя Исаии, епископа Ростовского

Святитель Исаия родился недалеко от Киева в семье благочестивых родителей и был воспитан в православной вере. В юные годы он оставил суетность мира и пришел в Киево-Печерский монастырь, где был пострижен преподобным Феодосием в монашество. Испытывая горячую любовь к Спасителю, молодой инок жил в строгих и суровых подвигах поста и молитвы. При этом он был кроток, смиренен, послушлив, нестяжателен, братолюбив, воздержанием и терпением умерщвлял плотские страсти. И благодаря добродетелям мудрости, духовного мужества и целомудрия, помня слова древнего старца: «Крепость в человеке зависит не от природы человека, которая подвержена переменам, но от решительного намерения, укрепленного помощью Божией», он постоянно духом возносился к горнему Иерусалиму.

Слава о подвигах юного Исаии скоро распространилась за пределы обители. И когда скончался Варлаам, первый игумен монастыря, построенного на княжеском дворе во имя св. великомученика Димитрия, то Киевский великий князь Изяслав Ярославич просил себе, как великий дар, у блаженного Феодосия Исаию в настоятели обители. И в 1065 году, по благословению преподобного Феодосия, святой Исаия был возведен в игумены. Блаженный, приняв этот высокий сан, был благоискусным для братии наставником и добрым пастырем словесного стада. Став игуменом, он помышляя всегда о Господе, продолжал пребывать в смирении, молитвенном и телесном труде. Видя у себя в монастыре такого святого мужа, князь Изяслав радовался духом и благодарил Господа и преподобного Феодосия, благословившего Исаию на игуменство в монастыре св. Димитрия. Преподобный Исаия, как преуспевший в благочестии и исполненный Божественной благодати, принимал участие в 1078 году в соборной молитве Печерских старцев о прельщенном бесом подвижнике Никите (впоследствии епископе Новгородском). Но для великого светильника после подвига настоятельства в обители, и после десятилетнего игуменства предстояло апостольское служение. В том же 1078 году после смерти святителя Леонтия, епископа Ростовского, святой Исаия был возведен на Ростовскую епископскую кафедру. В то время Ростовская епархия занимала обширное пространство. В нее входили Ярославская, Владимирская, Нижегородская, Костромская, Вологодская и частично Московская, Тверская, Олонецкая земли. Языческие народы этого края были подвержены множеству суеверий, кровавых обычаев, гаданий и чародейств. Много потрудился добрый пастырь Леонтий для просвещения области Ростовской, но еще много нашел там язычников доблестный его преемник. Поэтому святитель Исаия, сказано в древнем житии его, «найдя людей новопросвещенных, еще не утвердившихся в вере, усердно напоял их учением своим». Он с миссией апостольской проповеди о Христе Иисусе обходил Ростово-Ярославские пределы, всюду «идольскую лесть попаляя» и бесстрашно сжигая языческих кумиров. Елицы во Христа крестистеся, во Христа облекостеся (Гал.3:27), – произносил святитель, умоляя христоименитое стадо свое быть крепким в вере и в жизни подражать Христу.

В одной стихире прекрасно выражен дух служения св. Исаии: «Что тя наречем, святителю? Ангела, яко безплотен на земли пожил еси, апостола, яко научил еси благоверию российския концы, мученика же, яко Христа ради до смерти подвизался еси, обращая люди от тьмы нечестия и приводя их на пажить богоразумия».

Утешением святителя Исаии было участие в его служении великого князя Владимира Мономаха. На средства великого князя был построен в Ростове Великом собор в честь Успения Пресвятой Богородицы, в котором была поставлена чудотворная икона, написанная преподобным Алипием Киево-Печерским (память 17/30 августа). Святитель Христов Исаия с любовью относился к бедным, нищим и всем нуждавшимся. Господь прославлял Своего угодника, совершая через него многие знамения и чудеса.

При благочестивой державе великого князя киевского Всеволода Ярославича, когда настало время освящения великой соборной церкви Киево-Печерской обители, скорбен был митрополит Иоанн, что не успел собрать на торжество сие боголюбивых епископов по дальнему расстоянию их кафедр. Но благочестивое его желание исполнили Ангелы Божии, посылаемые на службу человекам для их спасения. И сему блаженному Исаии предстал в образе юношеском светлый Ангел и возвестил о дне освящения храма. Немедленно собрался в путь боголюбивый епископ и был участником духовного торжества, споспешествуемый силою свыше, для которой нет времени и пространства. Сам он, дивясь чудному своему странствию, поведал о том митрополиту всея Руси Иоанну, говоря, что не смел ослушаться повеления его и не прийти на освящение храма. Изумился первосвятитель сему таинственному зову, ибо никого не успел послать для приглашения епископов; дивное сие странствование было плодом послушания и ревности к церкви Божией. Три епископа: Исаия Ростовский, Лука Белгородский, Иоанн Черниговский – были сослужителями митрополита Иоанна при освящении «небеси подобной» церкви Успения Пресвятой Богородицы 14 августа 1089 года, и с радостью духовной возвратился Исаия к своей пастве, которая приняла его с великим торжеством, как присного отца своего.

Не более года после того пас свою паству Ростовскую святитель Исаия. Он скончался в мире в лето от Рождества Христова 1090, месяца мая 15 дня, после тринадцатилетнего епископства, посреди плача народного. И те же Ангелы, которые переносили его для освящения Печерской церкви, перенесли его душу в самые небеса в вечность.

В 1164 году святой благоверный князь Андрей Боголюбский заложил в Ростове Великом новый каменный храм вместо пострадавшего от пожара в 1160 году деревянного. При раскопке фундамента под южной стеной были обретены мощи святителя Исаии. Говорит древнее предание и летопись: «Нашли гроб блаженного Исаии, открыв его, увидели одежду и тело святителя нетленными и прославили Бога, Который благоволил прославить угодника Своего не только в жизни, но и по смерти; сколько лет прошло, а одежда и тело блаженного остались неприкосновенными для тления». Мощи святителя поставили тогда в церкви св. Иоанна, и так как каменный храм едва был окончен, как обрушился, то они перенесены в собор уже в 1231 году и положены с правой стороны в притворе.

Мощи св. Исаии в первый раз были обретены вместе с мощами св. Леонтия 23 мая 1164 года. И с того же времени, как видно из жития прп. Феодосия, «и тамо чтут его со святыми», народ чтил св. Исаию за святого.

Но с течением многих лет утратилась память о чудесах его, так что даже никогда не возжигали светильника над его гробом, никогда не приходил священник с фимиамом покадить над ним, ибо самый притвор всегда был заключен. Не подобало, однако, столь великому светильнику оставаться под спудом. По рукописному житию, «архиепископ соборной церкви, видя, что образ св. Исаии все почитают и поклоняются ему, а гроб его (в притворе собора) в небрежении, созывает 17 мая священников и касается чудоносного гроба пречудного отца – переносит его оттуда в 1474 году и полагает в новом гробе с честью, близ южных дверей, где и ныне он подает исцеление». Первым архиепископом Ростова был в 1390 году Феодор. И церковное почитание св. Исаии началось с 1474 года, со времени перенесения мощей в храм; к тому же времени относится и первое письменное изложение его жития. В 1722 году они были переложены в серебряную гробницу.

25 апреля 1920 года по постановлению X Ростовского уездного съезда советов, несмотря на протесты верующих, мощи св. Исаии вместе с мощами святителей Игнатия и Димитрия (Савича (Туптало)), прп. Авраамия Ростовского и прп. Евфросинии Полоцкой без облачений были выставлены в центре Успенского собора. Через неделю раки с мощами святых вернулись на свои места. Впоследствии мощи святителя находились в деревянной раке в закрытом Успенском соборе. В конце 80-х годов XX в. часть мощей была перевезена в Троице-Сергиеву лавру, часть передана Ярославскому и Ростовскому архиепископу Платону (Удовенко). В настоящее время честная глава св. Исаии хранится в Серапионовой палатке в лавре, а часть мощей почивает в ростовском Успенском соборе, в ковчеге, переданном 5 июня 1999 г. из епархиального управления Ярославским и Ростовским архиепископом Михеем (Хархаровым).

В «Иконописном подлиннике» приводится описание внешнего облика святого: «Иже во святых отец наш Исаия епископ, Ростовский чудотворец, подобием рус, брада аки Власиева, от ушей пошире, ризы святительския, саккос празеленый и омофор, на главе клобук белый, в руках Евангелие».

Тропарь, глас 4

Святи́телие прему́дрии,
па́ствы ва́шея учи́телие богопросвеще́ннии,
ве́ру ева́нгельскую в лю́дех преумно́жившии,
любве́ Небе́сныя на земли́ достоподража́тельнии о́брази,
лю́ди страны́ Росто́вския и Яросла́вския приобща́вшии спасе́нию,
служи́телие вои́стинну Бо́жии
и соприча́стницы апо́столов досто́йнии яви́лися есте́,
Лео́нтие священному́чениче, Иса́ие, Игна́тие, Иа́кове, Фео́доре
и златослове́сниче Росси́йский Дими́трие,
Христа́ Бо́га моли́те
о архиере́ех, на престо́ле ва́шем прее́мницех,
о лю́дех, благоче́стно вас почита́ющих,
о стране́ на́шей правосла́вней

и о всей Христо́вей Це́ркви.

Тропарь, глас 8 Правосла́вия наста́вниче,/ благоче́стия учи́телю и чистоты́,/ Росто́ву пресве́тлый свети́льниче,/ святи́телем Богодохнове́нное удобре́ние,/ Иса́ие прему́дре,/ уче́нием бо твои́м вся Росси́йския концы́ просвети́л еси́ благода́тию духо́вною,/ святи́телю блаже́нне,// моли́ Христа́ Бо́га, да спасе́т ду́ши на́ша. Тропарь, глас 4 Апо́стольским преда́нием, истинней ве́ре пропове́дницы,/ и от тьмы к све́ту Богоразу́мия челове́ком наста́вницы,/ и за ны к Бо́гу моле́бницы,/ на Небе́сная любо́вь возложи́сте к Лю́бящему вы./ И ны́не на Небеси́ со А́нгелы и со все́ми святы́ми ликовству́юще/ у Престо́ла сла́вы всех Царя́, Христа́ Бо́га на́шего,/ святи́и чудотво́рцы Лео́нтие, и Иса́ие, и Игна́тие,/ моли́те дарова́ти стране́ на́шей мир,/ на враги́ одоле́ние,/ Це́ркви единомы́слие// и душа́м на́шим ве́лию ми́лость. Ин тропарь, глас 2 В и́ноцех святы́я Ла́вры Пече́рския/ благоиску́сен показа́выйся/ и во архиере́йстем са́не добр па́стырь/ своему́ ста́ду, Боголюбе́зне Иса́ие, бы́вый,/ моли́ о нас Пастыренача́льника Христа́ Бо́га// да поми́лует и спасе́т ду́ши на́ша.

Кондак, глас 8

Я́ко во вселе́нней трие́ вели́цыи святи́телие,
бы́сте вы благоче́стием и доброде́телию наста́вницы Росто́ву
и, благове́рием прии́мше па́ству, ста́до Христо́во упасо́сте
и ве́чный поко́й насле́довасте.
Мо́лим вас, святи́и чудотво́рцы,
пода́ти доброде́телем исправле́ние,
и боле́знем на́шим исцеле́ние, и собла́зном избавле́ние,
и душа́м спасе́ние, да зове́м вам:

ра́дуйтеся, гра́ду на́шему Росто́ву похвала́ и утвержде́ние.

Кондак, глас 4 Но́ваго Заве́та Бо́га с челове́ки храни́телие,/ ева́нгельских за́поведей исполни́телие,/ в до́брых де́лех соверше́ннии,/ святи́телие му́дрии, преподо́бнии и пра́веднии Богоно́снии,/ зе́млю Росто́вскую и Яросла́вскую/ облагоуха́вшии моли́твами,/ имену́емии вси и неимену́емии,/ явле́ннии и сокрове́ннии,/ предстоя́ще Живонача́льней Тро́ице,/ не отступа́йте от нас ду́хом/ и Боже́ственное милосе́рдие преклони́те к нам,/ да с дерзнове́нием сла́ву Вы́шних Бо́гу вси прино́сим,/ да пребу́дет на земли́ мир неруши́мый,/ любо́вь же и благоволе́ние// посреде́ всех челове́к. Кондак, глас 3 Я́ко гром, возгреме́л еси́ Боже́ственными твои́ми уче́нии в Росси́йстей земли́/ и яви́лся еси́ свети́льник пресве́тел,/ осия́я све́том Богоразу́мия, Иса́ие блаже́нне./ Те́мже вопие́м ти́:// Христа́ Бо́га моли́ непреста́нно о всех нас. Ин кондак, глас 4 Своего́ епи́скопска са́на тезоиме́нство храня́,/ си́рых, вдови́ц и всех, зле стра́ждущих,/ сам собо́ю посеща́л еси́ любе́зне/ и, ми́лостынею дово́льне тех ущедря́я, я́ко оте́ц,/ сподо́бился еси́ А́нгелы на освяще́ние це́ркве Пече́рския, святи́телю Иса́ие,/ принесе́н бы́ти чу́дне,// с ни́миже моли́ся Го́сподеви о душа́х на́ших.

Канон святителю Исаие, епископу Ростовскому, чудотворцу

Минея, 15 Мая.

Глас 4

Песнь 1

Ирмос: Отве́рзу уста́ моя́,
и напо́лнятся Ду́ха,
и сло́во отры́гну Цари́це Ма́тери,
и явлю́ся, све́тло торжеству́я,
и воспою́, ра́дуяся, Тоя́ чудеса́.

Припев: Святи́телю о́тче Иса́ие, моли́ Бо́га о на́с.

Твоего́, Христе́, уго́дника, блаже́ннаго Иса́ию, пе́ти ми жела́ющу, моли́твами его́,
я́ко Бог, осия́ние Всесвята́го Ду́ха да́руй ми
и свет прему́дрости Твоея́,
да достойно воспою́ того́ чудеса́.

Припев: Святи́телю о́тче Иса́ие, моли́ Бо́га о на́с.

Прииди́те, ве́рнии, церко́внаго свети́льника, и столпа́ непоколеби́ма,
и правосла́вия учи́теля, и благоче́стия пропове́дника,
блаже́ннаго Иса́ию достохва́льными пе́сньми почти́м.

Сла́ва Отцу́ и Сы́ну и Свято́му Ду́ху.

Я́ко святи́тель ве́рен и па́стырь и́стинный Росто́вския Це́ркве быв
и слове́снаго ста́да Христо́ва,
но́вых люде́й неле́стный учи́тель яви́лся еси́, блаже́нне Иса́ие,
и́хже научи́л еси́ сла́вити Бо́жия вели́чия.

И ны́не и при́сно и во ве́ки веко́в. Ами́нь.

Богородичен: Ма́рию Чи́стую, прииди́те вси, воспое́м,
еди́ну, украси́вшую челове́чество и ро́ждшую Бо́га воплоще́нна,
Де́ву же пребы́вшую неврежде́нну.

Песнь 3

Ирмос: Твоя́ песносло́вцы, Богоро́дице,
живы́й и незави́стный исто́чниче,
лик Себе́ совоку́пльшия, духо́вно утверди́,
в Боже́ственней Твое́й сла́ве
венце́в сла́вы сподо́би.

Припев: Святи́телю о́тче Иса́ие, моли́ Бо́га о на́с.

Глаго́лы Боже́ственными, де́лы же и уче́нии пресла́вными
по всему́ уподо́бися пресла́вным апо́столом
и обтече́ всю Росси́йскую зе́млю, и́дольскую лесть попаля́я,
просвеща́я же ве́рных сердца́ благода́тию.

Припев: Святи́телю о́тче Иса́ие, моли́ Бо́га о на́с.

От младе́нства Христа́ вожделе́в,
кра́сная ми́ра сего́ вся уме́ты вмени́л еси́,
по апо́столу, о́тче, Вы́шних ища́,
Христо́вою же благода́тию святи́тельства сподо́бился еси́
и Росто́ву па́стырь но́вым лю́дем посыла́ешися, и́хже и научи́л еси́
и на Небесе́х венцы́ сла́вы восприя́л еси́.

Сла́ва Отцу́ и Сы́ну и Свято́му Ду́ху.

Свята́го Ду́ха благода́тию
и́дольское изоста́вшее нече́стие до конца́ потреби́л еси́ в Росси́йстей земли́,
побо́рник вои́стинну правосла́вия яви́вся кре́пкий.
Тем просвети́л еси́ твои́ми уче́нии Росси́йския концы́.

И ны́не и при́сно и во ве́ки веко́в. Ами́нь.

Богородичен: Пое́м, Де́во Богома́ти,
па́че естества́ рождество́ Твое́ и Твою́ нетле́нную чистоту́,
и́бо в Тебе́ во еди́но сочета́ся де́вство и рождество́.

Седален, глас 8

От мирски́я молвы́ избежа́в, и Христо́во и́го восприи́м,
и за́поведи соверши́в, па́стырь оби́тели быва́еши,
пото́м же и на святи́тельском седа́лищи сед,
богоуго́дно пожи́л еси́
и, лю́ди правосла́вию научи́в, на Небеса́ восте́кл еси́,
у престо́ла Вседержи́теля со А́нгелы предстоя́, святи́телю блаже́нне,
моли́ся о рабе́х твои́х.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: О Тебе́ ра́дуется, Благода́тная, вся́кая тварь,
а́нгельский собо́р и челове́ческий род,
освяще́нный хра́ме и раю́ слове́сный,
де́вственная похвало́, из Нея́же Бог воплоти́ся
и Младе́нец бысть пре́жде век сый Бог наш,
ложесна́ бо Твоя́ престо́л сотвори́ и чре́во Твое́ простра́ннее небе́с соде́ла.
О Тебе́ ра́дуется, Благода́тная, вся́кая тварь, сла́ва Тебе́.

Песнь 4

Ирмос: Седя́й в сла́ве на престо́ле Божества́
во о́блаце ле́гце,
прии́де Иису́с Пребоже́ственный,
Нетле́нною Дла́нию и спасе́ зову́щия:
сла́ва, Христе́, си́ле Твое́й.

Припев: Святи́телю о́тче Иса́ие, моли́ Бо́га о на́с.

Седя́ща во сла́ве Го́спода проро́к Иса́ия дре́вле узре́в
и от Серафи́ма клеща́ми угль прии́м, очи́стися.
Ты же, святи́телю, всегда́ Го́сподеви предстои́ши со мно́жеством Безпло́тных
и, Серафи́мом подо́бяся, я́коже клеща́ми, твои́ми рука́ми те́ло Христо́во прие́млеши
и ве́рным подае́ши, непреста́нно вопия́:
сла́ва си́ле Твое́й, Го́споди.

Припев: Святи́телю о́тче Иса́ие, моли́ Бо́га о на́с.

Любо́вию Бо́жиею па́че огня́ распала́емь, о́тче,
обходя́ гра́ды и ве́си в Росто́встей и Су́ждальстей о́бласти,
и́дольская ка́пища разоря́я, це́ркви же созида́я,
лю́ди научи́л еси́ пе́ти:
сла́ва си́ле Твое́й, Го́споди.

Сла́ва Отцу́ и Сы́ну и Свято́му Ду́ху.

Пресла́вный и чу́дный Лео́нтий, я́ко благоцвету́щ сад, насади́ росто́вския лю́ди,
просвети́в их святы́м Креще́нием.
Ты же, блаженне, до конца́ сих напои́л еси́ твои́м уче́нием
и ко Христу́, я́ко зрел плод, прине́сл еси́, с весе́лием вопия́:
сла́ва си́ле Твое́й, Го́споди.

И ны́не и при́сно и во ве́ки веко́в. Ами́нь.

Богородичен: От ма́терних пеле́н чи́сто житие́ име́л еси́, блаже́нне,
и сего́ ра́ди Пречи́стыя Богоро́дицы изря́дный служи́тель быв,
Сию́ возвели́чил еси́ в росси́йских страна́х и научи́л еси́ пе́ти:
сла́ва си́ле Твое́й, Пречи́стая.

Песнь 5

Ирмос: Ужасо́шася вся́ческая
о Боже́ственней сла́ве Твое́й:
Ты бо, Неискусобра́чная Де́во,
име́ла еси́ во утро́бе над все́ми Бо́га
и родила́ еси́ Безле́тнаго Сы́на,
всем воспева́ющим Тя
мир подава́ющая.

Припев: Святи́телю о́тче Иса́ие, моли́ Бо́га о на́с.

Удивля́ется святи́тель, князь же и вси лю́дие
ско́рому твоему́ прише́ствию ко освяще́нию Пречи́стыя це́ркве:
А́нгелом бо зван был еси́ и о́блаком носи́м,
я́коже дре́вле апо́столи, на успе́ние Бо́жия Ма́тере.
Те́мже тя всем воспева́ющим мир подава́еши.

Припев: Святи́телю о́тче Иса́ие, моли́ Бо́га о на́с.

Удиви́шася А́нгельстии чи́нове пресла́вному твоему́ житию́,
ка́ко в бре́ннем телеси́ безпло́тнаго врага́ победи́л еси́, блаже́нне,
и, возду́шными те́мными князьми́ не удержа́н быв,
престо́ла Христо́ва дости́гл еси́ к превы́шним силам,
и отту́ду мир нам подава́еши.

Сла́ва Отцу́ и Сы́ну и Свято́му Ду́ху.

Удивля́ются христоимени́тии лю́дие, егда́ обрето́ша пречестно́е твое́ те́ло,
е́же мно́гими ле́ты земле́ю покрове́но,
и яви́ся, я́коже златоза́рное со́лнце,
чуде́с лучи́ испуща́я и просвеща́я ве́рных сердца́,
и воспева́ющим Го́сподеви мир подава́еши.

И ны́не и при́сно и во ве́ки веко́в. Ами́нь.

Богородичен: Умилосе́рдися, Влады́чице, на непотре́бныя Твоя́ рабы́
и не преда́ждь нас в ру́це пога́ных грех ра́ди на́ших,
но моли́тв на́ших не пре́зри, во Твою́ це́рковь притека́ющим
и вопию́щим Ти, мир подаю́щи.

Песнь 6

Ирмос: Боже́ственное сие́ и всечестно́е
соверша́юще пра́зднество,
Богому́дрии, Богома́тере,
прииди́те, рука́ми воспле́щим,
от Нея́ ро́ждшагося Бо́га сла́вим.

Припев: Святи́телю о́тче Иса́ие, моли́ Бо́га о на́с.

Боже́ственною благода́тию укрепля́емь, апо́столом ревни́тель быв,
Росси́йския вся концы́ научи́л еси́ благоче́стию
и вся нечести́вая уче́ния до конца́ потреби́л еси́.
Те́мже твою́ па́мять све́тло пра́зднуем.

Припев: Святи́телю о́тче Иса́ие, моли́ Бо́га о на́с.

Гроб честна́го твоего́ телесе́ иногда́ в небреже́нии бысть,
и от святи́теля, твой престо́л держа́щаго и к тебе́ любо́вь показу́юща, отту́ду прено́сится,
я́вственно ны́не полага́ется, источа́ющий исцеле́ния всем.

Сла́ва Отцу́ и Сы́ну и Свято́му Ду́ху.

И́же всегда́ к ра́це моще́й твои́х приступа́юще,
любе́зно ту целу́ем и от души́ вопие́м ти:
святи́телю блаже́нне Иса́ие, моли́ся приле́жно за град и лю́ди,
и скорбь на́шу в ра́дость претвори́,
и грехо́в проще́ние испроси́.

И ны́не и при́сно и во ве́ки веко́в. Ами́нь.

Богородичен: Притеце́м, ве́рнии, в це́рковь Бо́жия Ма́тере
и, ве́рно моля́щеся, возопие́м Ей:
поми́луй, Влады́чице, Твое́ достоя́ние
и от враг изба́ви уго́дника Твоего́ Иса́ии моли́твами.

Кондак, глас 3

Я́ко гром, возгреме́л еси́ Боже́ственными твои́ми уче́нии в Росси́йстей земли́
и яви́лся еси́ свети́льник пресве́тел,
осия́я све́том Богоразу́мия, Иса́ие блаже́нне.
Те́мже вопие́м ти́:
Христа́ Бо́га моли́ непреста́нно о всех нас.

Икос

Прииди́те, богоизбра́ннии христоимени́тии собо́ри,
похва́лим ны́не и пе́сньми почти́м светоно́сную па́мять пречу́днаго отца́, блаже́ннаго Иса́ии,
апо́столом ра́внаго, благоче́стия пропове́дника,
наста́вника же и учи́теля росси́йскому язы́ку:
яви́ бо ся, я́ко свети́льник незаходи́мый, во тьме су́щим неве́дения,
и всех возводя́ к Боже́ственней высоте́,
и на па́житех зако́на живоно́снаго тех упасе́,
и исцеле́ний луча́ми всех просвеща́я.
Те́мже мо́лим тя ны́не:
облиста́й в сердца́ раб твои́х незаходи́мый свет ра́зума, Христо́в уго́дниче,
и моли́ непреста́нно о всех нас.

Песнь 7

Ирмос: Не послужи́ша тва́ри Богому́дрии,
па́че Созда́вшаго,
но о́гненное преще́ние му́жески попра́вше,
ра́довахуся, пою́ще:
препе́тый отце́в Госпо́дь и Бог, благослове́н еси́.

Припев: Святи́телю о́тче Иса́ие, моли́ Бо́га о на́с.

Не слу́жат ктому́ росси́йстии сы́нове тьме пре́лести,
но тобо́ю, о́тче, и́стинный Богоразу́мия свет позна́ша
и, непреста́нно ра́дующеся, ны́не Христу́ вопию́т:
благослове́н Бог оте́ц на́ших.

Припев: Святи́телю о́тче Иса́ие, моли́ Бо́га о на́с.

Пра́зднует Це́рковь че́стно твое́ преставле́ние:
житие́ бо благоче́стно на земли́ соверши́л еси́, чу́дне,
и плод стори́чествующий Влады́це твоему́ прине́сл еси́,
и от Него́ прия́л еси́ венцы́ сла́вы неизрече́нныя, непреста́нно вопия́:
благослове́н Бог оте́ц на́ших.

Сла́ва Отцу́ и Сы́ну и Свято́му Ду́ху.

И́же во искуше́ниих и ско́рбех су́щии,
к ра́це моще́й твои́х притека́юще, прие́млют честна́я исцеле́ния
от я́же в тебе́ Боже́ственныя благода́ти
и непреста́нно Христу́ вопию́т:
благослове́н Бог оте́ц на́ших.

И ны́не и при́сно и во ве́ки веко́в. Ами́нь.

Богородичен: Укрепи́, Влады́чице, сла́вящия Тя ве́рныя лю́ди на проти́вныя враги́,
я́ко Дави́да на Голиа́фа, да, веселя́щеся, вопие́м Ти:
ра́дуйся, покро́ве святы́й и Засту́пнице гра́ду на́шему.

Песнь 8

Ирмос: О́троки благочести́выя в пещи́
Рождество́ Богоро́дичо спасло́ есть,
тогда́ у́бо образу́емое,
ны́не же де́йствуемое,
вселе́нную всю воздвиза́ет пе́ти Тебе́:
Го́спода по́йте, дела́,
и превозноси́те Его́ во вся ве́ки.

Припев: Святи́телю о́тче Иса́ие, моли́ Бо́га о на́с.

Блаже́нную жизнь пожи́л еси́ в житии́ сый,
и со святи́тельскими ли́ки у престо́ла Христо́ва, ра́дуяся, предстои́ши,
Боже́ственное насле́див наслажде́ние, и непреста́нно вопие́ши:
Го́спода воспева́йте дела́, и превозноси́те Его́ во вся ве́ки.

Припев: Святи́телю о́тче Иса́ие, моли́ Бо́га о на́с.

Боже́ственнаго Ду́ха благода́ть име́я в души́ твое́й, блаже́нне Иса́ие,
обте́кл еси́ Росси́йскую зе́млю, я́ко мо́лния,
разсева́я Бо́жие сло́во во всех страна́х, просвеща́я всех и науча́я:
Го́спода воспева́йте дела́, и превозноси́те Его́ во вся ве́ки.

Сла́ва Отцу́ и Сы́ну и Свято́му Ду́ху.

Слове́сныя плоды́ Го́сподеви принося́, Иса́ие прему́дре,
озари́л еси́ твое́й па́стве свет Богоразу́мия,
и нечести́вая уста́ загради́л еси́ пра́щею Богодохнове́нных слове́с твои́х,
и я́сно всем пропове́дал еси́:
Го́спода воспева́йте дела́, и превозноси́те Его́ во вся ве́ки.

И ны́не и при́сно и во ве́ки веко́в. Ами́нь.

Богородичен: На благодея́ние челове́ком Сло́во воплоти́тися изво́ли,
де́вства бо врата́ про́йде я́ко Госпо́дь и Богоро́дицу показа́.
Тем зове́м:
Го́спода воспева́йте дела́, и превозноси́те Его́ во вся ве́ки.

Песнь 9

Ирмос: Всяк земноро́дный
да взыгра́ется, Ду́хом просвеща́емь,
да торжеству́ет же Безпло́тных умо́в естество́,
почита́ющее свяще́нное торжество́ Богома́тере,
и да вопие́т:
ра́дуйся, Всеблаже́нная Богоро́дице,
Чи́стая Присноде́во.

Припев: Святи́телю о́тче Иса́ие, моли́ Бо́га о на́с.

Кто мо́жет, блаже́нне, по достоя́нию тя восхвали́ти?
Исцеле́ния бо неоску́дно подава́еши приходя́щим к тебе́ с ве́рою и непреста́нно вопию́щим:
изба́ви, святи́телю, от вся́ких искуше́ний
и до конца́ неврежде́нных нас соблюди́.

Припев: Святи́телю о́тче Иса́ие, моли́ Бо́га о на́с.

О́крест стоя́ще ра́ки моще́й твои́х,
с любо́вию ту, припа́дающе, целу́ем и ве́рно ти вопие́м, блаже́нне:
поми́луй святи́теля, престо́л твой ны́не украша́ющаго,
и до конца́ его́ сохрани́ невреди́ма,
христолюби́вым лю́дем на сопроти́вныя побе́ды да́руй и на враги́ одоле́ние.

Сла́ва Отцу́ и Сы́ну и Свято́му Ду́ху.

Приими́ хвалу́ от раб недосто́йных, святи́телю Иса́ие,
и жития́ сего́ непостоя́нную пучи́ну да́руй нам немяте́жно прейти́,
и моли́тву о нас к Бо́гу сотвори́, че́стно почита́ющих твою́ па́мять,
и одержа́щих зол и жду́щих нас изба́ви, да во ве́ки тебе́ велича́ем.

И ны́не и при́сно и во ве́ки веко́в. Ами́нь.

Богородичен: Прииди́те, христоимени́тии лю́дие,
в честну́ю це́рковь Бо́жия Ма́тере
и, покло́ншеся пречу́дному Ея́ о́бразу и ру́це возде́вше, от се́рдца возопие́м:
поми́луй нас, Богоро́дице, недосто́йных раб Твои́х, и град наш,
в не́мже вели́кое Твое́ и многосла́вное и́мя велича́ется,
от всех злых свободи́ уго́дника Твоего́ Иса́ии моли́твами,
да во ве́ки Тебе велича́ем, Чи́стая.

Светилен

Я́коже пресве́тлая заря́ светоно́сна,
яви́ся днесь па́мять твоя́, святи́телю преблаже́нне Иса́ие,
предвозвеща́ющи нам пресве́тлаго со́лнца незаходи́мый свет,
пречу́днаго Лео́нтия светоно́сный пра́здник,
да моли́твами ва́шими прии́мем оставле́ние грехо́в.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Пощади́ мя, Го́споди, пощади́ мя, егда́ прии́деши суди́ти,
и не осуди́ мене́ во огнь, ни я́ростию же обличи́ мене́,
мо́лит Тя Де́ва Чи́стая, ро́ждшая Тя, Христе́,
и А́нгел мно́жество со проро́ки, и святи́тели, и му́ченики.