Православный Мир
Житие
Жития
Краткие жития благоверных князей Константина и сыновей его, Михаила и Феодора, Муромских чудотворцев
Князь Константин (Ярослав Святославич) был потомком равноапостольного князя Владимира. Он просил у своего отца, князя Святослава Черниговского, дать ему в удел город Муром, населенный язычниками, чтобы просветить эту страну светом христианской веры. Сына своего Михаила князь отправил к муромцам в качестве своего посланца, но язычники его убили. Когда князь Константин подошел к городу со своей дружиной, жители смирились и приняли его. Не принуждая язычников силой к принятию веры Христовой, князь не оставил, однако, мысли об их просвещении и прежде всего построил храм Благовещения на месте убиения своего сына, а вскоре и другую церковь, в честь свв. Бориса и Глеба. В то же время сам он не раз призывал к себе старейшин города и убеждал их переменить веру, с проповедью о Христе обращалось к муромцам и духовенство, прибывшее с князем.
Однажды толпа ярых язычников, недовольных князем, подступила к его дому, грозя князю смертью. Помолившись Богу, князь смело вышел к толпе бунтовщиков с иконой Богоматери. Это так поразило язычников, что они сами пожелали принять Крещение. Крещение муромцев было совершено торжественно, с теми же обрядами, как при св. Владимире в Киеве. В распространении Христовой веры блаженному князю Константину ревностно помогал его сын, князь Феодор. В 1129 г. князь Константин скончался и был погребен в церкви Благовещения рядом с сыновьями, блаженными Михаилом и Феодором.
Полные жития благоверных князей Константина и сыновей его, Михаила и Феодора, Муромских чудотворцев
Благоверный великий князь Константин Святославич происходил из рода великого князя Владимира, крестившего землю Русскую. Он хотел иметь своим уделом город Муром, населенный язычниками, чтобы просветить эту страну светом христианской веры. Родственник князя Константина, сын великого князя Владимира благоверный князь Глеб, которому назначен был во Владимире город Муром, употребил много усилий, чтобы овладеть им и склонить его жителей к принятию Святого Крещения, но не смог этого сделать и два года жил вдали от него на расстоянии двух поприщ (12 верст) на реке Ишне. После того, как святой Глеб был убит, Муром долго оставался без князя христианского, и язычество осталось там в силе. Между тем соседи, болгары, верою магометане, старались распространить свое влияние на Муром. «Князь Константин, слыша о Муроме, яко велик и славен и множество людей живущих в нем и богатством всяким кипящий», испросил у отца своего Святослава Черниговского этот город в удел себе. Отец не хотел отпускать его по сильному опасению, как бы не умертвили его. Но Константин решился на все для святой веры.
И в 1092 году вместе с сыновьями своими князьями Михаилом и Феодором, духовенством, войском и слугами из славного города Киева он пришел в Рязанскую землю к городу Мурому.
Приближаясь к Мурому, святой благоверный князь Константин послал сына своего Михаила убеждать муромцев, чтобы приняли князя без сопротивления. Упорные язычники убили посланного князя и бросили тело его за городом, а сами стали готовиться к бою. Когда князь Константин подошел к городу со своей большой дружиной, жители хотели сражаться, потом смирились, согласились принять князя, но заменить свое язычество на его веру не пожелали. Не принуждая язычников силой к принятию веры Христовой, князь не оставил, однако, мысли о их просвещении и прежде всего построил храм Благовещения на месте убиения своего сына, а вскоре и другую церковь святых Бориса и Глеба. В то же время сам он не раз призывал к себе старейшин города и убеждал их к перемене веры; с проповедью о Христе обращалось к муромцам и духовенство, прибывшее с князем. И вот однажды толпа ярых язычников, недовольная князем, подступила к его дому, грозя князю смертью. Помолившись Богу, князь смело вышел к толпе бунтовщиков с иконой Богоматери. Это так поразило язычников, что они смирились и пожелали принять крещение. Обрадованный князь воздал благодарение Господу и Пречистой Его Матери и назначил день для сбора всех непросвещенных. Торжественно было крещение муромцев, и, как некогда Днепр, река Ока стала купелью для всех жителей города. Благоверный князь осыпал детей Божиих разными подарками, одних – одеждой, других – деньгами, а лучших – и вотчинами. Так благоверный князь Константин в городе Муроме «веру утверди» и жителей «от прелести идольския избави», в чем сын его Феодор был ему ревностным помощником.
Теперь надлежало позаботиться и о построении и умножении храмов. И «заповеда ставити церкви в городе и в селах и монастыри мужския и женския», и учредил в своем городе епископскую кафедру. По летописи, в 1098 году видим в Муроме Спасский монастырь, построенный, без сомнения, просветителем Мурома.
Скончался святой князь в 1129 году, проведши жизнь свою в истинной вере и непорочности во всем, являясь всегда защитником бедных и сирот. Его кончина причинила великую скорбь народу. Все оплакивали его как отца и похоронили у построенной им церкви Благовещения, вблизи сыновей его, благоверных князей Михаила и Феодора.
Впоследствии родственник святого князя Константина благоверный князь Георгий Ярославич возобновил первоначальную церковь Благовещения Пресвятой Богородицы, и с того времени прославил Господь святых князей Константина и сыновей его, так как у гробов их стали совершаться чудеса.
Спустя много лет после этого, в 1553 году, царь всея России Иоанн Васильевич, идя в поход против нечестивых татар к городу Казани, зашел в город Муром и пробыл здесь две недели. Совершив молебствие у гробов святых чудотворцев, он дал обещание построить каменную церковь. И когда стали копать рвы для этой церкви, то нашли мощи святых князей целыми и нисколько не поврежденными. По окончании постройки церкви в нише церковной стены было устроено особое место, где и положены были святые мощи их. Царь Иоанн Васильевич повелел тогда Рязанскому епископу Гурию освятить новопостроенный храм и прислал к освящению его различную церковную утварь. Храм был освящен, устроен при нем монастырь, и с торжеством было отпраздновано это событие. В то время у гробов святых князей совершилось много чудес, которые совершаются и доныне во славу Христа Бога.
Песнопения
Тропарь, глас 4
Константи́н днесь ве́село ликовству́ет,
предстоя́ Престо́лу Святы́я Тро́ицы,
ви́дя оте́чествие свое́, ма́стию духо́вною сия́ющее;
ему́же после́доваша Михаи́л и Фео́дор, сы́нове его́,
и мо́лятся вси трие́ вку́пе о душа́х на́ших.
Кондак, глас 8
Изря́дному воево́де и правове́рному кня́зю Константи́ну с сыно́ма его́ вку́пе,
оте́чество его́, хваля́ся, вопие́т,
име́ющее его́ нача́льника и засту́пника,
я́ко изба́вльшееся им от пре́лести и скве́рны и́дольския.
Сего́ ра́ди вопие́м ему́ си́це:
ра́дуйся, кня́же Константи́не, преблаже́нне.
Молитва
Молитва
О, хра́брый во́ине и избра́нный воево́до небе́снаго Царя́ Христа́, победи́вый пре́лесть идолослуже́ния си́лою Свята́го Ду́ха и просвети́вый град Му́ром святы́м креще́нием, святы́й благове́рный кня́же Константи́не! Усе́рдно предстоя́ще честне́й ра́це многоцеле́бных моще́й твои́х, со слеза́ми мо́лим тя, прося́ще прия́ти нам твои́м к Бо́гу хода́тайством грехо́в оставле́ние. Предста́ни, свя́те, я́ко име́яй дерзнове́ние ко Святе́й Тро́ице, и подви́гни с собо́ю на моли́тву преудобре́нныя своя́ две о́трасли, благове́рнаго кня́зя Михаи́ла послу́шнаго тебе́ до сме́рти и кровь свою́ пролия́вшаго за град сей и я́ко незло́биваго а́гнца заколе́на бы́вша (тща́шеся бо тьмы душ обрати́ти ко Го́споду спаса́емых), и благове́рнаго кня́зя Фео́дора, ревни́теля благоче́стию. Еще́ со слеза́ми смире́нно про́сим: сохрани́те, блаже́ннии, невреди́м град сей, его́же возлюби́сте и свободи́сте от рабо́ты де́монския. Оби́тель же сию́, и живу́щия и тружда́ющияся в ней, соблюди́те невреди́мо от всех ко́зней и стрел де́монских. Да́руйте, святи́и, ца́рствующим градо́м, гра́ду сему́, вся́кому гра́ду и стране́ ми́рное и немяте́жное житие́ и изоби́лие плодо́в земны́х. По мо́рю пла́вающим и путеше́ствующим, и к ра́це моще́й ва́ших с ве́рою прибега́ющим, безбе́днии прави́телие бу́дите: злых свобожде́ние, ми́рное и ра́достное в до́мы их возвраще́ние, моли́твами ва́шими да́руйте, да вси с ра́достию взыва́ем: о благове́рнии на́ши засту́пницы! Соблюди́те всех без напа́стей, да вси, прибега́юще с ве́рою к цельбоно́сней ра́це моще́й ва́ших исцеле́ние душа́м и телесе́м на́шим прие́млюще, прославля́ем вас, на́ша засту́пники, сла́вяще Отца́ и Сы́на и Свята́го Ду́ха, ны́не и при́сно, и во ве́ки веко́в. Ами́нь.
Канон
Канон святым благоверным князьям Константину и чадам его Михаилу и Феодору, Муромским чудотворцам
Минея, 21 Мая.
Глас 4
Песнь 1
Ирмос: Воспою́ Тебе́, Го́споди Бо́же мой,
я́ко изве́л еси́ лю́ди из рабо́ты еги́петския,
покры́л же еси́ колесни́цы фарао́новы и си́лу.
Припев: Святи́и благове́рнии кня́зие, моли́те Бо́га о на́с.
Воспою́ Ти, Го́споди Бо́же мой, пе́снь духо́вную,
сла́вя кня́зя Константи́на Му́ромскаго с ча́ды,
Михаи́лом и Фео́дором вку́пе.
Припев: Святи́и благове́рнии кня́зие, моли́те Бо́га о на́с.
И́же да́руя се́мена се́ющему, Ты мне да́руй благода́ти ра́зум,
и, разреши́в сою́з язы́ка, обнови́ мя, Спа́се,
к славосло́вию блаже́нных Твои́х.
Сла́ва Отцу́ и Сы́ну и Свято́му Ду́ху.
Избра́л е́сть Влады́ка Своему́ ста́ду Христо́с кро́ткаго царя́ Изра́илю:
То́йже и тебе́ избра́л е́сть, ве́рнаго кня́зя но́вому Изра́илю.
И ны́не и при́сно и во ве́ки веко́в. Ами́нь.
Богородичен: Неве́стник светови́ден показа́ся, чре́во Твое́, Отрокови́це,
за милосе́рдие из Тебе́ Вопло́щшагося
и всех Богоразу́мия заре́ю просвети́вшаго.
Песнь 3
Ирмос: Лук си́льных изнемо́же,
и немощству́ющии препоя́сашася си́лою,
сего́ ра́ди утверди́ся в Го́споде се́рдце мое́.
Припев: Святи́и благове́рнии кня́зие, моли́те Бо́га о на́с.
Прииди́те, целому́дрия рачи́тели, честну́ю тро́ицу почти́м,
Михаи́ла и Фео́дора, с Константи́ном вку́пе,
Святу́ю Тро́ицу возлюби́вшия чи́стым се́рдцем и душе́ю соверше́нною.
Припев: Святи́и благове́рнии кня́зие, моли́те Бо́га о на́с.
От ко́рене че́стна изра́стше, сла́внии, бра́тия благоро́днии, Михаи́ле и Фео́доре,
помоли́теся со отце́м ва́шим, кня́зем Константи́ном, Христу́ Бо́гу
о творя́щих па́мять ва́шу.
Сла́ва Отцу́ и Сы́ну и Свято́му Ду́ху.
Прииди́те, новокреще́ннии Росси́йстии собо́ри,
целу́йте любе́зно честну́ю ра́ку блаже́ннаго Константи́на кня́зя,
пе́рваго просвети́теля пресла́внаго гра́да Му́рома.
И ны́не и при́сно и во ве́ки веко́в. Ами́нь.
Богородичен: Тя Предста́тельницу тве́рду, Богороди́тельнице, стяжа́хом,
и, упова́ние на Тя возло́жше, спаса́емся,
и, к Тебе́ прибега́юще, огражда́емся.
Седален, глас 2
Спаса́я пре́жде Госпо́дь Изра́иля от рабо́ты,
То́йже и ны́не руко́ю кня́зя Константи́на с ча́ды
всех нас от пре́лести и́дольския изба́ви.
Те́мже, моля́щеся, вопие́м к ним си́це:
моли́те, блаже́ннии, спасти́ся нам.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Богородичен: Ма́ти Свята́я Неизрече́ннаго Све́та,
а́нгельскими Тя пе́сньми почита́юще, благоче́стно велича́ем.
Песнь 4
Ирмос: Услы́шах сла́вное смотре́ние Твое́, Христе́ Бо́же,
я́ко роди́лся еси́ от Де́вы,
да от ле́сти изба́виши зову́щия:
сла́ва си́ле Твое́й, Го́споди.
Припев: Святи́и благове́рнии кня́зие, моли́те Бо́га о на́с.
Еле́ны ты но́выя, и Константи́на правове́рнаго,
и Влади́мира прехва́льнаго вожделе́в доброде́тели,
Константи́не кня́же досточу́дне, ны́не зове́ши с ча́ды твои́ми:
сла́ва си́ле Твое́й, Го́споди.
Припев: Святи́и благове́рнии кня́зие, моли́те Бо́га о на́с.
Лю́то двиза́шеся льсте́ц христиа́ны воева́ти,
превели́кий же Госпо́дь показа́ тя сла́вна святы́м Креще́нием:
тобо́ю бо оте́чество твое́ просвети́вся от Него́,
И́же тебе́ Ца́рство Свое́ подаде́.
Сла́ва Отцу́ и Сы́ну и Свято́му Ду́ху.
Всеусе́рдно после́дуя оте́ческим стопа́м,
ревни́теля иму́ща до́брому, Михаи́ле сла́вне, Фео́дора, при́снаго бра́та твоего́:
благоче́стием бо совоку́плени душа́ми и телесы́ яви́стеся.
И ны́не и при́сно и во ве́ки веко́в. Ами́нь.
Богородичен: Воплоще́нна Тя, Го́споди, от Неискусобра́чныя Отрокови́цы возжеле́вше,
в воню́ ми́ра Твоего́ потеко́ша оте́ц с ча́ды,
Твои́м снеда́еми Боже́ственным любле́нием.
Песнь 5
Ирмос: От све́та пресеки́й перворо́дный свет,
я́ко во све́те дела́ пою́т Тя, Христе́, Соде́теля,
во све́те Твое́м пути́ на́ша напра́ви.
Припев: Святи́и благове́рнии кня́зие, моли́те Бо́га о на́с.
От безбо́жных и́дол вся изба́вил еси́
и ко Христу́ Бо́гу приве́л еси́, о́тче,
ве́рныя кня́зи, ча́да твоя́, Михаи́ла и Фео́дора,
и вся лю́ди но́выя гра́да Му́рома, Константи́не.
Припев: Святи́и благове́рнии кня́зие, моли́те Бо́га о на́с.
Я́ко отца́ благочести́ва любо́вию свя́зани и того́ лю́бяще благоче́стно,
све́тлостию в ва́шем оте́чествии сия́ете, я́ко со́лнце,
Михаи́ле вку́пе и Фео́доре.
Сла́ва Отцу́ и Сы́ну и Свято́му Ду́ху.
Константи́н ты но́вый яви́лся еси́, Влади́миру подо́бяся,
извести́лся еси́ вселе́нней:
от всех бо родо́в тя Бог избра́в пре́жде век в после́дния дни, кня́же.
И ны́не и при́сно и во ве́ки веко́в. Ами́нь.
Богородичен: Тя ору́жие непобеди́мое на враги́ предлага́ем,
Тя, основа́ние и наде́жду на́шего спасе́ния, Богоневе́стная, и́мамы.
Песнь 6
Ирмос: Внегда́ скорбе́ти ми,
возопи́х ко Го́споду,
и услы́ша мя Бог спасе́ния моего́.
Припев: Святи́и благове́рнии кня́зие, моли́те Бо́га о на́с.
Царю́ ве́чному ны́не ты предстои́ши, кня́же Константи́не,
десни́цею Его́ венча́н еси́,
помоли́ся, Ему́ за ны, недосто́йныя.
Припев: Святи́и благове́рнии кня́зие, моли́те Бо́га о на́с.
Ю́ношески хра́бровавше, му́жески пре́лесть возненави́десте мра́чных и́долов,
о́тчее наказа́ние прии́мше, весели́теся ны́не.
Сла́ва Отцу́ и Сы́ну и Свято́му Ду́ху.
Константи́н кня́зь пет да бу́дет с Михаи́лом сла́вным и с Фео́дором чу́дным:
яви́шася бо просвети́тели и храни́тели гра́ду на́шему.
И ны́не и при́сно и во ве́ки веко́в. Ами́нь.
Богородичен: Всю Тя, голуби́цу предобру́,
и све́тел крин, обре́т, и удо́льный цвет, о Богома́ти,
Жени́х мы́сленный в Тя всели́ся.
Кондак, глас 8
Изря́дному воево́де и правове́рному кня́зю Константи́ну с сыно́ма его́ вку́пе
оте́чество его́, хваля́ся, вопие́т,
име́ющее его́ нача́льника и засту́пника,
я́ко изба́вльшееся им от пре́лести и скве́рны и́дольския.
Сего́ ра́ди вопие́м ему́ си́це:
ра́дуйся, кня́же Константи́не преблаже́нне.
Икос
А́нгел, пло́тию оде́ян, на земли́ яви́ся,
по́слан от Бо́га угото́вати Боже́ственный пра́вый пу́ть,
и́же соверши́ си́лою Госпо́днею.
Дивля́хуся бо и ра́довахуся Небе́снии чи́нове
и вопия́ху с земны́ми си́це:
ра́дуйся, его́же ра́ди ве́ра Госпо́дня провозсия́.
Ра́дуйся, пра́выя ве́ры укрепи́телю.
Ра́дуйся, беззако́нныя ле́сти потреби́телю.
Ра́дуйся, высото́ доброде́тели, до Небесе́ досяза́ющая.
Ра́дуйся, позна́вый Святу́ю Богоро́дицу Мари́ю.
Ра́дуйся, я́ко еси́ ве́рным кня́зь.
Ра́дуйся, ми́лостынею Бо́га одолжи́вый.
Ра́дуйся, свеще́, тьму́ просвеща́ющая.
Ра́дуйся, со́лнце, осуша́ющо неве́рие.
Ра́дуйся, я́ко, тобо́ю наставля́еми, покланя́емся своему́ Творцу́.
Ра́дуйся, кня́же Константи́не преблаже́нне.
Песнь 7
Ирмос: Авраа́мстии иногда́ в Вавило́не о́троцы
пе́щный пла́мень попра́ша, пе́сньми взыва́юще:
оте́ц на́ших Бо́же, благослове́н еси́.
Припев: Святи́и благове́рнии кня́зие, моли́те Бо́га о на́с.
Я́сныя зве́зды, на тве́рди небе́сней водрузи́вшеся,
Тро́ицы равночи́сленнии,
кня́зь Константи́н с ча́ды, зе́млю чудесы́ неле́стно просвеща́ют.
Припев: Святи́и благове́рнии кня́зие, моли́те Бо́га о на́с.
Я́ко но́вая ве́твь ко́рене богонасажде́нна, кня́зь Константи́н но́вый Влади́мир яви́ся:
я́коже бо он, израсти́ две о́трасли, Рома́на и Дави́да,
сей же – Михаи́ла и Фео́дора.
Сла́ва Отцу́ и Сы́ну и Свято́му Ду́ху.
Пресла́вно просла́вися Бо́жия благода́ть самобра́тнею любо́вию Михаи́ла и Фео́дора,
я́ко и по сме́рти неразлу́чни бе́ху,
но и ду́ши и телеса́ вку́пе иму́ща, лежа́т.
И ны́не и при́сно и во ве́ки веко́в. Ами́нь.
Богородичен: Преукра́шена Бо́жиею сла́вою яви́лася еси́, Чи́стая, еди́на от ве́ка,
Сло́во Бо́жие прие́мши, Де́во Ма́ти.
Те́мже благослове́нна Ты в жена́х, Пренепоро́чная Влады́чице.
Песнь 8
Ирмос: Во о́бразе А́нгела,
я́вльшагося в пещи́ о́гненней песносло́вцем,
Христа́ Бо́га по́йте, о́троцы,
свяще́нницы, благослови́те,
лю́дие, превозноси́те во вся ве́ки.
Припев: Святи́и благове́рнии кня́зие, моли́те Бо́га о на́с.
Разу́мно житие́ соверша́я,
ца́рским венце́м от ю́ности укра́шен, всесла́вный кня́же Константи́не,
ве́лия сла́ва еси́ твоему́ оте́честву и похвала́.
Припев: Святи́и благове́рнии кня́зие, моли́те Бо́га о на́с.
Со́лнца светле́йши яви́ся па́мять ва́ша, блаже́ннии,
блиста́ющи благода́тию Свята́го Ду́ха,
вас пою́щих, Михаи́ле и Фео́доре, со отце́м Константи́ном вку́пе.
Сла́ва Отцу́ и Сы́ну и Свято́му Ду́ху.
На земли́ у́бо положе́ни бы́сте, я́ко ме́ртви,
но на Небеси́ ликовству́ете со А́нгелы,
вели́ких даро́в от Христа́ сподо́бльшеся, ду́хи нечи́стыя и боле́зни прогони́ти.
И ны́не и при́сно и во ве́ки веко́в. Ами́нь.
Богородичен: Изба́ви страсте́й душепа́губных
и плени́цы прегреше́ний расто́ргни, и́миже соплето́хомся:
вси бо, согре́шшии, очище́ния про́сим,
пода́ти, Богоро́дице, мольба́ми Твои́ми свобо́ду.
Песнь 9
Ирмос: Рождество́ Твое́ нетле́нно яви́ся:
Бог из боку́ Твое́ю про́йде,
я́ко плотоно́сец яви́ся на земли́
и с челове́ки поживе́.
Тя, Богоро́дице, тем вси велича́ем.
Припев: Святи́и благове́рнии кня́зие, моли́те Бо́га о на́с.
Ли́цы люде́й росси́йских предстоя́т ти ны́не, моля́щеся приле́жно,
кня́же Константи́не прему́дре, помоли́ся о всех нас Вседержи́телю Бо́гу,
в Тро́ице Того́ велича́ющих.
Припев: Святи́и благове́рнии кня́зие, моли́те Бо́га о на́с.
Сы́нове Росси́йстии, прииди́те, стеце́мся к пречестне́й це́ркви но́вых чудотво́рцев,
кня́зя Константи́на, уго́дника Христо́ва, и сыно́в его́, Михаи́ла и Фео́дора,
и похва́льными пе́сньми сих возвели́чите.
Сла́ва Отцу́ и Сы́ну и Свято́му Ду́ху.
Возше́д ны́не, к Нему́же возжеле́л еси́,
очи́стив лю́ди твоя́ от идолослуже́ния и просвети́в святы́м Креще́нием,
хваля́ся, пое́ши, кня́же Константи́не, с ча́ды, си́це глаго́ля:
се аз, Го́споди, и де́ти моя́.
И ны́не и при́сно и во ве́ки веко́в. Ами́нь.
Богородичен: Пло́тию приити́ восхоте́в, украси́вый сло́вом вся,
и Тя, еди́ну Святе́йшу всех обре́т, Богоро́дицу показа́ и́стинную, Ма́ти Де́во,
Его́же с Тобо́ю вси велича́ем.
Светилен
Прииди́те, вси ве́рнии, похвала́ми, соше́дшеся,
возвели́чим кня́зя Константи́на с Михаи́лом и Фео́дором.
Си́и бо яви́шася Тро́ицы равночи́сленнии и А́нгелом ссе́льницы,
с ни́миже мо́лятся ны́не Ей о душа́х на́ших.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Богородичен: Сла́дость а́нгелов, скорбя́щих ра́дость, христиа́н Предста́тельница, Де́во Ма́ти Госпо́дня, заступи́ на́с, и изба́ви ве́чных му́к.
