Преподобный Кассиа́н грек, Угличский

Потомок греческих князей, прибыл в Москву с царевной Софией Палеолог (1478). Отказавшись от придворной жизни, ушёл в Ферапонтов монастырь, где принял постриг. Основал Успенскую обитель на берегу Волги у речки Учмы (1480-е). Духовный друг угличского князя Андрея, крестивший его сына. Прославился кротким наставничеством «тихими словесы» и чудотворениями. Скончался в 1504 г. Чудесно являлся для защиты обители от поляков (1609–1611). Икона святого написана по явлению его во сне иерею Симеону.

Краткое житие преподобного Кассиана грека, Угличского чудотворца

Преподобный Кассиан Грек, Угличский чудотворец, в миру Константин, происходил из рода князей Мангупских. Он прибыл в Москву в составе посольства к великому князю Иоанну III вместе с царевной Софией Палеолог. Решив посвятить свою жизнь на служение Богу, преподобный отклонил предложение остаться при дворе великого князя и поселился у Ростовского епископа Иоасафа. Когда епископ удалился на покой в Ферапонтов монастырь, за ним последовал Константин. В обители преподобный проводил строгую подвижническую жизнь.

Монашество он принял после чудесного ночного видения преподобного Мартиниана, побуждавшего принять постриг. Через некоторое время святой Кассиан оставил монастырь и недалеко от города Углича, при слиянии Волги и Учмы, основал обитель в честь Успения Божией Матери.

Слава о преподобном широко распространилась, и "начали мнози люди приходити благословения ради и видети пустыннолюбное жительство и беседовати с ним". Святой Кассиан всех принимал с любовью, наставляя на путь спасения "тихими словесы".

Преподобный скончался в глубокой старости 2 октября 1504 года. В Угличской летописи записано много чудес, происшедших по молитвам преподобного, в частности, защита им своей обители от польских воинов в 1609–1611 годах.

Полное житие преподобного Кассиана грека, Угличского чудотворца

Преподобный Кассиан Грек, Угличский чудотворец, в миру Константин, был потомком греческих князей Мангупских (Манукских). Константин получил значительное, по своему времени, образование. В Москву из Константинополя он прибыл в 1478 году в составе посольства, сопровождавшего царевну Софию – невесту великого князя московского Иоанна III Васильевича, которая доводилась племянницей греческим царям Иоанну и Константину Палеологам. Он изъявил желание остаться в России. Великий князь предлагал ему «города и области в прокормление и земли в обдержание», но он смиренно отказался от этого, ибо суета придворной жизни тяготила его сердце, искавшее уединения и иноческого служения Богу. С разрешения великого князя Иоанна III он отправился в Ростов Великий, где первое время находился при архиепископе Иоасафе (Оболенском). Когда же архиепископ решил оставить свою кафедру и поселиться в Ферапонтовом Белозерском монастыре, в котором принял ранее монашеский постриг, то князь Константин с радостью последовал за ним. Здесь греческий князь получил возможность для молитвенного уединения и жизни в богомыслии и чтении Священного Писания. Монашество он принял после чудесного ночного видения, в котором бывший игумен обители Мартиниан (по другим источникам – преподобный Ферапонт) повелевал ему постричься. И вскоре князь Константин был удостоен иноческого образа с наречением имени Кассиан.

Случилось ему однажды с некоторыми из братии выйти из обители и плыть по Волге к городу Угличу. Не доходя до него за 15 верст, полюбилось ему живописное место на берегу Волги, неподалеку от впадения в нее речки Учмы. Там водрузил он крест и поставил себе хижину.

Слава о преподобном широко распространилась, и «начали мнози люди приходити благословения ради и видети пустыннолюбное жительство и беседовати с ним». Святой Кассиан, всех принимая с любовью, наставлял на путь спасения «тихими словесы».

С разрешения князя Андрея он основал здесь иноческую обитель в честь Успения Пресвятой Богородицы. Вместе с несколькими монахами, пришедшими с ним из Ферапонтова монастыря, он построил в этом месте Успенский храм, положивший начало Учемской обители.

Впоследствии во время сильного паводка, когда Волга вышла из берегов, храм получил значительные повреждения. Тогда преподобному Кассиану на помощь вновь пришел князь угличский Андрей, с которым преподобного связывала не только личная дружба, но и узы духовного родства, ибо он был восприемником княжеского сына Димитрия. Монастырь с храмом были перенесены на другое место, неподалеку от прежнего, но более безопасное. Новый храм был освящен во имя святого пророка Иоанна Предтечи и стал приходским для близлежащих селений. Преподобный Кассиан в течение долгого времени подвизался в основанной им обители. С миром отошел ко Господу преподобный Кассиан в глубокой старости 2 октября 1504 года. Святые мощи его были погребены в том же монастыре. После своей блаженной кончины преподобный Кассиан был прославлен многочисленными чудесами, о чем свидетельствуют записи Угличской летописи, в частности, защита им своей обители от польских воинов в 1609–1611 гг. Служба преподобному Кассиану написана и передана в дар обители 17 мая 1686 года благочестивым сыном московского священника Михаилом Пименовым, о чем сообщается в рукописи, сохранившейся в Угличе.

Чудесным образом была написана икона блаженного Кассиана. Некто иерей Симеон, художеством живописец, дал обещание написать ее, но впал в тяжкую болезнь и до двух лет не мог исполнить своего обета. Пришел он наконец к игумену Гермогену и спрашивал его: «Как начертать образ преподобного?» Игумен дал ему хартию, на которой написано было, как изображать блаженного Кассиана; размышляя о том, чтобы исполнить предпринятое им дело, заснул иерей и увидел во сне лик святого старца, начертанный на приготовленной им доске; ему казалось, что и у одра его стоит инок, совершенно подобный этому образу.

Являлся и многим другим блаженный Кассиан, не забывал же и своей обители, даруя ей не только блага духовные, но и временные, через то свидетельствуя о непрестанном своем покровительстве собранной им братии.

Память преподобного Кассиана празднуется 2/15 октября – день преставления и 21 мая/3 июня – день тезоименитства.

Тропарь, глас 4

Днесь град Углеч тобо́ю хва́лится,
в конце́х бо его́ пресве́тло, я́ко ве́лие со́лнце, возсия́л еси́
и чудесы́ твои́ми вся озари́л еси́,
и ны́не моли́ся Го́сподеви,
Кассиа́не преподо́бне,
за град Углеч и оби́тель сию́,
и всяк град, и страну́, и лю́ди,
и́же ве́рою тебе́ почита́ющия,

и о спасе́нии душ на́ших.

Ин тропарь, глас 4 Днесь пресве́тло красу́ется сла́внейший Углеч град,/ це́рковь же Бо́жия Ма́тере вельми́ ра́дуется,/ име́я многоцеле́бныя в себе́ мо́щи вели́каго чудотво́рца,/ преподо́бнаго Кассиа́на, возсия́вшаго от Ри́ма,/ я́коже со́лнце, всему́ ми́ру, издале́ча просвеща́ющаго ве́рных сердца́,/ и́мже украси́ Бог це́рковь Ма́тере Свое́я./ Те́мже ны́не мо́лим тя:/ бу́ди покрови́тель и засту́пник непобеди́мый/ от вся́ких бед гра́ду на́шему/ и всем ве́рным храни́лище,/ притека́ющим в дом Бо́жия Ма́тере и кла́няющимся тебе́,/ преподо́бне уго́дниче Христо́в Кассиа́не,// моли́ Христа́ Бо́га спасти́ся душа́м на́шим. Ин тропарь, глас 4 Ве́тхаго Ри́ма име́я воспита́ние,/ держа́ву оте́чества своего́, град Мангу́пский, оста́вль,/ и нивочто́же вмени́л еси́ княже́ние/ и сла́ву маловре́менную су́етнаго ве́ка Христа́ ра́ди,/ и па́че земна́го бога́тства избра́ бога́тство себе́ Небе́сное и сла́ву ве́чную/ возвы́сив ум свой к Бо́гу,/ и житие́ свое́ со А́нгелы вожделе́л еси́ восприя́ти,/ промышле́нием Боже́ственнаго ра́зума направля́емь,/ и Богоспаса́емаго Углеча гра́да дости́гл еси́,/ и близ в преде́лех о́бласти его́, над Во́лгою реко́ю, в пусты́ню всели́вся,/ и оби́тель пресла́вну в честь Бо́жия Ма́тере воздви́гл еси́,/ и в ней те́ло свое́ предложи́в, я́ко дар освяще́н./ Тем мо́лим тя, о́тче Кассиа́не,/ моли́ Христа́ Бо́га,// да спасе́т ду́ши на́ша.

Кондак, глас 8

Я́ко светоза́рная звезда́, прише́л еси́ от восто́ка на за́пад,
оста́вль оте́чество и княже́ние твое́ Христа́ ра́ди,
и в ца́рствующий град Москву́ прише́л еси́,
и, промышле́нием Боже́ственнаго ра́зума направля́емь,
Углеча гра́да дости́гл еси́,
и, близ его́, над Во́лгою реко́ю, в пусты́ни Учме всели́вся,
оби́тель сотвори́л еси́, и це́рковь созда́,
и созва́ мона́хов во спасе́ние;
с ни́миже моли́ о нас, чту́щих па́мять твою́, да зове́м ти:

ра́дуйся, преподо́бне о́тче Кассиа́не.

Ин кондак, глас 5 Я́ко многосве́тлая звезда́,/ возсия́л еси́ в Ру́сстей земли́, о́тче Кассиа́не,/ и я́ко бога́тство драгоце́ннаго би́сера/ прии́де к нам от ве́тхаго Ри́ма/ и доше́д Богоспаса́емаго гра́да Углеча,/ и близ его́ Боже́ственным смотре́нием/ оби́тель всече́стну возгради́л,/ и це́рковь Ма́тере Бо́жия чуднови́дну созда́,/ и созва́ и́нок мно́жества,/ с ни́ми же моли́ся Христу́ Бо́гу/ изба́вити град сей от ва́рварскаго плене́ния,/ и междоусо́бныя бра́ни, и о́гненнаго запале́ния невреди́ма соблюди́,// преподо́бне и Богому́дре о́тче Кассиа́не. Ин кондак, глас 4 Я́коже пресве́тлое со́лнце,/ возсия́ нам от Ри́ма и к ца́рскому гра́ду дости́гл еси́,/ преблаже́нне о́тче Кассиа́не,/ и А́нгельски в Ру́сстей земли́ пожи́л еси́,/ и дре́вних по́стник на высоту́ воздержа́ния востече́,/ и в пусты́ни Учме, близ Богоспаса́емаго гра́да Углеча,/ оби́тель пресла́вну и́ноком, во спасе́ние сооружи́,/ и храм благоле́пен Пречи́стей Богома́тери Ду́хом Бо́жиим уясни́,/ и в ней тобо́ю Бог прославля́ется,/ и ны́не моли́тися Го́сподеви не преста́й о ста́де свое́м,/ и́же мно́гими по́ты и труды́ стяжа́л еси́/ изба́вити его́ от всех обстоя́ний лука́ваго,/ и от вся́ких скорбе́й и бед невреди́му сохрани́тися,/ и нам, рабо́м твои́м, грехо́в проще́ние моли́твами твои́ми получи́ти,/ и гра́ду твоему́ Углечу от напа́стей вся́ческих/ и находя́щих паде́ний, гне́вом Бо́жиим пра́ведным, свободи́тися умоли́,// преподо́бне и Богому́дре о́тче Кассиа́не.

Молитва

О, преподо́бне о́тче наш Кассиа́не, вели́кий подви́жниче и уго́дниче Христо́в! Услы́ши нас, гре́шных, тебе́ ве́рою и любо́вию призыва́ющих, и вонми́ проше́нием на́шим. Я́коже ты оте́чество твое́ и княже́ние любве́ ра́ди Бо́жия оста́вил еси́ и от Росси́йскаго самоде́ржца дае́мыя тебе́ гра́ды и ве́си не прия́л еси́, да Вы́шнее нетле́нное насле́дие получи́ши, та́ко и нас, грехолю́бно в су́етном ми́ре сем стра́нствующих, моли́твами твои́ми к любви́ Бо́жией наста́ви и обрати́ ум наш ко внима́нию те́хже Небе́сных по́честей, да не прельща́емся тле́нными сего́ ми́ра красо́тами. О блаже́нне о́тче Кассиа́не, ты, вели́ким воздержа́нием и бде́нием плоть твою́ ду́ху покори́в, сотвори́л еси́ ю́ чи́стый сосу́д Свята́го Ду́ха. Испроси́ и нам благода́ть сию́, да, плотски́я по́хоти попра́вше, духо́вно и богоуго́дно поживе́м в сие́ вре́мя, да́нное нам для приобрете́ния ве́чных неизрече́нных сокро́вищ. О вели́кий трудолю́бче и уго́дниче Бо́жий, я́ко име́яй дар зубны́я и о́чныя боле́зни цели́ти, огне́вицы же и долголе́тныя ра́ны, и вся́кия разслабле́ния врачева́ти, и от наси́лий бесо́вских стра́ждущих избавля́ти, исцели́ у́бо на́ша стра́сти душе́вныя и облегчи́ нестерпи́мыя боле́зни теле́сныя, от бед и напа́стей защити́, избавля́я нас от вся́каго искуше́ния и наси́льства диа́воля в жи́зни сей; в час же исхо́да душ на́ших предста́ни нам, вели́кий засту́пниче, и, прогна́в темностра́шныя зра́ки лука́вых духо́в, путево́дствуй нас до превы́спренняго Престо́ла вели́чества Бо́жия, да та́мо, узре́вше неизрече́нную сла́ву Христа́ Бо́га на́шего, возблагодари́м тя, толи́каго предста́теля и засту́пника, и, с тобо́ю ку́пно соединя́яся ли́ком святы́х, согла́сно и единоду́шно чи́стою любо́вию воспое́м и просла́вим Безнача́льную Единосу́щную и Неразде́льную Тро́ицу, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.

Канон преподобному Кассиану греку, Угличскому

Минея, 21 Мая.

Глас 8

Песнь 1

Ирмос: Колесницегони́теля фарао́ня погрузи́
чудотворя́й иногда́
Моисе́йский жезл, крестообра́зно порази́в
и раздели́в мо́ре,
Изра́иля же беглеца́, пешехо́дца спасе́,
пе́снь Бо́гови воспева́юща.

Припев: Преподо́бне о́тче Кассиа́не, моли́ Бо́га о на́с.

А́нгела земна́го и, небе́снаго челове́ка,
Кассиа́на преподо́бнаго, У́глечскую похвалу́,
досто́йно воспе́ти се́рдцем и устна́ма помози́ ми, Со́лнце Пра́вды, Христе́,
презира́я моя́ прегреше́ния.

Припев: Преподо́бне о́тче Кассиа́не, моли́ Бо́га о на́с.

Приими́ хвале́ние от уст недосто́йных, тебе́ приноси́мое,
и возда́ждь те́плыми твои́ми моли́твами к Бо́гу,
чту́щим святу́ю па́мять твою́, о́тче наш Кассиа́не.

Сла́ва Отцу́ и Сы́ну и Свято́му Ду́ху.

Ве́сь возло́жся Зижди́телю своему́,
и сла́ву вре́менную и бога́тство презре́ти жела́я,
к подвиго́м и́ноческаго жития́ устреми́лся еси́, Кассиа́не преблаже́нне,
да жи́знь ве́чную насле́дуеши.

И ны́не и при́сно и во ве́ки веко́в. Ами́нь.

Богородичен: Ра́дуйся, благода́тный Исто́чниче, ра́дуйся, ле́ствице и две́ре Небе́сная,
ра́дуйся, све́щнице, и ста́мно злата́я, и горо́ несеко́мая,
Я́же Жизнода́вца Христа́ ми́ру родила́ еси́.

Песнь 3

Ирмос: Утвержде́й в нача́ле Небеса́ ра́зумом
и зе́млю на вода́х основа́вый,
на ка́мени мя, Христе́, за́поведей Твои́х утверди́,
я́ко не́сть свят, па́че Тебе́, Еди́не Человеколю́бче.

Припев: Преподо́бне о́тче Кассиа́не, моли́ Бо́га о на́с.

Ди́вно житие́ твое́, преблаже́нне Кассиа́не,
стра́сти бо душетле́нныя успи́л еси́ бо́дренными бде́нии и поще́нии,
и был еси́ мона́х благоиску́сен, цветы́й в доброде́телех.

Припев: Преподо́бне о́тче Кассиа́не, моли́ Бо́га о на́с.

Кро́тостию и смире́нием после́дуя Влады́це Христу́,
всем был еси́ вои́стинну о́браз благоче́стия,
и, в преподо́бии и пра́вде пожи́в, ве́чнаго блаже́нства наслажда́ешися, пресла́вне.

Сла́ва Отцу́ и Сы́ну и Свято́му Ду́ху.

Тебе́ в чудесе́х сла́вна и свети́льника пресве́тла показа́ Бог, Кассиа́не преподо́бне,
и украси́ тя небе́сными дарова́ньми,
Того́ у́бо моли́, поми́ловати всех нас.

И ны́не и при́сно и во ве́ки веко́в. Ами́нь.

Богородичен: Тебе́ вси христиа́не стяжа́хом, Пречи́стая Богома́ти, прибе́жище и сте́ну
и Тебе́ сла́вим немо́лчно, Богоневе́стная.

Седален, глас 4

Приспе́ всечестны́й твой пра́здник, преблаже́нне Кассиа́не,
просвеща́я всех, торжеству́ющих па́мять твою́ све́тло
и Христа́ непреста́нно пе́сньми сла́вящих.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Мно́гими прегреше́ньми ум помраче́н иму́ще,
вопие́м ко Твоему́ кре́пкому заступле́нию, Богома́ти Пречи́стая,
просвети́ о́чи на́ши душе́вныя и возсия́й нам покая́ния зарю́,
моли́твами уго́дника Твоего́, преподо́бнаго Кассиа́на, Еди́на Благослове́нная.

Песнь 4

Ирмос: Ты моя́ кре́пость, Го́споди,
Ты моя́ и си́ла,
Ты мой Бог, Ты мое́ ра́дование,
не оста́вль не́дра О́тча
и на́шу нищету́ посети́в.
Тем с проро́ком Авваку́мом зову́ Ти:
си́ле Твое́й сла́ва, Человеколю́бче.

Припев: Преподо́бне о́тче Кассиа́не, моли́ Бо́га о на́с.

Ца́рствия Небе́снаго жела́я, преподо́бне,
и того́ ра́ди в слеза́х и воздыха́ниих, бде́ниих же и моли́твах твою́ жи́знь препроводи́л еси́,
и отту́ду прия́л еси́ жела́емое тебе́ блаже́нство.

Припев: Преподо́бне о́тче Кассиа́не, моли́ Бо́га о на́с.

Воздержа́нием во пло́ти стра́сти чу́вственныя умертви́л еси́, Кассиа́не блаже́нне,
и по успе́нии твое́м стра́сти неду́жных разреша́еши,
и от наси́лий бесо́вских стра́ждущих избавля́еши.

Сла́ва Отцу́ и Сы́ну и Свято́му Ду́ху.

Чудесы́ мно́гими я́ко звезда́ многосве́тлая просия́л еси́, о́тче преподо́бне,
от зу́бныя бо и о́чныя боле́зни исцеля́еши,
и долголе́тныя ра́ны и вся́кия разслабле́ния врачу́еши.

И ны́не и при́сно и во ве́ки веко́в. Ами́нь.

Богородичен: На Тя упова́ние мое́ возложи́х, Ма́ти Присноде́во, спасе́ния моего́,
и Тя Предста́тельницу име́ю живота́ моего́,
тве́рду же и непоколеби́му.

Песнь 5

Ирмос: Вску́ю мя отри́нул еси́
от лица́ Твоего́, Све́те Незаходи́мый,
и покры́ла мя е́сть чужда́я тьма́, окая́ннаго,
но обрати́ мя и к све́ту за́поведей Твои́х
пути́ моя́ напра́ви, молю́ся.

Припев: Преподо́бне о́тче Кассиа́не, моли́ Бо́га о на́с.

Всем, приходя́щим к тебе́, был еси́ учи́тель и́стинный
и к Богоро́дице вели́кий моли́твенник,
и ны́не, преподо́бне, не преста́й моля́ся о нас,
я́ко име́еши дерзнове́ние мно́го.

Припев: Преподо́бне о́тче Кассиа́не, моли́ Бо́га о на́с.

Мно́гое име́я дерзнове́ние к Бо́гу, о́тче Кассиа́не,
мно́гими ны, лю́тыми страстьми́ содержи́мыя, исцели́,
я́коже и разсла́бленнаго рука́ма и нога́ма му́жа, прикосну́вшагося ра́це твое́й исцели́л еси́,
и жену́ спасл еси́, му́чиму от лука́ваго ду́ха.

Сла́ва Отцу́ и Сы́ну и Свято́му Ду́ху.

Сопу́тник житию́ моему́ бу́ди, о́тче Кассиа́не,
моли́твою твое́ю огражда́й многомяте́жную мою́ ду́шу,
и введи́ ю в Небе́сное Ца́рство, твои́ми умиле́нными по́двиги и чудесы́,
Христу́ же покая́нныя принося́щую сле́зы.

И ны́не и при́сно и во ве́ки веко́в. Ами́нь.

Богородичен: Тя сте́ну иму́ще, Богома́ти Пречи́стая,
и Твои́м предста́тельством соблюда́еми, Тя блажи́м, Присноде́во,
Ты бо душа́м на́шим источа́еши весе́лие и ра́дование.

Песнь 6

Ирмос: Очи́сти мя, Спа́се,
мно́га бо беззако́ния моя́,
и из глубины́ зол возведи́, молю́ся
к Тебе́ бо возопи́х, и услы́ши мя,
Бо́же спасе́ния моего́.

Припев: Преподо́бне о́тче Кассиа́не, моли́ Бо́га о на́с.

Тве́рдое упова́ние на предста́тельство твое́ возлага́ю, преподо́бне, и ве́рою молю́ся:
да́ждь ми страсте́й лю́тых одоле́ние, и непреста́нную па́мять сме́ртную,
и блаже́нства гряду́щаго ве́ка серде́чное жела́ние.

Припев: Преподо́бне о́тче Кассиа́не, моли́ Бо́га о на́с.

Досточу́дная и пресла́вная па́мять твоя́, блаже́нне Кассиа́не,
возсия́ в земли́ Росси́йстей и ра́достно ве́рных весели́т собо́р,
и́скренно тя в пе́снех сла́вящих.

Сла́ва Отцу́ и Сы́ну и Свято́му Ду́ху.

Грехо́в испо́лненнии вси есмы́,
твоя́ же моли́твы, преподо́бне Кассиа́не, я́ко кади́ло благово́нно, ко Го́сподеви восхо́дят,
ны́не мо́лим тя:
волну́ющееся в земли́ на́шей мо́ре мра́чнаго раско́ла и зла́го неве́рия изсуши́
и спасе́ние душа́м на́шим от Го́спода испроси́.

И ны́не и при́сно и во ве́ки веко́в. Ами́нь.

Богородичен: Ны́не к Тебе́ прибега́ем, Ма́ти Пречи́стая,
спаси́ нас моли́твами Твои́ми и соблюди́:
ели́ка бо хо́щеши; мо́жеши, я́ко Ма́ти Бо́жия.

Кондак, глас 8

Я́ко светоза́рная звезда́, прише́л еси́ от восто́ка на за́пад,
оста́вль оте́чество и княже́ние твое́ Христа́ ра́ди,
и в ца́рствующий град Москву́ прише́л еси́,
и, промышле́нием Боже́ственнаго ра́зума направля́емь,
У́глеча гра́да дости́гл еси́,
и, близ его́, над Во́лгою реко́ю, в пусты́ни У́чме всели́вся,
оби́тель сотвори́л еси́, и це́рковь созда́,
и созва́ мона́хов во спасе́ние;
с ни́миже моли́ о нас, чту́щих па́мять твою́, да зове́м ти:
ра́дуйся, преподо́бне о́тче Кассиа́не.

Икос

Дар Бо́жий вои́стинну яви́лся еси́ земли́ У́чемстей
и гра́ду на́шему У́глечу, преподо́бне Кассиа́не,
по́двигом бо до́брым до конца́ зде подвиза́лся еси́
и, благода́ти Боже́ственныя сосу́д быв избра́нный,
дарова́ния ве́лия прия́л еси́;
те́мже и по преставле́нии твое́м со дерзнове́нием возде́еши преподо́бныя твоя́ ру́це,
Го́сподеви те́пле моля́ся о всей стране́ Росси́йстей.
Сего́ ра́ди, с ве́рою и любо́вию к тебе́ притека́юще, вопие́м:
ра́дуйся, Ду́ха Свята́го прия́телище;
ра́дуйся земны́й а́нгеле и Небе́сный челове́че.
Ра́дуйся, оте́чество твое́ и род земны́й оста́вивый и в пусты́ни жи́ти изво́ливый;
ра́дуйся, дре́во доброде́телей, при вода́х насажде́нное.
Ра́дуйся, я́ко плод прине́сл еси́, благоцвету́щ вся́кия доброде́тели;
ра́дуйся, притека́ющих к тебе́ спасе́ния хода́тай.
Ра́дуйся, я́ко исцеле́ний источа́еши реку́;
ра́дуйся, я́ко стра́ждущих от бед избавля́еши.
Ра́дуйся, и́ноков исправле́ние;
ра́дуйся, душ на́ших ра́дование.
Ра́дуйся, оте́честву на́шему похвала́ и утвержде́ние,
его́же соблюди́ моли́твами твои́ми от враг ненаве́тно, да зове́м ти:
ра́дуйся, преподо́бне о́тче Кассиа́не.

Песнь 7

Ирмос: Бо́жия снизхожде́ния
о́гнь устыде́ся в Вавило́не иногда́.
Сего́ ра́ди о́троцы в пещи́, ра́дованною ного́ю,
я́ко во цве́тнице, лику́юще, поя́ху:
благослове́н еси́, Бо́же оте́ц на́ших.

Припев: Преподо́бне о́тче Кассиа́не, моли́ Бо́га о на́с.

Хва́лится о тебе́, преподо́бне, град У́глеч
и у́чемстии лю́дие веселя́тся, име́юще мо́щи твоя́ у себе́,
я́ко до́браго граждани́на, от Бо́га да́ннаго, и воспева́ют Христу́:
благослове́н еси́, Бо́же оте́ц на́ших.

Припев: Преподо́бне о́тче Кассиа́не, моли́ Бо́га о на́с.

У Влады́ки Христа́ предстоя́ в Вы́шнем Ца́рствии, Кассиа́не богому́дре,
боле́знующих очи́ма исцеля́еши,
просвети́ у́бо и серде́чная очеса́ на́ша све́том богоразу́мия и научи́ Ему́ пе́ти:
благослове́н еси́, Бо́же оте́ц на́ших.

Сла́ва Отцу́ и Сы́ну и Свято́му Ду́ху.

Чудесы́ у́бо твои́ми, я́ко цвет процве́л еси́, пресла́вне Кассиа́не,
я́коже рече́ проро́к: пра́ведник, я́ко фи́никс, процвете́т.
Сего́ ра́ди вси тя ны́не сла́вим, блаже́нне, и воспева́ем Христу́:
благослове́н еси́, Бо́же оте́ц на́ших.

И ны́не и при́сно и во ве́ки веко́в. Ами́нь.

Богородичен: Христа́ ро́ждши Влады́ку и Врача́ вся́ческих, Пречи́стая,
ра́нами грехо́вными нас, уя́звленных и неисце́льно боля́щих,
исцели́, Влады́чице, Твои́ми моли́твами, Сы́ну Твоему́ зову́щих:
благослове́н еси́, Бо́же оте́ц на́ших.

Песнь 8

Ирмос: Седмери́цею пе́щь
халде́йский мучи́тель
богочести́вым неи́стовно разжже́,
си́лою же лу́чшею спасе́ны, сия́ ви́дев,
Творцу́ и Изба́вителю вопия́ше:
о́троцы, благослови́те,
свяще́нницы, воспо́йте,
лю́дие, превозноси́те во вся ве́ки.

Припев: Преподо́бне о́тче Кассиа́не, моли́ Бо́га о на́с.

Светоно́сный твой пра́здник, преподо́бне Кассиа́не,
исполня́ет ра́дости и весе́лия духо́внаго, благоуха́ния же и просвеще́ния
тя иму́щих засту́пника и Бо́гу вопию́щих:
де́ти, благослови́те, свяще́нницы, воспо́йте,
лю́дие, превозноси́те во вся ве́ки.

Припев: Преподо́бне о́тче Кассиа́не, моли́ Бо́га о на́с.

Всем, под кров твой прибега́ющим, и тебе́ с ве́рою моля́щимся лю́дем,
бу́ди дарова́ний духо́вных пода́тель, теле́сных же боле́зней цели́тель
и пред Го́сподем те́плый предста́тель, Кассиа́не,
земли́ У́глечския сла́во и украше́ние.

Сла́ва Отцу́ и Сы́ну и Свято́му Ду́ху.

И́мя твое́, преподо́бне Кассиа́не,
я́ко ми́ро излия́нное, я́ко благоуха́ние рая́ Бо́жия,
по лицу́ земли́ на́шея обно́сится, услажда́я се́рдца́ ве́рующих
и призыва́я в ра́дости духо́вней воспева́ти Го́спода и превозноси́ти Его́ во ве́ки.

И ны́не и при́сно и во ве́ки веко́в. Ами́нь.

Богородичен: Не пре́зри моле́ний раб Твои́х, Ма́ти Бо́жия,
приими́ воздыха́ния и сле́зы серде́чныя ра́ди уго́дника Твоего́, преподо́бнаго Кассиа́на,
и принеси́ их ко Престо́лу Сы́на Твоего́ и Бо́га,
да сла́вится препе́тое И́мя Его́ во ве́ки.

Песнь 9

Ирмос: Ужасе́ся о сем Не́бо,
и земли́ удиви́шася концы́,
я́ко Бог яви́ся челове́ком пло́тски
и чре́во Твое́ бы́сть простра́ннейшее Небе́с
Тем Тя, Богоро́дицу,
А́нгелов и челове́к чинонача́лия велича́ют.

Припев: Преподо́бне о́тче Кассиа́не, моли́ Бо́га о на́с.

Земля́, иде́же лежи́т пречестно́е те́ло твое́, преподо́бне,
исто́чник явля́ется чуде́с и врачева́ний,
и вси, тебе́ моля́щиися, от вся́кия скве́рны и страсте́й избавля́ются.

Припев: Преподо́бне о́тче Кассиа́не, моли́ Бо́га о на́с.

Свя́тче Бо́жий, уго́дниче Христо́в, ми́лости неистощи́мое сокро́вище,
при́зри на не́мощи моя́, исцели́ ду́шу мою́, страстьми́ зле обурева́емую,
исцели́ и те́ло мое́, немощми́ обложе́нное,
да просла́влю Христа́ Бо́га, ди́внаго во святы́х Свои́х.

Сла́ва Отцу́ и Сы́ну и Свято́му Ду́ху.

В Небе́сных оби́телех ра́дости неизрече́нныя наслажда́яся, преподо́бне,
Влады́ку всех моли́ храм сей, и ве́си си́и, и град У́глеч, и всю страну́ на́шу в ми́ре сохрани́ти
и вся ны спасти́, благоче́стно тя почита́ющия.

И ны́не и при́сно и во ве́ки веко́в. Ами́нь.

Богородичен: Уврачу́й, Пречи́стая, стра́сти се́рдца моего́,
ро́ждшая всех Царя́ и Бо́га,
и пра́ведных ча́сти яви́ мя прича́стна, Богоро́дице Де́во,
Христа́, Сы́на Твоего́, умоли́вши.

Светилен

Светода́вче Го́споди,
свети́льника земли́ на́шея, Кассиа́на преподо́бнаго моли́твами
просвети́ нас, ве́рою Тебе́ служа́щих
и благоче́стно пра́зднующих светоно́сную того́ па́мять.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Свеще́ та́инственная, Богоневе́сто,
су́щим во тьме́ неразу́мия све́том ра́зума и́стины возсия́й,
и спаси́ всех, благоче́стно Тя, я́ко Ма́терь Бо́жию, велича́ющих.