Православный Мир
Житие
Сведений о жизни не сохранилось. Прославился посмертно: в 1540-х годах его гроб на льдине трижды приплывал против течения к селу Боровичи (Новгородчина). Явившись старейшинам, отрок сказал: «Я такой же христианин, имя моё Иаков». Мощи, помещённые в часовне, прославились чудесами исцелений. В 1544 г. перенесены в Святодуховский храм, где почитались как святыня. Иконописный образ: «млад, наг, препоясан платом». Часть мощей патр. Никон перенёс в Иверский монастырь (1657).
Краткое житие праведного Иакова Боровичского, Новгородского чудотворца
О происхождении блаженного Иакова, жизни его и кончине его нет достоверных сведений. По местному преданию, он в отрочестве принял на себя суровый подвиг юродства Христа ради. По церковным песнопениям, святой Иаков «от младенства Богу прилепився, Того стопам последовал», победил «плотския страсти воздержанием», «благодать духовную восприял», своим «жестоким житием на земли Ангелы удиви, демоны же устраши и человеки просвети» и «ныне на небесех предстоя всех Царю Христу».
Прославил Господь святого подвижника после кончины. Однажды к селению Боровичи (в Новгородской области) по реке Мсте против течения приплыла большая льдина*, на которой стоял гроб (дубовая колода) без крышки, а в нем лежало тело юноши. Боясь ответственности, крестьяне шестами оттолкнули льдину к середине реки, но она возвратилась к берегу. Так повторялось трижды. Ночью старейшинам села явился во сне юноша, виденный ими на льдине, и сказал: «Я такой же христианин, как и вы. Не гоните меня. Мое имя Иаков, я получил имя в честь святого Иакова, брата Господня».
Мощи святого отрока были сначала помещены в часовне, а в 1544 году перенесены в Святодуховской храм. Тогда же было установлено ему празднование. Господь, прославляя Своего угодника, даровал мощам святого Иакова целительную силу. Полиелейное празднование установлено с 1572 года. В «Иконописном подлиннике» о святом Иакове сказано: «Подобием млад, наг, препоясан платом». В 1657 году патриарх Никон часть мощей святого перевез на Валдай, в Иверскую обитель. Часть святых мощей осталась в Духовом Боровичском монастыре (Новгородской епархии), другая хранилась в Авраамиевом ските (бывшей Финляндской епархии). Память преподобного Иакова совершается два раза в год: 22 мая/4 июня и в день перенесения честных его мощей 23 октября/5 ноября.
Полное житие праведного Иакова Боровичского, Новгородского чудотворца
У многих древних русских городов есть свой святой покровитель, имя которого связано с чудесными исцелениями и защитой города от врагов. Покровителем города Боровичи в Новгородской области является св. прав. Иаков, Боровичский чудотворец.
Св. Иаков – общеправославный святой, 5 ноября, в праздник св. Иакова, православные христиане всего мира, вознося молитвы к этому святому, духовно объединяются с верующими нашего города.
Особо покровительствует св. Иаков Боровичскому краю и Иверскому Валдайскому монастырю.
В рукописи XVI в., хранящейся в Троице-Сергиевой Лавре, изложены сказания об этом святом.
В 1452 г. 11 апреля*, во вторник по Пасхе, около Свято-Духова монастыря произошло величайшее событие. Весеннее половодье; быстротечная река Мста шумным потоком катила свои волны через пороги; живительное тепло весеннего солнца уничтожило весь речной лед. Неожиданно появилась большая льдина, двигавшаяся против стремительного течения реки; густой пар, как бы дым от пламени, поднимался от нее. Пристала она к правому берегу, повыше монастыря саженей на сто. Свидетели сего явления узрели на льдине довольно потемневшую и как будто опаленную огнем сосновую колоду, представлявшую собою нижнюю часть гроба без крышки, а в ней мало прикрытое тело некоего отрока. Объятые ужасом, непросвещенные и малодушные боровичане приняли приплывшее тело за обыкновенный труп утопленника. Дабы избежать неприятностей, усиленно старались они особого рода длинными шестами оттолкнуть от берега льдину с ее странною ношею. Однако льдина не повиновалась и снова возвратилась к прежнему месту. Тогда, обмотав колоду веревками, повлекли ее вместе с льдиной по течению реки Мсты и таким образом отвели версты за две от монастыря. На рассвете следующего дня льдина со своею ношею опять вернулась. Повторилось это и в третий раз.
Наконец, Господь вразумил неразумных. Некий отрок явился во сне нескольким более благонамеренным старейшинам боровичским и сказал им: «Из-за чего вы, православные христиане, немилостиво гоните от себя подобного вам христианина? Из-за чего противитесь Господу, направившему к вам тело мое? Ужели из-за неведения имени моего? Так знайте, что я называюсь Иаков; соименник св. Иакову, брату Господню по плоти». Воспрянули от сна простодушные и богобоязненные старейшины, поведали друг другу о дивном сновидении и умилились в сердце своем. Слух об этом быстро распространился. И поняли тогда жители боровичские неразумное отношение к явленным через приплытие мощам отрока Божия. Много горьких слез пролили при этом; дреколье, которым отталкивали мощи, сожгли. Старейшины, сопровождаемые толпою, поспешили на берег реки Мсты с твердым намерением немедленно снять с льдины честные мощи для упокоения оных здесь же, на берегу. Был устроен деревянный сруб, имевший поверх земли вид небольшой часовни. В течение 93-х лет после приплытия и последовавшего затем погребения нетленные останки св. Иакова, почившие под спудом, неослабно источали благодатные исцеления для всех, с верою притекавших к нему.
После многих знамений и чудес, совершившихся при гробе Иакова Праведного, жители нашего края в 1544 г. особою челобитною от духовенства и мирян довели о сем до сведения Новгородского архиепископа Феодосия, выразив искреннее желание и усердную просьбу, чтобы честные мощи сего нового чудотворца, яко многоценное и богоданное сокровище, были открыты. Это великое торжество совершилось в 1545 г. 23 октября, в день памяти апостола Иакова, брата Господня. На самом же месте захоронения мощей св. Иакова вскоре после того открылся целебный источник. А благочестивые окрестные жители, ревнуя о славе имени Господа, дивного во святых своих, устроили тут небольшую деревянную церковь во имя иконы Божией Матери «Умиление».
В дни благочестивейшего государя, царя Алексея Михайловича, святейший Никон, великий патриарх всей Руси, зная о чудесах, совершавшихся при мощах св. Иакова Праведного, и в то же время получив сведения, что св. мощи находятся в большом небрежении от скудности Свято-Духова, возымел намерение перенести св. мощи в созданную тогда на одном из островов Валдайского озера обитель Иверскую. Перенесение это совершилось в 1654 г. 23 февраля.
Кем именно был в кратковременном житии своем на земле благоугодивший Господу отрок, св. Иаков Праведный, именуемый Боровичским чудотворцем, кто были его родители и откуда нетленные мощи его приплыли к боровичскому берегу? Об этом нет достоверных сказаний, ни письменных, ни устных.
О чудесах св. Иакова рассказывается в книге «Сказание о святом Иакове праведном, Боровичском чудотворце», изданной в 1901 г. в Санкт-Петербурге. Сохранились воспоминания боровичан о том, что в начале Великой Отечественной войны одному глубоко верующему старцу во сне явился св. Иаков и сказал: «Пусть верующие с моим образом трижды обойдут город, и я спасу град свой».
Действительно, группа верующих три ночи обходила наш город с крестом, пением молитв, с иконой св. Иакова и с частицей его мощей. Этот крестный ход совершался тайно, ночью, т.к. верующие опасались гонения со стороны безбожных властей. Вскоре фронт подошел к г. Боровичи и находился всего в 70 км от него, но город не пострадал.
О чудесах св. Иакова существует множество преданий. Верующие посвящают ему стихи.
Примечания
* Точная дата события неизвестна. В источниках приводятся разные даты: вторник Светлой седмицы 1452 г., пришедшийся в том году на 11 апреля1, 23 октября 1542 г.2, или 23 октября 1544 г. Преставление блаженного Иакова связывают с 1452 г.3 или с 1540 г.4 Длительная традиция передачи предания о святом Иакове старожилами-«памятухами», существовавшая к середине XVI в. в Боровичах, позволяет отнести явление мощей святого к XV в.
1 РНБ. Погодинский список. № 629. Л. 172, XVII в.
2 Сергий (Спасский). Месяцеслов. Т. 1. С. 610.
3 РНБ. Археол. об-во. № 31. Л. 16 об., нач. XVIII в.
4 Барсуков. Источники агиографии. Стб. 233-234.
Песнопения
Тропарь, глас 1
Боже́ственною благода́тию просвети́вся,
и по сме́рти да́руеши исцеле́ние
притека́ющим к тебе́, прему́дре Иа́кове:
те́мже и мы ны́не чтим честны́х моще́й пренесе́ние,
веселя́ще вку́пе ду́ши и телеса́.
Тем вси вопие́м:
сла́ва Да́вшему ти кре́пость!
Сла́ва Венча́вшему тя!
Сла́ва Де́йствующему тобо́ю всем исцеле́ния!
Кондак, глас 8
Ве́рою и любо́вию
твое́ честно́е пренесе́ние пра́зднующих, блаже́нне,
сохрани́ и соблюди́ от вся́кия зло́бы и собла́зна змии́на,
и́маши бо дерзнове́ние ко Влады́це всех, Христу́ Бо́гу.
Его́же моли́ спасти́ правосла́вныя лю́ди,
моля́щия тя, да вси вопие́м ти:
ра́дуйся, о́тче Иа́кове,
всея́ Росси́йския земли́ удобре́ние.
Ин кондак, глас 8 Я́ко звезда́ многосве́тлая, от́че, на восто́це возсия́,/ к за́паду прише́л еси́, блаже́нне, во твое́ принесе́ние,/ я́ко со́лнечная луча́, испуща́еши исцеле́ния притека́ющим к ра́це моще́й твои́х,/ моли́ся Христу́ Бо́гу спасти́ правосла́вныя лю́ди, моля́щияся ти,/ да вси вопие́м ти:// ра́дуйся, Богому́дре Иа́кове.
Молитва
Молитва
О, святы́й вели́кий пра́ведниче и пресла́вный чудотво́рче, богоблаже́нный уго́дниче Христо́в Иа́кове, ди́вно просла́вленный на Небеси́ и на земли́ да́нный нам от Го́спода целе́бниче и засту́пниче, к тебе́ припа́даем с ве́рою, любо́вию и благогове́нием, и мо́лимся от глубины́ души́: помози́ нам, зело́ прогне́вавшим Го́спода и Созда́теля на́шего, и испроси́ нам вся, я́же к житию́ вре́менному и спасе́нию ве́чному потре́бная: земли́ плодоно́сие, возду́хов благорастворе́ние, душ и теле́с здра́вие, в покая́нии и благоче́стии преспе́яние, ве́ры правосла́вныя укрепле́ние, суеве́рия посрамле́ние, неве́рия искорене́ние и вся́каго блага́го проше́ния на́шего ко Бо́гу исполне́ние. Услы́ши, уго́дниче Бо́жий, вся́ку ду́шу христиа́нскую, в ско́рби и обстоя́нии тя моли́твенно призыва́ющую, ускори́ на по́мощь, облегчи́ ско́рби, уврачу́й неду́ги и яви́ся ско́рый предста́тель тре́бующих твоего́ заступле́ния. Наипа́че же в час кончи́ны на́шея не закосни́ приити́ на по́мощь нам и умоли́ Го́спода дарова́ти нам кончи́ну живота́ на́шего ми́рну, безмяте́жну, Святы́х Христо́вых Та́ин прича́стну и упова́ния испо́лнену, да с наде́ждою спасе́ния безбе́дно пре́йдем стра́шный путь возду́шных мыта́рств и непреткнове́нно дости́гнем вожделе́ннаго ца́рствия, е́же угото́вал Госпо́дь лю́бящим Его́. Ей, свя́тче Бо́жий! Услы́ши нас и не пре́зри моле́ния на́шего, но сотвори́ нас соуча́стники блаже́нства ве́чнаго, да вку́пе с тобо́ю спасе́ннии милосе́рдием Христа́ Спаси́теля на́шего воспое́м и просла́вим Его́ со Отце́м и Святы́м Ду́хом, во ве́ки веко́в. Ами́нь.
Канон
Канон святому праведному Иакову Боровичскому, Новгородскому
Минея, 22 Мая.
Глас 5
Песнь 1
Ирмос: Спаси́телю Бо́гу,
в мо́ри лю́ди немо́крыми нога́ми наста́вльшему
и фарао́на со всево́инством пото́пльшему,
Тому́ Еди́ному пои́м, я́ко просла́вися.
Припев: Святы́й пра́ведный Иа́кове, моли́ Бо́га о на́с.
А́гнче Бо́жий, Сло́ве, даждь ми сло́во недосто́йному Твое́му рабу́,
да возмогу́ воспе́ти в па́мять пренесе́ния моще́й блаже́ннаго Иа́кова торжество́, взыва́я:
Тому́ Еди́ному воспои́м, я́ко просла́вися.
Припев: Святы́й пра́ведный Иа́кове, моли́ Бо́га о на́с.
Безве́стная и та́йная после́днему ро́ду явле́на бы́ша честны́я мо́щи твоя́, прему́дре Иа́кове,
к ни́мже прикаса́ющеся, освяще́ние прие́млем, Го́сподеви пою́ще:
Того́ Еди́наго воспои́м, я́ко просла́вися.
Сла́ва Отцу́ и Сы́ну и Свято́му Ду́ху.
Всесвята́я твоя́ па́мять возсия́ ми́рови, я́ко со́лнце, просвеща́я ду́ши благоче́стно пою́щих тя,
в не́йже моли́ся,блаже́нне, пода́ти очище́ние грехо́в Го́сподеви зову́щим:
Того́ Еди́наго воспои́м, я́ко просла́вися.
И ны́не и при́сно и во ве́ки веко́в. Ами́нь.
Богородичен: Господороди́тельнице Чи́стая, Небе́сный вхо́де,
горо́ несеко́мая, дверь непроходи́мая,
апо́столом сла́ва, му́чеником весе́лие, преподо́бным красота́,
приими́ моле́ние на́ше, е́же Ти прино́сим
в па́мять блаже́ннаго Иа́кова, Го́сподеви пою́ще:
Того́ Еди́наго воспои́м, я́ко просла́вися.
Песнь 3
Ирмос: Водрузи́вый на ничесо́мже зе́млю повеле́нием Твои́м
и пове́сивый неодержи́мо тяготе́ющую
на недви́жимем, Христе́, ка́мени за́поведей Твои́х,
Це́рковь Твою́ утверди́́, Еди́не Бла́же и Человеколю́бче.
Припев: Святы́й пра́ведный Иа́кове, моли́ Бо́га о на́с.
День пра́зднственный днесь пра́зднуют наро́ди Вели́каго Нова́гра́да,
обрето́ша бо мо́щи блаже́ннаго Иа́кова, я́ко не́кое сокро́вище бога́тно,
непреста́нно Христу́ зову́ще:
Це́рковь Твою́ утверди́́, Еди́не Бла́же и Человеколю́бче.
Припев: Святы́й пра́ведный Иа́кове, моли́ Бо́га о на́с.
Естество́ тле́нное нивочто́же вмени́в,
житие́ чи́стое на земли́ пожи́л еси́
и сего́ ра́ди насле́довал еси́ Небе́сное селе́ние.
Моли́ и нам получи́ти та́мошнее блаже́нство, пра́зднующим твое́ пренесе́ние,
да непреста́нно Христу́ зове́м:
Це́рковь Твою́ утверди́́, Еди́не Бла́же и Человеколю́бче.
Сла́ва Отцу́ и Сы́ну и Свято́му Ду́ху.
Житие́ твое́, я́ко со́лнце, в сердца́ ве́рных возсия́, зарю́ чуде́с испуща́я,
те́мже и нас невече́рним Све́том озари́, всечестно́е твое́ пренесе́ние почита́ющих,
да непреста́нно Христу́ зове́м:
Це́рковь Твою́ утверди́, Еди́не Бла́же и Человеколю́бче.
И ны́не и при́сно и во ве́ки веко́в. Ами́нь.
Богородичен: Зело́ лю́те погружа́емую ду́шу мою в пучи́не жите́йских страсте́й
и бу́рею одержи́мую безме́рных согреше́ний,
спасе́ния ми простри́ ру́ку, Пречи́стая, и изведи́ из глубины́ зол мои́х,
да, ра́дуяся, сла́влю Тя, Всенепоро́чную.
Седален, глас 5
Пресве́тлая и светоно́сная, о́тче Богому́дре Иа́кове,
приспе́ твоя́ па́мять, созыва́ющи ве́рных мно́жество
просла́вити и пе́ти твое́ честно́е пренесе́ние,
про́сим от Христа́ прия́ти ве́лию ми́лость.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Богородичен: Яви́лася еси́ вы́шши Небе́сных сил,
Влады́ку и Го́спода ро́ждши, Богоро́дице:
земны́х естество́ возвела́ еси́, Богоневе́стная.
Те́мже Тя, вои́стинну, Богороди́тельнице,
се́рдцем и душе́ю ве́рнии сла́вим.
Песнь 4
Ирмос: Дела́ смотре́ния Твоего́, Го́споди,
ужаси́ша проро́ка Авваку́ма:
изше́л бо еси́ на спасе́ние люде́й Твои́х,
спасти́ пома́занныя Твоя́ прише́л еси́.
Припев: Святы́й пра́ведный Иа́кове, моли́ Бо́га о на́с.
Зе́млени бо есмы́ и пе́рстни челове́цы,
ве́рно припа́даем к пречестны́м моще́м твои́м, блаже́нне Иа́кове, прося́ще отпуще́ния грехо́в:
моли́ся о ве́рно пра́зднующих твое́ честно́е пренесе́ние.
Припев: Святы́й пра́ведный Иа́кове, моли́ Бо́га о на́с.
И́же крест взем, блаже́нне, и жела́емаго ти оте́чества дости́г, Го́рняго Иерусали́ма,
и в нем со А́нгелы лику́еши, Иа́кове прему́дре:
моли́ся о чту́щих твое́ честно́е пренесе́ние.
Сла́ва Отцу́ и Сы́ну и Свято́му Ду́ху.
Ны́не на Небесе́х с пра́ведными весели́шися, преблаже́нне Иа́кове,
с ни́миже моли́ся, Христу́ предстоя́, мир ми́рови дарова́ти
и благочести́вому наро́ду на́шему здра́вие, и на враги́ побежде́ние,
и всем скорбя́щим утеше́ние.
И ны́не и при́сно и во ве́ки веко́в. Ами́нь.
Богородичен: Кто не удиви́тся или́ кто не почуди́тся человеколю́бию Бо́жию,
сшед бо с Небесе́ и воплоти́ся нас ра́ди из Тебе́ без Отца́, Еди́на Всепе́тая:
Его́же моли́ изба́витися рабо́м Твоим от вся́кия ско́рби.
Песнь 5
Ирмос: Окая́нную ду́шу мою́, нощеборю́щуюся со тьмо́ю страсте́й,
предвари́в, уще́дри
и возсия́й, мы́сленное Со́лнце, днесве́тлыя звезды́ во мне,
во е́же раздели́ти нощь от све́та.
Припев: Святы́й пра́ведный Иа́кове, моли́ Бо́га о на́с.
Любо́вию чту́ще твое́ пренесе́ние, приле́жно тя мо́лим, прему́дре Иа́кове,
не преста́й моля́ся Христу́ Бо́гу,
да прии́мем грехо́в просты́ню и да озари́т нас в нощи́ свет.
Припев: Святы́й пра́ведный Иа́кове, моли́ Бо́га о на́с.
Мно́жество наро́да Вели́каго Нова́гра́да, соше́дшеся днесь в твое́ пренесе́ние, блаже́нне Иа́кове,
и прикаса́ющеся честны́м моще́м твои́м, от них исцеле́ния почерпа́ем, непреста́нно зову́ще:
да озари́т нас в нощи́ свет.
Сла́ва Отцу́ и Сы́ну и Свято́му Ду́ху.
Не то́кмо в житии́ сый, но и по сме́рти мно́га чудеса́
от честны́я ти ра́ки содева́ются приходя́щим с ве́рою, всеблаже́нне Иа́кове,
неду́ги прогоня́еши и от бед избавля́еши си́лою Христо́вою.
К Нему́же непреста́нно зове́м:
да озари́т нас в нощи́ свет.
И ны́не и при́сно и во ве́ки веко́в. Ами́нь.
Богородичен: Он, вселука́вый, по вся дни к го́ршим влече́т мя,
и в ров поги́бели влага́ет, и во отча́яние мя влече́т;
но того́ мя ловле́ния, Чи́стая, исхи́ти,
и твори́ти во́лю Боже́ственную Сы́на Твоего́ и Бо́га на́шего наста́ви,
и в час стра́шнаго прише́ствия Его́ изба́ви мя вся́каго осужде́ния.
Песнь 6
Ирмос: Обы́де мя бе́здна,
гроб мне кит бысть:
аз же возопи́х к Тебе́, Человеколю́бцу,
и спасе́ мя десни́ца Твоя́, Го́споди.
Припев: Святы́й пра́ведный Иа́кове, моли́ Бо́га о на́с.
Прииди́те, собери́теся, Вели́каго Нова́гра́да наро́ди,
све́тло пра́зднуем пренесе́ние моще́й блаже́ннаго Иа́кова,
мо́лится бо ко Влады́це и Бо́гу на́шему, да изба́вит нас от вся́каго озлобле́ния,
к Нему́же, воспева́юще, глаго́лем:
спасе́ нас десни́ца Твоя́, Го́споди.
Припев: Святы́й пра́ведный Иа́кове, моли́ Бо́га о на́с.
Ра́ка моще́й твои́х, прему́дре Иа́кове, дража́йши сапфи́ра показа́ся,
чудотвори́ва бо бе, исцеле́ния источа́ющи.
Тя ублажающе́, ве́рнии ра́достно от души́ Христу́ зове́м:
спасе́ нас десни́ца Твоя́, Го́споди.
Сла́ва Отцу́ и Сы́ну и Свято́му Ду́ху.
Све́тлыми сия́нии обрето́шася на кре честны́я твоя́ мо́щи, Иа́кове пречу́дне,
ны́не, а́ки заря́ пресве́тлая, просвеща́ют и освеща́ют чту́щих тя ве́рно
и ра́достно от души́ Христу́ зову́щих:
спасе́ нас десни́ца Твоя́, Го́споди.
И ны́не и при́сно и во ве́ки веко́в. Ами́нь.
Богородичен: Тебе́, Чи́стую Де́ву Нескве́рную,
Еди́ну и́мам сте́ну непреобори́му,
прибе́жище и покро́в кре́пок и ору́жие спасе́ния,
да мя не пре́зриши окая́ннаго,
наде́жда ненаде́жным, скорбя́щим ра́дость и заступле́ние.
Кондак, глас 8
Ве́рою и любо́вию
твое́ честно́е пренесе́ние пра́зднующих, блаже́нне,
сохрани́ и соблюди́ от вся́кия зло́бы и собла́зна змии́на,
и́маши бо дерзнове́ние ко Влады́це всех, Христу́ Бо́гу.
Его́же моли́ спасти́ правосла́вныя лю́ди,
моля́щия тя, да вси вопие́м ти:
ра́дуйся, о́тче Иа́кове,
всея́ Росси́йския земли́ удобре́ние.
Икос
А́нгел на земли́ житие́м показа́вся,
А́нгелы удиви́л еси́, бе́сы же устраши́л еси́,
и челове́ки просвети́л еси́ заря́ми чуде́с твои́х, Богоно́се и преблаже́нне, о́тче наш Иа́кове.
И ны́не нас вразуми́ воспева́ти песнь к твое́му хвале́нию,
ра́достным гла́сом си́це глаго́лющих:
ра́дуйся, оста́вивый тле́нное мудрова́ние и прие́мый нетле́нный вене́ц;
ра́дуйся, терпели́вый душе́ю, и́же злоко́зненнаго врага́ под нога́ми стерл еси́;
ра́дуйся, ни́жнее мудрова́ние оставль и Вы́шняго Ца́рствия дости́г;
ра́дуйся, цели́телю боле́зней и отгони́телю страсте́й;
ра́дуйся, о́тче Иа́кове, всея́ Росси́йския земли́ удобре́ние.
Песнь 7
Ирмос: Огня́ гаси́лище, отроко́в моли́тва,
ороша́ющая пещь пропове́дница чудесе́,
не опаля́ющи, ниже́ сожига́ющи
песносло́вцы Бо́га оте́ц на́ших.
Припев: Святы́й пра́ведный Иа́кове, моли́ Бо́га о на́с.
Уста́ви ны́нешнюю бу́рю, обдержа́щую нас, блаже́нне,
и укроти́ моли́твами твои́ми,
и ва́рварское нахожде́ние низложи́,
и нас, раб твои́х, на сопоста́ты укрепи́, да, ра́дующеся, пое́м:
Бо́же, благосло́вен еси́.
Припев: Святы́й пра́ведный Иа́кове, моли́ Бо́га о на́с.
Фарисе́йски не лицеме́руем, но, со смире́нием и ра́достию прикаса́ющеся к моще́м твои́м, прему́дре Иа́кове,
про́сим проще́ния грехо́в, Христу́ от души́ вопию́ще:
Бо́же, благослове́н еси́.
Сла́ва Отцу́ и Сы́ну и Свято́му Ду́ху.
Храни́тель бу́ди вели́кия Росси́и, христолюби́вому наро́ду на́шему, Богому́дре Иа́кове,
сохраня́яй от пога́ных наше́ствия и междоусо́бныя бра́ни, гла́да же и па́губы,
да моли́твами твои́ми изба́вльшеся, ра́достно от души́ Христу́ зове́м:
Бо́же, благослове́н еси́.
И ны́не и при́сно и во ве́ки веко́в. Ами́нь.
Богородичен: Отча́явшимся еси́ ве́лие прибе́жище, обурева́емым ти́хое приста́нище еси́, Богоро́дице.
Те́мже и мы, припа́дающии, да не постыди́мся, Ма́ти И́стиннаго Живота́, Тебе́ благодаря́ще и пою́ще:
благослове́нна Ты в жена́х, Всенепоро́чная Влады́чице.
Песнь 8
Ирмос: Ороси́вшаго пещь и о́троки сохра́ншаго посреде́ горя́щаго пла́мене,
о́троцы, славосло́вите,
свяще́нницы, благослови́те,
лю́дие, превозноси́те во вся ве́ки.
Припев: Святы́й пра́ведный Иа́кове, моли́ Бо́га о на́с.
Моли́твенника тя те́пла стяжа́вше и ско́раго помо́щника,
и я́ко сте́ну тве́рду, и забра́ло недвижи́мо и необурева́емо,
не забу́ди моли́твенник твои́х, избавля́й нас от вся́кия ну́жды и печа́ли, да, ра́дующеся, Христу́ зове́м:
лю́дие, превозноси́те Его́ во ве́ки.
Припев: Святы́й пра́ведный Иа́кове, моли́ Бо́га о на́с.
Чуде́с исто́чник мо́щи твоя́ яви́ся, Иа́кове преблаже́нне,
от ни́хже оби́льно вси притека́ющии прие́млют телесе́м здра́вие и душа́м спасе́ние твои́ми моли́твами,
да, ра́дующеся, Христу́ зове́м:
лю́дие, превозноси́те Его́ во ве́ки.
Сла́ва Отцу́ и Сы́ну и Свято́му Ду́ху.
Ше́ствие твое́ до́бре сконча́л еси́ и мирски́й мяте́ж, а́ки безбу́рное приста́нище, преплы́л еси́,
и А́нгельски на земли́ пожи́л еси́, плоть твою́́ ду́хови повину́л еси́.
И ны́не на Небесе́х предстоя́ всех Царю́ Христу́,
помина́й чту́щих твое́ пренесе́ние, Ему́же зове́м:
лю́дие, превозноси́те Его́ во ве́ки.
И ны́не и при́сно и во ве́ки веко́в. Ами́нь.
Богородичен: Ще́драго и Человеколюби́ваго Спа́са ро́ждши, Чи́стая,
Того́ моли́ уще́дрити раба́ Твоего́ и к пока́яния пути́ наста́ви,
лука́ваго собла́зны от се́рдца моего́ отжени́, и того́ изба́ви ловле́ния,
и огня́ ве́чнаго исхити́,
я́ко да непреста́нно пою́ Тя, Чи́стую, во вся ве́ки.
Песнь 9
Ирмос: Иса́ие, лику́й,
Де́ва име́ во чре́ве и роди́ Сы́на Емману́ила,
Бо́га же и Челове́ка, Восто́к И́мя Ему́,
Его́же велича́юще, Де́ву ублажа́ем.
Припев: Святы́й пра́ведный Иа́кове, моли́ Бо́га о на́с.
Исто́чник исцеле́ния испуща́я, врачева́ние же безме́здно,
ковче́г свяще́ния твои́х мо́щей ра́ка яви́ся:
от ни́хже почерпа́ем здра́вие присноживо́тное, притека́ющии ве́рно, блаже́нне Иа́кове,
и тебе́ Дарова́вшаго в пе́снех велича́ем.
Припев: Святы́й пра́ведный Иа́кове, моли́ Бо́га о на́с.
Возвели́чил еси́ на земли́ твоего́ Владыку,
тем и в твое́ пренесе́ние глубину́ чуде́с показа́ и струю́ неоскудева́ему, ра́ку моще́й твои́х, Иа́кове прему́дре,
слепы́м е́же ви́дети дарова́ся, прокаже́нным очище́ние
и одержи́мыя нечи́стыми ду́хи целому́дренны твори́ши.
Те́мже тя велича́ем.
Сла́ва Отцу́ и Сы́ну и Свято́му Ду́ху.
Недосто́йною мое́ю руко́ю принесо́х ти таково́е сло́ва изви́тие, Богому́дрый Иа́кове,
не пре́зри, но приими́ сие́ с любо́вию и моли́ за мя Творца́, твоего́ Влады́ку и Го́спода
та́мошняго мя изба́вити муче́ния и ми́лость обрести́ в день стра́шнаго испыта́ния.
И ны́не и при́сно и во ве́ки веко́в. Ами́нь.
Богородичен: Влады́чице мира, Богоро́дице,
во глубине́ зол поги́бели мене́, погруже́ннаго злоу́мно сластьми́ плотски́ми,
и пристра́стием вещьми́ жития́,
изведи́, Пресвята́я Де́во, Твои́м милосе́рдием,
и́бо не и́мам наде́жды:
весь бо есмь, Чи́стая, во отча́янии, да Тя непреста́нно велича́ю.
Светилен
Я́коже со́лнце облиста́я, чудеса́ испуща́еши, просвеща́я ве́рных сердца́,
твое́ сла́вное пренесе́ние ве́рно творя́щия спаса́й, Богому́дре Иа́кове, о́тче наш.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Богородичен: Тя Предста́тельницу и́мамы гре́шнии, о Пресвята́я Де́во!
Ты благопреме́нна сотвори́ Сы́на Твоего́ и Бо́га на́шего
Ма́терними Твои́ми моли́твами.
Акафист
Акафист праведному Иакову, Боровичскому чудотворцу
Кондак 1
Избранный от Царя Сил Господа Иисуса, дивно прославленный от Него святых мощей твоих явлением и множеством чудотворений, угодниче Божий Иакове праведный, о твоих источаемых нам благодеяниих благодарни суще, похвальное восписуем ти пение, и молимтися о еже от всяких бед свободитися нам твоими молитвами, радостно и умиленно тебе зовущым:
Радуйся, Иакове праведный, чудотворче Христов предивный.
Икос 1
Ангелоподобное житие твое на земли являеши нам по смерти, богомудре Иакове, святых мощей твоих преславным прославлением, от нихже токи исцелений благодатных источаеши недужным. Темже Российская страна тобою красуется, стяжавши тя, богодарованного целебника, мы же с любовию ти зовем:
Радуйся, великий угодниче Божий, утаивый от нас Отечествие твое земное, да увериши, яко от Бога к нам послан еси.
Радуйся, равноангельный человече, облиставый нас божественною зарею преславных твоих чудес.
Радуйся, небожителю, горе со ангелы обитаяй.
Радуйся, от небесных высот благосердием твоим к земнородным приникаяй.
Радуйся, в тайне Господеви поработавый в преподобии и правде.
Радуйся, явно и преславно от Господа прославленный нетлением и чудесы.
Радуйся, Иакове праведный, чудотворче Христов предивный.
Кондак 2
Видя льдину, манием Божиим противу быстрин водных плывущую, и от нея дым кадильный горе возносящийся, недоумеваху людие веси Боровичския о необычнем сем явлении. Приставшей же льдине ко брегу речному, обретоша на ней на кладе древесней лежащыя, нетлением процветшыя святыя мощи твоя, смиренномудре Иакове. Темже и нас подвизаеши Прославльшему тя Господу пети: Аллилуиа.
Икос 2
Разум божественныя тайны неразумевающе, убояшася людие Боровичстии прияти тя незнаема и непогребенна, и вспять отринуша льдину с мощами твоими в быстрину речную. Оней же паки к ним трижды возвращшейся, представ святый Иаков в соннем видении старейшинам Боровичским, обличил еси их сице глаголя: «Что гоните мя христианина верна, именем тезоименита святому апостолу Иакову брату Божию суща»; о сем радующеся благодарим и зовем ти таковая:
Радуйся, незлобием твоим Христу Господу, от иудей гониму, подражавый.
Радуйся, простоту и неразумие отринувших тя не наказавый.
Радуйся, неведение их явлением твоим вразумивый.
Радуйся, веру твою во Христа ясно исповедавый.
Радуйся, имя твое святое от нас не скрывый.
Радуйся, благодать тебе от Господа дарованную чудесы преславными проявивый.
Радуйся, Иакове праведный, чудотворче Христов предивный.
Кондак 3
Сила Божия славно прославися во святых мощех твоих, Иакове святе, к нимже притекающе, недужнии исцеление, слепии прозрение, немии ясноглаголание получаху, и здрави возвращахуся, прославляюще тя чудотворца милостиваго. Темже молим тя и нас, немощствующих грехи многими, посети благоутробне и умоли за нас Человеколюбца Бога, Емуже воспеваем: Аллилуиа.
Икос 3
Имеюще помышления сумнительная о чуднем явлении мощей твоих святых, людие Боровичстии на брезе речнем положиша их на кладе древесней: обаче и время довольно лежавшым им тамо, неистлени явишася и чудесы о твоей святыни удостовериша, святче Божий, прославляемый от верных богомольцев пении сими:
Радуйся, юности преизящная похвало.
Радуйся, свято процветшая розго небеснаго вертограда Иисусова.
Радуйся, цвете нетления, облагоухавый Российскую страну вонею благоухания Христова.
Радуйся, крине чистоты, пренесенный от земли в рай превышний.
Радуйся, многоцелебный сосуде безмезднаго врачевания недугов человеческих.
Радуйся, чудес источниче, оросивый нас к плодоносию духовному.
Радуйся, Иакове праведный, чудотворче Христов предивный.
Кондак 4
Буря недоумения смути святителя Новоградскаго Феодосиа о преславнем явлении мощей твоих, святе Иакове: темже возвестити о сем первосвятителю Московскому Макарию и благоверному царю Иоанну вскоре потщася. Тии же весть благую приемше, верою познаша тя чудотворца богодарованнаго, и со благодарным чувствием Прославльшему тя Христу Богу возгласиша: Аллилуиа.
Икос 4
Слышавше ближнии и дальнии неисцельно болящии, яко источник целеб точит священная рака твоя, угодниче Божий Иакове, со тщанием устремишася к тебе и по вере своей приимаху исцеления своим недугом, немолчными усты возглашающе тебе сия песненная словеса:
Радуйся, скорый помощниче скорбящих и озлобленных.
Радуйся, добрый целебниче болезнми обремененных.
Радуйся, благий посетителю неисцельно страждущих.
Радуйся, скоропредстательный врачу отчаянно недугующих.
Радуйся, укрепление немощных и разслабленных.
Радуйся, утешение унывающих и безнадежных.
Радуйся, Иакове праведный, чудотворче Христов предивный.
Кондак 5
Богосветлая лампада, елеем милости Божия исполненная и преизливающаяся являешися, святче Божий Иакове в посмертных деяниих твоих, многим бо с верою притекающих к мощем твоим, благодетельствовал еси чудесно, и безчисленных недужных уврачевал еси милостивно, подвизая нас гласы немолчными воспевати тобою благодеющему нам Богу: Аллилуиа.
Икос 5
Видевше велию благодать целебную, от Господа тебе дарованную посланнии от святителя Новоградскаго Феодосиа благоговейнии священницы принесоша цельбоподательныя мощи твоя в храм Божий, Иакове досточудне, да не сокрыт будет толикий светильник чудес, но на свещнице святолепнем Церкве Боровичския да светит всем, верою чтущым тя благохвалении сими:
Радуйся, добродетели твоя во глубине смирения твоего от нас сокрывый.
Радуйся, и мощем твоим святым вне храма Божия на долзе пребывати попустивый.
Радуйся, от брега речнаго, яко бисер многоценен в церковь Господню принесенный.
Радуйся, яко сокровище дражайшее, тамо положенный.
Радуйся, смирение совершенное и нищету неложную по смерти засвидетельствовавый.
Радуйся, убожеством риз твоих нестяжание твое обличивый.
Радуйся, Иакове праведный, чудотворче Христов предивный.
Кондак 6
Проповедник немолчный твоих чудес явися святейший патриарх Никон, иже устроив обитель преславну Богоматери, тамо святыя мощи твоя с благолепною честию священства принести потщася, идеже и ныне, яко крин благоуханен пребывают источающа исцеления благодатныя всем требующым, Богу же вопиющым: Аллилуиа.
Икос 6
Возсиял еси яко звезда путеводная, зарею чудес твоих, всех путеводящая к Небесному Отечествию, Иакове всеблаженне. Кто бо не умилится, видя, яко в юнем возрасте старцев добродетелию превозшел еси, и велий дар чудотворений праведно от Бога восприял еси; о сем дивимся и зовем ти во умилении душ и сердец:
Радуйся, избранниче Божий, непорочное житие на земли препроводивый.
Радуйся, любимиче Христов, кротостию и тихостию твоею блаженство кротких унаследовавый.
Радуйся, в мире скончавыйся и к премирным обителем райским возшедый.
Радуйся, со ангелы и всеми святыми тамо на веки водворивыйся.
Радуйся, гражданине всесветлаго града Иерусалима Горняго.
Радуйся, ангеле земный и человече небесный.
Радуйся, Иакове праведный, чудотворче Христов предивный.
Кондак 7
Хотя Человеколюбец Господь явити истину Православия святыя Восточныя Церкве благодатным нетлением мощей святых Своих угодников, и чудесы от них истекающими, сию свидетельствует, во обличение иноверных и неверных, и во утверждение православных. Сие дивное смотрение Божие в преславнем явлении мощей твоих, Иакове праведный, разумеюще верою, приносим Царю Небесе и земли благодарственную песнь: Аллилуиа.
Икос 7
Новое знамение благоволения Божия в стране Российстей видим в многочудеснем явлении святых мощей твоих, Иакове праведный, и с любовию притекающе к твоему молитвенному заступлению, яко богодарованному заступнику нашему, приносим ти сия похвалы:
Радуйся, чудесы твоими истины святыя православныя веры удостоверивый.
Радуйся, присущей святей Восточней Церкви благодати Святаго Духа проповедниче.
Радуйся, грядущаго воскресения мертвых светлый прообразе.
Радуйся, немерцающаго трисолнечнаго сияния светлейшее отображение.
Радуйся, вечныя безсмертныя о Христе жизни цельбоносныя проявление.
Радуйся, райскаго нескончаемаго блаженства всежелательный нам ходатаю.
Радуйся, Иакове праведный, чудотворче Христов предивный.
Кондак 8
Странники и пришельцы суще в мире сем прелестнем, к тебе прибегаем Иакове святе: управи нас влающихся окормлением твоим к тихому пристанищу спасения, настави твоими молитвами на стезю покаяния, и заступи от всякаго диавольскаго искушения, да тобою вспомоществуеми, сподобимся улучити блаженство вечное, и со ангелы и всеми святыми Создателю нашему пети: Аллилуиа.
Икос 8
Весь бе в нижних, обаче и вышних духом не отступил еси, святе Иакове, егда живяше на земли. Ныне же пребываеши в вышних, предстоя со ангелы Престолу Господа Славы: обаче и нижних не отступаеши, молитвами благоспоспешествуя нам и чудесы посещая нас, поющих тебе таковая:
Радуйся, неленостный воли Божией исполнителю.
Радуйся, буйство Христово паче премудрости мирския вменивый.
Радуйся, во смирении глубоцем безвестно жизнь праведную скончавый.
Радуйся, ангелы от земли к обителем небесным на лоно Авраамле пренесенный.
Радуйся, лику святых Божиих Престолу предстоящих горе сопричтенный.
Радуйся, благоволением Божиим и долу на земли нетлением и чудесы прославленный.
Радуйся, Иакове праведный, чудотворче Христов предивный.
Кондак 9
Всяк возраст не неудобен благочестию бывает, аще осенит свыше благодать Божия, немощная врачующи и оскудевающая восполняющи: темже и тебе угодниче Божий, в юностнем возрасте толико укрепи, яко вся добродетели удобно совершил еси, и безплотным непорочностию и чистотою уподобился еси, и еще на земли в бреннем телеси, небесным нравом украшенный, сподобился еси достойно пети Богу ангельскую песнь: Аллилуиа.
Икос 9
Витийство мудрых мира сего недоумеет изъяснити тайну чуднаго нетления мощей святых Божиих: мы же, испытания чужди, верою несумненною залог безсмертия в сем видяще, с любовию припадаем ко святым и многоцелебным мощем твоим, святе Иакове, и яко вернаго раба Христова и чудотворца славнаго, венчаем тя благохвалении сими:
Радуйся, молитв благовонное кадило, благоухающее горе у Престола Божия.
Радуйся, крине благовонный, Церковь Российскую ароматы райскими усладивый.
Радуйся, бисере пресветлый, озаривший нас сиянием преславных чудес.
Радуйся, заре безсмертия, возсиявшая нам от гроба, являющаго нетленную жизнь.
Радуйся, мироположнице благодати, на всяк недуг душевный врачевание источающая.
Радуйся, подателю радования и утешения всяцей души скорбящей, с упованием и верою к тебе притекающей.
Радуйся, Иакове праведный, чудотворче Христов предивный.
Кондак 10
Спасение и блаженство райское житием праведным унаследовав, святче Божий, ни в чемже лишен еси, но равный динарий с древними великими святыми от небеснаго Домовладыки прияв, моли прилежно о еже и нам немощным и грешным житие сие временное без порока прейти, и блаженство вечное улучити, и во Царствии Небеснем радостно пети Богу Спасителю грешных: Аллилуиа.
Икос 10
Стеною молитв твоих, угодниче Христов, огради нас от всякаго душевреднаго искушения диавольскаго, яко тебе дарова нам Преблагий Бог покров и защиту душам и телесем нашым. Тебе убо прославляем и просим: помози нам во всяцей скорби и обстоянии, сице тебе вопиющым:
Радуйся, Церкве торжествующия на небеси изрядное украшение.
Радуйся, Церкве воинствующия на земли крепкое вспоможение.
Радуйся, целомудрия и чистоты зерцало светлейшее.
Радуйся, кротости и нищеты духовныя образе совершеннейший.
Радуйся, смирения любителю.
Радуйся, в жизни и по смерти образ смиренномудрия показавый.
Радуйся, Иакове праведный, чудотворче Христов предивный.
Кондак 11
Пение умиленное, от любве и усердия в похвалу тебе от нас возносимое, приими благоутробне, святче Божий Иакове, воззри не на нас недостойных, но на усердное произволение наше, и подражая милосердию Христа Спасителя нашего, приклонися к нам милостивно, и в покаянии преуспети сподоби, да твоими молитвами всегда поем Богу: Аллилуиа.
Икос 11
Светлую память твою, яко торжество веры и благочестия светле совершает святая Христова Церковь, угодниче Божий и чудотворче Иакове, созывающи верныя чада своя на похвалу праведнаго жития твоего и преславных чудес твоих. Приими убо, ублажаемый избранниче Христов, гласы хвалебныя, тебе радостно от нас возносимыя сице:
Радуйся, ангелов подобниче и человеков заступниче.
Радуйся, святых сожителю присный Богу.
Радуйся, яко предстоиши Божию Престолу во свете немерцающия славы.
Радуйся, венценосче, увенчанный от руки Вседержителя.
Радуйся, ризою нетления облеченный и даром чудес обогащенный.
Радуйся, молитвенниче неусыпаяй и предстателю богоприятный.
Радуйся, Иакове праведный, чудотворче Христов предивный.
Кондак 12
Благодать целебную приял еси от Всещедраго Бога, Иакове святе, еюже недуги и язи человеческия врачуеши преславно, не мзды от нас ко уврачеванию требуя, но веры несумненныя ожидая. Темже, ведуще тя врача благоискусна и целебника немздоприимна, к тебе прибегаем и по прошению дарованная благодеяния приемлем, поюще Богу: Аллилуиа.
Икос 12
Поюще многочудесное прославление святых мощей твоих, исповедуем неисчетная твоя благодеяния, явленная и присноявляемая тобою всем с верою и любовию к тебе притекающым, Иакове досточудне, ихже и нас не лиши смиренных, упование на тя возложивших, и тако к тебе от глубины души вопиющих:
Радуйся, Святыя Живоначальныя Троицы благоволением горе осененный.
Радуйся, ангельским светозарным силам сопричтенный.
Радуйся, вечнаго ликования святых, во гласе радования блаженный сопричастниче.
Радуйся, блаженства неизглаголаннаго, праведным от века уготованнаго сонаследниче.
Радуйся, Духа Святаго обителе, чистотою благоукрашенная.
Радуйся, душ и телес наших целебниче премилостивый.
Радуйся, Иакове праведный, чудотворче Христов предивный.
Кондак 13
О, чудотворче предивный и премилостивый, Иакове преблаженне! Малое сие моление наше милостивно приими, данною ти от Господа благодатию уврачуй немощи душ и телес наших: молитвами же твоими изми нас геенския муки, и сподоби с тобою и всеми святыми в райских селениих, пети Богу Спасителю нашему: Аллилуиа.
[Се́й конда́к глаго́лется три́жды.]
Икос 1
Ангелоподобное житие твое на земли являеши нам по смерти, богомудре Иакове, святых мощей твоих преславным прославлением, от нихже токи исцелений благодатных источаеши недужным. Темже Российская страна тобою красуется, стяжавши тя, богодарованного целебника, мы же с любовию ти зовем:
Радуйся, великий угодниче Божий, утаивый от нас Отечествие твое земное, да увериши, яко от Бога к нам послан еси.
Радуйся, равноангельный человече, облиставый нас божественною зарею преславных твоих чудес.
Радуйся, небожителю, горе со ангелы обитаяй.
Радуйся, от небесных высот благосердием твоим к земнородным приникаяй.
Радуйся, в тайне Господеви поработавый в преподобии и правде.
Радуйся, явно и преславно от Господа прославленный нетлением и чудесы.
Радуйся, Иакове праведный, чудотворче Христов предивный.
Кондак 1
Избранный от Царя Сил Господа Иисуса, дивно прославленный от Него святых мощей твоих явлением и множеством чудотворений, угодниче Божий Иакове праведный, о твоих источаемых нам благодеяниих благодарни суще, похвальное восписуем ти пение, и молимтися о еже от всяких бед свободитися нам твоими молитвами, радостно и умиленно тебе зовущым:
Радуйся, Иакове праведный, чудотворче Христов предивный.
Молитва праведному Иакову, Боровичскому чудотворцу
О, святый великий праведниче и преславный чудотворче, богоблаженный угодниче Христов Иакове, дивно прославленный на Небеси и на земли данный нам от Господа целебниче и заступниче, к тебе припадаем с верою, любовию и благоговением и молимся от глубины души: помози нам, зело прогневавшим Господа и Создателя нашего, и испроси нам вся яже к житию временному и спасению вечному потребная; земли плодоносие, воздухов благорастворение, душ и телес здравие, в покаянии и благочестии преспеяние, веры православныя укрепление, суеверия посрамление, неверия искоренение, и всякаго благаго прошения нашего ко Господу исполнение. Испроси у Господа: страждущую страну Российскую от лютых безбожник и власти их да свободит, и да возставит престол православных правителей; верных рабов Его, в скорби и печали день и нощь вопиющих к нему, многоболезный вопль да услышит и да изведет от погибели живот наш. Услыши, угодниче Божий, всяку душу христианскую, в скорби и обстоянии тя молитвенно призывающую, ускори на помощь, облегчи скорби, уврачуй недуги и явися скорый предстатель требующих твоего заступления. Наипаче же в час кончины нашея не закосни приити на помощь нам и умоли Господа даровати нам кончину живота нашего мирну, безмятежну, святых Христовых Таин причастну и упования исполнену да с надеждою спасения безбедно прейдем страшный путь воздушных мытарств, и непреткновенно достигнем вожделеннаго онаго Царствия, еже уготовал Господь любящым Его. Ей, святче Божий! Услыши нас и не презри моления нашего, но сотвори нас соучастники быти блаженства вечнаго, да вкупе с тобою спасеннии милосердием Христа Спасителя нашего воспоем и прославим Его со Отцем и Святым Духом, во веки веков. Аминь.
