Святитель Митрофа́н, патриарх Константинопольский

Свт. Митрофан (III-IV вв.) ‒ 1-й патриарх Константинопольский, происходил из знатного римского рода. Его отец Дометий, племянник императора Проба, принял христианство и стал епископом Византия. После смерти отца и брата св. Митрофан возглавил кафедру (316 г.). При императоре Константине Великом, перенесшем столицу в Византий, был удостоен титула патриарха (325 г.). Из-за преклонного возраста не смог лично участвовать в I Вселенском соборе, но предсказал будущих патриархов. Скончался в 326 г. в возрасте 117 лет.

Житие святителя Митрофана, патриарха Константинопольского

Святитель Митрофан, патриарх Константинопольский, был современником святого Константина Великого (306–337). Отец его, Дометий, был родным братом римского императора Проба (276–282). Уразумев ложность языческой религии, Дометий уверовал во Христа. Во время жестоких преследований христиан в Риме святой Дометий с двумя своими сыновьями, Пробом и Митрофаном, удалился в Византию, где стал обучаться закону Господню у епископа Тита (242–272), мужа святой жизни. Видя пламенное желание Дометия потрудиться для Господа, епископ Тит рукоположил его во пресвитера. После смерти Тита на епископский престол был возведен Дометий (272–303), а затем – его сыновья, Проб (303–315) и в 316 году – святой Митрофан.

Прибыв однажды в Византий, император Константин Великий был восхищен красотой и удобным расположением города. Увидев святость жизни и мудрость святого Митрофана, император взял его с собой в Рим. Вскоре Константин Великий перенес столицу из Рима в Византий и перевел туда святителя Митрофана. В 325 году для низложения ереси Ария в Никее собрался I Вселенский Собор. Константин Великий исходатайствовал у святых отцов Собора для святителя Митрофана титул патриарха. Таким образом, святитель стал первым патриархом Константинопольским. Сам святитель Митрофан, глубокий старец, не мог присутствовать на Соборе, а послал вместо себя хорепископа (викария) Александра. По окончании Собора император вместе с отцами Собора навестил больного патриарха. По просьбе императора святитель указал себе достойного преемника – епископа Александра, предсказав, что после Александра на патриарший престол будет возведен Павел (в то время чтец), а патриарху Александрийскому Александру предсказал, что его преемником будет архидиакон Афанасий.

Святитель Митрофан мирно преставился к Богу в 326 году, в возрасте 117 лет. Мощи его покоятся в Константинополе, в храме, воздвигнутом в его память.

Кондак, глас 4

От младе́нства яви́лся еси́ че́стен сосу́д,
святи́тель быв избра́н Бо́гу, Ему́же с весе́лием взыва́л еси́:

ра́вен еси́, Христе́, Отцу́ и Ду́ху.

Ин кондак, глас 2 Ве́ру Христо́ву я́сно ты пропове́дал еси́/ и, сию́ соблюда́я,/ во мно́жество вои́стинну возрасти́л еси́ ве́рное твое́ ста́до./ Те́мже со А́нгелы, Митрофа́не, сра́дуешися,// Христу́ моля́ся непреста́нно о всех нас.

Канон святителю Митрофану Константинопольскому

Минея, 4 Июня.

Глас 6

Песнь 1

Ирмос: Я́ко по су́ху, пешеше́ствовав Изра́иль
по бе́здне стопа́ми,
гони́теля фарао́на
ви́дя потопля́ема,
Бо́гу побе́дную песнь
пои́м, вопия́ше.

Припев: Святи́телю, о́тче Митрофа́не, моли́ Бо́га о нас.

С Вы́шними ли́ки я́ко святи́тель, я́ко Бо́жий служи́тель предстоя́,
о нас приле́жно моли́ся,
получи́ти нам ве́чная блага́я моли́твами твои́ми.

Припев: Святи́телю, о́тче Митрофа́не, моли́ Бо́га о нас.

Избра́н быв Го́сподеви служи́ти честно́му Ева́нгелию, блаже́нне Митрофа́не,
во благоразу́мии лю́ди уче́нии прему́дрыми, о́тче, возрасти́л еси́.

Сла́ва Отцу́ и Сы́ну и Свято́му Ду́ху.

Ра́зумом Бо́жиим обога́щся, сло́во живо́тное от се́рдца источи́л еси́,
напоя́я ду́ши, оляде́вшия страстьми́,
прему́дре святи́телю Бо́жий, Митрофа́не Богоблаже́нне.

И ны́не и при́сно и во ве́ки веко́в. Ами́нь.

Богородичен: Свяще́нный лик проро́ческий проявля́ше издале́ча
хотя́щую Тя бы́ти Бо́жию и́стинную Роди́тельницу, Чи́стая,
вы́шшую Херуви́м и всея́ тва́ри.

Песнь 3

Ирмос: Несть свят,
я́коже Ты, Го́споди Бо́же мой,
вознесы́й рог ве́рных Твои́х, Бла́же,
и утверди́вый нас на ка́мени
испове́дания Твоего́.

Припев: Святи́телю, о́тче Митрофа́не, моли́ Бо́га о нас.

Иска́пая Боже́ственную сла́дость из усте́н твои́х, о́тче,
и го́рькаго безбо́жия изсуши́л еси́ ка́пли,
напои́в благочести́вых питие́м Бо́жияго ра́зума, блаже́нне.

Припев: Святи́телю, о́тче Митрофа́не, моли́ Бо́га о нас.

Бо́жиим судо́м произбра́н быв, святи́тель показа́лся еси́,
безкро́вны же́ртвы Бо́гу принося́, поже́ршемуся нас ра́ди,
о́тче святи́телю Митрофа́не.

Сла́ва Отцу́ и Сы́ну и Свято́му Ду́ху.

Гроб, иде́же лежи́т честно́е те́ло твое́,
благово́ние источа́ет, я́ко рай Бо́жий, облагоуха́я ве́рныя,
святи́телю пресла́вне и всече́стне Митрофа́не.

И ны́не и при́сно и во ве́ки веко́в. Ами́нь.

Богородичен: Разуме́ти рождества́ Твоего́, Чи́стая,
неизрече́нныя глубины́ недоуме́ет ум челове́ч:
Бог бо, Себе́ смири́в щедро́т ра́ди,
во чре́ве Твое́м всего́ мя обнови́.

Седален, глас 8

Над страстьми́ ца́рствовав плотски́ми, святи́тель яви́лся еси́ богоподо́бен
и ца́рствующий град пресла́вно упа́сл еси́,
отгна́в полки́ ерети́ческия, преподо́бне,
па́лицею слове́с Боже́ственных, Богодохнове́нне,
те́мже по кончи́не неконча́емую благода́ть досто́йно насле́довал еси́, святи́телю блаже́нне.
Сего́ ра́ди вопие́м ти:
моли́ Христа́ Бо́га грехо́в оставле́ние дарова́ти
чту́щим всечестну́ю твою́ па́мять.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: В напа́сти многоплете́нныя впад от враг ви́димых и неви́димых,
бу́рею одержи́м безчи́сленных согреше́ний мои́х,
и, я́ко к те́плому заступле́нию и покро́ву моему́, Чи́стая, ко приста́нищу притека́ю Твоея́ бла́гости.
Те́мже, Пречи́стая, И́же из Тебе́ воплоще́нному без се́мене
моли́ся приле́жно о всех рабе́х Твои́х, непреста́нно моля́щих Ти ся, Богоро́дице Пречи́стая,
моля́щи Его́ при́сно согреше́ний оставле́ние дарова́ти
воспева́ющим досто́йно сла́ву Твою́.

Песнь 4

Ирмос: Христо́с моя́ си́ла,
Бог и Госпо́дь,
Честна́я Це́рковь
боголе́пно пое́т, взыва́ющи,
от смы́сла чи́ста о Го́споде пра́зднующи.

Припев: Святи́телю, о́тче Митрофа́не, моли́ Бо́га о нас.

Ты, испо́лнен Свята́го Ду́ха, свяще́нный о́тче Митрофа́не,
лука́выя ду́хи от челове́к отгна́л еси́,
ве́рны же духо́вными уче́нии твои́ми сотвори́л еси́.

Припев: Святи́телю, о́тче Митрофа́не, моли́ Бо́га о нас.

Еди́ницу несозда́нную богосло́вил еси́,
Треми́ Ли́цы разделя́ему, непресеко́му и несме́сну,
просвеща́я благочести́выя свяще́нными богосло́вии твои́ми.

Сла́ва Отцу́ и Сы́ну и Свято́му Ду́ху.

Умертви́в пе́рвее плотска́я мудрова́ния воздержа́нием и труды́,
святи́тель Боже́ствен показа́лся еси́
и предста́тель Тро́ице всесвяще́н.

И ны́не и при́сно и во ве́ки веко́в. Ами́нь.

Богородичен: Кля́тва разори́ся пра́бабняя Тобо́ю, Богома́ти:
Ты бо нам, Пречи́стая, Исто́чника породила́ еси́ святы́ни,
присносу́щнаго Живота́.

Песнь 5

Ирмос: Бо́жиим све́том Твои́м, Бла́же,
у́тренюющих Ти ду́ши любо́вию озари́, молю́ся,
Тя ве́дети, Сло́ве Бо́жий,
и́стиннаго Бо́га,
от мра́ка грехо́внаго взыва́юща.

Припев: Святи́телю, о́тче Митрофа́не, моли́ Бо́га о нас.

Бо́жия боже́ственне соверша́я и чисте́йшим по́мыслом чи́стым прикаса́яся,
непоро́чен яви́лся еси́, служа́ Бо́гу,
я́ко Бо́жий святи́тель свяще́ннейший.

Припев: Святи́телю, о́тче Митрофа́не, моли́ Бо́га о нас.

И́дольстии уго́дницы бы́ша уго́дницы Бо́гу твои́ми уче́нии честны́ми,
и́хже от недосто́йных изыма́я,
досто́ин яви́лся еси́ уго́дник Бо́гу Вседержи́телю.

Сла́ва Отцу́ и Сы́ну и Свято́му Ду́ху.

Благода́тию призва́н быв, разруши́л еси́ безбо́жия и́дольская
одожде́нием слове́с твои́х, преподо́бне,
олядене́вшая сердца́ плодоно́сна соде́лал еси́ Бо́жиею благода́тию.

И ны́не и при́сно и во ве́ки веко́в. Ами́нь.

Богородичен: По рождестве́ Твое́м стра́ннем пребыла́ еси́ Де́вою, я́коже пре́жде:
Бог бо бе рожде́йся и претворя́яй вся во́лею,
безму́жная Мари́е Богоневе́стная.

Песнь 6

Ирмос: Жите́йское мо́ре,
воздвиза́емое зря напа́стей бу́рею,
к ти́хому приста́нищу Твоему́ прите́к, вопию́ Ти:
возведи́ от тли живо́т мой,
Многоми́лостиве.

Припев: Святи́телю, о́тче Митрофа́не, моли́ Бо́га о нас.

Язы́к твой, Ду́хом изощре́н разу́мно, я́ко трость скоропи́сца,
написа́ в сердца́ благочести́вых сло́во благода́тное, всесвяще́нне о́тче,
Бо́жиим манове́нием.

Припев: Святи́телю, о́тче Митрофа́не, моли́ Бо́га о нас.

Боже́ственным поуча́яся, я́ко входя́ в мы́сленная свята́я свя́тых,
ве́рных соверша́еши Ду́хом, Тро́йческою заре́ю,
свяще́нный о́тче всесоверше́ннейший Митрофа́не.

Сла́ва Отцу́ и Сы́ну и Свято́му Ду́ху.

Струя́ми веле́ний твои́х загради́в му́тная нечести́вых веле́ния,
я́ко река́ показа́лся еси́ ми́рная,
благоче́стия напоя́я составле́ния ве́рных, святи́телю всече́стне.

И ны́не и при́сно и во ве́ки веко́в. Ами́нь.

Богородичен: Сло́во во чре́ве Твое́м всели́ся без се́мене,
и Челове́к яви́ся соверше́н, обновля́я естество́ боголе́пно,
я́коже Сам весть еди́н, Богоприя́тная Отрокови́це Всенепоро́чная.

Кондак, глас 4

От младе́нства яви́лся еси́ честе́н сосу́д,
святи́тель быв избра́н Бо́гу, Ему́же с весе́лием взыва́л еси́:
ра́вен еси́, Христе́, Отцу́ и Ду́ху.

Икос

Тако́в подоба́ше нам архиере́й, и таи́нник Сло́ва, и слу́житель,
я́коже Па́вел взыва́ет, Боже́ственный орга́н Христо́в,
слу́жбы принося́ всегда́ Бо́гу, я́ко непоро́чен и че́стен:
те́лом у́бо тле́нным ви́димь обложи́м,
со Безпло́тными же бесе́дуя в служе́нии
и лю́дем согреше́ния отъе́мля ме́рилом пра́ведным,
я́коже вели́кий святи́тель ны́не Митрофа́н яви́ся нам,
пропове́дав со дерзнове́нием:
ра́вен еси́, Христе́, Отцу́ и Ду́ху.

Песнь 7

Ирмос: Росода́тельну у́бо пещь
соде́ла А́нгел
преподо́бным отроко́м,
халде́и же опаля́ющее
веле́ние Бо́жие мучи́теля увеща́ вопи́ти:
благослове́н еси́, Бо́же оте́ц на́ших.

Припев: Святи́телю, о́тче Митрофа́не, моли́ Бо́га о нас.

Просвеща́емь духо́вною благода́тию я́же к Боже́ственному манове́нию причаще́нии,
светода́тельная был еси́ звезда́, просвеща́я, му́дре, пою́щия:
благослове́н Бог оте́ц на́ших.

Припев: Святи́телю, о́тче Митрофа́не, моли́ Бо́га о нас.

Святе́йшая церковь быв, озаря́ема доброде́тельными дея́нии,
живу́щу име́л еси́ в тебе́, свяще́нне, Тро́ицу несозда́нную, вопия́:
благослове́н Бог оте́ц на́ших.

Сла́ва Отцу́ и Сы́ну и Свято́му Ду́ху.

Дрема́ние от о́чию отри́нув Боже́ственными бодростьми́,
Бо́жия сия́ния прия́л еси́ от А́нгела све́та,
столп и подпо́р ве́рным, святи́теля и́стинна соверша́юща тя.

И ны́не и при́сно и во ве́ки веко́в. Ами́нь.

Богородичен: Седя́й в не́дрех Роди́теля неопи́сан,
в не́дрех Твои́х, Пречи́стая, ны́не седи́т опи́сан, Твои́м обложе́н зра́ком,
за спасе́ние Ада́мле опи́сан быв.

Песнь 8

Ирмос: Из пла́мене преподо́бным ро́су источи́л еси́
и пра́веднаго же́ртву водо́ю попали́л еси́:
вся бо твори́ши, Христе́, то́кмо е́же хоте́ти,
Тя превозно́сим во вся ве́ки.

Припев: Святи́телю, о́тче Митрофа́не, моли́ Бо́га о нас.

Го́рдаго зми́я смире́нием твои́м смири́л еси́, блаже́нне,
возвыша́емь к Бо́гу чи́стыми твои́ми ра́зумы,
те́мже тя чтим, Христа́ превознося́ще во ве́ки.

Припев: Святи́телю, о́тче Митрофа́не, моли́ Бо́га о нас.

Воплоще́нно Сло́во богосло́вил еси́ и лю́ди от рабо́тныя ле́сти спасл еси́;
отгоня́я и́дольская нече́стия,
о́тче святи́телю Митрофа́не, прему́дре и Богоно́се.

Сла́ва Отцу́ и Сы́ну и Свято́му Ду́ху.

Житие́ твое́ Влады́це твоему́ име́я подо́бно и сло́во житию́ име́я подо́бящееся,
испо́лнен быв дней духо́вных, о́тче,
в Вы́шняя преше́л еси́ поко́ища.

И ны́не и при́сно и во ве́ки веко́в. Ами́нь.

Богородичен: Изба́вльшеся пе́рвыя кля́твы Твои́м Рождество́м,
Преблагослове́нная Отрокови́це Богора́дованная,
глас Гаврии́лов возсыла́ем Ти:
ра́дуйся, вина́ всех спасе́ния.

Песнь 9

Ирмос: Бо́га
челове́ком невозмо́жно ви́дети,
на Него́же не сме́ют чи́ни А́нгельстии взира́ти,
Тобо́ю же, Всечи́стая, яви́ся челове́ком
Сло́во воплоще́нно,
Его́же велича́юще,
с Небе́сными во́и
Тя ублажа́ем.

Припев: Святи́телю, о́тче Митрофа́не, моли́ Бо́га о нас.

В зе́млю кро́тких ты всели́лся еси́, святи́телю, кро́ток и незло́бив быв,
с Вы́шними совокупля́яся во́инствы, весь укра́шен доброде́тельными светлостьми́
и све́том доброде́телей преоде́ян.

Припев: Святи́телю, о́тче Митрофа́не, моли́ Бо́га о нас.

Зри́ши Бо́жия и А́нгельския све́тлости, патриа́рх и му́ченик, и апо́стольския красоты́,
моля́ с ни́ми Человеколю́бца оставле́ние грехо́в и жития́ исправле́ние
дарова́ти нам, преподо́бне, хва́лящим тя.

Сла́ва Отцу́ и Сы́ну и Свято́му Ду́ху.

Я́ве престо́л пе́рвее украси́л еси́ све́тло всех председя́щих градо́в,
в не́мже пожи́в, я́ко А́нгел, и, святи́тельством сей украси́в,
пома́зав, освяти́л еси́, соверши́в лю́ди богому́дры.

И ны́не и при́сно и во ве́ки веко́в. Ами́нь.

Богородичен: Я́коже ка́пля небе́сная,
во Твое́ чре́во, Де́во, Дождь сни́де и изсуши́ пото́ки ле́стныя,
одожди́ нетле́ние всем челове́ком,
и избавле́ние Тобо́ю, Богора́дованная, дарова́ся.

Светилен

Звезду́ тя многосве́тлую Це́ркве зна́ем, Митрофа́не святи́телю, Патриа́рхов све́тлость:
А́риево бо хуле́ние собо́рне низложи́л еси́,
правосла́вными уче́нии Це́рковь уясни́в.
Те́мже ве́рно тя пое́м.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Прему́дрость Ипоста́сную, и Сло́во Пресу́щное, и Врача́ душ и теле́с ро́ждшая,
гное́ние и я́звы души́ моея́ исцели́ лю́тыя и ле́тныя
и се́рдца моего́ уста́ви боле́зни, Де́во.