Святитель Кирилл, архиепископ Александрийский

Свт. Кирилл Александрийский (†444) – выдающийся богослов и защитник Православия. Возглавив Александрийскую Церковь в 412 г., он боролся с ересями новациан и иудеев, а позже – с несторианством, отрицавшим Божественное достоинство Христа и наименование Девы Марии Богородицей. На III Вселенском соборе в Ефесе (431) святитель отстоял православное учение, осудив Нестория. Оставил богатое богословское наследие, включая толкования Св. Писания и труды о Пресвятой Троице.

Краткое житие святителя Кирилла Александрийского

Св. Кирилл происходил из знатной и благочестивой христианской семьи. Он изучил светские науки, в том числе и философию, но больше всего стремился приобрести знание Священного Писания и истин христианской веры. В юности св. Кирилл вступил в скит святого Макария в Нитрийских горах, где пробыл шесть лет. Патриарх Александрийский Феофил (385–412 гг.) посвятил его в сан диакона, причислил к клиру и, видя его одаренность, поручил произносить проповеди.

По смерти патриарха Феофила св. Кирилл единодушно был избран на патриарший престол Александрийской Церкви. Удаляя из среды своей паствы врагов св. веры – иудеев и язычников, св. Кирилл заботился и об утверждении своих пасомых в вере и благочестии. Его пламенная ревность о чистоте христианского учения и непреклонная твердость в защите веры особенно обнаружились в борьбе с Несторием, возмутившим своей ересью Церковь. Святитель Кирилл писал увещевательное послание к Несторию и письма императору Феодосию Младшему, папе Целестину I и в разные монастыри, опровергая мнения Нестория и излагая истинное христианское учение о воплощении Сына Божия. На III Вселенском Соборе, созванном в 431 г. в городе Ефесе, святитель Кирилл был председателем. Скончался святитель в 444 г.

Полное житие святителя Кирилла Александрийского

Святитель Кирилл, архиепископ Александрийский, выдающийся борец за православие и великий учитель Церкви, происходил из знатной и благочестивой христианской семьи. Он изучил светские науки, в том числе и философию, но больше всего стремился приобрести знание Священного Писания и истин христианской веры. В юности святой Кирилл поступил в скит святого Макария в Нитрийских горах, где пробыл шесть лет. Патриарх Александрийский Феофил (385–412) посвятил его в сан диакона, причислил к клиру и, видя его одаренность, поручил произносить проповеди.

По смерти патриарха Феофила святой Кирилл единодушно был избран на патриарший престол Александрийской Церкви и возглавил борьбу с распространившейся в Александрии ересью Новациана, который учил, что христиане, отпавшие во время гонений от Церкви, не могут быть вновь приняты ею.

Святитель Кирилл, видя безрезультатность увещания еретиков, добился их изгнания из Александрии. Более опасными для Церкви являлись иудеи, неоднократно производившие возмущения, сопровождавшиеся зверскими убийствами христиан. Святителю пришлось долго бороться с этим. Чтобы покончить и с остатками язычества, святитель изгнал бесов из древнего языческого капища и устроил на том месте храм. В него были перенесены мощи святых бессребреников Кира и Иоанна. Еще более трудная борьба предстояла святителю с возникшей несторианской ересью.

Несторий, пресвитер Антиохийской Церкви, в 428 году был избран на Константинопольскую кафедру и получил возможность широко распространять свое еретическое учение, направленное против догмата о неслитном соединении двух естеств в Лице Господа Иисуса Христа. Несторий называл Матерь Божию не Богородицей, а Христородицей, подразумевая, что она родила не Бога, а человека Христа. Святой Патриарх Кирилл неоднократно писал Несторию и разъяснял его заблуждения, но тот продолжал упорствовать. Тогда святитель направил клиру Константинопольской Церкви послания против несторианства, а святому благоверному царю Феодосию Младшему (408–450) – два трактата с обличением ереси. Писал святитель Кирилл и другим Церквам – папе Целестину и другим патриархам, а также инокам некоторых монастырей, предупреждая о возникновении опасной ереси.

Несторий начал открытое гонение на православных. В его присутствии один из его приверженцев, епископ Дорофей, с церковной кафедры провозгласил анафему тем, кто именует Пресвятую Деву Марию Богородицей.

Несторий ненавидел святителя Кирилла и в своих доносах возводил на него всякие клеветы и измышления, называя еретиком. Святитель всеми силами продолжал защищать православие. Положение обострилось настолько, что возникла необходимость в созыве Вселенского Собора, который открылся в 431 году в городе Ефесе. На Собор прибыло 200 епископов от всех христианских Церквей. Несторий, ожидая прибытия епископа Антиохийского Иоанна и других сирийских епископов, не соглашался на открытие Собора. Но отцы Собора начали заседание. Председательствовал Александрийский патриарх, святитель Кирилл. Рассмотрев учение Нестория, Собор осудил его как ересь. Несторий не подчинился Собору, а прибывший епископ Иоанн открыл беззаконный собор, который провозгласил святителя Кирилла еретиком. Смута увеличивалась. По повелению императора архиепископы Кирилл Александрийский и Мемнон Ефесский были заключены в тюрьму. Этой же мере подвергся и Несторий.

Вскоре святители Кирилл и Мемнон были освобождены, и заседания Собора продолжались. Несторий, не подчинившийся определению Собора, был лишен сана и по повелению императора сослан в отдаленное место Сасим, в Ливийской пустыне, где он скончался в тяжелых мучениях: его язык, хуливший Матерь Божию, постигла кара – в нем завелись черви. Определение Ефесского Собора подписали также епископ Иоанн Антиохийский и остальные сирийские епископы.

Святитель Кирилл управлял Александрийской Церковью 32 года: к концу его плодотворной деятельности паства была очищена от еретиков. Мягко и осторожно святитель Кирилл подходил к тем, кто по своей простоте и неведению впадал в ложное мудрование. К одному старцу, подвижнику высокой жизни, неправильно мыслившему о ветхозаветном праведнике архиерее Мелхиседеке как о Сыне Божием, святитель обратился с просьбой помолиться Господу, чтобы Он открыл, как правильно мыслить об этом праведнике. Через три дня старец пришел к святителю Кириллу и сказал, что Господь открыл ему, что Мелхиседек был архиереем и обыкновенным человеком.

Святитель Кирилл сумел преодолеть предубеждение к памяти великого святителя Иоанна Златоуста († 407; память 13 ноября). Патриарх Александрийский Феофил, родной дядя святителя, был противником святителя Иоанна и председательствовал на осудившем его Соборе. Святитель Кирилл с молодых лет находился в окружении противников Иоанна Златоуста и невольно приобрел против него предубеждение. Преподобный Исидор Пелусиот († ок. 436–440; память 4 февраля) неоднократно писал святителю Кириллу и побуждал его внести имя великого отца Церкви в диптих святых, но святитель Кирилл не соглашался. Но однажды он увидел во сне дивный храм, в котором находилась Божия Матерь, окруженная сонмом Ангелов и святых, в числе которых стоял и святитель Иоанн Златоуст. Когда святитель Кирилл хотел приблизиться к Пресвятой Владычице и воздать Ей поклонение, святитель Иоанн Златоуст не допустил его. Матерь Божия просила святителя Иоанна простить святого Кирилла, согрешившего против него по неведению. Увидев, что святой Иоанн медлит, Матерь Божия сказала: "Прости его для Меня, ибо он много потрудился для Моей чести, прославил Меня среди людей и наименовал Богородицей". Святитель Иоанн отвечал: "По Твоему, Владычице, ходатайству прощаю его", – и затем с любовью обнял и облобызал святителя Кирилла.

Святитель Кирилл раскаялся в том, что держал гнев против великого угодника Божия. Созвав всех египетских епископов, он совершил торжественное празднование в честь святителя Иоанна Златоуста.

Скончался святитель Кирилл в 444 году, оставив много творений. Особенно следует отметить толкования на Евангелия от Луки, от Иоанна, Послания апостола Павла к Коринфянам и Евреям, а также апологию в защиту христианства против императора Юлиана Отступника (361–363). Огромное значение имеют пять книг против Нестория, труд о Пресвятой Троице под названием "Сокровище", написанный против Ария и Евномия, и два догматических сочинения о Пресвятой Троице, отличающиеся точностью изложения православного учения о Исхождении Святого Духа. Сочинение против антропоморфизма написано святителем Кириллом для некоторых египтян, которые по неведению представляли Бога в человеческом образе. В числе творений святителя Кирилла имеются и "Беседы", среди которых особенно трогательно и назидательно "Слово об исходе души", помещенное в славянской "Следованной Псалтири".

Святителям Афанасию и Кириллу, архиепископам Александрийским, установлено совместное празднование в знак глубокой благодарности Святой Церкви за многолетние неустанные труды в утверждении догматов Православной веры и ревностной защиты их от еретических учений.

Сведения о святителе Афанасии помещены 2 мая, о святителе Кирилле – 9 июня.

Тропарь, глас 4

Бо́же оте́ц на́ших,
творя́й при́сно с на́ми по Твое́й кро́тости,
не отста́ви ми́лость Твою́ от нас,
но моли́твами их

в ми́ре упра́ви живо́т на́ш.

Тропарь, глас 8 Правосла́вия наста́вниче,/ благоче́стия учи́телю и чистоты́,/ вселе́нныя свети́льниче,/ архиере́ев Богодухнове́нное удобре́ние,/ Кири́лле прему́дре,/ уче́ньми твои́ми вся просвети́л еси́,/ цевни́це духо́вная,// моли́ Христа́ Бо́га спасти́ся душа́м на́шим. Ин тропарь, глас 3 Де́лы возсия́вше правосла́вия,/ все погаси́вше злосла́вие,/ победи́телие, победоно́сцы бы́сте,/ благоче́стием вся обогати́вше,/ Це́рковь вельми́ украси́вше,/ досто́йно обрето́сте Христа́ Бо́га,// да́рующаго нам ве́лию ми́лость.

Кондак, глас 4

Священнонача́льницы велича́йшии благоче́стия,
и до́блии побо́рницы Це́ркве Христо́вы,
вся соблюди́те пою́щия:
спаси́, Ще́дре,

ве́рою чту́щия Тя.

Кондак, глас 6 Бе́здну нам уче́ний богосло́вия источи́л еси́/ я́ве от исто́чник Спа́совых,/ е́реси погружа́ющую, блаже́нне Кири́лле,/ и ста́до невреди́мо от треволне́ний спаса́ющую,/ страна́м бо всем наста́вник, преподо́бне,// я́ко Боже́ственная явля́я.

Молитва

О, всесвяти́и отцы́ Афана́сие и Кири́лле, те́плии на́ши засту́пницы, ересе́й потреби́тели, благоче́стия защи́тители, неду́жным вра́чеве, в беда́х помо́щницы и все́м притека́ющым к ва́м те́плии предста́тели, помози́те на́м, гре́шным, в се́м житии́, и умоли́те Го́спода Бо́га дарова́ти на́м грехо́в оставле́ние и Ца́рствия Небе́снаго насле́дие, да всегда́ прославля́ем Отца́ и Сы́на и Свята́го Ду́ха, и ва́ше ми́лостивное предста́тельство, ны́не и при́сно и во ве́ки веко́в. Ами́нь.

Канон святителю Кириллу Александрийскому

Глас 4

Минея, 18 Января.

Песнь 1

Ирмос: Мо́ря чермну́ю пучи́ну
невла́жными стопа́ми
дре́вний пешеше́ствовав Изра́иль,
крестообра́зныма Моисе́овыма рука́ма
Амали́кову си́лу в пусты́ни победи́л есть.

Ирмос: Древний Израиль прошел пучину Моря Красного, не омочив стоп; и крестообразно распростёртыми руками Моисея победил в пустыне силу Амалика.

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

От Бо́га светода́тельную благода́ть, Кири́лле, прие́м
и све́тел свети́льник яви́вся,
слове́сныя облиста́л еси́ нам лучи́ па́мятию твое́ю,
я́ко да досто́йно тя воспои́м.

Приняв от Бога светоносную благодать и став ярким светильником, Кирилл, озари нас лучами твоих учений в день памяти твоей, дабы мы достойно воспели тебя.

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Испо́лнился еси́ светоявле́ния, Кири́лле му́дре, Ду́ха,
я́ко за́поведей Христо́вых храни́тель, страсте́й очище́н,
Пребоже́ственныя был еси́ вои́стинну Тро́ицы жили́ще.

Исполнился ты озарения Духа, мудрый Кирилл, как хранитель заповедей Христовых; очистившись от страстей, ты воистину стал обителью Пребожественной Троицы.

Сла́ва Отцу́ и Сы́ну и Свято́му Ду́ху.

Слава Отцу и Сыну и Святому Духу.

Я́ко ре́вности и дерзнове́ния испо́лнен, Кири́лле сла́вне,
богобо́рцы вся нелжи́во языкобо́лия обличи́л еси́ злочести́вых ересе́й,
Правосла́вие защища́я.

Исполненный ревности и дерзновения, славный Кирилл, защищая Православие, ты истинно обличил богоборствующее злоречие нечестивых ересей.

И ны́не и при́сно и во ве́ки веко́в. Ами́нь.

И ныне и присно и во веки веков. Аминь.

Богородичен: Тро́ицы Пребоже́ственныя, Всечи́стая, Еди́наго родила́ еси́,
из Тебе́ пло́тию я́вльшася по нам благоволе́нием Роди́теля
и соде́йствием Ду́ха Всесвята́го, Богоневе́сто.

Богородичен: Единого из Пребожественной Троицы родила Ты, Всечистая: Явившегося во плоти ради нас по благоволению Родителя и содействием Духа Всесвятого, о Божественная Невеста.

Песнь 3

Ирмос: Весели́тся о Тебе́ Це́рковь Твоя́, Христе́, зову́щи:
Ты моя́ кре́пость, Го́споди,
и прибе́жище, и утвержде́ние.

Ирмос: Веселится о Тебе Церковь Твоя, Христе, взывая: «Ты — моя сила, Господи, и прибежище, и утверждение».

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Укрепля́емь о Христе́, ко́зни лука́ваго зми́я тве́рдым умо́м, Кири́лле,
я́ко тка́ние паучи́нное, расто́ргнул еси́.

Укрепляемый Христом, ты твёрдостью разума разорвал, словно паутину, козни лукавого змия, о Кирилл.

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Ти́ну страсте́й от души́ оттря́сл еси́, Кири́лле,
низложи́в вся́кое помысло́в возноше́ние, на Христа́ превознося́щееся.

Стряхнул ты с души тину страстей, Кирилл, низложив всякое превозношение помыслов, восстающее на Христа.

Сла́ва Отцу́ и Сы́ну и Свято́му Ду́ху.

Слава Отцу и Сыну и Святому Духу.

Я́ко благополу́чен страда́лец, о́тче,
уклони́лся еси́ тве́рдо вся́каго плотска́го сладостра́стия,
я́ко тще́тнаго и наве́тнаго.

И ны́не и при́сно и во ве́ки веко́в. Ами́нь.

И ныне и присно и во веки веков. Аминь.

Богородичен: Сло́во О́тчее, предочи́стившися, о Чи́стая, Ду́хом,
слове́снаго естества́ на благодея́ния родила́ еси́.

Богородичен: Предочищенная Духом, о Чистая, Ты родила Слово Отчее для благодеяния человеческому естеству.

Седален, глас 3

Ересе́й лесть обличи́л еси́ и Правосла́вную ве́ру уясни́л еси́,
я́ко Богоглаго́лив и благочести́в,
пропове́дал еси́ в ми́ре Еди́но Божество́ в Тро́ице сла́вити,
естество́м Единосу́щное и Ли́цы неслия́нное.
Те́мже и, соше́дшеся, всесла́вне Кири́лле, почита́ем па́мять твою́.

Обличив ложь ересей, ты изъяснил веру Православную; как Богоречивый и благочестивый, научил ты мир славить Единое Божество в Троице, по естеству Единосущное и в Лицах неслиянное. Потому, собравшись, всеславный Кирилл, мы почитаем память твою.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Недомы́сленно и непостижи́мо есть, Влады́чице Богора́дованная,
е́же соде́ланное о Тебе́ стра́шное Бо́жие та́инство,
и́бо Необыме́ннаго, заче́нши, родила́ еси́,
пло́тию обложе́нна от пречи́стых крове́й Твои́х,
Его́же всегда́, Чи́стая, я́ко Сы́на Твоего́, моли́
спасти́ся душа́м на́шим.

Слава, и ныне: Непостижимо умом и неизреченно, Владычица Богорадованная, страшное таинство Божие, совершившееся в Тебе: ибо Ты зачала и родила Необъятного, облёкшегося плотью от пречистых кровей Твоих. Его же всегда моли, Чистая, как Сына Твоего, о спасении душ наших.

Песнь 4

Ирмос: Вознесе́на Тя ви́девши Це́рковь на Кресте́,
Со́лнце пра́ведное,
ста в чи́не свое́м,
досто́йно взыва́ющи:
сла́ва си́ле Твое́й, Го́споди.

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Победи́вша стра́сти душетле́нныя
и по́мыслом удержа́вша пло́ти, Богоно́сне Кири́лле, ви́дев,
Христо́с Боже́ственныя тя Це́ркве председа́теля, о́тче, поста́вил есть.

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Насле́довав, я́ко сын возлю́блен, оте́ческую Ма́ркову доброде́тель,
и престо́ла был еси́ прее́мник,
Боже́ственнаго стопа́м Евангели́ста после́дуя.

Наследовав отеческую добродетель Марка, как возлюбленный сын, ты стал и преемником престола, следуя по стопам Божественного Евангелиста.

Сла́ва Отцу́ и Сы́ну и Свято́му Ду́ху.

Слава Отцу и Сыну и Святому Духу.

От Христа́ убо, я́ко овча́, упа́слся еси́,
я́коже па́стырь упа́сл еси́ ста́до, о́тче,
словесы́ душепита́тельными твои́ми, я́ко трава́ми и цветы́,
оби́льно напитава́я благода́ти.

И ны́не и при́сно и во ве́ки веко́в. Ами́нь.

И ныне и присно и во веки веков. Аминь.

Богородичен: Из не су́щих вся Боже́ственною си́лою Соде́лавый
ражда́ется из Тебе́, Богома́ти,
мир озаря́я све́тлыми заря́ми Божества́ и Богозна́ния све́тлостию.

Богородичен: Сотворивший всё из небытия Божественною силою рождается от Тебя, Богоматерь, озаряя мир светлыми лучами Божества и сиянием Богопознания.

Песнь 5

Ирмос: Ты, Го́споди, мой свет,
в мир прише́л еси́,
Свет Святы́й, обраща́яй из мра́чна неве́дения
ве́рою воспева́ющия Тя.

Ирмос: Ты, Господи, — мой свет, в мир пришёл, Свет Святой, обращающий из мрачного неведения верою воспевающих Тебя.

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Ны́не лице́ Христо́во созерца́яй, ты лице́м к лицу́, о Кири́лле!
Зерца́лом, вои́стинну разре́шшимся, соедини́лся еси́ твои́м жела́нием.

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Тече́нию, вои́стинну зе́льному, наводня́ющему ре́ки,
твое́, о Кири́лле! уподо́бися сло́во,
злосла́вных отвраща́я ухищре́ния.

Уподобилось слово твоё, о Кирилл, потоку, воистину сильному и наводняющему реки, опрокидывая ухищрения зловерных.

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Ра́вне ме́рзское А́риево разделе́ние, о Кири́лле!
скве́рное же Саве́ллиево слия́ние
из глубины́ изве́ргл еси́.

Равно мерзкое разделение Ария и скверное слияние Савеллия исторг ты, о Кирилл, из оград церковных.

Сла́ва Отцу́ и Сы́ну и Свято́му Ду́ху.

Слава Отцу и Сыну и Святому Духу.

Словеса́ богатотво́рная, я́ко зла́то, оста́вил еси́, о Кири́лле!
сокро́вища же, я́коже ка́мения честна́я, твоя́ Це́ркви Христо́ве.

И ны́не и при́сно и во ве́ки веко́в. Ами́нь.

И ныне и присно и во веки веков. Аминь.

Богородичен: Тя ору́жие непобеди́мое на враги́ предлага́ем:
Тя утвержде́ние и наде́жду на́шего спасе́ния, Богоневе́сто, стяжа́хом.

Богородичен: Имеем мы Тебя как оружие непобедимое против врагов; стяжали мы Тебя, Богоневеста, как утверждение и надежду нашего спасения.

Песнь 6

Ирмос: Пожру́ Ти со гла́сом хвале́ния, Го́споди,
Це́рковь вопие́т Ти,
от бесо́вския кро́ве очи́щшися
ра́ди ми́лости от ребр Твои́х
исте́кшею кро́вию.

Ирмос: «Принесу Тебе жертву с гласом хваления, Господи», — взывает к Тебе Церковь, очистившись от бесовской крови кровью, милостиво истекшей из Твоих рёбер.

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Клеща́ми Серафи́м проро́ку угль,
Це́ркви же Христо́ве твои́ми рука́ми подае́ши, священнотаи́нниче,
е́же Боже́ственнаго огня́ у́глие очище́ния.

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Единопреде́льныя, я́ко Сампсо́н, иноплеме́нники не потреби́л еси́,
иноро́дныя же вся иносла́вных уче́ния низложи́л еси́
и держа́ву правосла́вным дал еси́, Кири́лле.

Не сокрушал ты соседних иноплеменников, подобно Сампсону, Кирилл, но низложил все чужеродные учения инославных и подал силу православным.

Сла́ва Отцу́ и Сы́ну и Свято́му Ду́ху.

Слава Отцу и Сыну и Святому Духу.

Собо́ру Богоизбра́нному я́ве предводи́тельствовав,
злоче́стие Несто́риево, христобо́рную де́рзость, о́тче, низложи́л еси́,
ре́вностию дыха́я по и́стинней Богома́тери.

Открыто предводительствуя на Богоизбранном соборе, низложил ты нечестие Нестория и христоборную дерзость, отче, и дыша ревностью, защищал истинность Богоматеринства.

И ны́не и при́сно и во ве́ки веко́в. Ами́нь.

И ныне и присно и во веки веков. Аминь.

Богородичен: О, чу́до, всех чуде́с нове́йшее!
Я́ко Де́ва во утро́бе вся́ческая Содержа́щаго, неискусому́жно заче́нши, не тесновмести́.

Богородичен: О чудо, превосходящее все чудеса! Как Дева, не познавшая мужа, зачала и не тесно вместила во утробе Содержащего всё.

Кондак, глас 4

Священнонача́льницы велича́йшии благоче́стия
и до́блии побо́рницы Це́ркве Христо́вы,
вся соблюди́те, пою́щия:
спаси́, Ще́дре,
ве́рою чту́щия Тя.

Святители, величайшие в благочестии и доблестные поборники Церкви Христовой! Сохраните всех, поющих: «Спаси, Щедрый, с верою почитающих Тебя».

Песнь 7

Ирмос: В пещи́ Авраа́мстии о́троцы перси́дстей,
любо́вию благоче́стия па́че,
не́жели пла́менем, опаля́еми, взыва́ху:
благослове́н еси́ в хра́ме сла́вы Твоея́, Го́споди.

Ирмос: В печи персидской отроки Авраамовы, горящие любовью к благочестию больше, нежели пламенем, взывали: «Благословен Ты в храме славы Твоей, Господи!»

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

В Сина́йстей горе́ во мрак дре́вле вшед,
зако́н прия́т, блаже́нне Кири́лле, Моисе́й, убива́ющий пи́сменем,
ты же разгну́л еси́ сокрове́нную добро́ту Ду́ха.

Войдя древле во мрак на вершине Синайской, принял Моисей Закон, мертвящий буквою; ты же, блаженный Кирилл, раскрыл сокровенную красоту Духа*.
*2Кор.3:6

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Законоположе́ния гада́ньми, я́коже младе́нцем пе́рвее, о́тче,
да́ннаго покрыва́лу покрове́ния, я́коже ши́пки,
разуме́ния ты откры́л еси́, сказа́в о́бразы я́вственнейше.

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Богопропове́дников и Богоприя́тных неудобопости́жныя Кни́ги проро́ков,
благода́тию вдохнове́н, о́ныя насы́щшаго Ду́ха, Кири́лле,
чи́сте нам изъяви́л еси́.

Сла́ва Отцу́ и Сы́ну и Свято́му Ду́ху.

Слава Отцу и Сыну и Святому Духу.

В несли́тном соедине́нии Боже́ственном
и несеко́мом я́ве, о́тче, разделе́нии
Три у́бо Богосло́вствуяй Ипоста́си, рекл еси́, Кири́лле,
непреме́нныя же в существе́ Еди́ном и Божестве́.

Богословствуя о трёх Ипостасях в неслитном Божественном соединении и явном несекомом разделении, провозгласил ты их, Кирилл, неизменными в Едином Существе и Божестве.

И ны́не и при́сно и во ве́ки веко́в. Ами́нь.

И ныне и присно и во веки веков. Аминь.

Богородичен: Вы́шняго освяще́нное Боже́ственное селе́ние, ра́дуйся,
Тобо́ю бо даде́ся ра́дость, Богоро́дице, зову́щим:
благослове́на Ты в жена́х еси́, Всенепоро́чная Влады́чице.

Богородичен: Радуйся, освящённое Божественное селение Всевышнего! Ибо через Тебя, Богородица, дана радость взывающим: «Благословенна Ты в женах, Всенепорочная Владычица!»

Песнь 8

Ирмос: Ру́це распросте́р, Дании́л
льво́в зия́ния в ро́ве затче́;
о́гненную же си́лу угаси́ша,
доброде́телию препоя́савшеся,
благоче́стия рачи́тели о́троцы, взыва́юще:
благослови́те, вся дела́ Госпо́дня, Го́спода.

Ирмос: Руки распростёрши, Даниил заградил пасти львов во рву; силу же огненную угасили, препоясавшись добродетелью, ревнители благочестия — отроки, взывая: «Благословите, все дела Господни, Господа!»

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Я́ко волна́ морска́я вои́стинну, в тебе́ истече́ прему́дрости исто́чник,
и́бо приснотеку́щия потеко́ша ре́ки из чре́ва твоего́, о́тче,
уче́ний благочести́вых, я́коже прорече́ Христо́с:
прехо́дят бо песка́ твоя́ словеса́ Богоглаго́ливая.

Подобно морской волне, воистину хлынул в тебе источник премудрости; ибо потекли из чрева твоего, отче, вечнотекущие реки* благочестивых учений, как предрёк Христос, — ибо писания твои Богоглаголивые многочисленнее песка.
* Ин.7:38

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Па́стырь и учи́тель мудр Це́ркве показа́вся,
два, Кири́лле, я́ве истолкова́л еси́, преподо́бне, заве́ты,
я́ко бо анки́ру и оте́ческое насле́дие твоя́ иму́щи словеса́, вопие́т:
благослови́те, вся дела́ Госпо́дня, Го́спода.

Явившись мудрым пастырем и учителем Церкви, ясно истолковал ты, преподобный Кирилл, два Завета; имея слова твои как якорь и отеческое наследие, Церковь взывает: «Благословите, все дела Господни, Господа!»

Сла́ва Отцу́ и Сы́ну и Свято́му Ду́ху.

Слава Отцу и Сыну и Святому Духу.

Сло́ва, Вопло́щшагося нас ра́ди, Всехитреца́,
ты неизрече́нному науча́еши соедине́нию, Кири́лле,
неразде́льному, неслия́нному,
по коему́ждо манове́нию ра́вне уклони́л еси́, вопия́:
благослови́те, вся дела́ Госпо́дня, Го́спода.

И ны́не и при́сно и во ве́ки веко́в. Ами́нь.

И ныне и присно и во веки веков. Аминь.

Богородичен: Без ма́тере Сло́во из Отца́ Сый пе́рвее,
без отца́ бысть из Тебе́ второ́е, Всечи́стая,
вопло́щся пре́жде Безпло́тный за благоутро́бие,
восхоте́в спасти́ пою́щия:
благослови́те, вся дела́ Госпо́дня, Го́спода.

Богородичен: Слово, изначально сущее от Отца без матери, в конце времён родилось от Тебя, Всечистая, без отца; Бесплотный прежде, воплотился Он по милосердию, восхотев спасти поющих: «Благословите, все дела Господни, Господа!»

Песнь 9

Ирмос: Е́ва у́бо неду́гом преслуша́ния кля́тву всели́ла есть;
Ты же, Де́во Богоро́дице,
прозябе́нием чревоноше́ния
ми́рови благослове́ние процвела́ еси́.
Тем Тя вси велича́ем.

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Возноше́ние на Христо́в взе́млющееся ра́зум и Сего́ Богома́терь, Кири́лле,
вся́кое кре́пце низложи́л еси́ Несто́рия безбо́жное,
сыно́в дво́ицу, та́кожде и слия́ние безгла́вных есте́ств.

Всякое превозношение, восстающее против познания Христа* и Его Матери, ты мощно низверг, Кирилл: и Несториеву богохульную двоицу сынов, и слияние естеств у акефалов**.
* 2Кор.10:5
** Акефалы (греч. «безглавые») — группа еретиков, отвергавших Халкидонский собор и учивших о полном слиянии Божественной и человеческой природы во Христе.

Припев: Святи́телю о́тче Кири́лле, моли́ Бо́га о на́с.

Припев: Святителю отче Кирилле, моли Бога о нас.

Си́лою ра́зума и просвеще́нием благода́ти
Тро́ицу Единосу́щную, Сы́на же, воплоще́ннаго Бо́га, богосло́вил еси́, блаже́нне,
яви́вся же Богоро́дицы побо́рник,
в Вы́шних ны́не прославля́ешися.

Силой разума и светом благодати богословствовал ты, блаженный, о Единосущной Троице и Сыне — воплощённом Боге; явившись поборником Богородицы, ты ныне прославляешься в Вышних.

Сла́ва Отцу́ и Сы́ну и Свято́му Ду́ху.

Слава Отцу и Сыну и Святому Духу.

Свы́ше нас, певцы́, приснопа́мятне, назира́еши, о́тче, ми́лостивно,
побе́ды крестоно́сным лю́дем подая́
и возвыша́я моли́твами твои́ми рог правосла́вных,
уясня́я же твою́ па́мять велича́ющия.

Милостиво призирай свыше на нас, певцов, приснопамятный отче, подавая победы христолюбивому воинству, молитвами твоими возвышая рог православных и просвещая величающих память твою.

И ны́не и при́сно и во ве́ки веко́в. Ами́нь.

И ныне и присно и во веки веков. Аминь.

Богородичен: Непло́дствующее Боже́ственных доброде́телей, Всечи́стая Богоро́дице,
се́рдце мое́ покажи́, Де́во, плодоно́сно,
из непло́дове ро́ждшаяся во́лею вся Претворя́ющаго ма́нием,
да пою́ Тя, Всепе́тую.

Богородичен: Покажи плодоносным, Всечистая Богородица, сердце моё, бесплодное в Божественных добродетелях, о Дева, родившаяся от неплодной Анны волением Того, Кто всё претворяет Духом, дабы я воспевал Тебя, Всепетую.

Акафист святителям Афанасию Великому и Кириллу, архиепископам Александрийским

Кондак 1

Избрании от Небеснаго Пастыреначальника отцы наша, пресветлая двоице святителие Афанасие и Кирилле, великаго Александрийскаго града первопрестольницы, оружием креста и молитвы враги Церкве Христовы победившии, песньми духовными восхваляем вас, святых заступников наших. Вы же яко имущии дерзновение ко Господу, молитеся за Церковь Православную, за град ваш и вся люди с любовию зовущия:

Радуйтеся, святители Афанасие и Кирилле, Православия столпи непоколебимии и богомудрии учители.

Икос 1

Ангели земнии и человецы небеснии явистеся, святителие Афанасие и Кирилле, егда озарившеся светом истиннаго богопознания, яко два светила просвещали есте по преемству друг другу на престоле патриаршем всю землю и яко велиции иерарси и учителие наши заградили есте еретиков злославных учение, благочестием напояюще верных. Темже и мы, истинною верою Христовою утвержденнии, воспеваем вам, защитникам Церкве Православныя, сице:

Радуйтеся, прелести мира сего отвергшии.

Радуйтеся, чистаго и непорочнаго жития неусыпающии хранители.

Радуйтеся, Единаго Христа всем сердцем возлюбившии.

Радуйтеся, волю свою воли Божией покорившии.

Радуйтеся, образ истинныя веры в себе показавшии.

Радуйтеся, мужественно иго Христово на себе возложившии.

Радуйтеся, божественныя премудрости исполненнии.

Радуйтеся, Духа Пресвятаго сосуди избраннии.

Радуйтеся, вернии делатели винограда Христова.

Радуйтеся, Церкве Православныя украшение.

Радуйтеся, архипастыри святыя Александрийския Церкве.

Радуйтеся, вечныя радости наследницы.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 2

Видя Сердцеведец Господь твердое твое изволение, мудрость и благочестие, поставляет тя, отче Афанасие, на свещнице Церкве Александрийския, да свет святаго Евангелиа возсияет во странах Востока и просвещеннии тобою людие воспевают Богу хвалебную песнь: Аллилуиа.

Икос 2

Разумом светлым и сердцем чистым изволению Божию повинувшеся, иго Христово благое вземше, по стопам апостолов последовали есте на нивы духовныя, отцы наши Афанасие и Кирилле, обильно сеюще слово Божие, просвещающе паству свою благодатию и в вере истинней утверждающе многих. Темже и мы, вашими богомудрыми ученьми просвещаемии, взываем сице:

Радуйтеся, издетска Богом благословеннии.

Радуйтеся, в истинней простоте и безмолвии пожившии.

Радуйтеся, от юности себе Богу посвятившии.

Радуйтеся, еще во отрочестве любовию к слову Божию напоеннии.

Радуйтеся, житие иноческое возлюбившии.

Радуйтеся, Господеви верно послужившии.

Радуйтеся, благодать священства достойно восприявшии.

Радуйтеся, безкровную жертву о людех приносившии.

Радуйтеся, пастыри и учители Церкве премудрии.

Радуйтеся, апостолов достойнии преемницы.

Радуйтеся, неумолкающии глашатаи истиннаго благочестия.

Радуйтеся, града Александрии щите и ограждение.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 3

Силою разума своего, просвещеннаго благодатию, Троицу Единосущную: Отца Безначальнаго, Сына же воплощеннаго и Духа Всесвятаго проповедал еси, блаженне Кирилле, явив же ся Богородицы поборник и защитник от еретических учений. Мы же тя, яко божественнаго тайнописца Пребожественныя Троицы прославляем и твоим учением осиявшеся, воспеваем прославльшему тя Христу Богу: Аллилуиа.

Икос 3

Имуще ревность велию по Бозе, оружием Креста Христова вооружившеся и меч слова Божия восприимше, яко добропобеднии воини Отца Небеснаго противустали есте врагу спасения диаволу, отцы всеблаженнии Афанасие и Кирилле, плевелы еретических учений скоро посекающе, душы заблуждших чад Божиих спасающе, верныя же во благочестии и вере православием укрепляюще. Темже и нас предстательством вашим просветите, любовию поющих тако:

Радуйтеся, в постничестве и воздержании великим пустынножителем поревновавшии.

Радуйтеся, примером вашея жизни обратившии многих ко Господу.

Радуйтеся, Евангельския истины благовестители.

Радуйтеся, наставницы наши во исповедании православныя веры.

Радуйтеся, Живоначальныя Троицы почитатели.

Радуйтеся, яко Серафими огнем любве ко Господу горящии.

Радуйтеся, искоренители еретическаго служения.

Радуйтеся, прославившии истиннаго Бога во Святей Троице покланяемаго.

Радуйтеся, безбожных и нечестивых обличители.

Радуйтеся, паствы вашея добрии хранители.

Радуйтеся, яко вами святая вера прославляется.

Радуйтеся, яко и мы грешнии имя ваше с верою призываем.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 4

Бурю злобы и ненависти воздвиже диавол, ища арианским зловерием погубити Церковь Христову чрез соблазненных им. Ты же, отче Афанасие, слово спасения в Никеи на Первем Вселенстем Соборе велегласно возгласил еси, Ариева мнения вся упразднил еси, и Святыя Троицы державу во всем мире проповедал еси. Темже во вся концы земли истинную веру благовествовал еси, верныя же научая Богу, Содетелю всех, с любовию воспевати: Аллилуиа.

Икос 4

Слышавше, святители Афанасие и Кирилле, глас Христов, к подвигу стояния за веру даже до смерти призывающий, Пастыреначальнику Христу последовасте, покоя не имуще ради неусыпных трудов во спасение паствы от волков, расхищающих ю, и подвиг сей чрез все житие ваше понесше, ныне вечный покой в райских обителех обретосте. Мы же очи сердец наших возводяще ко Господу, по долгу любве прославляем память вашу, со умилением зовуще сице:

Радуйтеся, Троицы Святыя вернии служители.

Радуйтеся, истины Христовы пламеннии ревнители.

Радуйтеся, еретическая учения безумнаго Ария мужественно обличившии.

Радуйтеся, поборницы правыя веры непоколебимии.

Радуйтеся, богомудрыми словесы уста заблуждших заградившии.

Радуйтеся, Церковь Христову от лжеучений сохраняющии.

Радуйтеся, пастыри, волков от стада Христова отгоняющии.

Радуйтеся, душу свою за чад духовных положити готовии.

Радуйтеся, сокровищницы богословия преизобильнии.

Радуйтеся, насадители истиннаго благочестия.

Радуйтеся, богоблаженнии исповедницы православныя веры.

Радуйтеся, ко спасению верным путеводители.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 5

Боготечная звезда, возсиявшая во Александрии, явился еси, святителю Кирилле, просвещаемый от Солнца Правды Христа Бога, своим немерцающим светом озаряющий страны Востока и якоже звезда Вифлеемская, верный путь ко Христу показал еси, да просвещеннии тобою людие воспоют Ему благодарственную песнь: Аллилуиа.

Икос 5

Видяще чада Церкве Александрийския евангельское благовестие ваше и стояние до смерти за Церковь Христову и правду Божию, обращахуся от еретических заблуждений к истинней вере. Вы же, яко пастыри добрии, с любовию приимали есте ищущих спасения, Господа всем сердцем благодаряще за милость Его к кающымся. Сего ради радостными песнопеньми восхваляем вас, отцы святии, и глаголем:

Радуйтеся, молитвенницы, Духом Божиим озареннии.

Радуйтеся, светильницы, просвещающии души наша.

Радуйтеся, разум свой в послушание веры предавшии.

Радуйтеся, право славити Бога нам завещавшии.

Радуйтеся, благодатию Христовою еретическая мудрования побеждавшии.

Радуйтеся, верных от ересей оградившии.

Радуйтеся, диавола и слуг его обличившии.

Радуйтеся, преславнии верующих заступницы.

Радуйтеся, ревностию по вере пророку Божию Илии уподобившиися.

Радуйтеся, яко пророк Даниил и трие отроцы мужественно Бога прославившии.

Радуйтеся, чрез все житие на ниве Господней потрудившиися.

Радуйтеся, и по смерти от паствы своея любовию не отлучившиися.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 6

Проповедник истиннаго учения о Христе и Пречистей Его Матере миру явился еси, святителю отче Афанасие, силою благодатнаго слова твоего и богодухновенных писаний лесть богохульную Ария посрамил еси и многия беды от врагов Православия претерпел еси: изгнание неправедное от престола Александрийска, темничное заключение и гонения. Сего ради вси зряще тя, яко пастыря добраго, душу свою за овцы полагающаго, возопиим Богу прославляющему святыя Своя: Аллилуиа.

Икос 6

Возсияли есте яко светила на небе церковнем, святители Афанасие и Кирилле, подвигом жития вашего показующе всем верным путь к незаходимому Свету Христу. Темже молим вас, помозите тму неверия и развращения в мире Божием разгнати, да вси любящии и чтущии Бога в духе и истине, взывают вам сице:

Радуйтеся, весь мир словесы вашими озарившии.

Радуйтеся, податели света Христова народом православным.

Радуйтеся, звезды светлыя, освещающия нас в нощи греховней.

Радуйтеся, Церкве Христовы незаходимое сияние.

Радуйтеся, истинныя веры ревнители.

Радуйтеся, яко во всех странах Востока изыде вещание учения вашего.

Радуйтеся, во изгнании и гонении от еретиков Бога благодарившии.

Радуйтеся, поношения многая от них мужественно претерпевшии.

Радуйтеся, поборницы веры во Христа неустрашимии.

Радуйтеся, всех, за истину гонимых, прибежище.

Радуйтеся, всем нам отцы духовнии и наставницы благочестия.

Радуйтеся, путеводители наши во Отечество Небесное.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 7

Хотяще изгнати тя с престола Церкве Александрийския, еретицы оклеветаша тя, святителю отче Кирилле, пред царем Феодосием. Егда же сей добрее твое житие уведе, абие посрами клеветавших и соборище их еретическое разгна, еретика же Нестория с патриаршаго престола Царьграда сверже, тя же постави главою Вселенскаго Собора во Ефесе. Ты же, отче святый, ересь Нестория на Соборе посрамив, Богородицу и Матерь Света возвеличил еси и Бога прославил еси, воспевая Ему благодарственную песнь: Аллилуиа.

Икос 7

Новаго винограда Христова вашими труды насажденнаго достойнии делатели и хранители явистеся, отцы святии, и яко вернии раби Христовы, в радость Господа Своего вшедшии, на Небесех ныне ликовствуете и молитвами своими утверждаете веру нашу, ко спасению ходатаиствующе пред Богом за нас грешных, да благодарне воспеваем сице:

Радуйтеся, ересей Ария и Нестория обличители.

Радуйтеся, защитницы наши от зловредных мудрований.

Радуйтеся, наставницы заблуждших от пути праваго.

Радуйтеся, яко светом боговедения просвещаете помраченныя умом.

Радуйтеся, струями благодати сердца многих напоившии.

Радуйтеся, неусыпнии стражи нашего спасения.

Радуйтеся, воини Христовы, еще в жизни от Него славою венчаннии.

Радуйтеся, яко подвиги и труды ваша вернии немолчно воспевают.

Радуйтеся, богатство духовное многим людем принесшии.

Радуйтеся, к пристанищу спасения их направившии.

Радуйтеся, научающии нас радоватися о Господе.

Радуйтеся, скорби наша в радость претворяющии.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 8

Странно и дивно воистинну есть видети, како новая буря прииде на Церковь Божию, егда царь Иулиан вся идольская капища отверзе, жертвы ложным богам творя. И паки на тя, святителю Афанасие, воста, яко врази веры Христовы рекоша царю: «Аще Афанасиа не погубиши, несть мощно христианство извести». Ты же, отче святый, пророчествовал еси, яко сей мятеж скоро разрушится и противоборствовал еси богоотступнику Иулиану, умоляюще Господа и Пречистую Его Матерь разрушити злое его на христиан умышление, да вси вернии благодарно поют Богу песнь: Аллилуиа.

Икос 8

Вси сынове российстии проповедуют благодатную помощь вашу, святители предивнии Афанасие и Кирилле, от лет бо древних отцы наша уведеша вас, яко заступников от нашествий иноплеменных и избавителей от моровых поветрий. Темже и мы, вернии чада Церкве Христовы в земли Российстей, приносим вам хваление сие наше:

Радуйтеся, в земли Российстей верными возлюбленнии.

Радуйтеся, Православия в стране нашей поборницы.

Радуйтеся, о любящих и чтущих вас предстатели.

Радуйтеся, податели света Христова народом православным.

Радуйтеся, многим двери в Царствие Небесное отверзшии.

Радуйтеся, о спасении рода христианскаго ходатаи.

Радуйтеся, праведным житием вашим вся окрестныя страны удивившии.

Радуйтеся, яко вси благочестивии людие о именах ваших веселятся.

Радуйтеся, любве Христовы истиннии хранители.

Радуйтеся, христианом всех времен в молитвах наставницы.

Радуйтеся, венцем терпения на земли венчаннии.

Радуйтеся, светом вечным на Небеси осияннии.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 9

Всякое естество ангельское удивися славному житию твоему на земли, святителю отче Кирилле, ибо показа тя Господь твердаго заступника Православия. Ты бо повсюду Евангельския истины возвещал еси, верных утешая и тако сохранял еси их от еретических учений. Темже и ныне не оставляй нас, грешных, но всех чад Божиих в православии и единомыслии утверди, да в радости духовней воспоем Троице Святей благодарственную песнь: Аллилуиа.

Икос 9

Ветии многовещанныя превзошли есте силою богодухновенных словес и писаний ваших, святители богомудрии Афанасие и Кирилле, вы бо воплощенное Слово богословили есте, просвещающе души многих, верно показующе им путь ко спасению, по немуже сами неуклонно шествовали есте до блаженныя кончины вашея. Мы же радующеся, яко таковы имамы учители жизни духовныя и молитвенники, прославляем вас, отцы святии, глаголюще:

Радуйтеся, пастыри добрии, о славе Господней ревновавшии.

Радуйтеся, дарованный вам талант приумножившии.

Радуйтеся, странницы земнии, во Отечество Небесное вшедшии.

Радуйтеся, с лики небесных сил ныне торжествующии.

Радуйтеся, светила, во тме заблуждения сущих озарившая.

Радуйтеся, сего ради велии во Царствии Божием нареченнии.

Радуйтеся, венцы исповедническими от Бога украшеннии.

Радуйтеся, в лице святителей великих славою многою превознесеннии.

Радуйтеся, богомудрии вселенныя учители.

Радуйтеся, со всеми угодники Божии о нас Господу молящиися.

Радуйтеся, яко вами прославляется вера христианская.

Радуйтеся, яко имена ваша написана суть на Небесех.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 10

Спасти хотя стадо Христово от погибели, святителю Афанасие, не убоялся еси прещений царских, ни клевет от еретиков, ни заключения темничнаго, но вся сия, яко доблий воин Христов претерпев, не преставал еси просвещати паству твою, моля ученики твоя твердо стояти во истинней вере, ниже козней вражиих устрашатися, но и в скорбех и напастех за вся благодарити Бога, поюще Ему песнь: Аллилуиа.

Икос 10

Стена есте несокрушимая всем православным людем, двоице всехвальная и досточудная, святители Афанасие и Кирилле, ибо Небесе и земли Творец избра вас быти на земли твердии защитницы и непоколебимии столпи веры истинныя, и к лику великих святителей и учителей Церкве Христовы сопричте. Темже умолите благодати Божия сподобитися и в истине устояти всем нам, любящым вас и вопиющым таковая:

Радуйтеся, истину Христову пред людьми небоязненно вещавшии.

Радуйтеся, догматов церковных хранители.

Радуйтеся, божественная словеса в сердцах своих носившии.

Радуйтеся, богомудрыми писаньми вашими сокровище духовное нам оставившии.

Радуйтеся, душ наших от лести сатанинския защитницы.

Радуйтеся, яко молитвами вашими побеждаем козни диавольския.

Радуйтеся, душевных и телесных недугов наших целители.

Радуйтеся, напастьми обуреваемых тихое пристанище.

Радуйтеся, всякаго добра временнаго и вечнаго податели.

Радуйтеся, ходатаи наши пред престолом Судии Небеснаго.

Радуйтеся, яко чистым сердцем Бога ныне зрите.

Радуйтеся, яко и по отшествии в Небесныя обители попечения о нас не оставляете.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 11

Пение молебное наше, во храме пред чудотворною иконою вашею приносимое днесь, милостиво услышите, святители Христовы Афанасие и Кирилле, и требующым вашея благодатныя помощи будете предстатели и молитвенницы, вся благая им дарующе: недужным исцеление, скорбящым утешение, в напастех сущым избавление, да о вас радующеся и Бога славяще, воспоем Ему: Аллилуиа.

Икос 11

Светозарнии светильницы и чудотворцы явистеся, святители Божии Афанасие и Кирилле, от лет древних и до ныне Отечество наше не оставляющии: якоже бо глаголет о том древний летописец, во времена нашествия Батыева Велик Новград заступи Бог и вы, святители Христовы. Темже молим вас, отцы святии, прегрешений оставление даровати всем людем российским чтущым любовию святую память вашу и вопиющым тако:

Радуйтеся, яко во всех странах православных имена ваша прославляются.

Радуйтеся, яко и в земли Российстей церкви во имя ваше созидаются.

Радуйтеся, полчищам агарян путь на Великий Новград преградившии.

Радуйтеся, страны нашея великоименитии покровители.

Радуйтеся, град Москву храмом в вашу честь освятившии.

Радуйтеся, землю нашу и верных чад Церкве Русския возлюбившии.

Радуйтеся, яко сынове Российстии ходатайством вашим спасаются.

Радуйтеся, яко вси вернии молитвами вашими от бед и скорбей свобождаются.

Радуйтеся, в тяжких обстояниих и напастех надеждо наша и заступление.

Радуйтеся, всем нам в годину скорбей дивное утешение.

Радуйтеся, яко молитвами вашими Владыку всех умилостивляете.

Радуйтеся, яко вами красуется и укрепляется Церковь Христова.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 12

Благодать, данную вам от Бога ведуще, память вашу общую празднуем, святители Христовы Афанасие и Кирилле, и усердно к вашему честному образу притекающе, предстательством вашим, яко необоримою стеною ограждаемся, явистеся бо нам целители недугов, наставницы заблуждших и скории помощницы всем призывающым вас и воспевающым Христу Богу песнь: Аллилуиа.

Икос 12

Поюще дивное ваше житие на земли и славу яже на Небеси, смиренно молим вас, святители Афанасие и Кирилле, силу свыше православным христианом на враги видимыя и невидимыя даровати; будите нам, отцы всеблаженнии, во всем благии помощницы, благословите нас миром и любовию, подайте нам твердую веру, чистоту жизни и страх Божий, да вси, душевний покой обретше, в радости воспоем вам тако:

Радуйся, Афанасие, безсмертию тезоименитый.

Радуйся, великий учителю Церкве Христовы.

Радуйся, Кирилле, суемудрия Несториева разорителю.

Радуйся, Александрийскаго престола славо и утверждение.

Радуйся, Афанасие, из Отечества твоего правды ради изгнанный.

Радуйся, в тайне любовию паствы твоея хранимый.

Радуйся, Кирилле, добре и верно за честь Пресвятыя Богородицы потрудивыйся.

Радуйся, яко исходу твоему Сама Пречистая Матерь Господа предстояще.

Радуйся, Афанасие, яко великий Антоний завеща тебе ризу свою.

Радуйся, яко мощи твоя во храме Святыя Софии Цареградския положени быша.

Радуйся, Кирилле, премудрости Божия проповедниче.

Радуйся, архиерею Бога Вышняго.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 13

О пастыри наши всехвальнии, святители Афанасие и Кирилле, приимите малое сие моление наше, от умиленнаго сердца вам приносимое, испросите нам у Христа Бога утверждение в вере истинней, еже ходити нам в заповедех Господних безпорочно, и к Царствию Небесному предстательством вашим приведите всех, да сподобимся радостно воспевати вкупе с вами победную песнь: Аллилуиа.

[Се́й конда́к глаго́лется три́жды.]

Икос 1

Ангели земнии и человецы небеснии явистеся, святителие Афанасие и Кирилле, егда озарившеся светом истиннаго богопознания, яко два светила просвещали есте по преемству друг другу на престоле патриаршем всю землю и яко велиции иерарси и учителие наши заградили есте еретиков злославных учение, благочестием напояюще верных. Темже и мы, истинною верою Христовою утвержденнии, воспеваем вам, защитникам Церкве Православныя, сице:

Радуйтеся, прелести мира сего отвергшии.

Радуйтеся, чистаго и непорочнаго жития неусыпающии хранители.

Радуйтеся, Единаго Христа всем сердцем возлюбившии.

Радуйтеся, волю свою воли Божией покорившии.

Радуйтеся, образ истинныя веры в себе показавшии.

Радуйтеся, мужественно иго Христово на себе возложившии.

Радуйтеся, божественныя премудрости исполненнии.

Радуйтеся, Духа Пресвятаго сосуди избраннии.

Радуйтеся, вернии делатели винограда Христова.

Радуйтеся, Церкве Православныя украшение.

Радуйтеся, архипастыри святыя Александрийския Церкве.

Радуйтеся, вечныя радости наследницы.

Радуйтеся, святители Афанасие и Кирилле, Православия столпи непоколебимии и богомудрии учители.

Кондак 1

Избрании от Небеснаго Пастыреначальника отцы наша, пресветлая двоице святителие Афанасие и Кирилле, великаго Александрийскаго града первопрестольницы, оружием креста и молитвы враги Церкве Христовы победившии, песньми духовными восхваляем вас, святых заступников наших. Вы же яко имущии дерзновение ко Господу, молитеся за Церковь Православную, за град ваш и вся люди с любовию зовущия:

Радуйтеся, святители Афанасие и Кирилле, Православия столпи непоколебимии и богомудрии учители.

Молитва святителям Афанасию и Кириллу Александрийским

О всесвятии отцы Афанасие и Кирилле, теплии наши заступницы, ересей потребители, благочестия защитители, недужным врачеве, в бедах помощницы и всем притекающым к вам теплии предстатели, помозите нам, грешным, в сем житии, и умолите Господа Бога даровати нам грехов оставление и Царствия Небеснаго наследие, да всегда прославляем Отца и Сына и Святаго Духа, и ваше милостивное предстательство, ныне и присно и во веки веков. Аминь.