Преподобный Андроник Московский, игумен — житие, тропарь, кондак

Житие

Прп. Андроник Московский (XIV-XV вв.) – ученик прп. Сергия Радонежского, основатель Спасо-Андроникова монастыря в Москве (1361 г.). Он создал строгую общежительную обитель, воспитавшую таких подвижников, как прп. Андрей Рублёв. Отличался аскетизмом и кротостью, способствовал развитию иконописи. Скончался в 1404 году, передав управление ученику прп. Савве.

Краткое житие преподобного Андроника, игумена Московского

Блаженный Андроник, уроженец Ростова, начал духовную жизнь под руководством великого Сергия Радонежского. Он был любителем духовной жизни, поэтому святитель Алексий избрал его настоятелем новой обители, которую хотел с Божьей помощью построить в честь нерукотворной иконы Спасителя, чтобы исполнить обет в память спасения от великой бури на море, когда он плыл из Царьграда.

Место было выбрано на реке Яузе, то самое, где князь Всеволод Юрьевич встретил полчища Батыя кровопролитным боем. Преподобный Сергий приходил сюда молиться за новую обитель. В 1361 году строительство было закончено, преподобный Андроник приступил к возложенным на него обязанностям.

Игумен подавал пример братии строгим постничеством, кротостью и глубоким смирением, и эти качества привлекали в обитель множество людей, которые приходили сюда учиться Закону Божьему и принимали здесь иночество. По благословению святителя Алексия в обители устроено было общежитие. Преподобный Сергий не забывал посещать своего ученика и воодушевлять к подвигам.

В 1365 году великий подвижник пришел поклониться образу Спаса перед отправлением в дальний путь – в Нижний Новгород, к князю Борису – и потом долго беседовал с Андроником. На месте их прощания поставили часовню. Святитель Алексий и великий князь Димитрий также останавливался в обители Андроника молиться перед иконой Спасителя перед походом князя на Орду (1381).

Духовная жизнь цвела в Андрониковой обители под надзором бдительного настоятеля. «Святой Андроник, – писал преподобный Иосиф Волоколамский, – сиял великими добродетелями. С ним жили ученики его Савва и Александр, чудные, знаменитые иконописцы, Даниил и ученик его Андрей, и многие другие. Иконописцы отличались таким подвижничеством, такой ревностью к посту и иноческой жизни, что удостоились Божественной благодати; ум и мысли их обращены были к Божественному свету, а чувственное око с любовью смотрело на написанные лики Христа, Пречистой Богоматери и всех святых».

Блаженный Андрей Рублев в 1405 г. расписывал стены придворного Благовещенского храма и писал иконы; в 1408 г. он вместе с Даниилом украшал соборный храм во Владимире. Затем украсили они стенописью Спасский храм в Андрониковой обители. Последние их труды посвящены были по просьбе Никона памяти Сергия. «Преподобный, – говорит летопись, – поспешно собирает живописцев, мужей отличных, совершенных в добродетели, Даниила, спостника его Андрея и их помощников. При помощи Божьей они усердно принялись за дело и весьма украсили храмы разными чудными изображениями, изумляя и поныне плодами трудов своих».

Преподобный Андроник, дожив до глубокой старости, передал управление обителью своему ученику Савве, а сам по примеру наставника Сергия в глубоком безмолвии стал готовиться к переходу в другую жизнь. Скончался великий подвижник в 1404 году.

Жития преподобных Андроника, Саввы и Александра Московских, Даниила Черного и Андрея Рублева

Первые сведения о преподобном Андронике находятся в житии Преподобного Сергия Радонежского, составленном около 1418 года преподобным Епифанием Премудрым. Иеромонах Пахомий Логофет дополнил (около 1440 года) сказание преподобного Епифания некоторыми подробностями, которые он, вероятно, знал из преданий Троицкого и Андрониковского монастырей. Преподобный Андроник «был из города и отечества святого Сергия», то есть Ростовской земли. Юношей пришел он к Преподобному Сергию Радонежскому и стал умолять, чтобы тот облек его в святой иноческий образ. Преподобный Сергий не отверг моления юноши: совершил иноческий постриг и нарек имя Андроник. Видя, что молодой инок очень любит безмолвие и молчание, преподобный Сергий благословил ему жить в келлии одному. В воздержании же и трудах Андроник старался ревновать своему старцу.

Преподобный Андроник, «тихий, кроткий, смиренный», по отзыву летописца, рос и укреплялся в духовной жизни под надзором великого аввы Сергия. И святой наставник очень любил своего ученика за «цветущие в нем добродетели» и безответное послушание и особенно молил о нем Бога, чтобы покрыл его невинную душу от вражеских козней и помог ему довершить свое течение до конца. Так прошло десять лет. Однажды преподобному Андронику пришел помысл выйти из Троицкой обители, чтобы основать свой монастырь (как и случилось впоследствии, когда еще был жив святитель Алексий). Преподобный Андроник не скрыл помысла от своего старца, ибо, возлагая упование на Бога, он, поясняет иеромонах Пахомий Логофет, молился в себе: «Если будет угодно Богу, то может и на дело произвести».

И вот, когда святитель Алексий пришел в Лавру к преподобному Сергию для духовной беседы, Преподобный спросил его: «Есть некоторые из братии, которые, когда приходят к святому иноческому образу, тогда всего отрекаются, а потом, прожив десять лет, другие же и более, хотят воспринять священный сан. Ты же как повелишь, владыко святый, благословить или нет?» Святитель Алексий ответил: «Ты имеешь от Бога дар рассуждения. Если видишь кого, что он сможет пасти стадо Христово, – не возбраняй ему, а если видишь кого, что он хочет принять священный сан не ради Бога, а ради человеческой славы, – таковым возбраняй». Долго еще продолжалась беседа. Святитель Алексий обратился к преподобному Сергию: «Возлюбленный отец, хочу просить одного благодеяния у твоей духовной любви ко мне». – «Ничто не возбранено в моей обители для твоей святыни». «Хочу, – сказал Алексий, – чтобы ты дал мне одного из твоих учеников, я намерен с помощью Божией построить монастырь во исполнение обета моего. Когда плыл я из Царьграда, поднялась великая буря на море, так что корабль сокрушался от волн и мы все отчаялись в жизни. Тогда дал я обет соорудить храм в честь того празднества, в какое счастливо достигнем пристани. Море улеглось, и мы вошли в пристань 16 августа. Потому положил я устроить обитель в честь Нерукотворенной иконы Спасителя; приспело время исполнить обещание». (В течение пяти лет по прибытии из Царьграда митрополит не имел возможности исполнять свой обет, т. к. в его отсутствие скопилось много дел по управлению Церковью.) «Доброе дело, – сказал преподобный Сергий, – да даст тебе Господь выполнить его! А все, чего потребуешь от сына твоего, готово пред тобою», ибо знал великий старец с самого начала, для чего свт. Алексий посетил его. И когда митрополит попросил у него в настоятели обители возлюбленного ученика Андроника, прп. Сергий отдал его. Наделив обитель Пресвятой Троицы милостыней, святитель тогда же взял с собою в Москву преподобного Андроника.

Место было избрано в четырех верстах от Кремля, на речке Яузе. Сам преподобный Сергий приходил благословить это место. И уже в 1361 году была воздвигнута прекрасная церковь, освященная митрополитом в честь Пречистого Нерукотворенного Образа Спасителя, а икону Образа Христова, обложенную золотом, которую святитель сам привез из Константинополя, поставил в церкви. В монастыре, где преподобный Андроник стал первым игуменом, был принят общежительный устав. Преподобный Андроник со смирением и усердием нес настоятельские труды, пребывая во всяком воздержании и молитве; он был воистину кроток и смирен сердцем, как благоразумный ученик кроткого учителя – преподобного Сергия. К преподобному Андронику часто приходили люди за духовным советом и благословением. Братия монастыря умножались в числе и преуспевали в добродетелях. Через некоторое время после основания обители преподобный Сергий пришел посмотреть строение своего ученика, похвалил его и благословил, освятив молитвою: «Господи, призри с неба, и виждь, и посети место сие, которое Ты благоизволил создать во славу святаго Твоего имени». После этого, поучив о пользе душевной, преподобный Сергий отошел в свою обитель. Монастырское предание сохранило память и о другом посещении преподобного Сергия, когда он после продолжительной беседы с преподобным Андроником пошел в Нижний Новгород (1365 г.). На месте беседы впоследствии поставлена была часовня.

Одно из поздних преданий повествует, что благоверный князь Димитрий Донской († 1389 г.) заезжал в Спасо-Андроников монастырь до Куликовской битвы (1380 г.), а после победы здесь было встречено русское войско. Эти события и предания свидетельствуют, что Андроников монастырь в честь Нерукотворенного Образа Спасителя пользовался особым покровительством как великокняжеского дома и Московской митрополичьей кафедры, так и Троице-Сергиева монастыря. Слава об обители и духовных подвигах преподобного Андроника распространялась по Руси, так что многие, взыскующие иноческого жития, стали к нему собираться. Чем более умножалось братство, тем большие подвиги принимал на себя преподобный Андроник. Он старался преуспевать в усиленном воздержании, ночных бдениях, посте и молитве. И кто может поведать, как он, добрый муж, исправлял других? Каждого он, как отец, поучал, запрещал, умолял и восстанавливал на брань с невидимыми врагами и всех приводил к согласию кротостью. Так богоугодно прожил он много лет, нося на себе тяжесть всех. Когда же преподобный Андроник уразумел свое отшествие к Богу, он вручил паству своему ученику преподобному Савве, который сиял многими добродетелями. А сам, поучив братию о духовной пользе, отошел ко Господу († 13 июня 1395 года). Мощи его почивают под спудом в соборной церкви Спасо-Андроникова монастыря.

Преподобный Савва также содержал преданную ему паству в благочестии, чистоте и святости. Ради его великих иноческих добродетелей его почитали великие князья, иноки и народ. Поэтому и умножилось духовное стадо его учеников, из которых многие были поставлены игуменами в другие монастыри, а некоторые стали епископами. Пожив богоугодно и благочестно много лет, преподобный Савва отошел ко Господу.

Через некоторое время игуменом обители стал преподобный Александр, ученик преподобного Саввы, муж весьма добродетельный и преуспевший в монашеских подвигах. С ним подвизался в обители и другой его старец – преподобный Андрей, иконописец преизрядный, который имел честные седины и всех превосходил мудростью. С помощью Божией преподобные Александр и Андрей воздвигли в своей обители прекрасную каменную церковь, которую украсили чудной росписью в память своих отцов.

Преподобный Иосиф Волоцкий († 1515; память 15/28 сентября) в «Отвещании любозазорным и кратком сказании о святых отцах, бывших в монастырях, которые в Русской земле» писал со слов старца Спиридона, что святитель Алексий, митрополит Московский, основав Андрониковский и Чудовский монастыри, взял игумена для Андрониковской обители у преподобного Сергия Радонежского – преподобного Андроника. С ним были его ученики Савва и Александр и чудные и прославленные иконописцы Даниил и ученик его Андрей, и многие другие такие же. Преподобные Даниил и Андрей были так добродетельны и ревностны в постничестве и иноческой жизни, что сподобились Божественной благодати. Они были так исполнены Божественной любви, что никогда не упражнялись в земном, но всегда ум и мысль возносили к невещественному и Божественному свету, чувственное же око всегда возводили к написанным вещественными красками образам Владыки Христа и Пречистой Его Матери и всех святых. В самый праздник Светлого Воскресения они, сидя на седалищах и имея пред собою всечестные и Божественные иконы, взирали на них неуклонно, исполняясь Божественной радости и светлости. И не только в этот день так творили, но в прочие дни, когда не занимались иконописанием. Ради этого Владыка Христос прославил их и в конечный час смертный. Прежде преставился преподобный Андрей, а потом разболелся и спостник его преподобный Даниил. И находясь при последнем дыхании, увидел он почившего Андрея во многой славе и с радостью призывающего его в вечное и бесконечное блаженство.

Из этого свидетельства очевидно, что преподобные Андроник († ок. 1395–1404 гг.) и его ученики игумены Савва († ок. 1410 г.) и Александр († после 1427 г.), последовательно настоятельствовавшие в обители, и иконописцы Даниил Черный и Андрей Рублев († до 17 ноября 1426 г.) равно почитались как святые Спасо-Андроникова монастыря. Преподобным Даниилу Черному и Андрею Рублеву принадлежат росписи важнейших храмов Русской Православной Церкви: Московского Благовещенского собора в Кремле (1405 г.), Успенского собора на Городке в Звенигороде (начало XV в.), Успенского собора во Владимире (1408 г.), Троицкого собора в Троице-Сергиевой Лавре (1422–1426 гг.) и Спасского собора Андроникова монастыря.

Последние же труды их посвящены были, по просьбе прп. Никона, памяти прп. Сергия. «Преподобный, – говорит летопись, – поспешно собирает живописцев, мужей отличных, совершенных в добродетели, Даниила, спостника его Андрея и их помощников; поспешно совершает он дело, потому что провидел духом скорое преставление тех живописцев, как это и было по окончании дела. При помощи Божией они усердно принялись за дело, весьма украсили разными чудными изображениями, изумляя поныне всех этим конечным трудом своим. Преподобные, оставив память о себе, спустя немного времени в доброй старости прияли благий конец».

До недавнего времени считалось, что Спасский собор был построен при игумене преподобном Александре, между 1410–1427 годами. Некоторые исследователи относят время построения собора к 90-м годам XIV века (Спасо-Андроников монастырь. М., 1872. С. 12). Источники расходятся в том, какой из соборов, Троицкий или Спасский, был «конечным рукоделием» преподобных Даниила и Андрея. Однако древнее свидетельство о кончине и погребении преподобных иконописцев в родном для них Андрониковом монастыре было подтверждено недавней находкой.

В одном из рукописных сборников начала XIX века некий Иона, именующий себя «керженским пострижеником», приведя известные ему сведения о преподобных Данииле и Андрее, писал: «Святость обоих их свидетельствует и древле письменныя месяцесловы. Святыя же их мощи погребены и почивают в том Андроникове монастыре под старою колокольнею...»

Преподобный Андрей Рублев – духовный внук преподобного Сергия, это не раз подчеркивалось. Но подобно тому, как Троицкий собор воплотил в себе духовный опыт преподобного Сергия, духовный опыт преподобного Андроника и его учеников воплощен в соборе в честь Нерукотворенного Образа Спасителя Андроникова монастыря. Этот монастырь явился выразителем основных идей православного иконописания.

Об иконах преподобных Даниила и Андрея еще в XVI–XVII веках свидетельствовали, что они «все чудотворные». Икона Пресвятой Троицы письма преподобного Андрея Рублева Соборным определением 1551 года приравнивалась к каноническому образцу (Стоглав. М., 1890. С. 1681). В «Степенной книге», составлявшейся под непосредственным руководством митрополита Московского Макария в 1560–1563 годах, преподобные Андрей и Даниил именуются «богодухновенными мастерами».

Память преподобного Андроника и его святых учеников совершается в день кончины преподобного Андроника – 13/26 июня и в Соборе Радонежских святых – 6/19 июля, установленном по благословению святейшего патриарха Московского и всея Руси Пимена 10 июля (нового стиля) 1981 года. Память преподобного Андрея Рублева отмечается также в день его тезоименитства – 4/17 июля, за день до праздника обретения честных мощей преподобного Сергия.

Песнопения

Тропарь, глас 2

Плоды́ доброде́телей на земли́ прине́сше,
преподо́бнии отцы́,
в Небе́сных черто́зех ны́не благоуха́ете, я́ко ра́йстии цве́ти,
и лице́м к лицу́ зри́те Пресвяту́ю Тро́ицу,

Ю́же дерзнове́нно моли́те

спасти́ся душа́м на́шим.

Ин тропарь, глас 8 От ю́ности своея́, преподо́бнии отцы́ Андрони́че и Са́вво,/ в пусты́ни всели́стеся Се́ргия вели́каго,/ того́ житию́ после́дующе,/ плоды́ смире́ния и послуша́ния возрасти́ли есте́,/ сего́ ра́ди сподо́бившеся бы́ти строи́тели и первонача́льники/ обе́тныя оби́тели святи́теля Алекси́я,/ с ни́мже испроси́те у Христа́ Бо́га ве́рным лю́дем здра́вие и спасе́ние// и душа́м на́шим ве́лию ми́лость. Ин тропарь, глас 1 Безмо́лвие от ю́ности возлюби́в,/ на го́ру Ма́ковец прише́л еси́, Андрони́че блаже́нне,/ оби́тель о́бщаго жития́ устро́ил еси́ в земне́м гра́де Москве́,/ во оби́тели Небе́снаго гра́да ны́не ликовству́еши,/ моли́ся Христу́ Бо́гу// спасти́ся душа́м на́шим.

Кондак, глас 3

Вас мо́лим, преподо́бнии отцы́ на́ши,
те́лом почива́ющия на земли́,
ду́хом же Бо́жию Престо́лу предстоя́щия:
моли́теся о гра́де Москве́

и о всех, почита́ющих честну́ю па́мять ва́шу.

Молитва

О, преподо́бнии и Богоно́снии отцы́, па́стырие и учи́телие и неле́ностнии наста́вницы на́ши! О земны́х небре́гше, в зе́млю кро́тких всели́лися есте́, из нея́же израсти́ли есте́ плоды́ доброде́телей; тле́нныя тала́нты не сокро́виществовавше, нетле́нныя тала́нты преумно́жили есте́ во сто крат и мно́жае; челове́ческия сла́вы теку́щия не иска́вше, возда́ли есте́ сла́ву Бо́гу и Спа́су всех и сего́ ра́ди прославля́етеся ны́не на Небесе́х в Це́ркви перворо́дных. Моли́те Человеколю́бца Спа́са Христа́, да просвети́т ны, помраче́нныя, покая́нием, да освяти́т ны, гре́шныя, си́лою, наи́тием и де́йствием благода́ти Свята́го Ду́ха, чрез достопокланя́емыя ико́ны подае́мою, да поми́лует ны, немощны́я, моли́твами ва́шими и предста́тельством Пренепоро́чныя Его́ Ма́тере и сподо́бит узре́ти сла́ву Пречи́стого ли́ка Своего́ во Ца́рствии Небе́снем. Ами́нь.

Канон

Канон святым преподобным отцам Андронику, Савве, Александру, Даниилу и Андрею Московским

Минея, 13 Июня.

Глас 8

Песнь 1

Ирмос: Ди́вному Бо́гу вели́чия принесе́м,
и великоле́пно с на́ми
да воспое́т земля́ и не́бо
я́сно сла́ву Его́.

Припев: Преподо́бнии отцы́, моли́те Бо́га о на́с.

Андрони́че преподо́бне, по́мощь пода́й уму́ моему́
просла́вити тя сло́вом,
да и про́чии ви́дят сла́ву, е́юже украси́ тя Бог на земли́.

Припев: Преподо́бнии отцы́, моли́те Бо́га о на́с.

Возлюби́л еси́ Боже́ственное безмо́лвие па́че молвы́ челове́ческия,
молча́ние па́че слове́с,
кро́тость па́че де́рзости, Андрони́че блаже́нне.

Сла́ва Отцу́ и Сы́ну и Свято́му Ду́ху.

От ю́ности, преподо́бне Андрони́че,
кро́ткаго учи́теля благоразу́мный учени́к яви́ся,
во вся́цем воздержа́нии, моли́тве и безмо́лвии пребыва́я.

И ны́не и при́сно и во ве́ки веко́в. Ами́нь.

Богородичен: Исцели́, Благода́тная, я́звы души́ моея́,
уврачу́й попече́нием те́плым,
ны́не проше́ния услы́ши и Сама́ заступи́.

Песнь 3

Ирмос: Утверди́ мя, Го́споди, си́лою кре́стною
и да́руй мне се́рдце чи́стое,
да о Тебе́ хвалю́ся, Бла́же.

Припев: Преподо́бнии отцы́, моли́те Бо́га о на́с.

Прови́дев преподо́бный Се́ргий твое́ послуша́ние,
повеле́ ти еди́ному жи́ти в ке́ллии,
зело́ бо возлюби́л еси́ безмо́лвие, Андрони́че блаже́нне.

Припев: Преподо́бнии отцы́, моли́те Бо́га о на́с.

В но́щех воздвига́ше ру́це твоя́ во свята́я
и благословля́ше Го́спода, преподо́бне Андрони́че,
днем же в послуша́ниих пребыва́л еси́.

Сла́ва Отцу́ и Сы́ну и Свято́му Ду́ху.

Зря святы́й Се́ргий доброде́тель, в тебе́ множа́щуюся, преподо́бне Андрони́че,
зело́ Бо́га моля́ше,
да да́рует ти кре́пость до конца́ соверши́ти тече́ние.

И ны́не и при́сно и во ве́ки веко́в. Ами́нь.

Богородичен: Искорени́ бесо́в лука́вства, о Помо́щнице,
разруши́ по́мыслы страсте́й,
очи́сти се́рдце и моли́твы дар возгре́й.

Седален, глас 4

Жите́йское мо́ре мно́гими по́двиги воздержа́ния и труды́ преплы́вше,
ко приста́нищу Свята́го Ду́ха дости́гли есте́, преподо́бнии отцы́ и богому́дрии,
моли́те и нам Того́ благода́ть стяжа́ти.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Тебе́, Ма́ти сла́дкаго моего́ Христа́, Хода́таицу предлага́ем, раби́ Твои́,
Ты бо еси́ всем спаси́тельное упокое́ние, и очисти́лище,
и благоути́шное приста́нище обурева́емым во гресе́х.

Песнь 4

Ирмос: Я́ко Петру́, ру́ку простры́й в по́мощь
и мене́ поми́луй
и спаси́, я́ко Человеколю́бец.

Припев: Преподо́бнии отцы́, моли́те Бо́га о на́с.

Се, что добро́ или́ что красно́,
но е́же жи́ти бра́тии вку́пе,–
сие́ помышля́я во уме́ свое́м, Андрони́к рече́:
а́ще бу́дет уго́дно Бо́гу, се мо́жет и на де́ло произвести́.

Припев: Преподо́бнии отцы́, моли́те Бо́га о на́с.

От запреще́ния Твоего́, Го́споди, побе́гнут во́ды,
от гла́са гро́ма Твоего́ убоя́тся,–
си́це моля́шеся святи́тель Алекси́й,
да изба́вится морска́го волне́ния и належа́щия ско́рби.

Сла́ва Отцу́ и Сы́ну и Свято́му Ду́ху.

Егда́ обеща́ся святи́тель Алекси́й це́рковь созда́ти,
преста́ мо́ре от волне́ния своего́
и в тишину́ ве́лию преложи́ся.

И ны́не и при́сно и во ве́ки веко́в. Ами́нь.

Богородичен: Отврати́ нахожде́ния го́рьких бесо́в,
прожени́ их Твои́ми моли́твами, Де́во,
ны́не си́лу пода́й на моли́тву
и кре́пость на по́двиг, о Ма́ти.

Песнь 5

Ирмос: У́тренюет дух мой к Тебе́, Бо́же,
зане́ свет повеле́ния прише́ствия Твоего́,
и́миже у́бо озари́ ум наш, Влады́ко,
и наста́ви на стезю́ жи́зни.

Припев: Преподо́бнии отцы́, моли́те Бо́га о на́с.

Не возбраня́й, его́же ви́диши могу́ща пасти́ ста́до Христо́во, сан прия́ти,–
рече́ святи́тель Алекси́й преподо́бному Се́ргию,
си́це прозрева́я Андрони́ка блаже́ннаго.

Припев: Преподо́бнии отцы́, моли́те Бо́га о на́с.

Обре́тше ме́сто близ Я́узы реки́, иде́же монасты́рь созда́ти,
преподо́бный Андрони́к с ра́достию помышля́ше в себе́:
сей поко́й мой во век ве́ка,
зде вселю́ся, я́ко изво́лих и́.

Сла́ва Отцу́ и Сы́ну и Свято́му Ду́ху.

Преподо́бный Се́ргий, благослови́в оби́тель Спа́сову, рече́:
Го́споди, при́зри с Небесе́, и виждь, и посети́ ме́сто сие́,
его́же благоизво́ли созда́ти во сла́ву свята́го и́мене Твоего́.

И ны́не и при́сно и во ве́ки веко́в. Ами́нь.

Богородичен: Низпосли́ нам благода́ть Твою́, Влады́чице,
моли́твами на Не́бо возведи́,
щедро́т испо́лни, Всеблага́я,
и к Сы́ну ми́лости проле́й.

Песнь 6

Ирмос: Ри́зу мне пода́ждь све́тлу,
одея́йся Све́том, я́ко ри́зою,
Многоми́лостиве, Христе́ Бо́же наш.

Припев: Преподо́бнии отцы́, моли́те Бо́га о на́с.

Созда́л еси́ це́рковь прекра́сну во И́мя Го́спода Бо́га и Спа́са на́шего, преподо́бне Андрони́че,
да благословя́т Го́спода вси раби́ Госпо́дни,
стоя́щии во хра́ме Госпо́дни.

Припев: Преподо́бнии отцы́, моли́те Бо́га о на́с.

До́бре управля́я ста́дом множа́щимся,
преподо́бный Андрони́к по́двиги вя́щия приима́ше на ся,
коего́ждо, я́ко о́тец, наказу́я и о́бще соглаше́ние в бра́тии творя́.

Сла́ва Отцу́ и Сы́ну и Свято́му Ду́ху.

Запреща́я и моля́,
воставля́я на неви́димыя враги́ и тяготы́ всех нося́,
преподо́бный Андрони́к бя́ше о́бразом кро́ток,
кро́ткаго учи́теля благоразу́мный учени́к.

И ны́не и при́сно и во ве́ки веко́в. Ами́нь.

Богородичен: Ду́шу мою́, Богоро́дице, грехо́м омраче́нную,
ны́не очи́сти, Пречи́стая,
све́та испо́лни, Пресве́тлая,
сле́зы пода́й, Милосе́рдая.

Кондак, глас 3

Вас мо́лим, преподо́бнии отцы́ на́ши,
те́лом почива́ющия на земли́,
ду́хом же Бо́жию престо́лу предстоя́щия:
моли́теся о гра́де Москве́
и о всех, почита́ющих честну́ю па́мять ва́шу.

Икос

Ка́ко воспои́м вас, преподо́бнии отцы́,
Андрони́че, Са́вво и Алекса́ндре, всечестни́и игу́мени,
Дании́ле и Андре́е, изя́щнии иконопи́сцы,
или́ ки́я благодаре́ния и хвалы́ принесе́м в па́мять ва́шу?
Вы бо есте́ при́снии Небе́снии хода́таи, и покрови́телие, и моли́твенницы о гра́де Москве́
и о всех, почита́ющих честну́ю па́мять ва́шу.

Песнь 7

Ирмос: Подража́тели трие́х Твои́х, Го́споди, отроко́в сотвори́ ны,
сопротивля́ющияся греху́,
и огнь страсте́й попира́ющия, и пою́щия:
благослове́н еси́, Бо́же оте́ц на́ших.

Припев: Преподо́бнии отцы́, моли́те Бо́га о на́с.

Бра́тству умножа́вшуся премно́гу,
бысть монасты́рь вели́к, сла́вен благода́тию Бо́жиею
и строе́нием доброде́тельна му́жа Андрони́ка, воспева́вшему:
благослове́н еси́, Бо́же оте́ц на́ших.

Припев: Преподо́бнии отцы́, моли́те Бо́га о на́с.

Процве́л еси́, я́ко крин, посреде́ бра́тии, преподо́бне Андрони́че,
прине́сл еси́ плоды́ доброде́телей,
сего́ ра́ди да́рует ти Бог благода́ть чуде́с, пою́щему:
благослове́н еси́, Бо́же оте́ц на́ших.

Сла́ва Отцу́ и Сы́ну и Свято́му Ду́ху.

Разуме́в е́же ко Го́споду свое́ исхожде́ние, преподо́бный Андрони́к
вручи́ па́ству своему́ ученику́, Са́вве и́менем,
в доброде́телех зело́ сия́ющу,
и, наказа́в о по́льзе, ко Го́споду оты́де, поя́:
благослове́н еси́, Бо́же оте́ц на́ших.

И ны́не и при́сно и во ве́ки веко́в. Ами́нь.

Богородичен: В Го́рняя, Пречи́стая Де́во, се́рдце напра́ви,
си́лу к мо́литве пода́й,
ум собери́ и Сама́ в чистоте́ сохрани́.

Песнь 8

Ирмос: Царя́ Небе́снаго,
Его́же пою́т во́и А́нгельстии,
хвали́те и превозноси́те во вся ве́ки.

Припев: Преподо́бнии отцы́, моли́те Бо́га о на́с.

Почита́ем бысть преподо́бный Са́вва
от вели́ких князе́й и все́ми людьми́
ра́ди вели́ких его́ доброде́телей и чу́днаго и изря́днаго жити́я.

Припев: Преподо́бнии отцы́, моли́те Бо́га о на́с.

Наипа́че умно́жися ста́до доброде́тельных учени́к преподо́бнаго Са́ввы,
муже́й вели́ких, че́стных,
от ни́хже мно́зи произведе́ни бы́ша на игу́менства,
о́ви же на епи́скопства.

Сла́ва Отцу́ и Сы́ну и Свято́му Ду́ху.

Не́мощь душе́вную на́шу исцели́ ны́не, преподо́бне Са́вво,
я́коже не́когда по отше́ствии к Бо́гу свободи́л еси́ от блу́дныя стра́сти священнои́нока Ефре́ма.

И ны́не и при́сно и во ве́ки веко́в. Ами́нь.

Богородичен: Свободи́ от теле́сных страсте́й, о Влады́чице,
в покая́ние дух приведи́,
обрати́ помышле́ние к Не́бу и грехо́вных дел отврати́.

Песнь 9

Ирмос: Неви́димаго зра́ком Боже́ственным прие́мшая,
Неискусобра́чная Де́во и Ма́ти,
пе́сньми Рождество́ Твое́ велича́ем.

Припев: Преподо́бнии отцы́, моли́те Бо́га о на́с.

Ста́рец Андре́й, иконопи́сец преизря́дный,
всех превосходя́щий в прему́дрости зе́льне и седи́ны честны́ име́я,
подписа́нием чу́дным свои́ма рука́ма
украси́ в па́мять оте́ц свои́х це́рковь Спа́са Христа́.

Припев: Преподо́бнии отцы́, моли́те Бо́га о на́с.

Не оста́вите нас си́ры, преподо́бнии Дании́ле и Андре́е,
но моли́те Бо́га, Творца́ и Худо́жника ми́ра,
да просла́вит ико́ны ва́ша чудесы́.

Сла́ва Отцу́ и Сы́ну и Свято́му Ду́ху.

О́тче Алекса́ндре преподо́бне,
муж доброде́телен, мудр и изря́ден зело́ был еси́,
по́мощь пода́й, не оста́ви посеща́ти чад твои́х моли́твами свои́ми.

И ны́не и при́сно и во ве́ки веко́в. Ами́нь.

Богородичен: Ра́дуйся, прино́сим Ти, Чи́стая,
ра́дуйся, преподо́бных оте́ц огражде́ние кре́пкое,
нас на моли́тву ско́ро возста́ви и в беда́х помози́.

Светилен

По́двиги и труды́ у́бо пе́рвее до́бре искуси́вшеся,
второ́е умноже́нием тала́нта на Небеса́ возшли́ есте́, преподо́бнии отцы́,
иде́же, све́тле осиява́еми, предстоя́ще Спа́су Христу́,
моли́теся те́пле о пою́щих вас.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Тя пе́сньми немо́лчными ублажа́ем, Де́во,
я́ко от Тро́ицы Еди́наго родила́ еси́, Богоро́дице,
и но́сиши на боже́ственную руку́ Пребога́тое Сло́во, непреста́нно и неизме́нно.

Акафист

Акафист святым преподобным Андронику и Савве

Конда́к 1.

Избра́нным от ю́ности своея́ моли́твенникам усе́рдным к Сладча́йшему Го́споду Иису́су за зе́млю Росси́йскую благода́рственное пе́ние из глубины́ серде́ц на́ших прино́сим ва́м, преподо́бнии отцы́. Вы́ же, я́ко иму́щии ве́лие дерзнове́ние к Судии́ живы́х и ме́ртвых, испроси́те у Христа́ Бо́га грехо́в на́ших проще́ние, да зове́м ва́м та́ко:

Ра́дуйтеся, преподо́бнии отцы́ на́ши Андрони́че и Са́вво, оби́тели Сладча́йшаго Го́спода Иису́са Бо́га на́шего первонача́льницы и пресла́внии чудотво́рцы.

И́кос 1.

А́нгельское вои́стинну ликостоя́ние восполня́ли есте́ богому́дрии отцы́ на́ши Андрони́че и Са́вво, воздева́юще преподо́бнии свои́ ру́це Царю́ веко́в Сладча́йшему Го́споду Иису́су Христу́, моля́щеся о низпосла́нии оби́тели ва́шей всеси́льныя благода́ти Бо́жия. Мы́ же, стоя́ще в хра́ме ва́шем и покланя́ющеся вси́ ны́не ра́це моще́й ва́ших во умиле́нии глаго́лем:

Ра́дуйтеся, преподо́бнии отцы́ на́ши Андрони́че и Са́вво, со А́нгельскими ли́ки моля́щиися за ны́ Живонача́льной Тро́ице; ра́дуйтеся, покрови́тели оби́тели на́шея.

Ра́дуйтеся, хода́таи на́ши усе́рднии; ра́дуйтеся, цели́тели боле́зней на́ших теле́сных.

Ра́дуйтеся, уте́шители на́ших печа́лей душе́вных; ра́дуйтеся, я́ко все́м посеща́ющим оби́тель ва́шу испроси́сте ти́хое упокое́ние душе́вное.

Ра́дуйтеся, науча́ющии на́с ра́доватися о Го́споде; ра́дуйтеся, ско́рби на́ша в ра́дость прелага́ющии.

Ра́дуйтеся, да́рующии на́м пресла́дкую благода́ть Христо́ву; ра́дуйтеся, весе́лие на́ше духо́вное.

Ра́дуйтеся, ра́дости на́ша, я́ко не забыва́ете ча́д ва́ших духо́вных.

Конда́к 2.

Ви́дя душе́вныма свои́ма очи́ма ско́рое свое́ к Бо́гу отше́ствие, преподо́бне о́тче Андрони́че, призва́л еси́ богому́драго Са́вву и благослови́в сего́ пасти́ бра́тию оби́тели твоея́, преста́вился еси́ во оби́тели го́рния, иде́же веселя́ся пое́ши Бо́гу: Аллилу́иа.

И́кос 2.

Ра́зум богопросвеще́нный от ю́ности своея́, преподо́бне о́тче на́ш Са́вво, стяжа́в, и всего́ себе́ покори́в в послуша́ние Христо́во, и́нок преизря́днейший яви́лся еси́ во оби́тели наста́вника твоего́ свята́го Андрони́ка. Мы́ же, ублажа́юще всечестну́ю па́мять ва́шу, вопие́м та́ко:

Ра́дуйтеся, преподо́бнии отцы́ на́ши, па́стырие на́ши предо́брии; ра́дуйтеся, собесе́дницы А́нгелов.

Ра́дуйтеся, кро́тцыи ученицы́ пречу́днаго Се́ргия; ра́дуйтеся, в ю́ности свое́й послуша́ние изря́дное тому́ показа́вшии.

Ра́дуйтеся, подража́телие равноа́нгельскаго жития́, своего́ учи́теля и наста́вника; ра́дуйтеся, я́ко измла́да смире́ние и терпе́ние, а́ки плоды́ не́кия пречу́дныя возрасти́вшии.

Ра́дуйтеся, Живонача́льныя Тро́ицы песносло́вцы; ра́дуйтеся, оби́тели на́шея изя́щное украше́ние.

Ра́дуйтеся, лю́бящих Го́спода пресла́дкое увеселе́ние; ра́дуйтеся, я́ко во оби́тель ва́шу сподо́билися есте́ прия́ти святы́й нерукотворе́нный О́браз Госпо́день на Убру́се.

Ра́дуйтеся, я́ко еще́ на земли́ ва́м су́щым, в се́рдца ва́ша всели́ся Со́лнце Пра́вды Христо́с и Бо́г на́ш.

Конда́к 3.

Си́ла благода́ти Бо́жия преизоби́льно излия́ся на ва́с, всечестни́и отцы́ на́ши, е́юже просвеща́еми яви́лися есте́ вои́стинну исто́чницы чуде́с изоби́льнии, все́м притека́ющым к ва́м подаю́ще исцеле́ния и просветле́ние душе́вное. Мы́ же благода́рнии, собра́вшеся в оби́тели ва́шей, вопие́м Бо́гу Спаси́телю на́шему: Аллилу́иа.

И́кос 3.

Име́я жела́ние пла́менное порабо́тати Го́сподеви и воздви́гнути оби́тель и́ноческую, иде́же воспева́ти Тро́ицу Боже́ственную, преподо́бне о́тче Андрони́че, пове́дал еси́ та́йну се́рдца своего́ преподо́бному Се́ргию, и́же и избра́ тя́ первонача́льником и строи́телем оби́тели Сладча́йшаго Го́спода Иису́са, созда́тися не́когда иму́щия. Те́мже дивя́щеся о́гненней любви́ твое́й ко Го́споду, со стра́хом и любо́вию зове́м ти́:

Ра́дуйся, Андрони́че пречу́дный, ве́сь а́ки серафи́м огне́м любве́ Бо́жия горя́яй; ра́дуйся, всю́ красоту́ ми́ра сего́ ни во что́ же вмени́вый.

Ра́дуйся, все́ свое́ помышле́ние, ве́сь у́м к Бо́гу вся́ческих впери́вый; ра́дуйся, моли́твенниче за на́с к Бо́гу те́плый.

Ра́дуйся, я́ко ско́ро послу́шаеши на́с призыва́ющих тя́; ра́дуйся, кри́не ра́йскаго насажде́ния.

Ра́дуйся, цве́те благоуха́нный, процветы́й во оби́тели ди́внаго Се́ргия; ра́дуйся, исто́чниче, напая́яй ни́ву Христо́ву.

Ра́дуйся, наста́вниче прему́дрый свята́го Са́ввы, сподви́жника твоего́; ра́дуйся, я́ко тому́ вся́ своя́ помышле́ния всегда́ открыва́вый.

Ра́дуйся, я́ко с Са́ввою блаже́нным ве́лие тща́ние при строе́нии оби́тели сея́ яви́вый.

Конда́к 4.

Бу́рею душе́вных волне́ний и плотски́х страсте́й одержи́мый прите́кл е́сть ко гро́бу твоему́, Са́вво богому́дре, священнои́нок и ча́до твое́ духо́вное Ефре́м с рыда́нием, прося́ у тебе́, о́тче честны́й, заступле́ния и по́мощи. И се́ услы́шал еси́ ско́ро моле́ние его́ и дарова́л еси́ исцеле́ние от неду́га и мяту́щейся души́ ти́хое упокое́ние. Мы́ же па́мятующе ве́лие сие́ чу́до твое́, из глубины́ серде́ц на́ших вопие́м Бо́гу, ди́вному во святы́х Свои́х: Аллилу́иа.

И́кос 4.

Слы́шаще лю́дие житие́ ва́ше преподо́бнии, стека́хуся в ти́хую оби́тель ва́шу и пове́даху ва́м ско́рби своя́ и неду́ги. Любо́вию же ва́шею обласка́еми с ми́ром идя́ху в до́мы своя́ обновле́ннии душе́ю и те́лом. Мы́ же взира́юще с любо́вию на всечестну́ю ра́ку святы́х моще́й ва́ших, воспева́ем та́ко:

Ра́дуйтеся, преподо́бнии, укроща́ющии стра́сти на́ша теле́сныя вку́пе и душе́вныя; ра́дуйтеся, свети́льницы лучеза́рнии, просвеща́ющии ду́шы на́ша.

Ра́дуйтеся, наста́вницы заблу́ждших от пути́ пра́ваго; ра́дуйтеся, гра́да на́шего щи́т и огражде́ние.

Ра́дуйтеся, во́ини Христо́ви, прогоня́ющии враги́ на́ша; ра́дуйтеся, орли́, воспаря́ющии у́м на́ш к Небе́сным.

Ра́дуйтеся, я́ко бесо́вския полки́ дале́че от на́с прогоня́ющии; ра́дуйтеся, бра́тии о Христе́ оби́тели на́шея несумне́нная наде́ждо.

Ра́дуйтеся, безмо́лвия изя́щнии учи́телие; ра́дуйтеся, посто́м и бде́нием стра́сти своя́ укроти́вшии.

Ра́дуйтеся, сокро́вище неиждива́емое на небеси́ обре́тшии.

Конда́к 5.

Боготе́чную пречу́дную звезду́, возсия́вшую на восто́це, честны́й нерукотворе́нный убру́с Сладча́йшаго Го́спода и Бо́га на́шего Иису́са Христа́ из Царьгра́да пренесе́нный святи́телем Алекси́ем, и́же и поста́ви его́ с че́стию во оби́тели ва́шей преподо́бнии отцы́ на́ши, Андрони́че и Са́вво, всегда́ ви́дяще пред очи́ма на́шима, устрани́мся до́льних попече́ний, с тре́петом взыва́юще Сладча́йшему Иису́су Бо́гу на́шему: Аллилу́иа.

И́кос 5.

Ви́дев богому́дрый Са́вва жития́ на́шего многоболе́зненнаго суету́ и тле́ние, еще́ же и иноплеме́нных я́ростная наше́ствия, и́же разоря́ху оби́тель но́ву Спа́сову, всего́ себе́ предаде́ в ру́це Бо́жии, ве́лие показа́ тща́ние, устроя́я оби́тель и утеша́я стра́ждущих, те́мже почита́юще благоче́стное житие́ его́, вопие́м ве́рно:

Ра́дуйся, па́стырю кро́ткий незло́бивый, не забыва́яй ста́до твое́ духо́вное; ра́дуйся, тща́тельный де́лателю ни́вы Христо́вы, стра́х Бо́жий в сердца́х на́ших насажда́яй.

Ра́дуйся, благоче́стным житие́м свои́м вся́ окре́стныя стра́ны удиви́вый; ра́дуйся, врачу́ безме́здный, исцеля́яй ра́ны ду́ш и теле́с на́ших.

Ра́дуйся, неоскудева́емый исто́чниче благода́ти Христо́вы, е́юже напая́еши ве́рных сердца́; ра́дуйся, свети́лниче пресве́тлый, его́же све́т све́тит пред челове́ки.

Ра́дуйся, я́ко по глаго́лу Бо́жию вси́, ви́дящии до́брая дела́ твоя́, прославля́ют Бо́га Отца́ твоего́ Небе́снаго; ра́дуйся, моли́твенниче за на́с усе́рдный, моли́твами бо твои́ми прого́ниши от на́с ду́хи лука́выя.

Ра́дуйся, целому́дрия и чистоты́ серде́чныя неусы́пный охрани́телю; ра́дуйся, учениче́ кро́ткий Андрони́ка свята́го, наста́вника своего́.

Ра́дуйся, я́ко зри́ши в небе́сных оби́телех свята́го своего́ наста́вника и с ни́м призира́еши на оби́тель ча́д твои́х.

Конда́к 6.

Пропове́дует ми́ру житие́ ва́ше равноа́нгельское вели́кий гра́д Москва́, иде́же при реце́ Я́узе, на горе́, зри́тся хра́м Нерукотворе́ннаго Убру́са Госпо́дня, в не́мже почива́ют мо́щи ва́ша честны́я, преподо́бнии. Те́лом у́бо почива́ете на земли́, ду́хом же на Небеси́, иде́же ра́дующеся пое́те Бо́гу Кре́пкому, Живо́му: Аллилу́иа.

И́кос 6.

Возсия́ на́м я́ко со́лнце лучеза́рное оби́тель ва́ша, преподо́бнии отцы́ на́ши, Андрони́че и Са́вво, в не́йже с ве́рою моля́щимся да́руете исцеле́ния и просвеще́ние душе́вное. Мы́ же чи́стым се́рдцем дерза́ем воспева́ти ва́м та́ко:

Ра́дуйтеся, сокро́вищницы многоце́нныя бога́тство неиждива́емое; ра́дуйтеся, сосу́ди избра́ннии Свята́го Ду́ха Уте́шителя.

Ра́дуйтеся, бде́нием и сухояде́нием пло́ть свою́ умертви́вшии, да ду́хом живе́те Го́споду своему́; ра́дуйтеся, ра́дости духо́вныя на́с исполня́ющии.

Ра́дуйтеся, моли́твенницы за на́с усе́рднии; ра́дуйтеся, я́ко ва́шими моли́твами спаса́еми побежда́ем ко́зни диа́вольския.

Ра́дуйтеся, то́ки сле́з ва́ших бесо́вския полки́ потопи́вшии; ра́дуйтеся, науча́ющии на́с сокурше́нным се́рдцем к Бо́гу вопия́ти.

Ра́дуйтеся, Правосла́вия столпи́ непоколеби́мии; ра́дуйтеся, оби́тель свою́ от е́реси и раско́ла неврежде́нну сохрани́вшии.

Ра́дуйтеся, спаса́ющии на́с от душевре́дных уче́ний, и́хже я́ко пле́велы посева́ет лука́вый.

Конда́к 7.

Хотя́ще пла́менне порабо́тати пресла́дкому и всеще́дрому Иису́су Бо́гу на́шему, потща́лися есте́ ско́рбным и те́сным путе́м в небе́сное оте́чество вни́ти. Сего́ ра́ди мно́гия труды́ и боле́зни подъя́ли есте́, утонча́юще пло́ть свою́, влеку́щую до́лу и усыря́юще ду́х сво́й пото́ками сле́з. Те́мже и побе́дными увяза́вшеся венцы́, с ли́ки преподо́бных прославля́ете просла́вльшаго ва́с Го́спода, ра́достно пою́ще пе́снь а́нгельскую: Аллилу́иа.

И́кос 7.

Но́вое и сла́вное чу́до в Чермне́м мо́ри бы́сть: кораблю́ бо потопля́ему от волне́ния бу́рнаго и стра́шнаго, святи́тель Алекси́й вопие́т немо́лчно ще́дрому Иису́су, Его́же мо́ре и ве́тры послу́шают: и се́ внеза́пу тишина́ ве́лия наста́, еще́ же и бре́г недале́че обре́теся, мы́ же стоя́ще во оби́тели се́й, принесе́нней святи́телем, я́ко не́кий да́р обе́тный ще́дрому Бо́гу, все́м се́рдцем воспои́м пресла́вных Андрони́ка и Са́вву, игу́менов и строи́телей ея́, глаго́люще:

Ра́дуйтеся, я́ко в хра́ме ва́шем, а́ки в корабли́ не́коем спаса́емся от бу́ри жите́йских попече́ний; ра́дуйтеся, я́ко моли́твами ва́шими, а́ки ве́тром благово́нным теце́м к приста́нищу ти́хому и немяте́жному.

Ра́дуйтеся, бу́ри страсте́й на́ших утиша́ющии; ра́дуйтеся, путеводи́тели на́ши во Оте́чество на́ше Небе́сное.

Ра́дуйтеся, зве́зды све́тлыя, увеселя́ющыя на́с в нощи́ грехо́вней; ра́дуйтеся, наде́ждо на́ша несумне́нная.

Ра́дуйтеся, тве́рдии ве́ры адама́нты; ра́дуйтеся, я́ко во оби́тель ва́шу стека́ются лю́дие мно́зи на покая́ние.

Ра́дуйтеся, с ли́ки а́нгельскими ра́дуетеся и о еди́нем гре́шнице ка́ющемся; ра́дуйтеся, я́ко оби́тель ва́ша честна́я уготовля́ет оби́льную Трапе́зу Боже́ственную.

Ра́дуйтеся, я́ко ве́рнии наслади́вшеся Тоя́ Трапе́зы веселя́тся о Го́споде ди́вном во святы́х Свои́х.

Конда́к 8.

Стра́нное и ди́вное виде́ние бы́сть не́когда преподо́бному Се́ргию в пусты́ни Ра́донежской. В те́мную бо ти́хую но́щь, стоя́щу ему́ на моли́тве, услы́ша гла́с не́кий, зовы́й его́. Откры́вшу же ему́ око́нце, осия́ его́ внеза́пу ти́хий све́т ра́йский, и ви́де мно́жество прекра́сных пти́ц, пресла́дкое испуска́ющих пе́ние. Неве́домый же гла́с рече́ преподо́бному, я́ко та́ко умно́жатся ученицы́ твоя́. Сего́ ра́ди ублажи́м мы́сленныя тоя́ пти́цы: ти́хаго Андрони́ка и богому́драго Са́вву, воспева́юще Го́сподеви немо́лчными усты́: Аллилу́иа.

И́кос 8.

Все́ в вы́шних обита́ете, преподо́бнии, и ни́жних ника́коже отступи́ли есте́: всегда́ бо ду́хом посеща́ете на́с, любо́вию ва́с почита́ющих и пою́щих:

Ра́дуйтеся, защи́то на́ша и прибе́жище; ра́дуйтеся, печа́ль и уны́ние от на́с отгоня́ющии.

Ра́дуйтеся, вы́спрь ду́х на́ш всегда́ влеку́щии; ра́дуйтеся, усо́пших бра́тий на́ших те́плии моли́твенницы.

Ра́дуйтеся, я́ко вся́ упокоева́ющияся под се́нию оби́тели ва́шея, под кро́в сво́й прие́млющии и за ни́х Тро́ице моля́щиися; ра́дуйтеся, я́ко моли́твами ва́шими Влады́ку все́х умилостивля́ете.

Ра́дуйтеся, и́ноков богобоя́зненных красото́ любе́зная; ра́дуйтеся, ю́ношей и де́в боголюби́вых неусы́пнии охрани́тели.

Ра́дуйтеся, ста́рости наде́ждо неруши́мая; ра́дуйтеся, все́м на́м отцы́ духо́внии и наста́вницы благоче́стия.

Ра́дуйтеся, преподо́бнии и весели́теся, я́ко мзда́ ва́ша мно́га на Небесе́х.

Конда́к 9.

Вся́кое естество́ а́нгельское удиви́ся, преподо́бнии, пречу́дному житию́ ва́шему на земли́. Сего́ ра́ди просла́ви ва́с Бо́г и Оте́ц щедро́т, да́ром чуде́с и исцеле́ний, я́же то́чите неоску́дно все́м притека́ющым к ва́м и науча́ете пе́ти Бо́гу, Промысли́телю на́шему: Аллилу́иа.

И́кос 9.

Вети́и многовеща́ннии недоуме́ют изрещи́, преподо́бнии, си́лу любве́ ва́шея к челове́ком: никто́же бо то́щ и неуте́шен исходи́л е́сть из оби́тели ва́шея. На́м же я́ко не́кий да́р любве́ ва́шея оста́вили есте́ святы́й кла́дезь цельбоно́сныя во́ды, его́же ископа́ Андрони́к пречу́дный. Те́мже любо́вию воздвиза́еми воспева́ем ва́м та́ко:

Ра́дуйтеся, Сладча́йшаго Го́спода Иису́са от ю́ности возлюби́вшии; ра́дуйтеся, я́ко и на́с науча́ете ничто́же в ми́ре се́м преходя́щем люби́ти и жела́ти, то́кмо Еди́наго Иису́са Пресла́дкаго.

Ра́дуйтеся, я́ко к кла́дезю ва́шему бли́жнии и да́льнии с ве́рою притека́ют; ра́дуйтеся, я́ко че́рплющым во́ду из кла́дезя ва́шего да́руется исцеле́ние.

Ра́дуйтеся, се́рдца на́шего ра́йское увеселе́ние; ра́дуйтеся, ума́ на́шего мы́сле кре́пкая.

Ра́дуйтеся, чу́вств на́ших благода́тное очище́ние; ра́дуйтеся, ра́досте на́ша, помяни́те на́с в стра́шный де́нь су́дный.

Ра́дуйтеся, во́ини Христо́вы кре́пцыи, свободи́те ны́ от полко́в бесо́вских; ра́дуйтеся, ка́мение многоце́нное, и́мже украша́ется возлю́бленная Неве́ста – Це́рковь Бо́жия.

Ра́дуйтеся, ми́ро благово́нное, его́же обоня́ют боголюби́вых сердца́.

Конда́к 10.

Спасти́ хотя́ще ду́шы своя́, преподо́бнии, оста́вили есте́ гре́шный ми́р, удали́вшеся в пусты́ню Се́ргиеву, в не́йже а́нгельский о́браз прия́ли есте́ и со стра́хом и тре́петом Го́сподеви порабо́тали есте́. Те́мже и сподо́билися есте́ бы́ти строи́тели и первонача́льницы обе́тной оби́тели святи́теля Алекси́я, с ни́мже ны́не пое́те Бо́гу, во святы́х почива́ющему: Аллилу́иа.

И́кос 10.

Стена́ еси́ несокруши́мая правосла́вному во́инству росси́йскому, дво́ице всехва́льная и досточу́дная, преподо́бнии отцы́ на́ши Андрони́че и Са́вво. И́бо наде́ющеся на моли́твы и заступле́ние ва́ше, не поги́бнем от вра́г ви́димых и неви́димых; те́мже ра́дующеся ублажа́ем ва́с та́ко:

Ра́дуйтеся, воево́ды непобеди́мии, и́хже врази́ на́ши трепе́щут; ра́дуйтеся, земли́ Росси́йския наде́ждо кре́пкая и неруши́мая.

Ра́дуйтеся, правосла́вныя Росси́йския земли́ пресла́внии чудотво́рцы; ра́дуйтеся, во́инов христолюби́вых побе́до несумне́нная.

Ра́дуйтеся, мо́лние блиста́ющая, ея́же ужаса́ются вси́ христоненави́стнии язы́цы; ра́дуйтеся, я́ко моли́твами ва́шими спаса́емся от враго́в на́ших.

Ра́дуйтеся, я́ко убие́нным на по́ли бра́ни во́ином правосла́вным испроси́те у Царя́ царе́й и Го́спода госпо́дствующих венцы́ нетле́нныя; ра́дуйтеся, я́ко упокоя́ющимся во оби́тели ва́шей правосла́вным во́ином да́руете ти́хое упокое́ние загро́бное.

Ра́дуйтеся, я́ко оби́тель ва́ша вои́стину ме́сто све́тлое, зла́чное и поко́йное упокоя́ющимся в не́й; ра́дуйтеся, я́ко за Оте́чество на́ше правосла́вное кре́пкаго во бране́х Го́спода всегда́ умоля́ете.

Ра́дуйтеся, в плене́нии су́щым бра́тиям на́шим при́сное утеше́ние.

Конда́к 11.

Пе́ние благодаре́ния принося́ще ва́м, преподо́бнии отцы́, про́сим ва́с мы́ недосто́йнии, уязви́те сердца́ на́ша к любви́ го́рней и пресла́дкой, да чи́стым се́рдцем и нескве́рными усты́ воспое́м Бо́гу на́шему в Тро́ице сла́вимому: Аллилу́иа.

И́кос 11.

Светоза́рнии свети́льницы яви́лися есте́ в нощи́ многомяте́жнаго и плаче́внаго жития́ на́шего, преподо́бнии отцы́ на́ши Андрони́че и Са́вво, разгоня́юще тьму́ неве́рия и озлобле́ния и просвеща́юще зе́млю Росси́йскую све́том ве́ры Христо́вой, сего́ ра́ди воспева́ем ва́м та́ко:

Ра́дуйтеся, свети́льницы пресве́тлии, огне́м Боже́ственным ми́р озаря́ющии; ра́дуйтеся, я́ко и по отше́ствии ва́шем в небе́сныя оби́тели непреста́нное попече́ние о на́с явля́ющии.

Ра́дуйтеся, в со́нном виде́нии мно́гим явля́вшиися; ра́дуйтеся, я́ко те́м спя́щым предста́вше, об оби́телех небе́сных Сладча́йшаго Го́спода Иису́са пове́даша.

Ра́дуйтеся, я́ко то́чите правосла́вным лю́дем росси́йским неизсяка́ющия исто́чники чуде́с; ра́дуйтеся, я́ко любо́вию почита́ющым ва́с во все́х беда́х и напа́стех ско́ро помога́ете.

Ра́дуйтеся, ве́ры правосла́вныя утвержде́ние; ра́дуйтеся, го́рнему любому́дрию на́с науча́ющии.

Ра́дуйтеся, житие́м свои́м равноа́нгельским пу́ть в Ца́рство Небе́сное на́м указу́ющии; ра́дуйтеся, моли́твенницы кре́пцыи за Ру́сь правосла́вную.

Ра́дуйтеся, я́ко честна́ пред Го́сподем кончи́на ва́ша, преподо́бнии.

Конда́к 12.

Благода́ть да́нную ва́м от Го́спода си́л ви́дяще, мо́лим ва́с, па́стырие на́ши и учи́телие, испроси́те у Христа́ Бо́га на́шего ми́р и спасе́ние гра́ду на́шему, оби́тели на́шей и живу́щим в не́й, тишину́ и упокое́ние душе́вное и душа́м на́шим ве́лию ми́лость, да воспое́м Бо́гу отце́в на́ших пе́снь ве́чную: Аллилу́иа.

И́кос 12

Пою́ще и велича́юще ди́внаго во святы́х свои́х Го́спода, ублажа́ем ва́с, преподо́бнии отцы́ на́ши Андрони́че и Са́вво, и рце́м та́ко:

Ра́дуйтеся, наста́вницы мона́хов; ра́дуйтеся, собесе́дницы А́нгелов.

Ра́дуйтеся, я́ко моли́те о на́с Христа́ Бо́га на́шего; ра́дуйтеся, ско́рии помо́щницы в беда́х на́ших.

Ра́дуйтеся, пресла́внии чудотво́рцы земли́ Росси́йския; ра́дуйтеся, печа́ли и уны́ния ско́рии отгони́тели.

Ра́дуйтеся, гре́шных к покая́нию влеку́щии; ра́дуйтеся, я́ко Росси́я почита́ет оби́тель, ю́же вы́ насади́сте.

Ра́дуйтеся, я́ко вне́шнии и недосто́йнии прибега́ющии к ва́м ве́лие утеше́ние получа́ют; ра́дуйтеся, жи́зни на́шея утеше́ние.

Ра́дуйтеся, моли́тв на́ших преди́вное укрепле́ние.

Конда́к 13

Опресла́внии чудотво́рцы и уго́дницы Христо́вы, преподо́бнии отцы́ на́ши Андрони́че и Са́вво, приими́те ма́лое сие́ моле́ние на́ше от умиле́ннаго се́рдца ва́м приноси́мое, и испроси́те у Христа́ Бо́га на́шего проще́ние согреше́ний на́ших, да всегда́ пое́м Тому́ Еди́ному со Отце́м и Святы́м Ду́хом пе́снь хвале́бную: Аллилу́иа.

[Се́й конда́к глаго́лется три́жды.]

И́кос 1.

Ра́дуйтеся, хода́таи на́ши усе́рднии; ра́дуйтеся, цели́тели боле́зней на́ших теле́сных.

Ра́дуйтеся, науча́ющии на́с ра́доватися о Го́споде; ра́дуйтеся, ско́рби на́ша в ра́дость прелага́ющии.

Ра́дуйтеся, да́рующии на́м пресла́дкую благода́ть Христо́ву; ра́дуйтеся, весе́лие на́ше духо́вное.

Ра́дуйтеся, ра́дости на́ша, я́ко не забыва́ете ча́д ва́ших духо́вных.

Конда́к 1.

Моли́тва.

Овсехва́льная и досточу́дная дво́ице, преподо́бнии отцы́ на́ши Андрони́че и Са́вво! Услы́шите моле́ние сие́ на́ше, утоли́те печа́ли на́ша и боле́зни на́ша исцели́те. Ве́руем бо и упова́ем, я́ко вся́ потре́бная на́м всегда́ да́руете. Ве́дите у́бо пресла́внии, я́ко ладия́ души́ на́шея ма́ла е́сть, мо́ре же бу́рно и вели́ко зело́. Те́мже вопие́м ва́м: услы́шите на́с преподо́бнии, и помози́те на́м, многомяте́жное мо́ре жития́ сего́ прейти́ и брега́ приста́нища ти́хаго дости́гнути, да сподо́бимся наслади́тися безсме́ртнаго жития́ и в ра́дости и весе́лии со а́нгелы и все́ми святы́ми воспева́ти и превозноси́ти Отца́ и Сы́на и Свята́го Ду́ха во ве́ки веко́в. Ами́нь.