Собор святых Биробиджанской епархии

Жития

Празднование Собора святых Биробиджанской епархии внесено в месяцеслов по благословению Патриарха Московского и всея Руси Кирилла 7 июля 2018 года.

День празднования Собора — 13 июля. В этот день в 1944 году в центральной больнице Буреинского исправительно-трудового лагеря на станции Известковая Еврейской автономной области скончался святой мученик Иоанн Демидов — первый по времени канонизации из числа подвижников, пострадавших и погребенных на территории Биробиджанской епархии.

Поименный список Собора утвержден Священным Синодом Русской Православной Церкви 16 мая 2023 года (журнал № 31).

Тропарь, глас 4

Днесь ликовству́ет град Биробиджа́н
и земля́ Дальневосто́чная ра́дуется,
соверша́ющи па́мять досточу́дных святы́х,
в сих преде́лех Бо́гу угоди́вших и за Христа́ пострада́вших,
ти́и бо ны́не в черто́зех све́тлых на Небеси́
Престо́лу Бо́жию предстоя́т

и моля́тся о спасе́нии душ на́ших.

Кондак, глас 3

Све́том Христо́вым просвети́вшеся
и мно́гими доброде́тельми обогати́вшеся,
правосла́вную ве́ру испове́дасте
и да́же до сме́рти пострада́сте,
новому́ченицы и страстоте́рпцы сла́внии,
те́мже в ве́ре и благоче́стии нас утверди́те,
о го́рнем помышля́ти научи́те,
от искуше́ний и бед изба́вите,
да с любо́вию к вам взыва́ем:

ра́дуйтеся, земли́ Среднеаму́рския те́плии предста́телие.

Молитва

О ди́внии и прему́дрии уго́дницы Христо́вы, в земли́ Среднеаму́рстей просия́вшии и за Христа́ пострада́вшии! Ны́не почита́юще святу́ю па́мять ва́шу, мы, гре́шнии и недосто́йнии, к вам усе́рдно прибега́ем и во умиле́нии серде́ц на́ших взыва́ем: услы́шите моле́ние на́ше и не оста́вите нас свои́м предста́тельством пред Бо́гом, вы бо па́че всех благ земны́х Сладча́йшаго Го́спода Иису́са Христа́ возлюби́ли есте́ и, благода́тию Боже́ственною ду́ши напита́вше, Тому́ чрез все житие́ ре́вностно после́довали есте́. Испроси́те нам у Милосе́рднаго Бо́га благода́ть, просвеща́ющую и укрепля́ющую нас, да, е́ю осеня́еми, в ве́ре, благоче́стии и любви́ преуспева́ти бу́дем и Христу́ чрез бли́жних на́ших служи́ти неле́ностно потщи́мся. Моли́те Спа́са на́шего, да сподо́бит нас стра́нствие земно́е непреткнове́нно соверши́ти, в ми́ре и покая́нии житие́ сконча́ти, тве́рдость во испове́дании правосла́вныя ве́ры яви́ти, да, благоче́стно пожи́вше, на Стра́шнем Суде́ предстоя́ния одесну́ю Го́спода на́шего Иису́са Христа́ сподо́бимся, Ему́же со Отце́м и Святы́м Ду́хом подоба́ет вся́кая сла́ва, честь и поклоне́ние, ны́не и при́сно, и во ве́ки веко́в. Ами́нь.