Святитель Филипп II (Колычев), митрополит Московский и всея Руси

Свт. Филипп (1507-1569), в миру Феодор Колычев, происходил из знатного боярского рода. Оставив придворную карьеру, принял постриг в Соловецком монастыре, где прошел путь от простого инока до игумена, значительно укрепив духовную и хозяйственную жизнь обители. В 1566 г. по настоянию Ивана Грозного стал митрополитом Московским, но вскоре открыто выступил против опричнины, обличая жестокости царя. После отказа благословить казни был осуждён церковным судом по ложным обвинениям, лишён сана и заточён в Тверском Отрочем монастыре, где принял мученическую смерть от руки Малюты Скуратова в 1569 г. Позже его мощи были перенесены в Соловецкую обитель (1591) и оттуда – в Москву (1652).

* * *

Святитель Филипп, митрополит Московский, в миру Феодор, происходил из знатного боярского рода Колычевых, занимавших видное место в Боярской думе при дворе московских государей. Он родился в 1507 году. Его отец, Степан Иванович, "муж просвещенный и исполненный ратного духа", попечительно готовил сына к государственному служению. Благочестивая Варвара, мать Феодора, кончившая свои дни в иночестве с именем Варсонофии, сеяла в душе его семена искренней веры и глубокого благочестия. Юный Феодор Колычев прилежал к Священному Писанию и святоотеческим книгам, на которых зиждилось старинное русское просвещение, совершавшееся в Церкви и в духе Церкви. Великий князь Московский, Василий III Иоаннович, отец Иоанна Грозного, приблизил ко двору молодого Феодора, которого, однако, не манила придворная жизнь. Сознавая ее суетность и греховность, Феодор всё глубже погружался в чтение книг и посещение храмов Божиих. Жизнь в Москве угнетала молодого подвижника, душа его жаждала иноческих подвигов и молитвенного уединения. Искренняя привязанность к нему юного княжича Иоанна, предвещавшая большое будущее на поприще государственного служения, не могла удержать в граде земном взыскующего Града Небесного.

В воскресный день, 5 июня 1537 года, в храме, за Божественной литургией, Феодору особенно запали в душу слова Спасителя: "Никто не может работать двум господам" (Мф.6:24), решившие его дальнейшую судьбу. Усердно помолившись Московским чудотворцам, он, не прощаясь с родными, тайно, в одежде простолюдина покинул Москву и некоторое время укрывался от мира в деревне Хижи близ Онежского озера, добывая пропитание пастушескими трудами. Жажда подвигов привела его в знаменитый Соловецкий монастырь на Белом море. Там он исполнял самые трудные послушания: рубил дрова, копал землю, работал на мельнице. После полутора лет искуса игумен Алексий, по желанию Феодора, постриг его, дав в иночестве имя Филипп и вручив в послушание старцу Ионе Шамину, собеседнику преподобного Александра Свирского († 1533; память 30 августа). Под руководством опытных старцев инок Филипп возрастает духовно, усиливает пост и молитву. Игумен Алексий посылает его на послушание в монастырскую кузницу, где святой Филипп с работой тяжелым молотом сочетает делание непрестанной молитвы. К началу службы в храме он всегда являлся первым и последним выходил из него. Трудился он и в хлебне, где смиренный подвижник был утешен небесным знамением. В обители показывали после образ Богоматери "Хлебенный", чрез который Заступница Небесная явила Свое благоволение смиренному Филиппу-хлебнику. По благословению игумена святой Филипп некоторое время проводит в пустынном уединении, внимая себе и Богу.

В 1546 году в Новгороде Великом архиепископ Феодосий посвятил Филиппа во игумена Соловецкой обители. Новопоставленный игумен старался всеми силами поднять духовное значение обители и ее основателей – преподобных Савватия и Зосимы Соловецких (память 27 сентября, 17 апреля). Он разыскал образ Божией Матери Одигитрии, принесенный на остров первоначальником Соловецким, преподобным Савватием, обрел каменный крест, стоявший когда-то перед келлией преподобного. Были найдены Псалтирь, принадлежавшая преподобному Зосиме († 1478), первому игумену Соловецкому, и ризы его, в которые с тех пор облачались игумены при службе в дни памяти чудотворца. Обитель духовно возрождалась. Для упорядочения жизни в монастыре был принят новый устав. Святой Филипп построил на Соловках два величественных храма – трапезный храм Успения Божией Матери, освященный в 1557 году, и Преображения Господня. Игумен сам работал как простой строитель, помогая класть стены Преображенского собора. Под северной папертью его он ископал себе могилу рядом с могилой своего наставника, старца Ионы. Духовная жизнь в эти годы процветает в обители: учениками святого игумена Филиппа были и при нем подвизались среди братии преподобные Иоанн и Лонгин Яренгские (память 3 июля), Вассиан и Иона Пертоминские (память 12 июня).

Для тайных молитвенных подвигов святой Филипп часто удалялся на безмолвие в глухое пустынное место за две версты от монастыря, получившее впоследствии название Филипповой пустыни.

Но Господь готовил святого угодника для иного служения и иного подвига. В Москве о соловецком отшельнике вспомнил любивший его когда-то в отроческие годы Иоанн Грозный. Царь надеялся, что найдет в святителе Филиппе верного сподвижника, духовника и советника, который по высоте монашеской жизни ничего общего не будет иметь с мятежным боярством. Святость митрополита, по мнению Грозного, должна была одним кротким духовным веянием укротить нечестие и злобу, гнездившуюся в Боярской думе. Выбор первосвятителя Русской Церкви казался ему наилучшим.

Святитель долго отказывался возложить на себя великое бремя предстоятеля Русской Церкви. Духовной близости с Иоанном он не чувствовал. Он пытался убедить царя уничтожить опричнину, Грозный же старался доказать ему ее государственную необходимость. Наконец, Грозный царь и святой митрополит пришли к уговору, чтобы святому Филиппу не вмешиваться в дела опричнины и государственного управления, не уходить с митрополии в случаях, если царь не сможет исполнить его пожеланий, быть опорой и советником царя, как были опорой московских государей прежние митрополиты. 25 июля 1566 года свершилось посвящение святого Филиппа на кафедру Московских святителей, к сонму которых предстояло ему вскоре присоединиться.

Иоанн Грозный, один из величайших и самых противоречивых исторических деятелей России, жил напряженной деятельной жизнью, был талантливым писателем и библиофилом, сам вмешивался в составление летописей (и сам внезапно оборвал нить московского летописания), вникал в тонкости монастырского устава, не раз думал об отречении от престола и монашестве. Каждый шаг государственного служения, все крутые меры, предпринятые им для коренной перестройки всей русской государственной и общественной жизни, Грозный стремился осмыслить как проявление Промысла Божия, как действие Божие в истории. Его излюбленными духовными образцами были святой Михаил Черниговский (память 20 сентября) и святой Феодор Черный (память 19 сентября), воины и деятели сложной противоречивой судьбы, мужественно шедшие к святой цели, сквозь любые препятствия, встававшие пред ними в исполнении долга перед Родиной и перед Святой Церковью. Чем сильнее сгущалась тьма вокруг Грозного, тем решительнее требовала его душа духовного очищения и искупления. Приехав на богомолье в Кириллов Белозерский монастырь, он возвестил игумену и соборным старцам о желании постричься в монахи. Гордый самодержец пал в ноги настоятелю, и тот благословил его намерение. С тех пор всю жизнь, писал Грозный, "мнится мне, окаянному, что наполовину я уже чернец". Сама опричнина была задумана Грозным по образу иноческого братства: послужив Богу оружием и ратными подвигами, опричники должны были облачаться в иноческие одежды и идти к церковной службе, долгой и уставной, длившейся от 4 до 10 часов утра. На "братию", не явившуюся к молебну в четыре часа утра, царь-игумен накладывал епитимию. Сам Иоанн с сыновьями старался усердно молиться и пел в церковном хоре. Из церкви шли в трапезную, и пока опричники ели, царь стоял возле них. Оставшиеся яства опричники собирали со стола и раздавали нищим при выходе из трапезной. Слезами покаяния Грозный, желая быть почитателем святых подвижников, учителей покаяния, хотел смыть и выжечь грехи свои и своих соратников, питая уверенность, что и страшные жестокие деяния вершатся им ко благу России и торжеству православия. Наиболее ярко духовное делание и иноческое трезвение Грозного раскрывается в его "Синодике": незадолго до смерти по его велению были составлены полные списки убиенных им и его опричниками людей, которые были затем разосланы по всем русским монастырям. Весь грех перед народом Иоанн брал на себя и молил святых иноков молить Бога о прощении его исстрадавшейся души.

Самозванное иночество Грозного, мрачным игом тяготевшее над Россией, возмущало святителя Филиппа, считавшего, что нельзя смешивать земного и небесного, служения креста и служения меча. Тем более, что святой Филипп видел, как много нераскаянной злобы и ненависти скрывается под черными шлыками опричников. Были среди них и просто убийцы, очерствевшие в безнаказанном кровопролитии, и мздоимцы-грабители, закоренелые в грехе и преступлении. Попущением Божиим история часто делается руками нечестивцев, и как бы ни желал Грозный обелить пред Богом свое черное братство, кровь, пролитая его именем насильниками и изуверами, взывала к небу.

Святитель Филипп решился противостать Грозному. Это было связано с новой волной казней в 1567–1568 годах. Осенью 1567 года, едва царь выступил в поход на Ливонию, как ему стало известно о боярском заговоре. Изменники намеревались захватить царя и выдать польскому королю, уже двинувшему войска к русской границе. Иоанн Грозный сурово расправился с заговорщиками и вновь пролил много крови. Грустно было святому Филиппу, но сознание святительского долга понуждало его смело выступить в защиту казненных. Окончательный разрыв наступил весной 1568 года. В Неделю Крестопоклонную, 2 марта 1568 года, когда царь с опричниками пришел в Успенский собор, как обычно, в монашеских облачениях, святитель Филипп отказался благословить его, но стал открыто порицать беззакония, творимые опричниками: "учал митрополит Филипп с государем на Москве враждовати об опричнине". Обличение владыки прервало благолепие церковной службы. Грозный в гневе сказал: "Нам ли противишься? Увидим твердость твою! – Я был слишком мягок с вами", – добавил царь, по свидетельству очевидцев.

Царь стал проявлять еще большую жестокость в преследовании всех противившихся ему. Казни следовали одна за другой. Участь святителя-исповедника была решена. Но Грозный хотел соблюсти канонический порядок. Боярская дума послушно вынесла решение о суде над главой Русской Церкви. Над митрополитом Филиппом был устроен соборный суд в присутствии поредевшей Боярской думы. Нашлись лжесвидетели: к глубокой скорби святителя, это были иноки из возлюбленной им Соловецкой обители, его бывшие ученики и постриженики. Святого Филиппа обвиняли во множестве мнимых преступлений, до колдовства включительно. "Я – пришелец на земле, как и все отцы мои, – смиренно отвечал святитель, – готов страдать за истину". Отвергнув все обвинения, святой страдалец пытался прекратить суд, объявив о добровольном сложении митрополичьего сана. Но отречение его не было принято. Мученика ждало новое поругание. Уже по вынесении приговора о пожизненном заточении в темнице святого Филиппа заставили служить литургию в Успенском соборе. Это было 8 ноября 1568 года. В середине службы в храм ворвались опричники, всенародно зачитали соборное осуждение, порочившее святителя, сорвали с него архиерейское облачение, одели в рубище, вытолкали из храма и на простых дровнях отвезли в Богоявленский монастырь. Мученика долго томили в подвалах московских монастырей, ноги старца забивали в колодки, держали его в оковах, накидывали на шею тяжелую цепь. Наконец, отвезли в заточение в Тверской Отрочь монастырь. Там год спустя, 23 декабря 1569 года, святитель принял мученическую кончину от руки Малюты Скуратова. Еще за три дня святой старец предвидел окончание своего земного подвига и причастился Святых Тайн. Мощи его были преданы земле первоначально там же, в монастыре, за алтарем храма. Позже совершилось перенесение их в Соловецкую обитель (11 августа 1591) и оттуда – в Москву (3 июля 1652).

Память святителя Филиппа праздновалась Русской Церковью с 1591 года в день его мученической кончины – 23 декабря. С 1660 года празднование было перенесено на 9 января.

Тропарь, глас 8

Первопресто́льников прее́мниче,
сто́лпе Правосла́вия, и́стины побо́рниче,
но́вый испове́дниче, святи́телю Фили́ппе,
положи́вый ду́шу за па́ству твою́,
те́мже я́ко име́я дерзнове́ние ко Христу́,
моли́ за град же и лю́ди,

чту́щия досто́йно святу́ю па́мять твою́.

Тропарь, глас 4 Первопресто́льницы Росси́йстии,/ и́стиннии храни́телие апо́стольских преда́ний,/ столпи́ непоколеби́мии, правосла́вия наста́вницы,/ Пе́тре, Алекси́е, Ио́но, Фили́ппе и Ермоге́не,/ Влады́ку всех моли́те/ мир вселе́нней дарова́ти,// и душа́м на́шим ве́лию ми́лость. Ин тропарь, глас 8 Первопресто́льников прее́мниче,/ сто́лпе Правосла́вия, и́стины побо́рниче,/ но́вый испове́дниче, святи́телю Фили́ппе,/ положи́вый ду́шу за па́ству твою́,/ те́мже я́ко име́я дерзнове́ние ко Христу́,/ моли́ за Оте́чество на́ше, град же и лю́ди,// чту́щия досто́йно святу́ю па́мять твою́. Ин тропарь, глас 5 Ра́достный возсия́ день све́тлаго торжества́:/ днесь церко́вная расширя́ются не́дра,/ прие́млюще духо́вных даро́в неоскуде́емо боготво́рное сокро́вище,/ струю́ благода́тей неисчерпа́емую,/ исто́чника чудесе́м оби́льна,/ чудотвори́выя и свяще́нныя мо́щи твоя́,/ святи́телю Фили́ппе./ Те́мже моли́ просла́вившаго тя Дарода́теля Христа́ Бо́га/ о воспева́ющих тя// и кла́няющихся свяще́нным моще́м твои́м.

Кондак, глас 3

Правосла́вия наста́вника и и́стины провозве́стника,
Златоу́стаго ревни́теля,
Росси́йскаго свети́льника, Фили́ппа прему́драго восхва́лим,
пи́щею слове́с свои́х разу́мно ча́да своя́ пита́юща,
той бо язы́ком хвале́ния поя́ше,
устна́ма же пе́ние веща́ше,

я́ко таи́нник Бо́жия благода́ти.

Кондак, глас 3 Во святи́телех благоче́стно пожи́сте,/ и лю́ди к Богоразу́мию наста́висте, и до́бре Бо́гу угоди́сте,/ сего́ ра́ди от Него́ нетле́нием и чудесы́ просла́вистеся,// я́ко ученицы́ Бо́жия благода́ти. Ин кондак, глас 8 Во успе́нии твое́м обрето́ша на телеси́ твое́м сокро́вище некра́домое:/ два креста́ и тяжча́йшая желе́за, е́же есть вери́ги,/ посто́м и моли́твами Бо́гу угоди́л еси́, святи́телю Фили́ппе,// моли́ Христа́ Бо́га о всех нас. Ин кондак, глас 3 Я́ко со́лнце, днесь от земны́х недр возсия́ша/ честны́я твоя́ мо́щи, святи́телю./ Зе́млю же и возду́х ше́ствием твои́м освети́л еси́/ и всех ве́рных чуде́с богозна́меньми облиста́л еси́,/ чудотво́рец преди́вен и моли́твенник к Бо́гу о ми́ре изя́щен яви́ся./ Сего́ ра́ди вопие́м ти:/ спаса́й нас те́плым свои́м предста́тельством,// я́ко учени́к Бо́жия благода́ти.

Величание

Велича́ем вас,
святи́телие Христо́вы
Пе́тре, Алекси́е, Ио́но, Фили́ппе и Ермоге́не,
и чтим святу́ю па́мять ва́шу:
вы бо мо́лите за нас

Христа́ Бо́га на́шего.

Молитва

О, пречестна́я и свяще́нная главо́ и благода́ти Свята́го Ду́ха испо́лненная, Спа́сово со Отце́м обита́лище, вели́кий архиере́е, те́плый наш засту́пниче, святи́телю Фили́ппе, предстоя́ у Престо́ла всех Царя́ и наслажда́яся све́та единосу́щныя Тро́ицы и херуви́мски со а́нгелы возглаша́я песнь трисвяту́ю, вели́кое же и неизсле́дованное дерзнове́ние име́я ко всеми́лостивому Влады́це, моли́ спасти́ся па́ствы Христо́вы лю́дем, благостоя́ние святы́х церкве́й утверди́: архиере́и благоле́пием святи́тельства украси́, мона́шествующыя к по́двигом до́браго тече́ния укрепи́, ца́рствующий град и вся гра́ды и страны́ до́бре сохрани́, и ве́ру святу́ю непоро́чну соблюсти́ умоли́, мир весь предста́тельством твои́м умири́, от гла́да и па́губы изба́ви ны, и от нападе́ния иноплеме́нных сохрани́, ста́рыя уте́ши, ю́ныя наста́ви, безу́мныя умудри́, вдови́цы поми́луй, си́роты заступи́, младе́нцы возрасти́, пле́нных возврати́, немощству́ющыя и моля́щияся тебе́ от всех напа́стей и бед хода́тайством твои́м свободи́: моли́ о нас Всеще́драго и Человеколюби́ваго Христа́ Бо́га на́шего, да и в день Стра́шнаго Прише́ствия Его́ от шу́ияго стоя́ния изба́вит нас, и ра́дости святы́х прича́стники сотвори́т со все́ми святы́ми во ве́ки веко́в. Ами́нь.

2-я Молитва

О, вели́кий уго́дниче Христо́в святи́телю о́тче наш Фили́ппе, ско́рый помо́щниче и ди́вный чудотво́рче! При́зри ми́лостивно на ны многогре́шныя, ве́мы бо се́рдцем и усты́ и со благоразу́мным разбо́йником испове́дуем, я́ко по дело́м на́шим бе́ды пости́гшия нас прие́млем, си́ми бо вре́менными скорбьми́ избежи́м по милосе́рдию Го́спода ве́чныя му́ки, гре́шником угото́ванныя: се́яхом бо се́мена своево́льнаго жития́, пожина́ем же те́рния скорбе́й. Оба́че не́мощни есмы́, и в покая́ние те́плое прише́дше, мо́лимся, да преложи́т Госпо́дь гнев Свой на ми́лость и тебе́, святи́телю Христо́в, усе́рдно про́сим: проле́й те́плую моли́тву твою́ ко Христу́ Го́споду на́шему, Ему́же при́сно предстои́ши и мо́лишися о почита́ющих тя с любо́вию и упова́ющих на твое́ предста́тельство. Умоли́ пра́веднаго Судию́, да защити́т святу́ю оби́тель сию́, ме́сто, в не́йже ты духо́вно породи́лся еси́, и путево́ждь и́ноком свята́го ме́ста сего́ был еси́. Упаси́ я́коже до́брый па́стырь жезло́м бла́гости твоея́ разсе́янныя о́вцы ста́да Христо́ва и во дво́ры Госпо́дни всели́ я́. Огради́ нас от собла́зна ересе́й и раско́лов в правосла́вной Це́ркви на́шей. Научи́ нас, во стра́нствии су́щих, го́рняя му́дрствовати, а не земна́я, просвети́ разсе́янный ум наш и на путь и́стины напра́ви, охладе́вшее се́рдце на́ше любо́вию ко Го́споду и к бли́жним на́шим согре́й. Вдохни́ в нас ре́вность ко исполне́нию веле́ний Бо́жиих. Осла́бленную греха́ми и нераде́нием во́лю на́шу оживотвори́ благода́тию Ду́ха Всесвята́го. Правосла́вие укрепи́, нападе́ния лука́внующих и беззако́нных челове́к на Це́рковь Бо́жию дале́че отжени́. Отпа́дшия ве́тви от лозы́ Христо́вы с то́ю па́ки соедини́, испроси́ у Христа́ Бо́га душа́м и телесе́м на́шим здра́вие и кре́пость, боля́щим исцеле́ние да́руй, стра́ждущих уте́ши, скорбя́щим мир и отра́ду покажи́, пла́чущия ра́доватися сотвори́, печа́льныя ликовствова́ти соде́лай, вражду́ющих умиротвори́, зави́стливыя ми́лостивны покажи́, вся́кия в нас непра́вды испра́ви. Изжени́ вся́кую крамо́лу и лука́выя сове́ты нечести́вых разруши́, оба́че тех в покая́ние приведи́. Архиере́ем и духо́вным па́стырем, поста́вленным пасти́ ста́до Христо́во Росси́йския Правосла́вныя Це́ркви, пода́ждь прему́дрость и пра́ведное житие́, я́коже и сам си́ми доброде́тельми украша́лся еси́, ста́рыя поддержи́, ю́ныя научи́ и уцелому́дри, и да́руй им моли́твами твои́ми трудолю́бие, послуша́ние и ми́рное жи́тельство. Нам же всем ра́дость при́сную о Го́споде пода́ждь, да терпе́нием тече́м на предлежа́щий нам по́двиг жития́ сего́ вре́меннаго, взира́юще на Нача́льника ве́ры и Подвигополо́жника Го́спода на́шего Иису́са Христа́, Ему́же бу́ди сла́ва, благодаре́ние и поклоне́ние, со безнача́льным Его́ Отце́м, и с Пресвяты́м и Благи́м и Животворя́щим Его́ Ду́хом, ны́не, и при́сно, и во ве́ки веко́в. Ами́нь.

Канон святителю Филиппу, митрополиту Московскому

Минея, 3 Июля.

Глас 8

Песнь 1

Ирмос: Посе́ченный несеко́маго пресече́,
и ви́де со́лнце зе́млю, ю́же не ви́де;
лю́таго врага́ вода́ потопи́,
и непроходи́мое про́йде Изра́иль.
Песнь же воспева́шеся:
Го́сподеви пои́м, сла́вно бо просла́вися.

Припев: Святи́телю о́тче Фили́ппе, моли́ Бо́га о на́с.

А́гнче Бо́жий и Сло́ве, светозаре́нием Свята́го Твоего́ Ду́ха
мра́чному уму́ моему́ светоно́сную лучу́ низпосли́
и сло́во ми вдохни́ восхвали́ти, его́же Сам избра́л и прия́л еси́,
верх страда́льца свяще́ннаго Фили́ппа.

Припев: Святи́телю о́тче Фили́ппе, моли́ Бо́га о на́с.

Благода́ть, свя́те, Боже́ственную рабу́ твоему́ у Бо́га испроси́
и разуме́ния мою́ испо́лни ду́шу восхвали́ти житие́ твое́, Фили́ппе святи́телю,
и́мже вся удиви́л еси́, подвиза́вся, Го́споду поя́:
сла́вно бо просла́вися.

Сла́ва Отцу́ и Сы́ну и Свято́му Ду́ху.

Вели́ких доброде́телей светозаре́нием сия́ют твоя́ де́тели, преподо́бне:
удиви́шася бо ца́рие кре́пкому твоему́ му́жеству,
я́ко в наказа́нии к ним язы́к твой не ослабе́, и Го́споду поя́ше:
сла́вно бо просла́вися.

И ны́не и при́сно и во ве́ки веко́в. Ами́нь.

Богородичен: Глаго́лы Богоглаго́ливых пропове́дников, о Тебе́, Богома́ти, испо́лнишася:
се бо родила́ еси́, Де́во, мла́до Отроча́,
Ада́ма дре́вняго старе́йшо и сопресто́льна Роди́телю,
ми́ра всего́ на спасе́ние и тле́ния измене́ние.

Песнь 3

Ирмос: Утверди́ся се́рдце мое́ во Го́споде,
вознесе́ся рог мой в Бо́зе мое́м,
разшири́шася на враги́ моя́ уста́ моя́,
возвесели́хся о спасе́нии Твое́м.

Припев: Святи́телю о́тче Фили́ппе, моли́ Бо́га о на́с.

Доброде́телей на го́ру восте́кл еси́ и во мрак виде́ния вшел еси́, святи́телю Фили́ппе,
и позна́л еси́, ели́ко вме́стно, Непостижи́маго естество́м,
просвеще́ния же испо́лнен быв, о́тче, прия́л еси́ Боже́ственную благода́ть.

Припев: Святи́телю о́тче Фили́ппе, моли́ Бо́га о на́с.

Еди́наго Бо́га добро́тою ища́ и еди́ную Его́ получи́ти сла́ву жела́я, блаже́нне,
сла́ву и честь земна́го пребыва́ния я́ко преходя́щую оста́вил еси́
и я́ко уго́дник просия́л еси́ всех Влады́ки Христа́.

Сла́ва Отцу́ и Сы́ну и Свято́му Ду́ху.

Жела́нием Ду́ха пло́ти жела́ние увяди́л еси́
и себе́, блаже́нне, обручи́л еси́ сожи́тельницу чистоту́,
от нея́же ча́да тебе́ роди́шася – вся доброде́тели, присносла́вне,
ча́до тя содева́ющия невеще́ственнаго Све́та.

И ны́не и при́сно и во ве́ки веко́в. Ами́нь.

Богородичен: Зми́я мы́сленнаго умертви́ла еси́,
умертви́вшаго Ада́ма в раи́ и Е́ве прама́тери соде́лавшаго печа́ль,
Жизнь прозя́бши, Де́во Чи́стая, от тле́ния нас свободи́вшую:
Бог бо бе из Твои́х ложе́сн проше́д неизрече́нно.

Седален, глас 8

Я́ко апо́стола избра́ннаго тезоимени́т, о́тче, и подража́тель,
беды́ претерпе́л еси́ и гоне́ния,
ре́вность вообража́я проро́ка Илии́ и Крести́теля, му́жески обличи́л еси́ беззако́ннующия
и престо́л, вве́ренный тебе́, до́бре упра́вил еси́,
ра́вное о́ных тече́ние сконча́в.
Я́ко ми́лоть, те́ло твое́ на земли́ оста́вил еси́,
испуща́еши, я́ко ми́ро, благоуха́ния арома́т
и, я́ко дождь, излива́еши благода́ть духо́вну,
напоя́я та́йно бразды́ серде́ц на́ших.
Фили́ппе святи́телю, моли́ Христа́ Бо́га грехо́в оставле́ние дарова́ти
чту́щим любо́вию святу́ю па́мять твою́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Я́ко Де́ву и еди́ну в жена́х, Тя, без се́мене ро́ждшую Бо́га пло́тию,
вси ублажа́ем, ро́ди челове́честии:
огнь бо всели́ся в Тя Божества́,
и я́ко Младе́нца млеко́м пита́еши Зижди́теля и Го́спода.
Тем, а́нгельский и челове́ческий род, досто́йно сла́вим пресвято́е рождество́ Твое́
и согла́сно вопие́м Ти:
моли́ Христа́ Бо́га согреше́ний оставле́ние дарова́ти
покланя́ющимся ве́рою пресвято́му рождеству́ Твоему́.

Песнь 4

Ирмос: Проро́к Авваку́м у́мныма очи́ма
прови́де, Го́споди, прише́ствие Твое́,
тем и вопия́ше:
от ю́га прии́дет Бог.
Сла́ва си́ле Твое́й, сла́ва снизхожде́нию Твоему́.

Припев: Святи́телю о́тче Фили́ппе, моли́ Бо́га о на́с.

Зло́бою дви́жимии на тя, незло́биваго а́гнца, я́ко ди́вии зве́рие, воста́ша:
словесы́ твои́ми, я́ко остно́м, сре́чеми, не терпя́ще,
я́ростию поощря́хуся, святи́телю Богому́дре.

Припев: Святи́телю о́тче Фили́ппе, моли́ Бо́га о на́с.

И́мать тя засту́пника мир весь и помо́щника в напа́стех,
я́ко бо побо́рник ве́рен и ско́рый предста́тель к твое́й па́стве прири́щущия
напа́стей и бед изыма́еши, свяще́нными твои́ми моли́твами.

Сла́ва Отцу́ и Сы́ну и Свято́му Ду́ху.

Испо́лнив до́брыя по́двиги, тезоимени́те, жела́ннаго, Богому́дре, сподо́бился еси́ безсме́ртия,
иде́же, ра́дуяся, вене́ц побе́ды взял еси́ и вопие́ши:
сла́ва си́ле Твое́й, сла́ва, Христе́, прише́ствию Твоему́.

И ны́не и при́сно и во ве́ки веко́в. Ами́нь.

Богородичен: Кре́пость всех враго́в низложи́, Ма́ти Бо́жия,
оскорбля́ющих воспева́ющия Тя, я́ко ро́ждшая Го́спода сла́вы,
невреди́мо Твое́ ста́до спаса́й от злых прираже́ний,
я́ко да по до́лгу Тя ублажа́ем.

Песнь 5

Ирмос: Мрак души́ моея́ разжени́, Светода́вче Христе́ Бо́же,
началоро́дную тьму изгна́в бе́здны,
и да́руй ми свет повеле́ний Твои́х, Сло́ве,
да, у́тренюя, сла́влю Тя.

Припев: Святи́телю о́тче Фили́ппе, моли́ Бо́га о на́с.

Я́ко луча́ пра́вды Со́лнца, яви́ся ми́ру
светлостьми́ доброде́телей, предста́тельство твое́, святи́телю Фили́ппе,
разоря́ющее о́блак наше́дших бед;
тя и ны́не пою́щия в ми́ре сохрани́,
и просла́ви я красото́ю, и просвети́.

Припев: Святи́телю о́тче Фили́ппе, моли́ Бо́га о на́с.

Меч обоюдоо́стр язы́к твой показа́ся, в Христо́в страх вооружи́вся, блаже́нне,
разу́мно изобличи́в нача́льствующия, во свиде́тельство Христа́ Всецаря́,
вино́вна на среду́ приводя́, и Боже́ственныя Его́ ученики́.

Сла́ва Отцу́ и Сы́ну и Свято́му Ду́ху.

Нов яви́лся еси́ ре́вностию, я́коже вторы́й Моисе́й,
не зна́мении стра́шными удивля́я,
но Боже́ственных слове́с уче́нии наставля́я к ти́хому приста́нищу но́ваго Изра́иля,
от страсте́й Еги́пта изводя́.

И ны́не и при́сно и во ве́ки веко́в. Ами́нь.

Богородичен: О́блак разу́мный Тя имену́ем,
из Тебе́ бо Христо́с возсия́, Всенепоро́чная, и простра́ннейшу Тя небе́с показа́,
Того́ бо неискусому́жно родила́ еси́, Чи́стая,
воплоще́нна за милосе́рдие неисповеди́мое.

Песнь 6

Ирмос: Ио́ну в ки́те, Го́споди,
еди́наго всели́л еси́,
мене́ же, свя́заннаго мре́жами вра́жиими,
я́ко от тли о́наго спаси́.

Припев: Святи́телю о́тче Фили́ппе, моли́ Бо́га о на́с.

Промышле́ние о́бщее творя́ о пасо́мых тобо́ю,
е́же бы́ти им душе́ю и се́рдцем единосло́вне, во Христо́ве еди́ней ве́ре пребыва́ющим,
язы́ческия же отрева́л еси́ обы́чаи
и разделе́ния бежа́ти, му́дре, научи́л еси́.

Припев: Святи́телю о́тче Фили́ппе, моли́ Бо́га о на́с.

Ре́вностию Христо́вою поостри́вся, я́рость самодержа́внаго на кро́тость преложи́ти тща́лся еси́,
и к преще́нием царе́вым непрекло́нен отню́д был еси́,
я́ко Христо́вых за́поведей де́латель,
и показа́лся еси́ я́ко кре́пок хра́брник,
за па́ству твою́ пострада́в да́же до сме́рти, ра́дуяся.

Сла́ва Отцу́ и Сы́ну и Свято́му Ду́ху.

Светоно́сную лучу́, сия́ющу во мра́це жития́ су́щим,
святи́телю Фили́ппе, ви́дим тя,
и я́ко свещу́ неугаси́мую, невеще́ственному приобщи́вшагося Све́ту
и вся освеща́юща концы, тьму неразу́мия отъе́млюща.

И ны́не и при́сно и во ве́ки веко́в. Ами́нь.

Богородичен: Тя иногда́ написа́ скрижа́ль богообра́зне во проро́цех Моисе́й,
све́щник же Све́та, и сень, и жезл процве́тший, Всенепоро́чная,
и ста́мну, ма́нну нося́щую, и ле́ствицу,
е́юже возведо́хомся от земли́ к высоте́.

Кондак, глас 3

Правосла́вия наста́вника и и́стины провозве́стника,
Златоу́стаго ревни́теля, Росси́йскаго свети́льника,
Фили́ппа прему́драго восхва́лим,
пи́щею слове́с свои́х разу́мно ча́да своя́ пита́юща:
той бо язы́ком хвале́ния поя́ше,
устна́ма же пе́ние веща́ше,
я́ко таи́нник Бо́жия благода́ти.

Икос

Прииди́те, любострада́льцы, пе́нием и пе́сньми духо́вными
па́мять священному́ченика соверша́юще, Боже́ственне возвесели́мся:
вре́мя на́шего весе́лия и натрижне́ния наста́,
в не́же прие́млем страсте́й разреше́ния дар.
Я́ко бо столп, огне́м яви́ся попаля́ющ беззако́ннующих главы́,
ве́рных же просвеща́ющ ду́ши уче́ньми Богоразу́мия
и в Боже́ственный град Го́рний Иерусали́м, я́ко друга́го Изра́иля, вводя́щ,
я́ко учени́к Бо́жия благода́ти.

Песнь 7

Ирмос: На по́ле Деи́ре
иногда́ мучи́тель пещь поста́ви на муче́ние Богоно́сных,
в не́йже три о́троки песносло́вяху Еди́наго Бо́га,
тро́ично воспева́ху, глаго́люще:
отце́в Бо́же, благослове́н еси́.

Припев: Святи́телю о́тче Фили́ппе, моли́ Бо́га о на́с.

Укра́шен благоле́пно Го́споду предста́л еси́ доброде́тельными по́двиги,
вене́ц же нося́ страда́ния, испещре́н кро́вными ка́плями, святи́телю Фили́ппе.
Те́мже соверша́ющия светоно́сную па́мять твою́ при́сно помина́й и пою́щия:
оте́ц на́ших Бо́же, благослове́н еси́.

Припев: Святи́телю о́тче Фили́ппе, моли́ Бо́га о на́с.

Фараони́т мы́сленных враго́в ополче́ния, блаже́нне, избе́г,
легко́ преше́л еси́ к Го́рним,
та́мо водворя́яся, иде́же по́честь сла́вы получи́в терпе́нием,
во све́те пра́ведных, в ра́довании святы́х, воспева́я:
оте́ц на́ших Бо́же, благослове́н еси́.

Сла́ва Отцу́ и Сы́ну и Свято́му Ду́ху.

Хва́лят тя, блажа́ще любо́вию, прити́чущии к ра́це твое́й, блаже́нне,
в ней бо, мо́щи твоя́ целу́юще, оби́льно благода́ть прие́млют:
прикоснове́нием бо вред оче́с исцели́л еси́
и боле́знь зубо́в облегчи́л еси́ пою́щих:
оте́ц на́ших Бо́же, благослове́н еси́.

И ны́не и при́сно и во ве́ки веко́в. Ами́нь.

Богородичен: От любве́ душе́вныя вопию́ Ти, Влады́чице:
пресве́тлаго Со́лнца о́блаче, спаси́тельная две́ре, Небе́сная врата́,
ле́ствице мы́сленная, всех христиа́н мольбу́ приими́, Тя блажа́щих,
наде́жду душ на́ших, и Сы́ну Твоему́ зову́щих:
оте́ц на́ших Бо́же, благослове́н еси́.

Песнь 8

Ирмос: Покрыва́яй вода́ми превы́спренняя Своя́,
полага́яй мо́рю преде́л песо́к
и содержа́й вся,
Тя пое́т со́лнце, Тя сла́вит луна́,
Тебе́ прино́сит песнь вся тварь,
я́ко Соде́телю всех во ве́ки.

Припев: Святи́телю о́тче Фили́ппе, моли́ Бо́га о на́с.

Цели́ши незави́стно ве́рно призыва́ющия тя:
я́ко предста́в, а́бие разсла́блена возста́вил еси́
и стра́ждущему ятро́ прикоснове́нием ручны́м уврачи́л еси́,
уны́нием скорбя́ща явле́нием твои́м в ра́дость претвори́л еси́,
при́сно де́йствуя вся, блаже́нне, всем во ве́ки.

Припев: Святи́телю о́тче Фили́ппе, моли́ Бо́га о на́с.

Честь многоце́нную твоему́ верху́, страда́ния вене́ц,
я́ко победоно́сцу, живоно́сною десни́цею Зижди́тель возложи́, всеблаже́нне,
те́ло же твое́ соблюде́ невреди́мо от боко́в землены́х, испуща́ющее благоуха́ния арома́т.
Си́це тя просла́ви Подвигополо́жник во вся ве́ки.

Сла́ва Отцу́ и Сы́ну и Свято́му Ду́ху.

Шата́ния и бра́ни междоусо́бныя укроти́,
и свере́пеющия во́лки на ста́до твое́, блаже́нне,
я́ко и́стинный па́стырь, моли́тв твои́х па́лицею дале́че отжени́,
и оте́чество на́ше держа́вно устро́й, и воста́ния язы́ков покори́,
да я́ко предста́теля тя воспева́ем во ве́ки.

И ны́не и при́сно и во ве́ки веко́в. Ами́нь.

Богородичен: Щито́м ве́ры храм Твой святы́й, Богоро́дице Де́во, сохрани́,
и в нем славосло́вящия Тя ку́пно сла́вы Твоея́ сподо́би,
и нахожде́ния ва́рварскаго и томле́ния их изба́ви ны,
ума́ на́шего во́лны свере́пыя укроти́ моли́твою Твое́ю, Всепе́тая.

Песнь 9

Ирмос: Благослове́н Госпо́дь, Бог Изра́илев,
воздви́гнувый рог спасе́ния нам
в дому́ Дави́дове, о́трока Своего́,
в ни́хже посети́ нас Восто́к с высоты́
и напра́вил ны есть на путь ми́ра.

Припев: Святи́телю о́тче Фили́ппе, моли́ Бо́га о на́с.

Еди́но естество́ Тро́ицы богосло́вил еси́,
су́етным же поуча́ющияся сме́ло, всему́дре, обличи́в
и Боже́ственными наказа́нии твои́ми ве́рныя увеща́в, му́дре, укрепи́л еси́,
А́нгелов сожи́телю, святи́телю Фили́ппе,
па́мять твою́ пра́зднующия в ми́ре соблюди́.

Припев: Святи́телю о́тче Фили́ппе, моли́ Бо́га о на́с.

Ю́ношам немова́ние сро́дно присвое́ние быва́ет, но отце́м любе́зно вои́стинну;
ты же, о́тче, приими́ на́ше сие́ благодаре́ние,
не я́ко досто́йно и́стинно твоея́ хвалы́,
но я́ко от усе́рдия тебе́ приноси́мо,
не бо мо́жем ле́потно хвали́ти тя и велича́ти.

Сла́ва Отцу́ и Сы́ну и Свято́му Ду́ху.

Я́ко апо́столов сопресто́лен и му́чеников слико́вен, святи́телем равноче́стен,
страстоте́рпче Фили́ппе, предста́тельством твои́м пою́щия тя в ми́ре сохрани́
и оте́чества на́шего рог возвы́си, ва́рварская же свере́пства низложи́,
да, ра́дующеся, пое́м тя, велича́юще.

И ны́не и при́сно и во ве́ки веко́в. Ами́нь.

Богородичен: О Све́та прия́телище, Богора́дованная Влады́чице,
святи́телем вои́стинну утвержде́ние и преподо́бным всем похвало́!
Спаси́ ны от бед и обстоя́ний и язы́ков наше́ствия,
воспева́ющия, Тя, Многопе́тую.

Светилен

Ревни́телю целому́дрия, от ю́наго воспита́ния, святи́телю Фили́ппе,
потща́лся еси́, за и́стину укоря́емь и изгна́н бы́ти
и тоя́ ра́ди смерть го́рькую подъя́л еси́;
и ны́не, на Небесе́х предстоя́ престо́лу Святы́я Тро́ицы,
при́сно о нас моли́ся, ве́рою и любо́вию соверша́ющих па́мять твою́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Щедро́ты Твоя́, Бо́же, на лю́ди Твоя́ низпосли́
моли́твами Пречи́стыя Твоея́ Ма́тере и всех святы́х
и ра́ди святи́теля Твоего́ Фили́ппа да́руй нам ве́лию ми́лость.

Акафист святителю Филиппу, митрополиту Московскому и всея России чудотворцу

Кондак 1

Избранный от Господа сил Российских первопрестольников преемниче, славным подвигом исповедничества, яко светило златозарное, озаривый Церковь православную, чудесы велиими и нетлением твоих мощей от Бога прославленный, святителю отче наш Филиппе, величая дивнаго во святых Своих Господа, восхваляем тя с любовию, яко усерднаго пред престолом Господним молитвенника, чуднаго пастыря и мученика, и от всего сердца вопием ти:

Радуйся, святителю Христов Филиппе, исповедниче великий и преславный чудотворче.

Икос 1

Ангельския силы радовахуся, святителю отче наш Филиппе, чистому и святому житию твоему, видяще, яко издетска кротость дивную, благочестие и святое послушание являл еси; мы же, благодаряще Господа, тако о тебе благоволившего, прославляем тя яко Божия избранника восхвалениями сими:

Радуйся, родителей твоих плод благословенный.

Радуйся, из млада Господа Бога возлюбивый.

Радуйся, в чистей молитве твоей пред Господем дитя незлобивое.

Радуйся, с отрочества житиями угодников Божиих сердце твое питавый.

Радуйся, служб Божиих неленостный посетителю.

Радуйся, книжнаго церковного учения искренний любителю.

Радуйся, наказанию отца твоего духовного зело прилежавый.

Радуйся, пустошным играм, яже детей обычай, нимало же внимавый.

Радуйся, родителей твоих радость и утешение.

Радуйся, всех знаемых твоих похвало и удивление.

Радуйся, наш святый молитвенниче.

Радуйся, наш дивный учителю.

Радуйся, святителю Христов Филиппе, исповедниче великий и преславный чудотворче.

Кондак 2

Видел еси, святителю Филиппе, отрок млад сый, храмов Божиих благолепие, святых обителей украшение, честных мощей и икон святых от народа почитание, ярких свещей горение, фимиама воскурение и купно с материю твоею службами церковными зело умилялся еси, красоту же храмов Божиих вседушно возлюбил еси; и тако благочестиво возрастая, от юности твоея Отечества Небеснаго искал еси, идеже Господь во славе, идеже непрестанная песнь: Аллилуиа.

Икос 2

Разум твой учением слова Божия и молитвою умудряя, явился еси, святителю Филиппе, юноша благонравен, и за премногую твою добродетель излюблен был еси юным царем Иоанном, иже тя яко отрасль высокого рода приблизи к своему престолу царскому и многими почестьми тя украси; ты же, земную славу ни во чтоже вменяя, искушения земных почестей победил еси и о едином на потребу попечение имел еси, сего ради мы тебе радостно восхваляем тако:

Радуйся, от юности добрый и благочестивый рабе Христов.

Радуйся, благоговейныя матере твоея верный и послушный сыне и друже.

Радуйся, старцы и старицы добре почитавый.

Радуйся, нищия и убогия зело возлюбивый.

Радуйся, юношеских похотей победителю.

Радуйся, целомудрия рачителю.

Радуйся, церковных песен и Божественныя псалтири усердный любителю.

Радуйся, песен срамных, смехотворства и безчинства злаго нелицемерный презрителю.

Радуйся, всякую буесть юности отгнавый.

Радуйся, мудрость Евангельскую возлюбивый.

Радуйся, всех добродетелей вместилище.

Радуйся, благодати Божия искренний причастниче.

Радуйся, святителю Христов Филиппе, исповедниче великий и преславный чудотворче.

Кондак 3

Силою благодати Божия влекомь, всем сердцем познал еси, угодниче Божий, суету жизни мира сего: того ради внимание к себе царево видя и общение со избранными слугами того имея, услады душевныя в сих мирских прелестех не обретал еси, но об иноческом житии в сердце твоем помышляя, молился еси о благодатней небесней помощи, и тую в себе ощутив, благодетелю Богу радостно взывал еси: Аллилуиа.

Икос 3

Имея возраст совершен, услышал еси, преподобне отче, в храме Божием словеса Господа не можете Богу работати и мамоне (Мф.6:24), сими словесами Христа Спасителя восхищенный, не приложился еси плоти и крови, но Божию призыву повинуяся со усердною молитвою на устах, заступлением Богоматери и угодников Божиих окормляемь, оставил еси царское приближение, отчий дом, богатство тленное, и нищ быв, тайне душевнаго ради спасения ко обители преподобных Зосимы и Савватия устремился еси. Таковому твоему послушанию гласу Господа дивящеся, сице восхваляем тя:

Радуйся, по завету Господа мир и вся, яже в мире, презревый.

Радуйся, крест Христов на рамена твоя с веселием возложивый.

Радуйся, путь тесный к Царствию Небесному избравый.

Радуйся, узкими враты за Господем последовавый.

Радуйся, богатство мира сего возненавидевый.

Радуйся, Христовой нищете себе смиренно покоривый.

Радуйся, Господа и Спасителя паче родителей и дома твоего возлюбивый.

Радуйся, царя земнаго оставивый, да Царю Небесному всего себе поработиши.

Радуйся, добрый странниче ко Отечеству Небесному.

Радуйся, безбоязненный путниче к морю-окиану ледовитому.

Радуйся, земный ангеле.

Радуйся, небесный человече.

Радуйся, святителю Христов Филиппе, исповедниче великий и преславный чудотворче.

Кондак 4

Буря смущений найде на тя, святителю Христов, егда Господь, испытуяй любящия Своя, не попусти тя дойти до Лавры Соловецкия, но остави тя в пределах земли Новгородския, у езера Онежского, идеже, в веси Киже, прилепился еси ко единому от житель страны тоя пасти овцы его. Но в сих напастех ты, угодниче Божий, унынию не вдался еси, радостно же вся Господа ради терпевый. Умильно взывал еси, овцы господина твоего пасый, истинному Пастырю Христу ангельскую песнь: Аллилуиа.

Икос 4

Слышаны быша на езере Онежском подвиги иноков обители Соловецкия, и паки, аки огнь, возгореся желание твое, святителю Филиппе, в сей святей обители во славу Божию потрудитися. Таже, оставль Кижу, устремился еси на оток Соловецкий, идеже никим же знаемь, паче же высокородие твое скрывая, смиренныя ради мольбы твоея принят был еси во обитель, да послушание твое Господеви истинно явиши. И послушник быв, вся повеленная тебе во обители радостно творил еси и своея воли вседушно отреклся еси. Сего ради в похвалу тебе сице глаголем:

Радуйся, кроткий и смиренный послушниче обители Соловецкия.

Радуйся, повеления игумена и старцев, яко веления Самого Господа, исполнявый.

Радуйся, сечением дров во обители смирение стяжавый.

Радуйся, земли копанием и камения ношением плоть свою обручивый.

Радуйся, аки вторый Дамаскин, скаредныя места очищавый.

Радуйся, всякие тягчайшия работы радостно исполнявый.

Радуйся, яко биемь бываем, никакоже злом за зло воздавал еси.

Радуйся, яко многия обиды и уничижения благодушно претерпевал еси.

Радуйся, Христовых заповедей добрый исполнителю.

Радуйся, церковных заветов усердный хранителю.

Радуйся, терпения учителю.

Радуйся, смиренномудрия наставниче.

Радуйся, святителю Христов Филиппе, исповедниче великий и преславный чудотворче.

Кондак 5

Богомыслие пустынное ко святому послушанию приложил еси, отче наш Филиппе, сего ради игумен обители радостно по благому твоему хотению сопричисли тя ко избранному стаду иноков Соловецких и твой постриг во инока соверши; ты же, со страхом и трепетом обеты иночества изрекая, о содействии благодати Божия молился еси и со слезами великого умиления взывал еси Господу: Аллилуиа.

Икос 5

Видеша игумен и братия обители Соловецкия в тебе воистину избранный сосуд Божия благодати: ангельский бо чин восприяв, великих подвигов твоих не оставил еси, преподобне, но всяко смиряя себе, носил еси дрова и воду, огнь возгнешал еси, в поварне и пекарне прилежно трудился еси, вкупе же паче прежняго в молитве и прочих духовных трудех ходил еси. Егда же иноцы обители начаша восхваляти тя, блаженне, ты сея славы людския не стерпел еси, но оставль обитель, удалился еси на том же отоце во едино пусто место. И тамо денно и нощно не едино лето в молитве, чтении Слова Божия и богомыслии пребывал еси. За таковыя твоя во славу Господа подвиги восхваляем тя усердно:

Радуйся, истинного монашеского жития великий образе.

Радуйся, иноческих обетов пламенный исполнителю.

Радуйся, дневными и нощными подвигами плоть твою всецело духови покоривый.

Радуйся, молитве Иисусовой усердно прилежавый.

Радуйся, умную молитву от Господа стяжавый.

Радуйся, древним восточным подвижником искренний подражателю.

Радуйся, токмо в молитве ко Господу все утешение полагавый.

Радуйся, сладостным общением с Господом в пустыни дух твой питавый.

Радуйся, Божия Матере любимиче.

Радуйся, Ангелов собеседниче.

Радуйся, наше верное прибежище.

Радуйся, наше светлое упование.

Радуйся, святителю Христов Филиппе, исповедниче великий и преславный чудотворче.

Кондак 6

Проповедник словом и делом чистаго и святаго монашеского жития был еси, святителю Филиппе, сего ради игумен, престарелый в летех, вкупе с братиею обители умоли твое смирение прияти высокое звание иноков начальника и священства, да водимая тобою святая обитель яко яркий светильник всея Руси православныя явится, да иноцы и мирстии людие, молящиеся в ней, возрастают от силы в силу, воспевая Богу: Аллилуиа.

Икос 6

Возсия светом велиим обитель Соловецкая, егда святитель Филипп, гласу Божию повинуяся, восприял бремя тяжкое игуменства монастырского. Святый игумен, по заповеди Господа, себе самого яко слугу всех вмени, телесным бо трудом и молитвенным подвигом паче прежняго себе предавая, Христоподражательным своим нравом и иноческим житием братию без слова пленяше, таже чин церковного богослужения исправляше и о благоукрашении святыя обители попечение имеяше. Воспоминающе убо славные труды сего дивнаго игумена, восхваляем его тако:

Радуйся, Соловецкия обители мудрый управителю.

Радуйся, братии обители кроткий и смиренный начальниче.

Радуйся, о вечном спасении братии слезно ко Господу взывавый.

Радуйся, скорби и радости иноков в сердце твоем не тесно вмещавый.

Радуйся, яко поучения инокам усердно вещал еси.

Радуйся, яко Евангельския законы в сердца их глубоце внедрял еси.

Радуйся, добрым иноком сугубую честь воздававый.

Радуйся, строптивыя и нерадивыя иноки судом Божиим вразумлявый.

Радуйся, Христовыя любве и небеснаго мира усердный благовестниче.

Радуйся, вечныя правды Христовы твердый поборниче.

Радуйся, иноческих уставов ревнителю.

Радуйся, красоты церковных служб рачителю.

Радуйся, святителю Христов Филиппе, исповедниче великий и преславный чудотворче.

Кондак 7

Хотящих честне изобразити чудныя дела игуменства твоего вразуми, святителю Филиппе: недоумеет бо язык человеческий изрещи достойныя хвалы денным и нощным трудам твоим: твоему о благоукрашении обители попечению, твоему уставом церковным послушанию, твоим слезам молитвенным, твоим воздыханием сердечным, твоему пустынному уединению. Обаче в толиких безмерных трудех твоих силу благодати Божественныя видяще, усердно вопием щедродателю Господу Богу ангельскую песнь: Аллилуиа.

Икос 7

Новый Зосима явился еси обители твоей, святителю Филиппе. Всею душею твоею живя в Господе, присно в молитве пребывая, слезами умиления покрывая ложе твое, ты, святителю великий, не забыл еси и великого дела домовного строительства: новые храмы и скиты воздвигал еси, блатныя места осушал еси, пути по отоку Соловецкому исправлял еси, братския домы, больницы и прочия строения обители созидал еси. Таковому твоему доброделанию дивящеся, тако похваляем тя:

Радуйся, преподобному Савватию в молитве и духовнем делании подобный.

Радуйся, по домовому строительству и во игуменстве великому Зосиме равный.

Радуйся, преподобному Герману в твердей вере и светлем на Господа уповании подражавый.

Радуйся, добродетели всех Соловецких подвижников усвоивый.

Радуйся, честнаго Успения Богоматере и Боголепаго Спасова Преображения храмов мудрый зиждителю.

Радуйся, пустыни твоего имене и скитов обители основателю.

Радуйся, пресныя воды Соловецких источников во единем Святем езере совокупивый.

Радуйся, в красотах севернаго неба славу Премудраго Творца вселенной умильно созерцавый.

Радуйся, всякую пядь земли отоков Соловецких твоими честными стопами освятивый.

Радуйся, чащи лесныя и брега морския слезами умиления обильно орошавый.

Радуйся, пред Богом молитвенниче наш усердный.

Радуйся, святителю Христов Филиппе, исповедниче великий и преславный чудотворче.

Кондак 8

Странник безвестен и проситель смиренный иноческого послушания у врат обители Соловецкия явился еси, Филиппе, но како духовных твоих доблестей ради содеяся славно имя твое блаженнее, град бо Москва и вся Русь православная познаша в тебе яве добродетелей твоих светлость и молитв твоих силу; сего ради и был еси вождь духовен всея Руси святыя и всех, спасения ищущих, во еже взывати Господу: Аллилуиа.

Икос 8

Всею душею и телом обители преподобных Зосимы и Савватия поработал еси, отче преподобне, сего ради о нуждах обители сея зело прилежал еси и о сих царя Иоанна Грознаго извещал еси. Грозный же царь, юношеския дружбы твоея и подвигов твоих иноческих ради щедро обители твоей снабдение творяще, подражающе же ему, и прочии града Москвы обитателие от трудов твоих обители прилежаху, и к молитвенному твоему заступлению притекающе, тако прославляху тя:

Радуйся, от царских чертогов до иноческия нищеты нисшедый.

Радуйся, честь земную на богатство неоскудевающее пременивый.

Радуйся, Божественныя литургии пламенный совершителю.

Радуйся, слова Божия усердный изъяснителю.

Радуйся, иноческими подвигами твоими родительницу твою возвеселивый и житием твоим ко иночестей жизни склонивый.

Радуйся, нужды отечества твоего земнаго в сердце твоем имевый и о них пред Богом слезы источивый.

Радуйся, мирских людей наставниче.

Радуйся, столпе православия непоколебимый.

Радуйся, истины поборниче неодоленный.

Радуйся, утешение всех скорбящих.

Радуйся, отрадо к твоей помощи всех прибегающих.

Радуйся, святителю Христов Филиппе, исповедниче великий и преславный чудотворче.

Кондак 9

Всяк возраст и чин града Москвы зело возрадовася, егда изыде весть о приятии тобою, смиренным игуменом Соловецким, чести и сана первосвятителя Церкви Российския. Ведомо бо бе людем русским и прежнее твое к царю приближение, и царское твоих иноческих подвигов почитание. Сего ради упованием светлым сердца их исполнишася: новый бо первосвятитель истинный и мощный печальник и заступник пред Грозным царем о всех обидимых и правды ради гонимых восстанет, и в сей великой радости и надежде возгласиша Благодателю всех Богу благодарственно хвалебную песнь: Аллилуиа.

Икос 9

Ветийствующий язык человеческий не возможет достойне изобразити труды и скорби твоя, святителю Филиппе, на первосвятительском престоле Церкве Российския. Грозный бо царь в тыя дни свою державу злою опричниною возмути: люди русские зело сокрушахуся, егда о убиении мужей неповинных слышаху и козни жестокия видяху. И ты, ревнителю Божий, сию неправду цареву видя, в защищение верных сынов русских дерзновенно глас свой возвысил еси и, входя к царю, кротко того поучал еси, и опричнину злую упразднити и убиения невинных прекратити умолял еси. И благослови Господь святительское твое пред царем Грозным печалование. Царь Иоанн, твоим мольбам и слезам внемля, гнев свой на время укроти. Народ же русский и град Москва твое мощное пред царем заступление видяще, сице радостно восхваляху тя:

Радуйся, архиерею истинный.

Радуйся, яко вторый Моисей бремене всего народа русскаго носителю.

Радуйся, граду Москве и всему народу русскому словес Божественных усердный изъяснителю.

Радуйся, российский Златоусте, устами златыми Божия правды и суда Христова провозвестниче.

Радуйся, царя и людей русских во апостольских и отеческих преданиях мудрый наставниче.

Радуйся, непокоряющихся Божьему закону грозный запретителю.

Радуйся, Грознаго царя искренний, нелицеприятный и нельстивый друже.

Радуйся, об исполнении пути его и о вечном его спасении усердный и слезный молитвенниче.

Радуйся, злых опричнины деяний безбоязненный обличителю.

Радуйся, обидимых защитниче и скорбящих душею утешителю.

Радуйся, всех заветов Евангелия Христова смиренный исповедниче.

Радуйся, о земных наших скорбех милостивый печальниче.

Радуйся, святителю Христов Филиппе, исповедниче великий и преславный чудотворче.

Кондак 10

Спасти хотя всю Русь православную от суемудренного свирепства царского, яко пастырь добрый, душу твою за паству положити готовый, ты, святителю Христов, всенародно ярость самонравного царя на кротость преложити потщался еси. О новых же злодеяниях опричнины уведев и гнев царский на себе испытав, к венцу мученическому приуготовил себе и в благодатном умилении ко Господу взывал еси чистыми твоими устами хвалебную песнь: Аллилуиа.

Икос 10

Царя Грознаго ярость и свирепство зело угобзил еси, святителю отче наш Филиппе, егда Христову учению внимая, во храме Владычицы честнаго Ея Успения новыя беззакония царя Грознаго обличив еси, еще же и опричника в глумлении над Евангелием укорил еси. За сие твое дерзновение судом неправедным святительского сана лишен был еси, в храме Божием злыми опричниками во святительском одеянии обезчестен был еси и муки жестокия, в темницу ввержен, претерпел еси. Последи же, от смерти избавлен быв, во Отрочь монастырь во изгнание послан был еси. Чада же твоя духовная, твое поругание и страдание видяще, со слезами возглашаху тебе сия:

Радуйся, страдальче наш незлобивый.

Радуйся, паству твою до смерти возлюбивый.

Радуйся, пророку Илии и Предтече Господню во обличении царя беззаконнаго уподобивыйся.

Радуйся, учение Христово в доме царстем аки вторый Павел проповедавый.

Радуйся, великому Амвросию, епископу Медиолана, единоправный.

Радуйся, безбоязненный правды поборниче.

Радуйся, аки вторый Златоуст безчестие и изгнание от царя претерпевый.

Радуйся, о вразумлении царя Грознаго яко верный Христов пастырь непрестанно моливыйся.

Радуйся, наш благий и великий святителю.

Радуйся, наш златословесный учителю.

Радуйся, яко твоему подвигу Ангели возрадовашася.

Радуйся, яко твоему исповедничеству вся вселенныя дивится.

Радуйся, святителю Христов Филиппе, исповедниче великий и преславный чудотворче.

Кондак 11

Пение надгробное со слезами скорбными град Москву, обитель Соловецкую и всю Русь православную огласи, егда во вся концы отечества нашего изыде весть о мученической кончине твоей, наш дивный исповедниче. Смерть бо неправедную, горькую, во Отроче монастыре от рук злаго слуги царского восприял еси. Присно со Христом пребывая, молитву за убийц твоих творил еси, святителю, егда праведная душа твоя от тела нуждею разлучашеся. Мы же, прославляюще твою страдальческую кончину, со слезами умиления вопием премудрому Господу: Аллилуиа.

Икос 11

Свет благодатных исцелений обильно возсия от честных мощей твоих, святителю Филиппе, первее в Соловецкой обители, а послежде во граде Москве, в нюже многоцелебныя мощи твоя великим Никоном пренесошася. К сим мощем припадающе, в похвалу тебе, наш великий святителю, тако глаголем:

Радуйся, возвращением твоим в Соловецкую обитель братию обители зело возвеселивый.

Радуйся, игуменство твое в ней духовне возобновивый.

Радуйся, яко Соловецкая обитель части мощей твоих благодарне поклоняется.

Радуйся, яко сию часть мощей твоих обитель твоя, яко драгоценную жемчужину, почитает.

Радуйся, яко прославлением честнаго твоего тела и град Москву и все отечество наше возвеличил еси.

Радуйся, яко чудесами от нетленных мощей твоих благочестие в стране нашей умножил еси.

Радуйся, святителем Христовым Петру, Алексию и Ионе единоправный.

Радуйся, подвигом твоим святителя Ермогена на великое пастырское дерзновение воодушевивый.

Радуйся, светозарное солнце земли Российския.

Радуйся, разумного света заре.

Радуйся, светило церковное и архиерейская красото.

Радуйся, небесных законов на земли живая проповедь и христоподражательного жития образе.

Радуйся, святителю Христов Филиппе, исповедниче великий и преславный чудотворче.

Кондак 12

Благодать святаго дерзновения безбоязненно делом и словом вещати Христово учение подаждь нам, немощным, великий угодниче Божий и святителю Филиппе, наипаче подаждь сию благодать пастырем Церкви Христовыя, да возмогут они немолчно свою духовную паству учити и вразумляти, лицеприятия избегати, да таковое дерзновение стяжавше, вси мы на благом пути ко спасению обрящемся и сподобимся в вечном Небесном Царствии выну воспевати Господу: Аллилуиа.

Икос 12

Поюще твое дивное житие, твоя иноческия подвиги на отоце Соловецком воспевающе, твою святительскую ревность и дерзновение восхваляюще, поклоняющеся твоему до крове правдолюбию и исповедничеству, святителю отче наш Филиппе, молим тя в борениях и искушениях многоразличных не оставляти нас, но наипаче твоими молитвами укрепити, да возможем и мы твоими подражательми быти и тебе, нашего отца и наставника, восхваляти сице:

Радуйся, звездо Российская.

Радуйся, чистый сосуде Святаго Духа.

Радуйся, вселенским мучеником и исповедником подобниче.

Радуйся, Церкви Российския похвало и всего священства украшение.

Радуйся, иноческия кротости образе.

Радуйся, монашеского постнического жительства истинное правило.

Радуйся, безплотных сожителю.

Радуйся, Христова смирения ревнителю.

Радуйся, чудес велиих совершителю.

Радуйся, о скорбех земнаго отечества твоего милостивый пред Богом печальниче.

Радуйся, яко тобою Соловецкая обитель славится.

Радуйся, яко тобою град Москва и вся Россия украшается.

Радуйся, святителю Христов Филиппе, исповедниче великий и преславный чудотворче.

Кондак 13

О, великий святителю Христов Филиппе! Приими от нас, грешных, сие похвальное пение и священными твоими молитвами тя поющия в мире сохрани, от напастей и бед избави, во святей православной вере укрепи, угодное Богу житие проводити помози, уныние наше в радость претвори, дух крепкого стояния за церковныя законы и церковныя предания обнови в нас, да тако сподобимся во веки в райских обителех воспевати нашему Пастыреначальнику и Господу: Аллилуиа. Аллилуиа. Аллилуиа.

[Се́й конда́к глаго́лется три́жды.]

Икос 1

Ангельския силы радовахуся, святителю отче наш Филиппе, чистому и святому житию твоему, видяще, яко издетска кротость дивную, благочестие и святое послушание являл еси; мы же, благодаряще Господа, тако о тебе благоволившего, прославляем тя яко Божия избранника восхвалениями сими:

Радуйся, родителей твоих плод благословенный.

Радуйся, из млада Господа Бога возлюбивый.

Радуйся, в чистей молитве твоей пред Господем дитя незлобивое.

Радуйся, с отрочества житиями угодников Божиих сердце твое питавый.

Радуйся, служб Божиих неленостный посетителю.

Радуйся, книжнаго церковного учения искренний любителю.

Радуйся, наказанию отца твоего духовного зело прилежавый.

Радуйся, пустошным играм, яже детей обычай, нимало же внимавый.

Радуйся, родителей твоих радость и утешение.

Радуйся, всех знаемых твоих похвало и удивление.

Радуйся, наш святый молитвенниче.

Радуйся, наш дивный учителю.

Радуйся, святителю Христов Филиппе, исповедниче великий и преславный чудотворче.

Кондак 1

Избранный от Господа сил Российских первопрестольников преемниче, славным подвигом исповедничества, яко светило златозарное, озаривый Церковь православную, чудесы велиими и нетлением твоих мощей от Бога прославленный, святителю отче наш Филиппе, величая дивнаго во святых Своих Господа, восхваляем тя с любовию, яко усерднаго пред престолом Господним молитвенника, чуднаго пастыря и мученика, и от всего сердца вопием ти:

Радуйся, святителю Христов Филиппе, исповедниче великий и преславный чудотворче.

Молитва святителю Христову и чудотворцу Филиппу

О, великий печальниче земли Российския, святителю Христов Филиппе! Великими и многими даровании обогати тя щедродаровитый Владыка Господь, ты же, яко раб благий и верный, дарования сия зело умножил еси, от отроческих лет даже до кончины твоея заповедем Господним внимая, пребывая в них и возрастая, полн сый любве и милосердия, кротости и смирения, сими добродетельми ты богатно служил еси Господу и присным твоим, образ евангельского жития показуя, благочестивым житием Бога прославляя. За сие житие твое от Бога прославлен еси, велиим даром чудес обогатился еси, святое дерзновение стяжал еси и до днесь земному отечеству и народу твоему служиши, и воздыхания наши предворяеши.

И мы, грешнии, заступничеству твоему перед Богом верующе, молимся тебе усердно. Буди нам, якоже в земнем твоем житии, отец и заступник, помози всем нам крест земнаго жития с терпением и радостию носити. Малодушныя молитвою твоею подкрепи и от житейских соблазнов любовию твоею отврати, сеющия соблазны рукою твоею крепкою вразуми. Даждь нам, святителю Христов, прежде кончины нашея, радость твоего мощнаго заступления ощутити, даждь многострадальному твоему отечеству силы благодатныя присно Христу работати, якоже благочестивии отцы наши своим церковным житием славу Божию и веру Христову на земли множаху, даждь нам их благочестию подражати, уставы церковныя хранити, заповеди Божии благоговейно соблюдати, нищия любити и щедро им благотворити, обидимыя заступати, веру Христову и закон Божий безбоязненно исповедати, всякого греха гнушатися и одеждою всякия правды светло украшатися. Да тако твоими молитвами укрепляеми, возможем и мы житие свое богоугодне устроити, грехов прощение от Господа получити и милостию и человеколюбием Спаса нашего и Господа в небесных селениях водворитися, идеже ангели и вси святии славят великолепое имя Отца и Сына и Святаго Духа.