Собор Тверских святых

Жития

С 1897 года по благословению архиепископа Тверского и Кашинского Димитрия (Самбикина; † 17 марта 1908 г.) началось собирание сведений о Тверских святых. Приснопамятным преосвященным Димитрием была составлена служба всем Тверским святым, подготовлен к печати Тверской Патерик, изданный в Казани в 1908 году, а также по его просьбе написана в 1902 году икона Собора Тверских святых. В 1904 году архиепископ Димитрий освятил престол в честь Собора Тверских святых во втором ярусе колокольни кафедрального собора. С этого времени началось местное почитание Собора Тверских святых.

Начатое архиепископом Димитрием дело получило свое завершение через 70 лет благодаря трудам архиепископа Калининского и Кашинского Алексия. Им была составлена служба всем Тверским святым и возбуждено ходатайство перед святейшим патриархом Московским и всея Руси Пименом совершать память всех святых, в земле Тверской просиявших, в первый воскресный день после праздника святых первоверховных апостолов Петра и Павла. Святейший патриарх Пимен удовлетворил ходатайство и благословил внести память Собора Тверских святых в календарь Русской Православной Церкви, начиная с 1979 года.

В сонме святых, подвизавшихся в пределах Тверской епархии, более 40 угодников Божиих. Среди них некоторые не были наставниками и учителями тверской паствы, но, как отмечает святейший патриарх Пимен в поздравительном послании к архиепископу Калининскому и Кашинскому Алексию, они «были причастны к ней либо по происхождению, либо по кончине».

Особо чтимыми святыми Тверской епархии являются показавший пример патриотического служения и подвига исповедничества святой благоверный князь Тверской Михаил Ярославич († 1318; память 22 ноября/5 декабря) и его супруга святая благоверная княгиня Анна Кашинская († 1338; память 12/25 июня и 2/15 октября). Известны святые архипастыри Тверской епархии: первоначальник Тверских святителей епископ Симеон († 1289; память 3/16 февраля), епископ Феодор, прозванный Добрым († 1367; память 20 марта/2 апреля) и епископ Арсений († 1409; память 2/15 марта), которым пришлось управлять епархией в тяжелые времена междоусобиц и монголо-татарского ига.

Особый ряд Тверских святых составляют учители, просветители и проповедники Христова учения, которые на протяжении многовековой истории Тверской епархии поддерживали благочестие и святость на этой земле. Среди них основатель Борисоглебского монастыря преподобный Ефрем Новоторжский († 1053; память 28 января/4 февраля и 11/24 июня); преподобный Аркадий Вяземский и Новоторжский († 1053; память 13/26 декабря); блаженный Константин Новоторжский (предположительно XVI в.), основатель Сретенского монастыря преподобный Савва († 1467) и его брат преподобный Варсонофий († ок. 1459); основатель Свято-Троицкой обители преподобный Макарий, игумен Калязинский († 1483; память 17/30 марта, 26 мая/8 июня); основатель Введенского монастыря преподобный Нектарий Бежецкий († 1494); основатель Сретенского монастыря преподобный Савватий († ок. 1434); основатель Оршинского Савватиева монастыря преподобный Евфросин († ок. 1460); основатель Столобенской пустыни преподобный Нил, Столобенский чудотворец († 1554; память 7/20 декабря, 27 мая/9 июня); святитель Акакий, епископ Тверской и Кашинский († 14 января 1567 г.); святитель Варсонофий, епископ Тверской, чудотворец Казанский († 1575; память 11/24 апреля, 4/17 октября); убитый поляками святитель Феоктист, архиепископ Тверской († 1609); основатель Николо-Антониевого Краснохолмского монастыря преподобный Антоний Краснохолмский († 17 января 1642 г.).

Наибольшую известность из всех монастырей Тверской епархии получил Успенский Отроч монастырь, основанный в конце XII века. Здесь был пострижен в монашество святитель Моисей, архиепископ Новгородский и Псковский († 1362; память 25 января/7 февраля); здесь проживал в заточении более двадцати лет знаменитый ученый преподобный Максим Грек († 1556; память 21 января/3 февраля); сюда был сослан царем Иоанном Грозным и умерщвлен опричником Малютой Скуратовым святитель Филипп, митрополит Московский и всея Руси († 1569; память 9/22 января); здесь настоятельствовал в течение нескольких лет святитель Тихон, епископ Воронежский и Елецкий, чудотворец Задонский († 1783; память 13/26 августа).

Жизнеописания многих подвижников и угодников Божиих связаны с историей Тверской земли. В пределах Тверского княжества был убит в битве с татарами святой благоверный великий князь Владимирский Георгий Всеволодович († 1238; память 4/17 февраля), здесь же и в том же году за отказ принять татарские обычаи был убит святой благоверный Василий, князь Ростовский. Родом из Кашина Тверской епархии был преподобный Савва Вишерский, Новгородский († 1460; память 1/14 октября), здесь же родился преподобный Ефрем Перекомский, Новгородский чудотворец († 1492; память 16/29 мая, 26 сентября/9 октября). Из того же города был родом святитель Серапион, митрополит Сарский и Подонский († 1659). В городе Ржеве Тверской епархии родился преподобный Арсений Новгородский († 1570; память 12/25 июля), в Торжке – преподобный Трифон Печенгский, Кольский чудотворец († 1583; память 15/28 декабря), в Твери – преподобный Антоний Леохновский († 1611; память 17/30 октября).

Подвизались в монастырях Тверской епархии преподобный Паисий Угличский († 1504; память 6/19 июня); преподобный Иосиф Волоцкий († 1515; память 9/22 сентября, 18/31 октября), преподобный Корнилий Комельский († 1537; память 19 мая/1 июня). Настоятелем Свято-Троицкого Селижаровского монастыря Тверской епархии был некоторое время святитель Гурий, архиепископ Казанский и Свияжский († 1563; память 20 июня/7 июля, 4/17 октября, 5/18 декабря); настоятельствовал в Старицком Успенском монастыре святитель Герман, архиепископ Казанский († 1567; память 6/19 ноября, 23 июня/6 июля), в этом же монастыре святитель Герман постриг в монашество святейшего Иова, впоследствии первого патриарха Московского и всея Руси († 1607; память 19 июня/2 июля), исповедника и патриота, который в конце своей жизни был заточен самозванцем Лжедмитрием I в эту же обитель, руководимую уже преподобным Дионисием Радонежским, будущим архимандритом Троице-Сергиевой Лавры († 1633; память 12/25 мая). Настоятельствевал в Ниловой Столобенской пустыни святитель Нектарий, архиепископ Тобольский и Сибирский († 15 января 1667 г.).

На иконе Собора Тверских святых изображены лики нескольких святых, чтившихся ранее местно: благоверная княгиня Тверская Ксения (XIV в.) – мать святого князя Михаила Тверского; благоверный князь Бежецкий Димитрий Юрьевич Красный († 1441); благоверный князь Ржевский Владимир (XIII в.; память 15/28 июля) и его супруга княгиня Агриппина (XIII в.; память 23 июня/6 июля и 15/28 июля); праведная Параскева, игумения Ржевская (память 13/26 октября).

Прославление всех святых, в земле Тверской просиявших, имеет огромное значение. Русская Православная Церковь может молиться в особо установленный день всем Тверским святым, чтобы они, как пишет в своем послании святейший патриарх Пимен, «не оставляли этой церковной области своим благодатным покровительством и помогали ее священноначалию, членам клира и церковно-приходским советам благоустраивать жизнь каждого прихода и всей епархии по образу своей небесной соборности, запечатленной на иконе сегодняшнего праздника и призывающей пастырей и пасомых, снисходя друг ко другу любовью, сохранять единство духа в союзе мира (Еф.4:2-3)».

* * *

В сонме святых, подвизавшихся в пределах Тверской епархии, более 40 угодников Божиих предсоветского времени и более 200 новомучеников XX века. Среди них некоторые не были наставниками и учителями тверской паствы, но, как отмечал патриарх Пимен в поздравительном послании к архиепископу Алексию, они «были причастны к ней либо по происхождению, либо по кончине».

Тропарь, глас 4

И́же в земли́ Тверско́й просла́вльшиися,
святи́телие, му́ченицы,
преподо́бнии, пра́веднии
и вси святи́и,
ве́рою, по́двиги благоче́стия,
любо́вию, кро́тостию, сло́вом и житие́м
Бо́гу благоугоди́вшии
и венцы́ нетле́ния и сла́вы украси́вшиися,
моли́те Христа́ Бо́га на́шего
дарова́ти мир стране́ на́шей

и душа́м на́шим в ми́ре спасти́ся.

Кондак, глас 4

На земли́ благоче́стно пожи́вшии,
святи́и, в земли́ Тверско́й просия́вшии,
и ны́не на Небесе́х со А́нгелы ра́дуетеся
и Тро́ицу Святу́ю — Отца́, и Сы́на, и Свята́го Ду́ха во Еди́ном Божестве́ прославля́ете.
Мы же, земноро́днии, моли́твенно ублажа́юще вас
и святу́ю па́мять соверша́юще, мо́лим:
принеси́те на́ша моли́твы к Небе́сному Престо́лу Го́спода Вседержи́теля,
да ва́шим хода́тайством

да́рует мир и спасе́ние душа́м на́шим.

Величание

Велича́ем вас,
страны́ Тверски́я покрови́тели,
и чтим святу́ю па́мять ва́шу,
вы бо мо́лите о нас

Христа́, Бо́га на́шего.

Канон преподобному Иосифу Волоцкому

глас 2

Песнь 1

Ирмос: Во глубине постла иногда фараонитское всевоинство преоруженная сила, воплощшееся же Слово всезлобный грех потребило есть, Препрославленный Господь, славно бо прославися.

Тебе твоего, блаженне, учения долг приносяще, воздаяния простираем, венец похвальный плетуще: ты же любовию увязен, пребогате, твоими святыми молитвами, благодать нам подаждь духовную.

Всегубительное стремление страстей, отче, увядил еси, словесным объят Богомудрием, благопребытен был еси, и благогласен, кроток же и смирен, словом же премудрости, преподобне отче Иосифе, и разумом венчан.

Священно украсил еси себе, преподобне отче, детельным разумом благодати, Богоглаголиве Иосифе, желая венца славы Христовы, и своея надежды изрядно, блаженне, не погрешил еси.

Целомудрие удержал еси яве, крайнюю же кротость, и высокогласное смирение: имиже возвышаемь, трудов твоих действом и видением радуяся принесеся, венец неувядаемый приим трудов твоих воздаяния.

Богородичен: Тварей явилася еси Чистая, всех видимых и невидимых превышши Всенепорочная, Зиждителя бо родила еси, якоже изволи воплотитися во утробе Твоей. Егоже со дерзновением моли спасти поющия Тя.

Песнь 3

Ирмос: Процвела есть пустыня, яко крин Господи, языческая неплодящая церковь, пришествием Твоим, в нейже утвердися мое сердце.

Даждь, Христе Спасе, прощение многих наших согрешений, яко да и мы почитаем память Твоего угодника преподобнаго Иосифа, егоже молитвами спаси ны.

Твоими молитвами Милостиваго умоляй Бога, преподобне отче наш Иосифе, и греховный мрак печали нашея разори, и благодушия утешение низпосли.

От младенства ты, блаженне Иосифе, познан был еси Богом, и на Того надеялся еси, наставляемь на спасительная Его повеления. Емуже ныне предстоя, со дерзновением о нас молися.

Богородичен: Единаго Святыя Троицы, Слова Сына родила еси, Дево Пречистая. Егоже с преподобным Иосифом о рабех Твоих моли, верою просящих грехов прощения.

Седален, глас 3.

Христова угодника, Евангельскаго учения послушника, светло празднуем преподобнаго Иосифа память, приидите ублажим странноприимца суща, сиротам и вдовам заступника тепла, и нищим дателя нескудна, целомудрия хранителя, и добродетелей делателя, и ересей обличителя непостыдна, и светильника русскаго, егоже ради просяще от Христа душам нашим спасения, и миру велия милости.

Песнь 4

Ирмос: Пришел еси от Девы, не ходатай ни ангел, но Сам, Господи, воплощся, и спасл еси всего мя человека. Тем зову Ти: слава силе Твоей, Господи.

Ты, преподобне Иосифе, монашествующих был еси венец, не камением многоценным украшен, но добродетельми обложен, и явился еси, блаженне, благодарованное воистину украшение.

Божественную, Богомудре, почтил еси Мудрость, яже тя даровании благими обогати, славу вечную тебе исходатайствовавши, преподобне отче Иосифе, всечестне.

Светлостию нравов твоих, и образы благодати, преподобне отче Иосифе, подобне пожил еси: темже благоприступен ты всем был еси, всеблаженне досточудне.

Богородичен: Умерщвление плодом мне Ева принесе, Ты же, Жизнь рождши Ипостасную Пречистая, абие исправила еси. Темже зовем Ти: слава силе Твоей.

Песнь 5

Ирмос: Ходатай Богу и человеком был еси, Христе Боже, Тобою бо, Владыко, к Светоначальнику Отцу Твоему, от нощи неведения, приведение имамы.

Умом чистым Писанием Божественным беседовал еси, Богоглаголиве Иосифе, и видения и деяния собрав богатство, отче преподобне.

Премудрости глубину испытав, мудре Иосифе, достигл еси обрести, елико благопотребно, и бисер многоценный болезньми стяжал еси, преблаженне, разума.

Аще земное отечество, блаженне Иосифе, оставил еси, всячески благоименитну Божии Матери обитель создал еси, и множество монашествующих в ней собрал еси. Сего ради первое Отечество Небесное приял еси. Со дерзновением, отче, за ны молися Христу Богу, рабы твоя.

Богородичен: Се во чреве, Богородице Пречистая, Христа Бога паче слова имела еси, якоже Исаиа провозгласи: выше естества, Сего, Богородительнице, родила еси.

Песнь 6

Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.

Вселенней светило пресветлое, отче, явился еси, Иосифе, словесы духовными просвещая верою и любовию к тебе притекающия.

Блаженное житие, отче, прешел еси, наздав убо чувства, вне был еси мирскаго мятежа и Богу приближился еси, преподобне Иосифе.

Зело милостива и странноприимца показа тя Спас наш миру, отче, и врача болящим, Иосифе, сиротам и убогим заступника любезна.

Богородичен: Паче естества Дево, родила еси, и вечнуеши Дева, явльшися истиннаго Сына и Бога Твоего, Мати Чистая.

Кондак, глас 8.

Жития треволнения, и мятеж мирский, и страстная взыграния в ничтоже вменив, пустынный гражданин показался еси, многих быв наставник, Иосифе преподобне: монахов собратель и молебник верен, чистоты рачитель, моли Христа Бога спастися душам нашим.

Икос

Божественными добродетельми твоими себе, мудре, украсил еси и Спаса Христа жилище соделал еси, отче, мужественне, якоже злато искусився верою к Богу и надеждею, и любовию обеты полагая: воздержанием постився, яко безплотен, в целомудрии, и в смирении возвысился еси. Темже и мы молитвами Твоими просвещшеся, преподобне Иосифе, вопием ти: радуйся, яко измлада Богу послужил еси; радуйся, яко притекающих к тебе ко спасению ходатай был еси; радуйся, христолюбивому воинству похвала; радуйся, яко твоими молитвами противнии побеждаются; радуйся, яко всем просящим даеши дар, от Господа дарованный тебе; радуйся, яко чудесы тя Бог прославляет, и всех звати тебе научает; радуйся, преподобне отче Иосифе, постников удобрение. Моли Христа Бога спастися душам нашим.

Песнь 7

Ирмос. Богопротивное веление беззаконнующаго мучителя высок пламень вознесло есть: Христос же простре Богочестивым отроком росу духовную, Сый благословен и препрославлен.

Благоухают, преподобне Иосифе, твоих учений сладкая словеса любящим тая, устрашают же еретиков мудрования. Благодатию бо Святаго Духа глаголал еси, Божество Едино проповедуя в Трех Лицех: Слова же Воплощение поя, благоухаеши нас, пребогате.

Риз худость имел еси преподобне Иосифе, в зиме же и лете не пременяя, болезненно претерпевал еси Бога ради совершенно; темже и Небеснаго приятия сподобился еси наследник быти.

Слово твое солию растворено, отче, и житие твое благодатию, преблаженне, сияя явися пречудне. Темже и в Вышния Обители радуяся вселился еси, Христу со дерзновением ныне предстоиши о нас моляся.

Богородичен: Управляющи, Пречистая, наше житие, к Твоему всетихому пристанищу направи: Бога бо родила еси благих Источника, всем подающи верным нетления благодати.

Песнь 8

Ирмос: Пещь иногда огненная в Вавилоне действа разделяше, Божиим велением халдеи опаляющая, верныя же орошающия поющия: благословите вся дела Господня Господа.

Венец благолепен, Христос Жизнодавец на верх твой положи, тезоименне Иосифе. Деяньми бо просиял еси и видении, зовый: благословите вся дела Господня Господа.

Вся прешед чувственная, преблаженне, Уму Первому приближился еси, души твоея чистотою, жития же светлостию, венченосче Иосифе, зовый: благословите вся дела Господня Господа.

В души твоей Божественное богатство Духа Святаго собрав, непорочную молитву и чистоту краснолепную, бдение и воздержание; сего ради жилище Святыя Троицы явился еси преподобне Иосифе.

Богородичен: Владычице Пречистая, грешников спасение, приими мольбу сию, и избави мя от грехов моих, Твоему Сыну прибегающаго, молитвами угодника Твоего, преподобнаго Иосифа.

Песнь 9

Ирмос: Безначальна Родителя Сын, Бог и Господь, воплощся от Девы нам явися, омраченная просветити, собрати расточенная. Тем Всепетую Богородицу величаем.

Пречестный отче Иосифе, ныне чисто услаждаешися пищею паче умною, идеже собори святых окрест Господа ликуют, блаженне, иже ныне чтущия тя, ходатайствуя к себе привлецы.

Прешел еси радуяся к желанием рая, ко единому истинно яве блаженству, к пребольшей доброте, и к жизни истинно нестареющейся, и к Свету Невечернему, Богоносе отче Иосифе.

Якоже солнце просиял еси в монашеских соборех, от младых бо ногтей освящен был еси, якоже зарю испущая добродетели своего жития, преподобне Иосифе, Богоносе отче пребогате.

Богородичен: Разумевше издалече, прозорливыми очесы, пророцы Тя яве провозвестиша, хотящую Матерь быти Вседетеля и Владыки всех. Тем Тя, Всепетая, Богородицу исповедуем.

Светилен

Мирскаго пристрастия, яко скверны уклонился еси, и алчбою плоть твою увядил еси, отче, и небесною славою со ангелы обогатился еси; темже непрестанно моли Христа Бога, преподобне Иосифе.

Акафист преподобному Иосифу, игумену Волоцкому, чудотворцу

Кондак 1

Избранный угодниче Христов и дивный благочестия подвижниче, преподобне отче Иосифе, иже сугубый свыше дар приемый боговедения же и исцелений, яко имеяй дерзновение ко Святей Троице моли избавитися нам от находящих бед и скорбей и болезней, да любовию зовем ти:

Радуйся, преподобне отче Иосифе, богомудре, чудотворче.

Икос 1

Ангела во плоти тя ведуще, преподобне Иосифе, посланна от Бога, да явит тобою в человецех образ истиннаго благочестия и добрых дел, чудящеся путем Его, во временнем житии твоем явленным, и величие благоутробия Его прославляюще, во умилении сердечнем взываем ти сице:

Радуйся, добраго корене отрасле благородная; радуйся, лозо винограда Христова многоплодная.

Радуйся, чадо молитвы родителей благочестивых; радуйся, надеждо и утешение сердец их боголюбивых.

Радуйся, издетска страх Господень стяжавый; радуйся, семя слова Божия от юности восприявый.

Радуйся, измлада смирения и молчания хранителю; радуйся, молитвы и воздержания ревнителю.

Радуйся, преподобне отче Иосифе, богомудре, чудотворче.

Кондак 2

Видя Христос благое сердца твоего изволение и рачение, яко от юности немолчно прославлял еси Имя Господне чтением и пением псалмов и песней священных во святем храме Его, в скинии небесней вчини тя, преподобне, в лице праведник совершенных возносити ему купно с ними ангельское пение: Аллилуиа.

Икос 2

Разумев от писаний отеческих благих мира сего тщету, исход же от временнаго сего жития непрестанно помышляя и пребывая присно в сокровеннем подвизе молитвы, никакоже сердцем прилепился еси к сущим от мира, разве точию к единому достойнейшему от сверстник твоих, с нимже и путь богоугоднаго иноческаго жития от дней отрочества предъизбрал еси, преподобне. Темже ублажаем тя сице:

Радуйся, цвете благоуханный добраго воспитания; радуйся, сосуде Божественнаго избрания.

Радуйся, в разуме Богом просвещенный; радуйся, сердцем в Бозе утвержденный.

Радуйся, образе содружества непорочнаго и нелестнаго; радуйся, вседушевне взыскавый Царствия Небеснаго.

Радуйся, преподобне отче Иосифе, богомудре, чудотворче.

Кондак 3

Бурю помышлений мирских препобеждая благодатию Христовою, помыслом лучшим востекл еси к Небесным, преподобне, в Горняя вперив ум твой безмятежный и безстрастный, и волю всецело покорив под иго Христово, тело же твое соделал еси жилищем Духа Святаго, отнюдуже и в телеси, яко безплотен, со безплотными взывал еси Богу: Аллилуиа.

Икос 3

Ревность имеяй о совершеннем житии христианстем и от писаний отеческих научен, еже вдати себе в послушание искусну руководителю и наставнику нелестну, в юности родители твоя оставил еси, преподобне, и положил еси в сердцы твоем вопросити духовнаго старца Варсонофия, да еще что речет, буди то тебе, яко слово Самаго Бога, еже и свершися во благое Божиим устроением; сего ради, толикое веры твоея упование ублажающе, взываем ти:

Радуйся, яко любезная и красная мира сего презрел еси; радуйся, яко Небесных и нетленных желанием вожделел еси.

Радуйся, внутреннею Креста Христова красотою восхищенный; радуйся, силою Свыше на труд крестоношения облеченный.

Радуйся, волею твердою воли своея отрекийся; радуйся, отсечением страстей угодивый Богу и спасыйся.

Радуйся, преподобне отче Иосифе, богомудре, чудотворче.

Кондак 4

Силою любве Божия влеком к вящшему жития иноческаго совершенству и мудре последуя совету и благословению прозорливаго и святаго старца Варсонофия, пришел еси во обитель преподобнаго Пафнутия и того умолил еси прияти тя в послушание, да купно с ним в трудех и подвизех выну благоугождаяй Богу, воспеваеши: Аллилуиа.

Икос 4

Провидя духом благое произволение юноши, чистоту же душевную и благодатное призвание его, преподобный Пафнутий абие облече его во иноческий образ и возложи нань иго послушаний, яже со усердием в простоте и в терпении мнозе исполняше, яко быти ему образом безпрекословнаго повиновения, труда и благочестия; темже ныне зовем ему сице:

Радуйся, тесный путь спасения от юности возлюбивый; радуйся, ярем Господень на выю свою возложивый.

Радуйся, священными обеты волю свою связавый; радуйся, себе и весь живот свой Господеви предавый.

Радуйся, коемуждо во благо усердный служителю; радуйся, болящих и немощных успокоителю.

Радуйся, помыслы плотския силою молитвы прогоняяй; радуйся, сомнящихся в вере словом Божиим утверждаяй.

Радуйся, преподобне отче Иосифе, богомудре, чудотворче.

Кондак 5

Божественною любовию распалаем и ближних твоих, иже в мире, не отверглся еси сердцем, преподобне: слышав бо старца отца твоего в разслаблении телеснем суща, умолил еси преподобнаго Пафнутия во обитель того прияти и надолзе послужил еси болящему родителю твоему, со всяким рачением призирая его и питая телесне рукама твоима и духовне словом Божиим до самыя кончины, яко тому взывати к тебе: Не аз ти отец, но ты ми отец еси. Сей убо труд любве твоея сыновния восхваляюще, яко жертву богоприятну, поем: Аллилуиа.

Икос 5

Имый во обители осмьнадесять лет жития в послушании, бдении, пощении и научении писанием святых и духоносных отец, егда наста час блаженныя кончины преподобнаго Пафнутия, начальствовати по нем, аще и не хотяй, призван был еси и во пресвитера поставлен, да управиши добре собранное им стадо Христово; ты же вмале начальствовав, паки управляем восхотел еси быти, да приумножиши добродетелей нетленная сокровища. Темже, дивящеся ревностному добротолюбию и смиренномудрию твоему, вопием ти:

Радуйся, лишении телесными многа блага духовная собравый; радуйся, нищетою дарования Небесная стяжавый.

Радуйся, молчания изрядный хранителю; радуйся, строгий уставов иноческих блюстителю.

Радуйся, болящим, яко братии Христовой, послуживый; радуйся, высокий образ любве сыновния явивый.

Радуйся, власти над другими и чести уклонивыйся; радуйся, паки, яко слуга незнаемь, во обитель Кириллову вселивыйся.

Радуйся, тамо брашна уготовляти определенный; радуйся, и в рубище рабстем познанный и обличенный.

Радуйся, преподобне отче Иосифе, богомудре, чудотворче.

Кондак 6

Купцу уподобился еси, ищущему добраго бисера, Иосифе преподобне, егда в послушании и всяцем подвизе духовнем благоискусен быв, обители иноческия посещал еси: да испытно познаеши в тех лучшая и совершеннейшая и приусвоиши на пользу душ стада твоего словеснаго, еже радостию велиею возрадовася возвращению твоему, благодарственне взывая Пастыреначальнику Христу: Аллилуиа.

Икос 6

Слышав благоверный князь Борис о пришествии преподобнаго Иосифа в его пределы, изшед усердно моляше и, да изберет в его наследии место, да соградит на нем святую обитель и пребывает в ней со иноки, еже и свершися, дыханию бурну указующу место, и устройся рачением князя, паче же благословением Божиим по молитвам преподобнаго, емуже с любовию взываем сице:

Радуйся, высоких подвигов жития христианскаго ревнителю; радуйся, новоначальных искусный руководителю.

Радуйся, неизменное правило поста и покаяния; радуйся, хранителю непрестаннаго воздержания.

Радуйся, мирским наставниче жизни богоугодныя; радуйся, основателю обители благоплодныя.

Радуйся, яко благая начинания твоя Христос благослови; радуйся, яко сотрудника тебе в лице державнаго яви.

Радуйся, преподобне отче Иосифе, богомудре, чудотворче.

Кондак 7

Велие стяжав сокровище любве, преподобне, якоже во дни первых христиан, имже бе сердце и душа едина и от нихже никтоже от имений глаголаше что свое быти, судил еси и во иноцех обители твоея, яко изволением сердца отвергшихся мира и его стяжаний, уставити сицеваго жительства образ, да вси вкупе едино взыщут стяжание вечное, Бога, Емуже и да взывают выну: Аллилуиа.

Икос 7

Новаго Феодосия, общих житий начальника, зрит в тебе страна Российская, преподобне отче Иосифе, якоже бо той, иноческия обеты восприяв, всем сердцем и душею уставом общаго иноческаго жития предан бяше, сице и ты, сим шествуяй путем, в терпении мнозе заповедем общежития святых отец неуклонно последовал еси, темже от чтущих тя слышиши таковая:

Радуйся, общее житие монашествующих основавый; радуйся, тем всеоружие благочестия им подавый.

Радуйся, общими труды праздных помыслов шатания упразднивый; радуйся, теми, яко бронею, страстей разжженныя стрелы отразивый.

Радуйся, вселивый во обители дух общаго воздержания; радуйся, потребивый в ней плевелы любостяжания.

Радуйся, бодрствованию духовному многи иноки научивый; радуйся, до конца жития первый в труждающихся бывый.

Радуйся, преподобне отче Иосифе, богомудре, чудотворче.

Кондак 8

Странник пришел еси в пустыню отечествия твоего, преподобне, и абие домовладыка явился еси Богу, преклоньшу сердце во власти сущаго благовернаго князя Бориса еже послужити от имений своих на созидание церкве каменныя на месте сем, благоукрасити же ю боголепно, и келлии воздвигнути множащимся братиям, да и зде сими, яко на небеси святыми Ангелы, возносится Богу песнь: Аллилуиа.

Икос 8

Видяще ревностное по Бозе и жестокое житие преподобнаго Иосифа и братии, непрестанно в трудех и пощении подвизающихся и ходящих в рубищных и худых одеждах, нецыи от инок и всякаго чина мирских людей и князей не точию сих не отвращахуся, но паче ревностию духовною горяще и во обители купно с ними подвизатися желающе, приношаху ту имения своя на пользу общую; темже здателю той возглашаем тако:

Радуйся, мудре предначертавый обитель нову; радуйся, поревновавый нищетолюбному житию Христову.

Радуйся, святыя храмы во обители создавый; радуйся, мног собор монашествующих собравый.

Радуйся, яко труд твой свыше благословися; радуйся, яко святое желание сердца твоего совершися.

Радуйся, яко во обители твоей мнози души своя спасоша; радуйся, яко из нея пастыреначальницы изыдоша.

Радуйся, преподобне отче Иосифе, богомудре, чудотворче.

Кондак 9

Всем сердцем возлюбивый Бога и многа дарования духовная от Него восприемый, преподобне Иосифе, и пред человеки толику благодать обрел еси, яко не точию мнози от простых, но и князи, требующе твоих наставлений, в послушание тебе вдаяху себе совершенно, имже миротворец был еси, исходатайствовав благоволение самодержца князю Юрию, иже неповинне оклеветан под страхом смертным бяше, избавлен же быв в радости душевней возопи Богу: Аллилуиа.

Икос 9

Благодать Божественная, привлекаемая молитвами преподобнаго, яве знаменася в нем даровании чудотворений и ведением сокровенных: умерша бо благочестиваго князя Иоанна молитвою своею возбуди, да конечне предуготовится покаянием и восприимет залог жизни вечныя, и тако да отыдет ко Господу; темже во гресех живущии и действеннаго возбуждения на покаяние требующии возопиим к нему:

Радуйся, благочестивых отрадо и утешение; радуйся, колеблющихся в вере твердое ограждение.

Радуйся, отчаявающихся утверждаяй во уповании; радуйся, просветивый многих твоими писании.

Радуйся, мир посреде враждующих устрояяй; радуйся, неповинныя от смерти избавляяй.

Радуйся, умирающия возставляяй на покаяние: радуйся, всем внушаяй жизни вечныя взыскание.

Радуйся, шествовавый путем трудным и тесным; радуйся, возводяй других к обителем небесным.

Радуйся, преподобне отче Иосифе, богомудре, чудотворче.

Кондак 10

Новоустроенну обитель преподобнаго Иосифа испыта Господь посещением гнева Своего, купно же и милости: за грехи бо людския глад крепок наведе на землю Волоколамску и на вся окрестныя веси, яко многим людем безгодно погибати. Преподобный же, уведев сия, усугуби во обители моление и отверзе житницы тоя алчущим; раздав же вся сущая и не могий ктому не точию тысящ пришедшаго народа, но ниже братии своея препитати, посла заимовати на обитель сребро и куплю деяй семен хлебных, никакоже остави требующия погибати гладом, детем же их малым особь созда дом, дондеже державный благочестивый царь Василий, слышав сия, внезапу прииде во обитель и дарова довольная ко призрению бедствующих, иже, видяще в сем милосердующую руку Божию, во умилении сердец вознесоша хвалебный глас Богу: Аллилуиа.

Икос 10

Благому изволению державнаго последующе, мнози от военачальник и князей удельных и иных христолюбцев богатая даяния в обитель Иосифову приношаху, яко всем пришедшим к ней глада ради безбедно в домы своя возвратитися и новым изобилием благословитися обители преподобнаго, к немуже взываем ныне:

Радуйся, надеждо светлая в нужде и обстоянии сущих; радуйся, покровителю сирых и крова неимущих.

Радуйся, гладом погибающих питателю; радуйся, чадом их виталища созидателю.

Радуйся, милости источниче неистощимый; радуйся, скорбящих утешителю незримый.

Радуйся, последняя твоя взаим Богови давый; радуйся, добрым расточением сущих богатая собравый.

Радуйся, преподобне отче Иосифе, богомудре, чудотворче.

Кондак 11

Ведый от Божественных писаний, яко един уповающий на Господа поженет тысящи, и два двигнета тмы, не убоялся еси, преподобне, един со святым Геннадием сонмищу сильных поборников суетных лжеучений противустати; и оружием истины в конец сих поразил еси: вси бо разсеяшася, яко прах пред лицем ветра, тебе же благодарственно сердцем и усты взывающу: Аллилуиа.

Икос 11

Веруяй в Мя,— рече Господь,— реки от чрева его истекут воды живы. Сия убо в тебе оправдишася, досточудне Иосифе, не бо священным догматом богословия во училищи некоем наставлен был еси, но сам живою верою сердца взыскуяй Бога, истину обрел еси в слове Божии и писаниих отеческих и явился еси оплот необорим Православия. Темже взываем ти:

Радуйся, лжеучителей злых лукавство разоривый; радуйся, сомнящихся в православней вере утвердивый.

Радуйся, бодрый учения Христова защитниче; радуйся, боголюбивою ревностию возжженный светильниче.

Радуйся, благопотребне во отечествии твоем возсиявый; радуйся, веру в делех жития твоего показавый.

Радуйся, разумных и препростых благоискусный учителю; радуйся, ближних и дальних россиан просветителю.

Радуйся, преподобне отче Иосифе, богомудре, чудотворче.

Кондак 12

Миру водворившуся в Церкви дух злобы паки, пакости дея, подвигну сердце волоцкаго владетеля корысти ради многа смущения и утеснения творити обители, еще же и осуждение неправедно воздвигнути на преподобнаго, еже и паде на главу осудившаго; собором бо священным преподобный Иосиф с великою честию оправдан бысть, присно воспеваяй Богу: Аллилуиа.

Икос 12

Течение жития скончавая в трудех и молитвах, и подвизех благочестия, завеща преподобный неизменно хранити преданный им устав знаменательне прирек: аще получу от Бога милость, то обитель сия ничимже скудна будет, и тако, завесу плоти отложив, отыде ко Господу и по сих исцеления подаваше больным, приходящим с молитвою к его мощем. Сего ради приносим ему похваления таковая:

Радуйся, чистоты душевныя хранителю нелицемерный; радуйся, истинный рабе Христов благий и верный.

Радуйся, стрелами вражиих навет неуязвимый; радуйся, спасаемых вождю непобедимый.

Радуйся, досточудный образе терпения; радуйся, наставниче нелестнаго благоговения.

Радуйся, и по отшествии обитель твою соблюдаяй; радуйся, молящимся благопотребная подаваяй.

Радуйся, от Господа венец правды восприявый; радуйся, славою чудотворений просиявый.

Радуйся, преподобне отче Иосифе, богомудре, чудотворче.

Кондак 13

О, преподобне и богоносне отче Иосифе! Воспоминающе ныне подвиги и труды твоя, яже о Христе содеянная, мы, грешнии и недостойнии раби твои, смиренно просим тя: моли милостиваго Бога, да дарует мир жительству нашему и Церкви Своей Святей, да оградит ю от всех душепагубных и безбожных учений, да подаст же нам вся благопотребная в житии сем, и в будущем веце да сподобит нас воспевати Ему: Аллилуиа.

[Се́й конда́к глаго́лется три́жды.]

Икос 1

Ангела во плоти тя ведуще, преподобне Иосифе, посланна от Бога, да явит тобою в человецех образ истиннаго благочестия и добрых дел, чудящеся путем Его, во временнем житии твоем явленным, и величие благоутробия Его прославляюще, во умилении сердечнем взываем ти сице:

Радуйся, добраго корене отрасле благородная; радуйся, лозо винограда Христова многоплодная.

Радуйся, чадо молитвы родителей благочестивых; радуйся, надеждо и утешение сердец их боголюбивых.

Радуйся, издетска страх Господень стяжавый; радуйся, семя слова Божия от юности восприявый.

Радуйся, измлада смирения и молчания хранителю; радуйся, молитвы и воздержания ревнителю.

Радуйся, преподобне отче Иосифе, богомудре, чудотворче.

Кондак 1

Избранный угодниче Христов и дивный благочестия подвижниче, преподобне отче Иосифе, иже сугубый свыше дар приемый боговедения же и исцелений, яко имеяй дерзновение ко Святей Троице моли избавитися нам от находящих бед и скорбей и болезней, да любовию зовем ти:

Радуйся, преподобне отче Иосифе, богомудре, чудотворче.

Молитва 1-я

О, великий наставниче, ревнителю и учителю православныя веры, святе премудре Иосифе! Приими моление нас, грешных, тебе приносимое, и теплым предстательством умоли в Троице славимаго Бога, да ниспослет богатыя Своя милости нам, грешным, да утвердит во Святей Своей Православней Церкви правую веру и благочестие: пастырем ея да подаст святую ревность о спасении словеснаго стада, яко да верующих соблюдут, неверующих же и отпадших от истинныя веры вразумят и обратят. Всем же нам испроси вся благопотребная во временнем сем житии и полезная к вечному спасению нашему. Помяни стадо твое, еже собрал еси, не забуди посещати чад твоих и, яко чадолюбивый отец, не презри, ниже отрини моления наша, но воздежи руце твои молитвеннеи ко Господу Богу, да отложит праведный гнев Свой, движимый на ны, и избавит нас от враг видимых и невидимых, от глада, потопа, меча, смертоносныя язвы, нашествия иноплеменных и междоусобныя брани. Ей, премилосердый заступниче наш, преславный чудотворче, всех нас управи в мире и покаянии скончати живот наш и преселитися со упованием в блаженная селения райския, идеже непрестанно славословится всепетое Имя Отца и Сына и Святаго Духа. Аминь.

Молитва 2-я

О, преблаженне и приснославне отче наш Иосифе! Ведуще твое велие к Богу дерзновение и к твоему твердому заступлению прибегающе, в сокрушении сердца молим тя, озари нас светом дарованныя тебе благодати и молитвами твоими помози нам бурное море жития сего прейти безмятежно и пристанища спасения неблазненно достигнути: порабощени бо суще суетными, и грехолюбиви, и немощни еже от обышедших нас зол возникнути, к кому прибегнем, аще не к тебе, явившему неоскудеваемое богатство милости в земнем житии твоем? Веруем же, яко и по отшествии твоем множайшее стяжал еси дарование милосердовати бедствующим. Темже убо, припадающе ныне к цельбоносней иконе твоей, умиленно просим тя, святче Божий: сам искушен быв, помози и нам, искушаемым; постом и бдением поправый силу демонскую, и нас от нападений вражиих защити; препитавый гладом погибающих, и нам испроси у Господа изобилие плодов земных и вся яже ко спасению потребная; посрамивый еретическая мудрования, Церковь Святую от ересей и расколов, и смущений молитвами твоими огради: да тожде мудрствуем вси, единем сердцем славяще Святую, Единосущную, Животворящую и Нераздельную Троицу, Отца и Сына и Святаго Духа, во вся веки. Аминь.