Священномученик Иси́дор Юрьевский (Дерптский), пресвитер

Краткие жития священномученика Исидора и с ним 72-х, в Юрьеве Лифляндском пострадавших

В 1472 году в г. Юрьеве (Тарту) в праздник Богоявления священник церкви святителя Николая о. Исидор во время великого освящения воды на реке Омовже был схвачен по приказу ливонского бискупа и заключен в темницу. С ним были арестованы и все прихожане его церкви, включая женщин и детей. Ливонцы силою принуждали отречься их от веры православной, но исповедники были непреклонны и тверды. В темнице о. Исидор причастил запасными дарами всех бывших с ним мужей, жен и детей. Все исполнились духовной радости и на рассвете вместе со своим пастырем приняли мученическую смерть: были ввержены под лед на р. Омовже, в том самом месте, где о. Исидор освящал воду в день Богоявления.

Было всех страдальцев семьдесят два, и никто не отрекся от православной веры, все, как один, пошли они под лед за своим настоятелем.

О страшной казни православных ливонскими рыцарями долго вспоминали в Юрьеве и его окрестностях.

Наступила весна, и разлившаяся Омовжа выступила из берегов своих. Тогда явились и тела исповедников Христовых: в нескольких километрах от Юрьева, вверх по реке, они лежали под деревом у горы, ничем не поврежденными, в той же одежде, как будто специально положенные там. И среди них о. Исидор в полном облачении, в котором он был брошен под лед. Так Господь прославил святых Своих угодников. Их тела с любовью были погребены православными около юрьевской церкви свт. Николая.

Полные жития священномученика Исидора и с ним 72-х, в Юрьеве Лифляндском пострадавших

Благоверный великий князь Ярослав, во Святом Крещении нареченный Георгием, сын святого равноапостольного великого князя Владимира, в 1030 году покорил своей власти чудское племя, жившее в пределах Новгородских и Псковских, потом на реке Омовже (или Эмбахе) основал город и выстроил в нем церковь во имя святого великомученика Георгия. И было наречено имя городу Юрьев. С половины XII века стали проникать в эту землю морем католики немцы, начали там селиться и, укрепившись, овладели ею, так как в Русской земле были тогда междоусобия и нестроения. Поработивши местных жителей-язычников, немцы более силою, нежели волею, обратили их в латинскую веру, которую сами содержали, и вместе с тем начали притеснять живших среди них православных христиан.

Во дни великого князя Московского Иоанна III Васильевича православные христиане, бывшие под властью немцев, имели в городе Юрьеве Ливонском в русском конце две церкви: святителя Николая Чудотворца и святого великомученика Георгия. Служили в тех церквах два пресвитера: один – именем Иоанн, по прозванию Шестник (то есть пришлец), из Московской земли, а другой – Исидор. Когда же немцы то ласками, то угрозами начали увлекать в латинство живущих в городе православных, тогда священник Иоанн, прослуживший в Юрьеве всего два с половиной года, ушел оттуда в Псков и вскоре после этого, приняв иночество с именем Ионы, основал в Псковской земле, на границе с Ливонией, Псково-Печерскую обитель, где прожил свято, сподобился блаженной кончины о Господе. Исидор же остался в Юрьеве и имел с немцами большие прения о православной вере. Нередко укорял он иноверцев, внушая им отступить от веры латинской, или римско-католической, и присоединиться к православию.

В 1472 году вооружились латины на православных – решили воздвигнуть гонение на богоспасаемый град Псков и подвластное ему православное население, чтобы насадить среди него латинскую веру, утверждаясь главным образом на правилах Флорентийского собора, положившего насильственно восстановить единение Церквей. Между тем уже многие годы пресвитер Исидор беспорочно служил при храме святителя Николая Чудотворца, как звезда, сияя между христианами своей паствы. И вот старейшина города Юрьева, немец по имени Юрий, прозванием Трясиголов, восстав на Исидора и на христиан православных, клеветал на них бискупу Андрею и городским начальникам латинской веры и всем посадским людям Ливонской земли, говоря, будто слышал он от иерея русского и всей его паствы хулу на веру латинскую и служение на опресноках и похвалу одной только греческой вере. Таким образом он возбудил ярость в бискупе и вельможах, и латины с того времени искали, как бы истязать православных христиан города Юрьева.

Настал праздник Богоявления Господня – 6 января 1472 года. Пресвитер Исидор вышел со всеми православными на реку Омовжу с честными крестами освятить воду. Там, на водах Богоявленских, немцы, посланные от бискупа и от старейшин, захватили Исидора, учителя христианского, и бывших с ним мужей и жен и, как волки лютые, повлекли их к бискупу и судьям городским. Великое было истязание на судилище добрым воинам Христовым о вере их, от которой их принуждали отречься. Но Исидор и все православные с ним исповедники как бы едиными устами сказали, обращаясь сначала к бискупу, потом ко всем судьям своим: «Не буди то, враг истины, чтобы нам, православным, отречься от Христа истинного и веры православной; не пощадим телес наших за Христа Бога, сколько бы ты нас ни мучил; но вас, нечестивые, умоляем: пощадите души свои Господа ради, ибо и вы создание Божие».

Тогда с великим дерзновением обличал Исидор латинские лжемудрования и отступления от истины христианской. Разгневанный бискуп ввергнул православных в темницу, а всех державцев местных пригласил из окрестных замков, якобы для суда над православными. Пока они собирались, святой Исидор поучал в темнице дружину свою.

«Братия и чада, – говорил он, – Господь собрал вас со мною на подвиг сей духовный, желая увенчать вас от вседержительной руки Своей неувядаемыми венцами; вы же, братия, добре пострадайте от беззаконных, без всякого сомнения, и не убойтесь горьких сих мук, ниже ослабевайте, зане супостат ваш диавол, яко лев, рыкая, ходит, иский кого поглотити (1Пет.5:8), то есть уловить от веры православной. Станем в ней неподвижно, как добрые воины, против его козней, ибо Сам Господь сказал: Аще Мене изгнаша, и вас изженут: аще слово мое соблюдоша, и ваша соблюдут. Но сия вся творят вам за имя Мое, яко не ведят Пославшаго Мя. Егда же приидет Утешитель, Егоже Аз послю вам от Отца, Дух истины, Иже от Отца исходит, той свидетельствует о Мне. И вы свидетельствуете, яко искони со Мною есте (Ин.15:20-21,26-27). Так, братия, говорил Христос ученикам Своим, так же говорит Он и нам, если кто имени Его ради постраждет до крови, то есть до смерти. И вы, братия мои возлюбленные, не оставляйте меня, но пострадайте вместе со мною и не прельщайтесь вожделениями мира сего, но будьте великими мучениками Христовыми в роде сем».

Потом святой Исидор с дружиной своей, став в темнице лицом к востоку, начал петь и молиться со слезами и с воздыханием сердечным; причастился сам запасными Дарами Святых Животворящих Таин и причастил всех бывших с ним мужей, жен и детей. Все исполнились духовной радости, и благоговейный пресвитер поучал их еще о воздаянии благ вечных за благие дела и о вечных муках за дела тьмы. «Ни один из вас, – сказал он дружине своей, – от мала до велика да не страшится угроз и самых мук да не убоится, но добре постраждет за Сына Божия, Господа нашего Иисуса Христа, и приимем почесть страдания нашего в день судный».

Потом все единодушно громким голосом воспели церковную песнь в честь мучеников: «Святии мученицы, иже добре страдальчествовавшии и венчавшиися, молитеся ко Господу спастися душам нашим».

Посланные от бискупа и судей городских пришли в темницу и, извлекши их оттуда, поставили на судилище, на место, называемое у них ратуша, для скорого испытания перед бискупом и всеми латинами, которые собрались на это зрелище. Как солнце со звездами, стоял пред ними исповедник Исидор со своей дружиной. Сперва ласкательными словами старался бискуп приклонить исповедников православия к своей вере. Обращаясь к Исидору, как к наставнику и руководителю паствы, а затем ко всем его пасомым, бискуп говорил: «Только послушай меня и посадников града сего перед многими немцами, которые сошлись из окрестных замков моей державы; приимите честную веру нашу, которая одна с вашей, и опресночное служение и не губите себя; будьте присными братьями нам и участники нашего богатства. Если хотите, держите опять свою веру; только теперь повинитесь предо мною и пред судьями и пред немцами».

Но мужественные исповедники отвечали бискупу: «Что ищешь уловить нас льстивыми речами? Не можешь ты отклонить нас от истинной веры христианской; твори над нами, что хочешь; вот мы пред тобою и повторяем тебе то же, что говорили прежде».

Тогда суровый бискуп вместе с другими судьями, как змеи, распалившись яростью на православных, велел их в той одежде, в какой они были, ввергнуть в реку Омовжу, а самого Исидора, облекши в иерейские священные одежды, бросил в самую Иордань, где освящал он воду в день Богоявления. Так поступили с ним, как со злодеем, казнили лютой смертью за православную веру Христову. Всех страдальцев, считая учителя их Исидора, было 73. Они предали свои чистые души в руки Бога Живаго и увенчались нетленными венцами.

Было же при страдании их и таковое дивное зрелище. В числе православных ведена была юная мать с трехлетним младенцем на руках, который был прекрасен лицом. Нечестивые немцы взяли младенца из рук матери, ее же бросили в реку. Видя свою мать потопляемую с блаженными мучениками, младенец начал плакать на руках мучителей, и сколько ни старались они успокоить его, рвался из рук их, терзая их лица. Тогда жестокие мучители бросили его подле проруби. Младенец же, подползши к самой проруби, трижды перекрестился и, воззрев на предстоящий народ, сказал: «И я христианин, верую в Господа и хочу умереть, как и учитель наш Исидор и моя мать».

Сказав это, он бросился под лед. Так пострадал за истину младенец, как некогда мученик Христов младенец Кирик, исповедовавший Господа на коленях мучителя при виде страданий своей матери Иулитты и вместе с нею восприявший мученический венец.

Настала весна. Разливавшаяся река Омовжа выступила из берегов своих; тогда явились и телеса всех исповедников Христовых за три поприща от города Юрьева, вверх по реке, под деревом у горы, ничем не поврежденные, как бы положенные людьми на восток лицом; пресвитер же Исидор лежал посреди них во всем облачении священническом. Так прославил Господь святых Своих угодников. Тогда православные гости (купцы) города Юрьева взяли мощи страдальцев и честно погребли их в городе, около церкви чудотворца Николая, где будут почивать они до второго пришествия Христова.

Чтить память священномученика Исидора и его сомучеников начали рано, не позже половины XVI столетия. Но причислены они Церковью к лику святых лишь в 1897 году. Тогда же постановлено по благословению Святейшего Синода праздновать их память местно; и первое празднование святым мученикам торжественно совершено было 8 января 1898 года.

Тропарь, глас 2

Страстоте́рпцы Госпо́дни блаже́ннии,
Правосла́вную ве́ру Христо́ву со дерзнове́нием пропове́дасте,
и на суди́щи уче́ния враго́в непра́вая обличи́сте,
того́ ра́ди и вве́ржени бы́сте, святи́и,
во глубину́ ре́чную,
ду́ши же ва́ши всели́шася в Небе́сныя кро́вы,
иде́же со святы́ми предстоя́ще Престо́лу Царя́ всех Бо́га,
моли́теся Ему́ за вся правосла́вныя лю́ди,

по́двиги ва́ша че́стно почита́ющия.

Кондак, глас 4

Му́ченик Христо́вых лик пе́сньми почти́м,
пострада́вших кре́пко Христо́вы ра́ди ве́ры и́стинныя
и вра́жию горды́ню до конца́ низложи́вших.
Озари́вшеся бо благода́тию Несозда́нныя Тро́ицы, сла́внии,
со священному́чеником Иси́дором пострада́вшии,
я́ко зве́зды, сия́ете во всем ми́ре,
и ны́не моли́теся Христу́ непреста́нно,
и нас защища́ете от вражде́бных язы́к наше́ствия,

неусы́пнии моли́твенницы о душа́х на́ших.

Канон священномученику Исидору Юрьевскому (Дерптскому), пресвитеру, и с ним 72‑м мученикам

Минея, 8 Января.

Глас 2

Песнь 1

Ирмос: Твоя́ победи́тельная десни́ца
боголе́пно в кре́пости просла́вися:
та бо, Безсме́ртне,
я́ко всемогу́щая, проти́вныя сотре́,
изра́ильтяном путь глубины́ новосоде́лавшая.

Припев: Святи́и му́ченицы, моли́те Бо́га о на́с.

Безпеча́льную жизнь насле́довасте,
святи́и му́ченицы Христо́вы, се́дмьдесяте со треми́,
и ра́дости духо́вныя исполня́еми при́сно,
вся́ку печа́ль, молю́ся, отжени́те от души́ моея́,
я́ко да, ра́дуяся, сла́влю свяще́нное ва́ше страда́ние.

Припев: Святи́и му́ченицы, моли́те Бо́га о на́с.

Новоявле́нныя зве́зды бы́сте, му́ченицы Христо́вы,
предводи́мыя достосла́вным, кре́пким во уче́нии и терпе́нии, свяще́нным Иси́дором,
те́мже мо́лим вы:
тьму грехо́вную отжени́те от серде́ц на́ших, добропобе́днии му́ченицы Христо́вы.

Припев: Святи́и му́ченицы, моли́те Бо́га о на́с.

Разжже́ннии Боже́ственными у́гльми Свята́го Ду́ха, страда́льцы,
до́блестным страда́нием просия́ете, святи́и,
и стре́лы сокруши́сте вся дре́вняго зми́я, льсти́ваго борца́.

Сла́ва Отцу́ и Сы́ну и Свято́му Ду́ху.

Троичен: Тро́ице Единосу́щная, О́тче, Сло́ве и Ду́ше Святы́й,
Тя ве́рно сла́вим, я́ко Творца́ всех, и Тебе́ вопие́м благоче́стно:
Тро́ице Свята́я, спаси́ ны, Бо́же, моли́твами Твои́х страда́лец.

И ны́не и при́сно и во ве́ки веко́в. Ами́нь.

Богородичен: Дверь Боже́ственныя сла́вы Ты еси, Пречи́стая Госпоже́,
покая́ния ми две́ри отве́рзи, Влады́чице,
от врат а́довых исхити́, молю́ся, смире́нную мою́ ду́шу,
я́ко да по до́лгу сла́влю Тя, те́плую Засту́пницу мою́.

Песнь 3

Ирмос: Еди́не, ве́дый челове́ческаго существа́ не́мощь
и ми́лостивно в не вообра́жся,
препоя́ши мя с высоты́ си́лою,
е́же вопи́ти Тебе́, Святы́й:
одушевле́нный хра́ме неизрече́нныя сла́вы Твоея, Человеколю́бче.

Припев: Святи́и му́ченицы, моли́те Бо́га о на́с.

Двиза́ше всю зло́бу льсти́вый враг, со святы́ми боря́ся,
и побежда́шеся от них, зря тех непобежда́емых,
поне́же Бо́жия си́ла помога́ше им,
те́мже Боже́ственныя све́тлости яви́шася о́бщницы, Богоблаже́ннии.

Припев: Святи́и му́ченицы, моли́те Бо́га о на́с.

Злому́дренный би́скуп вас восхоте́, святи́и, отто́ргнута от пра́выя ве́ры
и ко своему́ лжемудрова́нию присоедини́ти и опресно́чному служе́нию,
вы же противуста́сте ему́, святи́и, я́ко до́блии во́ини,
и си́лою Христо́вою побе́ду взя́сте нань.

Сла́ва Отцу́ и Сы́ну и Свято́му Ду́ху.

Троичен: Свет Оте́ц, Свет Сын, Свет Дух Святы́й Уте́шительный,
я́ко от Со́лнца бо Еди́наго Тро́ица сия́ющи,
Боже́ственно озаря́ет и соблюда́ет ду́ши на́ша святы́х му́ченик мольба́ми.

И ны́не и при́сно и во ве́ки веко́в. Ами́нь.

Богородичен: Де́во Ма́ти Пречи́стая, яже Бо́га вопло́щшая,
гла́сы приими́ вопию́щих Ти всегда́
и нас изба́ви от разли́чных искуше́ний вра́жиих.

Седален, глас 5

Сия́ет днесь па́мять страстоте́рпцев Твои́х, Го́споди,
седми́десят со двема́ и со священнонача́льником их Иси́дором,
я́ко зве́зды, просия́вших и мрак заблужде́ния прогна́вших от ве́рных Бо́жиим посо́бием,
и́мут бо дерзнове́ние ко Го́споду,
Ему́же и предстоя́т, моля́щеся о всех нас,
честна́я страда́ния их ве́рно почита́ющих.

Песнь 4

Ирмос: Го́ру Тя, благода́тию Бо́жиею приосене́нную,
прозорли́выма Авва́кум усмотри́в очи́ма,
из Тебе́ изы́ти Изра́илеву провозглаша́ше Свято́му
во спасе́ние на́ше и обновле́ние.

Припев: Святи́и му́ченицы, моли́те Бо́га о на́с.

Страда́льцы святи́и, се́дмьдесяте со двема́,
и, я́ко го́лубь чи́стый, Иси́доре, учи́телю и́стинныя ве́ры Христо́вы,
вас поколеба́ти не возмо́же вселука́вый от Боже́ственнаго стоя́ния,
но сам паде́ся злый.

Припев: Святи́и му́ченицы, моли́те Бо́га о на́с.

Страстоте́рпцы сла́внии и страда́льче до́блий, Иси́доре блаже́нный,
приведы́й Господеви лик му́чеников,
вы бо уме́ты вмени́сте вся кра́сная ми́ра,
да обря́щете Христа́ Бо́га на́шего,
и́стинную красоту́ и некра́домое бога́тство.

Сла́ва Отцу́ и Сы́ну и Свято́му Ду́ху.

Троичен: Тро́ицу Ли́цы, Еди́ницу о́бразом, благоче́стно сла́вим,
Бо́га и́стинна, Его́же пою́т А́нгельская и Арха́нгельская чинонача́лия, я́ко тва́ри Влады́ку,
и челове́цы, ве́рно покланя́ющеся при́сно.

И ны́не и при́сно и во ве́ки веко́в. Ами́нь.

Богородичен: Воплоща́ется от чи́стых крове́й Твои́х Госпо́дь,
покая́ние чту́щим Тя подава́я, Всепе́тая, Твои́м благи́м хода́тайством,
я́ко Благоутро́бен и Еди́н Человеколю́бец.

Песнь 5

Ирмос: Просвети́вый сия́нием
прише́ствия Твоего́, Христе́,
и освети́вый кресто́м Твои́м ми́ра концы́,
сердца́ просвети́ све́том Твоего́ Богоразу́мия
правосла́вно пою́щих Тя.

Припев: Святи́и му́ченицы, моли́те Бо́га о на́с.

Вод духо́вных испо́лнишася трие́ и се́дмьдесят,
в во́ду вве́ржени бы́вше, святи́и, за всех Живота́ – Христа́ Царя́,
и Боже́ственным манове́нием изнесе́на бы́ша честна́я телеса́ их на су́шу,
и пре́лести изсуши́ша му́тныя пото́ки си́лою Бо́жиею,
и ве́рных сердца́ напои́ша.

Припев: Святи́и му́ченицы, моли́те Бо́га о на́с.

Вельми́ подви́гшеся ре́вностию, Боже́ственнии му́ченицы,
и о Христе́ укрепля́еми, враго́в Правосла́вныя ве́ры посрами́сте
и зако́н лати́нский и лжи́вая уче́ния попра́сте, святи́и, и ни во что же вмени́сте.
Му́ченик моле́нием, Сло́ве Бо́жий, вели́ких мук изба́ви нас,
вседуше́вно свята́я муче́ния их ублажа́ющих.

Сла́ва Отцу́ и Сы́ну и Свято́му Ду́ху.

Троичен: Пренача́льное и Присносу́щное Еди́но Божество́ славосло́вяще,
покло́нимся в Трие́х Ли́цех естество́м Неразде́льному и сла́вою Равноче́стному,
я́коже Боже́ственнии му́ченицы пропове́даша.

И ны́не и при́сно и во ве́ки веко́в. Ами́нь.

Богородичен: Де́во, в жена́х Благослове́нная,
Твоя́ ми́лости пода́ждь лю́дем Твои́м, страстоте́рпцев Христо́вых моле́нием,
Ми́лостиваго бо яви́лася еси́ Ма́ти.

Песнь 6

Ирмос: Обы́де нас после́дняя бе́здна,
несть избавля́яй,
вмени́хомся, я́ко о́вцы заколе́ния.
Спаси́ лю́ди Твоя́, Бо́же наш,
Ты бо кре́пость немощству́ющих и исправле́ние.

Припев: Святи́и му́ченицы, моли́те Бо́га о на́с.

Что нам мно́гая словеса́, я́же глаго́леши, би́скупе, непра́выя ве́ры побо́рниче,
и обеща́емая, я́же предлага́еши? -
свяще́нный Иси́дор со дружи́ною свое́ю глаго́лаше к мучи́телю,-
сия́ вся нам же́лчи горча́йша,
но твори́, е́же хо́щеши, о суему́дренне.

Припев: Святи́и му́ченицы, моли́те Бо́га о на́с.

Вас, честни́и страда́льцы Христо́вы, Дух Святы́й укрепи́,
и всели́ся в вас бога́тно,
и терпе́ние дарова́ вам проти́ву жестокосе́рдых враго́в,
Его́же си́лою мно́гия томле́ния и му́ки претерпе́сте, святи́и, от неправове́рных.
Те́мже и Христо́с вас венча́ десни́цею Свое́ю бога́тою,
за Него́же и пострада́сте.

Сла́ва Отцу́ и Сы́ну и Свято́му Ду́ху.

Троичен: Оте́ц, Сын и Дух Пра́вый,
Триипоста́сная Еди́нице и Нераздели́мая Тро́ице,
поми́луй покланя́ющияся Боже́ственней держа́ве Твое́й.

И ны́не и при́сно и во ве́ки веко́в. Ами́нь.

Богородичен: Вити́йствующая уста́ не возмо́гут пове́дати Твое́, Отрокови́це, та́инство:
Несказа́ннаго бо ражда́еши
и на руку́ Свое́ю но́сиши руко́ю Содержа́щего вся́ческая.

Кондак, глас 4

Му́ченик Христо́вых лик пе́сньми почти́м,
пострада́вших кре́пко Христо́вы ра́ди ве́ры и́стинныя
и вра́жию горды́ню до конца́ низложи́вших.
Озари́вшеся бо благода́тию Несозда́нныя Тро́ицы, сла́внии,
со священному́чеником Иси́дором пострада́вшии,
я́ко зве́зды, сия́ете во все́м ми́ре,
и ны́не мо́литеся Христу́ непреста́нно,
и нас защища́ете от вражде́бных язы́к наше́ствия,
неусы́пнии моли́твенницы о душа́х на́ших.

Икос

Прему́дрый Зижди́тель, Влады́ка и Госпо́дь виногра́да мы́сленнаго,
я́коже пресвяты́ми усты́ в при́тчи виногра́да глаго́лет,
во единонадеся́тый час де́лавшим дару́ет бога́тую мзду
и ны́не, де́лы извести́в в при́тчи кры́емое,
священноучи́теля Иси́дора и и́же с ним полк страда́лец
се́дмьдесят со двема́ показа́ све́тлы му́ченики и во́ины преизря́дны.
Преда́ния бо и зако́ны лати́нския попра́вше, до́блии,
и ненави́стников пра́выя ве́ры ужаси́вше кре́пким противле́нием свои́м и терпе́нием,
подо́бни бы́сте пе́рвым страда́льцем, святи́и му́ченицы.
Те́мже Христо́с вас венча́ нетле́нными венцы́ в кро́вех Небе́сных,
иде́же му́ченичестии ли́цы веселя́тся.
Вы же защища́йте нас от вражде́бных язы́к наше́ствия,
неусы́пнии моли́твенницы о душа́х на́ших.

Песнь 7

Ирмос: Тебе́, у́мную, Богоро́дице, пещь,
разсмотря́ем, ве́рнии,
я́коже бо о́троки спа́се три Превозноси́мый,
мир обнови́, во чре́ве Твое́м всеце́л,
хва́льный отце́в Бог и препросла́влен.

Припев: Святи́и му́ченицы, моли́те Бо́га о на́с.

И́стиннии му́ченицы, и́стиннаго Христа́ Бо́га на́шего страда́льцы, трие́ и се́дмьдесят,
взыва́ху к мучи́телем свои́м:
бие́ние, и огнь, и ины́я му́ки гото́ви есмы́ сла́дце подъя́ти за пра́вую ве́ру Христо́ву.
И ра́достно поя́ху:
а́ще Бог по нас, никто́же на ны,
благослове́н Бог оте́ц на́ших.

Припев: Святи́и му́ченицы, моли́те Бо́га о на́с.

Зу́бы скреже́щуще уби́йственнии лю́дие
и, я́ко зве́рие, восхи́тивше Богоявле́нники,
в темни́цу вмета́ху и во́дам предая́ху,
му́ченицы же ра́достно поя́ху:
благослове́н Бог оте́ц на́ших.

Сла́ва Отцу́ и Сы́ну и Свято́му Ду́ху.

Троичен: Просла́вим Тро́ицу Неразде́льную,
воспои́м Еди́но Божество́,
со Отце́м Сло́во и Ду́ха Всесвята́го.

И ны́не и при́сно и во ве́ки веко́в. Ами́нь.

Богородичен: Благослове́н еси́, Бо́же,
И́же во чре́ве Деви́чи всели́выйся и спасы́й челове́ка,
препе́тый и превозноси́мый во ве́ки.

Песнь 8

Ирмос: В пещи́ о́троцы Изра́илевы,
я́коже в горни́ле,
доброто́ю благоче́стия чисте́е зла́та блеща́хуся, глаго́люще:
благослови́те, вся дела́ Госпо́дня, Го́спода,
по́йте и превозноси́те во вся ве́ки.

Припев: Святи́и му́ченицы, моли́те Бо́га о на́с.

Хва́лящеся я́звами Христо́выми,
к ве́чным востеко́сте оби́телем, священному́чениче Иси́доре и и́же с тобо́ю собо́р му́ченический,
во оде́жды оде́яни убеле́нныя,
и све́тло Царе́ви сил предстоите́, с му́ченики взыва́юще:
благослови́те, вся дела́ Госпо́дня, Го́спода.

Припев: Святи́и му́ченицы, моли́те Бо́га о на́с.

Страстоте́рпцы, му́ченицы Христо́вы, се́дмьдесяте со треми́,
пла́мень вра́жеския зло́бы попра́сте Бо́жиим посо́бием,
безчелове́чных мучи́телей посрами́сте
и венцы́ нетле́нными от Христа́ венча́стеся, непобеди́мии, воспева́юще:
благослови́те, вся дела́ Госпо́дня, Го́спода.

Припев: Святи́и му́ченицы, моли́те Бо́га о на́с.

Я́ко земля́ жа́ждущая, му́ченицы блаже́ннии,
прия́сте уче́ния от медото́чнаго язы́ка Иси́дора свяще́ннаго
и вложи́сте в ду́ши своя́, я́коже не́кую сла́дость Боже́ственную,
и от сего́ принесо́сте Подвигополо́жнику Христу́ клас стори́чествующ, пою́ще:
благослови́те, вся дела́ Госпо́дня, Го́спода.

Сла́ва Отцу́ и Сы́ну и Свято́му Ду́ху.

Троичен: Да пое́тся Трисвяты́й, Оте́ц и Сын и Дух Святы́й,
Неразде́льная Еди́ница, Еди́но Божество́,
держа́щее дла́нию всю тварь во вся ве́ки
и нас назира́ющее ми́лостию Свое́ю бога́тою, пою́щих:
благослови́те, вся дела́ Госпо́дня, Го́спода.

И ны́не и при́сно и во ве́ки веко́в. Ами́нь.

Богородичен: Из Тебе́ Бог возсия́, Всепе́тая Де́во,
и Богоразу́мием просвети́ омраче́нныя лю́ди,
и нас от истле́ния к жи́зни Небе́сней возведе́, пою́щих:
благослови́те, вся дела́ Госпо́дня, Го́спода.

Песнь 9

Ирмос: О́браз чи́стаго рождества́ Твоего́
огнепали́мая купина́ показа́ неопа́льная,
и ны́не на нас напа́стей свире́пеющую угаси́ти, мо́лимся, пещь,
да Тя, Богоро́дице,
непреста́нно велича́ем.

Припев: Святи́и му́ченицы, моли́те Бо́га о на́с.

Плоть свою́ преда́вше ра́нам и го́рьким темни́цам за Всевы́шняго Царя́ и Го́спода,
неуя́звленну спасли́ есте́ ду́шу, страстоте́рпцы Госпо́дни блаже́ннии со треми́ се́дмьдесяте,
и Боже́ственныя сла́вы прича́стницы бы́ти сподо́бистеся, всечестни́и му́ченицы.

Припев: Святи́и му́ченицы, моли́те Бо́га о на́с.

Невече́рняго Све́та – Христа́ – зве́зды на земли́ со пресве́тлым Иси́дором свяще́нным яви́стеся, блаже́ннии,
и всем челове́ком озаря́ете ду́ши,
призыва́ющим вас с ве́рою и почита́ющим святу́ю па́мять ва́шу.

Припев: Святи́и му́ченицы, моли́те Бо́га о на́с.

Па́мять светоза́рную ва́шу и честну́ю почита́юще и ра́дующеся ду́хом, мо́лимся:
блаже́нный Иси́доре, до́блий учи́телю, с пострада́вшими с тобо́ю му́ченики,
вся правосла́вныя лю́ди сохраня́йте невреди́мы,
непобеди́мии му́ченицы Христо́вы.

Сла́ва Отцу́ и Сы́ну и Свято́му Ду́ху.

Троичен: Триипоста́сное Естество́ и Неразде́льную сла́ву,
в Божестве́ Еди́нем пое́мую непреста́нно на Небеси́ и на земли́,
Тро́ицу Неразлу́чную просла́вим, с Сы́ном Отцу́ и Ду́ху покланя́ющеся благоче́стно,
да изба́вимся муче́ния о́гненнаго предста́тельством страстоте́рпцев,
пропове́давших Святу́ю Тро́ицу.

И ны́не и при́сно и во ве́ки веко́в. Ами́нь.

Богородичен: Благослове́нную Мари́ю, Госпожу́, и Бо́жию Ма́терь, и Де́ву,
прииди́те, вси ве́рнии, любо́вию непреста́нно восхва́лим,
Ея́же ра́ди обрето́хом ве́чное ра́дование.

Светилен

Све́ту Невече́рнему – Христу́ – предстоя́ще с ли́ки му́ченическими,
блаже́ннии страстоте́рпцы Госпо́дни, се́дмьдесят со треми́,
воспева́ющих вас спаса́йте моли́твами свои́ми, святи́и.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Незаходи́маго Све́та носи́ла еси́, Присноде́во Ма́ти Мари́е,
просвеща́ющаго седя́щих во тьме неве́дения,
Сы́на Твоего́ и Бо́га на́шего.