Преподобный Иоа́нн Печерский, Многострадальный

Прп. Иоанн Многострадальный, подвизавшийся в Киево-Печерской Лавре, прославился тридцатилетним подвигом борьбы с плотской страстью. Приняв затворничество, он изнурял тело постом, веригами и бдениями. В крайнем подвиге закопал себя по грудь в землю на весь Великий пост. Диавол устрашал его видением огненного змея, но в Пасхальную ночь по молитве святого явилась Божия помощь – молния поразила змея, и страсть оставила подвижника. Получив от Бога дар помогать в подобных искушениях, прп. Иоанн скончался после 1160 года. Мощи святого почивают в Ближних пещерах Лавры.

Краткое житие преподобного Иоанна Печерского, Многострадального

Инок Киево-Печерского монастыря, явивший пример тяжкой борьбы с плотью и победу над ее вожделениями. Чтобы побороть в себе плотскую похоть, преподобный понес многие подвиги: почти тридцать лет пробыл в затворе, изнуряя тело постом, бдениями и тяжкими веригами. Но брань не проходила. Тогда святой закопал себя по грудь в пещере преподобного Антония на всю Четыредесятницу.

Диавол старался устрашить подвижника видением огромного змея, дышащего огнем и готового пожрать святого. Благодаря помощи Божией и своей твердой воле преподобный в ночь Святой Пасхи избавился от мучившей его страсти и получил от Бога дар помогать и другим в подобном искушении. Почил о Господе не ранее 1160 г.

Полное житие преподобного Иоанна Печерского, Многострадального

Преподобный Иоанн Многострадальный, Печерский, подвизался в Киево-Печерской Лавре. Подвижник рассказывал, что от самой юности много страдал, мучимый похотью плоти, и ничто не могло избавить от нее – ни голод, ни жажда, ни тяжелые вериги. Тогда преподобный пошел в пещеру, где почивали мощи преподобного Антония, и усердно молился святому авве. Через сутки многострадальный Иоанн услышал голос: "Иоанн! Тебе надобно затвориться здесь, чтобы, по крайней мере, невидением и молчанием ослабить брань, и Господь поможет тебе молитвами Своих преподобных". С того времени святой поселился в пещере и только через 30 лет победил плотскую страсть. Напряженной и жестокой была борьба, тернистым путем шел преподобный к победе. Иногда хотелось ему покинуть затвор, но потом он решился на еще больший подвиг. Святой воин Христов выкопал яму и с наступлением Великого поста влез в нее и засыпал себя землей до плеч. Весь пост он провел в таком положении, но жар страсти по-прежнему не покидал его многотрудную плоть. Враг спасения навел на подвижника страх, желая выгнать его из пещеры: страшный змей, дыша пламенем, осыпая искрами, пытался поглотить святого. Несколько дней продолжались действия лукавого. В ночь Воскресения Христова змей захватил голову преподобного в свою пасть. Тогда святой Иоанн воззвал из глубины сердца: "Господи Боже мой и Спасителю мой! Почему оставил Ты меня? Помилуй меня Ты, Един Человеколюбивый; избавь меня от скверного беззакония моего, чтобы не увязнуть мне в сети неприязненного; избавь меня от уст врага моего: блесни молнию и прогони его". Вдруг блеснула молния, и змей исчез. Свет Божественный осиял подвижника, и послышался Голос: "Иоанн! Вот тебе помощь; отселе внимай себе, чтобы не случилось тебе худшее, и не пострадал ты в будущем веке". Святой поклонился и сказал: "Господи! зачем Ты оставлял меня так долго мучиться?" – "По силе терпения твоего, – был ответ, – навел Я на тебя искушение, чтобы ты был выжжен как золото; крепким и сильным слугам назначает господин тяжелую работу, а немощным и слабым – легкую; ты молись о себе погребенному здесь (преподобному Моисею Угрину), он может помочь тебе в этой борьбе: он выше Иосифа (Прекрасного)". Скончался преподобный около 1160 года, стяжав благодать против блудной страсти. Святые мощи его почивают в Антониевых пещерах.

Тропарь, глас 1

Терпе́ния столп вои́стину непоколеби́мый,
и забра́ло от вра́жиих стреля́ний необори́мо,
равноа́нгельне и многострада́льне о́тче наш Иоа́нне,
иму́ще тя, мы, недосто́йнии, мо́лимся,
припа́дающе к честны́м твои́м моще́м те́пле,

изба́ви нас душетле́нных страсте́й плотски́х и спаси́ твои́ми моли́твами.

Кондак, глас 2

Сто́лп целому́дрия, вра́жиими боре́ньми непобеди́мь сый,
а́ки столп, многострада́льное водруже́нно оста́вил еси́ нам те́ло твое́,
всече́стне Иоа́нне,
ему́же в не́мощех душе́вных и теле́сных покланя́ющеся,
мо́лим тя, преподо́бне:

моли́ Христа́ Бо́га непреста́нно о всех нас.

Канон преподобному Иоанну Многострадальному

Минея, 18 Июля.

Глас 3

Песнь 1

Ирмос: Во́ды дре́вле ма́нием Боже́ственным
во еди́но со́нмище совокупи́вый
и раздели́вый мо́ре изра́ильтеским лю́дем,
Сей Бог наш препросла́влен есть,
Тому́ еди́ному пои́м, я́ко просла́вися.

Припев: Преподо́бне о́тче Иоа́нне, моли́ Бо́га о на́с.

Во́ды жа́ждущим в пусты́ни лю́дем Твои́м иногда́ да́вый,
и мне, Христе́ мой, жа́ждущему хвалу́ принести́ Тебе́, даждь во́ду благода́ти,
да в па́мяти преподо́бнаго Твоего́ воспою́ песнь:
я́ко просла́вися.

Припев: Преподо́бне о́тче Иоа́нне, моли́ Бо́га о на́с.

Те́сный путь и мно́гия ско́рби Ты Сам показа́л еси́, Го́споди, ше́ствующим к Ца́рствию Твоему́,
его́же жела́я, преподо́бный Твой ра́достно ско́рби подъя́л есть в жи́зни сей,
да та́мо возвесели́тся, поя́:
я́ко просла́вися.

Припев: Преподо́бне о́тче Иоа́нне, моли́ Бо́га о на́с.

Глас всегда́шняго ра́дования и шум пра́зднующих непреста́нно помина́я, свя́те Иоа́нне,
зову́щия к суете́ пре́лести оста́вль, Христо́в яре́м взял еси́ на ся
и ле́гце той в наде́жди ско́раго премене́ния носи́л еси́, поя́ Бо́гу:
я́ко просла́вися.

Сла́ва Отцу́ и Сы́ну и Свято́му Ду́ху.

Удали́вся стра́стнаго ми́ра, блаже́нне,
прите́кл еси́, я́ко еле́нь, на Пече́рскую го́ру,
иде́же струя́ми духо́внаго пото́ка, блаже́нных оте́ц, напои́в ду́шу, воспе́л еси́ Бо́гу:
я́ко просла́вися.

И ны́не и при́сно и во ве́ки веко́в. Ами́нь.

Богородичен: С корабле́м потопля́емь душе́вным в мо́ри страсте́й, вопию́ Ти, Чи́стая:
ми́лостию Твое́ю помози́ мне и от потопле́ния изба́ви,
еси́ бо кора́бль хотя́щим спасти́ся
и ти́хое приста́нище жите́йских пла́ваний.

Песнь 3

Ирмос: И́же от не су́щих вся Приведы́й,
сло́вом созида́емая,
соверша́емая Ду́хом,
Вседержи́телю Вы́шний,
в любви́ Твое́й утверди́ мене́.

Припев: Преподо́бне о́тче Иоа́нне, моли́ Бо́га о на́с.

Я́ко от не су́щия, мирски́я ве́щи избе́г,
в ти́хое приста́нище и́ночествующих прите́кл еси́, о́тче,
с ни́миже живы́й, Еди́наго любя́ Бо́га, воспе́л еси́:
Христе́ мой, в любви́ Твое́й утверди́ мене́.

Припев: Преподо́бне о́тче Иоа́нне, моли́ Бо́га о на́с.

Пречи́стому и Непоро́чному А́гнцу после́довати хотя́ща тя в чистоте́, блаже́нне, ви́дя,
враг скве́рный нападе́ на тя разжже́нием плотски́м,
ему́же проти́ву стал еси́, смиря́я плоть свою́ посто́м и жа́ждею и в моли́тве поя́:
Христе́ мой, утверди́ мене́.

Припев: Преподо́бне о́тче Иоа́нне, моли́ Бо́га о на́с.

Отпаде́ние Присносу́щнаго Све́та блуднико́м помина́я, преподо́бне,
в те́мную всели́лся еси́ пеще́ру,
и, при гро́бе вели́каго Анто́ния безмо́лвствуя, свой исхо́д помина́л еси́ при́сно,
и та́ко обре́л еси́ мир в косте́х твои́х.

Сла́ва Отцу́ и Сы́ну и Свято́му Ду́ху.

Не смерть, но премене́ние на живо́т лу́чший святы́м Бо́жиим есть,
и́бо а́ще и во гробе́х положе́ни суть,
но Бо́гови живу́т при́сно и глас испуща́ют;
я́коже и к тебе́, о́тче Иоа́нне, от гро́ба вели́каго Анто́ния глас бысть,
на безмо́лвие тя призыва́яй.

И ны́не и при́сно и во ве́ки веко́в. Ами́нь.

Богородичен: Час Су́дный помина́ю,
но премене́ния от страсте́й на живо́т безстра́стный не и́мам, Чи́стая Богоро́дице;
моли́тв ра́ди преподо́бнаго де́вственника Иоа́нна от любве́ страсте́й отврати́
и в любви́ Сы́на Твоего́ утверди́ мене́.

Седален, глас 8

Блаже́нству не оскверни́вшихся с жена́ми поревнова́в,
да после́дуеши А́гнцу на горе́ Сио́нстей,
поста́вил еси́ де́вство свое́ соблюсти́ нескве́рно
и соблю́л еси́ е́ це́ло,
мно́гими напа́стьми бесо́вскими невреди́мо;
те́мже пое́ши песнь но́вую, преподо́бне Иоа́нне,
и ра́дуется со А́нгелы дух твой.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Блаже́нству де́вственник не поревнова́х, окая́нный,
оскверни́х креще́ния моего́ ри́зу блу́дными растле́нии
и удали́хся благода́ти Твоея́, Нескве́рный А́гнче, Сы́не Бо́жий,
страсте́й ра́ди святы́х Твои́х и Пречи́стыя Богоро́дицы
даждь ми исправле́ние и поми́луй мя.

Песнь 4

Ирмос: Положи́л еси́ к нам тве́рдую любо́вь, Го́споди:
Единоро́днаго бо Твоего́ Сы́на
за ны на смерть дал еси́.
Те́мже Ти зове́м, благодаря́ще:
сла́ва си́ле Твое́й, Го́споди.

Припев: Преподо́бне о́тче Иоа́нне, моли́ Бо́га о на́с.

Положи́л еси́ житие́ твое́ в те́мней пеще́ре, о́тче, неисхо́дно,
до́ндеже стра́стная мгла во свет преложи́тся молча́нием
и неви́дением чу́вственнаго све́та.

Припев: Преподо́бне о́тче Иоа́нне, моли́ Бо́га о на́с.

Мно́гия ско́рби подъя́л еси́, свя́те,
со страстьми́ боря́ся, а́ки с лю́тыми зверьми́,
жесто́кая тех нападе́ния посто́м и бде́нием в теле́снем соста́ве свое́м кре́пко обуздава́я.

Припев: Преподо́бне о́тче Иоа́нне, моли́ Бо́га о на́с.

Огне́м бесо́вских прило́г пали́мую плоть твою́ не моги́й устуди́ти, блаже́нне,
наг изво́лил еси́ жи́ти в те́сне ме́сте,
сту́дению к теплоте́ духо́вней та́мо подвиза́яся.

Сла́ва Отцу́ и Сы́ну и Свято́му Ду́ху.

Зве́ря лю́та и неукроти́ма, свирепе́ющее те́ло свое́, смири́ти хотя́,
тя́жкими желе́зы связа́л еси́, преподо́бне, да не по́хотствует на ду́ха,
но па́че да повину́ется ду́ху.

И ны́не и при́сно и во ве́ки веко́в. Ами́нь.

Богородичен: От мно́гаго невоздержа́ния востаю́щих на мя страсте́й не моги́й укроти́ти,
к Тебе́ прибега́ю, Влады́чице:
Ты, Пречи́стая, сих нечистоту́ смири́
и спаси́ мя от тех нападе́ния.

Песнь 5

Ирмос: На земли́ Неви́димый яви́лся еси́
и челове́ком во́лею сожи́л еси́, Непостижи́мый,
и, к Тебе́ у́тренююще,
воспева́ем Тя, Человеколю́бче.

Припев: Преподо́бне о́тче Иоа́нне, моли́ Бо́га о на́с.

На земли́ живы́й всяк, кто не удиви́тся терпе́нию твоему́, о́тче,
и́бо, ископа́в себе́ ров и наг вшед, окопа́лся еси́ до ра́му,
пе́рстию угнета́я плотско́е стремле́ние, от супоста́та врага́ дви́жимое.

Припев: Преподо́бне о́тче Иоа́нне, моли́ Бо́га о на́с.

Твое́ те́ло, пе́рстию угнета́емо, уныва́ше,
но враг бо́дрствоваше, кре́пко востава́я бра́нию
и напа́дая страхова́ньми, хотя́ та́ко одоле́ти тебе́,
да не я́звен паде́т от Тебе́, преподо́бне.

Припев: Преподо́бне о́тче Иоа́нне, моли́ Бо́га о на́с.

Ум твой, всече́стне Иоа́нне, горя́щ к Бо́гу, ви́дя, диа́вол
злохи́трым пла́менем со дна паля́ше у́ды твоя́ и утро́бу,
но ты, о сей боле́зни неради́в,
изво́лил еси́ Го́спода ра́ди сгоре́ти, не́же бы́ти поруга́н бе́сом.

Сла́ва Отцу́ и Сы́ну и Свято́му Ду́ху.

Я́дом а́спидным не моги́й сатана́ чистоты́ твоея́ порази́ти, блаже́нне,
во зми́я, огне́м ды́шуща, преобрази́ся,
да поне́ та́ко устраши́в,
победи́т тя, непобеди́маго во́ина Христо́ва.

И ны́не и при́сно и во ве́ки веко́в. Ами́нь.

Богородичен: Яд а́спиден, стра́стныя прило́ги, и́миже враг се́рдце ми уязвля́ет,
цельбо́ю ми́лости Твоея́ уврачу́й, Безневе́стная Де́во,
я́ко да спасе́н от сих, плод покая́ния принесу́ Ти всеце́лый.

Песнь 6

Ирмос: Бе́здна после́дняя грехо́в обы́де мя,
и исчеза́ет дух мой;
но простры́й, Влады́ко, высо́кую Твою́ мы́шцу,
я́ко Петра́, мя, Упра́вителю, спаси́.

Припев: Преподо́бне о́тче Иоа́нне, моли́ Бо́га о на́с.

Бе́здна после́дняя отве́рзе горта́нь,
нечи́стый во зми́я преобрази́выйся диа́вол воспе́нися,
пламеноно́сными ды́ша зия́нии, хотя́ше поглоти́ти тя,
но ты, о́тче, был еси́ а́ки столп недви́жимь, поя́:
Бо́же мой, Упра́вителю, мя спаси́.

Припев: Преподо́бне о́тче Иоа́нне, моли́ Бо́га о на́с.

На ка́мени тве́рдыя ве́ры стоя́, преподо́бне, щито́м наде́жды покры́лся еси́,
и, бу́рю злоко́зненнаго врага́ ни во что же вмени́в, на главу́ его́ обрати́л еси́,
и, в горта́ни того́ сый, не устраши́лся еси́, зовы́й ко Христу́:
Упра́вителю, мя спаси́.

Припев: Преподо́бне о́тче Иоа́нне, моли́ Бо́га о на́с.

Кит мы́сленный главу́ твою́, блаже́нне, в горта́нь свой вложи́,
и опали́шася тебе́ власи́,
но не опали́ся малоду́шием се́рдце твое́, о́тче, и́мже взыва́л еси́.
И Госпо́дь услы́ша тя, я́ко Добр Ко́рмчий, любоприима́тельне спаса́я.

Сла́ва Отцу́ и Сы́ну и Свято́му Ду́ху.

Моли́тва твоя́, Иоа́нне, бысть стре́лы мо́лниины на сопроти́внаго си́лу,
рекл бо еси́:
Бо́же мой, вску́ю мя еси́ оста́вил?
И а́бие исчезе́ льсти́вый я́звен
и ктому́ не прибли́жися уже́ к тебе́, Све́том Боже́ственным прогна́н.

И ны́не и при́сно и во ве́ки веко́в. Ами́нь.

Богородичен: Стре́лы мы́сленнаго супоста́та страстьми́ ура́ниша ми се́рдце,
тем от го́рести души́ моея́ к тебе́ вопию́, Чи́стая:
исто́ргни ты́я руко́ю Твое́ю, я́ко ро́ждшая Христа́, Цели́теля моего́.

Кондак, глас 2

Столп целому́дрия, вра́жиими боре́ньми непобеди́мь сый,
а́ки столп, многострада́льное водруже́нно оста́вил еси́ нам те́ло твое́,
всече́стне Иоа́нне,
ему́же в не́мощех душе́вных и теле́сных покланя́ющеся,
мо́лим тя, преподо́бне:
моли́ Христа́ Бо́га непреста́нно о всех нас.

Икос

Возлюби́в, преподо́бне, Христо́вы Боже́ственныя за́поведи
и возненави́дев ми́ра сего́ наслажде́ние,
прише́л еси́ усе́рдно к Тому́
и был еси́ свети́льник, просвеща́я концы́ блиста́нием духо́вным.
Тем, припа́дая, молю́ тя:
просвети́ мои́ о́чи душе́внеи воспе́ти твоя́ по́двиги,
поще́ние, и бде́ние, и сле́зы, боле́зни и изможде́ние те́ла
блаже́нныя ра́ди бу́дущия жи́зни,
ея́же ны́не наслажда́яся, моли́ непреста́нно о всех нас.

Песнь 7

Ирмос: Я́коже дре́вле
благочести́выя три о́троки ороси́л еси́ в пла́мени халде́йстем,
све́тлым Божества́ огне́м и нас озари́,
благослове́н еси́, взыва́ющия,
Бо́же оте́ц на́ших.

Припев: Преподо́бне о́тче Иоа́нне, моли́ Бо́га о на́с.

Я́коже прах от ве́тра и я́коже дым от тучено́снаго о́блака погиба́ет,
та́ко и Све́ту Боже́ственному прише́дшу, исчезе́ лука́вый,
ты же, о́тче, поклони́лся еси́ Го́сподеви, поя́:
Бо́же, благослове́н еси́.

Припев: Преподо́бне о́тче Иоа́нне, моли́ Бо́га о на́с.

Близ Госпо́дь бысть призыва́ющу ти в по́мощь, свя́те,
Его́же благода́ть ощути́в, ра́достною душе́ю из глубины́ се́рдца воспе́л еси́:
Бо́же, благослове́н еси́.

Сла́ва Отцу́ и Сы́ну и Свято́му Ду́ху.

Я́коже прему́др господи́н кре́пкому рабу́ вели́кое налага́ет де́ло,
та́ко и Госпо́дь попусти́ тебе́ терпе́ти дневны́й и нощны́й вар раздеже́ний плотски́х,
ты же терпеливоду́шне поне́сл еси́ его́, поя́:
Бо́же, благослове́н еси́.

И ны́не и при́сно и во ве́ки веко́в. Ами́нь.

Богородичен: Я́ко прему́др Влады́ка, Сын Твой, Де́во,
на лени́ваго мя ле́гким страсте́м приити́ попуща́ет,
но пре́жде да́же не приидо́ша о́ныя, аз изнемого́х,
тем к Тебе́ вопию́:
помози́ ми, о Ма́ти Сло́ва, Ты бо благослове́нна еси́.

Песнь 8

Ирмос: Нестерпи́мому огню́ соедини́вшеся,
богоче́стия предстоя́ще, ю́ноши,
пла́менем же неврежде́ни,
Боже́ственную песнь поя́ху:
благослови́те, вся дела́ Госпо́дня, Го́спода
и превозноси́те во вся ве́ки.

Припев: Преподо́бне о́тче Иоа́нне, моли́ Бо́га о на́с.

В нестерпи́мем огни́ разжже́ний плотски́х
повелева́ет тебе́, блаже́нне, свы́ше глас помоли́тися мертвецу́,
могу́щему во страсте́х блу́дных помога́ти и про́чим,
да пою́т Го́спода во ве́ки.

Припев: Преподо́бне о́тче Иоа́нне, моли́ Бо́га о на́с.

И́же бо́лее Ио́сифа сотвори́вый, внегда́, плене́н сый, скве́рней жене́ не повину́ся,
той и тебе́, свя́те, посо́бствова хода́тайством к Бо́гу,
И́мже избы́в страсте́й тле́нных, ны́не пое́ши Го́спода во ве́ки.

Припев: Преподо́бне о́тче Иоа́нне, моли́ Бо́га о на́с.

Твое́ великоду́шие, о́тче, тьма́ми светле́йшее со́лнца ви́дя Бо́жие О́ко,
свет низпосла́ благода́ти, и мрак па́губнаго блуда́ от косте́й твои́х поги́бе весьма́.
Про́чее же пожи́в в тишине́,
ны́не пое́ши Го́спода во ве́ки.

Сла́ва Отцу́ и Сы́ну и Свято́му Ду́ху.

Безстра́стным подая́й у́мное весе́лие Влады́ка,
подаде́ и тебе́, преподо́бне Иоа́нне, по мно́гих труде́х,
е́же от Све́та Боже́ственнаго прие́мь, возра́довался еси́
и ны́не на Небеси́ весели́шися с пою́щими Го́спода во ве́ки.

И ны́не и при́сно и во ве́ки веко́в. Ами́нь.

Богородичен: Вне страсте́й заче́ншая, Де́во,
и без по́хоти му́жеския ро́ждшая Бо́жие Сло́во,
начина́ющияся во тьме лука́ваго прило́ги истреби́,
да, грехолю́бия избы́в, сподо́блюся Го́спода пе́ти во ве́ки.

Песнь 9

Ирмос: Но́вое чу́до и Боголе́пное:
деви́ческую бо дверь затворе́нную
я́ве прохо́дит Госпо́дь, наг во вхо́де,
и плотоно́сец яви́ся во исхо́де Бог,
и пребыва́ет Дверь затворе́на;
Сию́ неизрече́нно я́ко Богома́терь велича́ем.

Припев: Преподо́бне о́тче Иоа́нне, моли́ Бо́га о на́с.

Но́вую жизнь нача́л еси́,
егда́ по мно́зем страда́нии страсте́й бу́ря в тебе́ ути́шися, о́тче,
и пожи́л еси́ в тишине́ про́чее вре́мя, си́лу Бо́жию велича́яй.

Припев: Преподо́бне о́тче Иоа́нне, моли́ Бо́га о на́с.

На тве́рдем ка́мени терпе́ния стоя́,
был еси́ а́ки столп кре́пок, проти́ву лица́ вра́жия,
его́же стре́лы, прира́жшеся тебе́, сокруши́шася,
тем тя, Иоа́нне, велича́ем.

Припев: Преподо́бне о́тче Иоа́нне, моли́ Бо́га о на́с.

Чист душе́ю и те́лом на земли́ пожи́в, отше́л еси́ к Небе́сным,
с чи́стыми се́рдцем лице́ Бо́жие ви́дети,
Его́же зре́нием наслажда́яся, моли́ся о нас, преподо́бне,
да с тобо́ю Тро́ицу велича́ем.

Сла́ва Отцу́ и Сы́ну и Свято́му Ду́ху.

Блаже́нна жизнь твоя́, Иоа́нне, блаже́нна кончи́на,
но блаже́ннейший живо́т в немерца́ющем све́те,
его́же ра́ди мно́гия поне́сл еси́ ско́рби,
ны́не, ра́дуяся, моли́ся о нас, чту́щих па́мять твою́, всему́дре.

И ны́не и при́сно и во ве́ки веко́в. Ами́нь.

Богородичен: Жи́зни Нача́льника от крове́й Твои́х ро́ждшая, Де́во, безсе́менно,
моли́тв ра́ди де́вственника Иоа́нна
нас, покланя́ющихся Тебе́, к жи́зни ве́чней упра́ви,
да Тя, Исто́чника жи́зни ро́ждшую, велича́ем.

Светилен

Чистоты́ ра́ди своея́ ско́рбную ше́ствуя стезю́, се́ял еси́ мно́гия сле́зы;
ны́не же с весе́лием жняй блаже́нныя рукоя́ти,
моли́ся о нас, преподо́бне, со святы́ми отцы́,
да и мы прича́стницы ва́шего блаже́нства бу́дем:
мы бо ча́да ва́ша и о́вцы слове́сныя уче́ний ва́ших.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Чи́стая Де́во, Сло́ва врата́,
Ма́ти Христа́ Бо́га на́шего,
моли́ спасти́ся нам, рабо́м Твои́м.