Равноапостольная Мари́я Магдалина, мироносица

Св. равноапостольная Мария Магдалина, исцелённая Христом от беснования (Лк.8:2), стала верной последовательницей Спасителя. Она присутствовала при Распятии, погребении и первой удостоилась увидеть Воскресшего Господа (Ин.20:11-18). По преданию, проповедовала в Риме, где поднесла императору Тиверию красное яйцо со словами "Христос воскрес!", положив начало пасхальной традиции. Затем помогала апостолу Иоанну в Ефесе, где и скончалась. Её мощи хранятся во Франции, на Афоне, в Иерусалиме. В России частица святых мощей покоится в мужском монастыре во имя Святых царственных страстотерпцев (Екатеринбург).

Краткое житие равноапостольной Марии Магдалины, мироносицы

Святая равноапостольная Мария Магдалина, одна из жен-мироносиц, удостоилась первой из людей увидеть Воскресшего Господа Иисуса Христа. Родилась она в местечке Магдалы в Галилее. Жители Галилеи отличались непосредственностью, пылкостью нрава и самоотверженностью. Эти качества были присущи и святой Марии Магдалине. С юности она страдала тяжким недугом – беснованием (Лк.8:2). Перед Пришествием в мир Христа Спасителя бесноватых было особенно много: враг рода человеческого, предвидя свое близкое посрамление, восставал на людей со свирепой силой. Через болезнь Марии Магдалины явилась слава Божия, сама же она обрела великую добродетель всецелого упования на волю Божию и ничем неколеблемую преданность Господу Иисусу Христу. Когда Господь изгнал из нее семь бесов, она, оставив все, последовала за Ним.

Святая Мария Магдалина следовала за Христом вместе с другими женами, исцеленными Господом, проявляя трогательную заботу о Нем. Она не оставила Господа после взятия Его иудеями, когда начала колебаться вера в Него ближайших учеников. Страх, побудивший к отречению апостола Петра, в душе Марии Магдалины был побежден любовью. Она стояла у Креста вместе с Пресвятой Богородицей и апостолом Иоанном, переживая страдания Божественного Учителя и приобщаясь великому горю Богоматери. Святая Мария Магдалина сопровождала Пречистое Тело Господа Иисуса Христа при перенесении Его ко гробу в саду праведного Иосифа Аримафейского, была при Его погребении (Мф.27:61; Мк.15:47). Служа Господу во время Его земной жизни, она желала послужить Ему и после смерти, воздав последние почести Его Телу, умастив его, по обычаю евреев, миром и ароматами (Лк.23:56). Воскресший Христос послал святую Марию с вестью от Него к ученикам, и блаженная жена, ликуя, возвестила апостолам о виденном – «Христос воскрес!» Как первая благовестница Христова воскресения, святая Мария Магдалина признана Церковью равноапостольной. В этом благовестии – главное событие ее жизни, начало ее апостольского служения.

Существует предание, что она благовествовала не только в Иерусалиме. Святая Мария Магдалина отправилась в Рим и видела императора Тиверия (14–37). Известный своим жестокосердием император выслушал святую Марию, которая рассказала ему о жизни, чудесах и учении Христа, о Его неправедном осуждении иудеями, о малодушии Пилата. Затем она поднесла ему красное яйцо со словами «Христос воскрес!» С этим поступком святой Марии Магдалины связывают пасхальный обычай дарить друг другу красные яйца (яйцо, символ таинственной жизни, выражает веру в грядущее общее Воскресение).

Затем святая Мария отправилась в Ефес (Малая Азия). Здесь она помогала святому апостолу и евангелисту Иоанну Богослову в его проповеди. Здесь же она, по преданию Церкви, преставилась и была погребена. В IX веке при императоре Льве VI Философе (886–912) нетленные мощи святой Марии Магдалины были перенесены из Ефеса в Константинополь. Полагают, что во время крестовых походов они были увезены в Рим, где и покоились в храме во имя святого Иоанна Латеранского. Папа Римский Гонорий III (1216–1227) освятил этот храм во имя святой равноапостольной Марии Магдалины. Часть ее мощей находится во Франции, в Провансе близ Марселя, где также воздвигнут храм, посвященный святой Марии Магдалине. Части мощей равноапостольной Марии Магдалины хранятся в различных монастырях Святой Горы Афон и в Иерусалиме. В России частица святых мощей равноапостольной Марии Магдалины покоится в мужском монастыре во имя Святых царственных страстотерпцев (Екатеринбург).

Полное житие равноапостольной Марии Магдалины, мироносицы

На берегу Генисаретского озера между городами Капернаумом и Тивериадой располагался небольшой город Магдала, остатки которого уцелели до наших дней. Теперь на его месте стоит лишь небольшой поселок Медждель.

В Магдале когда-то родилась и выросла женщина, имя которой навеки вошло в евангельскую историю. В Евангелии говорится, что Господь изгнал из Марии семь бесов. С момента исцеления Мария начала новую жизнь. Она стала верной ученицей Спасителя.

Евангелие повествует, что Мария Магдалина следовала за Господом, когда Он с апостолами проходил по городам и селениям Иудеи и Галилеи с проповедью Царствия Божия. Вместе с благочестивыми женщинами – Иоанной, женой Хузы (домоправителя Иродова), Сусанной и другими она служила Ему от имений своих (Лк.8:1-3) и, несомненно, разделяла с апостолами благовестнические труды, в особенности среди женщин. Очевидно, ее вместе с другими женщинами имеет в виду евангелист Лука, рассказывая, что в момент шествия Христа на Голгофу, когда после бичевания Он нес на Себе тяжелый Крест, изнемогая под его тяжестью, женщины шли за Ним, плача и рыдая, а Он утешал их. Евангелие повествует, что Мария Магдалина находилась и на Голгофе в момент распятия Господа. Когда все ученики Спасителя разбежались, она бесстрашно оставалась у Креста вместе с Богородицей и апостолом Иоанном.

Она была верна Ему не только в дни Его славы, но и в момент Его крайнего уничижения и поругания. Она, как повествует евангелист Матфей, присутствовала и при погребении Господа. На ее глазах Иосиф с Никодимом внесли в гробницу Его бездыханное тело. На ее же глазах они завалили большим камнем вход в пещеру, куда зашло Солнце жизни...

Верная закону, в котором была воспитана, Мария вместе с другими женщинами пребыла весь последующий день в покое, ибо велик был день той субботы, совпадавший в тот год с праздником пасхи. Но все же пред наступлением дня покоя женщины успели запасти ароматы, чтобы в первый день недели прийти на рассвете к могиле Господа и Учителя и по обычаю иудеев помазать Его тело погребальными ароматами.

Надо полагать, что, сговорившись идти в первый день недели ко Гробу рано утром, святые женщины, разойдясь в пятницу вечером по своим домам, не имели возможности встретиться друг с другом в день субботний, и как только забрезжил свет следующего дня, пошли к гробнице не совместно, а каждая из своего дома.

Евангелист Матфей пишет, что женщины пришли ко гробу на рассвете или, как выражается евангелист Марк, весьма рано, при восходе солнца; евангелист Иоанн, как бы дополняя их, говорит, что Мария пришла ко гробу настолько рано, что еще было темно. Видимо, она с нетерпением ждала окончания ночи, но, не дождавшись рассвета, когда еще кругом царила тьма, побежала туда, где лежало тело Господа.

Итак, Мария пришла ко гробу одна. Увидев камень отваленным от пещеры, она в страхе поспешила туда, где жили самые близкие апостолы Христа – Петр и Иоанн. Услышав странную весть о том, что Господа унесли из гроба, оба апостола побежали ко гробу и, увидев пелены и свернутый плат, изумились. Апостолы ушли и никому ничего не сказали, а Мария стояла около входа в мрачную пещеру и плакала. Здесь, в этом темном гробе, еще так недавно бездыханным лежал ее Господь. Желая убедиться, что гроб действительно пуст, она подошла к нему – и здесь сильный свет внезапно осиял ее. Она увидела двух Ангелов в белых одеяниях, сидящих одного у главы, а другого у ног, где было положено тело Иисусово. Услышав вопрос: "Женщина, что ты плачешь?" – она ответила теми же словами, которые только что сказала апостолам: "Унесли Господа моего, и не знаю, где положили Его". Сказав это, она повернулась и в этот момент увидела Иисуса Воскресшего, стоящего около гроба, но не узнала Его.

Он спросил Марию: "Женщина, что ты плачешь, Кого ищешь?" Она же, думая, что видит садовника, отвечала: "Господин, если ты вынес Его, скажи, где ты положил Его, и я возьму Его".

Но в этот момент она узнала голос Господа, голос, который был знаком с того самого дня, как Он исцелил ее. Этот голос она слышала в те дни, в те годы, когда вместе с другими благочестивыми женщинами ходила за Господом по всем городам и весям, где раздавалась Его проповедь. Из груди ее вырвался радостный крик: "Раввуни!", что значит "Учитель".

Уважение и любовь, нежность и глубокое почтение, чувство признательности и признание Его превосходства как великого Учителя – все слилось в одном этом возгласе. Она больше ничего не могла сказать и бросилась к ногам своего Учителя, чтобы омыть их слезами радости. Но Господь сказал ей: "Не прикасайся ко Мне, ибо Я еще не восшел к Отцу Моему; а иди к братьям Моим и скажи им: "Восхожу к Отцу Моему и Отцу вашему и к Богу Моему и Богу вашему".

Она пришла в себя и снова побежала к апостолам, чтобы исполнить волю Пославшего ее на проповедь. Снова вбежала она в дом, где еще пребывали в смятении Апостолы, и возвестила им радостную весть: "Видела Господа!" Это была первая в мире проповедь о Воскресении.

Апостолы должны были благовествовать миру, а она благовествовала самим апостолам...

Священное Писание не повествует нам о жизни Марии Магдалины по Воскресении Христовом, но можно не сомневаться, что если в страшные минуты распятия Христа она была у подножия Его Креста с Его Пречистою Матерью и Иоанном, то несомненно, что она пребывала с ними же и все ближайшее время по воскресении и вознесении Господа. Так, святой Лука в книге Деяний апостольских пишет, что все апостолы единодушно пребывали в молитве и молении с некоторыми женами и Мариею, Матерью Иисуса, и с братьями Его.

Священное Предание повествует, что когда апостолы разошлись из Иерусалима на проповедь во все концы мира, то вместе с ними пошла на проповедь и Мария Магдалина. Отважная женщина, сердце которой было полно воспоминаний о Воскресшем, оставила родной край и отправилась с проповедью в языческий Рим. И везде она возвещала людям о Христе и Его учении, а когда многие не верили, что Христос воскрес, она повторяла им то же, что сказала в светлое утро Воскресения апостолам: "Я видела Господа". С этой проповедью она обошла всю Италию.

Предание говорит, что в Италии Мария Магдалина явилась к императору Тиверию (14–37) и благовествовала ему о Христе Воскресшем. По преданию, она принесла ему красное яйцо как символ Воскресения, символ новой жизни, со словами: "Христос Воскрес!" Затем она рассказала императору о том, что в его провинции Иудее был безвинно осужден Иисус Галилеянин, муж святой, творивший чудеса, сильный пред Богом и всеми людьми, казнен по наветам иудейских первосвященников, и приговор утвердил назначенный Тиверием прокуратор Понтий Пилат.

Мария повторила слова апостолов, что уверовавшие во Христа искуплены от суетной жизни не тленным серебром или золотом, но драгоценной кровью Христа как непорочного и чистого Агнца.

Благодаря Марии Магдалине обычай дарить друг другу пасхальные яйца в день Светлого Христова Воскресения распространился между христианами всего мира. В одном древнем рукописном греческом уставе, написанном на пергаменте, хранящемся в библиотеке монастыря святой Анастасии близ Фессалоник (Солуни), помещена молитва, читаемая в день Святой Пасхи на освящение яиц и сыра, в которой указывается, что игумен, раздавая освященные яйца, говорит братии: "Так мы приняли от святых отцов, которые сохранили сие обыкновение от самых времен апостольских, ибо святая равноапостольная Мария Магдалина первая показала верующим пример сего радостного жертвоприношения".

Мария Магдалина продолжала свое благовестие в Италии и в самом городе Риме. Очевидно, именно ее имеет в виду апостол Павел в своем Послании к Римлянам (Рим.16:6), где вместе с прочими подвижниками проповеди евангельской упоминает Марию (Мариам), которая, как он выражается, "много потрудилась для нас". Очевидно, она беззаветно служила Церкви и своими средствами, и своими трудами, подвергаясь опасностям, и разделяла с апостолами труды проповедничества.

По церковному же преданию она пробыла в Риме до прибытия туда апостола Павла и еще два года спустя после отбытия его из Рима после первого суда над ним. Из Рима святая Мария Магдалина уже в преклонном возрасте переселилась в Ефес, где неустанно трудился святой апостол Иоанн, который с ее слов написал 20-ю главу своего Евангелия. Там закончила святая земную жизнь и была погребена.

Ее святые мощи были в IХ веке перенесены в столицу Византийской империи – Константинополь и положены в храме монастыря во имя святого Лазаря. В эпоху крестовых походов они были перенесены в Италию и положены в Риме под алтарем Латеранского собора. Часть мощей Марии Магдалины находится во Франции близ Марселя, где над ними воздвигнут в честь ее великолепный храм.

Православная Церковь свято чтит память святой Марии Магдалины – женщины, призванной Самим Господом от тьмы к свету и от власти сатаны к Богу.

Тропарь, глас 1

Христу́, нас ра́ди от Де́вы ро́ждшемуся,
честна́я Магдали́но Мари́е, после́довала еси́,
Того́ оправда́ния и зако́ны храня́щи.
Те́мже днесь всесвяту́ю твою́ па́мять пра́зднующе,
грехо́в разреше́ние

моли́твами твои́ми прие́млем.

Тропарь, глас 2 Благообра́зный Ио́сиф с дре́ва снем Пречи́стое Твое́ те́ло,/ плащани́цею чи́стою обви́в,/ и благоуха́ньми во гро́бе но́ве закры́в положи́;/ но тридне́вен воскре́сл еси́, Го́споди,// подая́й ми́рови ве́лию ми́лость. Ин тропарь, глас 2 Мироно́сицам жена́м при гро́бе предста́в А́нгел, вопия́ше:/ ми́ра ме́ртвым суть прили́чна,/ Христо́с же истле́ния яви́ся чуждь./ Но возопи́йте: воскре́се Госпо́дь,// подая́й ми́рови ве́лию ми́лость.

Кондак, глас 2

Ра́доватися мироно́сицам повеле́л еси́,
плач прама́тере Е́вы утоли́л еси́
воскресе́нием Твои́м, Христе́ Бо́же,
апо́столом же Твои́м пропове́дати повеле́л еси́:

Спас воскре́се от гро́ба.

Кондак, глас 3 Предстоя́щи, пресла́вная, у Креста́ Спа́сова со ины́ми мно́гими,/ и Ма́тери Госпо́дни состра́ждущи, и сле́зы точа́щи,/ сие́ в похвалу́ приноша́ше глаго́лющи:/ что сие́ есть стра́нное чу́до?/ Содержа́й всю тварь, пострада́ти изво́ли.// Сла́ва держа́ве Твое́й.

Величание

Велича́ем тя,
мироно́сице свята́я равноапо́стольная Мари́е Магдали́но,
и чтим боле́зни и труды́ твоя́,
и́миже труди́лася еси́
во благове́стии Христо́ве.

Молитва

О, свята́я мироно́сице и всехва́льная равноапо́стольная Христо́ва учени́це Магдали́но Мари́е! К тебе́, я́ко ве́рней и мо́щней о нас к Бо́гу хода́таице, гре́шнии и недосто́йнии, ны́не усе́рдно прибега́ем и в сокруше́нии серде́ц на́ших мо́лимся. Ты в житии́ свое́м стра́шныя ко́зни бесо́вския испыта́ла еси́, но благода́тию Христо́вою я́вно тех свободи́лася еси́, и нас моли́твами твои́ми от се́ти бесо́вския изба́ви, да вы́ну во всем житии́ на́шем де́лом, сло́вом, мы́слию и та́йными помышле́нии серде́ц на́ших ве́рно послу́жим еди́ному Свято́му Влады́це Бо́гу, я́коже Тому́ обеща́лися есмы́. Ты па́че всех благ земны́х сладча́йшаго Го́спода Иису́са возлюби́ла еси́ и Тому́ чрез все житие́ до́бре после́довала еси́, Боже́ственными уче́нии Его́ и благода́тию не то́кмо свою́ ду́шу пита́ющи, но и мно́жество люде́й от тьмы язы́ческия ко Христу́ чу́дному све́ту приводя́щи; то ве́дуще, про́сим тя: испроси́ нам у Христа́ Бо́га благода́ть просвеща́ющую и освяща́ющую, да, е́ю осеня́еми, преуспева́ем в ве́ре и благоче́стии, в по́двизех любве́ и самоотверже́ния, да неле́ностно тщи́мся служи́ти бли́жним в их ну́ждах духо́вных и теле́сных, па́мятующе приме́р твоего́ человеколю́бия. Ты, свята́я Мари́е, бо́дренно благода́тию Бо́жиею протекла́ еси́ житие́ на земли́ и ми́рно отшла́ еси́ во оби́тели Небе́сныя, моли́ Христа́ Спа́са, да моли́твами твои́ми сподо́бит нас непреткнове́нно соверши́ти стра́нствие на́ше в сей юдо́ли пла́ча и в ми́ре и покая́нии сконча́ти живо́т наш, да та́ко и в свя́тости на земли́ пожи́вше, ве́чныя блаже́нныя жи́зни на Небеси́ сподо́бимся и та́мо с тобо́ю и все́ми святы́ми вку́пе вы́ну восхва́лим Тро́ицу Неразде́льную, воспои́м Еди́но Божество́, Отца́ и Сы́на и Ду́ха Всесвята́го, во ве́ки веко́в. Ами́нь.

2-я Молитва

О, свята́я мироно́сице, равноапо́стольная Магдали́но Мари́е! Ты те́плою любо́вию свое́ю ко Христу́ Бо́гу попра́ла еси́ злы́я ко́зни вра́жия и обрела́ еси́ бесце́нный би́сер Христа́, и дости́гла еси́ Ца́рства Небе́снаго. Сего́ ра́ди к тебе́ припа́даю и умиле́нною душе́ю и сокруше́нным се́рдцем вопию́ ти, аз недосто́йный: при́зри с высоты́ Небе́сныя на мя, бори́маго грехо́вными искуше́нии, виждь, коль мно́гими грехи́ и бе́дами на всяк день враг запина́ет мя, ища́ мое́й поги́бели. Сла́вная и всехва́льная учени́це Христо́ва Мари́е! Умоли́ возлю́бленного тобо́ю и возлюби́вшаго тебя́ Христа́ Бо́га, да пода́ст ми оставле́ние мно́гих мои́х прегреше́ний, укрепи́т мя благода́тию Свое́ю тре́звенно и бо́дренно ше́ствовати путе́м святы́х за́поведей Его́ и да соде́лает мя благоуха́нный храм Ду́ха Свята́го, да та́ко в ми́ре непосты́дно сконча́ю многотру́дное житие́ мое́ на земли́ и вселю́ся в све́тлыя и блаже́нныя оби́тели рая́ Небе́снаго, иде́же ты со все́ми святы́ми вы́ну ра́достно славосло́виши Единосу́щную Тро́ицу, Отца́ и Сы́на и Ду́ха Всесвята́го. Ами́нь.

Канон равноапостольной Марии Магдалине

Минея, 22 Июля.

Глас 8

Песнь 1

Ирмос: Во́ду проше́д, я́ко су́шу,
и еги́петскаго зла избежа́в,
изра́ильтянин вопия́ше:
Изба́вителю и Бо́гу на́шему пои́м.

Припев: Свята́я равноапóстольная Мари́е, моли́ Бо́га о на́с.

Боже́ственными укра́шена добро́тами и светоли́тии сия́ющи Боже́ственными,
очерне́вшее мое́ се́рдце твои́ми моли́твами, Мари́е, озари́.

Припев: Свята́я равноапóстольная Мари́е, моли́ Бо́га о на́с.

Освяти́ тя Сло́во О́тчее, от духо́в зло́бы изба́вив я́ве,
Ему́же учени́ца бы́вши, дарова́ний Свята́го Ду́ха испо́лнилася еси́.

Сла́ва Отцу́ и Сы́ну и Свято́му Ду́ху.

Вод испо́лншися животво́рных от исто́чника незави́стнаго,
за милосе́рдие на земли́ я́вльшагося Влады́ки,
греха́ му́тныя изсуши́ла еси́ то́ки.

И ны́не и при́сно и во ве́ки веко́в. Ами́нь.

Богородичен: Ма́терь естество́м Соде́теля, пое́м Тя, Отрокови́це,
примири́вшую Бо́гу отпа́дшее естество́ челове́ческое,
Богороди́тельнице Всенепоро́чная Влады́чице.

Песнь 3

Ирмос: Небе́снаго кру́га Верхотво́рче, Го́споди,
и Це́ркве Зижди́телю,
Ты мене́ утверди́ в любви́ Твое́й,
жела́ний кра́ю, ве́рных утвержде́ние,
еди́не Человеколю́бче.

Припев: Свята́я равноапóстольная Мари́е, моли́ Бо́га о на́с.

Возлюби́вши пе́рвее благи́х Вино́вника, на́ше благосе́рдно естество́ обожи́вшаго,
после́довала еси́ Ему́ усе́рдно, Мари́е,
Того́ повину́вшися Боже́ственным веле́нием.

Сла́ва Отцу́ и Сы́ну и Свято́му Ду́ху.

Рыда́ющи, гро́ба Изба́вителева дости́гла еси́,
пе́рвее ви́девши Боже́ственное, отрокови́це, воскресе́ние.
Те́мже благове́стница яви́лася еси́, вопию́щи:
Христо́с воста́, рука́ми восплещи́те.

И ны́не и при́сно и во ве́ки веко́в. Ами́нь.

Богородичен: Спаса́ет мя Сло́во вопло́щшееся, Пречи́стая, от Твои́х пречи́стых крове́й,
бога́тством бла́гости разреша́я осужде́ние пе́рваго паде́ния,
Его́же непреста́нно моли́ спасти́ ста́до Твое́.

Седален, глас 8

Обнища́вшему Сло́ву премно́гим милосе́рдием,
Мари́е Магдали́ни, я́ве я́ко учени́ца и́стинно послужи́ла еси́,
зря́щи же Сего́, на Кресте́ вознесе́на и во гро́бе положе́на, рыда́ла еси́, слезя́щи.
Те́мже тя почита́ем и твое́ соверша́ем ве́рою торжество́, мироно́сице сла́вная,
моли́ Христа́ Бо́га грехо́в оставле́ние пода́ти
чту́щим любо́вию святу́ю па́мять твою́.

Песнь 4

Ирмос: Услы́шах, Го́споди,
смотре́ния Твоего́ та́инство,
разуме́х дела́ Твоя́
и просла́вих Твое́ Божество́.

Припев: Свята́я равноапóстольная Мари́е, моли́ Бо́га о на́с.

Без смуще́ния иму́щи мирска́го су́етства мысль,
Прише́дшему мир весь спасти́ от ле́сти послужи́ла еси́.

Припев: Свята́я равноапóстольная Мари́е, моли́ Бо́га о на́с.

Мы́ющися слеза́ми, гро́ба живоно́снаго дости́гши,
А́нгела узре́ла еси́, возвеща́юща Христо́во, Мари́е, воскресе́ние.

Сла́ва Отцу́ и Сы́ну и Свято́му Ду́ху.

Се́рдце твое́ непоро́чное во оправда́ниих Христо́вых бысть,
и Того́ еди́наго вожделе́ла еси́, Кра́снаго добро́тою, достосла́вная.

И ны́не и при́сно и во ве́ки веко́в. Ами́нь.

Богородичен: Дрема́нием ле́ности мя сон грехо́вный, Отрокови́це, пости́же,
бо́дренною моли́твою Твое́ю возста́ви мя к покая́нию.

Песнь 5

Ирмос: Вску́ю мя отри́нул еси́
от лица́ Твоего́, Све́те незаходи́мый,
и покры́ла мя есть чужда́я тьма, окая́ннаго?
Но обрати́ мя и к све́ту за́поведей Твои́х
пути́ моя́ напра́ви, молю́ся.

Припев: Свята́я равноапóстольная Мари́е, моли́ Бо́га о на́с.

Пра́баба, сию́ словесы́ прельсти́вшаго и изгна́вшаго от рая́ дре́вле
зря́щи нога́ми попира́ема чи́стых жен, нрав му́жеский стяжа́вших,
с ни́ми ве́чно ра́дуется.

Припев: Свята́я равноапóстольная Мари́е, моли́ Бо́га о на́с.

Уме́ршаго и во гро́бе Затворе́ннаго, всем жизнь Вдыха́ющаго, уязвля́ема любо́вию,
сла́дцей Его́ любви́ приноша́еши ми́ро, Магдали́ни, честна́я Мари́е,
и сле́зныя пролива́еши арома́ты.

Сла́ва Отцу́ и Сы́ну и Свято́му Ду́ху.

По стра́сти Боже́ственней, по стра́шнем Спа́сове вознесе́нии,
прехо́диши, сло́во всю́ду честно́е возвеща́ющи и мно́ги уловля́ющи прельща́ющияся неве́дением,
я́ко Сло́ва учени́ца сла́вная.

И ны́не и при́сно и во ве́ки веко́в. Ами́нь.

Богородичен: Избавля́ет мя, па́дшаго к грехо́вным многоплете́нным паде́жем,
И́же из Тебе́ роди́тися благоизво́ливый за безме́рную ми́лость, Пресвята́я Отрокови́це,
Его́же умоли́ вся́каго вре́да изба́витися ве́рою пою́щим Тя.

Песнь 6

Ирмос: Очи́сти мя, Спа́се,
мно́га бо беззако́ния моя́,
и из глубины́ зол возведи́, молю́ся,
к Тебе́ бо возопи́х, и услы́ши мя,
Бо́же спасе́ния моего́.

Припев: Свята́я равноапóстольная Мари́е, моли́ Бо́га о на́с.

Глаго́л твои́х ороше́ние и печа́ли вар отъя́т ученико́в, честна́я, я́коже возопи́ла еси́:
Христо́с воста́, живо́т яви́ся, я́сное облиста́ со́лнце.

Сла́ва Отцу́ и Сы́ну и Свято́му Ду́ху.

Се твоя́ светоза́рная па́мять возсия́, просвеща́ющи ве́рныя, в ней пою́щия тя,
и тьму отгоня́щи лука́вых бесо́в искуше́ния, досточу́дная.

И ны́не и при́сно и во ве́ки веко́в. Ами́нь.

Богородичен: Свяще́нства мы́сленное и неприкоснове́нное очисти́лище,
све́щник светови́ден яви́лася еси́, и мост к Бо́гу преводя́й,
испове́дающим Тя, Богоро́дицу, Пренепоро́чная.

Кондак, глас 3

Предстоя́щи, пресла́вная, у Креста́ Спа́сова со ины́ми мно́гими,
и Ма́тери Госпо́дни состра́ждущи, и сле́зы точа́щи,
сие́ в похвалу́ приноша́ше, глаго́лющи:
что́ сие́ есть стра́нное чу́до?
Содержа́й всю тварь пострада́ти изво́ли.
Сла́ва держа́ве Твое́й.

Икос

Влады́ка Христо́с и Царь созда́ния, не оста́вль Небеса́, сни́де, я́коже изво́ли,
и плоть тле́нную восприя́т во́лею.
Его́же ви́девши Ма́ти Непоро́чная, на Кресте́ пригвожда́ема,
с де́вами честны́ми предстоя́щи и Магдали́на Мари́я, пла́чущи.
Той бо, та́мо су́щей и тепле́йшую ве́ру показу́ющей при́сно, после́доваше Христу́
и гроб зря́ше, ожида́ющи и вопию́щи:
пострада́ти изво́лил еси́, сла́ва держа́ве Твое́й.

Песнь 7

Ирмос: О́троцы евре́йстии в пещи́
попра́ша пла́мень дерзнове́нно
и на ро́су огнь преложи́ша, вопию́ще:
благослове́н еси́, Го́споди Бо́же, во ве́ки.

Припев: Свята́я равноапóстольная Мари́е, моли́ Бо́га о на́с.

Неду́ги отгна́ла еси́ разли́чныя, споспешеству́ющаго тебе́ Сло́ва иму́щи,
Ему́же предстои́ши ны́не, вопию́щи, мироно́сице:
благослове́н еси́, Го́споди Бо́же, во ве́ки.

Сла́ва Отцу́ и Сы́ну и Свято́му Ду́ху.

Еди́на ви́дела еси́ пре́жде ине́х, живота́ на́шего Христа́ воста́вша,
вертогра́даря же Того́ непщева́ла еси́, вопию́щи:
благослове́н еси́, Го́споди Бо́же, во ве́ки.

И ны́не и при́сно и во ве́ки веко́в. Ами́нь.

Богородичен: Уста́вила еси́ тече́ние сме́ртное,
Безсме́ртнаго Бо́га я́ко заче́нши и ро́ждши, Чи́стая, Ему́же вси пои́м:
благослове́н еси́, Го́споди Бо́же, во ве́ки.

Песнь 8

Ирмос: Седмери́цею пещь
халде́йский мучи́тель
Богочести́вым неи́стовно разжже́,
си́лою же лу́чшею спасе́ны, сия́ ви́дев,
Творцу́ и Изба́вителю вопия́ше:
о́троцы, благослови́те,
свяще́нницы, воспо́йте,
лю́дие, превозноси́те во вся ве́ки.

Припев: Свята́я равноапóстольная Мари́е, моли́ Бо́га о на́с.

Све́тло яви́ся житие́ твое́, заря́ми облиста́, о Магдали́но!
Доброде́тельных дея́ний, Боже́ственнаго пропове́дания, е́же к Бо́жию манове́нию,
и луча́ми я́же к Зижди́телю любве́, Ему́же пое́ши со А́нгелы:
свяще́нницы, по́йте, лю́дие, превозноси́те Его́ во ве́ки.

Сла́ва Отцу́ и Сы́ну и Свято́му Ду́ху.

У Креста́ предстоя́ла еси́, зря́щи непра́ведное, сла́вная, заколе́ние
Себе́ излия́вшаго за неизрече́нную ми́лость,
и, стена́нии и слеза́ми облива́ема, что́ стра́нное,– вопия́ла еси́, Мари́е,– чу́до?
Ка́ко умерщвля́ется и умира́ет смерть умертви́вый, Живо́т сый естество́м?

И ны́не и при́сно и во ве́ки веко́в. Ами́нь.

Богородичен: Я́ко Бо́жию Ма́терь Тя единому́дренно сла́вим и тва́ри вы́шшую, Чи́стая,
о Тебе́ бо осужде́ние, е́же от Ада́ма, потреби́ся
и отсту́пльшее присво́ися челове́ков существо́, пою́щее:
свяще́нницы, благослови́те, лю́дие, превозносите Его́ во ве́ки.

Песнь 9

Ирмос: Ужасе́ся о сем Не́бо,
и земли́ удиви́шася концы́,
я́ко Бог яви́ся челове́ком пло́тски
и чре́во Твое́ бысть простра́ннейшее Небе́с.
Тем Тя, Богоро́дицу,
А́нгелов и челове́к чинонача́лия велича́ют.

Припев: Свята́я равноапóстольная Мари́е, моли́ Бо́га о на́с.

К Боже́ственней преложи́лася еси́ ны́не ра́дости, к ра́йстей широте́ простра́нней,
к мы́сленным и преми́рным оби́телем, иде́же преподо́бных чи́нове,
иде́же есть глас чист све́тло пра́зднующих, Мари́е Богоно́сная.
Те́мже тя вси ублажа́ем.

Припев: Свята́я равноапóстольная Мари́е, моли́ Бо́га о на́с.

Ничто́же предпочла́ еси́ су́щих на земли́ па́че любве́ Христа́ Бо́га,
но Того́ еди́наго снеда́ема добро́тами
и непосре́дственно, всечестна́я, посыла́емыми луча́ми, стопа́м Сего́, вопия́ла еси́, после́дующи:
Тя велича́ю, Многоми́лостиве.

Сла́ва Отцу́ и Сы́ну и Свято́му Ду́ху.

Обоже́ние получи́вши боготво́рное, и пото́ка напи́вшися благода́ти,
и мзды боле́зней прие́мши богонача́льно,
и апо́стольским чино́м счета́ема, Магдали́но, учени́ца Сло́ва,
любо́вию чту́щия тя твои́ми моли́твами сохрани́.

И ны́не и при́сно и во ве́ки веко́в. Ами́нь.

Богородичен: Я́ко Ма́ти пострада́вшаго за ны, душетле́нных страсте́й мя изба́ви;
я́ко Ми́лостива, разреши́ согреше́ний мои́х плени́цы;
я́ко Блага́, ублажи́ ны́не озло́бленную мою́ ду́шу бесо́вскими искуше́нии, Де́во Богоро́дице,
да пою́ Тя, Всепе́тую.

Светилен

Со́лнце незаходи́мое, отрокови́це, е́же от Отца́ пре́жде век возсия́вшее,
во гро́бе евре́йский сонм запеча́та,
но воскре́сшаго ви́дела еси́ пе́рвее, Мари́е,
и ученико́м возвести́ла еси́.

Акафист святой равноапостольной Марии Магдалине

Кондак 1

Избра́нная Го́сподем к равноапо́стольному служе́нию, свята́я Мари́е Магдали́но, возлю́бленному ти Христу́ после́довала еси́; те́мже пе́сньми с любо́вию восхваля́ем тя: ты же, я́ко иму́щая дерзнове́ние ве́лие ко Го́споду, от вся́ких нас бед моли́твами твои́ми изба́ви, да с ра́достию зове́м ти: Ра́дуйся, свята́я Мари́е Магдали́но, Сладча́йшаго Го́спода Иису́са возлюби́вшая.

Икос 1

А́нгелов Творе́ц и Госпо́дь сил, предуве́девый благо́е произволе́ние твое́, свята́я мироно́сице, от гра́да Магдалы́ избра́ тя, свободи́в от диа́вольския се́ти; ты же по сих ве́рная служи́тельница Го́сподеви яви́лася еси́, ревну́ющи о прославле́нии Его́ житие́м и служе́нием. Мы же, чудя́щеся таково́му о тебе́ Бо́жию смотре́нию, во умиле́нии серде́ц зове́м ти:

Ра́дуйся, Сы́ном Бо́жиим из тьмы диа́вольския в чу́дный свет Его́ призва́нная;

ра́дуйся, ми́ру всему́ провозве́стницею си́лы Бо́жия я́вльшаяся.

Ра́дуйся, душе́ю твое́ю благода́тно обнови́вшаяся;

ра́дуйся, си́лу вра́жию до́бре победи́вшая.

Ра́дуйся, благода́тию Христо́вою те́лом и ду́хом до конца́ чи́ста пребы́вшая.

ра́дуйся, с чистото́ю се́рдца и нищету́ духо́вную до конца́ сохрани́вшая.

Ра́дуйся, кре́пкою ве́рою и те́плою любо́вию ко Христу́ Бо́гу просия́вшая;

ра́дуйся, ве́рно Тому́ да́же до сме́рти послужи́вшая.

Ра́дуйся, пе́рвее всех воскре́сшаго Христа́ узре́ти сподо́бившаяся;

ра́дуйся, а́нгельскою бе́седою почте́нная.

Ра́дуйся, про́поведь Ева́нгелия в сокро́вище се́рдца своего́ вмести́вшая;

ра́дуйся, про́поведь Воскресе́ния Апо́столом возвести́вшая.

Ра́дуйся, свята́я Мари́е Магдали́но, Сладча́йшаго Го́спода Иису́са возлюби́вшая.

Кондак 2

Ви́дящи свята́я Мари́я себе́ от седми́ лю́тых бесо́в изба́влену, всем се́рдцем Победи́телю а́да Христу́ Бо́гу прилепи́ся, вся лю́ди науча́ющи не усты́ то́кмо, но и всем житие́м Бо́гу служи́ти, вопию́щи Тому́: Аллилу́иа.

Икос 2

Ра́зум челове́ческий недоумева́ет, помышля́я, из каковы́я беды́ на высоту́ ангелоподо́бнаго жития́ благода́тию Христо́вою возшла́ еси́, достохва́льная Мари́е Магдали́но. Те́мже и мы, до́брую тя предста́тельницу иму́ще, мо́лимся тебе́ те́пле: изба́ви и нас от бе́здны грехо́вныя, да любо́вию вопие́м ти такова́я:

Ра́дуйся, лю́таго де́монскаго ра́бства избе́гшая;

ра́дуйся, лесть лука́вых бесо́в я́ве обличи́вшая.

Ра́дуйся, в напа́сти вра́жией ко Христу́ Бо́гу прибега́ти всех научи́вшая;

ра́дуйся, грехми́ обремене́нныя не отча́яватися побужда́ющая.

Ра́дуйся, ко свя́тости всем гре́шником путь показа́вшая;

ра́дуйся, всемо́щную си́лу благо́дати Христо́вы позна́вшая.

Ра́дуйся, досто́йнаго Бо́гу благодаре́ния до́брая наста́внице;

ра́дуйся, и́стиннаго богохвале́ния ве́рная учи́тельнице.

Ра́дуйся, в житии́ твое́м пра́вый путь земна́го тече́ния нам показа́вшая;

ра́дуйся, ду́ши на́ша от ле́сти сатани́нския защища́ющая.

Ра́дуйся, всем гре́шником пред Бо́гом блага́я засту́пнице;

ра́дуйся, во вся́кой ско́рби те́плая ко Христу́ на́ша хода́таице.

Ра́дуйся, свята́я Мари́е Магдали́но, Сладча́йшаго Го́спода Иису́са возлюби́вшая.

Кондак 3

Си́лою боже́ственныя благода́ти, ку́пно же и свои́м благи́м произволе́нием, оста́вила еси́ дом отца́ твоего́, я́коже дре́вле Авраа́м, и ра́достно после́довала еси́ Христу́ Бо́гу; те́мже мо́лим тя, учени́це Христо́ва, сла́вная Мари́е, моли́твами твои́ми и на́ша сердца́ просвети́ любо́вию к Бо́гу, да и ны́не и при́сно взыва́ем Тому́: Аллилу́иа.

Икос 3

Иму́щи богодарова́нную ти прему́дрости си́лу, му́жески отве́ргла еси́, Мари́е Магдали́но, кра́сная сего́ ми́ра и, я́ко учени́ца до́брая, премно́гим милосе́рдием обнища́вшему за ны Сло́ву и́стинно послужи́ла еси́. Сего́ ра́ди и мы со умиле́нием глаго́лем ти:

Ра́дуйся, до́брая Христо́ва учени́це;

ра́дуйся, и́стинныя любве́ к Бо́гу наста́внице.

Ра́дуйся, суету́ ми́ра сего́ до́бре позна́вшая;

ра́дуйся, собла́зны его́ му́жески отве́ргшая.

Ра́дуйся, кра́сная ми́ра сего́ ни во что́же вмени́вшая;

ра́дуйся, тем блаже́нства ве́чнаго дости́гшая.

Ра́дуйся, для дел милосе́рдия из до́му земна́го изше́дшая;

ра́дуйся, Христо́во милосе́рдие зде и на небеси́ обре́тшая.

Ра́дуйся, чи́ну и́ноческому до́брый путь жития́ предпоказа́вшая;

ра́дуйся, всех ко Христу́ Бо́гу путево́дствующая.

Ра́дуйся, му́драя а́гнице, от злых во́лков к до́брому па́стырю Христу́ прибе́гшая;

ра́дуйся, во двор слове́сных ове́ц Его́ вше́дшая.

Ра́дуйся, свята́я Мари́е Магдали́но, Сладча́йшаго Го́спода Иису́са возлюби́вшая.

Кондак 4

Бу́ря бесо́вския я́рости превели́кою си́лою устреми́ся на храм души́ твоея́, свята́я Мари́е, но того́ испрове́ргнути не возмо́же: обрела́ бо еси́ спасе́ние на тве́рдем ве́ры Христо́вы ка́мени, на не́мже ты, му́драя же́но, недви́жимо стоя́щи, учи́ши всех Всеблаго́му Бо́гу воспева́ти песнь: Аллилу́иа.

Икос 4

Слы́шаще, богому́драя Мари́е, я́ко в после́довании Христу́ обрела́ еси́ и́стинное весе́лие се́рдца, пра́вду, мир и ра́дость о Ду́се Свя́те, тщи́мся и мы яви́тися в ли́це прича́стник Ца́рства Бо́жия. Тебе́ же, я́ко прича́стнице того́ су́щей и путь нам к нему́ показа́вшей, рцем вси такова́я:

Ра́дуйся, небе́сную Иису́сову сла́дость позна́вшая;

ра́дуйся, ра́йския сне́ди непреста́нно вкуша́ющая.

Ра́дуйся, жизнь и́стинную во Христе́ обре́тшая;

ра́дуйся, то́яжде о́браз и нам ве́рно показа́вшая.

Ра́дуйся, огнь любве́ к Бо́гу в се́рдце твое́м возже́гшая;

ра́дуйся, в ра́дости небе́сней ны́не при́сно живу́щая.

Ра́дуйся, Христо́м Бо́гом возлю́бленная;

ра́дуйся, Ду́ха Свята́го пречестно́е жили́ще.

Ра́дуйся, в беда́х на́ших помо́щнице;

ра́дуйся, приле́жная о нас к Бо́гу моли́твеннице.

Ра́дуйся, Бо́га Сло́ва всеусе́рдная учени́це;

ра́дуйся, на́ша блага́я и кро́ткая учи́тельнице.

Ра́дуйся, свята́я Мари́е Магдали́но, Сладча́йшаго Го́спода Иису́са возлюби́вшая.

Кондак 5

Боготе́чная звезда́, спу́тствующи Христу́, сла́вная Мари́е, посреде́ мироно́сиц яви́лася еси́. С ни́миже ны́не вы́ну предстоя́щи Святе́й Тро́ице, и нас моли́твами твои́ми к свяще́нному тех ли́ку совокупи́, путь те́мный жития́ на́шего све́том твои́м озаря́ющи, да ра́достно возопие́м Бо́гу: Аллилу́иа.

Икос 5

Ви́дящи, свята́я Мари́е, Христа́ Бо́га на Кресте́ ви́сяща, ди́вное му́жество показа́ла еси́: мно́зи бо от учени́к Учи́теля своего́ оста́виша; ты же, непреста́нными Боже́ственными уче́ньми ду́шу и мысль разже́гши, не́мощь естества́ же́нскаго превозмогла́ еси́ и та́ко причасти́лася еси́ спаси́тельней Хри́стовой стра́сти. Сего́ ра́ди мы, сице́вое твое́ до́блественное му́жество зря́ще, прино́сим ти похвалы́:

Ра́дуйся, Христу́ Бо́гу, на Кресте́ ви́сящу, сострада́вшая;

ра́дуйся, явле́нием Его́ по Воскресе́нии обра́дованная.

Ра́дуйся, непоколеби́мыя любве́ ко Христу́ нам путь показа́вшая;

ра́дуйся, сицево́ю любо́вию в предста́тельстве о нас к Бо́гу дерзнове́ние ве́лие обре́тшая.

Ра́дуйся, я́ко тебе́ та́йная прему́дрости Своея́ Бог яви́л есть;

ра́дуйся, я́ко тебе́ и́стинному богосло́вию Сам Бог Сло́во научи́л есть.

Ра́дуйся, жена́м добро́то и похвале́ние;

ра́дуйся, па́че си́льных муже́й крепча́йшая.

Ра́дуйся, му́дрых жен красото́ и удобре́ние;

ра́дуйся, мудрецо́в ми́ра сего́ мудре́йшая.

Ра́дуйся, от бесо́в стужа́емым кре́пкое прибе́жище;

ра́дуйся, христиа́н всех до́брое ра́дование.

Ра́дуйся, свята́я Мари́е Магдали́но, Сладча́йшаго Го́спода Иису́са возлюби́вшая.

Кондак 6

Благода́тию Твое́ю не́мощная врачу́еши и некре́пкия сосу́ды тве́рды соде́ловаеши, Христе́ Царю́: мироно́сицы бо жены́ у Креста́ Твоего́ му́жески предстоя́т и благода́ть кре́стную всем небоя́зненно возвеща́ют; ли́цы же му́дрых жен, лико́м А́нгельским уподо́битися тща́щеся, бо́дренно вы́ну взыва́ют Тро́ице Святе́й: Аллилу́иа.

Икос 6

Взыску́ющи озари́тися све́том и́стиннаго богоразу́мия, егда́ Бо́га на Кресте́ ви́сяща ви́дела еси́, глаго́лала еси́ слезя́щи, ди́вная Мари́е: «Ка́ко Жизнь смерть во́льную ны́не прие́млет?» Мы же, сла́вное просвеще́ние твое́ благода́тию Свята́го Ду́ха ве́дуще, пое́м ти сицева́я:

Ра́дуйся, Христа́ ра́спята от глубины́ души́ опла́кавшая;

ра́дуйся, весе́лие ве́чное в селе́ниих небе́сных обре́тшая.

Ра́дуйся, нам о́браз до́браго пла́ча показа́вшая.

ра́дуйся, я́ко ты еси́ на́ше непреста́нное ра́дование.

Ра́дуйся, я́ко Христо́вым Страсте́м на земли́ о́бщница явля́ешися;

ра́дуйся, я́ко с Ним о Нем на небеси́ прославля́ешися.

Ра́дуйся, враго́в безпло́тных кре́пкая победи́тельнице;

радуйся, и́стинная лозо́ виногра́да Христо́ва.

Ра́дуйся, всех скорбя́щих утеше́ние нело́жное;

ра́дуйся, во всех ско́рбех на́ших ско́рая помо́щнице.

Ра́дуйся, я́ко всем христиа́ном воспомина́ние твое́ пресла́дко;

ра́дуйся, я́ко всей Це́ркви Христо́вой и́мя твое́ прече́стно.

Ра́дуйся, свята́я Мари́е Магдали́но, Сладча́йшаго Го́спода Иису́са возлюби́вшая.

Кондак 7

Хотя́щи уразуме́ти Креста́ всепобеди́тельную си́лу, до конца́ Христо́вой Стра́сти предстоя́ла еси́ у Креста́ Спа́сова со ины́ми жена́ми, пресла́вная Мари́е, Ма́тери же Госпо́дни боле́зненно состра́ждущи, та́ко недоуме́нно вопия́ла еси́: «Что сие́ есть стра́нное чу́до? Содержа́й всю тварь пострада́ти изво́ли». Мы же на Живоно́сный Крест во́лею Возне́сшемуся любо́вию возглашае́м: Аллилу́иа.

Икос 7

Ди́вная жена́ яви́лася еси́, блаже́нная Мари́е, любо́вию твое́ю ко Христу́ Бо́гу: ту́ю бо го́рестными изъявля́я рыда́ньми, ко Сня́тому со Креста́ припа́дающи, слеза́ми пречи́стыя я́звы Его́ омы́ла еси. Еще́ же благообра́зному Ио́сифу и правдолюби́вому Никоди́му после́дующи, ко гро́бу Спа́сову со ины́ми святы́ми жена́ми текла́ еси́, о́во пла́чущи, о́во пла́чущую неуте́шно Ма́терь Его́ Пренепоро́чную, Е́йже ду́шу лю́тое ору́жие про́йде, утеша́ющи. Мы же, такову́ю твою́ до́блесть ве́дуще, смире́нно взыва́ем ти:

Ра́дуйся, пречи́стыя я́звы Христо́вы слеза́ми омы́вшая;

ра́дуйся, Ма́тери То́го Пренепоро́чней на Голго́фе состра́давшая.

Ра́дуйся, Христа́ да́же до гро́ба не оста́вившая;

ра́дуйся, во гроб полага́вшуюся Жизнь недоуме́нно зре́вшая.

Ра́дуйся, слеза́м покая́ния на́ша до́брая учи́тельнице;

ра́дуйся, те́ми слеза́ми грехо́вныя скве́рны омыва́ти нас наставля́ющая.

Ра́дуйся, те́ми же се́рдце на́ше окамене́нное умягча́ти побужда́ющая;

ра́дуйся, па́мятовати вы́ну Стра́сти Христо́вы нас науча́ющая.

Ра́дуйся, сла́вная Мари́е, ве́рная на́ша хода́таице;

ра́дуйся, до́брая слуго́ Христо́ва.

Ра́дуйся, Го́сподеви, а не челове́ком угожда́вшая;

ра́дуйся, о́браз и́стинныя му́дрости нам показа́вшая.

Ра́дуйся, свята́я Мари́е Магдали́но, Сладча́йшаго Го́спода Иису́са возлюби́вшая.

Кондак 8

Стра́нно, богому́драя Мари́е, яви́ся тебе́ погребе́ние всем жизнь подаю́щаго Жизнода́вца: Того́ любо́вию уязвля́ема, еще́ су́щей тьме, ко гро́бу Его́ принесла́ еси́ ми́ро и сле́зныя проли́ла еси́, я́ко арома́ты. Те́мже и пребыва́еши ны́не во благово́нных рая́ селе́ниих, со А́нгельскими ли́ки взыва́ющи вы́ну Бо́гу: Аллилу́иа.

Икос 8

Весь сла́дость, весь ра́дость, весь жизнь тебе́ бысть Иису́с, свята́я Мари́е: Того́ ра́ди, ви́девши ка́мень взят от гро́ба, Сего́ же не обре́тши, рыда́ющи текла́ еси́ к живо́му ве́ры ка́меню Си́мону и друго́му, его́же любля́ше Иису́с, ученику́, боле́зненно глаго́лющи и́ма: «Взя́ша Го́спода от гро́ба, и не вем, где положи́ша Его́». Ны́не же ты, свободи́вшися от ско́рби тоя́, со Христо́м ве́чно ра́дуешися на небеси́. Мы же земни́и в такову́ю ра́дость моли́твами твои́ми вни́ти ча́юще, со умиле́нием вопие́м ти та́ко:

Ра́дуйся, сия́нием любве́ твоея́ ко Христу́ тьму нощну́ю победи́вшая;

ра́дуйся, о на́шем поми́ловании Того́ усе́рдно прося́щая.

Ра́дуйся, нището́ю духо́вною Ца́рство Небе́сное стяжа́вшая;

ра́дуйся, све́том ве́чным на небеси́ осия́нная.

Ра́дуйся, я́ко по ско́рби о Страсте́х Христо́вых обрела́ еси́ оби́льное утеше́ние;

ра́дуйся, же́но кро́ткая, насле́днице земли́ небе́снаго рая́.

Ра́дуйся, алка́вшая и жа́ждавшая пра́вды Христо́вы, трапе́зы небе́сныя ны́не насыща́ющаяся;

ра́дуйся, ми́лостивая, ми́лость Влады́ки обре́тшая.

Ра́дуйся, ты бо ны́не, я́ко чи́стая се́рдцем, Бо́га лице́м к лицу́ зри́ши;

ра́дуйся, я́ко сподо́билася еси́ пе́рвее всех ви́дети Воскресе́ние Христа́, ве́чнаго Ми́ра.

Ра́дуйся, изгна́нная пра́вды ра́ди Христо́вы, я́ко твое́ есть Ца́рство Бо́жие;

ра́дуйся, приобре́тшая ве́чное весе́лие и мзду мно́гу на небесе́х.

Ра́дуйся, свята́я Мари́е Магдали́но, Сладча́йшаго Го́спода Иису́са возлюби́вшая.

Кондак 9

Всяк чин А́нгельский удиви́ся вели́кой та́йне сла́внаго Воскре́сения Твоего́, Христе́ Царю́, ад же притре́петен бысть, ви́дев, я́ко снизше́л еси́ в преиспо́дняя земли́ и сокруши́л еси́ вереи́ ве́чныя, содержа́щия свя́занныя, Христе́. Мы же ра́дости жен мироно́сиц сора́дующеся, с весе́лием глаго́лем Ти: Аллилу́иа.

Икос 9

Вети́й многовеща́нных язы́цы не довле́ют досто́йно изрещи́ вели́кую скорбь твою́, сла́вная Мари́е, егда́ стоя́ла еси́ вне гро́ба пла́чущи. Кто бо возмо́жет рещи́ боле́знь души́ твоея́, егда́ не обрела́ еси́ во гро́бе па́че жи́зни своея́ возлю́бленнаго ти Го́спода? Приско́рбное се́рдце твое́ не возмо́же внима́ти утеше́нию А́нгелов све́тлых. Сицеву́ю скорбь твою́ со умиле́нием воспомина́юще, воспева́ем ти такова́я:

Ра́дуйся, ви́дети Христа́ Иису́са в пеще́ру прини́кшая;

ра́дуйся, ны́не Того́ на Престо́ле сла́вы седя́ща зря́щая.

Ра́дуйся, преукраше́нный храм Ду́ха Всесвята́го я́вльшаяся;

ра́дуйся, све́тлых небожи́телей еще́ су́щи на земли́ узре́вшая.

Ра́дуйся, от тех глас ра́дости Воскресе́ния Христо́ва прии́мшая;

ра́дуйся, я́ко ты с ни́ми ны́не при́сно ра́дуешися.

Ра́дуйся, во благоуха́ющую ми́ра Христо́ва воню́ сла́дце прите́кшая;

ра́дуйся, любо́вию ми́ро Христу́ прине́сшая.

Ра́дуйся, отве́ргшая ра́достей ми́ра грехо́внаго го́речь;

ра́дуйся, от Ча́ши Христо́вы поче́рпшая сла́дость.

Ра́дуйся, до́брая ле́торасле са́да Иису́сова;

ра́дуйся, благопло́дная лозо́ вертогра́да Бо́жия.

Ра́дуйся, свята́я Мари́е Магдали́но, Сладча́йшаго Го́спода Иису́са возлюби́вшая.

Кондак 10

Спасти́ хотя́ мир, во гроб снизше́л еси́, Безсме́ртне, а́дову разруши́л еси́ си́лу и воскре́сл еси́, я́ко Победи́тель, Христе́ Боже́, жена́м мироно́сицам веща́вый: «Ра́дуйтеся». С ни́миже и мы ны́не песнь ра́дости прино́сим Ти: Аллилу́иа.

Икос 10

Стены́ ка́менныя тве́рдее бысть любо́вь твоя́ к возлю́бльшему тя Христу́, мироно́сице сла́вная Магдали́но Мари́е: те́мже ви́дела еси́ пре́жде ине́х Живота́ на́шего, из гро́ба возста́вша; вертогра́даря же Того́ непщева́ла еси́ бы́ти и вопия́ла еси́ Тому́, забы́вши естества́ не́мощь: «А́ще Ты еси́ взял Его́, пове́ждь ми, где еси́ положи́л Его́, и аз возму́ Его́», но сла́достный Того́ глас показа́ ти Учи́теля, нас же глаша́ти научи́ тебе́ си́це:

Ра́дуйся, и́стиннаго Вертогра́даря воскре́сша пе́рвее ине́х узре́вшая;

ра́дуйся, в вертогра́де небе́снем водвори́вшаяся.

Ра́дуйся, гро́здием Бо́жия благода́ти ны́не непреста́нно пита́ющаяся;

ра́дуйся, вино́м ра́йских ра́достей веселя́щаяся.

Ра́дуйся, я́ко твоя́ любо́вь к Бо́гу не́мощь естества́ победи́ла есть;

ра́дуйся, я́ко та́я и нас ре́вности Бо́жией научи́ла есть.

Ра́дуйся, из уст Христо́вых веща́ние Воскресе́ния пе́рвее прии́мшая;

ра́дуйся, Апо́столом глаго́лы ра́дости пе́рвее возвести́вшая.

Ра́дуйся, ве́чную ра́дость на небеси́ обре́тшая;

ра́дуйся, я́ко ты и нас к той ра́дости тобо́ю зове́ши.

Ра́дуйся, я́ко о сем о нас к Бо́гу непреста́нно хода́тайствуеши;

ра́дуйся, я́ко Тому́ моли́твы о нас те́пле прино́сиши.

Ра́дуйся, свята́я Мари́е Магдали́но, Сладча́йшаго Го́спода Иису́са возлюби́вшая.

Кондак 11

Ни еди́но же сло́во довле́ет воспе́ти по достоя́нию боже́ственную ра́дость Воскресе́ния Христо́ва, ю́же со ины́ми жена́ми, сла́вная Мари́е, Апо́столом возвести́ в сей нарече́нный и святы́й день, пра́здников пра́здник и торжество́ из торже́ств. Те́мже, пред вели́чием неизрече́нных щедро́т Твои́х, Христе́ Царю́, на нас бы́вших, преклоня́ющеся, со смире́нием и любо́вию зове́м Ти: Аллилу́иа.

Икос 11

Светоза́рная звезда́ грехо́вному ми́ру яви́лася еси́, Магдали́но Мари́е, егда́ по сла́внем Спа́сове вознесе́нии, гра́ды и ве́си преходя́щи и сло́во Ева́нгелия всю́ду возвеща́ющи, мно́ги подклони́ла еси́ под благо́е и́го Христо́во. Дости́гши же да́же до дре́вняго Ри́ма, му́жески Тиве́рию ке́сарю предста́ла еси́ и тому́ му́дрыми словесы́ живоно́сную си́лу Христа́ уя́снила еси́, лука́ваго же Пила́та и безбо́жнаго архиере́я обличи́ла еси́. Таково́му по́двигу апо́стольства твоего́ дивя́щеся, ра́достно вопие́м ти си́це:

Ра́дуйся, Христо́ва уче́ния сла́вная благовести́тельнице;

ра́дуйся, язы́ческия тьмы светоза́рная прогони́тельнице.

Ра́дуйся, гне́ва ке́сарева не убоя́вшаяся;

ра́дуйся, зло́бу и кова́рство враго́в Христо́вых тому́ показа́вшая.

Ра́дуйся, помраче́ние язы́ческое дерзнове́нно обличи́вшая;

ра́дуйся, грехо́вныя у́зы мно́гих челове́к разреши́вшая.

Ра́дуйся, за́поведи Христо́вы до́бре уразуме́вшая;

ра́дуйся, тем ве́рно после́довавшая.

Ра́дуйся, о́браз тве́рдаго стоя́ния за пра́вду Христо́ву нам показа́вшая;

ра́дуйся, Христо́вей му́дрости всех научи́вшая.

Ра́дуйся, мно́гия лю́ди из тьмы неве́дения в чу́дный Христа́ свет приве́дшая;

ра́дуйся, спасе́ние душ гре́шников па́че своея́ жи́зни возлюби́вшая.

Ра́дуйся, свята́я Мари́е Магдали́но, Сладча́йшаго Го́спода Иису́са возлюби́вшая.

Кондак 12

Благода́ти от Бо́га изоби́льно испо́лненная, мно́жество душ ко Христу́ привела́ еси́, сла́вная Мари́е: по сем же пришла́ еси́ во Ефе́с, иде́же апо́стольски любо́вию со Апо́столом любве́ спасе́нию челове́к послужи́вши, блаже́нным успе́нием ко Го́споду преста́вилася еси́, Ему́же ны́не с многочи́сленными небе́сными певцы́ непреста́нно пое́ши: Аллилу́иа.

Икос 12

Пою́ще твое́ достохва́льное житие́ на земли́ и сла́ву, я́же на небеси́, ра́достно сла́вим, пое́м и велича́ем ди́внаго во святы́х Свои́х Царя́ Небе́снаго: зане́ не то́кмо сама́ ты, свята́я Мари́е, Того́ благода́тию, в селе́ниих пра́ведных ны́не лику́еши, но и нас весели́ши на земли́, оста́вивши нам многоце́нныя мо́щи твоя́, я́же му́дрый Лев царь из Ефе́са в Константи́нь град пренести́ повеле́. Ты́я, источа́ющия благода́ть неоску́дную всем любо́вию притека́ющим, мы ве́рою и любо́вию лобыза́юще, уми́льно воспева́ем ти такова́я:

Ра́дуйся, на земли́ любо́вию ко Христу́ горе́вшая;

ра́дуйся, на небеси́ в ра́йския оби́тели Того́ всели́вшаяся.

Ра́дуйся, ве́рным тве́рдое заступле́ние;

ра́дуйся, исто́чник исцеле́ний неоску́дный.

Ра́дуйся, благово́нное ми́ро, Це́рковь благоуха́ющее;

ра́дуйся, сокро́вище Бо́жией благода́ти неиждива́емое.

Ра́дуйся, кади́льнице злата́я, фимиа́м моли́твы о нас к Бо́гу непреста́нно принося́щая;

ра́дуйся, я́ко ты и нам прия́ти ра́дость, благода́ть же и сла́ву непреста́нно хода́тайствуеши.

Ра́дуйся, А́нгельских лико́в ве́рная соуча́стнице;

ра́дуйся, небе́сных черто́гов сла́вная жи́тельнице.

Ра́дуйся, я́ко мзда твоя́ мно́га есть на небесе́х;

ра́дуйся, я́ко ра́дость твоя́ ве́чна есть во оби́телех святы́х.

Ра́дуйся, свята́я Мари́е Магдали́но, Сладча́йшаго Го́спода Иису́са возлюби́вшая.

Кондак 13

О пречу́дное и преди́вное жен украше́ние, всем же христиа́ном похвала́ и ра́дование, Апо́столом ра́вная я́вльшаяся, мироно́сице сла́вная Магдали́но Мари́е! Ны́нешнее на́ше моле́ние прие́мши, от вся́ких нас бед и ско́рбей душе́вных и теле́сных и от враг ви́димых и неви́димых, на нас находя́щих, изба́ви и к Ца́рствию Небе́сному хода́тайством твои́м напра́ви всех, со умиле́нием и любо́вию пою́щих о тебе́ Бо́гу: Аллилу́иа.

[Се́й конда́к глаго́лется три́жды.]

Икос 1

А́нгелов Творе́ц и Госпо́дь сил, предуве́девый благо́е произволе́ние твое́, свята́я мироно́сице, от гра́да Магдалы́ избра́ тя, свободи́в от диа́вольския се́ти; ты же по сих ве́рная служи́тельница Го́сподеви яви́лася еси́, ревну́ющи о прославле́нии Его́ житие́м и служе́нием. Мы же, чудя́щеся таково́му о тебе́ Бо́жию смотре́нию, во умиле́нии серде́ц зове́м ти:

Ра́дуйся, Сы́ном Бо́жиим из тьмы диа́вольския в чу́дный свет Его́ призва́нная;

ра́дуйся, ми́ру всему́ провозве́стницею си́лы Бо́жия я́вльшаяся.

Ра́дуйся, душе́ю твое́ю благода́тно обнови́вшаяся;

ра́дуйся, си́лу вра́жию до́бре победи́вшая.

Ра́дуйся, благода́тию Христо́вою те́лом и ду́хом до конца́ чи́ста пребы́вшая.

ра́дуйся, с чистото́ю се́рдца и нищету́ духо́вную до конца́ сохрани́вшая.

Ра́дуйся, кре́пкою ве́рою и те́плою любо́вию ко Христу́ Бо́гу просия́вшая;

ра́дуйся, ве́рно Тому́ да́же до сме́рти послужи́вшая.

Ра́дуйся, пе́рвее всех воскре́сшаго Христа́ узре́ти сподо́бившаяся;

ра́дуйся, а́нгельскою бе́седою почте́нная.

Ра́дуйся, про́поведь Ева́нгелия в сокро́вище се́рдца своего́ вмести́вшая;

ра́дуйся, про́поведь Воскресе́ния Апо́столом возвести́вшая.

Ра́дуйся, свята́я Мари́е Магдали́но, Сладча́йшаго Го́спода Иису́са возлюби́вшая.

Кондак 1

Избра́нная Го́сподем к равноапо́стольному служе́нию, свята́я Мари́е Магдали́но, возлю́бленному ти Христу́ после́довала еси́; те́мже пе́сньми с любо́вию восхваля́ем тя: ты же, я́ко иму́щая дерзнове́ние ве́лие ко Го́споду, от вся́ких нас бед моли́твами твои́ми изба́ви, да с ра́достию зове́м ти: Ра́дуйся, свята́я Мари́е Магдали́но, Сладча́йшаго Го́спода Иису́са возлюби́вшая.

Молитва

О свята́я мироно́сице и всехва́льная равноапо́стольная Христо́ва учени́це Магдали́но Мари́е! К тебе́, я́ко ве́рней и мо́щней о нас пред Бо́гом хода́таице, гре́шнии и недосто́йнии ны́не усе́рдно прибега́ем и в сокруше́нии серде́ц на́ших мо́лимся. Ты в житии́ свое́м стра́шныя ко́зни бесо́вския испыта́ла еси́, но благода́тию Христо́вою я́вно тех свободи́лася еси́; и нас моли́твами твои́ми от се́ти бесо́вския изба́ви, да всегда́ во всем житии́ на́шем де́лом, сло́вом, мы́слию и та́йными помышле́ниями серде́ц на́ших ве́рно послу́жим Еди́ному Свято́му Влады́це Бо́гу, я́коже Тому́ обеща́лися есмы́. Ты па́че всех благ земны́х Сладча́йшаго Го́спода Иису́са возлюби́ла еси́ и Тому́ чрез все житие́ до́бре после́довала еси́, Боже́ственными уче́нии Его́ и благода́тию не то́кмо свою́ ду́шу пита́ющи, но и мно́жество люде́й от тьмы язы́ческия ко Христа́ чу́дному све́ту приводя́щи. Сия́ у́бо ве́дуще про́сим тя: испроси́ нам у Христа́ Бо́га благода́ть просвеща́ющую и освяща́ющую, да, е́ю осеня́еми, в ве́ре и благоче́стии, в по́двизех любве́ и самоотверже́ния преуспева́ти бу́дем, да неле́ностно тщи́мся служи́ти бли́жним в их ну́ждех духо́вных и теле́сных, твоего́ человеколю́бия о́браз па́мятующе. Ты, свята́я Мари́е, бо́дренно благода́тию Бо́жиею житие́ на земли́ прете́кши, во оби́тели небе́сныя ра́дуяся отшла́ еси́; моли́ у́бо Христа́ Спа́са, да моли́твами твои́ми сподо́бит нас непреткнове́нно соверши́ти стра́нствие на́ше в сей юдо́ли пла́ча, в ми́ре и покая́нии сконча́ти живо́т наш, да та́ко во свя́тости на земли́ пожи́вше, ве́чныя блаже́нныя жи́зни на небеси́ сподо́бимся и та́мо с тобо́ю и все́ми святы́ми вку́пе восхва́лим Тро́ицу Неразде́льную и воспои́м Еди́но Божество́, Отца́ и Сы́на и Ду́ха Всесвята́го во ве́ки веко́в. Ами́нь.

Молитва иная

О свята́я мироно́сице, равноапо́стольная Магдали́но Мари́е! Ты те́плою любо́вию твое́ю ко Христу́ Бо́гу злы́я ко́зни вра́жия попра́ла еси́, и безце́нный би́сер Христа́ обре́тши, Ца́рства Небе́снаго дости́гла еси́. Сего́ ра́ди к тебе́ припа́даю умиле́нною душе́ю, и сокруше́нным се́рдцем вопию́ ти: при́зри с высоты́ небе́сныя на мя, грехо́вными искуше́ньми бори́маго: виждь, коль мно́гими грехи́ и беда́ми на всяк день враг мя запина́ет, поги́бели моея́ иски́й. Те́мже, о сла́вная и всехва́льная учени́це Христо́ва Мари́е, умоли́ возлю́бленнаго тобо́ю и возлюби́вшаго тя Христа́ Бо́га, да пода́ст ми оставле́ние мно́гих мои́х прегреше́ний, да укрепи́т мя благода́тию Свое́ю тре́звенно и бо́дренно ше́ствовати путе́м святы́х Его́ за́поведей и храм Ду́ха Свята́го мя да соде́лает: да та́ко многотру́дное житие́ мое́ на земли́ сконча́в, во све́тлыя и блаже́нныя оби́тели рая́ небе́снаго всели́тися сподо́блюся, иде́же ты со все́ми святы́ми ра́достно славосло́виши Единосу́щную Тро́ицу, Отца́ и Сы́на и Ду́ха Всесвята́го, во ве́ки веко́в. Ами́нь.