Мученица Христи́на Тирская

Мц. Христина Тирская (III в.) ‒ дочь правителя города Тира, с детства посвящённая в языческие жрицы. Через созерцание природы пришла к вере в Единого Бога. После явления Ангела, разбила идолов в своём храме. Подверглась жестоким мучениям от собственного отца: бичеванию, пытке на раскалённом колесе, утоплению в море (но была спасена Ангелом). Новые правители Дион и Юлиан продолжали истязания ‒ бросали в темницу, раскалённую печь (где провела 5 дней невредимой). Обратила ко Христу около 3000 человек. Приняла мученическую кончину от меча.

Житие мученицы Христины Тирской

Мученица Христина жила в III веке. Она родилась в богатой семье. Отец ее Урван был правителем города Тира. В возрасте 11 лет девочка отличалась необыкновенной красотой, и многие хотели жениться на ней. Однако отец Христины мечтал о том, чтобы дочь стала жрицей. Для этого он поместил ее в особое помещение, где поставил множество золотых и серебряных идолов, и велел дочери воскуривать пред ними фимиам. Две рабыни прислуживали Христине.

В своем уединении Христина стала задумываться над тем, кто же сотворил этот прекрасный мир? Из своей комнаты она любовалась звездным небом и постепенно пришла к мысли о Едином Творце всего мира. Она убедилась, что безгласные и бездушные идолы, стоявшие в ее покоях, ничего не могли сотворить, так как сами были сотворены руками человека. Она стала молиться Единому Богу со слезами, прося Его открыть Себя. Душа ее разгоралась любовью к Неведомому Богу, она все более усиливала молитву, соединяя ее с пощением.

Однажды Христина удостоилась посещения Ангела, который наставил ее в истинной вере во Христа, Спасителя мира. Ангел назвал ее невестой Христовой и предвозвестил ей будущий страдальческий подвиг. Святая дева разбила всех стоявших у нее идолов и выбросила их за окно. Отец Христины Урван, посещая свою дочь, спросил ее, куда исчезли идолы? Христина молчала. Тогда, призвав рабынь, Урван узнал от них правду. В гневе отец начал бить дочь по щекам. Святая дева сначала безмолвствовала, а потом открыла отцу свою веру в Единого Истинного Бога и что своими руками она уничтожила идолов. Тогда Урван приказал убить всех прислуживавших дочери рабынь, а Христину предал жестокому бичеванию и бросил в темницу. Узнав о случившемся, мать святой Христины с плачем пришла к дочери, прося ее отречься от Христа и вернуться к отеческим верованиям. Однако Христина осталась непреклонной. На другой день Урван призвал дочь на суд и начал ее уговаривать воздать поклонение богам, просить прощения за свой грех, но увидел твердое и непреклонное ее исповедание.

Мучители привязали ее к железному колесу, под которым развели огонь. Тело мученицы, поворачиваясь на колесе, обжигалось со всех сторон. Затем ее бросили в темницу.

Ангел Божий явился ночью, исцелил ее от ран и подкрепил пищей. Отец, увидев ее наутро невредимой, приказал утопить в море. Но Ангел поддержал святую, камень погрузился, а Христина чудесно вышла из воды и явилась к своему отцу. В ужасе мучитель отнес это к действию волшебства и решил наутро казнить ее. Ночью же сам неожиданно умер. Присланный на его место другой правитель, Дион, призвал святую мученицу и также пытался склонить к отречению от Христа, но, видя ее непреклонную твердость, вновь предал жестоким мучениям. Святая мученица Христина долго была в темнице. К ней стали проникать люди, и она обращала их к истинной вере во Христа. Так обратилось около 3000 человек.

На место Диона прибыл новый правитель Юлиан и приступил к истязаниям святой. После различных мучений Юлиан велел бросить ее в раскаленную печь и затворить в ней. Через пять дней печь открыли и нашли мученицу живой и невредимой. Видя происходящие чудеса, многие уверовали во Христа Спасителя, а мучители святую Христину зарубили мечом.

Тропарь, глас 4

Зва́нием ева́нгельски Христу́ уневе́стившися,
Христи́но сла́вная,
сла́ву ми́ра сего́ и по́хоть бре́нную вмени́ла еси́ ни во что же,
о само́м телеси́ небрегу́щи,
му́ки претерпе́ла еси́ до́блественно,
тем твое́ страда́ние хвала́ми почита́ем,

му́ченице, Христу́ тезоимени́тая.

Ин тропарь, глас 4 А́гница Твоя́, Иису́се, Христи́на/ зове́т ве́лиим гла́сом:/ Тебе́, Женише́ мой, люблю́,/ и, Тебе́ и́щущи, страда́льчествую,/ и сраспина́юся, и спогреба́юся креще́нию Твоему́,/ и стражду́ Тебе́ ра́ди,/ я́ко да ца́рствую в Тебе́,/ и умира́ю за Тя, да и живу́ с Тобо́ю,/ но, я́ко же́ртву непоро́чную, приими́ мя, с любо́вию поже́ршуюся Тебе́./ Тоя́ моли́твами,// я́ко Ми́лостив, спаси́ ду́ши на́ша.

Кондак, глас 4

Светови́дная голуби́ца позна́лася еси́, криле́ иму́щи зла́те,
и к высоте́ Небе́сней возлете́ла еси́, Христи́но честна́я.
Те́мже твой сла́вный пра́здник соверша́ем,
ве́рою покланя́ющеся твои́х моще́й ра́це,
из нея́же истека́ет всем оби́льно
исцеле́ние Боже́ственное,

душа́м же и те́лом.

Канон святой мученице Христине Тирской

Минея, 24 Июля.

Глас 8

Песнь 1

Ирмос: Во́ду проше́д, я́ко су́шу,
и еги́петскаго зла избежа́в,
изра́ильтянин вопия́ше:
Изба́вителю и Бо́гу на́шему пои́м.

Припев: Свята́я му́ченице Христи́но, моли́ Бо́га о на́с.

Благи́ми наде́ждами утверди́вся, ум твой, Христи́но, впери́ся
и к Бо́гу, му́ченице, вознесе́ся от теку́щих,
измени́вся во оби́тели пребыва́ющия.

Припев: Свята́я му́ченице Христи́но, моли́ Бо́га о на́с.

Разсе́дшася и лежа́ща пред нога́ми отрокови́цы страстоно́сицы зря́ще злочести́ваго,
хвалу́ Спаси́телю дади́м вси,
победоно́сицу сию́ показа́вшему.

Сла́ва Отцу́ и Сы́ну и Свято́му Ду́ху.

Ви́дети Жениха́ Царя́ добро́ту кра́сную вожделе́ла еси́ чи́сто,
те́мже Боже́ственными, страстоте́рпице, страда́ньми све́тло себе́ украси́ла еси́.

И ны́не и при́сно и во ве́ки веко́в. Ами́нь.

Богородичен: Зачала́ еси́ Сло́во О́тчее,
пло́ти соедини́вшееся по ипоста́си из Тебе́, па́че сло́ва, Ма́ти Чи́стая,
Его́же возжела́вши, Христи́на муче́ния сла́ву стяжа́ла есть.

Песнь 3

Ирмос: Ты еси́ утвержде́ние
притека́ющих к Тебе, Го́споди,
Ты еси́ Свет омраче́нных,
и пое́т Тя дух мой.

Припев: Свята́я му́ченице Христи́но, моли́ Бо́га о на́с.

Просте́рши о́чи и мысль, сла́вная, на Не́бо,
тва́рьми твоего́ Зижди́теля позна́ла еси́.

Припев: Свята́я му́ченице Христи́но, моли́ Бо́га о на́с.

Бога́тство неотъе́млемо – е́же к Бо́гу име́ла еси́ ве́ру, честна́я,
те́мже нищету́ и́дольскую оста́вила еси́.

Сла́ва Отцу́ и Сы́ну и Свято́му Ду́ху.

Пе́ние благода́рственно Творцу́ Христу́ пе́ла еси́,
к дре́ву лю́те, му́ченице, привя́зана и строга́ния претерпева́ющи.

И ны́не и при́сно и во ве́ки веко́в. Ами́нь.

Богородичен: Уста́ви мое́ смуще́ние помышле́ний, Чи́стая Влады́чице,
и ути́ши души́ вся́ку печа́ль, Христа́ ро́ждшая.

Седален, глас 1

Кровь твою́, честна́я, я́коже алава́стр ми́ра, принесла́ еси́ Христу́,
Жениху́ твоему́, любо́вию,
возме́здие же прия́ла еси́ от Него́, досточу́дная,
вене́ц Боже́ственный и нетле́нен, му́ченице.
Те́мже прия́ла еси́ исцеле́ний благода́ть си́лою духо́вною.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Безневе́стная Чи́стая Богоро́дице Де́во, еди́на ве́рных Предста́тельнице и покро́ве,
бед, и скорбе́й, и лю́тых обстоя́ний всех изба́ви,
на Тя упова́ние, Отрокови́це, иму́щих,
и ду́ши на́ша спаси́ Боже́ственными моли́твами Твои́ми.

Песнь 4

Ирмос: Услы́шах, Го́споди,
смотре́ния Твоего́ та́инство,
разуме́х дела́ Твоя́
и просла́вих Твое́ Божество́.

Припев: Свята́я му́ченице Христи́но, моли́ Бо́га о на́с.

Пита́лася еси́, ра́нами Боже́ственными наслажда́ема,
му́ченице христоимени́тая, виде́нии Жениха́ твоего́,
и на Того́ добро́ту взира́ющи.

Припев: Свята́я му́ченице Христи́но, моли́ Бо́га о на́с.

Велича́ю Тя, Го́споди,–
му́ченице, привя́зана бы́вши к колесе́м, возопи́ла еси́,–
и сла́влю и́мя Твое́, укрепля́ющаго лю́бящия Тя.

Сла́ва Отцу́ и Сы́ну и Свято́му Ду́ху.

Прилепи́хся к Тебе́, жела́нием уязвля́ема Твоея́ любве́,
победоно́сицу мя покажи́ в страда́нии,–
му́ченица взыва́ше.

И ны́не и при́сно и во ве́ки веко́в. Ами́нь.

Богородичен: Во проро́цех Тя сла́вный дре́вле Иса́ия жезл именова́,
цвет нося́щу, Го́спода, Богоро́дице Ма́ти Присноде́во.

Песнь 5

Ирмос: У́тренююще, вопие́м Ти:
Го́споди, спаси́ ны,
Ты бо еси́ Бог наш,
ра́зве Тебе́, ино́го не ве́мы.

Припев: Свята́я му́ченице Христи́но, моли́ Бо́га о на́с.

Я́ко А́нгел во пло́ти, му́ченице, бы́вши,
Небе́снии А́нгели пи́щею а́нгельскою тя пита́ху.

Припев: Свята́я му́ченице Христи́но, моли́ Бо́га о на́с.

Ка́меня жи́зни не отве́рглася еси́, Христи́но,
те́мже к ка́меню тя привяза́вше, врази́ в во́ду вверго́ша.

Сла́ва Отцу́ и Сы́ну и Свято́му Ду́ху.

Восхи́тилася еси́ к высоте́, возлете́вши, я́коже го́рлица, крилы́ Боже́ственнаго Ду́ха,
и у Зижди́теля почи́ла еси́.

И ны́не и при́сно и во ве́ки веко́в. Ами́нь.

Богородичен: Ме́ртва грехо́м бы́вша, оживи́ мя,
Жизнь безсме́ртную, Де́во Ма́ти, ро́ждшая.

Песнь 6

Ирмос: Моли́тву пролию́ ко Го́споду
и Тому́ возвещу́ печа́ли моя́,
я́ко зол душа́ моя́ испо́лнися
и живо́т мой а́ду прибли́жися,
и молю́ся, я́ко Ио́на:
от тли, Бо́же, возведи́ мя.

Припев: Свята́я му́ченице Христи́но, моли́ Бо́га о на́с.

Услади́ся твое́ добро́тами се́рдце пресла́дкаго Рачи́теля, страстоте́рпице,
и в воню́ Того́ страсте́й спе́шно текла́ еси́, зову́щи:
Женише́ мой, Твоея́ ра́ди закала́юся ны́не любве́.

Припев: Свята́я му́ченице Христи́но, моли́ Бо́га о на́с.

Отца́ Небе́снаго тя, му́ченице, роди́тель ви́дев лю́бящу,
ва́рварский показа́ нрав и многообра́зными обложи́ му́ками:
преде́ла бо злочести́вый своего́ не разуме́ естества́.

Сла́ва Отцу́ и Сы́ну и Свято́му Ду́ху.

Я́ко крин, в му́ченических удо́лиях, я́ко сладково́нный процвела́ еси́ ши́пок,
ми́рну иска́пающи благода́ть, и ве́рных сердца́ пома́зала еси́,
христоимени́тая му́ченице честна́я,
святы́х А́нгел соприча́стнице.

И ны́не и при́сно и во ве́ки веко́в. Ами́нь.

Богородичен: Разуме́вше Богогла́снии проро́цы та́инства Твоего́, Де́во, глубину́,
проро́чески провозвести́ша, Боже́ственным просвещаеми издале́ча Ду́хом,
Ма́терь Тя всеи́стинну всех Влады́ки бы́ти.

Кондак, глас 4

Светови́дная голуби́ца позна́лася еси́, криле́ иму́щи зла́те,
и к высоте́ Небе́сней возлете́ла еси́, Христи́но честна́я.
Те́мже твой сла́вный пра́здник соверша́ем,
ве́рою покланя́ющеся твои́х моще́й ра́це,
из нея́же истека́ет всем оби́льно
исцеле́ние Боже́ственное,
душа́м же и те́лом.

Икос

Песносло́вящи благоче́стно Тро́ицу Святу́ю, честна́я де́во му́ченице,
показа́ла еси́ су́щим тогда́ омраче́нным мгло́ю лю́таго гне́ва,
ка́ко сия́ние Тоя́ просвеща́ет ве́рныя.
Мучи́теля же от руки́ избе́гла еси́, я́коже друга́я Фе́кла, избе́гши от беззако́нных,
произшла́ же еси́ посреде́ сете́й.
Те́мже вои́стинну, пою́ще, почита́ем преставле́ние твое́, благодаря́ще еди́наго Бо́га,
тебе́ ра́ди дарова́вшаго исцеле́ние Боже́ственное душа́м же и те́лом.

Песнь 7

Ирмос: О́троцы евре́йстии в пещи́
попра́ша пла́мень дерзнове́нно
и на ро́су огнь преложи́ша, вопию́ще:
благослове́н еси́, Го́споди Бо́же, во ве́ки.

Припев: Свята́я му́ченице Христи́но, моли́ Бо́га о на́с.

Пе́ние всех Благоде́телю, клоко́щущему огню́ прибли́жившися, взыва́ла еси́,
твое́ ороша́ющему се́рдце:
благослове́н еси́, Го́споди Бо́же, во ве́ки.

Припев: Свята́я му́ченице Христи́но, моли́ Бо́га о на́с.

Еди́наго Бо́га получи́ти возжела́вши, неради́ла еси́ удо́м опаля́емым,
не отве́рглася еси́ Христа́, деви́це, пою́щи:
благослове́н еси́, Го́споди Бо́же, во ве́ки.

Сла́ва Отцу́ и Сы́ну и Свято́му Ду́ху.

Ту́чами крове́й твои́х струи́ изсуши́ла еси́ идолонеи́стовства,
одождя́еши же ны́не исцеле́ний пучи́ну, де́во му́ченице,
уста́вила еси́ пла́мень страсте́й.

И ны́не и при́сно и во ве́ки веко́в. Ами́нь.

Богородичен: Зако́ны, Де́во, превозше́дши естества́ Боже́ственным Твои́м зача́тием,
па́че естества́ Бо́га родила́ еси́, вопию́щи:
благослове́н еси́, Го́споди Бо́же, во ве́ки.

Песнь 8

Ирмос: Седмери́цею пещь
халде́йский мучи́тель
Богочести́вым неи́стовно разжже́,
си́лою же лу́чшею спасе́ны, сия́ ви́дев,
Творцу́ и Изба́вителю вопия́ше:
о́троцы, благослови́те,
свяще́нницы, воспо́йте,
лю́дие, превозноси́те во вся ве́ки.

Припев: Свята́я му́ченице Христи́но, моли́ Бо́га о на́с.

Волну́ющееся мо́ре напа́стей мук Боже́ственным окормле́нием невре́дно преплыла́ еси́,
зми́я погрузи́вши твои́х по́двиг, му́ченице, глубино́ю.
Те́мже ра́йская небу́рно приста́нища дости́гла еси́, вопию́щи:
свяще́нницы, воспо́йте, лю́дие, превозноси́те во вся ве́ки.

Припев: Свята́я му́ченице Христи́но, моли́ Бо́га о на́с.

Зми́я лю́таго умертви́ла еси́ животво́рными по́двиги,
и моли́тв твои́х стоя́нии неукроти́мыя зве́ри успи́ла еси́,
и от сих вре́да кроме́ пребы́ла еси́, Зижди́телю пою́щи, Христи́но:
о́троцы, благослови́те, свяще́нницы, воспо́йте,
лю́дие, превозноси́те во вся ве́ки.

Сла́ва Отцу́ и Сы́ну и Свято́му Ду́ху.

Глаго́лом живы́м воздви́гла еси́ уме́ршаго угрызе́нием, му́ченице страстоно́сице, я́да змии́на:
Бог бо, смерть попра́вый Боже́ственным погребе́нием, твои́х моли́тв послу́ша, Христи́но.
К Нему́же вопие́ши непреста́нно:
о́троцы, благослови́те, свяще́нницы, воспо́йте, лю́дие, превозноси́те во вся ве́ки.

И ны́не и при́сно и во ве́ки веко́в. Ами́нь.

Богородичен: Тве́рдая помо́щнице ве́рным, Присноде́во,
изба́ви мя ле́сти лука́ваго зми́я, лю́те борю́щаго и смири́ти тща́щагося.
Ты бо неле́стна на Тя наде́ющимся еси́ наста́вница, вопию́щим непреста́нно:
о́троцы, благослови́те, свяще́нницы, воспо́йте,
лю́дие, превозноси́те во вся ве́ки.

Песнь 9

Ирмос: Вои́стинну Богоро́дицу,
Тя испове́дуем,
спасе́ннии Тобо́ю, Де́во Чи́стая,
с Безпло́тными ли́ки Тя велича́юще.

Припев: Свята́я му́ченице Христи́но, моли́ Бо́га о на́с.

Ви́дети сподо́билася еси́, укра́шена
и муче́ния оде́ждами блиста́ющи, твоего́ Жениха́, Христи́но,
му́ченице многострада́льная.

Припев: Свята́я му́ченице Христи́но, моли́ Бо́га о на́с.

Кра́сная твоя́ добро́та, я́коже возлюби́ла еси́,
И́же па́че всех добро́т красне́йши Христо́с,
Небе́сных черто́гов тя сподо́би.

Припев: Свята́я му́ченице Христи́но, моли́ Бо́га о на́с.

Совокупи́лася еси́ со Безпло́тными, сла́вная, ли́ки
и со страда́льческими собо́ры причла́ся еси́,
о нас моля́щи Всеще́драго.

Сла́ва Отцу́ и Сы́ну и Свято́му Ду́ху.

Со́лнца светле́йши яви́ся твоя́ па́мять, блиста́нии благода́тными Ду́ха
тя чту́щия, Христи́но, просвеща́ющи.

И ны́не и при́сно и во ве́ки веко́в. Ами́нь.

Богородичен: Благолюби́вая Де́во, озло́бленную грехми́ ду́шу мою́ ублажи́
и ве́чнаго пла́мене мя изба́ви моли́твами Твои́ми.

Светилен

Я́ко шипо́к красне́йший, от терно́внаго прозябла́ еси́ ко́рене, де́во Христи́но,
оброще́нием, му́ченице, свяще́ннаго страда́ния обагри́вшися кро́вию,
и ны́не, Боже́ственную твою́ па́мять творя́щия любо́вию спаса́й от бед.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Стоя́ще о́крест Тебе́ де́вы Богому́дрыя, Богороди́тельнице Мари́е,
я́коже цари́цы ро́дом, Твоему́ Сы́ну приведо́шася невестоле́пно, Пречи́стая, я́ко Царю́ вся́ческих,
Его́же, Ма́ти Де́во Отрокови́це, о нас моли́.