Праведный Евдоки́м Каппадокиянин

Праведный Евдоким (IX в.), каппадокиец, происходил из знатного рода и был назначен правителем Харсианской области. Дав обет безбрачия, он посвятил жизнь служению Богу и ближним, отличаясь милосердием и справедливостью. Скончался в 33 года, и через 18 месяцев его нетленные мощи были обретены, источая благоухание. Первоначально мощи почивали в Харсиане, затем перенесены в Константинополь, где помещены в храме Пресвятой Богородицы. Прославился многочисленными чудесами.

* * *

Праведный Евдоким, уроженец Каппадокии (Малая Азия), жил в IХ веке в царствование императора Феофила (829–842). Он был сыном благочестивых христиан Василия и Евдокии, знатных родом и известных императору. Праведная жизнь святого Евдокима целиком была направлена на угождение Богу и помощь ближним. Дав обет безбрачия и целомудрия, он избегал разговоров с женщинами и не смотрел на них; только со своей матерью, которую глубоко чтил, он вел душеполезные беседы. За добродетельную жизнь император назначил святого Евдокима правителем Харсианской области. Исполняя свои обязанности как Божий слуга, праведный Евдоким управлял людьми и судил их справедливо и с кротостью, заботился о бедных, о сиротах и вдовах, был защитником обижаемых. Личные христианские подвиги, которые он нес втайне, были известны только Богу.

Своей беспорочной жизнью Евдоким угодил Богу, и Господь призвал его в 33-летнем возрасте. Лежа на смертном одре, святой Евдоким завещал положить себя во гроб в тех одеждах, в которых застанет его смерть. Потом он выслал всех из комнаты и просил Господа в молитве, чтобы кончину его никто не видел, как никто не видел его тайных подвигов при жизни. Домашние похоронили его, как он завещал им. Сразу же после кончины праведного Евдокима от гроба его стали совершаться чудеса, многие больные исцелялись, слава о чудных исцелениях росла.

Через 18 месяцев из Константинополя, куда после смерти святого переселились его родители, пришла поклониться мощам мать святого Евдокима. Она приказала снять камень, откопать землю, открыть гроб, и все увидели лицо святого, светлое, как живое, совсем не тронутое тлением. Великое благоухание исходило от него. Гроб с мощами вынесли из земли наверх. Святого переодели в новые одежды. Мать хотела взять мощи сына в Константинополь, но харсианские жители не дали увезти дорогую для них святыню. Однако через некоторое время иеромонах Иосиф, живший и служивший при гробе святого, все же увез мощи святого Евдокима в Константинополь. Там они были положены в серебряной раке в церкви Пресвятой Богородицы, построенной родителями праведника.

Тропарь, глас 4

От земли́ воззва́вый тя к Небе́сным селе́нием
соблюда́ет и по сме́рти невреди́мо те́ло твое́, свя́те Евдоки́ме:
ты бо в целому́дрии и чи́стом жи́тельстве, блаже́нне,
жи́тельствовал еси́, не оскверни́в пло́ти.

Те́мже со дерзнове́нием моли́ Христа́ Бо́га спасти́ся нам.

Кондак, глас 2

Вы́шних жела́я, с вы́шними совокупля́яся,
и колесни́цу о́гненную, Боже́ственными восхожде́ньми доброде́телей, соверши́л еси́ ду́шу,
преблаже́нне Евдоки́ме,
на земли́ пожи́в я́ко Безпло́тен,

Зижди́телю всех благоугоди́л еси́.

Канон святому праведному Евдокиму Каппадокиянину

Минея, 31 Июля.

Глас 2

Песнь 1

Ирмос: Во глубине́ постла́ иногда́
фараони́тское всево́инство преоруже́нная си́ла,
вопло́щшееся же Сло́во всезло́бный грех потреби́ло есть:
препросла́вленный Госпо́дь сла́вно бо просла́вися.

Припев: Святы́й прáведный Евдоки́ме, моли́ Бо́га о на́с.

Высоко́ житие́ име́я и восхожде́нии Боже́ственными весь све́тел быв,
просвеще́ние ми испроси́, восхваля́ющему честны́я твоя́ по́двиги,
и́миже до́бре пожи́в, получи́л еси́, Евдоки́ме, и́хже наде́ялся еси́.

Припев: Святы́й прáведный Евдоки́ме, моли́ Бо́га о на́с.

Мирово́нная любя́ уче́ния и во чте́нии Свяще́нных Писа́ний упражня́яся,
сласте́й уклони́лся еси́, всеблаже́нне, смра́дных и безче́стных
и облагово́нился еси́, Боже́ственными дарова́нии украша́емь.

Сла́ва Отцу́ и Сы́ну и Свято́му Ду́ху.

Дрема́ние о́чию от души́, блаже́нне, отгна́л еси́, бдя и Бо́гу приединя́яся,
всено́щными стоя́нии, непрекло́нен ну́ждами естества́,
те́мже ко дню невече́рнему дости́гл еси́.

И ны́не и при́сно и во ве́ки веко́в. Ами́нь.

Богородичен: Я́ко черто́г одушевле́н Бо́жий и кади́льницу мы́сленнаго и светоно́снаго у́гля,
при́сно благода́тную ублажа́ем Богоро́дицу, зову́ще:
ра́дуйся, Хода́таице спаси́тельнаго воскресе́ния.

Песнь 3

Ирмос: На ка́мени мя ве́ры утверди́в,
разшири́л еси́ уста́ моя́ на враги́ моя́,
возвесели́ бо ся дух мой, внегда́ пе́ти:
несть свят, я́коже Бог наш,
и несть пра́веден, па́че Тебе́ Го́споди

Припев: Святы́й прáведный Евдоки́ме, моли́ Бо́га о на́с.

Глаго́лом живото́чным внима́я, испи́л еси́ во́ду спасе́ния,
возгнуша́вся го́рькаго греха́, и, поя́, глаго́лал еси́ Бо́гу, Евдоки́ме:
я́ко несть свят, па́че Тебе́, Го́споди.

Припев: Святы́й прáведный Евдоки́ме, моли́ Бо́га о на́с.

Ми́лование стяжа́л еси́ христоподража́тельное, разда́л еси́ бога́тство тре́бующим,
Небе́сное же бога́тство, хода́тайствующее тебе́, получи́л еси́, вопия́, Евдоки́ме:
я́ко несть свят, па́че Тебе́, Го́споди.

Сла́ва Отцу́ и Сы́ну и Свято́му Ду́ху.

Присво́ився Зижди́телю любо́вию Боже́ственною,
прия́л еси́ Небе́сное насле́дие, и дре́ва живо́тнаго прича́стник еси́,
обще́нием обожа́емь, и, поя́, сла́вне, глаго́лал еси́:
я́ко несть свят, па́че Тебе́, Го́споди.

И ны́не и при́сно и во ве́ки веко́в. Ами́нь.

Богородичен: Су́щи А́нгел честне́йши,
Зижди́теля А́нгелов во утро́бе носи́ла еси́ и родила́ еси́ неизрече́нно.
Ему́же вси пое́м:
Ты еси́ Бог наш, и несть свят, па́че Тебе́, Го́споди.

Седален, глас 4

Благоволи́в благи́ми дея́нии, искуси́лся еси́, я́ко зла́то в пещи́, напа́стьми, Евдоки́ме сла́вне,
те́мже и по сме́рти источа́еши бога́тно чудеса́, я́ко во́ды,
и неду́ги уставля́еши, о нас при́сно моли́ся,
я́ко да согреше́ний проще́ние прии́мем.

Песнь 4

Ирмос: Прише́л еси́ от Де́вы не хода́тай, ни А́нгел,
но Сам, Го́споди, вопло́щся,
и спасл еси́ всего́ мя, челове́ка.
Тем зову́ Ти: сла́ва си́ле Твое́й, Го́споди.

Припев: Святы́й прáведный Евдоки́ме, моли́ Бо́га о на́с.

Уче́ния оте́ческая храня́ невреди́мо,
правосла́вным мудрова́нием, ты от младе́нства име́л еси́ житие́ нескве́рное
и ми́лостивен нрав, досточу́дне.

Припев: Святы́й прáведный Евдоки́ме, моли́ Бо́га о на́с.

Ни молва́ мирска́я, ни вла́сти держа́ние, ни сла́ва вре́менная
твоего́ к Бо́гу жела́ния преврати́, Евдоки́ме,
но благоволи́л еси́ вои́стинну Боже́ственным дея́нием.

Припев: Святы́й прáведный Евдоки́ме, моли́ Бо́га о на́с.

Возвыша́емь Боже́ственными поуче́нии всегда́, врага́ смири́л еси́,
исцеле́ний де́йство прия́л еси́, Евдоки́ме,
судо́м пра́ведным вся Управля́ющаго.

Сла́ва Отцу́ и Сы́ну и Свято́му Ду́ху.

Иска́пающи сла́дость ра́ка моще́й твои́х бога́тых исцеле́ний,
стра́сти отгоня́ет, Евдоки́ме, ве́рою чту́щих тя
и попаля́ет бесо́в вся полки́.

И ны́не и при́сно и во ве́ки веко́в. Ами́нь.

Богородичен: Всепе́тая, во́инствы Го́рними пева́емаго Бо́га родила́ еси́,
Челове́ка вои́стинну бы́вша,
Его́же о рабе́х Твои́х моля́щи не преста́й, Присноде́во.

Песнь 5

Ирмос: Просвеще́ние во тьме лежа́щих,
спасе́ние отча́янных, Христе́, Спа́се мой,
к Тебе́ у́тренюю, Царю́ ми́ра,
просвети́ мя сия́нием Твои́м,
ино́го бо, ра́зве Тебе́, бо́га не зна́ю.

Припев: Святы́й прáведный Евдоки́ме, моли́ Бо́га о на́с.

Заре́ю чи́сто Святы́я Тро́ицы просвеще́н, зако́ном же Сея́ огражде́н,
нощь жития́ непреткнове́нно премину́л еси́,
виде́нии Боже́ственными окриля́емь, блаже́нне,
и в Боже́ственную жизнь всели́лся еси́.

Припев: Святы́й прáведный Евдоки́ме, моли́ Бо́га о на́с.

Ны́не на тебе́ чу́до ве́лие зри́тся и у́жаса испо́лнено:
ка́ко по погребе́нии вои́стинну мно́го лет соблюде́ся неруши́мо, блаже́нне, твое́ те́ло, во гро́бе лежа́щее,
судьба́ми, и́миже весть Сам, прославля́яй тя.

Сла́ва Отцу́ и Сы́ну и Свято́му Ду́ху.

Бла́гоже твоему́ к Бо́гу дерзнове́нию, бла́гоже жела́нию, е́же в се́рдцы к Нему́ име́л еси́:
бла́го пожи́в тезоиме́нно, просия́л еси́ пресла́вно Боже́ственными светлостьми́
и уясни́л еси́ ве́рных совокупле́ния.

И ны́не и при́сно и во ве́ки веко́в. Ами́нь.

Богородичен: О нас из Тебе́ воплоще́ннаго, Де́во Ма́ти, всегда́ моли́,
благоче́стно Тя блажа́щих, изба́витися бед, и душетле́нных страсте́й и печа́лей,
и ве́чнующаго пла́мене муче́ния.

Песнь 6

Ирмос: В бе́здне грехо́вней валя́яся,
неизсле́дную милосе́рдия Твоего́ призыва́ю бе́здну:
от тли, Бо́же, мя возведи́.

Припев: Святы́й прáведный Евдоки́ме, моли́ Бо́га о на́с.

Тече́ния сла́дкая иска́паху, блаже́нне, по́тове твои́ и ра́дования,
исцеле́ний сия́ние во хвалу́ Христа́ Бо́га на́шего.

Припев: Святы́й прáведный Евдоки́ме, моли́ Бо́га о на́с.

Во дво́рех Бо́жиих процве́л еси́, виногра́д многопло́ден прозябы́й,
и доброде́телей гро́здие де́лателю душа́м оби́льно пода́в.

Сла́ва Отцу́ и Сы́ну и Свято́му Ду́ху.

Ца́рства Бо́жия возжеле́л еси́ и, над страстьми́ ца́рствовав, Евдоки́ме, по благоволе́нию лу́чшему ра́дость пра́ведных получи́л еси́.

И ны́не и при́сно и во ве́ки веко́в. Ами́нь.

Богородичен: Избра́нна Бо́гу бы́вши, я́ко кра́сное село́ и простра́нное,
Сему́, Де́во, была́ еси́ и черто́г, и све́щник, и трапе́за.

Кондак, глас 2

Вы́шних жела́я, с вы́шними совокупля́яся,
и колесни́цу о́гненную, Боже́ственными восхожде́ньми доброде́телей, соверши́л еси́ ду́шу,
преблаже́нне Евдоки́ме,
на земли́ пожи́в, я́ко Безпло́тен,
Зижди́телю всех благоугоди́л еси́.

Икос

Житие́ сугу́бо показа́л еси́ пра́вою, блаже́нне, ве́рою,
во обое́м Бо́гу благоугоди́в, Евдоки́ме.
Те́мже обре́л еси́ Небе́снаго Ца́рствия насле́дие
и, со святы́ми ны́не живы́й, Влады́це всех предстои́ши;
твое́ же те́ло скве́рны соблю́л еси́ кроме́
и неруши́мое любо́вию чту́щим тя оста́вил еси́:
чи́сто бо пожи́в, сла́вне, Зижди́телю всех благоугоди́л еси́.

Песнь 7

Ирмос: Богопроти́вное веле́ние
беззако́ннующаго мучи́теля
высо́к пла́мень вознесло́ есть.
Христо́с же простре́ Богочести́вым отроко́м ро́су духо́вную,
Сый благослове́н и препросла́влен.

Припев: Святы́й прáведный Евдоки́ме, моли́ Бо́га о на́с.

Кре́постию вжили́вся Живода́вца, пло́ти удержа́л еси́ жела́ния, пребога́те,
и ум впери́л еси́ к Небе́сным, поя́ кре́пко:
сый благослове́н Бог и препросла́влен.

Припев: Святы́й прáведный Евдоки́ме, моли́ Бо́га о на́с.

Сам ся неблагоро́дна сотво́рь, благоро́дны нра́вы стяжа́в ума́ це́лостию,
поуче́нием же упражня́яся богодохнове́нных писа́ний,
все твое́ жела́ние на Бо́га Всеви́дца, блаже́нне, возложи́л еси́.

Сла́ва Отцу́ и Сы́ну и Свято́му Ду́ху.

Вы́шняго Ца́рства, Вы́шняго же гра́да, Бо́жия рая́,
пра́ведных наслажде́ния пи́щи нетле́нныя и бога́тства некра́домаго,
Све́та невече́рняго сподо́бился еси́, блаже́нне Евдоки́ме.

И ны́не и при́сно и во ве́ки веко́в. Ами́нь.

Богородичен: Его́же родила́ еси́, Влады́чице, при́сно моли́
от рабо́ты изба́вити мя страсте́й и осужде́ния, и стужа́ющаго ми лю́таго отча́яния,
и от оскорбля́ющих мя, Чи́стая, одержа́ния, Богора́дованная.

Песнь 8

Ирмос: В пещи́ о́трочестей прообрази́л еси́ иногда́ Твою́ Ма́терь, Го́споди,
о́браз же Сия́ из огня́ изыма́ше неопа́льно входя́щия.
Ю́же пое́м я́вльшуюся Тобо́ю конце́м днесь,
и превозно́сим во вся ве́ки.

Припев: Святы́й прáведный Евдоки́ме, моли́ Бо́га о на́с.

Огнь помышля́я стра́шный, пред престо́лом Христо́вым хотя́щ изы́ти,
умиле́нием се́рдца те́плы излива́еши ка́пли слез,
погаша́ющия тебе́ страсте́й пещь, Евдоки́ме Богому́дре.

Припев: Святы́й прáведный Евдоки́ме, моли́ Бо́га о на́с.

Все приложи́л еси́ к Бо́гу, му́дре, душе́вное о́ко
и Тому́ прилепи́лся еси́, вопия́ псало́мски:
Христе́ мой, ка́ла мя изба́ви и смертоно́сных страсте́й во ве́ки.

Припев: Святы́й прáведный Евдоки́ме, моли́ Бо́га о на́с.

Терпе́нием пожда́тель и се́рдцем смире́н ты был еси́,
ми́лостив тре́бующим и, обы́чай принося́ благ и нра́вы доброде́тельны, всече́стне,
в ни́хже до́бре пожи́в, чуде́с то́чиши благода́ть.

Сла́ва Отцу́ и Сы́ну и Свято́му Ду́ху.

Ра́зум име́я Боже́ствен, испо́лнитель Влады́чних яви́лся еси́ слове́с,
десны́я любя́ стези́, ле́вых я́ве уклоня́яся, я́ко благоу́мен и мудр.
Те́мже тя почита́ем, Богому́дре, во ве́ки.

И ны́не и при́сно и во ве́ки веко́в. Ами́нь.

Богородичен: Ада́мов Соде́тель от крове́й Твои́х чи́стых зи́ждется
и млеко́м пита́ется, Пита́яй вся́кое дыха́ние, Де́во Богоро́дице,
те́мже я́ко Бо́жию Тя сла́вим Ма́терь.

Песнь 9

Ирмос: Безнача́льна Роди́теля Сын, Бог и Госпо́дь,
вопло́щся от Де́вы, нам яви́ся,
омраче́нная просвети́ти, собра́ти расточе́нная.
Тем Всепе́тую Богоро́дицу велича́ем.

Припев: Святы́й прáведный Евдоки́ме, моли́ Бо́га о на́с.

Ви́дети жела́я сла́ву Бо́га на́шего, доброде́тельми Богоразу́мия тебе́ удобри́л еси́
и свещено́сец во све́тлый черто́г вшел еси́,
со А́нгелы живы́й, и ясне́е наслажда́ешися Боговиде́ния.

Припев: Святы́й прáведный Евдоки́ме, моли́ Бо́га о на́с.

Я́ко у́тро, я́ко со́лнце, возсия́ па́мять твоя́, су́щая во мра́це сердца́ просвеща́ющи:
ты бо и све́та и дне вои́стинну сын яви́лся еси́, Богому́дре Евдоки́ме.
Сего́ ра́ди тя почита́ем.

Припев: Святы́й прáведный Евдоки́ме, моли́ Бо́га о на́с.

Му́дростию украша́емь и ра́зумом просвеще́н, смире́нием се́рдца удобре́н,
высото́ю жития́ сия́я, к мы́сленным преше́л еси́ дворо́м,
иде́же нас помяни́, почита́ющих тя, Евдоки́ме.

Сла́ва Отцу́ и Сы́ну и Свято́му Ду́ху.

День пра́зднственный и по́льзы хода́тайственный честны́й твой соверша́ем, от земли́ преставле́ния:
ты бо Госпо́день уго́дник и Того́ за́поведей де́латель яви́лся еси́ непосты́ден,
досточу́дне Евдоки́ме.

И ны́не и при́сно и во ве́ки веко́в. Ами́нь.

Богородичен: Све́та прия́телище утро́ба Твоя́ бысть, просве́щшаго мир, Богора́дованная,
те́мже молю́ тя, окая́нный:
све́тлы зари́ ми пода́ждь мольба́ми, Богоневе́сто, Евдоки́ма Богому́драго.

Светилен

Я́коже со́лнце, блиста́я, зари́ испуща́еши чуде́с,
просвеща́я всех сердца́, твою́ сла́вную па́мять творя́щих ве́рно, треблаже́нне,
и спаса́еши, Евдоки́ме.