Апостол Матфи́й

Ап. Матфий, ученик Христа, был избран по жребию вместо Иуды Искариота в число 12 апостолов. Проповедовал в Иудее, Сирии и Малой Азии, совершая чудеса: остался невредим после отравленного питья, земля поглотила его гонителей. Вернувшись в Иудею, был осужден синедрионом за исповедание Христа Богом и побит камнями около 63 года (по другим данным ‒ распят в Колхиде). Его мученическая смерть завершила апостольское служение, начатое среди 70 учеников Христа.

Житие апостола Матфия

Святой апостол Матфий родился в Вифлееме, происходил из колена Иудина; с раннего детства он изучал Закон Божий по священным книгам под руководством святого Симеона Богоприимца. Когда Господь Иисус Христос явил Себя миру, святой Матфий уверовал в Него как в Мессию, неотступно следовал за Ним и был избран в число 70 учеников, которых Господь "посылал по два пред лицем Своим" (Лк.10:1). По Вознесении Спасителя апостол Матфий был избран по жребию в число 12 апостолов вместо отпадшего Иуды Искариотского (Деян.1:15-26). После Сошествия Святого Духа апостол Матфий проповедовал Евангелие в Иерусалиме и в Иудее вместе с прочими апостолами (Деян.6:2,8:14). Из Иерусалима с апостолами Петром и Андреем ходил в Антиохию Сирийскую, был в каппадокийском городе Тиане и в Синопе. Здесь апостола Матфия заключили в темницу, из которой он был чудесно освобожден апостолом Андреем Первозванным. После этого апостол Матфий путешествовал в Амасию, город на берегу Понта. Во время 3-го путешествия апостола Андрея святой Матфий был с ним в Едессе и Севастии. По церковному преданию, он был с проповедью в Эфиопии Понтийской (нынешняя Западная Грузия), Македонии, многократно подвергаясь смертельной опасности, но Господь сохранял его живым для дальнейшей проповеди Евангелия. Однажды язычники заставили апостола выпить отравленное питье. Апостол выпил его и не только сам остался невредимым, но исцелил и других узников, ослепших от этого питья. Когда святой Матфий вышел из темницы, язычники тщетно искали его, так как он сделался для них невидимым. В другой раз, когда язычники в ярости бросились, чтобы убить апостола, земля разверзлась и поглотила их. Апостол Матфий вернулся в Иудею и не переставал просвещать своих соотечественников светом учения Христова. Он творил великие чудеса Именем Господа Иисуса и обратил очень многих к вере во Христа. Иудейский первосвященник Анан, ненавидевший Христа, давший ранее повеление сбросить с высоты храма апостола Иакова, брата Господня, приказал взять апостола Матфия и представить на суд синедриона в Иерусалиме. Нечестивый Анан произнес речь, в которой кощунственно хулил Господа. В ответ апостол Матфий показал на пророчествах Ветхого Завета, что Иисус Христос – Истинный Бог, Мессия, обещанный Богом Израилю, Сын Божий, Единосущный и Совечный Богу Отцу. После этих слов апостол Матфий был осужден синедрионом на смерть и побит камнями. Когда святой Матфий был уже мертв, иудеи, скрывая преступление, отсекли ему голову как противнику кесаря. (По некоторым источникам, апостола Матфия распяли на кресте. Некоторые указывают, что он скончался в Колхиде). Смерть за Христа и венец мученика апостол Матфий воспринял около 63 года.

Тропарь, глас 3

Апо́столе святы́й Матфи́е,
моли́ Ми́лостиваго Бо́га,
да прегреше́ний оставле́ние

пода́ст душа́м на́шим.

Кондак, глас 4

Светоза́рное, я́ко со́лнце, во весь мир изше́дшее веща́ние твое́
просвеща́ет язы́ческую Це́рковь благода́тию,

чудоно́сче Матфи́е апо́столе.

Канон святому апостолу Матфию

Минея, 9 Августа.

Глас 8

Песнь 1

Ирмос: Пои́м Го́сподеви,
прове́дшему лю́ди Своя́ сквозе́ Чермно́е мо́ре,
я́ко Еди́н сла́вно просла́вися.

Припев: Святы́й апóстоле Матфи́е, моли́ Бо́га о нáс.

Пе́сньми твое́ светоно́сное пою́щу, Матфи́е, ны́не торжество́,
с Небесе́ ми зарю́ спасе́ния да́ти моли́ся.

Припев: Святы́й апóстоле Матфи́е, моли́ Бо́га о нáс.

Ве́лие со́лнце яви́лся еси́ Све́та Вели́каго, досточу́дне,
с на́ми бо бы́вшу, бесе́довал еси́, нехода́тайственне, апо́столе.

Сла́ва Отцу́ и Сы́ну и Свято́му Ду́ху.

Зако́ном Влады́ки, блаже́нне, повину́яся,
мре́жею уловля́еши твоего́ язы́ка из глуби́ны́ неве́дения концы́.

И ны́не и при́сно и во ве́ки веко́в. Ами́нь.

Богородичен: Всего́ мя спаса́ет Сло́во Пребоже́ственное бла́гостию,
восхоте́в из утро́бы Твоея́ воплоти́тися,
Чи́стая Ма́ти Де́во.

Песнь 3

Ирмос: Ты еси́ утвержде́ние
притека́ющих к Тебе́, Го́споди,
Ты еси́ Свет омраче́нных
и пое́т Тя дух мой.

Припев: Святы́й апóстоле Матфи́е, моли́ Бо́га о нáс.

Возмо́гл еси́, укрепля́емь живонача́льным, му́дре, манове́нием,
кре́пкаго коры́сти восхи́тити и порабо́тити благода́тию.

Припев: Святы́й апóстоле Матфи́е, моли́ Бо́га о нáс.

Любя́ Учи́теля,
служа́ Того́ манове́нием вседе́йственным,
от пре́лести спаса́еши челове́ки, досточу́дне.

Сла́ва Отцу́ и Сы́ну и Свято́му Ду́ху.

Тя двоенадеся́тному числу́ ученико́в ли́ка свята́го,
вседе́йственный Дух исполня́юща, Богоглаго́ливе, избира́ет.

И ны́не и при́сно и во ве́ки веко́в. Ами́нь.

Богородичен: Име́я Тя по́мощь,
злых враго́в стремле́ния, Чи́стая, не ужаса́юся,
име́я Тя Предста́тельницу, тех побежда́ю полки́.

Седален, глас 8

Мо́лниями твои́х слове́с Боже́ственных
попали́л еси́ пре́лесть лука́вую, ве́рныя просвети́л еси́,
воспева́ти е́же во пло́ти прише́ствие, блаже́нне, все́ми Влады́чествующаго,
и Того́ стра́сти Боже́ственней поревнова́л еси́.
Отону́дуже соше́дшеся, святу́ю твою́ па́мять соверша́ем, веселя́щеся,
и согла́сно вопие́м ти:
Матфи́е апо́столе, моли́ Христа́ Бо́га согреше́ний оставле́ние дарова́ти
чту́щим любо́вию святу́ю па́мять твою́.

Песнь 4

Ирмос: Услы́шах, Го́споди,
смотре́ния Твоего́ та́инство,
разуме́х дела́ Твоя́
и просла́вих Твое́ Божество́.

Припев: Святы́й апóстоле Матфи́е, моли́ Бо́га о нáс.

Еди́но естество́ Божества́,
еди́но ца́рство и госпо́дство возвеща́я, преблаже́нне,
язы́ков стада́ улови́л еси́.

Припев: Святы́й апóстоле Матфи́е, моли́ Бо́га о нáс.

Наведе́ тя Госпо́дь на мо́ре жития́, прему́дре,
я́коже коня́, смуща́юща многобо́жия го́рькия во́ды.

Сла́ва Отцу́ и Сы́ну и Свято́му Ду́ху.

Сло́вом Боже́ственным обнови́л еси́ олядене́вшая сердца́, сла́вне,
все́яв благоче́стие, исти́ны позна́ние.

И ны́не и при́сно и во ве́ки веко́в. Ами́нь.

Богородичен: Де́вства сосу́де и невмести́маго естества́ селе́ние,
ду́шу мою́ просвети́,
омраче́нную мно́гими страстьми́.

Песнь 5

Ирмос: Вску́ю мя отри́нул еси́
от лица́ Твоего́, Све́те незаходи́мый,
и покры́ла мя есть чужда́я тьма, окая́ннаго?
Но обрати́ мя и к све́ту за́поведей Твои́х
пути́ моя́ напра́ви, молю́ся.

Припев: Святы́й апóстоле Матфи́е, моли́ Бо́га о нáс.

Я́ко многопло́дну ло́зу, и́стинный тя простре́ виногра́д,
де́лающа грозд, пролива́юща вино́ спаси́тельное,
его́же пи́вше, блаже́нне, одержи́мии неразу́мием,
пре́лести пия́нство отверго́ша.

Припев: Святы́й апóстоле Матфи́е, моли́ Бо́га о нáс.

Ученико́в двоенадеся́тых яви́лся еси́, исполня́я лик блаже́нный,
из него́же преда́тель себе́ отве́рг,
приобре́те го́рькое удавле́ние, на Христа́ воздви́г пя́ту,
тайновеща́телю Матфи́е чу́дне.

Сла́ва Отцу́ и Сы́ну и Свято́му Ду́ху.

Соль боже́ственна, вве́рглся еси́, блаже́нне, в мир, Матфи́е апо́столе,
гной пре́лести очища́я сла́дкими уче́нии,
отгоня́ боле́зни и отъе́мля я́звы душ и теле́с, прехва́льне.

И ны́не и при́сно и во ве́ки веко́в. Ами́нь.

Богородичен: Безобра́зных риз и дре́вняго совлече́ся умерщвле́ния Ада́м, Де́во,
пречи́стым Твои́м рождество́м, Богоневе́сто
и во оде́жду свя́ту и и́стинну облече́ся,
ника́коже оскверне́ну страстьми́.

Песнь 6

Ирмос: Очи́сти мя, Спа́се,
мно́га бо беззако́ния моя́,
и из глубины́ зол возведи́, молю́ся,
к Тебе́ бо возопи́х, и услы́ши мя,
Бо́же спасе́ния моего́.

Припев: Святы́й апóстоле Матфи́е, моли́ Бо́га о нáс.

Бог был еси́ положе́н, едине́нием Боже́ственным обожа́емь,
и, перводе́лательны от Бо́га лучи́ прии́м, ве́рныя просвети́л еси́
и зе́млю от мглы и́дольския очи́стил еси́.

Сла́ва Отцу́ и Сы́ну и Свято́му Ду́ху.

Се тебе́ вмеща́ется, учени́ку, вся́ко прорече́ние свяще́нных проро́к:
самови́дец бо быв, Его́же дре́вле провозвести́ша,
служи́телю Матфи́е, подо́бник же и апо́стол.

И ны́не и при́сно и во ве́ки веко́в. Ами́нь.

Богородичен: Свяще́ние у́мное и неприкоснове́нно очисти́лище,
све́щник злат и трапе́зу одушевле́ну,
Хлеб носи́вшую живота́, Де́во, ве́рнии, Тя имену́ем.

Кондак, глас 4

Светоза́рное, я́ко со́лнце, во весь мир изше́дшее веща́ние твое́
просвеща́ет язы́ческую Це́рковь благода́тию,
чудоно́сче Матфи́е апо́столе.

Икос

Струю́ сло́ва пода́ждь ми, Го́споди, водно́е естество́ соде́явый,
и се́рдце мое́ укрепи́, Благоутро́бне,
И́же зе́млю утверди́вый сло́вом Твои́м,
и просвети́ мое́ помышле́ние, све́том, я́ко ри́зою, одева́яйся,
да глаго́лю и пою́ подо́бная:
досто́йно почести́, Многоми́лостиве, Твоего́ Матфи́я апо́стола.

Песнь 7

Ирмос: О́троцы евре́йстии в пещи́
попра́ша пла́мень дерзнове́нно
и на ро́су огнь преложи́ша, вопию́ще:
благослове́н еси́, Го́споди Бо́же, во ве́ки.

Припев: Святы́й апóстоле Матфи́е, моли́ Бо́га о нáс.

Ток изсуши́л еси́ пре́лести наводне́нием твоея́ Боже́ственныя му́дрости
и пото́ком пи́щи напои́л еси́ ве́рою вопию́щия, сла́вне:
Бо́же, благослове́н еси́.

Сла́ва Отцу́ и Сы́ну и Свято́му Ду́ху.

Си́лою Бо́га Всеси́льнаго изнемого́ша вра́жия кова́рства
пред лице́м твоего́, апо́столе, ше́ствия
и сокруши́шася го́ры же и хо́лми безбо́жия.

И ны́не и при́сно и во ве́ки веко́в. Ами́нь.

Богородичен: Се, Ю́же рече́ Де́ву ду́хом вели́кий Иса́ия,
во чре́ве Бо́га зача́т и ражда́ет, Ему́же пое́м:
Го́споди Бо́же, благослове́н еси́.

Песнь 8

Ирмос: Седмери́цею пещь
халде́йский мучи́тель
богочести́вым неи́стовно разжже́,
си́лою же лу́чшею спасе́ны, сия́ ви́дев,
Творцу́ и Изба́вителю вопия́ше:
о́троцы, благослови́те,
свяще́нницы, воспо́йте,
лю́дие, превозноси́те во вся ве́ки.

Припев: Святы́й апóстоле Матфи́е, моли́ Бо́га о нáс.

Уста́ Бо́жия быв, из горта́ни восхи́тил еси́ человекоуби́йцы,
и́хже лю́те пожре́ и снедь соде́ла свое́й злобе, му́дре,
и ба́нею пакибытия́ сих приве́л еси́ Го́сподеви, пою́щия непреста́нно:
лю́дие, превозноси́те во вся ве́ки.

Припев: Святы́й апóстоле Матфи́е, моли́ Бо́га о нáс.

Пре́лести меча́, зло́бы ору́жия, ору́жие быв Бо́жия Сло́ва, сла́вне,
до конца́ истни́л еси́ и́дольския тре́бы,
столпы́ же и хра́мы Боже́ственною си́лою низложи́л еси́,
хра́мы же Тро́ицы соде́лал еси́, вопию́щия:
лю́дие, превозноси́те во вся ве́ки.

Сла́ва Отцу́ и Сы́ну и Свято́му Ду́ху.

Слове́сное яви́ся не́бо, пове́дуя Единоро́днаго сла́ву Бо́жию неизглаго́ланную,
Матфи́й всему́дрый, мо́лния благода́ти, лове́ц заблу́ждших,
све́щник Боже́ственнаго светозаре́ния, неизрече́нных таи́нник,
того́ с весе́лием воспое́м согла́сно.

И ны́не и при́сно и во ве́ки веко́в. Ами́нь.

Богородичен: Па́че естества́ зачала́ еси́,
па́че сло́ва родила́ еси́ Соде́теля челове́ческаго естества́,
бы́вша Челове́ка, Отцу́ неразлу́чна, Влады́чице Чи́стая.
Его́же пое́т вся тварь:
о́троцы, благослови́те, свяще́нницы, воспо́йте,
лю́дие, превозноси́те во вся ве́ки.

Песнь 9

Ирмос: Устраши́ся всяк слух
неизрече́нна Бо́жия снизхожде́ния,
я́ко Вы́шний во́лею сни́де да́же и до пло́ти
от деви́ческаго чре́ва быв Челове́к.
Те́мже Пречи́стую Богоро́дицу, ве́рнии, велича́ем.

Припев: Святы́й апóстоле Матфи́е, моли́ Бо́га о нáс.

Дру́га тя рече́ Спас, того́ служа́ща повеле́нием, блаже́нне апо́столе,
и насле́дника Ца́рствия Своего́, в бу́дущий стра́шный день соседа́теля,
Матфи́е прему́дре, двоенадеся́тых учени́к исполне́ние.

Припев: Святы́й апóстоле Матфи́е, моли́ Бо́га о нáс.

Ве́трилом, блаже́нне, Креста́ преше́д волну́ющееся мо́ре жития́,
дости́гл еси́ ко приста́нищу поко́я и кра́йнему́ жела́нию
и, ра́дуяся, ны́не предстои́ши со апо́стольским ли́ком,
моля́ о нас Человеколю́бца.

Сла́ва Отцу́ и Сы́ну и Свято́му Ду́ху.

Све́щник вои́стинну златоза́рен,
свети́ло Ду́ха сия́ющее, яви́ся язы́к твой,
попаля́ющ иноплеме́нная уче́ния, погаша́ющ огнь, му́дре, чужди́й,
свет облиста́ющ во тьме неразу́мия спя́щим.

И ны́не и при́сно и во ве́ки веко́в. Ами́нь.

Богородичен: Уста́вила еси́ еди́на в жена́х кля́тву первозда́нных, Богоневе́сто,
Неопи́саннаго пло́тию ро́ждши опису́ема,
обнови́ла еси́ преде́лы естества́, Нескве́рная,
разстоя́щая пе́рвее пресла́вным хода́тайством Твои́м соеди́нила еси́.

Светилен

Тече́ние кра́сных твои́х ног, Матфи́е апо́столе,
возврати́в к ше́ствию Небе́сному, возше́л еси́, ра́дуяся,
и, Тро́ице предста́в, во Отце́ ви́диши Сы́на и Ду́ха Боже́ственнаго.
Сего́ ра́ди ве́рою пресвяще́нную твою́ и Боже́ственную пра́зднуем па́мять.