Пророк Михей Морасфитянин — житие, тропарь, кондак

Житие

Пророк Михей, один из 12 малых пророков, происходил из города Морасфы в Иудее. Пророчествовал около 50 лет (778-728 гг. до Р.Х.) при царях Иоафаме, Ахазе и Езекии, будучи современником пророка Исаии. Его пророчества касались как Иудейского, так и Израильского царств, предсказывая их грядущие бедствия. Особенно значимо его пророчество о рождении Мессии в Вифлееме (Мих.5:2). В отличие от многих пророков, Михей не был убит иудеями. Его мощи были обретены в IV веке по Р.Х. по откровению епископу Елевферопольскому Зевину.

* * *

Пророк Михей, шестой из 12-ти малых пророков, происходил из племени Иудова и был родом из города Морасфи, к югу от Иерусалима, почему и называется Морасфитянином. Свое пророческое служение начал около 778 г. до Рождества Христова и проходил его почти 50 лет при царях иудейских Иоафаме, Ахазе и благочестивом праведном Езекии (721–691 гг. до Рождества Христова, память 28 августа). Он был современником пророка Исаии. Обличения и предсказания пророка Михея относились как к Иудейскому, так и к Израильскому царствам. Он предвидел бедствия, грозившие Израильскому царству при его разрушении и Иудее при нашествии царя Сеннахерима Ассирийского. Ему же принадлежит пророчество о рождении Спасителя мира: "И ты, Вифлееме, доме Евфрафов, еда мал еси, еже быти в тысящах Иудиных; из тебе бо Мне изыдет Старейшина, еже быти в Князя во Израили, исходи же Его из начала от дний века" (Мих.5:2). Из слов пророка Иеремии (Иер.26:18-19) видно, что иудеи побоялись убить пророка Михея. Мощи его были обретены в IV в. по Рождестве Христовом в Варафсатии по откровению епископу Елевферопольскому Зевину.

Канон

Канон святому пророку Михею Морасфитянину

Минея, 14 Августа.

Глас 8

Песнь 1

Ирмос: Во́ду проше́д, я́ко су́шу,
и еги́петскаго зла избежа́в,
изра́ильтянин вопия́ше:
Изба́вителю и Бо́гу на́шему пои́м.

Припев: Святы́й проро́че Михéе, моли́ Бо́га о на́с.

Я́ко зерца́ло вои́стинну чи́сто Бо́жие и Боже́ственных сый,
Зижди́телю предстои́ши, блаже́нне,
Его́же моли́ от бед спасти́ ве́рою пою́щия тя.

Припев: Святы́й проро́че Михéе, моли́ Бо́га о на́с.

Ра́зума испо́лнен духо́внаго сый, Михе́е, и прему́дрости от Бо́га,
бу́дущих научи́лся еси́, я́ко чист ум, преизря́дне.

Сла́ва Отцу́ и Сы́ну и Свято́му Ду́ху.

Проро́чество пропове́дая благоче́стно,
Го́спода рекл еси́ с Небесе́ на земли́ яви́тися, блаже́нне,
пиша́ е́же к нам Того́ явлени́е.

И ны́не и при́сно и во ве́ки веко́в. Ами́нь.

Богородичен: Избавля́я яви́ся на земли́ пе́рвее плене́нный,
напосле́док дней пло́ти прия́тием, Богома́ти,
пре́жде век познава́емый.

Песнь 3

Ирмос: Ты еси́ утвержде́ние
притека́ющих к Тебе́, Го́споди,
Ты еси́ Свет омраче́нных,
и пое́т Тя дух мой.

Припев: Святы́й проро́че Михéе, моли́ Бо́га о на́с.

Язы́к твой трость Боже́ственнаго Ду́ха бысть,
и́мже нам бу́дущих яви́л еси́ сбытие́.

Припев: Святы́й проро́че Михéе, моли́ Бо́га о на́с.

Ты Преве́чнаго, плоть бы́вша, показа́л еси́ в Вифлее́ме,
Кня́зя всех, и Спа́са, и Наста́вника.

Сла́ва Отцу́ и Сы́ну и Свято́му Ду́ху.

Таи́нник изве́стен су́щим па́че ума́ нам был еси́,
проро́ческими, сла́вне проро́че, просвеще́ньми озаря́емь.

И ны́не и при́сно и во ве́ки веко́в. Ами́нь.

Богородичен: Гора́ явле́ннейша Ты была́ еси́, Пречи́стая,
на ню́же возше́д, Госпо́дь яви́ся,
к Не́йже ны́не прибега́ем.

Седален, глас 1

Ду́хом, му́дре, просве́щся Святы́м,
проре́кл еси́ я́ве бу́дущих ра́зум,
уясни́в неудобопости́жная, о Михе́е пребога́те:
изы́дет бо от Вифлее́ма Князь и Вождь,
И́же упасе́т лю́ди Своя́, Христо́с,
ты проре́кл еси́.

Песнь 4

Ирмос: Услы́шах, Го́споди,
смотре́ния Твоего́ та́инство,
разуме́х дела́ Твоя́
и просла́вих Твое́ Божество́.

Припев: Святы́й проро́че Михéе, моли́ Бо́га о на́с.

Сия́ньми свы́ше Боже́ственнаго дохнове́ния озаря́емь,
бу́дущая возвести́л еси́, я́ко настоя́щая зря, достосла́вне.

Припев: Святы́й проро́че Михéе, моли́ Бо́га о на́с.

От Сио́на изы́де зако́н, я́коже проре́кл еси́, Богоблаже́нне,
и протече́ концы́, Госпо́дне сло́во пропове́дуя.

Сла́ва Отцу́ и Сы́ну и Свято́му Ду́ху.

Госпо́дствовати яви́ся в дому́ Иа́ковли всех Госпо́дь
и в сла́ве и́мене я́ко Па́стырь упаса́ет, всеблаже́нне, лю́ди Своя́.

И ны́не и при́сно и во ве́ки веко́в. Ами́нь.

Богородичен: Дави́дово отро́дие, Ма́ти Бо́жия и Зижди́теля ве́руема бысть:
плоть у́бо Сего́, бы́вша от Нея́, несказа́нно породи́.

Песнь 5

Ирмос: У́тренююще, вопие́м Ти:
Го́споди, спаси́ ны,
Ты бо еси́ Бог наш,
ра́зве Тебе́, ино́го не ве́мы.

Припев: Святы́й проро́че Михéе, моли́ Бо́га о на́с.

Возлюби́л еси́ в след Го́спода ходи́ти,
гото́в быв в путе́х Его, прему́дре.

Припев: Святы́й проро́че Михéе, моли́ Бо́га о на́с.

Разуме́л еси́ хотя́щее бы́ти спасе́ние
всем язы́ком от иуде́й, чу́дне.

Сла́ва Отцу́ и Сы́ну и Свято́му Ду́ху.

Благода́ть зря, пропове́дал еси́, Богоявле́нне:
к не́йже прибега́ют язы́к стада́ и спаса́ются.

И ны́не и при́сно и во ве́ки веко́в. Ами́нь.

Богородичен: Ме́сто Госпо́дне Ты была́ еси́, Богома́ти:
от Нея́же изы́де мир от ле́сти избавля́яй.

Песнь 6

Ирмос: Ри́зу мне пода́ждь све́тлу,
одея́йся све́том, я́ко ри́зою,
Многоми́лостиве Христе́ Бо́же наш.

Припев: Святы́й проро́че Михéе, моли́ Бо́га о на́с.

Зако́ном повину́яся Бо́жиим,
обличи́л еси́ вся преступа́ющия,
храня́ зако́н, пресла́вне.

Сла́ва Отцу́ и Сы́ну и Свято́му Ду́ху.

Михе́е боже́ственный и честны́й Ду́ха орга́н,
мольба́ми твои́ми от бед ве́рныя сохрани́.

И ны́не и при́сно и во ве́ки веко́в. Ами́нь.

Богородичен: Иу́дов Ты дом све́тел, Де́во, сотвори́ла еси́,
Возсия́вшаго от свята́го Твоего́ чре́ва я́вльши.

Песнь 7

Ирмос: От Иуде́и доше́дше, о́троцы
в Вавило́не иногда́
ве́рою Тро́йческою пла́мень пе́щный попра́ша, пою́ще:
отце́в Бо́же, благослове́н еси́.

Припев: Святы́й проро́че Михéе, моли́ Бо́га о на́с.

Потре́бен яви́лся еси́ Влады́це всех и до́блейший,
суровство́ владу́щих облича́я и уча́, и вопия́, достосла́вне:
оте́ц на́ших Бо́же, благослове́н еси́.

Сла́ва Отцу́ и Сы́ну и Свято́му Ду́ху.

Блиста́я луча́ми жития́ боже́ственнаго,
и чисте́йший проро́к показа́лся еси́ боже́ственнаго явле́ния, воспева́я, блаже́нне:
оте́ц на́ших Бо́же, благослове́н еси́.

И ны́не и при́сно и во ве́ки веко́в. Ами́нь.

Богородичен: Равноде́телен Ро́ждшему, равноси́льное Сло́во, Соприсносу́щное,
во утро́бе Де́вы О́тчим благоволе́нием зи́ждется я́ко Челове́к,
отце́в Бог благослове́нный.

Песнь 8

Ирмос: Мусики́йским орга́ном согласу́ющим
и лю́дем безчи́сленным, покланя́ющимся о́бразу в Деи́ре,
три о́троцы не повину́вшеся,
Го́спода воспева́ху
и славосло́вяху во вся ве́ки.

Припев: Святы́й проро́че Михéе, моли́ Бо́га о на́с.

От нача́ла сый ве́ка, Бо́жие Сло́во яви́ся,
избавля́я су́щия от Ада́ма, я́коже Михе́й прорече́:
Го́спода по́йте и превозноси́те Его́ во ве́ки.

Припев: Святы́й проро́че Михéе, моли́ Бо́га о на́с.

Мы́сленно науча́емь, вопия́л еси́:
Воли́тель ми́лости Влады́ка, я́ко Ми́лостив, ка́яся о непра́вдах
ве́рою пою́щих и превознося́щих Его́ во ве́ки.

Сла́ва Отцу́ и Сы́ну и Свято́му Ду́ху.

Я́коже светла́ мо́лния, яви́лся еси́, Бо́жию зарю́ прие́м,
и я́ко зерца́ло чи́сто быв, Михе́е,
Го́спода по́йте, вопия́, и превозноси́те Его́ во ве́ки.

И ны́не и при́сно и во ве́ки веко́в. Ами́нь.

Богородичен: Кре́пко утеше́ние, Де́во, е́же от Тебе́ Рожде́ннаго иму́ще,
держи́м апо́стольски честно́е испове́дание,
Го́спода пою́ще и превознося́ще Его́ во ве́ки.