Икона Богородицы Всецарица (Пантанасса)

Об иконе

Празднование

Песнопения

Тропарь, глас 4

О́бразом радостотво́рным честны́я Всецари́цы,
жела́нием те́плым взыска́ющих благода́ти Твоея́ спаси́, Влады́чице,
изба́ви от обстоя́ний к Тебе́ прибега́ющих;
от вся́кия напа́сти огради́ ста́до Твое́,

к заступле́нию Твоему́ взыва́ющее при́сно.

Ин тропарь, глас 4 О́бразом Твои́м радостотво́рным,/ Влады́чице, Всецари́це Богоро́дице,/ боле́зни и неду́ги на́ша исцели́/ и от вся́ких бед и напа́стей огради́,// к заступле́нию Твоему́ при́сно прибега́ющих.

Кондак, глас 8

Новоявле́нней ико́не Богоро́дице Всецари́це предстоя́ще
и на лик Тоя́ взира́юще,
со умиле́нием и любо́вию глаго́лем:
низпосли́, Влады́чице, цельбы́ к Тебе́ притека́ющим,
и пода́ждь утеше́ние в ско́рби су́щим,
да, восприе́мше ми́лость, благода́рне воззове́м Ти:

Ра́дуйся, Всецари́це, неду́ги на́ша благода́тию исцеля́ющая.

Молитва

О, Всеблага́я, досточу́дная Богоро́дице Пантана́сса, Всецари́це! Несмь досто́ин, да вни́деши под кров мой, но я́ко ми́лостиваго Бо́га любоблагоутро́бная Ма́ти, рцы сло́во, да исцели́тся душа́ моя́ и укрепи́тся немощству́ющее те́ло мое́. И́маши бо держа́ву непобеди́мую, и не изнемо́жет у Тебе́ всяк глаго́л, о Всецари́це! Ты за мя упроси́, Ты за мя умоли́, да просла́вляю пресла́вное и́мя Твое́ всегда́, ны́не и в безконе́чныя ве́ки. Ами́нь.

2-я Молитва

О, Пречи́стая Богома́ти, Всецари́це! Услы́ши многоболе́зненное воздыха́ние на́ше пред чудотво́рною ико́ною Твое́ю, из уде́ла Афо́нскаго в Росси́ю пренесе́нною, при́зри на чад Твои́х, неисце́льными неду́ги стра́ждущих, ко свято́му о́бразу Твоему́ с ве́рою припа́дающих! Я́коже пти́ца крило́ма покрыва́ет птенцы́ своя́, та́ко и Ты ны́не, при́сно жи́ва су́щи, покры́й нас многоцеле́бным Твои́м омофо́ром. Та́мо, иде́же наде́жда исчеза́ет, несумне́нною Наде́ждою бу́ди. Та́мо, иде́же лю́тыя ско́рби превозмога́ют, терпе́нием и осла́бою яви́ся. Та́мо, иде́же мрак отчая́ния в ду́ши всели́ся, да возсия́ет неизрече́нный свет Божества́! Малоду́шныя уте́ши, немощны́я укрепи́, ожесточе́нным сердца́м умягче́ние и просвеще́ние да́руй. Исцели́ боля́щия лю́ди Твоя́, о Всеми́лостивая Цари́це! Ум и ру́ки врачу́ющих нас благослови́, да послу́жат ору́дием Всемо́щнаго Врача́ Христа́ Спа́са на́шего. Я́ко живе́й Ти, су́щей с на́ми, мо́лимся пред ико́ною Твое́ю, о Влады́чице! Простри́ ру́це Твои́, испо́лненныя исцеле́ния и врачбы́, ра́досте скорбя́щих, в печа́лех утеше́ние, да чудотво́рную по́мощь ско́ро получи́вше, прославля́ем Живонача́льную и Неразде́льную Тро́ицу, Отца́ и Сы́на и Свята́го Ду́ха во ве́ки веко́в. Ами́нь.

Канон

Канон Пресвятой Богородице пред иконой «Всецарица»

Глас 4

Песнь 1.

Ирмос: Отве́рзу уста́ моя́,
и напо́лнятся Ду́ха,
и сло́во отры́гну Цари́це Ма́тери,
и явлю́ся, све́тло торжеству́я,
и воспою́, ра́дуяся, Тоя́ чудеса́.

Ирмос: Отверзу уста мои,
и они исполнятся Духа;
и слово изреку Царице Матери,
и явлюсь светло торжествующим,
и воспою радостно Ее чудеса.

Припев: Пресвята́я Богоро́дице, спаси́ нас.

Припев: Пресвятая Богородица, спаси нас.

О, Преблага́я Засту́пнице на́ша,
недоуме́ем песносло́вити Тя по достоя́нию,
оба́че любо́вию понужда́еми, мо́лим Тя:
сподо́би принести́ Ти пе́сни благода́рственныя.

Прииди́те, ве́рнии,
ко всечестно́му о́бразу Богоро́дицы Всецари́цы припаде́м,
обы́мем се́рдцем и лобыза́ем устна́ми,
со умиле́нием моля́щеся Всеми́лостивой Влады́чице.

Слава: От Небе́сных сла́вимая и от земны́х ублажа́емая,
де́вственными добро́тами преиспо́лненная, Пречи́стая Де́во,
приими́ моле́ния на́ша
и при́зри на нас благоуве́тливым взо́ром Твои́м.

Слава: От Сил Небесных славимая
и от земных блаженной именуемая,
красотами девства преисполненная, Пречистая Дева,
прими моления наши и воззри на нас
благосклонным взором Твоим.

И ныне: Ди́вны чудеса́ Твоя́, Го́споди,
я́ко дарова́л еси́ ми́ру пресла́вную Богоотрокови́цу Мари́ю,
от всех родо́в произбра́нную
во спасе́ние ро́да челове́ческаго.

И ныне: Дивны чудеса Твои, Господи,
ибо даровал Ты мiру
преславную Божию Отроковицу Марию,
от всех родов предызбранную
для спасения рода человеческого.

Пе́снь 3.

Ирмос: Твоя́ песносло́вцы, Богоро́дице,
живы́й и незави́стный Исто́чниче,
лик себе́ совоку́пльшия, духо́вно утверди́,
в Боже́ственней Твое́й сла́ве
венце́в сла́вы сподо́би.

Ирмос: Твоих песнопевцев, Богородица,
– живой и обильный источник,
устроивших духовный праздник, утверди
и в божественной Твоей славе
удостой венцов славы.

Припев: Пресвята́я Богоро́дице, спаси́ нас.

Ты еси́ исто́чник златостру́йный,
ро́су утеше́ния точа́щий
сердца́м скорбя́щим, о Цари́це Де́во.
Ободри́ ны в час испыта́ния,
от отча́яния изба́ви и сле́зы претвори́
в ро́су небе́сныя ра́дости.

Ты – источник струй златых,
росу утешения источающий сердцам скорбящим, о Царица-Дева.
Ободри нас в час испытания, от отчаяния избавь,
и претвори слезы в росу небесной радости.

Мо́лим Тя о сро́дницех на́ших, Госпоже́ Всецари́це,
исцели́ неду́ги неисце́льныя,
уста́ви ра́ковыя я́звы стуже́ние,
терпе́ние неистощи́мое стра́ждущим да́руй
и вода́ми покая́ния омы́й сердца́ их.

Молим Тебя о сродниках наших, Госпожа Всецарица:
исцели недуги неизлечимые,
прекрати от раковой язвы мучение,
терпение неистощимое страждущим даруй
и водами покаяния омой сердца их.

Слава: Любы́ Твоя́, о Богома́ти, я́коже огнь небе́сный,
да зате́плит в сердца́х на́ших
светлосия́нныя свети́льники моли́твы и любве́.

Слава: Любовь Твоя, о Богоматерь,
словно огонь небесный,
да затеплит в сердцах наших
светло сияющие светильники
молитвы и любви.

И ныне: О Всесве́тлая Влады́чице,
покры́й нас честны́м Твои́м омофо́ром и светоно́сными благода́ти луча́ми
отжени́ те́мный о́блак печа́лей на́ших.

И ныне: О Всесветлая Владычица!
Покрой нас священным Твоим омофором
и светоносными лучами благодати
отгони темное облако печалей наших.

Го́споди, поми́луй, трижды.

Седален, глас 8:

Днесь пра́зднуем прише́ствие честна́го о́браза Твоего́, Ма́ти Бо́жия,
к нему́же с ве́рою припа́даем, Всеблаже́нная, и мо́лим Тя:
посети́ су́щия в боле́знех и печа́лех
и покры́й от бед и зол рабы́ Твоя́.

Песнь 4.

Ирмос: Седя́й в сла́ве на Престо́ле Божества́,
во о́блаце ле́гце,
прии́де Иису́с Пребоже́ственный,
нетле́нною дла́нию, и спасе́ зову́щия:
сла́ва, Христе́, си́ле Твое́й.

Ирмос: Сидящий в славе
на престоле Божества,
на облаке легком,
пришел Иисус божественнейший,
носимый непорочной рукою,
и спас взывающих:
«Слава, Христе, силе Твоей!»

Припев: Пресвята́я Богоро́дице, спаси́ нас.

В зно́и неисце́льных боле́зней стра́ждущим
одожди́ ка́пли небе́снаго милосе́рдия Твоего́, Пречи́стая,
и благода́ти прохла́дою услади́ ду́ши изнемога́ющия.

Купина́ Тя неопа́льная проо́бразоваше, о Цари́це Де́во,
и́бо не опали́ Твое́ чре́во огнь Божества́.
Те́мже мо́лим Тя:
огня́ ве́чнующаго изба́ви ны.

Слава: Ты от свята́го А́нгела пи́щу небе́сную прие́млющи,
под се́нию хра́ма Госпо́дня пребыва́ла еси́, Де́во нетле́нная,
напита́й у́бо и нас животворя́щим Хле́бом Небе́сным,
Пречи́стым Те́лом и Боже́ственною Кро́вию Христа́, Спа́са на́шего.

Слава: Ты от святого Ангела пищу небесную принимая,
под сенью Храма Господня пребывала, Дева непорочная;
напитай же и нас Животворящим Хлебом Небесным –
Пречистым Телом и Божественною Кровию
Христа, Спасителя нашего.

И ныне: Ра́дуйся, Богоизбра́нная Отрокови́це,
одушевле́нный хра́ме, черто́же Сло́ва Бо́жия,
во святы́й храм во младе́нческих ле́тех введе́нная и та́мо воспита́нная.
Те́мже мо́лим Тя:
научи́ ны ко хра́му Бо́жию прилежа́ти
и сподо́би Святы́х Та́ин в снабде́ние душ на́ших причаща́тися.
Та́кожде по кончи́не на́шей благоволи́ отве́рсти нам две́ри ра́йския
и введи́ нас в Небе́сный храм Сы́на Твоего́.

И ныне: Радуйся, Богом избранная Отроковица,
одушевленный Храм, Чертог Слова Божия,
во святой Храм во младенческих летах введенная и там воспитанная.
Потому молим Тебя:
научи нас ко храму Божию быть усердными
и сподоби Святых Таин на пользу душ наших причащаться.
Также по кончине нашей благоволи отворить нам двери райские
и введи нас в Небесный Храм Сына Твоего.

Песнь 5.

Ирмос: Ужасо́шася вся́ческая
о Боже́ственней сла́ве Твое́й:
Ты бо, неискусобра́чная Де́во,
име́ла еси́ во утро́бе над все́ми Бо́га
и родила́ еси́ безле́тнаго Сы́на,
всем воспева́ющим Тя
мир подава́ющая.

Припев: Пресвята́я Богоро́дице, спаси́ нас.

О, Всеблаже́нная Богома́ти, согреша́ющих исправле́ние,
умягчи́ изсо́хшую зе́млю серде́ц на́ших,
да прие́мше семена́ сло́ва Бо́жия,
плоды́ досто́йныя принесе́м Влады́це Христу́.

О, Всеблаженная Богоматерь, согрешающих исправление,
умягчи иссохшую землю сердец наших,
дабы, приняв семена слова Божия,
мы плоды достойные принесли Владыке Христу.

Поги́бших Ты еси́ взыска́ние, Присноде́во Мари́е,
и хода́таица о нас к Сы́ну Твоему́ и Бо́гу,
Ты еси́ приста́нище спаси́тельное
обурева́емым в мо́ре жите́йстем и погружа́емым напа́стьми мно́гими.

Ты – погибших Взыскание, Приснодева Мария,
и Ходатаица о нас к Сыну Твоему и Богу;
Ты – Пристань спасительная носимым бурей житейском в море
и потопляемым напастями многими.

Слава: То́ками благода́ти,
чрез святы́й о́браз Твой, Всецари́це, на нас излива́емыми,
омы́й на́ших грехо́в скве́рну и угаси́ страсте́й пещь,
да обря́щем чистоту́ серде́чную
и да уневе́стим ду́ши Христу́, Спа́су на́шему.

Слава: Потоками благодати,
чрез святой Твой образ, Всецарица, на нас изливаемыми,
омой наших грехов скверну
и угаси страстей печь,
да обретем чистоту сердечную
и да обручим души наши Христу,
Спасителю нашему.

И ныне: О, ра́дуйся, всепе́тая Цари́це!
Зарю́, наставля́ющую к све́ту, возсия́й душа́м на́шим,
ро́ждшая Со́лнце пра́вды Христа́,
ра́дость и спасе́ние ми́ру.

И ныне: О, радуйся, всеми воспетая Царица!
Зарю, направляющую к свету,
зажги душам нашим,
родившая Солнце правды Христа,
радость и спасение мiру.

Песнь 6.

Ирмос: Боже́ственное сие́ и всечестно́е
соверша́юще пра́зднество,
Богому́дрии, Богома́тере,
прииди́те, рука́ми воспле́щим,
от Нея́ ро́ждшагося Бо́га сла́вим.

Ирмос: Божественный сей и всеми чтимый
совершая праздник Богоматери,
придите, богомудрые,
начнем рукоплескать,
от Нее рожденного Бога славя.

Припев: Пресвята́я Богоро́дице, спаси́ нас.

Не возгнуша́йся нас многогре́шных,
о сладкоуха́нный кри́не чистоты́,
отжени́ от нас плотско́е мудрова́ние,
уста́ви молву́ лука́вых помышле́ний
и сподо́би доброде́телей благоуха́ние Творцу́ вы́ну приноси́ти.

Не возгнушайся нами, многогрешными,
о благоуханная Лилия чистоты;
отгони от нас плотское мудрствование,
останови волнение порочных помышлений
и сподоби добродетелей благовоние
Творцу всегда приносить.

Помози́ нам, Богоневе́сто,
смире́н нрав стяжа́ти, всегда́ ра́доватися,
за вся Творца́ благодари́ти, и непреста́нно моли́тися
ко Христу́, Спаси́телю на́шему, научи́ ны.

Слава: Прише́ствием ико́ны Твоея́ озаря́еми,
мо́лим Тя, Всецари́це,
бу́ди нам гре́шным спору́чница,
на стези́ спаси́тельныя наста́ви,
побори́ борю́щия ны
и побе́ду непобеди́мую во бране́х да́руй.

Слава: Пришествием иконы Твоей озаряемые,
мы молим Тебя, Всецарица,
будь нам грешным Поручительницей,
на пути спасительные направь,
одолей борющихся с нами
и победу непобедимую в битвах даруй.

И ныне: О, чи́стая Голуби́це, нескве́рная А́гнице,
А́гнца и Па́стыря неизрече́нно ро́ждшая,
вои́стину Ты еси́ а́нгельских чино́в превы́сшая,
умоли́ о нас Боже́ственнаго Сы́на Твоего́.

И ныне: О чистая Голубица,
чуждая скверны Агница,
Агнца и Пастыря неизреченно родившая;
воистину Ты выше Ангельских полков.
Умоли о нас Божественного Сына Твоего.

Го́споди, поми́луй, трижды. Сла́ва, и ны́не:

Кондак, глас 8:

Новоявле́нней Твое́й ико́не, предстоя́ще ве́рнии уми́льно,
воспева́ем Ти, Всецари́це, раби́ Твои́;
низпосли́ цельбы́ к Тебе́ притека́ющим ны́не рабо́м Твои́м,
да вси ра́достно зове́м Ти: ра́дуйся, Всецари́це,
неду́ги на́ша благода́тию исцеля́ющая.

Новоявленной Твоей иконе предстоя,
мы, верные рабы Твои, со умилением воспеваем Тебе, Всецарица;
ниспошли исцеления ныне прибегающим к Тебе рабам Твоим,
дабы все мы радостно взывали Тебе:
«Радуйся, Всецарица, недуги наши благодатию исцеляющая!»

Икос:

А́нгел предста́тель с небесе́ сшед,
рече́ Всецари́це: ра́дуйся!
И боговеща́нным гла́сом воплоща́ема Тя зря, Го́споди,
возопи́ к Ней такова́я:
ра́дуйся, глави́зно на́шего спасе́ния,
ра́дуйся, исполне́ние Зижди́телева смотре́ния,
ра́дуйся, я́ко Тобо́ю Бог воплоти́ся,
ра́дуйся, я́ко Неви́димый в Тебе́ изобрази́ся,
ра́дуйся, ми́лость ми́ра внутрь прия́вшая,
ра́дуйся, одея́ние пло́ти Сло́ву сотка́вшая,
ра́дуйся, уму́ непости́жная го́рняя сла́во,
ра́дуйся, сердца́ оживи́вшая небе́сная ма́нно,
ра́дуйся, звездо́, благода́ти сия́ние,
ра́дуйся, исто́чниче, живы́я воды́ излия́ние,
ра́дуйся, Богоро́дице, в жена́х благослове́нная,
ра́дуйся, ро́ждшая Спа́са, Де́во нетле́нная,
ра́дуйся, Всецари́це,
неду́ги на́ша благода́тию исцеля́ющая.

Икос: Ангел-первостоятель с небес сойдя,
возгласил Всецарице: «Радуйся!»
И при том богословесном возгласе
видя воплощающимся Тебя, Господи,
воскликнул Ей такие слова:
Радуйся, начало нашего спасения;
радуйся, Исполнение замысла Создателя.
Радуйся, ибо от Тебя Бог воплотился;
радуйся, ибо Невидимый в Тебе изобразился.
Радуйся, Милость мира внутрь принявшая;
радуйся, одеяние плоти Слову соткавшая.
Радуйся, уму непостижимая вышняя слава;
радуйся, сердца оживившая небесная манна.
Радуйся, Звезда, благодати сияние;
радуйся, Источник, воды живой излияние.
Радуйся, Богородица, среди жен благословенная;
радуйся, родившая Спасителя, Дева нетленная.
Радуйся, Всецарице, недуги наши благодатию исцеляющая!

Песнь 7.

Ирмос: Не послужи́ша тва́ри Богому́дрии,
па́че Созда́вшаго,
но о́гненное преще́ние му́жески попра́вше,
ра́довахуся, пою́ще:
препе́тый отце́в Госпо́дь и Бог благослове́н еси́.

Ирмос: Не почтили богомудрые
творения больше Творца,
но угрожавший им огонь мужественно поправ,
радостно воспевали:
«Прехвальный Господь и Бог отцов,
благословен Ты!»

Припев: Пресвята́я Богоро́дице, спаси́ нас.

Сподо́би ны, преблага́я Богороди́тельнице,
пресла́вное и́мя Иису́сово умо́м и се́рдцем призыва́ти
и се́ю моли́твою услади́ го́речь печа́лей и скорбе́й на́ших.

Сподоби нас, Преблагая Божия Родительница,
преславное имя Иисусово умом и сердцем призывать
и этой молитвою услади
печалей и скорбей наших горечь.

Притецы́те, вси здра́вия и́щущие,
ко благосе́рдой Де́ве Мари́и Богоро́дице
и почерпи́те во́ду жи́зни от исто́чника спаси́тельнаго.

Прибегните все, ищущие здравия,
ко благосердной Деве Марии, Богородице
и почерпните воду жизни
от источника спасительного.

Слава: Благослове́н еси́, Го́споди Иису́се Христе́, Спаси́телю наш,
я́ко в час кре́стных страда́ний Твои́х
благоволи́л еси́ поручи́ти ны заступле́нию Пречи́стыя Ма́тере Твоея́
и нас недосто́йных ча́дами Ея́ соде́лал еси́.

Слава: Благословен Ты, Господи Иисусе Христе, Спаситель наш,
что в час крестных страданий Твоих
благоволил поручить нас заступничеству Пречистой Матери Твоей
и нас, недостойных, чадами Ее соделал.

И ныне: Ра́дуйся, одушевле́нная Пала́то Божества́,
еди́на неискусому́жная Де́во Мари́е,
во утро́бу неискусобра́чную Бо́га вмести́вшая.
С Гаврии́лом Арха́нгелом вопие́м Ти:
благослове́нна Ты в жена́х и благослове́н Плод чре́ва Твоего́.

И ныне: Радуйся, одушевленный Дворец Божества,
одна не знавшая мужа Дева Мария,
брака не испытав, Бога во чрево вместившая.
С Гавриилом Архангелом мы взываем Тебе:
«Благословенна Ты между женами
и благословен Плод чрева Твоего!»

Песнь 8.

Ирмос: О́троки благочести́выя в пещи́
Рождество́ Богоро́дично спасло́ есть,
тогда́ у́бо о́бразу́емое,
ны́не же де́йствуемое,
вселе́нную всю воздвиза́ет пе́ти Тебе́:
Го́спода по́йте, дела́,
и превозноси́те Его́ во вся ве́ки.

Ирмос: Отроков благочестивых в печи
Дитя Богородицы спасло:
тогда – прообразуемое, а ныне – действующее;
всю вселенную созывает Он петь Тебе.
Пойте Господа, творения,
и превозносите во все века!

Припев: Пресвята́я Богоро́дице, спаси́ нас.

О Богома́ти Всецари́це,
просвети́ ны позна́нием Сы́на Твоего́, да насле́дствуем Ца́рствие Небе́сное
и да восхва́лим и воспое́м Го́спода
и превозно́сим Его́ во вся ве́ки.

В не́мощи на́шей да соверша́ется си́ла Бо́жия,
исцеля́ющая ду́ши и телеса́ на́ша
и ве́чное спасе́ние нам да́рующая.
Те́мже сподо́би ны, Госпоже́,
со благодаре́нием терпе́ти вся посыла́емая нам
и Твои́ми те́плыми моли́твами к Боже́ственному Сы́ну Твоему́
исхода́тайствуй нам благода́тную по́мощь.

В немощи нашей да совершается сила Божия,
исцеляющая души и тела наши
и вечное спасение нам дарующая.
Потому сподоби нас, Госпожа,
с благодарением терпеть все, посылаемое нам
и Твоими горячими молитвами к Божественному Сыну Твоему
испроси нам благодатную помощь.

Слава: Умири́ сердца́ на́ша
и в тишине́ по́мысла соблюди́, Всесвята́я Ма́ти Де́во,
да моля́щеся на вся́ко вре́мя ду́хом, Го́спода благослови́м
и превозно́сим Его́ во вся ве́ки.

Слава: Умиротвори сердца наши
и в тишине мысли соблюди,
Всесвятая Матерь Дева,
да, молясь на всякое время духом,
будем Господа благословлять
и превозносить Его во все века.

И ныне: Во успе́нии ми́ра не оста́вила еси́, о Богома́ти,
но при́сно с на́ми пребыва́еши
и предста́тельством Твои́м нас спаса́еши.

И ныне: Во успении мiра не оставила Ты, о Богоматерь,
но постоянно с нами пребываешь
и покровительством Твоим нас спасаешь.

Песнь 9.

Ирмос: Всяк земноро́дный
да взыгра́ется, Ду́хом просвеща́емь,
да торжеству́ет же Безпло́тных умо́в естество́,
почита́ющее свяще́нное торжество́ Богома́тере,
и да вопие́т:
ра́дуйся, Всеблаже́нная,
Богоро́дице Чи́стая Присноде́во.

Ирмос: Всякий на земле рожденный
да ликует, Духом просвещаясь;
да торжествует и бесплотных Умов естество,
почитая священное торжество Богоматери,
и да взывает:
«Радуйся, Всеблаженная,
Богородица чистая, Приснодева!»

Припев: Пресвята́я Богоро́дице, спаси́ нас.

О, Цари́це Де́во,
ра́ковыя я́звы преди́вная Цели́тельнице,
яви́ Свое́ благоволе́ние в долгонеду́жии су́щим
и пода́ждь им здра́вие,
да воспева́ют вы́ну Тя, всеблага́я Ма́ти Бо́жия.

О Царица Дева, раковой язвы предивная Целительница!
Яви Свое благоволение в долгой болезни пребывающим
и подай им здравие, да воспевают всегда
Тебя, Всеблагая Матерь Божия.

Виждь, Влады́чице, на́ше неможе́ние,
оба́че приими́ смире́нная моле́ния на́ша,
бу́ди нам блага́я путеводи́тельница ко спасе́нию
и наста́ви ны путе́м те́сным ше́ствовати к простра́нству жи́зни ве́чныя.
Мы же не преста́нем благодаря́ще велича́ти Тя.

Слава: О, Ма́ти милосе́рдия и утеше́ния,
уще́дри ны неизрече́нною Твое́ю благосты́нею
и благослови́ ны те́пле воспева́ющия Тя.

Слава: О, Матерь милосердия и утешения!
Сжалься над нами по неизреченной Твоей благости
и благослови нас, с теплой верой воспевающих Тебя.

И ныне: Вси ро́ди христиа́нстии
ублажа́ют Тя, Богороди́тельнице Пречи́стая,
я́ко призре́ Госпо́дь на смире́ние Твое́
и сотвори́ Ти вели́чие неисповеди́мое.

И ныне: Все роды христианские
блаженной именуют Тебя,
Божия Родительница Пречистая,
ибо призрел Господь на смирение Твое
и сотворил Тебе величие неисповедимое.

Светилен:

Све́тел есть честны́й пра́здник ико́ны Твоея́, Всецари́це,
его́же в торжестве́ духо́внем благоле́пно соверша́юще, велича́ем Тя,
о светоно́сная ски́ние Христа́, Царя́ и Бо́га на́шего.

Молитва 1-я:

О всеблага́я, досточу́дная Богоро́дице, Пантана́сса, Всецари́це! Несмь досто́ин да вни́деши под кров мой, но я́ко ми́лостиваго Бо́га любоблагоутро́бная Ма́ти, рцы сло́во, да исцели́тся душа́ моя́ и укрепи́тся немощству́ющее те́ло мое́. И́маши бо держа́ву непобеди́мую и не изнемо́жет у Тебе́ всяк глаго́л, о Всецари́це! Ты за мя упроси́, Ты за мя умоли́, да прославля́ю пресла́вное и́мя Твое́ всегда́, ны́не и в бесконе́чныя ве́ки. Ами́нь.

Молитва 2-я:

О, Пречи́стая Богома́ти, Всецари́це! Услы́ши многоболе́зненное воздыха́ние на́ше пред чудотво́рною ико́ною Твое́ю, из уде́ла Афо́нскаго в Росси́ю принесе́нною, при́зри на чад Твои́х, неисце́льными неду́ги стра́ждущих, ко свято́му о́бразу Твоему́ с ве́рою припа́дающих! Я́коже пти́ца крило́ма покрыва́ет птенцы́ своя́, та́ко и Ты ны́не, при́сно жи́ва су́щи, покры́й нас многоцеле́бным Твои́м омофо́ром. Та́мо, иде́же наде́жда исчеза́ет, несумне́нною Наде́ждою бу́ди. Та́мо, иде́же лю́тыя ско́рби превозмога́ют, Терпе́нием и Осла́бою яви́ся. Та́мо, иде́же мрак отча́яния в ду́ши всели́ся, да возсия́ет неизрече́нный свет Божества́! Малоду́шныя уте́ши, немощны́я укрепи́, ожесточе́нным сердца́м умягче́ние и просвеще́ние да́руй. Исцели́ боля́щия лю́ди Твоя́, о всеми́лостивая Цари́це! Ум и ру́ки врачу́ющих нас благослови́; да послу́жат ору́дием Всемо́щнаго Врача́ Христа́ Спа́са на́шего. Я́ко живе́й Ти су́щей с на́ми мо́лимся пред ико́ною Твое́ю, о Влады́чице! Простри́ ру́це Твои́, испо́лненнеи исцеле́ния и врачбы́, Ра́досте скорбя́щих, в печа́лех Утеше́ние, да чудотво́рную по́мощь ско́ро получи́вше, прославля́ем Живонача́льную и Неразде́льную Тро́ицу, Отца́ и Сы́на и Свята́го Ду́ха, во ве́ки веко́в. Ами́нь.

О Пречистая Богоматерь, Всецарица! Услышь многоскорбное воздыхание наше пред чудотворною иконою Твоею, из удела Афонского в Россию принесенною, воззри на чад Твоих, неисцелимыми недугами страдающих, ко святому образу Твоему с верою припадающих! Как птица крылами покрывает птенцов своих, так ныне и Ты, вечно живая, покрой нас многоцелебным Твоим омофором, Терпением и Облегчением для нас явись; там, где надежда исчезает, будь Надеждой, чуждою сомнений. Там, где лютые скорби превознемогают, там, где мрак отчаяния в души вселился, да воссияет неизреченный свет Божества! Малодушных утешь, немощных укрепи, ожесточенным сердцам умягчение и просвещение даруй. Исцели болящих людей Твоих, о Всемилостивая Царица! Ум и руки врачующих нас благослови, да послужат они орудием Всемогущего Врача Христа, Спасителя нашего. Тебе как живой, находящейся здесь, с нами, молимся пред иконою Твоею, о Владычица! Простри руки Твои, исполненные исцелений и врачеваний, Радость скорбящих, в печалях Утешение, дабы мы, чудотворную помощь скоро получив, прославляли Живоначальную Нераздельную Троицу, Отца, Сына, и Святого Духа во веки веков. Аминь.

Акафист

Акафист Пресвятой Богородице пред иконой «Всецарица»

глас 8

Аудио:

29:18

Кондак 1

Новоявле́нней Твое́й иконе предстоя́ще ве́рнии, уми́льно воспева́ем Ти, Всецари́це, раби́ Твои́; низпосли́ цельбы́ к Тебе́ притека́ющим ны́не рабо́м Твои́м, да вси ра́достно зове́м Ти:

Ра́дуйся, Всецари́це, неду́ги на́ша благода́тию исцеля́ющая.

Икос 1

А́нгел предста́тель с Небесе́ сшед, рече́ Всецари́це: ра́дуйся! И боговеща́нным гла́сом, воплоща́ема Тя зря, Го́споди, возопи́ к Ней такова́я:

Ра́дуйся, глави́зно на́шего спасе́ния;
ра́дуйся, исполне́ние Зижди́телева смотре́ния.

Радуйся, начало нашего спасения; радуйся, исполнение промышления о нас Создателя.

Ра́дуйся, я́ко Тобо́ю Бог воплоти́ся;
ра́дуйся, я́ко Неви́димый в Тебе́ изобрази́ся.

Радуйся, что Тобою Бог воплотился; радуйся, что в Тебе Невидимый образовался.

Ра́дуйся, Ми́лость ми́ра внутрь прия́вшая;
ра́дуйся, одея́ние пло́ти Сло́ву сотка́вшая.

Радуйся, Милость мира внутрь принявшая; радуйся, соткавшая Слову плоти одежду.

Ра́дуйся, уму́ непости́жная го́рняя сла́во;
ра́дуйся, сердца́ оживи́вшая небе́сная ма́нно.

Ра́дуйся, звездо́, благода́ти сия́ние;
ра́дуйся, исто́чниче, живы́я воды́ излия́ние.

Радуйся, звезда, сияющая благодатью; радуйся, источник, изливающий живую воду.

Ра́дуйся, Богоро́дице, в жена́х благослове́нная;
ра́дуйся, ро́ждшая Спа́са Де́во нетле́нная.

Ра́дуйся, Всецари́це, неду́ги на́ша благода́тию исцеля́ющая.

Кондак 2

Безнача́льное Сло́во Отроча́ мла́до Тобо́ю бысть, исцеле́ния подая́ Тя, Де́во, чту́щим и неизрече́нное Его́ Рождество́ воспева́ющим: Аллилу́иа.

Безначальное Слово Юный Младенец Тобою воплотился, Ты исцеления даруешь, Дево, почитающим и воспевающим неизреченное Его Рождество: Аллилуиа.

Икос 2

Ра́зум недоразумева́емый разуме́ти Де́ва и́щущи, возопи́ к служа́щему: я́ко Отрокови́ца чи́стая, ка́ко бу́ду Вы́шняго Ма́ти, изъясни́. К Ней же Гаврии́л рече́ со стра́хом, зовы́й такова́я:

Ра́дуйся, сове́та Вы́шняго Избра́ннице;
ра́дуйся, гла́са моля́щихся Скоропослу́шнице.

Ра́дуйся, сокро́вище Христо́ва ми́ра;
ра́дуйся, люде́й Твои́х наде́ждо и си́ло.

Ра́дуйся, ра́ковыя я́звы ди́вная губи́тельнице;
ра́дуйся, про́чих боле́зней Исцели́тельнице.

Радуйся, раковых образований чудесная губительница; радуйся, прочих болезней Исцелительница.

Ра́дуйся, еди́ное ми́ру заступле́ние;
ра́дуйся, ве́рное в ско́рбех избавле́ние.

Ра́дуйся, плач и сле́зы при́сно утоля́ющая;
ра́дуйся, спасе́ния вхо́ды всем отверза́ющая.

Радуйся, плач и слёзы всегда утоляющая; радуйся, всем открывающая входы спасения.

Ра́дуйся, ски́птре и держа́во Афо́н населя́ющих;
ра́дуйся, же́зле мона́хов и миря́н.

Ра́дуйся, Всецари́це, неду́ги на́ша благода́тию исцеля́ющая.

Кондак 3

Си́ла Вы́шняго осени́ Тя, Отрокови́це, плоть прия́т неизрече́нно, показа́ Тя село́ сла́дкое хотя́щим жа́ти спасе́ние и пою́щим: Аллилу́иа.

Сила Вышняго осенила Тебя, Отроковица, неизреченно приняла плоть, показала как бы приятною нивою для всех желающих пожинать спасение и поющих: Аллилуиа.

Икос 3

Просла́вися ди́вно свята́я ико́на Твоя́, Всецари́ца имену́емая, егда́ цельбоно́сно яви́ся Богома́тере изображе́ние; вопию́щим же пред не́ю с ве́рою исцеле́ния подае́ши, да умножа́ются пе́сни сицевы́я:

Ра́дуйся, Ма́ти незаходи́маго Све́та;
ра́дуйся, претерпе́вших до конца́ побе́до.

Ра́дуйся, в боле́знех и ско́рбех су́щим врачева́ние;
ра́дуйся, сиро́т и вдови́ц неруши́мая стено́.

Ра́дуйся, две́ри ра́йския отверза́ющая;
ра́дуйся, тружда́ющихся и обремене́нных заступа́ющая.

Ра́дуйся, о спасе́нии ве́рных Хода́таице;
ра́дуйся, за род челове́ческий Моли́твеннице.

Радуйся, Ходатаица о спасении верных; радуйся, Молитвенница за род человеческий.

Ра́дуйся, ле́ствице небе́сная, возводя́щая от земли́ к Небеси́;
ра́дуйся, водо́ жива́я, омыва́ющая сме́ртные грехи́.

Ра́дуйся, А́гнице, сердца́ незло́бивых храня́щая;
ра́дуйся, Покро́ве, чад Це́ркви осеня́ющий.

Радуйся, Агница, хранящая сердца незлобивых; радуйся, Покров, покрывающий чад Церкви.

Ра́дуйся, Всецари́це, неду́ги на́ша благода́тию исцеля́ющая.

Кондак 4

Живо́т ми́рови да́руя, Влады́ка ми́ра всели́ся во утро́бу Твою́ неискусому́жно и, Ма́терь ве́рных Тя показа́в, в ми́ре тех воспева́ти призва́: Аллилу́иа.

Дарова жизнь миру, Владыка мира вселился в Твою не познавшую мужа утробу и, показав Тебя Матерью верных, призвал воспевать тех в мире: Аллилу́иа.

Икос 4

Пресла́вная соде́яшася о Тебе́, Гра́де Бо́жий, исцеле́нием быва́ющим от святы́я ико́ны Твоея́; цельбоно́сныя струи́ врачева́ний прие́млюще, благода́рственно, о Всецари́це, вопие́м:

Преславное было сделано о Тебе, град Божий (см.: Пс. 86:3), исцеления бывающие от святой Твоей иконы; целебные потоки врачеваний приемля, благодарственно, о Всецарица, восклицаем:

Ра́дуйся, сна́добие, боль утоля́ющее;
ра́дуйся, прохла́до, жар неду́жный остужа́ющая.

Радуйся, снадобье, боль утоляющее; радуйся, прохлада, жар недужный остужающая.

Ра́дуйся, прижига́ющая ра́ковыя я́звы, а́ки пла́менем;
ра́дуйся, подыма́ющая со одра́ оста́вленных врачми́.

Радуйся, прижигающая раковые образования, словно пламенем; радуйся, поднимающая с постели оставленных врачами.

Ра́дуйся, лик Свой пречи́стый избра́нным явля́ющая;
ра́дуйся, от грехо́вных уз разреша́ющая.

Ра́дуйся, я́ко Тобо́ю избавле́ние от сме́рти дарова́ся;
ра́дуйся, я́ко Тобо́ю неисче́тный сонм ве́рных оправда́ся.

Радуйся, что Тобою было даровано избавление от смерти; радуйся, что Тобою оправдался бесчисленное собрание верных.

Ра́дуйся, высото́, челове́ческими по́мыслы неизсле́дованная;
ра́дуйся, глубино́, еди́ным Сло́вом изве́данная.

Ра́дуйся, проро́чествие пре́жде Тебе́ бы́вших патриа́рхов;
ра́дуйся, наста́внице Тебе́ моли́вшихся иера́рхов.

Ра́дуйся, Всецари́це, неду́ги на́ша благода́тию исцеля́ющая.

Кондак 5

Пречи́стый Храм Спа́сов позна́хом Тя, Отрокови́це; к Тебе́ припа́даем, Чи́стая, да нас соде́лаеши хра́мы Божества́, вопию́щих Ему́ : Аллилу́иа.

Тебя мы познали, как пречистый Храм Спасителя, Отроковица; к Тебе припадаем, Чистая, да нас сделаешь храмами Божества, вопиющих Ему: Аллилу́иа.

Икос 5

Ви́деша чи́ни А́нгельстии на руку́ Твое́ю Созда́вшаго руко́ю челове́ки и, я́ко Влады́чицу разумева́юще Тя еди́ну, а́ще и рабо́ю Себе́ нарекла́ еси́, потща́шася пе́сньми послужи́ти Ти, Благослове́нней, сицевы́ми:

Ра́дуйся, Бо́гом поста́вленная превы́ше небе́сных Сил;
ра́дуйся, чуде́сными исцеле́ньми исполня́ющая мир.

Радуйся, поставленная Богом превыше небесных Сил; радуйся, наполняющая чудесными исцелениями мир.

Ра́дуйся, хвалу́ и сла́ву от Небе́с слы́шащая;
ра́дуйся, благодаре́ние от земли́ прие́млющая.

Ра́дуйся, я́ко се́мя тли в сердца́х потреби́ла еси́;
ра́дуйся, я́ко ко́зней диа́вольских яре́м сокруши́ла еси́.

Радуйся, что истребила семя растления в сердцах; радуйся, что стерла игом диавольские козни.

Ра́дуйся, юдо́ль плаче́вную испо́лнившая ра́достию;
ра́дуйся, ско́рби изменя́ющая в небе́сную сла́дость.

Ра́дуйся, благоуха́ние Бо́гу прия́тное;
ра́дуйся, ка́ющихся гре́шников весе́лие изря́дное.

Ра́дуйся, броне́ пра́вды от искуше́ний;
ра́дуйся, щи́те огражде́ния от вражды́ и нестрое́ний.

Радуйся, броня правды от искушений; радуйся, щит ограждения от вражды и нестроений.

Ра́дуйся, Всецари́це, неду́ги на́ша благода́тию исцеля́ющая.

Кондак 6

Пропове́дницы богоглаго́ливии, Спа́совы ученицы́, предста́ша Ти, Де́во, чу́дно, внегда́ от земли́ к Небеси́ восходи́ла еси́, да еди́ным се́рдцем и усты́ воспою́т Бо́гови: Аллилу́иа.

Богословесные проповедники, ученики Спасителя, представ к Тебе, Дева, чудно, когда восходила от земли на Небо, да единым сердцем и устами воспоют Богу: Аллилу́иа.

Икос 6

Возсия́ ди́вная благода́ть от ико́ны Твоея́, Всецари́це, егда́ ю́ноша, уче́ньми сатани́нскими омраче́нный, пред не́ю паде́ и недви́жим бысть; па́че ча́яния же от уз мра́чных свобожде́нный, со стра́хом и ра́достию взыва́ше Ти си́це:

Удивительная благодать от Твоей иконы озарила, Всецарица, когда юноша, увлёкшийся сатанинским учением, перед нею упал и лежал неподвижно; мы больше ожидания, от оков мрачных освобожденный, со страхом и радостию взываем к Тебе:

Ра́дуйся, исправле́ние нечести́ваго жития́;
ра́дуйся, утеше́ние стра́ждущих лю́те.

Ра́дуйся, бесо́вских по́лчищ от Це́ркве отгна́ние;
ра́дуйся, мглы грехо́вныя разсе́яние.

Ра́дуйся, ко́зней неви́димых упраздне́ние;
ра́дуйся, де́монских чар всемо́щное одоле́ние.

Ра́дуйся, свети́льниче, прельще́нных наставля́яй;
ра́дуйся, о́блаче, неви́нных от зла покрыва́яй.

Радуйся, светильник, прельщенных наставляющий; радуйся, облако, невинных от зла защищающее.

Ра́дуйся, хо́лме, небе́сною ма́нною пита́ющий;
ра́дуйся, доли́но, смире́нием Христо́вым насыща́ющая.

Радуйся, холм, небесной манной питающий; радуйся, долина, смирением Христовым насыщающая.

Ра́дуйся, ка́меню Небе́снаго Ца́рствия;
ра́дуйся, зерца́ло преве́чнаго Све́та.

Ра́дуйся, Всецари́це, неду́ги на́ша благода́тию исцеля́ющая.

Кондак 7

Хотя́щу да́ти Себе́ в снедь ве́рным, благоволи́л еси́ от Де́вы воплоти́тися, да прие́млюще Пречи́стое Те́ло и Кровь Твою́, позна́ют Тя, Бо́га соверше́ннаго; те́мже, дивя́щеся неизрече́нней прему́дрости сей, зове́м: Аллилу́иа.

Желая дать Себя в пищу верным, пожелал воплотиться от Девы, да принимая Пречистое Тело и Кровь Твою, узнают Тебя, совершенного Бога; поэтому мы, удивляясь этой премудрости, которая неописуема словами, взываем: Аллилу́иа.

Икос 7

Но́вое показа́ та́инство я́влься Зижди́тель, со ученики́ соверши́вый Та́йную Свою́ Ве́черю; мы же, моля́ще Всецари́цу удосто́ити нас Боже́ственныя Святы́ни, воспису́ем Ей сицева́я:

Новое таинство показал, явившийся Зиждитель, совершивший с учениками Свою Тайную Вечерю; мы же, умоляя Всецарицу удостоить нас Божественной Святыни, воспеваем Ей так:

Ра́дуйся, Пода́тельнице Небе́снаго Хле́ба;
ра́дуйся, Роди́тельнице Ве́чнаго Живота́.

Ра́дуйся, ча́ше, Христу́ приобща́ющая;
ра́дуйся, ду́шу и те́ло с Бо́гом сочета́ющая.

Ра́дуйся, лжи́це злата́я, испо́лнь Боже́ственных Та́ин;
ра́дуйся, киво́те драги́й, вмести́лище вели́кия Святы́ни.

Ра́дуйся, пе́рсте, на святу́ю Евхари́стию указу́яй;
ра́дуйся, Трапе́зо, предлага́ющая нам Пи́щу Святу́ю.

Радуйся, перст, на святую Евхаристию указующий; радуйся, Трапеза, предлагающая нам Святую Пищу.

Ра́дуйся, в час су́дный досто́йных прича́стников одесну́ю поставля́ющая;
ра́дуйся, ревни́телей Боже́ственныя Литурги́и от а́да избавля́ющая.

Радуйся, достойных причастников в судный час по правую сторону ставящая; радуйся, ревнителей Божественной Литургии от ада избавляющая.

Ра́дуйся, приводя́щая сме́ртных к Исто́чнику безсме́ртия;
ра́дуйся, огражда́ющая чад Свои́х ми́ром и кре́постию.

Радуйся, приводящая смертных к Источнику бессмертия; радуйся, ограждающая детей Своих миром и защитой.

Ра́дуйся, Всецари́це, неду́ги на́ша благода́тию исцеля́ющая.

Кондак 8

Стра́нное Рождество́ ви́девше, жите́йское вся́кое отложи́м попече́ние и горе́ име́ем сердца́; на сие́ бо Вы́шний яви́ся, во е́же привлещи́ к высоте́ Тому́ вопию́щия: Аллилу́иа.

Икос 8

Неотсту́пно в не́драх Оте́ческих пребыва́я, Сло́во неописа́нное на земли́ плоть бысть; Бог Ве́лий сотвори́ вели́чие Де́ве и призре́ на смире́ние Рабы́ Своея́, слы́шащия сицева́я:

Неотступно пребывая в Отеческих недрах, неописанное Слово на земле было во плоти; Бог Великий сотворил величие Деве и воззрел на смирение Рабов Своих, слышащей такие слова:

Ра́дуйся, невмести́маго Бо́га вмести́вшая;
ра́дуйся, надми́рнаго Творца́ ми́ру яви́вшая.

Ра́дуйся, я́ко сокруши́ся сме́рти держа́ва;
ра́дуйся, я́ко исцели́ся Ада́мова ра́на.

Ра́дуйся, пла́стырю, стру́пы душе́вныя заживля́яй;
ра́дуйся, еле́е, я́звы теле́сныя умаща́яй.

Радуйся, пластырь, заживляющий душевные раны; радуйся, елей, смазывающий телесные раны.

Ра́дуйся, утоле́ние боле́зней рожда́ющих;
ра́дуйся, облегче́ние мук умира́ющих.

Ра́дуйся, нане́сшая пораже́ние а́ду;
ра́дуйся, притупи́вшая сме́рти жа́ло.

Радуйся, нанесшая поражение аду; радуйся, притупившая жало смерти.

Ра́дуйся, ча́яние всео́бщаго воскресе́ния;
ра́дуйся, правосла́вных несумне́нное спасе́ние.

Ра́дуйся, Всецари́це, неду́ги на́ша благода́тию исцеля́ющая.

Кондак 9

Вся́кое естество́ а́нгельское и челове́ческое удиви́ся вели́чию непостижи́маго Твоего́ воплоще́ния, Сло́ве; недоумева́юще же о сей ве́лией та́йне благоче́стия, со стра́хом и тре́петом благода́рственно зове́м Ти: Аллилу́иа.

Весь мир Ангельский, а также и человеческий, поразился величию Твоего непостижимого воплощения, Слово; недоумевая об этой великой тайне благочестия, со страхом и трепетом благодарственно взываем Тебе: Аллилуиа.

Икос 9

Многоразли́чными неду́ги одержи́мии, о Всецари́це, от святы́я ико́ны Твоея́ па́че ча́яния исцеле́ния получа́ют, да прии́мше ве́рою благода́ть, велегла́сно вопию́т Ти:

Объятые разнообразными недугами, о Всецарица, от святой Твоей иконы получают исцеление, больше чем его ожидают, да приняв через веру благодать, громогласно возглашают Тебе:

Ра́дуйся, здра́вых чад при́сное сохране́ние;
ра́дуйся, боля́щих ко здра́вию преложе́ние.

Ра́дуйся, дете́й неду́гующих исцеле́ние;
ра́дуйся, ю́ных страда́льцев Ма́ти.

Ра́дуйся, возста́ние на одр боле́зни пове́рженных;
ра́дуйся, отра́до стра́хом сме́ртным одержи́мых.

Радуйся, восстание сбитый на одр болезни; радуйся, отрада одержимых страхом смерти.

Ра́дуйся, я́ко вне́млеши челове́ков рыда́нием;
ра́дуйся, призрева́ющая на на́ша стена́ния.

Ра́дуйся, боле́й земны́х небе́сною ра́достию растворе́ние;
ра́дуйся, лю́те обурева́емых пачеесте́ственное терпе́ние.

Ра́дуйся, я́ко уготовля́еши пла́чущим ра́дость;
ра́дуйся, я́ко снабдева́еши кро́тких крило́ма моли́твы.

Ра́дуйся, Всецари́це, неду́ги на́ша благода́тию исцеля́ющая.

Кондак 10

Спасти́ хотя́ Зижди́тель истле́вшее грехо́м челове́ческое естество́, сни́де на Тя, я́ко дождь на руно́, и, купину́ Тя соде́лав неопали́мую, Бог сый, бысть Челове́к, да воспева́ем Ему́: Аллилу́иа.

Икос 10

Стена́ еси́ де́вам, Отрокови́це Чи́стая, и всем о чистоте́ радя́щим, в Тя бо всели́ся Бог, очища́яй разу́мная созда́ния Своя́, да избы́вше вся́кия скве́рны, предлага́ем Ти сицева́я:

Ты — основание девам, Чистая Отроковица, и всем радеющим о чистоте, в Тебя вселился Бог, очищая Свои разумные создания, да избавимся от всякой скверны, предлагаем Тебе:

Ра́дуйся, молча́ния взыску́ющих Собесе́днице;
ра́дуйся, ве́нче храня́щих де́вство.

Радуйся, Собеседница, ищущих молчания; радуйся, венец, хранящих девство.

Ра́дуйся, нача́ло и коне́ц духо́внаго соверше́ния;
ра́дуйся, храни́лище Боже́ственнаго открове́ния.

Ра́дуйся, Тро́ическаго Сове́та Таи́ннице;
ра́дуйся, спасе́ния челове́ков вино́внице.

Ра́дуйся, верши́но, го́рдым умо́м непристу́пная;
ра́дуйся, убе́жище, смире́нным сердца́м досту́пное.

Ра́дуйся, Чи́стая, Небесе́ чисте́йшая;
ра́дуйся, Херуви́мов и Серафи́мов честне́йшая.

Ра́дуйся, Обра́дованная, я́ко прия́ла еси́ от Арха́нгела ра́дование;
ра́дуйся, Уте́шенная, я́ко ру́це Твои́ осяза́сте воскре́сшаго Христа́.

Ра́дуйся, Всецари́це, неду́ги на́ша благода́тию исцеля́ющая.

Кондак 11

Пе́ние тща́шеся разу́мное Спа́су приноси́ти, всегда́ неключи́ми, Влады́чице, остае́мся раби́ Твои́; кто бо мо́жет досто́йно воспе́ти Бо́га, Его́же и́мя, я́ко ми́ро излия́нное? Сего́ ра́ди вопие́м Ему́: Аллилу́иа.

Икос 11

Свет ве́лий возсия́в во тьме седя́щим, посети́ нас, о, Де́во, Восто́к свы́ше Сын и Бог Твой; Тя соде́лав свеще́ю на све́щнице, светоно́сным ча́дом церко́вным наказу́ет приноси́ти Ти сицева́я:

Ра́дуйся, заре́ у́мнаго Со́лнца;
ра́дуйся, вмести́лище Боже́ственнаго Огня́.

Ра́дуйся, све́те, я́ко одея́ние святы́х сотка́ла еси́;
ра́дуйся, свеще́, я́ко тьму бесо́вскую отгна́ла еси́.

Ра́дуйся, ко́сных умо́в просвеще́ние;
ра́дуйся, гре́шных серде́ц озаре́ние.

Ра́дуйся, десни́це, из мо́ря суе́тствий изводя́щая;
ра́дуйся, лучу́, путеводя́й к Ца́рствию спаса́ющихся.

Радуйся, десница, выводящая из моря суеты; радуйся, луч, указующий путь к Царствию спасающихся.

Ра́дуйся, мо́лние, нераска́янных поража́ющая;
ра́дуйся, гро́ме, губи́телей устраша́ющий.

Радуйся, молния, поражающая нераскаянных; радуйся, гром, устрашающий губителей.

Ра́дуйся, лука́выя со́вести просветле́ние;
ра́дуйся, умилостивле́ние Бо́жия Суда́.

Ра́дуйся, Всецари́це, неду́ги на́ша благода́тию исцеля́ющая.

Кондак 12

Благода́ть да́ти восхоте́в, заве́та ве́тхаго Пода́тель заве́т но́вый нам дарова́; мы же, благода́ть сию́ прии́мше, не де́лы зако́на, но еди́ною ве́рою спасе́ние улучи́вше, воспису́ем вси: Аллилу́иа.

Желая дать благодать, Податель Ветхого Завета дарует нам Новый Завет; мы же, приняв эту благодать, не делами закона, но одной верой достигнув спасения, воссылаем все: Аллилу́иа.

Икос 12

Пою́ще Твое́ рождество́, я́коже дре́вле Изра́иль в кимва́лех сено́вную ски́нию воспева́ше, та́ко мы ны́не Тя, Ски́нию и́стинну, доброде́тельми прославляем, да слы́шиши от всех сицева́я:

Воспевая Твоё рождество, как в древности Израиль в кимвалах прообразительную скинию воспел, так и мы ныне Тебя, подлинную Скинию, прославляем добродетелями, да слышишь от всех такие слова:

Ра́дуйся, пе́сне, воспева́емая горе́;
ра́дуйся, пса́лме, слы́шимый ни́зу.

Радуйся, песня, воспеваемая ввысь; радуйся, псалом, слышимый внизу.

Ра́дуйся, Еди́ному Бо́гу досто́йно послужи́вшая;
ра́дуйся, Боже́ственней Тро́ице смире́нием угоди́вшая.

Ра́дуйся, ве́ки Нося́щаго носи́вшая в Себе́;
ра́дуйся, престо́ле Содержа́щаго вселе́нную в ру́це.

Ра́дуйся, та́йно неизрече́нная веко́в и време́н;
ра́дуйся, упова́ние тве́рдое наро́дов и племе́н.

Ра́дуйся, серде́чное ра́дование иере́ев благогове́йных;
ра́дуйся, бы́строе слы́шание моли́тв церко́вных и келе́йных.

Ра́дуйся, Прему́дрости до́ме богозда́нный;
ра́дуйся, ми́лости сосу́де, Бо́гом избра́нный.

Радуйся, дом Богом созданный Премудрости; радуйся, Богом избранный сосуд милости.

Ра́дуйся, Всецари́це, неду́ги на́ша благода́тию исцеля́ющая.

Кондак 13

О, Всецари́це Ма́ти, ро́ждшая всех святы́х Святе́йшее Сло́во, ны́нешнее на́ше прие́мши песнопе́ние, от вся́кия сме́ртныя боле́зни исцели́ ны и бу́дущаго изба́ви осужде́ния вопию́щих: Аллилу́иа.

О, Всецарица Матерь, родившая всех святых Святейшее Слово, приняв нынешнее наше песнопение, от всякой нас исцели смертельной болезни и избавь от будущего осуждения взывающих: Аллилуиа.

[Се́й конда́к глаго́лется три́жды.]