Блаженный Иоа́нн Власатый, Милостивый, Ростовский, Христа ради юродивый

Блж. Иоанн Власатый, Милостивый, чудотворец, подвизался в Ростове во времена Ивана Грозного. Имел «власы на главе велики», потому и назывался Власатым. Вёл жизнь странника, пребывая в постоянной молитве. Был духовным наставником многих, включая блж. Иринарха, затворника Ростовского. Скончался в 1580 году. Прославился многими исцелениями у своей гробницы.

Краткое житие блаженного Иоанна Власатого, Ростовского чудотворца

Происхождение и родина его неизвестны. Подвизался в городе Ростове в царствование Ивана Грозного (1547–1584 гг.) в подвиге юродства, терпя нужды и скорби и не имея постоянного пристанища. Живя в смирении, терпении и непрестанной молитве, он духовно окормлял многих, в том числе и блаженного Иринарха, затворника Ростовского († 1616 г.; память 13/26 января). Блаженный всегда носил с собой и читал Псалтирь.

Скончался в глубокой старости 3 сентября 1580 г. Был погребен, по завещанию, возле церкви святого Власия, за алтарем. Он имел «власы на главе велики», потому и назывался Власатым. Наименование Милостивый блаженный Иоанн получил за многие исцеления, совершившиеся при его гробнице, а также в память св. патриарха Александрийского Иоанна Милостивого (VII в.; память 12/25 ноября), имя которого он носил.

Полное житие блаженного Иоанна Власатого, Ростовского чудотворца

По краткому рукописному его житию не видно, кто он и откуда пришел в Ростов. Преосвященный Филарет предполагает, что Иоанн был знатного рода и человек образованный (знал латинский язык). Но по обстоятельствам времени царя Иоанна IV Грозного весьма вероятно, что он скрылся из Москвы от ужасов, чтобы в тиши и неизвестности служить Господу. В Ростове блаженный Иоанн принял на себя подвиг юродства, терпя нужды и скорби. Он не имел постоянного пристанища и лишь изредка отдыхал в доме своего духовника, священника Всесвятской церкви, или у одной престарелой вдовицы. Он имел «власы на главе велики», почему и назывался Власатым. Живя в смирении, терпении и непрестанной молитве, он духовно окормлял многих людей, в том числе и преподобного Иринарха, затворника Ростовского (память 13/26 января). Скончался блаженный Иоанн после долгих подвигов, перенеся много скорбей, в глубокой старости 3 сентября 1580 (1582) года и, согласно завещанию, был погребен за алтарем церкви св. Власия.

Погребение блаженного Иоанна ознаменовано было, по преданию, страшной бурей, молнией и громом, что произвело на всех удручающие впечатление. Благочестивые люди со времени погребения блаженного приходили на его могилу и брали землю; многие по вере получали исцеления и потому прозвали св. Иоанна Милостивым, отождествляя его со св. Иоанном Милостивым, Александрийским патриархом, память которого 12/25 ноября. В числе исцелившихся был Ростовский митрополит Кирилл, лишившийся в старости руки и ноги, а потому оставивший управление епархией. После усердной молитвы над гробницей блаженного Иоанна престарелый святитель, принесенный в церковь на руках, получил внезапное облегчение от своего недуга, так что уже мог сам идти в архиерейский дом, и впоследствии не только совершал богослужения, но и снова управлял епархией во время плена знаменитого своего преемника Филарета Никитича Романова (патриарха Всероссийского).

Над могилой блаженного Иоанна вместо прежней деревянной Власиевской церкви была построена каменная церковь в честь Толгской иконы Божией Матери с приделом св. мч. Власия.

Память блаженного Иоанна Власатого, Христа ради юродивого, Ростовского чудотворца, празднуется в день его кончины – 3/16 сентября и вторично – 12/25 ноября в память св. патриарха Александрийского Иоанна Милостивого, имя которого он носил.

Тропарь, глас 8

Яви́лся еси́ во гра́де, я́ко в пусты́ни,
в смиренному́дрии, чистоте́, и в труде́х, и по́двизех, и в терпе́нии мно́зе, преблаже́нне о́тче Иоа́нне,
Взем бо крест Христо́в, после́дова Ему́
и бе в моли́твах и псалмопе́нии день и нощь
иноязы́чнаго рече́ния о спасе́нии всего́ ми́ра христиа́нскаго ро́да,
и пресели́лся еси́ к Невече́рнему Све́ту.
Ны́не же ко гро́бу твоему́ ве́рни приходя́щии,
моля́ся Го́сподеви, Богоро́дице и Предте́чи,
прие́млют исцеле́ния моли́твами твои́ми.
Но при́сно за ны моли́ся, блаже́нне о́тче Иоа́нне,

спасти́ся душа́м на́шим.

Ин тропарь, глас 4 Яви́лся еси́ во гра́де, я́ко в пусты́ни, /смиренному́дрием и чистото́ю/ и, взем крест Христо́в, после́дова Ему́/ в труде́х, и по́двизех, и в терпе́нии мно́зе, преблаже́нне о́тче Иоа́нне./ И ны́не моли́ о нас, соверша́ющих па́мять твою́/ и усе́рдно притека́ющих к ра́це моще́й твои́х,// изба́витися от бед и душа́м на́шим пода́ти ве́лию ми́лость.

Кондак, глас 8

Христо́вою любо́вию уязви́ся, о́тче Иоа́нне блаже́нне,
вы́шния красоты́ жела́я,
земна́я же вся презре́ и нивочто́же вмени́
и на земли́ а́нгельское житие́ препроводи́,
в ве́чный поко́й дости́же, иде́же глас пра́зднующих,
с ни́миже моли́ся за ны

и душа́м на́шим проще́ние и телесе́м исцеле́ния да́руй.

Ин кондак, глас 2 Христо́вою любо́вию уязви́вся, о́тче Иоа́нне блаже́нне,/ вы́шния красоты́ жела́я, земна́я же вся презре́ и ни во что́же вмени́,/ и на земли́ а́нгельское житие́ име́я,/ пресели́лся еси́ в ве́чный поко́й,/ иде́же, предстоя́ Христу́ Бо́гу,/ моли́ спасти́ся нам и всему́ христиа́нскому ро́ду, я́ко да зове́м ти:// ра́дуйся, преблаже́нне о́тче Иоа́нне.

Молитва

О, всесвяты́й уго́дниче Христо́в, Иоа́нне преблаже́нне! Услы́ши на́с, моля́щихся тебе́ и прибега́ющих под кро́в тво́й, яви́ на на́с (имена́) мно́гую твою́ ми́лость и исхода́тайствуй на́м от Всевы́шняго богоприя́тными твои́ми моли́твами вся́ поле́зная ко спасе́нию ду́ш и теле́с на́ших: сохрани́ прихо́д на́ш и лю́ди, живу́щия в не́м, от вся́каго озлобле́ния по́мощию твое́ю. Те́мже святу́ю твою́ па́мять чту́ще воспе́ти тебе́ дерза́ем сицева́я: ра́дуйся, христиа́н все́х те́плый к Бо́гу моле́бниче; ра́дуйся, прихо́ду на́шему похвало́ и утвержде́ние; и я́коже ны́не, та́ко и при кончи́не на́шей испроси́ у Христа́ Бо́га обрести́ на́м ве́лию ми́лость.

Канон блаженному Иоанну Власатому, Милостивому, Ростовскому чудотворцу

Минея, 3 Сентября.

Глас 4

Песнь 1

Ирмос: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зныма Моисе́овыма рука́ма Амали́кову си́лу в пусты́ни победи́л есть.

Припев: Святы́й блажéнный Иоáнне, моли́ Бо́га о на́с.

Тво́рче всея́ тва́ри, Преблаги́й Го́споди Иису́се Христе́, Бо́же наш,
яви́л еси́ нам, рабо́м Твои́м, сего́ блаже́ннаго Иоа́нна, по́мнящим и слы́шавшим его́,
и́же ны́не, ра́ди Твоего́ свята́го и́мене и Пречи́стыя Богоро́дицы и Предте́чи Иоа́нна
ко гро́бу его́ приходя́ще, прие́млют исцеле́ния,
тем Твое́ человеколю́бное смотре́ние сла́вим и мо́лим Тя:
спаси́ нас, Го́споди.

Припев: Святы́й блажéнный Иоáнне, моли́ Бо́га о на́с.

Ми́лостивому Бо́гу на земли́ подо́бен был еси́, о́тче Иоа́нне,
правове́рным смы́слом оста́вль оте́чество свое́, прии́де во град, я́ко в пусты́ню.
И, я́ко ца́рскою багряни́цею и ви́ссом, власяни́цею оде́явся, о́тче,
и венце́м терпе́ния с пострада́вшими увязе́ся,
моли́ Христа́ Бо́га о всех нас.

Сла́ва Отцу́ и Сы́ну и Свято́му Ду́ху.

Отче Иоа́нне блаже́нне,
ко Христу́ ве́ру небла́зненну име́яй, чист по́мысл и любо́вь нелицеме́рну,
терпе́нием же твои́м и смиренному́дрием
прича́стника тя невече́рней благода́ти благоче́стно сла́вим.

И ны́не и при́сно и во ве́ки веко́в. Ами́нь.

Богородичен: Роди́выйся от Де́вы, Христе́ Бо́же, и мир просвети́вый от нетле́ния,
изба́ви и мене́, окая́ннаго, Богоро́дицы ра́ди и всех святы́х Твои́х
от прегреше́ний мои́х.

Песнь 3

Ирмос: Весели́тся о Тебе́ Це́рковь Твоя́, Христе́, зову́щи: Ты моя́ кре́пость, Го́споди, и прибе́жище, и утвержде́ние.

Припев: Святы́й блажéнный Иоáнне, моли́ Бо́га о на́с.

Христа́ Бо́га в се́рдце свое́м восприя́л еси́, о́тче Иоа́нне,
и Престо́ла Бо́жия дости́гл еси́,
Пресвяту́ю Тро́ицу непреста́нно зре́ти сподо́бился еси́.
Мо́лим тя: испроси́ пода́ти правосла́вным христиа́ном здра́вие,
на враги́ одоле́ние и ми́ру умире́ние, земли́ благопло́дие
и душа́м на́шим спасе́ние.

Припев: Святы́й блажéнный Иоáнне, моли́ Бо́га о на́с.

Име́я, о́тче Иоа́нне, ду́шу чи́сту и ми́лостиву и се́рдце бо́дро,
тем вселе́ние во дворе́ ове́ц Христо́вых и путь предочи́щен обре́т к Пресвяте́й Тро́ице,
к ве́чному животу́ прибли́зился еси́, и нас спаси́ моли́твами твои́ми.

Сла́ва Отцу́ и Сы́ну и Свято́му Ду́ху.

Пресвято́му Ду́ху на земли́ был еси́ жили́ще, блаже́нне Иоа́нне,
ны́не же на Небеси́ предстои́ши Го́сподеви.
Те́мже мо́лим тя:
и нас Свято́му Ду́ху дом соде́лай моли́твами твои́ми, чту́щих тя.

И ны́не и при́сно и во ве́ки веко́в. Ами́нь.

Богородичен: Роди́тельнице безму́жная, Ма́ти Христа́ Бо́га, Де́во Мари́е,
мо́лим Тя, Госпоже́:
спаси́ рабы́ Твоя́ от всех зол.

Седален, глас 5

Тве́рдаго адама́нта и столпа́, непоколеби́ма вра́жиими прило́ги,
богоно́снаго Иоа́нна пе́сньми почти́м.
Терпе́нием бо вои́стину посрами́в прило́ги сопроти́внаго врага́ и без ве́сти его́ сотвори́вша,
и ны́не мо́лится о спасе́нии душ на́ших.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Ужа́сно чу́до зача́тия и несказа́нен о́браз Рождества́
в Тебе́ позна́ся, Чи́стая Присноде́во,
ужаса́ет мой ум и удивля́ет по́мысл.
Сла́ва Твоя́, Богоро́дице, всем простре́ся
во спасе́ние душ на́ших.

Песнь 4

Ирмос: Вознесе́на Тя ви́девши Це́рковь на Кресте́, Со́лнце Пра́ведное, ста в чи́не свое́м, досто́йно взыва́ющи: сла́ва си́ле Твое́й, Го́споди.

Припев: Святы́й блажéнный Иоáнне, моли́ Бо́га о на́с.

Лучеза́рными светлостьми́ Пресвяты́я Тро́ицы просия́л еси́, о́тче Иоа́нне,
я́ко ма́слина плодови́та в дому́ Бо́жии, еле́ем трудо́в твои́х.
И ны́не, в неизглаго́ланней ра́дости пребыва́я,
посеща́й нас моли́твами твои́ми, чту́щих тя.

Припев: Святы́й блажéнный Иоáнне, моли́ Бо́га о на́с.

Богому́дре о́тче Иоа́нне,
чи́стая твоя́ душа́ с ли́ки святы́х на Небесе́х предстоя́т Христу́ Бо́гу, ра́дуяся.
Те́мже мы святу́ю твою́ па́мять пе́сньми почита́ем и мо́лим тя спасти́ся нам.

Сла́ва Отцу́ и Сы́ну и Свято́му Ду́ху.

Житие́ твое́ на земли́, блаже́нне Иоа́нне, я́ко со́лнце возсия́,
ны́не же, на Небесе́х предстоя́ Го́сподеви, мо́лишися за ны.
Зде же от гро́ба твоего́ чуде́с лучи́, исцеле́ния прие́млюще, мо́лим тя:
просвети́ нас Невече́рним Све́том, моли́твами твои́ми.

И ны́не и при́сно и во ве́ки веко́в. Ами́нь.

Богородичен: Я́ко заче́нши Преве́чное из Безнача́льнаго Отца́ Сло́во,
пло́тию ро́ждши па́че сло́ва, Де́во Ма́ти, Преве́чнаго Бо́га,
Того́ моли́ спасти́ся рабо́м Твои́м.

Песнь 5

Ирмос: Ты, Го́споди мой, Свет в мир прише́л еси́, Свет Святы́й, обраща́яй из мра́чна неве́дения ве́рою воспева́ющия Тя.

Припев: Святы́й блажéнный Иоáнне, моли́ Бо́га о на́с.

Свети́ло пресве́тлое от Бо́га возсия́л еси́, о́тче Иоа́нне, в преимени́том гра́де Росто́ве
и в доброде́тельных све́тлостех чудесы́ просия́л еси́.
Те́мже тя прославля́ем, па́мять твою́ почита́юще.

Припев: Святы́й блажéнный Иоáнне, моли́ Бо́га о на́с.

Яви́лся еси́ во гра́де Росто́ве земны́й А́нгел и Небе́сный челове́к,
подава́я всем исто́чник благоче́стия и ми́лости,
по преставле́нии же да́руя душа́м на́шим спасе́ние и телесе́м исцеле́ние.

Сла́ва Отцу́ и Сы́ну и Свято́му Ду́ху.

Ко́е похвале́ние принесе́м ти, честны́й о́тче Иоа́нне,
ви́дяще и слы́шаще блаже́нное твое́ житие́ и терпе́ние?
Яко и ны́не, приходя́ще к тебе́, прие́млем неоску́дно исцеле́ние и здра́вие,
и что ти возда́мы, не ве́мы, но то́кмо глаго́лем:
ди́вен Бог во святы́х Свои́х, творя́й чудеса́ Еди́н.

И ны́не и при́сно и во ве́ки веко́в. Ами́нь.

Богородичен: Всесвята́я Богоро́дице,
во вре́мя живота́ моего́ не оста́ви мене́,
челове́ческому предста́тельству не вве́ри мя,
но Сама́ заступи́ и поми́луй мя.

Песнь 6

Ирмос: Пожру́ Ти со гла́сом хвале́ния, Го́споди, Це́рковь вопие́т Ти, от бесо́вския кро́ве очи́щшися ра́ди ми́лости от ребр Твои́х исте́кшею Кро́вию.

Припев: Святы́й блажéнный Иоáнне, моли́ Бо́га о на́с.

Богому́дре и всеблаже́нне Иоа́нне,
смиренному́дрием, терпе́нием и по́двиги возжеле́л еси́ Небе́снаго Ца́рствия.
Ны́не же, предстоя́ со все́ми святы́ми Царе́ви Си́лам,
моли́ спасти́ся рабо́м твои́м.

Припев: Святы́й блажéнный Иоáнне, моли́ Бо́га о на́с.

Бога́тства Небе́снаго возжела́л еси́, земну́ю сла́ву и бога́тство ни во что́же вмени́в,
обре́т Ца́рство Небе́сное, нетле́нным и ве́чным бога́тством обогати́лся еси́,
и нас спаси́ моли́твами твои́ми от всех зол.

Сла́ва Отцу́ и Сы́ну и Свято́му Ду́ху.

Посо́бием и вселе́нием в тя Пресвята́го Ду́ха, о́тче Иоа́нне,
на земли́ терпе́нием побежда́я бесо́вския полки́,
обре́л еси́ вене́ц нетле́нный от Христа́ Бо́га и Спа́са душ на́ших.
Моли́ спасти́ся рабо́м твои́м.

И ны́не и при́сно и во ве́ки веко́в. Ами́нь.

Богородичен: Пое́м Тя, Де́во, Богома́ти Чи́стая, Мари́е,
па́че рождества́ Твое́ богому́жное Рождество́ и нетле́нную чистоту́,
и́бо сочета́ся де́вство и рождество́.

Кондак, глас 8

Христо́вою любо́вию уязви́вся, о́тче Иоа́нне блаже́нне,
вы́шния красоты́ жела́я, земна́я же вся презре́ и ни во что́же вмени́;
и на земли́ а́нгельское житие́ препроводи́, в ве́чный поко́й дости́же,
иде́же глас пра́зднующих, с ни́миже моли́ся за ны

и душа́м на́шим проще́ние и телесе́м исцеле́ние да́руй.

Икос

Ка́ко возмогу́ аз, окая́нный, воспе́ти равноа́нгельное житие́ твое́ на земли́:
целому́дрие, терпе́ние и те́плую я́же ко Христу́ любо́вь?
По отше́ствии же твое́м к Бо́гу
с ве́рою приходя́щим ко гро́бу твоему́ подае́ши исцеле́ния.
И что́ ти принесе́м? То́чию мо́лим тя и си́це вопие́м:
ра́дуйся, честны́й о́тче наш Иоа́нне блаже́нне,
ты бо еси́ гра́ду на́шему похвала́ и утвержде́ние,
боля́щим исцеле́ние и душа́м на́шим спасе́ние.

Песнь 7

Ирмос: В пещи́ Авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди.

Припев: Святы́й блажéнный Иоáнне, моли́ Бо́га о на́с.

Све́тло сия́ющим спаси́тельным бога́тством на земли́ обогатится еси́, блаже́нне о́тче Иоа́нне,
всели́лся в боже́ственный град Росто́в и причти́лся еси́ с ли́ки пра́ведных в ве́чное ра́дование.
Моли́ся за ны, пою́щия:
благослове́н Бог оте́ц на́ших.

Припев: Святы́й блажéнный Иоáнне, моли́ Бо́га о на́с.

Боже́ственными веле́нии и уче́нии оде́явся в смысл безстра́стный и моли́твенный,
вни́де во двор ове́ц Па́стыря Небе́снаго,
иде́же ли́цы святы́х веселя́щеся пою́т:
благослове́н Бог оте́ц на́ших.

Сла́ва Отцу́ и Сы́ну и Свято́му Ду́ху.

Ди́вен еси́, Бо́же наш,
я́ко и ко́сти на́ги де́йствуют в ми́ре чудеса́ и подаю́т исцеле́ния,
да благослови́м Го́спода, пою́ще:
благослове́н Бог оте́ц на́ших.

И ны́не и при́сно и во ве́ки веко́в. Ами́нь.

Богородичен: Безневе́стная Чи́стая браконеиску́сная Де́во, Ма́ти Христа́ Бо́га,
моли́ Того́ о спасе́нии пою́щих:
благослове́н Бог оте́ц на́ших.

Песнь 8

Ирмос: Ру́це распросте́р Дании́л, львов зия́ния в ро́ве затче́, о́гненную же си́лу угаси́ша, доброде́телию препоя́савшеся, благоче́стия рачи́тели, о́троцы, взыва́юще: благослови́те, вся дела́ Госпо́дня, Го́спода.

Припев: Святы́й блажéнный Иоáнне, моли́ Бо́га о на́с.

Благи́м смиренному́дрием твои́м ум свой простира́я к Вы́шнему,
Боже́ственным призыва́нием вни́де в ра́дость Го́спода своего́,
хваля́ и благословя́ Христа́ во ве́ки.

Припев: Святы́й блажéнный Иоáнне, моли́ Бо́га о на́с.

Мольба́ми твои́ми и благоду́шным терпе́нием, ду́шу твою́ и те́ло очи́стив от вся́кия скве́рны,
обре́л еси́ ве́чный поко́й,
иде́же есть жили́ще веселя́щихся и сла́вящих Христа́ во ве́ки.

Сла́ва Отцу́ и Сы́ну и Свято́му Ду́ху.

После́довал еси́, о́тче, отце́м, Иоа́нне блаже́нне,
и́же Христа́ ра́ди на земли́ мно́ги ско́рби претерпе́вый и Боже́ственная веле́ния вся соверши́вый.
Ты бо тле́нная вся мудрова́ния от себе́ отве́ргл еси́,
тем Небе́сное Ца́рство насле́дова во ве́ки.

И ны́не и при́сно и во ве́ки веко́в. Ами́нь.

Богородичен: Я́ко Цари́цу, Царя́, всех Бо́га, Ро́ждшую,
ве́рнии, со Арха́нгелом Благослове́нную возвели́чим Ма́терь Бо́жию:
ра́дуйся, Ма́ти Творца́ тва́ри.

Песнь 9

Ирмос: Ка́мень нерукосе́чный от несеко́мыя горы́ Тебе́, Де́во, краеуго́льный отсече́ся, Христо́с, совокупи́вый разстоя́щаяся естества́. Тем веселя́щеся Тя, Богоро́дице, велича́ем.

Припев: Святы́й блажéнный Иоáнне, моли́ Бо́га о на́с.

Ра́нами и наруга́нием от бесо́в и лука́вых челове́к, моли́твенным терпе́нием свои́м
вра́жия полки́ побежда́я по́мощию Свята́го Ду́ха,
вселя́лся еси́ к Невече́рнему Све́ту Бо́жия благода́ти.
Тем тя, хва́ляще, ублажа́ем.

Припев: Святы́й блажéнный Иоáнне, моли́ Бо́га о на́с.

Посреде́ ми́ра живы́й и вся стре́лы лука́ваго диа́вола сокруши́в,
моли́твами твои́ми дости́гл еси́ горняго Иерусали́ма,
предстоя́ Христу́ Бо́гу за чту́щия тя.

Сла́ва Отцу́ и Сы́ну и Свято́му Ду́ху.

Мо́лим тя, блаже́нне Иоа́нне,
моля́ Христа́ Бо́га, и Пречи́стую Богоро́дицу, и Предте́чу Иоа́нна, и всех святы́х
пода́ти правосла́вным христиа́ном здра́вие и побе́ду на вся ви́димыя и неви́димыя враги́
и жела́ние о исполне́нии соверше́нства во ве́ки веко́в.

И ны́не и при́сно и во ве́ки веко́в. Ами́нь.

Богородичен: И́же нас ра́ди рожде́йся от Де́вы, Христе́ Бо́же,
и за ны распны́йся, и сме́ртию смерть разруши́вый,
моли́твами Богоро́дицы и всех святы́х поми́луй и спаси́ нас.

Светилен

Процве́л еси́, я́ко фи́никс, Дави́дски, о́тче,
и оби́тель яви́лся еси́ Ду́ха Пресвята́го,
и сла́вна тя вселе́нней показа́.
О нас непреста́нно моля́, почита́ющих ве́рою пречестну́ю па́мять твою́,
преподо́бне Иоа́нне.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: От Бо́га ми́рови по́данных благи́х Ты вина́ была́ еси́, Богоро́дице,
но и ны́не моля́ о о́бщем спасе́нии благопреме́ннаго Бо́га.