Собор новомучеников и исповедников Казахстанских

Жития

Собор новомучеников и исповедников Казахстанских и Алма-Атинских празднуется в первое воскресенье после 3 (16) сентября.

В 1930-х – 1950-х годах в Казахстане находилось одно из самых страшных подразделений ГУЛАГа – Карлаг (Карагандинский исправительно-трудовой лагерь). Среди его узников было немало православных архиереев, священников, монахов и мирян, принявших смерть за Христа. В начале XXI века удалось собрать множество материалов о подвигах казахстанских новомучеников.

В феврале 2008 года митрополит Астанайский Мефодий (Немцов) получил благословение патриарха Алексия II на установление отдельного дня празднования Собора новомучеников и исповедников, пострадавших на земле Казахстана. Празднование решено было проводить в первое воскресенье после дня памяти первомученика Казахстанской земли – епископа Верненского Пимена. Празднование Собора было внесено в месяцеслов по патриаршему благословению 28 февраля 2008 года.

Источник: drevo-info.ru

Тропарь, глас 7

Не́бо церко́вное ны́не отверза́ется,
весе́лия исполня́ется Це́рковь Правосла́вная земли́ Казахста́нския,
и я́ко а́нгельский ли́к собо́ру ве́рных предхо́дит
пресве́тлое во́инство му́чеников и испове́дников ея́.
И́хже ра́ди страда́ния, Христе́ Бо́же,
кре́пость благоутро́бнаго милосе́рдия яви́ земли́ на́шей.
Це́рковь же в пусты́ни Тобо́ю насажде́нную
моли́твами Богоро́дицы и все́х святы́х

изба́ви от бе́д и утверди́ вове́ки.

Кондак, глас 5

О, му́ченицы и испове́дницы пресла́внии,
Казахста́нския земли́ предста́телие тепле́йшии,
во вся́ком чи́не и во́зрасте Христу́ послужи́вшии!
Кто́ испове́сть боле́зни и по́двиги ва́ша,
кто́ дово́лен изрещи́ чудеса́ ва́шея ве́ры,
или́ хвалу́ досто́йную красоте́ испове́дания ва́шего возда́ти?
Оба́че приими́те любо́вию ва́с почита́ющия

и моли́тву вознеси́те о спасе́нии ду́ш на́ших.

Величание

Велича́ем ва́с,
святи́и новому́ченицы и испове́дницы в земли́ Казахста́нстей просия́вшии,
и чти́м святу́ю па́мять ва́шу,
вы́ бо моли́те за на́с

Христа́ Бо́га на́шего.

Молитва

О, пресла́внии во́ины Отца́ Небе́снаго! О, Боже́ственнии храборницы! В годи́ну гоне́ния лю́таго в земли́ Казахстанстей за ве́ру Христо́ву пострада́вшии и сея́ земли́ предста́тели тепле́йшии яви́вшиися! Ва́м ны́не мы́, смире́ннии и недосто́йнии, усе́рдное моле́ние приноси́ти дерза́ем в де́нь благознамени́тый пра́здника ва́шего. Оба́че недоуме́юще, ка́ко нарещи́ ва́с подоба́ет или́ ка́ко по достоя́нию воспе́ти по́двиги ва́ша, си́це вопие́м: О, святи́телие Христо́вы, Ева́нгелия Боже́ственнаго и преда́ния церко́внаго носи́телие, о наро́де Бо́жием печа́льницы! Помози́те на́м зако́ну Госпо́дню приле́жно поуча́тися и бли́жним свои́м ми́лости твори́ти, да бу́дем досто́йни ва́шея любви́ и заступле́ния. О, свяще́нницы Госпо́дни, Же́ртвы Безкро́вныя соверши́телие и о проще́нии грехо́в люде́й христоимени́тых хода́таи! Испроси́те на́м прилежа́ние к слу́жбе Бо́жией и попече́ние об исправле́нии грехо́в на́ших. О, преподо́бнии отцы́ и ма́тери, во а́нгельстем чи́не Бо́гу послужи́вшии, страсте́й победи́телие и даро́в Ду́ха Свята́го честни́и сосу́ди! Излейте на на́с благода́ть даро́в ва́ших, да возревну́ем стра́сти вся́ победи́ти. О, страстоте́рпцы Боже́ственнии, терпе́ния адама́нти тве́рдии, кро́тости Христо́вы цве́ти благоуха́ннии! Дале́че отжени́те от на́с малоду́шие и ро́пот, научи́те на́с наде́жду на еди́наго Бо́га спаса́ющаго возлага́ти и бли́жних не́мощи терпели́вно носи́ти. О, святи́и сро́дницы на́ши, земли́ Казахския украше́ние, юдо́ль печальную в сла́вы Бо́жия селе́ние претворившии, равноагельнии храни́телие градо́в и ве́сей на́ших, о лю́дех правосла́вных при́снии моли́твенницы! Я́коже во вре́мя земна́го жития́ ва́шего во вся́ких ну́ждах стра́ждущим помогали есте́, та́ко и ны́не бу́дите на́м помо́щницы и засту́пницы, я́ко ве́лие дерзнове́ние пред Бо́гом стяжа́ли есте́, в тя́жких страда́ниях ве́рны Христу́ яви́вшеся. Помози́те на́м по́прище земно́е без поро́ка прейти́ и Ца́рствия Небе́снаго дости́гнути и та́мо ку́пно с ва́ми прославля́ти в Тро́ице пева́емаго Бо́га, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.