Преподобный Макарий Жабы́нский, Беле́вский, иеросхимонах

Прп. Макарий Жабынский подвизался в начале XVII века, возродив разоренную литовцами Жабынскую пустынь. Он собрал братию, основал монастырь и стал его игуменом. Господь прославил его даром чудотворения. Приняв перед кончиной схиму, преподобный скончался в 1623 году и был погребен в обители, где его мощи прославились многими чудесами.

Краткое житие преподобного Макария Жабынского, Белевского чудотворца

Подвизался в начале XVII века, избрав для иноческих подвигов разоренную в то время литовцами Жабынскую пустынь. Проводя дни и ночи в непрестанных трудах и заботах по восстановлению обители, преподобный Макарий собрал в скором времени братию и основал монастырь, где стал игуменом. Подвизаясь в непрерывной борьбе с искушениями от диавола и плоти, преподобный подавал братии пример для подражания. В конце жизни, приняв схиму, старец всецело посвятил себя служению Богу, проводя время в умной молитве и духовных подвигах.

Господь благословил великие труды и подвиги своего угодника, прославив его при жизни и после смерти даром чудотворения. Однажды старец, будучи в лесу, помолившись, ударил посохом по земле, и тотчас же на этом месте забил источник воды.

Скончался преподобный Макарий на 84 году жизни в 1623 г. и был погребен вблизи монастырского храма. Много чудес и исцелений совершилось от мощей святого.

Полное житие преподобного Макария Жабынского, Белевского чудотворца

Преподобный Макарий подвизался в начале XVII века в пределах нынешней Тульской губернии. Он известен как возобновитель разоренной Жабынской пустыни, почему и называется ее «возградителем». Сведения о нем, как письменные, так и устные, очень скудны. Неизвестно, откуда преподобный был родом и в какой обители положил начало своей подвижнической жизни. Письменные сказания называют преподобного уже священноиноком, подвижником Жабынской пустыни. Пустынь эта получила свое начало, как общежительная обитель, в 1585 году, когда старцу Онуфрию была пожалована грамота царя Феодора Иоанновича, которой давалось «старцу Анофрию Жабынское городище под монастырь в Карманьи, да пашни... лужок церковный села Спыхова... ему ж дан бор на свечи и на ладан, а черный ему лес сечи на монастырское строение и на дрова про монастырский обиход, а не на продажу». Вместе с угодьями старцу было дано несколько деревень. По той же дарственной грамоте Онуфрий должен был «на том Жабынском городищи храм воздвигнуть Введения Пресвятой Богородицы и монастырь строить». Это обязательство было исполнено Онуфрием, и храм Введения Пресвятой Богородицы был воздвигнут. Пустынь стала называться и доселе именуется Введенской – по имени главного храма, Белевской – по близлежащему городу и Жабынской – по имени колодца Жабынца. Но обитель не могла долго процветать, чему препятствовало само положение ее на границе Московского государства. Благодаря последнему обстоятельству монастырю приходилось много терпеть в XVI веке от лихих набегов крымских татар, а в начале XVII века – и так называемое литовское разорение – от частых набегов и грабежей польских и литовских отрядов, опустошавших под предводительством Лисовского этот край и Белевский уезд. Быть может, в один из таких набегов была разграблена и Жабынская пустынь, прекратившая поэтому на время свое существование. Разграбленная, разоренная и окончательно запустевшая Жабынская обитель своим восстановлением обязана трудам преподобного Макария, ее «возградителя», избравшего ее местом для своих иноческих подвигов и проведшего здесь большую часть своей трудолюбной жизни. Дни и ночи укрепляясь молитвою, проводил преподобный Макарий в непрерывной борьбе с искушениями от диавола и плоти и в непрестанных заботах и трудах по восстановлению обители. Господь Бог благословил великие труды и молитвенные подвиги Своего угодника, и обитель снова процвела. «Стражда в терпении иночески плотию», претерпевая «мраз, зной, в алчбе и жажде», преподобный снова устроил монастырь и собрал братию. Своей святой жизнью подвижник подавал братии пример для подражания. В конце жизни, закончив устроение обители, он уже схимником подвизался на кладезе Жабынце: «крайняго смирения не оставль в житии своем, великий Ангельский образ приял», как поет канон ему. Здесь в уединении старец всецело посвятил свою жизнь служению Богу, проводя дни в умной молитве и в духовных подвигах. В пламенной, исполненной горячей веры, молитве и в подвигах измождения плоти преподобный почерпал силы для борьбы с искушениями, какие неизбежно приходится терпеть от врага спасения рода человеческого всем подвижникам, ищущим высших степеней нравственного совершенствования. И «плотию стражда», преподобный «врага человекоубийцу диавола под нозе свои покорил». Скончался преподобный Макарий 84 лет от роду в 1623 году, 22 января, «в нощи, в куроглашение». Погребен он учениками своими в воссозданной им обители, близ монастырского храма в честь Введения Пресвятой Богородицы.

Мощи преподобного Макария, по преданию, первоначально почивали открыто. Вследствие запустения обители в начале XVIII века они были положены под спудом, но где именно, в каком из храмов обители, в точности неизвестно. Предание говорит, что в 1816 году, когда на место деревянной ветхой строили новую церковь и рыли яму для бута, был найден вполне сохранившимся гроб преподобного Макария и с подобающею честью опущен под алтарь новосозданного храма. В настоящее время в храме во имя преподобного Макария Жабынского, построенном на месте бывшей Никольской церкви, между правым приделом во имя святителя Николая Чудотворца и правым столпом можно видеть на возвышении, под деревянным с позолотою балдахином гробницу с изображением преподобного Макария, перед которой постоянно служатся молебны. На этом месте, по преданию, и почивают мощи преподобного.

Господь Бог, «препрославленный старцем в житии его, препрославил» и Своего угодника – преподобного Макария, «в чудесах и доныне сияющего».

Существует следующее предание о чуде, совершившемся по молитвам преподобного Макария еще при его жизни. Один польский воин, отставший от своих полчищ, встретил в лесу около монастыря преподобного Макария. Умирая от жажды, поляк попросил преподобного дать ему воды. Старец отвечал, что вода есть, но за ней нужно идти к реке. Поляк сказал, что так далеко идти он не в состоянии. Тогда преподобный со словами, что Господу совершить все возможно, ударил посохом по земле, и сейчас же забил ключ чистой, прозрачной воды. Этот ключ получил название Жабынца.

Много чудес было явлено и много исцелений совершалось и по смерти подвижника при его «цельбоносном гробе», как о том свидетельствует синодик Жабынской пустыни. И в наше время преподобный не оставляет своей помощью с верою притекающих ко гробу его.

Передают о двух случаях чудесных исцелений преподобного Макария. У одной женщины опасно заболел мальчик. У него образовалась водянка головы: голова мальчика сделалась огромной по размеру; стала какой-то прозрачной, страшной. Горько плакала мать, когда врачи отказались помочь больному; по совету некоторых благочестивых жителей города Белева она отправилась пешком в Жабынскую пустынь. Горячо молилась несчастная женщина преподобному Макарию в церкви и на кладезе, где он подвизался. С надеждой после того она возвратилась домой. Пришла – и вдруг ее встречает сын вполне здоровым: водянка исчезла и голова приняла обычный здоровый вид; ему стало лучше в то самое время, когда его мать молила о помощи преподобного. Мать сначала была поражена до испуга, затем поспешила вместе с мальчиком в Жабынскую пустынь, чтобы на этот раз уже со слезами радости и словами благодарности поклониться преподобному.

Другая женщина сама исцелилась по вере своей через погружение в кладезе Жабынце. Она была опасно больна, так что не могла даже двигаться без посторонней помощи, и врачи отказались лечить ее. Вдруг у ней явилось горячее желание ехать в Жабынскую пустынь. Муж долго уговаривал ее не делать этого и не подвергать себя опасности, но она настояла на своем. И по приезде в пустынь, когда она хотела искупаться в кладезе, муж советовал ей не погружаться в воду, а только обливаться. Но она с верою в Бога и заступление преподобного Макария попросила погрузить ее в воду. На простыне больную погрузили несколько раз; тотчас же она почувствовала себя лучше и, встав, горячо молилась преподобному Макарию.

Упадок и запустение Жабынской пустыни в конце XVIII века послужило причиной того печального обстоятельства, что о самом преподобном Макарии не сохранилось не только подробных, но более или менее достоверных сведений. Однако имя Жабынского чудотворца не было забыто; и если дальние богомольцы в годы запустения пустыни Жабынской не забывали о ней совершенно, то многие из ближайших к ней жителей всегда свято чтили память ее преподобного покровителя. Благочестивых ревнителей памяти преподобного Макария, от отцов и дедов слышавших сказания о жизни и чудесах Жабынского чудотворца, глубоко огорчало то обстоятельство, что прославление его памяти оставлено, что самые сказания и воспоминания о нем, изглаживаясь из памяти, забываются. И вот волей Божией, благодаря ревности некоторых благочестивых людей из града Белева, после их заботливых ходатайств перед церковной властью прославление памяти преподобного Макария ныне восстановлено. В 1902 году, 22 января, происходило торжественное чествование памяти преподобного Макария Жабынского и по всей Туле. С этого времени установлено в Туле и на будущее время праздновать 22 января/4 февраля как день памяти преподобного Макария.

Тропарь, глас 4

От мирска́го жития́ изше́д
в ти́хое приста́нище жи́зни и́ноческия, преподо́бне Мака́рие, вшел еси́,
в не́йже до́бре подвиза́вся,
ду́шу твою́ доброде́тельми превысо́кими обогати́л еси́,
и яви́лся еси́ добр па́стырь и учи́тель и́ноческому собо́ру,
ему́же и оби́тель возгради́л еси́,
та́же в безмо́лвие вшед и богови́дения сподо́бився,
ко Го́споду преста́вился еси́,
И́же да́ром чуде́с тя обогати́.
Его́же ны́не моли́,

да спасе́т ве́рою и любо́вию почита́ющих святу́ю па́мять твою́.

Кондак, глас 8

Житие́ чи́стое, терпе́ние, кро́тость и любо́вь нелицеме́рну,
воздержа́ние соверше́нное, умиле́ние боже́ственное,
ве́ру же и наде́жду и́стинну и милосе́рдие стяжа́в,
равноа́нгельно, Мака́рие, на земли́ пожи́л еси́
и на Небеси́ Бо́гови с ли́ки безпло́тных предстои́ши.
С ни́миже, свя́те, моли́ся, мир Росси́йстей Це́ркви дарова́ти

и душа́м на́шим ве́лию ми́лость.

Молитва

О, свяще́нная главо́! Вели́кий чудотво́рче, преподо́бне о́тче наш Мака́рие, преблаже́нне и пресла́вне, Ду́ха Свята́го исполне́ние! По́стников похвало́, мона́шествующих сла́во, пусты́ни Жабы́нския возгради́телю и украси́телю, те́плый о нас, гре́шных, моли́твенниче! Ны́не со а́нгельскими во́инствы предстоя́й у Престо́ла всех Царя́ сла́вы, Го́спода, и наслажда́яйся све́та Единосу́щныя Тро́ицы, и с Го́рними си́лами воспева́яй Трисвяту́ю песнь, я́ко дерзнове́ние име́яй, моли́ся Всеми́лостивому Влады́це спасти́ вся ве́рующия во и́мя Его́, испроси́ мир и тишину́ Святы́м Це́рквам низпосла́ти, ве́ре Правосла́вней укрепле́ние, проти́вныя язы́ки, бра́ни хотя́щия, ви́димыя и неви́димыя враги́ низложи́ти, гра́ды, ве́си и оби́тели на́ши утверди́ти, мир весь умири́ти. Моли́ Ми́лостиваго Бо́га, да твои́м благоприя́тным хода́тайством вся правосла́вныя христиа́ны изба́вит Он от гла́да, губи́тельства, тру́са, пото́па, огня́, меча́, от наше́ствия иноплеме́нник и междоусо́бныя бра́ни, ста́рыя да подкрепи́т, ю́ныя да наста́вит, нему́дрых умудри́т, боля́щия исцели́т, плене́нныя и ю́зники свободи́т, сиро́т заступи́т, младе́нцы воспита́ет и вся лю́ди сохрани́т от бед и напа́стей, и от нападе́ния вра́жия, и смертоно́сныя я́звы, внеза́пныя сме́рти и от вся́каго зла. Днесь же с ве́рою приходя́щих рабо́в твои́х, со стра́хом и любо́вию припа́дающих к честны́м моще́м твои́м и о́браз подо́бия твоего́ любе́зно целу́ющих, я́ко те́плый нам засту́пниче, сохрани́, в ско́рбных обстоя́ниих на́ших предста́ни, душе́вных и теле́сных страсте́й свободи́, в день Стра́шнаго суда́ шу́ияго стоя́ния изба́ви и с десны́ми овца́ми моли́твами твои́ми ста́ти сподо́би и слы́шати блаже́нный о́ный глас Влады́ки, Христа́ Бо́га на́шего: «Прииди́те, благослове́ннии Отца́ Моего́, насле́дуйте угото́ванное вам Ца́рство от сложе́ния ми́ра». Ему́же подоба́ет вся́кая сла́ва, честь и поклоне́ние, со Безнача́льным Его́ Отце́м и со Пресвяты́м, и Благи́м, и Животворя́щим Его́ Ду́хом, ны́не и при́сно и во ве́ки веко́в. Ами́нь.

Канон преподобному Макарию Жабынскому, Белевскому Чудотворцу

Минея, 22 Января.

Глас 2

Песнь 1

Ирмос: Во глубине́ постла́ иногда́
фараони́тское всево́инство преоруже́нная си́ла,
вопло́щщееся же Сло́во всезло́бный грех потреби́ло есть:
Препросла́вленный Госпо́дь сла́вно бо просла́вися.

Припев: Преподо́бне о́тче Мака́рие, моли́ Бо́га о на́с.

Госпо́дь, Царь Сла́вы, прославля́ющия Его́ просла́вити обетова́,
на тебе́ же, преподо́бне, обоя́ устро́ишася,
я́коже бо ты просла́вил еси́ Го́спода в житии́ твое́м,
си́це и тя просла́ви тобо́ю просла́вленный Госпо́дь.

Припев: Преподо́бне о́тче Мака́рие, моли́ Бо́га о на́с.

Вели́кий а́нгельский о́браз прия́л еси́,
кра́йняго смире́ния не оста́вль в житии́ твое́м,
с ли́ки же а́нгельскими на Небеси́ ны́не лику́еши.
За ны у́бо помоли́ся, о́тче,
а́нгельскими хвала́ми Препросла́вленному Го́споду.

Сла́ва Отцу́ и Сы́ну и Свято́му Ду́ху.

Труда́ми насади́л еси́,
слеза́ми моли́твенными ороси́в, я́ко сад Бо́жий, оби́тель твою́, преподо́бне.
Приими́ у́бо и на́ша сле́зы умиле́ния
и ходата́йственно вознеси́ я к Престо́лу Препросла́вленнаго Го́спода.

И ны́не и при́сно и во ве́ки веко́в. Ами́нь.

Богородичен: К Богоро́дице о нас помоли́ся, о́тче преподо́бне,
да умоли́т Сы́на Своего́ поми́ловати нас,
сла́вно да просла́вится в ми́лости Свое́й Препросла́вленный Госпо́дь.

Песнь 3

Ирмос: Процвела́ есть пусты́ня, я́ко крин, Го́споди,
язы́ческая неплодя́щая, Це́рковь
прише́ствием Твои́м,
в не́йже утверди́ся мое́ се́рдце.

Припев: Преподо́бне о́тче Мака́рие, моли́ Бо́га о на́с.

Процвела́ есть Жабы́нская пусты́ня
за моли́твы избра́нника Твоего́, Го́споди, преподо́бнаго пустынножи́теля Мака́рия,
в не́йже да обря́щем утеше́ние,
здра́вие же и спасе́ние заступле́нием преподо́бнаго.

Припев: Преподо́бне о́тче Мака́рие, моли́ Бо́га о на́с.

Чуде́с дарова́нием благоволи́ Госпо́дь тя просла́вити, смире́ннаго
и мно́го лет я́ко бы забве́ннаго,
да немощны́м нам пода́ст благовре́менную по́мощь
и ве́ре на́шей оскудева́ющей укрепле́ние.

Сла́ва Отцу́ и Сы́ну и Свято́му Ду́ху.

Богоно́се о́тче Мака́рие,
Бо́гу непреста́нный о нас был еси́ моли́твенник
и Пресвята́го Уте́шителя Ду́ха в се́рдце твое́м носи́л еси́.
Но у́бо воздви́гни от сна грехо́внаго
и от искуше́ния диа́вольскаго огради́ ны, моля́щияся тебе́.

И ны́не и при́сно и во ве́ки веко́в. Ами́нь.

Богородичен: Богороди́тельнице Блага́я, моли́ о нас
и на́ша недосто́йныя моли́твы принеси́ ко Престо́лу Блага́го Сы́на Твоего́,
и Твои́м да бу́дет сомоли́твенником о нас Мака́рий преподо́бный.

Седален, глас 4

На тве́рдем ве́ры ка́мени утвержде́н сый,
в безмо́лвии подвиза́яся, тече́ние по́стничества до́бре сконча́л еси́
и мздовоздая́ние от Христа́ прия́л еси́,
Ему́же ны́не моли́ся, всеблаже́нне,
в ве́ре и доброде́телех нас утверди́ти.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Ты покро́в мой от напа́стей вра́жиих, Влады́чице,
Ты свет се́рдцу моему́,
печа́льми жите́йскими омраче́нному, при́сно буди́, Богоро́дице, и спаси́ мя.

Песнь 4

Ирмос: Прише́л еси́ от Де́вы, не хода́тай, ни А́нгел,
но Сам, Го́споди, вопло́щся,
и спасл еси́ всего́ мя, челове́ка.
Тем зову́ Ти: сла́ва си́ле Твое́й, Го́споди.

Припев: Преподо́бне о́тче Мака́рие, моли́ Бо́га о на́с.

От Де́вы Пречи́стыя на зе́млю прише́л еси́, во е́же спасти́ нас, Го́споди,
и от спасе́нных вели́кое мно́жество просла́вил еси́,
да не то́кмо Тя у Престо́ла Твоего́ славосло́вят,
но и о нас хода́тайствуют.
Ве́руем убо, я́ко в со́нме том пресве́тлом
предста́тельствует о нас преподо́бный оте́ц наш Мака́рий.

Припев: Преподо́бне о́тче Мака́рие, моли́ Бо́га о на́с.

От оте́чества на́шего взят был еси́ в Небе́сное Ца́рствие, о́тче преподо́бне.
Не забу́ди у́бо чад твои́х, избра́нниче Бо́жий Мака́рие,
еще́ прише́льствующих на земли́.

Сла́ва Отцу́ и Сы́ну и Свято́му Ду́ху.

Буди́ с на́ми, о́тче наш Мака́рие,
да с тобо́ю дерзнове́нно Бо́га Отца́ просла́вим,
Сы́на превознесе́м и Свято́му Ду́ху покло́нимся.

И ны́не и при́сно и во ве́ки веко́в. Ами́нь.

Богородичен: С Богоро́дицею, вслед Ея́, мы́слию во свята́я вни́дем
и к Ней во смире́нии притеце́м, в покая́нии зову́ще:
Спаси́тельнице, спаси́ нас.

Песнь 5

Ирмос: Хода́тай Бо́гу и челове́ком был еси́, Христе́ Бо́же:
Тобо́ю бо, Влады́ко, к Светонача́льнику, Отцу́ Твоему́,
от но́щи неве́дения
приведе́ние и́мамы.

Припев: Преподо́бне о́тче Мака́рие, моли́ Бо́га о на́с.

Но́щи неве́дения преше́дшей прибли́жися день спасе́ния,
и Свет ми́ру возсия́ – Христо́с Госпо́дь.
К Сему́ у́бо ны́не, моли́твами преподо́бнаго Мака́рия,
от грехо́вныя но́щи приведе́ние и́мамы.

Припев: Преподо́бне о́тче Мака́рие, моли́ Бо́га о на́с.

Но́щию в петлоглаше́ние,
и́мже Госпо́дь прише́ствие Свое́ второ́е назна́менова,
к тебе́ Госпо́дь прии́де ду́шу твою́ прия́ти, преподо́бне,
моли́твами же твои́ми вложи́ в ду́ши на́ша па́мять сме́ртную.

Сла́ва Отцу́ и Сы́ну и Свято́му Ду́ху.

Нощь многоле́тняя пре́йде,
в ню́же бе под спу́дом па́мять твоя́, о́тче наш,
но сия́ ны́не яви́ся, светя́щи всем,
я́же в твое́й хра́мине суть,
в ню́же мы, ве́рою и любо́вию влеко́ми, приведе́ние и́мамы.

И ны́не и при́сно и во ве́ки веко́в. Ами́нь.

Богородичен: Не бо́йся, ма́лое ста́до,
я́ко благоизво́ли Оте́ц ваш да́ти вам Ца́рство, глаго́лет Госпо́дь.
И не изнемо́же глаго́л сей у Го́спода,
уже́ бо дости́же заве́щаннаго Ца́рства па́стырь наш,
да привлече́т с собо́ю все ста́до свое́ моли́твами Богоро́дицы.

Песнь 6

Ирмос: В бе́здне грехо́вней валя́яся,
неизсле́дную милосе́рдия Твоего́ призыва́ю бе́здну:
от тли, Бо́же, мя возведи́.

Припев: Преподо́бне о́тче Мака́рие, моли́ Бо́га о на́с.

Бе́здна милосе́рдия Бо́жия бе́здну грехо́в на́ших да превозмо́жет,
ничесо́же от нас взыску́ющи, ра́зве слез покая́ния умиле́ннаго,
о сем помоли́ся за ны, преподо́бне о́тче наш.

Припев: Преподо́бне о́тче Мака́рие, моли́ Бо́га о на́с.

От бе́здны грехо́вной помози́ нам, Бо́же, возни́кнути,
моли́твами преподо́бнаго Мака́рия сподо́би ны пре́жде конца́ пока́ятися
и Твои́х Боже́ственных Тайн прича́стником бы́ти.

Сла́ва Отцу́ и Сы́ну и Свято́му Ду́ху.

Сла́вим Тя, Свята́я Тро́ице,
и диви́мся бе́здне милосе́рдия Твоего́ к нам, мно́го согреша́ющим.
Но еще́ долготерпи́ о нас, Бо́же наш,
до́ндеже пока́емся со слеза́ми,
при́сно помина́юще после́дняя своя́.

И ны́не и при́сно и во ве́ки веко́в. Ами́нь.

Богородичен: Чи́стую чи́сто почти́м
и устыди́мся пред лице́м Ея́ скве́рнаго жития́ на́шего, о́тче преподо́бне!
Ты у́бо наста́ви ны досто́йно чти́ти Ма́терь Бо́жию Пречи́стую.

Кондак, глас 8

Житие́ чи́стое, терпе́ние, кро́тость и любо́вь нелицеме́рну,
воздержа́ние соверше́нное,
умиле́ние Боже́ственное,
ве́ру же и наде́жду и́стинну и милосе́рдие стяжа́в,
равноа́нгельно, Мака́рие, на земли́ пожи́л еси́
и на Небеси́ Бо́гови с ли́ки Безпло́тных предстои́ши.
С ни́ми же, свя́те, моли́ся
мир Росси́стей Це́ркви дарова́ти
и душа́м на́шим ве́лию ми́лость.

Икос

А́нгельски на земли́ пожи́вша,
преподо́бнаго отца́ на́шего Мака́рия, прииди́те, лю́дие, соше́дшеся, восхва́лим,
си́це к нему́ реку́ще:
ра́дуйся, на земли́ пожи́вый небе́сно; ра́дуйся, во пло́ти, а́ки безпло́тен, подвиза́выйся.
Ра́дуйся, стра́сти до конца́ умертви́вый и безстра́стия дости́гнувый;
ра́дуйся, ду́шу твою́ дарова́ньми Ду́ха Свята́го испо́лнивый.
Ра́дуйся, оби́тель возгради́вый и и́ноков собра́вый;
ра́дуйся, па́стырским жезло́м твои́м во огра́ду Небе́сную ты́я упра́вивый.
Ра́дуйся, гра́да Беле́ва похвало́;
ра́дуйся, пусты́ни твоея́ непоколеби́мое утвержде́ние.
Ра́дуйся, при́сно моля́щийся Го́сподеви мир Росси́йстей Це́ркви дарова́ти
и душа́м на́шим ве́лию ми́лость.

Песнь 7

Ирмос: Богопроти́вное веле́ние беззако́ннующаго мучи́теля
высо́к пла́мень вознесло́ есть.
Христо́с же простре́ Богочести́вым отроко́м ро́су духо́вную,
Сый благослове́н и препросла́влен.

Припев: Преподо́бне о́тче Мака́рие, моли́ Бо́га о на́с.

Сый благослове́нный Христо́с Бог наш
да изба́вит нас огня́ гее́нскаго,
со слеза́ми покая́нными о сем помо́лимся.
Кто же ны́не даст очесе́м на́шим исто́чник слез,
а́ще не ты, о́тче, блаже́нство пла́ча позна́вый в житии́ твое́м.

Припев: Преподо́бне о́тче Мака́рие, моли́ Бо́га о на́с.

Высо́кий пла́мень неве́рия и нече́стия возно́сит беззако́ннующий.
Но мы сохрани́ти ве́ру потщи́мся,
убежи́м нече́стия, убои́мся пла́мене гее́нскаго,
ко Христу́ притеце́м и у Него́ с Мака́рием блаже́нство улучи́м.

Сла́ва Отцу́ и Сы́ну и Свято́му Ду́ху.

Еди́н Сый Святы́я Тро́ицы, Христе́ Бо́же наш!
Сотвори́ в нас оби́тель, по обетова́нию Твоему́,
с Преблагослове́нным и Препросла́вленным Твои́м Отце́м и со Святы́м Ду́хом,
жи́зни и утеше́ния Пода́телем.

И ны́не и при́сно и во ве́ки веко́в. Ами́нь.

Богородичен: Ра́дуйся, Влады́чице, и ра́дость нам пода́ждь, от бед спаси́,
в ми́ре Це́рковь Сы́на Твоего́ сохрани́
и умоли́, да благослови́т я́ко достоя́ние Свое́.

Песнь 8

Ирмос: Пещь иногда́ о́гненная в Вавило́не де́йства разделя́ше,
Бо́жиим веле́нием халде́и опаля́ющая,
ве́рныя же ороша́ющая, пою́щия:
благослови́те, вся, дела́ Госпо́дня, Го́спода.

Припев: Преподо́бне о́тче Мака́рие, моли́ Бо́га о на́с.

В телеси́ А́нгела, почти́м Мака́рия, блаже́нству тезоимени́таго,
и, подража́я его́ житию́ во Христе́,
поне́ еди́наго от блаже́нств Ева́нгельских дости́гнути потщи́мся.

Припев: Преподо́бне о́тче Мака́рие, моли́ Бо́га о на́с.

Огнь искуше́ний грехо́вных пали́т мя,
но стра́ждущую мою́ ду́шу ороси́ росо́ю благода́ти Христо́вой
и твои́ми моли́твами, блаже́нне.

Сла́ва Отцу́ и Сы́ну и Свято́му Ду́ху.

Да пребу́дет благослове́ние твое́ Богоуго́дное во И́мя Пресвяты́я Тро́ицы
на оби́тели твое́й, и на земли́ оте́чествия твоего́,
и на всех, тебе́ усе́рдно призыва́ющих, о́тче преподо́бне.

И ны́не и при́сно и во ве́ки веко́в. Ами́нь.

Богородичен: Доны́не и во ве́ки блажи́м Тя, вси ро́ди, Свята́я Богороди́тельнице.
Спаси́ нас, я́ко Спа́са родила́ еси́ душ на́ших.

Песнь 9

Ирмос: Безнача́льна Роди́теля Сын, Бог и Госпо́дь,
вопло́щся от Де́вы, нам яви́ся,
омраче́нная просвети́ти, собра́ти расточе́нная.
Тем Всепе́тую Богоро́дицу велича́ем.

Припев: Преподо́бне о́тче Мака́рие, моли́ Бо́га о на́с.

Со а́нгельскими чи́нми, хва́лящими Го́спода,
и с Богоро́дицею Того́ хвали́ти сподо́бился еси́,
сподо́би же и нас, преподо́бне о́тче наш,
да с тобо́ю Го́спода сла́вим и Богоро́дицу велича́ем.

Припев: Преподо́бне о́тче Мака́рие, моли́ Бо́га о на́с.

А́нгели, вхожде́ние Пречи́стыя во свята́я святы́х зря́ще, удиви́шася.
Мы же диви́мся,
ка́ко во святы́й храм, труда́ми твои́ми созда́нный на ме́сте, ва́рвары разоре́нном,
чудотво́рною ико́ною Свое́ю вни́де Пречи́стая,
Ю́же, я́ко Всепе́тую Богоро́дицу, велича́ем.

Сла́ва Отцу́ и Сы́ну и Свято́му Ду́ху.

Бо́га Отца́ просла́вим, тебе́, Богоно́сному отцу́ на́шему, после́дующе,
Боже́ственнаго Сы́на возвели́чим,
да с Ним и всыновле́ние О́тчее прии́мем,
Свято́му Ду́ху поклони́мся, да научи́т ны моли́тися, я́коже подоба́ет,
да и Сам, вопия́ в душа́х на́ших,
укрепи́т нас к Бо́гу сыно́вне вопи́ти: А́вво, О́тче!

И ны́не и при́сно и во ве́ки веко́в. Ами́нь.

Богородичен: Ра́дуйся, Ра́досте на́ша!
Пребу́ди с на́ми, я́ко да и Госпо́дь, И́же с Тобо́ю, в нас пребу́дет.
Собери́ во двор церко́вный о́вцы расточе́нныя,
отпа́дшия возврати́ к соедине́нию,
просвети́ омраче́нных неве́рием,
да вси вку́пе Тя, Всепе́тую Богоро́дицу, велича́ем.

Светилен

Светоза́рна свети́льника ве́ры, во стране́ на́шей возсия́вша
и со́лнца светле́йше чудесы́ свои́ми нас просве́щша,
Мака́рия преподо́бнаго, блаже́нству тезоиме́ннаго, пе́сньми восхва́лим.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Богоро́дице Де́во, ра́дуйся,
от А́нгела ра́дость прии́мшая,
ра́дуйся, Влады́чице, и спаси́ на Тя упова́ющия.

Акафист преподобному Макарию Жабынскому, Белевскому Чудотворцу

Кондак 1

Преподо́бному отцу́ Мака́рию на́­ше­му соста́вим по­хва­лу́, я́ко помо́щнику на́­ше­му и хо­да́­таю пред Го́с­по­дем Бо́­гом. Ты же, уго́д­ни­че Хрис­то́в, не погнуша́йся пе́нием на́­шим убо́гим и сам помога́й нам и не́­мо­щи на́­шей, да зо­ве́м ти:

Ра́­дуй­ся, преподо́бне о́т­че наш Мака́рие, Жабы́нский чу­до­тво́р­че.

Икос 1

Ангелоподо́бное жи­тие́ твое́ представля́я, преподо́бне о́т­че в тишине́ пусты́нней провожда́емое, дерза́ем с лю­бо́­вию вопи́ти те­бе́:

Ра́­дуй­ся, жи­тие́ жесто́кое в пусты́ни воз­лю­би́­вый;

Ра́­дуй­ся, по́двигом и́ноческим плоть свою́ изнури́вый;

Ра́­дуй­ся, суету́ ми́­ра се­го́ лу­ка́­ва­го возненави́девый;

Ра́­дуй­ся, в мо­ли́т­вах бо́дрствуя, те́­ло твое́ ду́хови покори́вый;

Ра́­дуй­ся, стра­ны́ на́шея укра­ше́­ние и прославле́ние;

Ра́­дуй­ся, гра́­да Беле́ва ра́­дость и ве­се́­лие;

Ра́­дуй­ся, преподо́бне о́т­че наш Мака́рие, Жабы́нский чу­до­тво́р­че.

Кондак 2

Ви́­дя­щи жи­тие́ твое́, ка́­ко воспое́м чу­де­са́ твоя́? Ка́­ко же ты, ви́­дя в пусты́ни жа́ждою погиба́ющего че­ло­ве́­ка во́­ду из ка́мене уда́ром же́зла тво­его́ извле́кл еси́ и жа́ж­ду­ща­го напои́в заставля́еши чудеси́ се­му́ ди­вя́­ще­ся воспе́ти Бо́­гу ди́в­но­му во свя­ты́х сво­и́х: Алли­лу́иа!

Икос 2

Ра́­зум не уразуме́ет какову́ю си́­лу целе́бную даде́ Гос­по́дь исто́чнику тво­ему́, преподо́бне о́т­че, к нему́же притека́ющие с ве́­рою и доны́не ис­це­ле́­ний сподобля́ются мо­ли́т­ва­ми тво­и́ми, се­го́ ра́­ди во­пи­е́м ти:

Ра́­дуй­ся, Моисе́ови в пусты́ни уподо́бивыйся, во́­ду из ка́мене ис­то­чи́­вый;

Ра́­дуй­ся, жа́ж­ду­ща­го то́ю водо́ю оби́ль­но напои́вый;

Ра́­дуй­ся, я́ко и доны́не во́ды ис­то́ч­ни­ка тво­его́ не оскудева́ют;

Ра́­дуй­ся, я́ко и доны́не по́­мо­щию твое́ю во́ды сия́ неду́жных исцеля́ют;

Ра́­дуй­ся, ско́­рый наш в ско́р­бех по­мо́щ­ни­че;

Ра́­дуй­ся, те́п­лый наш к Бо́­гу мо­ли́т­вен­ни­че;

Ра́­дуй­ся, преподо́бне о́т­че наш Мака́рие, Жабы́нский чу­до­тво́р­че.

Кондак 3

Си́­ла Бо́­жия, ди́в­но в те­бе́ проявле́нная да помо́жет и нам, не­мощ­ны́м и убо́гим, в мо­ли́т­вах бо́дрствуя пе́­ти о те­бе́ Со­зда́­те­лю на́­ше­му: Алли­лу́иа.

Икос 3

Иму́­щи па́­мять сме́рт­ную, бдел, не дава́я оче­се́м тво­и́м дрема́ния, ожида́я: ег­да́ Жени́х душ на́­ших Гос­по́дь прии́дет, име́я свети́льник ду́­ши твоея́ горя́щий, се­го́ ра́­ди во­пи­е́м ти:

Ра́­дуй­ся, сон от оче́с тво­и́х усе́рд­но отгна́вый;

Ра́­дуй­ся, в мо­ли́т­вах бо́дрствуя в нощи́, в куроглаше́нии дух твой Го́сподеви пре­да́­вый;

Ра́­дуй­ся, приме́ром сво­и́м нас уны́лых на по́двиг призыва́еши;

Ра́­дуй­ся, сон ле́ности на́шея от оче́с на́­ших незри́мо отгоня́еши;

Ра́­дуй­ся, мно́гих за­блу́жд­ших на путь и́с­ти­ны наста́вителю;

Ра́­дуй­ся, ду­хо́в лу­ка́­вых ско́­рый прогони́телю;

Ра́­дуй­ся, преподо́бне о́т­че наш Мака́рие, Жабы́нский чу­до­тво́р­че.

Кондак 4

Бу́ря не­ве́­рия, бу́ря смуще́ния и искуше́ния потопля́ет кора́бль наш! Бу́­ди нам путево́ждь, преподо́бне, среди́ волн жите́йскаго мо́ря, и приведи́ нас в Ца́рст­вие Не­бе́с­ное, да воспое́м спаса́ющему нас Бо́­гу: Алли­лу́иа.

Икос 4

Слы́шавши глаго́л Спа­си́­те­ля на́­ше­го: «Не бо́йся, ма́­лое ста́­до, я́ко благоволи́ Оте́ц ваш да́­ти вам Ца́рст­во» — те­бе́, чест­ны́й о́т­че, про́­сим: — ты, дости́гши Ца́рст­вия От­ца́ тво­его́, не за­бу́­ди ма́­лое твое́ ста́­до, да зо­ве́м ти:

Ра́­дуй­ся, па́­сты­рю наш до́б­рый;

Ра́­дуй­ся, оте́ц наш чадолюби́вый;

Ра́­дуй­ся, я́ко ты со А́н­ге­лы в ве́чной сла́­ве лику́еши;

Ра́­дуй­ся, я́ко нас за­блу́жд­ших тво­и́х ове́ц усе́рд­но взыску́еши;

Ра́­дуй­ся, я́ко по́­мо­щию твое́ю и мы спа­се́­ния получи́ти ча́ем;

Ра́­дуй­ся, я́ко хо­да́­тай­ством тво­и́м и мы про­ще́­ния от Бо́­га ожида́ем;

Ра́­дуй­ся, преподо́бне о́т­че наш Мака́рие, Жабы́нский чу­до­тво́р­че.

Кондак 5

Я́ко бо­го­те́ч­ная звез­да́ сия́еши нам с вы­со­ты́ се­ле́­ния тво­его́ преподо́бне о́т­че, и ви́диши я́ко зле стра́ждем мы во гре­се́х погиба́ющи, друг дру́гу досажда́ющи, бра́та ненави́дящи, нау­чи́ нас любви́ о Хрис­те́ и смире́нию, да умиле́нно вос­по­и́м с то­бо́ю Бо́­гу: Алли­лу́иа.

Икос 5

Ви́диши ты о́т­че, я́ко све­ти́ль­ни­ки душ на́­ших угаса́ют, суето́ю ми́­ра се­го́ омраче́нныя, и плени́цами враг ду́­ши на́­ша связа́в, во тьму кроме́шную вся́чески влече́т! К кому́ простре́м ру́­це, к кому́ воспла́чем го́рце? Ты, о́т­че, подви́гнись к на́­ше­му неможе́нию, да по­е́м ти те́п­ле:

Ра́­дуй­ся, всег­да́ сла́­вы су́етныя избега́яй;

Ра́­дуй­ся, и нас гре́ш­ных тому́ же науча́яй;

Ра́­дуй­ся, я́ко ра́­ди вели́каго тво­его́ сми­ре́­ния ма́ло что из жи­тия́ тво­его́ изве́стно лю́­дем;

Ра́­дуй­ся, я́ко с на́­ми мо́­щи твоя́ скры́тыя под спу́дом;

Ра́­дуй­ся, я́ко ду́­хом тво­и́м на ме́сте по́двигов тво­и́х таи́нственне обита́еши;

Ра́­дуй­ся, я́ко всех приходя́щих к те­бе́ с ве́­рою в ско́р­бех утеша́еши;

Ра́­дуй­ся, преподо́бне о́т­че наш Мака́рие, Жабы́нский чу­до­тво́р­че.

Кондак 6

Пропове́дает по́д­ви­ги твоя́ страна́ на́­ша, чест­ны́й о́т­че, — ка́­ко помина́я их не устыди́мся скве́р­на­го жи­тия́ на́­ше­го, в ле́ности провожда́емаго, грехо́вными по́мыслы омрача́емаго, где яви́мся тяготы́ и зно́я дневна́го не поне́сши, ка́­ко вос­по­и́м непотре́бными ус­ты́ свои́ми Твор­цу́ и Со­зда́­те­лю сво­ему́: Алли­лу́иа?

Икос 6

Воз­сия́ пусты́ня Жабы́нская в дре́в­няя вре­ме­на́, ю́же не́­ког­да от ва́рваров разоре́нную ты, свя­ты́й о́т­че, труда́ми свои́ми возста́вил еси́, та́­ко и ду́­ши на́­ша от вра­га́ оскверне́нныя и опустоше́нныя укрепи́в возста́ви, да зо­ве́м ти:

Ра́­дуй­ся, оби́­тель благоукраше́нную на ме́сте пусте́м основа́вый;

Ра́­дуй­ся, мно́­жест­во и́ноков прите́кших к те­бе́ во еди́но собра́вый;

Ра́­дуй­ся, я́ко пу­те́м те́сным веду́щим в Ца́рст­вие Не­бе́с­ное текл еси́;

Ра́­дуй­ся, я́ко мно́гих из бра́тии своея́ с со­бо́ю совле́кл еси́;

Ра́­дуй­ся, я́ко ты а́нгельски по­жи́л еси́ еще́ в бре́нном те­ле­си́;

Ра́­дуй­ся, я́ко ра́дуешися с ни́­ми ку́п­но на Не­бе­си́;

Ра́­дуй­ся, преподо́бне о́т­че наш Мака́рие, Жабы́нский чу­до­тво́р­че.

Кондак 7

Хо­тя́й провозсия́ти те­бе́ все́­ми доброде́тельми блаже́нне Мака́рие, Вла­ды́­ка Хрис­то́с при­зва́ тя на служе́ние лю́дям, да научи́ши их смире́нию и терпе́нию и́хже сам стяжа́в, пред­стои́­ши Бо́­гу вопия́ за ны: Алли­лу́иа.

Икос 7

Ди́вна иму́ща тя вои́стину, о́т­че, подви́жника и мо­ли́т­вен­ни­ка кре́пкаго с лю­бо́­вию взира́ем на ме́сто по́двигов тво­и́х и умиле́нно во­пи­е́м ти си́­це:

Ра́­дуй­ся, бла­ги́й и ве́р­ный ра́­бе виногра́да Хри­сто́­ва;

Ра́­дуй­ся, о́т­че всеми́лостивый не лиша́ющий нас сво­его́ предста́тельства и покро́ва;

Ра́­дуй­ся, си́­рых по­мо́щ­ни­че и за­ступ­ле́­ние;

Ра́­дуй­ся, свеща́ бла­го­да́­тию Бо́­жиею возже́нная, освеща́ющая нам путь ко спа­се́­нию;

Ра́­дуй­ся, нивочто́же вмени́вый зем­на́я, возлюби́в не­бе́с­ная;

Ра́­дуй­ся, простира́яся в го́рняя забыва́я те­ле́с­ная;

Ра́­дуй­ся, преподо́бне о́т­че наш Мака́рие, Жабы́нский чу­до­тво́р­че.

Кондак 8

Стра́н­но и чу́дно жи­тие́ твое́ преше́л еси́ на зем­ли́, преподо́бне о́т­че, не ви́­дя поко́я в труда́х сво­и́х и ста́рец быв немощны́й, не­из­ре­че́н­наго до­сти́гл еси́ на Не­бе­си́, иде́­же со А́н­ге­лы пое́ши Бо́­гу: Алли­лу́иа.

Икос 8

Все́ю ду­ше́ю отда́вшись Го́сподеви и всем жи­ти­е́м послужи́вши ему́, просла́вился еси́ благожитие́м сво­и́м в стра­не́ на́­шей. Се­го́ ра́­ди во­пи­е́м ти си́­це:

Ра́­дуй­ся, А́н­ге­лом со­бе­се́д­ни­че;

Ра́­дуй­ся, усе́рдный о нас к Бо́­гу мо­ли́т­вен­ни­че;

Ра́­дуй­ся, мо́­щи твоя́ от поруга́ния неизрече́нно сохрани́вый;

Ра́­дуй­ся, да́нный те­бе́ от Бо́­га тала́нт во мно́гажды усугуби́вый;

Ра́­дуй­ся, уго́д­ни­че Хрис­то́в бла­го­да́­тию просветле́нный;

Ра́­дуй­ся, све­ти́ль­ни­че еле́ем до́б­рых дел преиспо́лненный;

Ра́­дуй­ся, преподо́бне о́т­че наш Мака́рие, Жабы́нский чу­до­тво́р­че.

Кондак 9

Вся́­кия утоли́ бо­ле́з­ни и пе­ча́­ли, ве­ли́­кий наш зас­ту́п­ни­че, преподо́бне о́т­че наш Мака́рие! По­да́ждь нам убо́гим хо­тя́ бы вма́ле после́довати жи­тию́ тво­ему́, сла́­ву ми́­ра нивочто́же вменя́ти и дости́гнув Ца́рст­вия Не­бе́с­на­го вку́­пе с то­бо́ю воспе́ти Бо́­гу: Алли­лу́иа.

Икос 9

Вити́й многовеща́нных ус­та́ не воз­мо́­гут воспе́ти тя по до­стоя́­нию, коли́ко же на́­ша убо́зии язы́цы ублажа́т тя! Но ты, ми́лостиве о́т­че, не отврати́ся от хвале́ния на́­ше­го, да вос­по­и́м ти си́­це:

Ра́­дуй­ся, и́ноков по­мо́щ­ни­че и упра́вителю;

Ра́­дуй­ся, в ми́­ре благотеку́щих ми́лостивый вразуми́телю;

Ра́­дуй­ся, ми́лостыню подава́ти нас науча́яй;

Ра́­дуй­ся, забыва́ти ни́­щих и убо́­гих нам возбраня́яй;

Ра́­дуй­ся, шипо́к бла­го­во́н­ный жабы́нския пусты́ни;

Ра́­дуй­ся, оби­та́­яй с небе́сными зем­ны́х не ос­тав­ля́­еши и доны́не;

Ра́­дуй­ся, преподо́бне о́т­че наш Мака́рие, Жабы́нский чу­до­тво́р­че.

Кондак 10

Спас­ти́ хо­тя́ ду́­шу свою́ преподо́бне о́т­че, ве́дый: я́ко неиму́щему любви́ к Бо́­гу, ники́имиже по́д­ви­ги получи́ти спа­се́­ние возмо́жно: стя­жа́л еси́ ве­не́ц доб­ро­де́­те­лей — е́же есть лю­бо́вь к Бо́­гу, Ему́же пред­стоя́ ны́­не ра́­дост­но вопие́ши: Алли­лу́иа.

Икос 10

Сте­на́ еси́ всем че­ло­ве́­ком к зас­туп­ле­нию тво­ему́ при­бе­га́ю­щим, преподо́бне о́т­че, те́м­же и нам, к те­бе́ при­те­ка́ю­щим и твоея́ по́­мо­щи про­ся́­щим, бу́­ди сте­на́ кре́п­кая, и огражда́й от всех бед и на­па́с­тей да с лю­бо́­вию по­е́м ти та­ко­ва́я:

Ра́­дуй­ся, во́и­не Ца­ря́ Не­бе́с­на­го, не обяза́выйся ку́плями жите́йскими, да Ему́ уго́ден бу́деши;

Ра́­дуй­ся, я́ко а́ще и потруди́лся еси́ зде на зем­ли́, ны́­не на не­бе­си́ лику́еши;

Ра́­дуй­ся, я́ко еди́­на­го Го́с­по­да во вся дни жи­во­та́ тво­его́ иска́вый;

Ра́­дуй­ся, ра́­зве Его́ ничесо́же на зем­ли́ и не­бе­си́ жела́вый;

Ра́­дуй­ся, всю жизнь свою́, я́ко раб пред ли­це́м Го́с­по­да сво­его́ ходи́вый;

Ра́­дуй­ся, Хри­ста́, Его́­же возлюби́л еси́, душе́вныма очи́­ма непреста́нно созерца́вый;

Ра́­дуй­ся, преподо́бне о́т­че наш Мака́рие, Жабы́нский чу­до­тво́р­че.

Кондак 11

Пе́­ние хва­ле́б­ное при­но́­сим ти от смире́нных сер­де́ц на́­ших, преподо́бне о́т­че Мака́рие; е́же с лю­бо́­вию прие́мши, мо­ли́ Го́с­по­да из­ба­ви­ти­ся нам от бед и скор­бе́й, наипа́че же в час кон­чи́­ны на́шея тво­и́м заступле́нием предвари́, да не умре́м без по­кая́­ния, но спо­до́­бим­ся в Не­бе́с­ных селе́ниях с то­бо́ю воспе́ти Бо́­гу: Алли­лу́иа.

Икос 11

Свеща́ еси́ в Це́рк­ви Христо́ве, яви́л­ся еси́ горя́щи невеще́ственным све́­том бла­го­да́­ти Бо́­жия, оживля́ющия окамене́вшая серд­ца́ на́­ша, се­го́ ра́­ди мо́­лим тя: про­све­ти́ ны, омраче́нныя грехо́м, да воспое́м ти:

Ра́­дуй­ся, ис­то́ч­ни­че в жизнь ве́ч­ную теки́й;

Ра́­дуй­ся, ко спа­се́­нию приме́ром сво­и́м и жи­ти­е́м мно́гих приведы́й;

Ра́­дуй­ся, в поще́ниях и бде́ниях вкуси́вый ду­хо́в­ныя сла́дости;

Ра́­дуй­ся, в мо­ли́т­вах тво­и́х всено́щных исполня́выйся бо­же́ст­вен­ныя ра́­дос­ти;

Ра́­дуй­ся, в труда́х тво­и́х плоть смири́вый;

Ра́­дуй­ся, о́б­раз терпе́ния лю́­дем яви́­вый.

Ра́­дуй­ся, преподо́бне о́т­че наш Мака́рие, Жабы́нский чу­до­тво́р­че.

Кондак 12

Бла­го­да́ть дана́ те­бе́ от Бо́­га во е́же руководи́ти ко спа­се́­нию и сохраня́ти от бед чту́­щих па́­мять твою́, чест­ны́й о́т­че. Мы же, дивя́щися в те­бе́ всемогу́ществу и бла­го­да́­ти Бо­жией во­пи­е́м: Алли­лу́иа.

Икос 12

Пою́щи пра́­вед­ное жи­тие́ твое́, сла́­вя­ще тру­ды́ твоя́ в ни́х­же восходи́л еси́ от си́­лы в си́­лу, зрим и ис­по­ве́­ду­ем я́ко кончи́на твоя́ рожде́ние бысть в жизнь приснотеку́щую, ея́­же струя́ми благода́тными и нас зем­ны́х окропля́еши. Те́м­же бла­го­да́р­ствен­но вос­пе­ва́ю­ще тя гла­го́­лем:

Ра́­дуй­ся, ра́­дос­ти приобщи́выйся, в пе­ча́­ли су́­щих не забыва́яй;

Ра́­дуй­ся, сла́дости ми́­ра се­го́ я́ко сор отрева́яй;

Ра́­дуй­ся, я́ко ду́­шу твою́ сле­за́­ми по­кая́­ния омы́л еси́;

Ра́­дуй­ся, я́ко ко Хри­сту́ пу­те́м у́зким сле́довал еси́;

Ра́­дуй­ся, сми­ре́­ния о́б­ра­зе, и́м­же горды́ню ми́­ра се­го́ низложи́л еси́;

Ра́­дуй­ся, я́ко го́р­ня­го оте́чества дости́гнути все́ю ду­ше́ю воз­же­ла́л еси́;

Ра́­дуй­ся, преподо́бне о́т­че наш Мака́рие, Жабы́нский чу­до­тво́р­че.

Кондак 13

О, пре­ди́в­ный чу­до­тво́р­че и ве­ли́­кий уго́д­ни­че Хрис­то́в, преподо́бне о́т­че наш Мака́рие, при­ими́ от нас не­до­сто́й­ных чад тво­и́х убо́гое сие́ хвале́ние, бу́­ди нам оте́ц чадолюби́вый, умо­ли́ Го́с­по­да, да из­ба́­вит нас от всех бед и на­па́с­тей, Це́р­ковь свою́ со­хра­ни́т, па́стырей вразуми́т и всех нас ко Хри­сту́ приведе́т, и на су­де́ сво­е́м по­ми­лу­ет, во­пию́­щих ему́: Алли­лу́иа.

[Се́й конда́к глаго́лется три́жды.]

Икос 1

Ангелоподо́бное жи­тие́ твое́ представля́я, преподо́бне о́т­че в тишине́ пусты́нней провожда́емое, дерза́ем с лю­бо́­вию вопи́ти те­бе́:

Ра́­дуй­ся, жи­тие́ жесто́кое в пусты́ни воз­лю­би́­вый;

Ра́­дуй­ся, по́двигом и́ноческим плоть свою́ изнури́вый;

Ра́­дуй­ся, суету́ ми́­ра се­го́ лу­ка́­ва­го возненави́девый;

Ра́­дуй­ся, в мо­ли́т­вах бо́дрствуя, те́­ло твое́ ду́хови покори́вый;

Ра́­дуй­ся, стра­ны́ на́шея укра­ше́­ние и прославле́ние;

Ра́­дуй­ся, гра́­да Беле́ва ра́­дость и ве­се́­лие;

Ра́­дуй­ся, преподо́бне о́т­че наш Мака́рие, Жабы́нский чу­до­тво́р­че.

Кондак 1

Преподо́бному отцу́ Мака́рию на́­ше­му соста́вим по­хва­лу́, я́ко помо́щнику на́­ше­му и хо­да́­таю пред Го́с­по­дем Бо́­гом. Ты же, уго́д­ни­че Хрис­то́в, не погнуша́йся пе́нием на́­шим убо́гим и сам помога́й нам и не́­мо­щи на́­шей, да зо­ве́м ти:

Ра́­дуй­ся, преподо́бне о́т­че наш Мака́рие, Жабы́нский чу­до­тво́р­че.

Мо­ли́т­ва

О, свяще́нная главо́! Ве­ли́­кий чу­до­тво́р­че, преподо́бне о́т­че наш Мака́рие, пре­бла­же́н­не и пресла́вне, Ду́­ха Свя­та́­го испо́лненне! По́ст­ни­ков по­хва­ло́, мо­на́­шест­вую­щих сла́­во, пусты́ни Жабы́нския возгради́телю и укра­си́­те­лю, те́п­лый о нас, гре́ш­ных, мо­ли́т­вен­ни­че! Ны́­не со а́нгельскими во́инствы пред­сто­я́й у Пре­сто́­ла всех Ца­ря́ сла́­вы, Го́с­по­да, и на­слаж­да́­яй­ся све́­та Единосу́щныя Тро́ицы, и с го́рними си́лами воспева́яй Трисвяту́ю песнь, я́ко дерз­но­ве́­ние име́яй, мо­ли́­ся Всеми́лостивому Вла­ды́­це спас­ти́ вся ве́­рую­щия во и́мя Его́, ис­про­си́ мир и ти­ши­ну́ Свя­ты́м Церква́м низпосла́ти, ве́­ре правосла́вней укреп­ле́­ние, проти́вныя язы́ки, бра́­ни хотя́щия, ви́­ди­мыя и неви́димыя вра­ги́ низложи́ти, гра́­ды, ве́­си и оби́­те­ли на́ши утвер­ди́­ти, мир весь уми́рити. Мо­ли́ Ми́­ло­сти­ва­го Бо́­га, да тво­и́м бла­го­при­я́т­ным хо­да́­тай­ством вся пра­во­сла́вныя христиа́ны из­ба́­вит Он от гла́­да, губи́тельства, тру́­са, по­то́­па, ог­ня́, ме­ча́, от на­ше́ст­вия иноплеме́нник и меж­до­усо́б­ныя бра́­ни, ста́рыя да подкрепи́т, ю́ныя да наста́вит, нему́дрых умудри́т, боля́щия исцели́т, плене́нныя и ю́зники свободи́т, си­ро́т засту́пит, младе́нцы воспита́ет и вся лю́­ди со­хра­ни́т от бед и на­па́с­тей, и от нападе́ния вра́­жия, и смер­то­но́с­ныя я́з­вы, внеза́пныя сме́р­ти и от вся́­ка­го зла. Днесь же с ве́­рою приходя́щих ра­бо́в тво­и́х, со стра́­хом и лю­бо́­вию при­па́­даю­щих к честны́м моще́м тво­и́м и о́б­раз подо́бия тво­его́ лю­бе́з­но целу́ющих, я́ко те́п­лый нам зас­ту́п­ни­че, со­хра­ни́, в ско́рб­ных об­стоя́­ни­их на́­ших предста́ни, ду­ше́в­ных и те­ле́с­ных страс­те́й сво­бо­ди́, в день Стра́шнаго суда́ шу́ияго стоя́­ния из­ба́­ви и с десны́ми овца́ми мо­ли́т­ва­ми тво­и́ми ста́ти спо­до́­би и бла­же́н­ный о́ный глас Влады́ки, Хри­ста́ Бо́­га на́­ше­го услы́шати: «Прииди́те, благослове́ннии От­ца́ Мо­его́, насле́дуйте угото́ванное вам Ца́рст­вие от сложе́ния ми́­ра». Ему́­же по­до­ба́­ет вся­кая сла́­ва, честь и по­кло­не́­ние, со Без­на­ча́ль­ным Его́ От­це́м и со Пре­свя­ты́м, и Бла­ги́м, и Жи­во­тво­ря́­щим Его́ Ду́­хом, ны́­не и при́с­но и во ве́­ки ве­ко́в. Ами́нь.