Преподобная Евфроси́ния (в миру Феоду́лия) Суздальская, княжна

Прп. Евфросиния Суздальская (1212–1250), княжна Черниговская, приняла постриг после внезапной кончины жениха. Прославилась аскетическими подвигами и даром прозорливости. Стала игуменией Ризоположенского монастыря, где сохранила обитель молитвами во время монгольского нашествия. Предсказала мученическую смерть отца, князя Михаила Черниговского. Канонизирована в 1698 году. Мощи покоятся в Суздале.

Краткое житие преподобной Евфросинии (в миру Феодулии) Суздальской

Преподобная Евфросиния, княжна Суздальская, родилась в 1212 году. В Святом Крещении носила имя Феодулия и была старшей дочерью святого мученика Михаила, великого князя Черниговского (память 20 сентября). Благоверный князь Михаил и его супруга Феофания долго не имели детей и часто посещали Киево-Печерскую обитель, где молились Господу о даровании им чад. Благоверная княжна Евфросиния была их первой дочерью, испрошенной у Господа в молитвах. Трижды являвшаяся им Пресвятая Богородица сообщала, что их молитва услышана и Господь дарует им дочь.

Феодулия воспитывалась в глубокой вере и благочестии. На ее воспитание большое влияние оказывал образованный боярин Феодор (память 20 сентября). Разностороннее образование и редкая красота княжны привлекали многих.

Княжна была сосватана за святого благоверного князя Феодора († 1233; память 5 июня), брата святого Александра Невского, но жених ее скончался в самый день свадьбы. Княжна осталась в Суздальском женском монастыре в честь Положения Ризы Божией Матери, где вскоре приняла постриг с именем Евфросиния в честь Евфросинии Александрийской.

Совсем еще юная инокиня с удивительной ревностью исполняла правила монашеской жизни, заметно превосходя остальных насельниц обители твердостью разума, духовной зрелостью и крайней воздержанностью. Подвижницу посетил Сам Господь, заповедав ей бодрствовать и утверждаться в подвиге. Преподобная Евфросиния до конца земной жизни соблюдала наставления Спасителя, преодолев бесчисленное множество коварных искушений. О редкой подвижнической жизни преподобной Евфросинии вскоре узнали в Суздале и за его пределами. Множество народа посещало обитель, чтобы услышать поучения преподобной Евфросинии о любви, молитве, послушании и смирении. Часто после таких бесед многие принимали иноческий образ и начинали более ревностное служение Богу. Сама игумения монастыря прибегала к советам преподобной. По просьбе подвижницы сестры обители были разделены на две половины: инокинь-девственниц и инокинь-вдовиц. Это способствовало духовному возрастанию и утверждению в чистоте сестер монастыря. После кончины игумении настоятельство приняла преподобная Евфросиния.

В особом откровении Господь предсказал блаженной игумении о мученической кончине ее родного отца, а также о нашествии татар на Русь. В 1238 году несметные полчища татаро-монголов действительно напали на Русское государство. Уничтожая всё на своем пути, они подошли к Суздалю. Город ими был полностью разрушен и сожжен, и только обитель преподобной Евфросинии уцелела по ее молитвам.

Преподобная преставилась к Богу 25 сентября 1250 года. У ее гроба верующие продолжали получать благодатную помощь в исцелении различных недугов. 18 сентября 1698 года по благословению патриарха Адриана митрополит Суздальский Иларион совершил прославление преподобной Евфросинии.

Мощи прп. Ефросиньи положены в Ризоположенском соборе женского монастыря Суздаля.

Полное житие преподобной Евфросинии (в миру Феодулии) Суздальской

Преподобная Евфросиния родилась в 1212 году и была старшей дочерью святого мученика Михаила, великого князя Черниговского. Благоверный князь Михаил и его супруга Феофания долго не имели детей и часто посещали Киево-Печерскую обитель, где молились Богу о даровании им детей. Трижды являлась им Пресвятая Богородица и сказала, что молитва их услышана – родится у них дочь, которую нужно назвать Феодулией, – она будет служительницей Влахернской церкви.

Настало время рождения дочери и нарекли ее, по слову Богоматери, Феодулией (раба Божия). Крестили новорожденную в Киево-Печерской обители, и восприемником ее стал сам игумен.

У нее было четыре брата и сестра Мария (супруга замученного татарами князя Василия Ростовского (1238 г., память 4 (17) марта).

Родители с удивлением и благоговением смотрели на Феодулию. Если кормилица ее питалась мясом, то Феодулия, еще находясь в пеленках, отказывалась брать грудь кормилицы весь день. Однажды матери было видение: она на крыльях возлетает к небу и отдает Богу свою дочь.

Феодулия подрастала, и благоверный князь Михаил сам стал учить ее Священному Писанию «по книгам и прочим премудростям». В остальном же наставником юной княжны был боярин Феодор, отличавшийся мудростью и ученостью. Житие отмечает образованность Феодулии, глубокое знание античной литературы: «Она познала все книги Вергилийски и витийски, сведуща была в книгах Аскилоповых и Галеновых, Аристотелевых и Омировых и Платоновых...» В этом списке – философы Платон и Аристотель, поэты Гомер и Вергилий, врачи Эскулап и Гален. Воспитывалась Феодулия в глубокой вере и благочестии, превосходя своих сверстниц в красоте и успехами в учении.

В юности увидела она во сне Страшный Суд: море огня и райские обители. Пресвятая Богородица призывала ее разделить блаженство праведных, а Господь держал в деснице Своей Книгу Жизни. В другом видении ей был показан Киево-Печерский монастырь и иноки его, славящие Господа. В то же время игумении Суздальского монастыря было откровение о том, что к ней должна придти юная дева, которую необходимо принять в обитель.

В 1233 году Феодулия была просватана за святого благоверного князя Феодора Ярославича (1233 г.; память 5(18) июня), родного брата святого Александра Невского. Родители согласились, и Феодулия покорилась родительской воле, но тайно молилась Божией Матери о сохранении девства, так как чувствовала призвание к иноческой жизни. И снова Пресвятая Дева в сонном видении повелела послушаться родителей, сказав при этом: «Скверна не коснется твоего тела».

Феодулия отправилась в Суздаль для бракосочетания, но брак не состоялся. Когда гости уже собрались на пир, жених неожиданно скончался, как повествует о том летопись: «Преставися князь Феодор Ярославич Больший... И еще млад. И кто не пожалует сего? Свадьба пристроена бе, меды посычены, невеста приведена, а князья позваны. И бысть в веселия место плач и сетование».

Феодулия не вернулась домой и умолила игуменью монастыря в честь Положения ризы Пресвятой Богородицы во Влахерне принять ее. Игумения согласилась, помня о бывшем ей откровении и 25 сентября, в день преподобной Евфросинии Александрийской, Феодулию постригли с именем Евфросинии. Родители приняли это как волю Божию и покорились.

Юная инокиня ревностно выполняла правило монашеской жизни, удивляя сестер рассудительностью, высокой духовностью и зрелостью ума. Большую часть дня Евфросиния проводила в молитве – в храме или в келлии, а по ночам изучала слово Божие. Иногда она целые недели проводила не вкушая пищи – только пила немного воды. Вскоре после пострига Евфросиния удостоилась явления Спасителя, который заповедал ей бодрствовать и укрепляться в подвиге.

Господь попустил ей постоянную брань с бесами, Евфросиния много времени терпела их нападения и молилась об укреплении своем в этой брани. Игумения сказала ей: «Без нападения врага не было бы твердых воинов царских, и Господь попускает любящим Его терпеть искушения, дабы явились добродетели их».

Евфросиния не занимала начальственной должности в обители, но жизнью своей и подвигами она так возвысила ее значение, что обитель стала лучшим женским монастырем на Руси. Сестры ее почитали и сама игумения постоянно обращалась за советом. Преподобная предложила разделить монастырь на две половины: девичью и вдовью. Городские жены посещали церковь во имя Пресвятой Троицы на половине вдов, а девицы – главную монастырскую Ризоположенскую церковь, находившуюся на половине дев.

Здесь преподобная Евфросиния читала и пела на клиросе. Кроме того, ей было поручено толковать Священное Писание и говорить поучения сестрам и городским девицам.

О редкой подвижнической жизни преподобной вскоре узнали не только в Суздале, но и далеко за его пределами. Множество народа посещало обитель, чтобы услышать поучения преподобной Евфросинии о любви, молитве, послушании и смирении. Часто после таких бесед приходившие в обитель помолиться оставляли мир.

Когда на Руси начались эпидемии и моры, преподобной явилась Божья Матерь и обещала дар исцелений, после чего она начала лечить не только сестер в монастырской больнице, но и приходивших в обитель с тяжкими недугами. Исцеленная ею девица Таисия приняла постриг в монастыре вместе со своею матерью.

Некоторое время преподобная Евфросиния безмолвствовала, после чего получила от Бога дар пророчества. Она предсказала близкую кончину принявшей ее игумении и мученическую смерть своего отца. Перед нашествием Батыя Господь открыл подвижнице, что беда идет на Русь, что Суздаль будет разорен: «Будет лютое посещение, дабы избавиться от горьких вечных мук, – сказал Господь, – ...Тебе же и живущим здесь обещаю, что знамение креста будет охранять твой монастырь». Тогда преподобная увидела двух Ангелов с натянутыми луками в руках, охраняющих обитель. Они сказали преподобной, что инокини, которые будут искать спасения вне стен обители, или вернутся в нее, или пострадают.

В 1238 году войска Батыя опустошили Суздаль. Преподобная Евфросиния с сестрами дни и ночи молилась о спасении обители, и монастырь уцелел. Враги не смогли подойти к монастырю. Предание говорит, что Батый узнав об этом, пытался с холма разглядеть монастырь, но он сокрылся от него.

Когда отец отправлялся в Орду, где его ожидало мученичество, Евфросиния в письме к нему убеждала, твердо стоять за веру, чтобы он «...не склонился на волю цареву» и советовала ему слушаться боярина Феодора, которого назвала «философом из философов». После казни отца и боярина Феодора 20 сентября 1246 года оба они предстали перед ней, поведали о своей мученической кончине и благодарили за укрепление и молитвенную помощь в смертный час.

После смерти отца она оделась в рубище и много дней провела в посте и молитве. Когда один из жителей Суздаля был потрясен, увидев ее ветхое одеяние, Евфросиния сказала: «Рыба на морозе, засыпанная снегом, не портится и не воняет, и даже становится вкусна. Так и мы, иноки, если переносим холод, становимся крепче и будем приятны Христу в жизни нетленной». Тот же человек попросил наставления; она ответила ему: «Слушай, христолюбче! Счастлив дом, в котором господа благочестивые, счастлив корабль, который управляется искусным кормчим, блажен и монастырь, в котором обитают воздержные иноки. Но горе дому, в котором обитают нечестивые господа; горе кораблю, в котором нет искусного кормчего; горе монастырю, в котором нет воздержания; дом обнищает, корабль разобьется, а монастырь опустеет. Ты же, боголюбезный человек, твори милостыню, прежде всего домашним слугам твоим, и если хочешь дать от щедрот твоих нам в монастырь, то пришли только деревянного масла, свечей и ладану. Этого нам достаточно!» Человек тот, прежде черствый, совершенно изменился и стал милостивым.

После кончины игумении преподобная Евфросиния продолжала духовное руководство обителью, сохраняя в ней строгий порядок. Вся дальнейшая жизнь ее – подвиг полного самоотречения, строжайшего выполнения монашеских обетов. Уже при жизни народ почитал её праведной за материнскую отзывчивость и благодатные дары.

Незадолго до кончины преподобной в Суздале случилось предсказанное ею землетрясение, во время которого она увидела на небе Пресвятую Богородицу, умолявшую вместе со святыми Сына Божия о спасении града и людей в нем. После этого события явились ей отец и боярин Феодор, известившие о близкой кончине. Преподобная стала готовиться. Болела она недолго. Причастившись Святых Христовых Тайн, сказала: «Слава Тебе, Пресвятая Троица! Упование наше, Пресвятая Богородица, помоги мне! Господи, в руки Твои предаю дух мой!», перекрестилась и отошла в жизнь вечную 25 сентября 1250 г.. Семнадцать лет назад в этот же день она приняла пострижение.

При гробе ее верующие стали получать благодатную помощь, и по благословению патриарха Адриана 18 сентября 1698 года совершилось прославление преподобной. Нетленные мощи ее почивали в соборной церкви Ризоположенского монастыря.

Вся жизнь преподобной Евфросинии – и внешняя, и внутренняя, – была полна испытаний: смерть жениха, отца, брата, наставника. Великое разорение Отчизны, непрестанная духовная брань требовали терпения, кротости и мужества. Преподобная Евфросиния – русская терпеливица. Ее образ – воплощение терпения русских женщин. Без него народ и государство Русское не могли бы выстоять в испытаниях, которые обрушивались на них из века в век. Нести неустройства жизни, преображая их молитвой и трудами – этот подвиг исполнен и завещан преподобной Евфросинией русским женщинам.

Особенно действенна помощь преподобной в исцелении одержимых злыми духами. Как при жизни она вела непрестанную брань с бесами и побеждала их молитвой и смирением, так и после кончины Евфросиния Суздальская помогает отгонять бесов и освобождать человека от злобной силы, терзающей его душу и тела.

Имя преподобной до пострига – Феодулия – «Раба Божия» говорит о ее предназначении. Имя монашеское – Евфросиния – раскрывает особый дар духовной радости при терпении земных скорбей: преподобная Евфросиния научает преображению скорби мира в радость единения с Богом преподобническим подвигом через терпение.

Ни в одном из древних житий святых жен Руси нет столько упоминаний о благодатной помощи Божией Матери, как в житии преподобной Евфросинии Суздальской. Пречистая Сама указала родителям Феодулии имя дочери и произнесла таинственные слова: «она будет служительницей Влахернской церкви». Она же благословила Феодулию на монашество и направила ее в монастырь, посвященный Положению Ризы Богоматери во Влахерне. Многие благодатные дары получила преподобная Евфросиния от Божией Матери. Тогда понятным становится значение слов Богоматери о служении преподобной Евфросинии, которая от рождения до последнего мгновения жизни своей была служительницей Божией Матери.

Тропарь, глас 8

В тебе́, ма́ти, изве́стно спасе́ся е́же по о́бразу,
прии́мши бо крест, после́довала еси́ Христу́
и, де́ющи, учи́ла еси́ презира́ти у́бо плоть, прехо́дит бо,
прилежа́ти же о души́ ве́щи безсме́ртней.

Те́мже и со А́нгелы сра́дуется, преподо́бная Евфроси́ние, дух твой.

Ин тропарь, глас 4 Свята́я твоя па́мять/ Су́ждальскую страну́ весели́т,/ ве́рныя же вся созыва́ет во всечестны́й храм твой,/ иде́же ны́не соверша́ется всесла́вная па́мять твоя́,/ Евфроси́ние преподо́бная,/ моли́ Христа́ Бо́га,// спасти́ся душа́м на́шим.

Кондак, глас 2

Де́вства чи́стый сосу́д
еле́ем моли́твы и любве́ испо́лнивши,
неугаси́мый свети́льник в се́рдце свое́м возжгла́ еси́, преподо́бная,
с ни́мже бо́дренно в сре́тение Небе́снаго Жениха́ изше́дши,
в черто́г Того́ пресве́тлый прия́та была́ еси́,
иде́же ны́не водворя́ющися с ли́ки А́нгелов и святы́х,
моли́ся, мо́лимся, Христу́ Бо́гу,

ча́сти дев юро́дивых изба́витися нам.

Ин кондак, глас 6 Женише́ мой Сладча́йший,/ Христу́ взыва́ше прекра́сная Евфроси́ния,/ и́бо сла́дость любве́ Твоея́ ду́шу ми наде́жею впери́/ и красота́ ми́лости Твоея́ се́рдце ми услади́,/ сопотруди́тися страда́нии по Тебе́,/ иму́щи на Тя наде́жду,/ да досто́йну мя черто́га с му́дрыми де́вами/ и ликовствова́ти у Тебе́ причти́мся./ Те́мже, преподо́бная,/ почита́юще по́двиг трудо́в твои́х, мо́лим тя́:// моли́ не зазри́тися и нам черто́гу две́ри. Ин кондак, глас 8 Де́вства чистото́ю возжегла́ еси́ свещу́ своего́ ра́зума/ и просвети́ла еси́ душе́вную чистоту́,/ поще́нием же и бде́нием плоть порабо́тила еси́ ду́ху,/ те́мже, преподо́бная Евфроси́ние,/ почита́юще по́двиги трудо́в твои́х, мо́лимся,// моли́ Христа́ Бо́га спасти́ся душа́м на́шим.

Величание

Ублажа́ем тя,
преподо́бная ма́ти Евфроси́ние,
и чтим святу́ю па́мять твою́,
ты бо мо́лиши за нас

Христа́, Бо́га на́шего.

Молитва

О, пресла́вная ма́ти, ско́рая на́ша помо́щнице и засту́пнице и неусы́пная о нас моли́твеннице! Предстоя́ще ико́не твое́й и на сию́ со умиле́нием, я́ко живе́й ти су́щей, взира́юще, мо́лимся тебе́ усе́рдно: приими́ проше́ния на́ша и принеси́ я́ ко Престо́лу Милосе́рдаго Отца́ Небе́снаго, я́ко дерзнове́ние мно́гое к Нему́ иму́щая. Испроси́ притека́ющим к тебе́ и всем правосла́вным христиа́ном ве́чное спасе́ние и вре́менное благоде́нствие, на вся же блага́я дела́ и начина́ния на́ша ще́дрое благослове́ние и от вся́ких бед и скорбе́й ско́рое избавле́ние. Ей, чадолюби́вая ма́ти на́ша! Тебе́, предстоя́щей Престо́лу Бо́жию, ве́домы суть ну́жды на́ша духо́вныя и жите́йския: при́зри на ня ма́терним о́ком и твои́ми моли́твами вся зла́я от нас отврати́, па́че же злых и богопроти́вных обы́чаев умноже́ние. Утверди́ же во всех ве́ры согла́сное ве́дение, взаи́мную любо́вь и единомы́слие, да во всем житии́ на́шем, словесы́ же и писа́нии и де́лы, сла́вится всесвято́е и́мя Отца́ и Сы́на и Свята́го Ду́ха, Еди́наго Бо́га, в Тро́ице покланя́емаго, Ему́же честь и сла́ва во ве́ки веко́в. Ами́нь.

Канон преподобной Евфросинии Суздальской

Минея, 18 Сентября.

Глас 8

Песнь 1

Ирмос: Во́ду проше́д я́ко су́шу, и еги́петскаго зла́ избежа́в, изра́ильтянин вопия́ше: Изба́вителю и Бо́гу на́шему пои́м.

Припев: Преподо́бная благове́рная княжно́ Евфроси́ние, моли́ Бо́га о на́с.

Све́том моли́тв твои́х озари́ нас,
с любо́вию приступа́ющих святу́ю па́мять твою́ воспе́ти,
преподо́бная ма́ти.

Припев: Преподо́бная благове́рная княжно́ Евфроси́ние, моли́ Бо́га о на́с.

Испро́шена моли́твами и от чре́ва ма́терня избра́на бы́вши,
всю себе́ в же́ртву Христу́ Бо́гу принесла́ еси́
и сосу́д избра́н боже́ственных даро́в яви́лася еси́, блаже́нная.

Сла́ва Отцу́ и Сы́ну и Свято́му Ду́ху.

Сохрани́ти хотя́щи де́вство Христу́ Жениху́ и послуша́ние соблюсти́ роди́телем,
моли́твенно воззва́ла еси́ к Богоро́дице
и Той хода́тайством жела́нное устрое́ние жи́зни улучи́ла еси́, пресла́вная.

И ны́не и при́сно и во ве́ки веко́в. Ами́нь.

Богородичен: Всего́ мя спаса́ет Сло́во Пребоже́ственное,
из чре́ва Твоего́ воплоти́тися благоволи́вшее,
Чи́стая Ма́ти Де́во.

Песнь 3

Ирмос: Небе́снаго кру́га Верхотво́рче Го́споди,
и Це́ркве Зижди́телю,
Ты́ мене́ утверди́ в любви́ Твое́й,
жела́ний кра́ю, ве́рных утвержде́ние,
Еди́не Человеколю́бче.

Припев: Преподо́бная благове́рная княжно́ Евфроси́ние, моли́ Бо́га о на́с.

Свобо́ду получи́вши от бра́ка Бо́жиим смотре́нием,
кра́сному добро́тою Христу́ обручи́лася еси́ произволе́нием
и, Тому́ усе́рдно порабо́тавши,
ны́не в Небе́сных оби́телех Того́ утеша́ешися оби́льно.

Припев: Преподо́бная благове́рная княжно́ Евфроси́ние, моли́ Бо́га о на́с.

Небе́сная возлюби́вши, вся кра́сная ми́ра сего́ оста́вила еси́, преподо́бная,
и, во оби́тель все́льшися, неле́ностными труды́ по́стничества Бо́гу угоди́ла еси́,
Его́же моли́ спасти́ся душа́м на́шим.

Сла́ва Отцу́ и Сы́ну и Свято́му Ду́ху.

Всено́щными стоя́нии твои́ми
безпло́тным Ангелом подо́билася еси́,
тех споспе́шники иму́щи в твои́х непреста́нных к Бо́гу моли́твах.

И ны́не и при́сно и во ве́ки веко́в. Ами́нь.

Богородичен: При́зри на не́мощь рабо́в Твои́х, Всепе́тая Богоро́дице,
и изба́ви нас от скры́тых сете́й врага́
и губи́теля душ на́ших.

Седален, глас 3

Пасо́ма от Го́спода, я́ко овча́ кро́ткое,
сопроти́вных полки́ победи́ла еси́ благода́тию Свята́го Ду́ха
и, сконча́вши му́жественно по́двиг,
венцы́ побе́дныя прия́ла еси́ в Небе́сных селе́ниих, иде́же упокоева́ющися,
Бо́га приле́жно моли́ спасти́ся душа́м на́шим.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Мно́гими обдержи́мии напа́стьми,
к Тебе́ прибега́ем, Влады́чице Чи́стая:
покры́й нас покро́вом Твои́м
и моли́твами Твои́ми от страсте́й и бед спаси́.

Песнь 4

Ирмос: Услы́шах, Го́споди,
смотре́ния Твоего́ та́инство,
разуме́х дела́ Твоя́,
и просла́вих Твое́ Божество́.

Припев: Преподо́бная благове́рная княжно́ Евфроси́ние, моли́ Бо́га о на́с.

Бо́дренным о́ком ума́ твоего́
в зре́нии неви́димаго Бо́га вы́ну пребыва́ла еси́, блаже́нная:
Его́же лицезре́нием ны́не наслажда́ющися,
моли́ уны́ния дрема́нию оттрясти́ся от оче́й на́ших.

Припев: Преподо́бная благове́рная княжно́ Евфроси́ние, моли́ Бо́га о на́с.

Боже́ственным сло́вом и благода́тию Свята́го Ду́ха воспита́вшися,
на высоту́ доброде́телей востекла́ еси́, преподо́бная ма́ти,
и́хже стезе́ю ше́ствовати и нас укрепи́ моли́твами твои́ми.

Сла́ва Отцу́ и Сы́ну и Свято́му Ду́ху.

Огне́м Боже́ственнаго стра́ха попали́вши страсте́й те́рние
и теплото́ю Уте́шителя согре́вшися,
была́ еси́ безстра́стия зерца́ло,
его́же прича́стники и нас покажи́ хода́тайством твои́м.

И ны́не и при́сно и во ве́ки веко́в. Ами́нь.

Богородичен: Омраче́нныя грехми́ ду́ши на́ша просвети́, Пречи́стая,
и во све́те за́поведей Сы́на Твоего́ и Бо́га ходи́ти научи́ ны.

Песнь 5

Ирмос: Просвети́ на́с повеле́нии Твои́ми, Го́споди, и мы́шцею Твое́ю высо́кою Тво́й ми́р пода́ждь на́м, Человеколю́бче.

Припев: Преподо́бная благове́рная княжно́ Евфроси́ние, моли́ Бо́га о на́с.

Нося́щи крест свой,
после́довала еси́ позва́вшему тя Го́споду бо́дренно,
свети́льник и́нокиням бы́вши в житии́ твое́м, пресла́вная ма́ти.

Припев: Преподо́бная благове́рная княжно́ Евфроси́ние, моли́ Бо́га о на́с.

В терпе́нии, послуша́нии и во́ли своея отрече́нии те́сный путь соверши́вши,
ны́не в простра́нных селе́ниих обита́еши,
в ня́же доспе́ти и нас устро́и.

Сла́ва Отцу́ и Сы́ну и Свято́му Ду́ху.

Вся кра́сная ми́ра сего́ попра́вши,
бу́ди нам помо́щница,
изнемога́ющим в боре́нии с пре́лестьми ве́ка сего́.

И ны́не и при́сно и во ве́ки веко́в. Ами́нь.

Богородичен: Присноде́ву пое́м Тя, Богоро́дице:
Ты бо Бо́га Сло́ва пло́тию ми́рови ро́ждши,
пребыла́ еси́ Де́ва.

Песнь 6

Ирмос: Моли́тву пролию́ ко Го́споду, и Тому́ возвещу́ печа́ли моя́, я́ко зо́л душа́ моя́ испо́лнися, и живо́т мо́й а́ду прибли́жися, и молю́ся я́ко Ио́на: от тли́, Бо́же, возведи́ мя́.

Припев: Преподо́бная благове́рная княжно́ Евфроси́ние, моли́ Бо́га о на́с.

Мно́гими по́двиги плотска́я умертви́вши стремле́ния,
и нас, подража́ти тебе́ в по́стничестве возжела́вших,
те́сным путе́м твои́м ше́ствовати умудри́.

Припев: Преподо́бная благове́рная княжно́ Евфроси́ние, моли́ Бо́га о на́с.

Воздержа́ние, моли́тву и любо́вь стяжа́вши, преподо́бная,
и́ноческаго жития́ о́браз яви́лася еси́,
в не́мже преуспе́ти и нам посо́бствуй хода́тайством твои́м.

Сла́ва Отцу́ и Сы́ну и Свято́му Ду́ху.

Послуша́ния труды́ преше́дши и все́ми доброде́тельми украси́вшися,
жезл настоя́тельства прия́ла еси́ во оби́тели и́ночестей,
ны́не же венце́м сла́вы увенча́на еси́:
сего́ ра́ди ублажа́ем тя, преподо́бная.

И ны́не и при́сно и во ве́ки веко́в. Ами́нь.

Богородичен: Я́же Бо́га Сло́ва Изба́вителя ми́ру пло́тию ро́ждшая,
изба́ви, мо́лимся, от сете́й вра́жиих ду́ши на́ша,
Богороди́тельнице Чи́стая.

Кондак, глас 2

Де́вства чи́стый сосу́д
еле́ем моли́твы и любве́ испо́лнивши,
неугаси́мый свети́льник в се́рдце свое́м возжгла́ еси́, преподо́бная,
с ни́мже бо́дренно в сре́тение Небе́снаго Жениха́ изше́дши,
в черто́г Того́ пресве́тлый прия́та была́ еси́,
иде́же ны́не водворя́ющися с ли́ки А́нгелов и святы́х,
моли́ся, мо́лимся, Христу́ Бо́гу,
ча́сти дев юро́дивых изба́витися нам.

Икос

Де́вство возлюби́вши, сохране́ния того́ испроси́ла еси́ у Присноде́вы
и, к земно́му ше́ствующи жениху́, Небе́снаго сре́тила еси́,
Ему́же уневе́стившися, вся жите́йская оста́вила еси́
и, притру́дное соверши́вши по́стническое житие́,
в небе́сный черто́г прия́та бы́ти сподо́билася еси́,
иде́же ны́не с ли́ки А́нгелов и святы́х водворя́ющися, моли́ Христа́ Бо́га
сотвори́ти и нас прича́стники блаже́нныя ча́сти твоея́.

Песнь 7

Ирмос: От Иуде́и доше́дше о́троцы, в Вавило́не иногда́, ве́рою Тро́ическою пла́мень пе́щный попра́ша, пою́ще: отце́в Бо́же, благослове́н еси́.

Припев: Преподо́бная благове́рная княжно́ Евфроси́ние, моли́ Бо́га о на́с.

Восте́кши на высоту́ доброде́телей
и безстра́стным во пло́ти житие́м А́нгелом уподо́бльшися,
рая́ сла́дости насле́дница бы́ти сподо́билася еси́, взыва́ющи:
благослове́н еси́, Го́споди Бо́же, во ве́ки.

Припев: Преподо́бная благове́рная княжно́ Евфроси́ние, моли́ Бо́га о на́с.

Сия́ющи све́том безстра́стия,
от страсте́й моли́твами твои́ми избавля́еши
притека́ющих к тебе́ моли́твенно, преподо́бная, взыва́ющих:
благослове́н еси́, Го́споди Бо́же, во ве́ки.

Сла́ва Отцу́ и Сы́ну и Свято́му Ду́ху.

Престо́лу предстоя́щи Вседержи́теля,
избавле́ние от бед и скорбе́й моли́твами твои́ми
испроси́ нам, чту́щим па́мять твою́, да взыва́ем:
благослове́н еси́, Го́споди Бо́же, во ве́ки.

И ны́не и при́сно и во ве́ки веко́в. Ами́нь.

Богородичен: Пресвята́я Де́во Богоро́дице, хода́тайством Твои́м
исцели́ на́ша теле́сныя не́мощи и душе́вныя неду́ги,
да Тебе́ ра́достно воспое́м:
ра́дуйся, Благода́тная.

Песнь 8

Ирмос: Царя́ Небе́снаго, Его́же пою́т во́и а́нгельстии, хвали́те и превозноси́те во вся́ ве́ки.

Припев: Преподо́бная благове́рная княжно́ Евфроси́ние, моли́ Бо́га о на́с.

За́поведи Го́спода внима́ющи,
трезве́нием и бо́дренностию вся наве́ты и ко́зни врага́ препобеди́ла еси́,
от ни́хже и нам изба́витися моли́твами твои́ми сподо́би.

Припев: Преподо́бная благове́рная княжно́ Евфроси́ние, моли́ Бо́га о на́с.

Щито́м ве́ры и шле́мом упова́ния вооружи́вшися,
по́лчища вра́жеская отрази́ла еси́ моли́твами твои́ми от оби́тели,
и ны́не нас храни́ти не преста́й хода́тайством твои́м.

Сла́ва Отцу́ и Сы́ну и Свято́му Ду́ху.

Срамны́х страсте́й совлещи́ся ру́бищ,
в кра́сныя же доброде́тели ри́зы облещи́ся
сподо́би нас моли́твами твои́ми.

И ны́не и при́сно и во ве́ки веко́в. Ами́нь.

Богородичен: Влады́чице Чи́стая,
нас, к Тебе́ усе́рдно прибега́ющих,
от страсте́й и бед свободи́ моли́твами Твои́ми.

Песнь 9

Ирмос: Вои́стинну Богоро́дицу Тя́ испове́дуем, спасе́ннии Тобо́ю, Де́во Чи́стая, с безпло́тными ли́ки Тя́ велича́юще.

Припев: Преподо́бная благове́рная княжно́ Евфроси́ние, моли́ Бо́га о на́с.

Нечистота́ми грехо́вными оскверне́нных нас убели́,
блаже́нная Евфроси́ние, моли́твами твои́ми,
к покая́нию подви́гши ожесте́вшия ду́ши на́ша.

Припев: Преподо́бная благове́рная княжно́ Евфроси́ние, моли́ Бо́га о на́с.

Нестяжа́нием упраздни́вшися,
безбе́дно преплыла́ еси́ жите́йское мо́ре, преподо́бная,
его́же треволне́ний изба́витися сподо́би и нам, чту́щим па́мять твою́.

Сла́ва Отцу́ и Сы́ну и Свято́му Ду́ху.

То́ки слез твои́х огнь страсте́й угаси́ла еси́, блаже́нная,
и́хже жже́ния изба́ви и нас моли́твами твои́ми.

И ны́не и при́сно и во ве́ки веко́в. Ами́нь.

Богородичен: Бу́ди нам прибе́жище, стена́ и покро́в, Пречи́стая Де́во,
да Тя с безпло́тными ли́ки непреста́нно велича́ем.

Светилен

Свети́льник нога́м на́шим бысть житие́ твое́, преподо́бная,
ему́же после́дующе,
невече́рняго Све́та безбе́дно дости́гнем.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Све́та Твоего́ заря́ми просвети́, Де́во,
мрак неве́дения отгоня́ющи,
благове́рно Богоро́дицу Тя испове́дающих.

Акафист преподобной Евфросинии Суздальской

Аудио:

53:31

Аудио:

37:28

Кондак 1

Избранная от чрева матерня, угоднице Христова княжно Евфросиние, прославляюще прославльшаго тя Христа Господа, хвалебная приносим ти песни, мати преподобная: ты же, яко имущая дерзновение ко Господу, от всяких нас бед свободи, да зовем ти:

Радуйся, Евфросиние, невеста Христова прекрасная.

Икос 1

Ангелов Царица и Мати Господа, провидящи равноангельное житие твое, услыша молитву святых твоих родителей и разреши тобою неплодство их, трикратно тем явившися во сне в знамение твоего избрания, блаженная. Мы же таковое о тебе Божие смотрение прославляюще, взываем ти:

Радуйся, святый плоде, молитвами неплодствовавших испрошенный; радуйся, честный даре, Приснодевою безчадствовавшим дарованный.

Радуйся, чудным фимиамом, яко будущее благоуханное селение Духа, до зачатия предзнаменованная; радуйся, в предъосвященном молитвою и Божиим благословением чреве зачатая.

Радуйся, по зачатии, яко чистая голубица, от Пречистыя Девы даемою голубицею предъобразованная; радуйся, до рождения Царицею неба и земли в служебный лик себе предъизбранная.

Радуйся, еяже рождение Богородицею со святыми Антонием и Феодосием яве предвозвещено быти; радуйся, ейже имя, яко имевшей быти верною Богу рабою, Феодулия пронареченно бысть.

Радуйся, рождением своим бывшее свыше обетование оправдавшая; радуйся, по рождении абие великое свое предназначение проявившая.

Радуйся, еще в пеленах сущи, пост иноческий державшая; радуйся, от сосцу доилицы, егда тоя мяса ядяше, николиже млека вкусити хотевшая.

Радуйся, Евфросиние, невеста Христова прекрасная.

Кондак 2

Видяще родители твоя, яко услышана бысть молитва их о тебе, блаженная, и чудящеся о явлениих Богоматере, во сне яко яве бывших, слагаху тая в сердце своем: велие же некое о тебе Божие смотрение в тех провидяще, радостно вопияху Богу: Аллилуиа.

Икос 2

Разумети хотя, по рождении твоем, Божие о тебе изволение, боголюбивая мати твоя, молящися, усну и виде себе во сне окриленну, в высоту парящу и тя, отроковицу, Богу в руце вдающу: чесо ради, посвящяющи тя по святом крещении, вручи тя покрову и заступлению Царицы Небесныя. Мы же таковое предъустроение о тебе славяще, хвалебно взываем ти:

Радуйся, по изволению Божию в дар Богу от рождения определенная; радуйся, изначала, яко в небесная парити имущая, предъуказанная.

Радуйся, от купели живаго со Христом общения взыскательницею быти предъявленная; радуйся, во святом крещении во Христа облекшися, хритоподражательницею быти назнаменанная.

Радуйся, в троекратном во имя Пресвятыя Троицы погружении во свете лица Ея пребывати начавшая; радуйся, в белы, во образ чистоты, ризы одеянием в чин непорочных вступившая.

Радуйся, с возложением креста на выю благое иго Христово носити восприявшая; радуйся, с препоясанием чресл бодренною подвижницею Христовою быти себе показавшая.

Радуйся, с горящею при купели свещею в светлый лик благодатно освященных вчиненная; радуйся, в троекратном окрест купели хождении, яко обрученная Христу невеста, ликовавшая.

Радуйся, в залог вечнаго с Небесным Женихом единения святым миром запечетленная; радуйся, в осуждение всякия скверны греховныя на всех чувствах знамение дара Духа Святаго приявшая.

Радуйся, Евфросиние, невеста Христова прекрасная.

Кондак 3

Силою свыше управляема, преуспевала еси возрастом и благодатию у Бога и человек: о чесом родители твои и ужики радующеся, Богу, из уст младенец хвалу себе совершающему, взываху: Аллилуиа.

Икос 3

Имуще в памяти бывшая о тебе знамения и чудящеся необычному в отрочестве разуму твоему, родители твоя разсудиша наипаче поучением божественных книг возгревати живущий в тебе дар благодатныя жизни, еже и соверши сам боголюбивый родитель твой святый благоверный князь Михаил. Хвалу воздающе таковому о тебе родителей твоих мудрому попечению, взываем ти:

Радуйся, премудрости Божией пространное приятелище; радуйся, младенцем открываемых таин верное хранилище.

Радуйся, отроковице, млеком слова животнаго воспитанная; радуйся, дево, чистыми токи небесных истин напоенная.

Радуйся, теплотою учения родительскаго огнь любве к Господу в сердце твоем возгревшая; радуйся, живыя стремления юности от земных к небесным возведшая.

Радуйся, невесто, отцем по плоти в уневещение Христу Господу руководствованная; радуйся, красото, паче всех красных мира красоты райския любити наученная.

Радуйся, розго лозы истинныя, вертоград Христов измлада украшавшая; радуйся, древо, от корене свята плоды благи рано приносити начавшее.

Радуйся, из детства чистотою небесным силам подобившаяся; радуйся, во всю жизнь осенением Приснодевы в непорочном девстве сохранившая.

Радуйся, Евфросиние, невеста Христова прекрасная.

Кондак 4

Бурю внутрь имеяху помышлений родители твоя, егда приспе время преподавати ти внешняя учения, да не како теми охладится сердце твое к небесным, ведуще же страх Божий и святое житие богомудраго болярина Феодора, того призваша научити тя всякой внешней мудрости, Богу просвещающему умы воспевающе: Аллилуиа.

Икос 4

Слышащи преподаваемая тебе о мире Божием учения, яко пчела, от внешних собирала еси сок, силою действовавшия в тебе благодати сладчайшаго паче меда Господа, в духовный сот превращала еси той, и вся искушающи, добрая точию держала еси. Таковую мудрость твою хваляще, взываем ти:

Радуйся, от видимых тварей к невидимым Божиим возносившаяся; радуйся, от красот мира к Краснейшему паче всех любовию возгаравшаяся.

Радуйся, созерцанием Небес, славу Божию поведающих, к снисканию славы пренебесныя воскрилявшаяся; радуйся, от излияния света солнечнаго на злыя и благая богоподобной любви научавшаяся.

Радуйся, во образе солнца, Всевидящее Око Божие умным оком своим зрети учившаяся; радуйся, в различии славы солнца, луны и звезд, различие Небеснаго по делом прославления познававшая.

Радуйся, от воздыханий суете неволею повинувшияся твари, блаженный о гресех плач восприявшая; радуйся, в тяготе вещей земных тяготу грехов проразумевавшая.

Радуйся, стремлением огня горе горняя мудрствовати научавшаяся; радуйся, прехождением образа мира сего в любви к благом непреходящым утверждавшаяся.

Радуйся, в строении вещей земных тайны устроения спасения прозревавшая; радуйся, яко злато огнем искушаемое, очистительный искушений огнь радостно терпети предначинавшая.

Радуйся, Евфросиние, невеста Христова прекрасная.

Кондак 5

Боготечной звезде, волхвов к Солнцу Правды приведшей иногда, подобящися, в дому и княжении родителей твоих на путь спасения приводила еси всех, на святое житие твое взиравших и словес данныя тебе премудрости слушавших, иже тобою просвещаеми, Богу, тя умудряющему, радостно взываху: Аллилуиа.

Икос 5

Видяще тя умом и красотою паче всех дщерей высокородных славну, сынове княжестии молением стужиша родителем твоим, пояти тя ищуще, но не получиша желаемаго, Богу лучшее нечто о тебе устрояющу. Мы же, о тебе путем Божиим чудящеся, взываем ти:

Радуйся, красотою души паче неже лепотою тела всех другинь превосходившая; радуйся, святостию жития паче неже благородством рода прославившаяся.

Радуйся, славных и прекрасных искателей твоих нивочтоже вменившая; радуйся, Краснейшаго паче всех человек всем сердцем взыскавшая.

Радуйся, к единому жениху Христу тайным сердца желанием влекомая; радуйся, Тому, Егоже возлюби душа твоя, невидимым Божиим промышлением блюдомая.

Радуйся, единаго Господа невозвратным помыслом себе избравшая; радуйся, умом и сердцем в нем исчезавшая.

Радуйся, именем Иисуса паче мира благоуханна услаждавшаяся; радуйся, теплотою любве Христовы паче солнца светозарна согревавшаяся.

Радуйся, во еже духовне Христу обручитися достойно себе уготовлявшая; радуйся, боголюбезным добронравием внутрь и вне богато себе украсити ревновавшая.

Радуйся, Евфросиние, невеста Христова прекрасная.

Кондак 6

Провозвестницы бывше божественнаго о тебе промышления родители твоя, тайным Божиим велением влекоми, соизволиша на моление Мины, князя Суждальскаго, паче других искателей твоих и родом и делы славна, и на Бога все упование возложше, на брак тя с ним благословиша, воспевающе вся премудре Строющему: Аллилуиа.

Икос 6

Возсия свет утешения в души твоей, егда в слезных молитвах поведавши скорби сердца твоего Владычице Богородице, о внезапном устроении жизни твоей не по сердцу твоему, услышала еси радостный Тоя глас, волю родителей исполнити тебе повелевавшей, и не разоритися обетом и желанием твоим обещавший. Таковое Матери Божией к тебе благоволение славяще, ублажаем тя, вопиюще:

Радуйся, невесто, дивными путьми во объятия Христова наставленная; радуйся, дево, матерним Приснодевы попечением руководствованная.

Радуйся, теплым воли родителей повиновением связуемая; радуйся, и неизменным желанием девства снедаемая.

Радуйся, таковое в сердце распятие ради Господа претерпевшая; радуйся, преданностию воли Божией, яко на Крест себе в жертву Богу принесшая.

Радуйся, любовь ко Господу с покорностию родителем сочетавшая; радуйся, уповательным послушанием и честь браку воздавшая, и честнейшее брака девство сохраншая.

Радуйся, на брак ити напутствованная, и в безбрачии пребыти несомненно чаявшая; радуйся, на пути во мрак сокровенных о тебе путей Божиих с трепетом воззревавшая.

Радуйся, в приражении недоумений о будущем на камени упования крепко утвердившаяся; радуйся, в данном тебе Богородицею обетовании, яко на лоне матернем, упокоевавшаяся.

Радуйся, Евфросиние, невеста Христова прекрасная.

Кондак 7

Хотящу тако Божию вседержительству, князь Мина, еще не доспевшей тебе града Суждаля, предаде дух свой в руце Божии. Ты же от всяких уз земных свободу улучивши, радостно воспела еси славу Богу: Аллилуиа.

Икос 7

Новую показала еси добродетель, блаженная, егда твердое восприяла еси намерение не возвращатися в дом родителей, вселитися же во граде Суждале, во обители положения ризы Божиея Матере, идеже сокровища своя бедным иждивши, ангельский образ прияла еси. Таковое твое мудрое о себе и спасительно бывшее нам изволение славяще, взываем ти:

Радуйся, во уповании своем не постыжденная; радуйся, получением желания своего обрадованная.

Радуйся, от треволнений мира в небурном пристанищи укрывшаяся; радуйся, вожделенному тебе лику дев радостно сопричетшаяся.

Радуйся, вся утехи земныя во уметы вменившая; радуйся, сокровища вена твоего руками нищих в небесныя сокровищницы предпославшая.

Радуйся, любве ради ко Христу в нищету Его облекшаяся; радуйся, всю славу мира иноческим смирением поправшая.

Радуйся, в пострижении иноческом желанием строгаго постничества горевшая; радуйся, с принятием иноческаго образа духовное всеоружие восприявшая.

Радуйся, по оставлении мира о едином на потребу точию помышлявшая; радуйся, по вселении в обитель черноризиц, духом в общении ангел и святых жити наченшая.

Радуйся, Евфросиние, невеста Христова прекрасная.

Кондак 8

Странно житие восприяла еси во обители, преподобная, смиривши себе паче всех: княжна бо сущи, черноризицам проста рода ради Христа служила еси, поношением Христовым честь рода своего возвеличивши, Богу, дивныя подвиги твоя прославльшу, Емуже вопием: Аллилуиа.

Икос 8

Вся в вышних была еси духом, преподобная, и божественною укрепляема благодатию, во всех добродетелех преуспевала еси, образ совершеннаго иноческаго жития всем, сподвизавшимся ти, подавающи. Темже ублажаем тя, всехвальная:

Радуйся, подвигом добрым подвизавшаяся; радуйся, течение свое добре совершившая.

Радуйся, страхом Божиим всякое нечистое желание побеждавшая; радуйся, памятию о смерти всякое суетное попечение отгонявшая.

Радуйся, пощении и бдении плоть свою смирявшая; радуйся, умным деланием душу свою выну горе восторгавшая.

Радуйся, всегдашним уединением от соблазнов мира чувства своя соблюдавшая; радуйся, бодренным трезвением от злых помыслов сердце свое охранявшая.

Радуйся, в молитвах неусыпная и в чтении божественных книг ненасытимая; радуйся, на всякое послушание скорая, на исполнение же воли своея косная.

Радуйся, терпения, кротости и любве зерцало; радуйся, сердечнаго сокрушения, всегдашняго плача и покаяния правило.

Радуйся, Евфросиние, невеста Христова прекрасная.

Кондак 9

Ангелоподобным житием просиявши, жезл настоятельства прияла еси, блаженная, и, добре правящи обитель сию, молитвою и примером жизни своея, словом научения и устроением чина иноческаго, души, тебе вверенныя, к Богу приводила еси, научающи вся пети Ему: Аллилуиа.

Икос 9

Витийствующий язык не может изглаголати мудрости твоея начальственныя, егда дев от вдовиц отделила еси, да не како от взора и речей помыслы о сластех житейских приемше, осквернятся теми в сердце своем и в добром течении своем запяты будут. Чесо ради дань хвалы тебе приносяще, взываем:

Радуйся, душ боголюбивых мудрая руководительнице; радуйся, невест Христовых неусыпная блюстительнице.

Радуйся, в управлении своем простоту с мудростию соединившая; радуйся, в начальствовании своем снисхождение с взыскательностию сочетавшая.

Радуйся, строгость власти материнскою любовию умерявшая; радуйся, материнскую любовь строгостию власти отрезвлявшая.

Радуйся, мудрыми наставлении добрых в добре утверждавшая; радуйся, и единым взором неисправных к исправности подвизавшая.

Радуйся, крепкою молитвою невидимыя стрелы вражеския от обители отражавшая; радуйся, мудрыми порядками внешния соблазны мира от сестр отвращавшая.

Радуйся, теплыми попечении земную обитель в рай претворившая; радуйся, устроением истиннаго иночества вход в Царство Небесное всем угладившая.

Радуйся, Евфросиние, невеста Христова прекрасная.

Кондак 10

Спасти хотя тобою души многих, милосердый Господь многими дары обогати тя, преподобная, чудотворения и пророчества, прозорливости же и слова помазаннаго, имиже прославляющи ущедрившаго тя Господа, подвигла еси пети Ему всех: Аллилуиа.

Икос 10

Стена была еси обители твоей, егда от неистовства Батыева молитвами твоими сохранила еси ю невредиму. Таковое дивное твое заступление поминающе, взываем ти:

Радуйся, трудолюбным Богу служением дерзновение к Нему стяжавшая; радуйся, совершенным страстей очищением Божие благоволение к себе привлекшая.

Радуйся, благодатей богоизбранный сосуде; радуйся, духа благодвижный органе.

Радуйся, алчущия ведения души манною божественных истин питавшая; радуйся, благочестивых чувства благоуханием обетований услаждавшая.

Радуйся, недуги душевныя словом действенным врачевавшая; радуйся, болезни телесныя именем Иисусовым исцелявшая.

Радуйся, будущая, яко настоящая, провидевшая; радуйся, дальняя, яко близ сущая зревшая.

Радуйся, помышления сердечная Духом Божиим прозревавшая; радуйся, потаенныя страсти Божиим озарением обличавшая.

Радуйся, Евфросиние, невеста Христова прекрасная.

Кондак 11

Пение всякое превосходят небесная утешения, богоблаженная, имиже труды и подвиги твоя увенча Христос Господь в небесных обителех, идеже водворяющися, со ангелы и всеми святыми непрестанно воспеваеши Ему: Аллилуиа.

Икос 11

Светоподателен светильник всякаго утешения была еси по преставлении твоем, преподобная мати: яви бо тя Христос Господь молитвенницу и ходатаицу всем, с верою к тебе прибегавшим. Мы же, твоим заступлением ограждаеми, зовем ти:

Радуйся, по преставлении своем Господом неба и земли милостивно приятая; радуйся, по отшествии от земных в небесных обителех водворенная.

Радуйся, венцем славы за смирение венчанная; радуйся, на престоле царствия за победы над страстьми посажденная.

Радуйся, от манны сокровенныя за сокрушение и слезы услаждаемая; радуйся, от древа животнаго за многия лишения питаемая.

Радуйся, с Царицею Небесною у Престола Царя царей предстоящая; радуйся, с ангелы и всеми святыми заступлением своим нас приосеняющая.

Радуйся, мати, и с неба любящих тя теплотою любве согревати не преставшая; радуйся, и среди небесных утешений земных чад своих не забывшая.

Радуйся, ходатаице усердная, прибегающих к тебе не посрамляющая; радуйся, молитвеннице крепкая, смиренных к тебе молитв не презирающая.

Радуйся, Евфросиние, невеста Христова прекрасная.

Кондак 12

Благодать на благодать бысть нам открытие нетленных мощей твоих, преподобная, в нихже источник всякаго утешения стяжавше, величаем возвеличившаго тя Христа Господа, благодарно поюще Ему: Аллилуиа.

Икос 12

Поюще Дивнаго во святых Своих Господа, тя, яко избранную невесту Свою, славою и честию венчавша, и твое милостивое и скорое во всех нуждах наших заступление и всепоможение прославляюще, благодарно зовем ти:

Радуйся, всеусердная наша предстательнице; радуйся, неотступная наша хранительнице.

Радуйся, обители сея твердое ограждение; радуйся, града нашего верное защищение.

Радуйся, скорбящим отрадо и утешение; радуйся, обидимых прибежище и заступление.

Радуйся, болящих неоскудное врачевание; радуйся, бедствующих благонадежное избавление.

Радуйся, благочестивым царем нашим скорая помощнице; радуйся, христолюбивому воинству необоримая споборнице.

Радуйся, сене, от праведнаго гнева Божия нас укрывающая; радуйся, росо, огнь всяких скорбей и страстей прохлаждающая.

Радуйся, Евфросиние, невеста Христова прекрасная.

Кондак 13

О преславная мати, приими малое сие тебе наше приношение, и твоим теплым у Престола Божия ходатайством избави нас от враг видимых и невидимых, от всяких бед и скорбей, от всякаго губительства и вечныя смерти, да с тобою и всеми святыми в Царствии Небесном сподобимся пети Богу Спасителю нашему: Аллилуиа.

[Се́й конда́к глаго́лется три́жды.]

Икос 1

Ангелов Царица и Мати Господа, провидящи равноангельное житие твое, услыша молитву святых твоих родителей и разреши тобою неплодство их, трикратно тем явившися во сне в знамение твоего избрания, блаженная. Мы же таковое о тебе Божие смотрение прославляюще, взываем ти:

Радуйся, святый плоде, молитвами неплодствовавших испрошенный; радуйся, честный даре, Приснодевою безчадствовавшим дарованный.

Радуйся, чудным фимиамом, яко будущее благоуханное селение Духа, до зачатия предзнаменованная; радуйся, в предъосвященном молитвою и Божиим благословением чреве зачатая.

Радуйся, по зачатии, яко чистая голубица, от Пречистыя Девы даемою голубицею предъобразованная; радуйся, до рождения Царицею неба и земли в служебный лик себе предъизбранная.

Радуйся, еяже рождение Богородицею со святыми Антонием и Феодосием яве предвозвещено быти; радуйся, ейже имя, яко имевшей быти верною Богу рабою, Феодулия пронареченно бысть.

Радуйся, рождением своим бывшее свыше обетование оправдавшая; радуйся, по рождении абие великое свое предназначение проявившая.

Радуйся, еще в пеленах сущи, пост иноческий державшая; радуйся, от сосцу доилицы, егда тоя мяса ядяше, николиже млека вкусити хотевшая.

Радуйся, Евфросиние, невеста Христова прекрасная.

Кондак 1

Избранная от чрева матерня, угоднице Христова княжно Евфросиние, прославляюще прославльшаго тя Христа Господа, хвалебная приносим ти песни, мати преподобная: ты же, яко имущая дерзновение ко Господу, от всяких нас бед свободи, да зовем ти:

Радуйся, Евфросиние, невеста Христова прекрасная.

Молитва

О преславная мати, скорая наша помощнице и заступнице и неусыпная о нас молитвеннице! Предстояще иконе твоей и на сию со умилением, яко живей ти сущей, взирающе, молимся тебе усердно: приими прошения наша и принеси я ко Престолу Милосердаго Отца Небеснаго, яко дерзновение многое к Нему имущая. Испроси притекающим к тебе и всем православным христианом вечное спасение и временное благоденствие, на вся же благая дела и начинания наша щедрое благословение и от всяких бед и скорбей скорое избавление. Ей, чадолюбивая мати наша! Тебе, предстоящей Престолу Божию, ведомы суть нужды наша духовныя и житейския: призри на ня матерним оком и твоими молитвами вся злая от нас отврати, паче же злых и богопротивных обычаев умножение. Утверди же во всех веры согласное ведение, взаимную любовь и единомыслие, да во всем житии нашем, словесы же и писании и делы, славится всесвятое имя Отца и Сына и Святаго Духа, Единаго Бога, в Троице покланяемаго, Емуже честь и слава во веки веков. Аминь.