Святитель Инноке́нтий (Смирнов), епископ Пензенский

Свт. Иннокентий (Смирнов), епископ Пензенский (1784–1819), был известным учёным-богословом и профессором Санкт-Петербургской Духовной Академии. Его главный труд «Начертание церковной истории» на протяжении полувека служил руководством в духовных школах. Кроткий и аскетичный архипастырь, он был деятельным противником мистицизма, за что был переведён из Санкт-Петербурга на кафедры в Уфу, а затем в Пензу. Почитаемый народом за святую жизнь и чудеса, канонизирован в 2000 году.

Краткое житие святителя Иннокентия (Смирнова), епископа Пензенского

Святитель Иннокентий (Смирнов), епископ Пензенский, родился в 1784 году в семье церковнослужителя. Учёный по призванию, он был человеком кротким, расположенным к молитвенному деланию и аскетической жизни.

Будучи профессором Санкт-Петербургской Духовной Академии, он написал двухтомный труд под названием «Начертание церковной истории от библейских времён до 18 века», который полстолетия служил руководством в церковных школах.

Владыка был дружен с митрополитом Филаретом (Дроздовым). Как деятельный противник модного тогда мистицизма, он был удалён из Санкт-Петербурга на епископскую кафедру сначала в Уфу, а затем в Пензу. Народ его почитал за аскетическое житие и чудеса, совершаемые по его молитвенному предстательству.

Святитель скончался 10 октября 1819 года.

Причислен к лику святых Русской Православной Церкви для общецерковного почитания на Юбилейном Архиерейском Соборе в августе 2000 года.

Полное житие святителя Иннокентия (Смирнова), епископа Пензенского

Святитель Иннокентий Пензенский (в миру Иларион Дмитриевич Смирнов; 30 мая 1784 г., с. Павлово, Богородский уезд, Московская губерния – 10 октября 1819, Пенза) – епископ Пензенский и Саратовский, ректор Санкт-Петербургской духовной семинарии.

Родился 30 мая 1784 года в селе Павлове, расположенном недалеко от Москвы, в семье бедного церковного причетника.

С детских лет Иларион отличался исключительно кротким нравом. Поэтому, когда он поступил в Московскую Перервинскую семинарию, был прозван Смирновым за кротость и безукоризненное поведение.

Окончив Перервинскую семинарию лучшим учеником, Иларион был переведен в Лаврскую семинарию, где продолжил образование по классам: историческому, философскому, богословскому и иностранных языков.

В 1805 году, еще до окончания семинарии, он как один из способнейших воспитанников был назначен учителем в начальном грамматическом классе этой же семинарии. Затем ему было поручено преподавать поэзию, одновременно он занимался истолкованием воскресных Евангелий и преподавал для всей семинарии.

С 1809 года Иларион начал читать в семинарии курс философии и в это же время был назначен префектом семинарии.

Любовь к науке, усердие в исполнении обязанностей, простота сердца, верность в слове – вот что характеризовало молодого преподавателя.

13 октября 1809 года Иларион, с ранних лет полюбивший уединение, был пострижен в монашество с именем Иннокентий митрополитом Платоном в Свято-Троицкой Сергиевой лавре. На следующий же день он был рукоположен во иеродиакона, затем – во иеромонаха.

6 августа 1810 года иеромонах Иннокентий был назначен игуменом Николаевского Угрешского монастыря, а 14 октября он был переведен в московский Знаменский монастырь.

22 января 1812 года по представлению Комиссии духовных училищ ему было предложено место преподавателя богословия в Санкт-Петербургской духовной академии. 30 августа того же года игумен Иннокентий был возведен в сан архимандрита.

В сентябре 1813 года архимандрит Иннокентий был утвержден ректором Санкт-Петербургской духовной семинарии и профессором богословия, а также членом Комитета духовной цензуры, оставаясь в то же время преподавателем церковной истории в академии. В этот же период он был назначен настоятелем Сергиевой пустыни.

Находясь в Санкт-Петербурге на чреде священнослужения в 1813-1814 годы, архимандрит Иннокентий прославился как замечательный проповедник. Его проповеди были исполнены силы слова евангельского. Он говорил с живостью, с воодушевлением, с жаром. Его пламенные чувства проникали в сердца слушателей.

Замечательна деятельность архимандрита Иннокентия как преподавателя церковной истории. Он не шел по проторенному пути, а, по возможности, проверял исторические данные по их источникам. В результате неутомимых трудов в этой области он составил «Начертание церковной истории от библейских времен до XVIII в.», изданное в 1817 году в качестве учебного пособия для классического преподавания. Не менее важное значение имели его труды: «Богословие деятельное подлежательное и практическое», «Опыт изъяснения первых двух псалмов», «Изъяснение Символа веры».

Его неутомимая деятельность в распространении духовного просвещения была отмечена Комиссией духовных училищ. В 1814 году архимандриту Иннокентию была присвоена степень доктора богословия.

7 апреля 1817 году он был назначен членом Главного правления народных училищ.

Замечательна была внутренняя личная жизнь архимандрита Иннокентия. С юных лет он отличался христианскими добродетелями смирения, благочестия, покорности, безупречной чистоты жизни. Он сам был строгим судьей всех своих слов, дел и поступков. Осторожность во всяком деле и слове превратилась у него в непрестанное духовное бдение. Никто из его уст не слышал ни одного праздного слова.

Лицо его всегда выражало спокойствие духа, умиление и благоговение. Он обладал исключительным даром проницательности, читая внутренние чувства человека.

В своей жизни больше всего избегал он осуждения как со своей стороны, так и со стороны других, умело прерывая собеседника, пытавшегося рассказывать ему о недостатках других.

Замечательной особенностью архимандрита Иннокентия была его нестяжательность в жизни. С нуждающимися он делил последнее, что имел.

Таким образом, многие замечательные качества уже украшали Иннокентия, когда вышло решение о возведении его в сан архиерейский.

В марте 1819 года в Казанском соборе Санкт-Петербурга архимандрит Иннокентий был хиротонисан во епископа Пензенского и Саратовского. Это назначение имело и другую сторону – оно под видом повышения явилось благородной высылкой Иннокентия из Петербурга. Причиной тому стали придворные интриги. Причем первоначально, по распоряжению императора, его должны были назначить в Оренбург, но по ходатайству Св. Синода в связи со слабым состоянием здоровья назначаемого, Оренбург был заменен на Пензу.

Покорно выехал владыка к месту своего нового назначения. Но недолго пришлось ему управлять Пензенской епархией. Непрестанные труды в Санкт-Петербурге по распространению духовного просвещения истощили его слабое от природы здоровье. К тому же однажды он сильно простыл, что усугубило его болезнь. Однако слабый здоровьем, он с нетерпением спешил в свою епархию.

21 июня 1819 года епископ Иннокентий прибыл в Пензу. За короткий период управления Пензенской епархией он успел снискать доверие и уважение своей паствы. Во все воскресные и праздничные дни он, несмотря на слабость своего здоровья, сам совершал Божественную литургию и произносил назидательные поучения. Его поучения при всей своей простоте носили отпечаток духовной благодати и мудрости.

За короткий период архипастырской деятельности епископ Иннокентий успел осмотреть почти все церкви, занялся благоустройством архиерейского дома, лично присутствовал на экзаменах в духовных учебных заведениях епархии.

В августе месяце 1819 года при поездке в Саратов он сильно заболел и уже не смог подняться с одра болезни.

Кроткий и терпеливый, он не произносил ни единой жалобы, никто не слышал стона его. Ослабев до такой степени, что не мог держать в руках даже стакан, епископ Иннокентий не прекращал заниматься епархиальными делами.

За день до кончины 9 октября 1819 года ему во сне было видение, о котором святитель рассказал своему келейнику. «Казалось мне, — говорил он, — что небеса отверзлись. Двое светлых юношей в белых одеждах, слетев с высоты, предстали предо мною и с любовию смотря на меня, взяли меня немощного и вознесли с собою на небо. Сердце мое исполнилось несказанной радости, и я пробудился».

С благоговением готовясь к отшествию в вечность, он 10 (23) октября 1819 года попросил совершить над ним Таинство елеосвящения. По совершении этого священнодействия язык Иннокентия стал неметь, дыхание начало прерываться, он сам сложил на груди руки крестообразно и в 6 часов вечера тихо скончался. Погребение тела его состоялось 13 (26) октября 1819 года в Спасском кафедральном соборе.

Причислен к лику святых Русской Православной Церкви для общецерковного почитания на юбилейном архиерейском соборе в августе 2000 года. 23 октября 2000 года его мощи были обретены и перенесены в Успенский кафедральный собор города Пензы.

17 октября 2021 года состоялось перенесение мощей святителя Иннокентия Пензенского из Успенского храма в Спасский кафедральный собор города Пензы.

Тропарь, глас 5

От ю́ности смире́нным нарече́нный, в мона́шестве же чистоте́ тезоиме́нный, духо́вной му́дрости люби́тель ты́ яви́лся еси́, златовещанный благоче́стия учи́тель и лжи́вых па́губных уче́ний обличи́тель, за И́стину безу́мными гони́мый, незло́бие и кро́тость пропове́давый, и па́ству Пензенскую ре́вностне пасы́й, святи́телю всече́стне Инноке́нтие, моли́ Христа́ на́с умудри́ти во спасе́ние.

Кондак, глас 8

Свяще́нного и боговеща́ннаго пропове́дника
и ди́внаго прему́дрости учи́теля
вчини́л еси́, Го́споди, в наслажде́ние благи́х Твои́х и поко́й,
труды́ бо о́наго и блаже́нную кончи́ну
па́че вся́каго всепло́дия прие́м,

еди́не Прославля́яй святы́я Своя́.

Ин кондак, глас 3

Днесь святи́тель Христо́в Инноке́нтий
предстои́т Престо́лу Бо́жию
и с ли́ки святы́х за ны мо́лится Бо́гу,
ему́же ныне со умиле́нием покланя́емся
и во псалме́х и пе́ниих велича́ем,

обрето́хом бо моли́твенника ко Преве́чному Бо́гу.

Молитва

Бо́же Вели́кий и Си́льный, Бо́же Святы́й и во святы́х почива́яй! Се́ ны́не мы́, раби́ недосто́йнии, коле́на серде́ц на́ших в стра́се и умиле́нии прикло́ньше подно́жию вели́чествия Твоего́, припа́даем и, не дерза́я воззре́ти на высоту́ небе́сную, смире́нно ми́лости Твоея́ безме́рныя ча́ем. Ве́си, Го́споди, я́ко недосто́йни есмы́, но на моли́тву к Тебе́ ны́не воздвиза́ем ди́внаго уго́дника Твоего́ Инноке́нтия, чудотво́рца новоявле́ннаго, и́же вои́стину бе́ му́ж по се́рдцу Твоему́. Ты́ бо ре́кл еси́, Го́споди, пречи́стыми усты́ Твои́ми, я́ко ра́ди и десяти́х пра́ведных не погуби́ши гра́да нечести́вых. Умилосе́рдися, Влады́ко Святы́й, и ниневи́тяном, согре́шшим Тебе́, спасе́ния иска́вый, и ны́не на на́с, непотре́бных и премно́го согре́шших рабе́х Твои́х, и приими́ в умилостивле́ние моли́твы пречу́днаго сего́ святи́теля Твоего́, с ни́м же и все́х святы́х Твои́х, просла́вленных в двутысящное ле́то пресла́внаго Воплоще́ния Твоего́, да хода́тайствуют си́и пред Тобо́ю о на́с, ча́дех и сро́дницех и́х, мно́га бо любы́ и́х, мно́гое и дерзнове́ние пред лице́м Твои́м. Мно́гими грехми́ помрачи́ся естество́ на́ше, оскверни́хом ду́ши и телеса́ своя́ по де́йству иско́ннаго человекоуби́йцы и проти́вника Твоего́, но па́че припа́даем бла́гости Твое́й, на милосе́рдие Твое́ то́кмо наде́ющеся. Усе́рдно же про́сим и вели́каго хода́тая на́шего и те́плаго в беда́х на́м предста́теля Инноке́нтия, непови́ннаго вои́стину во очесе́х Твои́х, да пролие́т и свою́ многомо́щную моли́тву пред Тобо́ю, Отце́м Све́тов. Не взира́й у́бо на грехи́ на́ша, Бо́же Преве́чный, но при́зри на ве́ру и наде́яние на́ши и предста́тельство уго́дника Твоего́ Инноке́нтия, и очи́сти ны́ от скве́рн на́ших. Я́ко да слеза́ми покая́ния и де́йством благода́ти Твоея́ очище́ни, возмо́жем вни́ти в све́тлый о́ный и прекра́сный черто́г, его́ же угото́вал еси́ лю́бящим Тя́, и та́мо ку́пно со святи́телем Инноке́нтием возмо́жем воспева́ти пречестно́е и великоле́пое и́мя Твое́, Отца́ и Сы́на и Свята́го Ду́ха, в безконе́чныя ве́ки веко́в. Ами́нь.

Акафист святителю Иннокентию, епископу Пензенскому и Саратовскому

Аудио:

29:00

Кондак 1

Избра́нный уго́дниче Христо́в и ди́вный благоче́стия подви́жниче, святи́телю о́тче Инноке́нтие, восхваля́ем тя я́ко Правосла́вия побо́рника и па́губных обы́чаев искорени́теля. Ты же, име́яй дерзнове́ние ко Го́споду, дарова́вшему нам тя вели́каго моли́твенника и ско́раго в беда́х помо́щника, моли́ о па́стве твое́й, зову́щей: Ра́дуйся, святи́телю о́тче Инноке́нтие, те́плый моли́твенниче о душа́х на́ших.

Икос 1

А́нгельским смире́нием украси́в житие́ твое́, святи́телю о́тче Инноке́нтие, от ю́ности Боже́ственную Прему́дрость возлюби́л еси́, Ду́хом Святы́м освяще́н, луча́ми Христо́ва уче́ния всех просвеща́я; сего́ ра́ди тебе́, на Небеси́ и на земли́ просла́вленному, во умиле́нии вопие́м си́це:

Ра́дуйся, смире́нием на го́ру доброде́телей возведе́нный;

ра́дуйся, ко А́нгельским ликам на Небеси́ причте́нный.

Ра́дуйся, Це́ркве Правосла́вныя па́стырю предо́брый;

ра́дуйся, па́стве свое́й от волко́в губи́тельных защи́тниче неустраши́мый.

Ра́дуйся, целому́дрия ревни́телю изя́щный;

ра́дуйся, о́бразе кро́тости драгоце́нный.

Ра́дуйся, Правосла́вия пропове́дниче неуста́нный;

ра́дуйся, архиере́ю Бо́жий свы́ше просла́вленный.

Ра́дуйся, я́ко зре́нием ра́ки моще́й твои́х нас утеша́еши;

ра́дуйся, я́ко исто́чник исцеле́ний оби́льно нам излива́еши.

Ра́дуйся, па́ству пе́нзенскую доброде́ланию науча́яй;

ра́дуйся, зе́млю Сара́товскую в ве́ре утвержда́яй.

Ра́дуйся, святи́телю о́тче Инноке́нтие, те́плый моли́твенниче о душа́х на́ших.

Кондак 2

Ви́дев, святи́телю о́тче Инноке́нтие, я́ко ве́ра правосла́вная во Оте́честве на́шем попира́ется от лжеучи́телей иносла́вных, потща́лся еси́ вседу́шно Христу́ послужи́ти и ве́ру и́стинную от ересе́й огради́ти, па́ству же от волко́в, расхища́ющих ю, защити́ти. Мы же, дивя́щеся таково́му твоему́ дерзнове́нию, вопие́м укре́пльшему тя Го́споду: Аллилу́иа.

Икос 2

Ра́зум богопросвеще́нный име́я, измла́да Христу́ послужи́л еси́, вре́менныя сла́сти во уме́ты вменя́я, того́ ра́ди благода́тию архиере́йства увенча́ тя Госпо́дь. Мы же подви́жническое изволе́ние твое́ воспева́юще, вопие́м ти си́це:

Ра́дуйся, путь пра́вый избра́вый;

ра́дуйся, сим неотсту́пно ше́дый.

Ра́дуйся, вся кра́сная ми́ра презре́вый;

ра́дуйся, ду́шу свою́ доброде́тельми украси́вый.

Ра́дуйся, се́рдце свое́ Христу́ отве́рсто име́вый;

ра́дуйся, страсте́м вхо́ды его́ затвори́вый.

Ра́дуйся, послуша́ния вся́ и́ноческая неле́ностно проше́дый;

ра́дуйся, со стра́хом Бо́жиим Же́ртву Безкро́вную приноси́вый.

Ра́дуйся, мона́хом пра́вило изя́щнейшее;

ра́дуйся, свяще́нником о́бразе благогове́йнейший.

Ра́дуйся, всем подвиза́ющимся до́брый наста́вниче;

ра́дуйся, тружда́ющимся спасе́ния ра́ди ско́рый помо́щниче.

Ра́дуйся, святи́телю о́тче Инноке́нтие, те́плый моли́твенниче о душа́х на́ших.

Кондак 3

Си́лою свы́ше облече́ тя Госпо́дь, ты же, святи́телю о́тче Инноке́нтие, взем крест свой, невозвра́тно Ему́ после́довал еси́, и уве́дев, я́ко и́го Христо́во бла́го и бре́мя Его́ легко́ есть, воспе́л еси́ Милосе́рдному Бо́гу: Аллилу́иа.

Икос 3

Име́я на скрижа́лех се́рдца твоего́ словеса́ Боже́ственнаго Па́вла, и́стинный о́браз ве́рным яви́лся еси, и нас восле́д Хри́ста ше́ствовати научи́, вопию́щих ти такова́я:

Ра́дуйся, Христо́в учениче́ и́стинный.

ра́дуйся, во благове́стии апо́столом подо́бный;

Ра́дуйся, я́ко чистото́ю а́нгельскою обле́клся еси;

ра́дуйся, я́ко отце́м дре́вним во уче́нии подража́л еси́.

Ра́дуйся, да́ром прозре́ния почте́нный;

ра́дуйся, испове́дниче неустраши́мый.

Ра́дуйся, я́ко в по́двизех свои́х вели́ким преподо́бным ра́вен был еси́;

ра́дуйся, я́ко непреста́нно ко Го́споду моли́твы возноси́л еси.

Ра́дуйся, ми́лостыню твори́ти николи́же оста́вивый;

ра́дуйся, па́мять сме́ртную на вся́кий час жития́ своего́ име́вый.

Ра́дуйся, благоле́пия хра́мов Бо́жиих ревни́телю;

ра́дуйся, я́ко сам храм Го́споду яви́лся еси.

Ра́дуйся, святи́телю о́тче Инноке́нтие, те́плый моли́твенниче о душа́х на́ших.

Кондак 4

Вели́кому святи́телю Росто́вскому Дими́трию не то́кмо ли́ком подо́бен был еси́, но житие́м и де́лы свои́ми сему́ уподо́бился еси́, просвеща́я малове́рных, ве́рных же укрепля́я, нас же всех науча́я вопи́ти Милосе́рдному Бо́гу: Аллилу́иа.

Икос 4

«Се Жени́х гряде́т в полу́нощи», — та́ко воспе́л еси́, блаже́нне, благода́ть архиере́йства прие́м, не ра́бе, но дру́же Христо́в Инноке́нтие, и Го́спода сре́тил еси́ душе́ю, любо́вию горя́щею, и нас в любви́ Боже́ственней укрепи́, зову́щих ти такова́я:

Ра́дуйся, я́ко Си́ла Бо́жия соверши́ся в не́мощнем телеси́ твое́м;

ра́дуйся, я́ко вси неду́зи со смире́нием претерпе́л еси́.

Ра́дуйся, клеветы́ и осужде́ния я́ко младе́нец незло́бивый прия́л еси́;

ра́дуйся, я́ко во обличе́нии нече́стия на ли́ца не взира́л еси́.

Ра́дуйся, ни́щих и си́рых пита́телю изоби́льный;

ра́дуйся, оби́женных защи́тниче дерзнове́нный.

Ра́дуйся, оби́дящих многому́дренное обличе́ние;

ра́дуйся, учи́телю, па́ству, ти вве́ренную, ко спасе́нию наставля́яй.

Ра́дуйся, уны́ние си́лою упова́ния на милосе́рдие Бо́жие победи́вый;

ра́дуйся, с кро́тостию и смире́нием и от про́стых поуче́ния приима́вый.

Ра́дуйся, вся́ ко́зни вра́жия си́лою Бо́жиею попра́вый;

ра́дуйся, Бо́гу сла́вно угоди́вый.

Ра́дуйся, святи́телю о́тче Инноке́нтие, те́плый моли́твенниче о душа́х на́ших.

Кондак 5

«Возвели́чите Господа со мно́ю и вознесе́м И́мя Его́ вку́пе», — та́ко па́ству Сара́товскую в про́поведи призыва́л еси́, ны́не же мы с тобо́ю вку́пе вопие́м Жизнода́вцу Бо́гу: Аллилу́иа.

Икос 5

Непреста́нно в ке́ллии коле́на преклоня́я, «Бо́же, ми́лостив бу́ди мне́ гре́шному», взыва́л еси́, и нам ми́лостива сотвори́ Влады́ку Небесе́ и земли́, тебе́ вопию́щим такова́я:

Ра́дуйся, и́мя Госпо́дне я́ко ору́жие проти́ву ко́зней диа́вольских име́вый;

ра́дуйся, си́лу Бо́жию в не́мощнем телеси́ стяжа́вый.

Ра́дуйся, си́лою моли́тв твои́х вся́ наве́ты вра́жия разруши́вый;

ра́дуйся, благоче́стия сто́лпе, на ка́мени спаси́тельныя ве́ры возведе́нный.

Ра́дуйся, по́двигом до́брым чад свои́х терпели́вно научи́вый;

ра́дуйся, всего́ себе́ в ру́це Бо́жии преда́вый.

Ра́дуйся, все́ жела́ние ко Христу́ име́вый;

ра́дуйся, в Бо́зе на́шем наме́рение свое́ полага́вый.

Ра́дуйся, я́ко Христу́ сораспя́лся еси́;

ра́дуйся, я́ко сла́дость лице́м к лицу́ зре́ния Его́ ны́не вкуша́еши.

Ра́дуйся, хода́таю наш неусы́пный;

ра́дуйся, свети́льниче ве́ры неугаси́мый.

Ра́дуйся, святи́телю о́тче Инноке́нтие, те́плый моли́твенниче о душа́х на́ших.

Кондак 6

Ди́вным виде́нием укрепи́ тя Госпо́дь при кончи́не земна́го жития́ твоего́: а́нгели Бо́жии прия́ша тя с собо́ю и в Небе́сныя оби́тели вознесо́ша, иде́же ты пое́ши ны́не Бо́гу: Аллилу́иа.

Икос 6

Во све́тлыя о́ныя оби́тели Бо́жия пресели́лся еси́, пречу́дне о́тче, словесе́м псалмопе́вца что́мым «Аз же, Го́споди, упова́ю на Тя». И нас во упова́нии сем све́тлем укрепи́, пою́щих ти такова́я:

Ра́дуйся, а́нгелами на Не́бо вознесе́нный;

ра́дуйся, Небе́сныя ра́дости еще́ на земли́ вкуси́вый.

Ра́дуйся, я́ко тебе́ Небеса́ отверзо́шася;

ра́дуйся, я́ко Госпо́дь в Небе́сныя оби́тели всели́ тя.

Ра́дуйся, до кончи́ны жития́ твоего́ о па́стве твое́й попече́ние име́вый;

ра́дуйся, я́ко не́мощи теле́сныя чадолю́бие тво́е не ума́лиша.

Ра́дуйся, я́ко Ду́хом Святы́м восходя́ от си́лы в си́лу, Небе́снаго Ца́рствия дости́гл еси́;

ра́дуйся, я́ко та́мо ны́не со святы́ми ликовству́еши.

Ра́дуйся, я́ко и нас гре́шных на земли́ не оставля́еши;

ра́дуйся, я́ко ду́хом нам спребыва́еши.

Ра́дуйся, моли́твами свои́ми нам помога́яй;

ра́дуйся, яко любы́ твоя́ ника́коже оскуде́ на нас.

Ра́дуйся, святи́телю о́тче Инноке́нтие, те́плый моли́твенниче о душа́х на́ших.

Кондак 7

Хотя́ просвети́ти всех ве́дением неизрече́нных суде́б Бо́жиих, ди́вный списа́тель дел мину́вших был еси́, в нихже прему́дрый Про́мысл Созда́теля, вся племена́ и язы́ки ко спасе́нию веду́щий, всем указа́л еси́. Темже и мы Ще́дрому Бо́гу покланя́емся и вопие́м: Аллилу́иа.

Икос 7

Но́ваго тя чудотво́рца и моли́твенника дарова́ нам Человеколю́бец Госпо́дь, егда́ за умноже́ние беззако́ния оскуде́ во мно́гих любы́. Сего́ ра́ди твоего́ е́же о нас предста́тельства про́сим, на всепокрыва́ющую любо́вь твою́ наде́ющеся: не оста́ви нас в годи́ну лю́тых испыта́ний, укрепля́я моли́твами твои́ми вопию́щих ти такова́я:

Ра́дуйся, я́ко моли́твами твои́ми зе́млю на́шу облагоуха́л еси́;

ра́дуйся, я́ко по́двиги твои́ми край наш освяти́л еси́.

Ра́дуйся, о па́стве твое́й предста́телю неусы́пный;

ра́дуйся, помо́щниче наш во вся́ких беда́х и напа́стех.

Ра́дуйся, списа́телю суде́б Бо́жиих пречу́дный;

ра́дуйся, те́ми вся ны наста́вивый.

Ра́дуйся, пропове́дниче велегла́сный;

ра́дуйся, де́лателю вертогра́да Христо́ва прему́дрый.

Ра́дуйся, ве́рный и благи́й во́ине Царя́ Небе́снаго;

ра́дуйся, цевни́це духо́вная, Ду́ха Свята́го испо́лненная.

Ра́дуйся, архиере́ев богодохнове́нное украше́ние;

ра́дуйся, благоче́стия тве́рдое огражде́ние.

Ра́дуйся, святи́телю о́тче Инноке́нтие, те́плый моли́твенниче о душа́х на́ших.

Кондак 8

Стра́нное и пресла́вное чу́до яви́ся всем, егда́ честны́я и многоцеле́бныя мо́щи твоя́, а́ще и от безбо́жных пору́гани бы́ша, обрето́шася па́ки. К сим у́бо припа́дающе, Бо́гу вопие́м: Аллилу́иа.

Икос 8

Весь еси́ в вы́шних, но и нас, до́лу пове́рженных, не оставля́еши, святи́телю о́тче Инноке́нтие, моле́ния на́ша слы́шиши и ско́ро исполня́еши. Неотсту́пен у́бо пребу́ди от нас, вопию́щим ти такова́я:

Ра́дуйся, я́ко все́х прибега́ющих к тебе́ заступа́еши;

ра́дуйся, я́ко врачева́ния нам источа́еши.

Ра́дуйся, я́ко моле́нием на́шим внима́еши;

ра́дуйся, я́ко во бла́го их исполня́еши.

Ра́дуйся, я́ко чудесы́ твои́ми ве́рныя возвеселя́еши;

ра́дуйся, я́ко моще́й твои́х бе́си трепе́щут.

Ра́дуйся, я́ко нас, грехми́ омраче́нных, просвеща́еши;

ра́дуйся, я́ко смрад страсте́й на́ших отгоня́еши.

Ра́дуйся, я́ко тала́нт, Бо́гом да́нный тебе́, умно́жил еси́;

ра́дуйся, я́ко в ра́дость Го́спода твоего́ вшел еси́.

Ра́дуйся, я́ко нас пред Престо́лом Бо́жиим непреста́нно помина́еши;

ра́дуйся, я́ко в житии́ сем нас не оставля́еши.

Ра́дуйся, святи́телю о́тче Инноке́нтие, те́плый моли́твенниче о душа́х на́ших.

Кондак 9

Вси правосла́внии лю́дие возра́довашася, егда́ на Собо́ре святи́тельстем в ли́це святы́х Це́рковь Правосла́вная просла́ви тя. Мы же, иму́ще такова́го моли́твенника, вопие́м возвели́чившему тя Бо́гу: Аллилу́иа.

Икос 9

Вети́и суему́дреннии, тобо́ю посра́мленнии, недоуме́ют, что́ глаго́лати, си́лою бо Бо́жиею укрепля́емь, сих дерзнове́нно обличи́л еси. Мы же, взира́юще на пра́ведное житие́ твое́ и на тве́рдое ве́ры правосла́вныя испове́дание, вопие́м ти такова́я:

Ра́дуйся, Христо́м Бо́гом возлю́бленный;

ра́дуйся, си́лою свы́ше облече́нный.

Ра́дуйся, науче́ние кни́жное возлюби́вый;

ра́дуйся, к тому́ усе́рдие име́вый.

Ра́дуйся, ра́зум Боже́ственный стяжа́вый;

ра́дуйся, я́ко Сло́во Бо́жие умудри́ тя.

Ра́дуйся, преда́ний апо́стольских ве́рный блюсти́телю;

ра́дуйся, пра́вды Бо́жия ре́вностный храни́телю.

Ра́дуйся, просвеще́нный благода́тию;

радуйся, учи́телю златослове́сный.

Ра́дуйся, изгна́нный пра́вды ра́ди Христо́вы;

ра́дуйся, таковых бо есть Ца́рствие Небе́сное.

Ра́дуйся, святи́телю о́тче Инноке́нтие, те́плый моли́твенниче о душа́х на́ших.

Кондак 10

Спасти́ хотя́ па́ству твою́ от ересе́й и собла́знов, скве́рная уче́ния беззако́нных обличи́л еси́, пресла́вне о́тче Инноке́нтие, Правосла́вие же кро́тостию прему́дрых слове́с твои́х утверди́л еси́ и научи́л еси́ ста́до твое́ воспева́ти Бо́гу: Аллилу́иа.

Икос 10

Стена́ тве́рдая и огра́да необори́мая бысть си́ла моли́тв твои́х, богоно́се о́тче Инноке́нтие, сего́ ра́ди и мы, па́ства твоя, к тебе́ с ве́рою прибега́ем и усе́рдно мо́лим: бу́ди нам огражде́ние кре́пкое и ору́жие, враги́ прогоня́ющее, да не возра́дуются хотя́щии нам зла́я. Такова́го у́бо богодарова́ннаго помо́щника и засту́пника иму́ще, в весе́лии вопие́м ти такова́я:

Ра́дуйся, па́ствы твоея́ до́брый первостоя́телю;

ра́дуйся, сумня́щихся кре́пкое в ве́ре утвержде́ние.

Ра́дуйся, зло́бу власте́й предержа́щих кро́тко претерпе́вый;

ра́дуйся, и́стину небоя́зненно им веща́вый.

Ра́дуйся, гоне́ния и притесне́ния пра́вды ра́ди смире́нно прие́мый;

ра́дуйся, в до́мех благочести́вых чад твои́х приста́нище име́вый.

Ра́дуйся, я́ко тобо́ю от всех зол избавля́емся;

ра́дуйся, я́ко твои́ми моли́твами ре́вности в правосла́вней ве́ре исполня́емся.

Ра́дуйся, я́ко тобо́ю и́стина утвержда́ется;

ра́дуйся, я́ко тобо́ю лицеприя́тие и человекоуго́дие посрамля́ется.

Ра́дуйся, я́ко пресе́кл еси́ злочести́вых волне́ние;

ра́дуйся, лю́дем пе́нзенским и сара́товским похвале́ние.

Ра́дуйся, святи́телю о́тче Инноке́нтие, те́плый моли́твенниче о душа́х на́ших.

Кондак 11

Пе́ние похва́льное прино́сим тебе́, святи́телю о́тче Инноке́нтие, и смире́нно про́сим тя: моли́ о нас Человеколю́бца Бо́га, да не отврати́т лица́ Своего́ от нас, при́сно согреша́ющих и бла́гость Его́ на всяк час преогорчева́ющих, но да изба́вит нас от грехо́в и прегреше́ний на́ших, наипа́че же сподо́бит в час кончи́ны на́шея покая́ния и Боже́ственных Та́ин прича́стия, да с тобо́ю в Небе́сных оби́телех воспое́м Бо́гу: Аллилу́иа.

Икос 11

Свети́льник, во тьме неве́рия седя́щих просвеща́яй, был еси в земне́м жити́и твое́м, о́тче наш Инноке́нтие. Просвети́ у́бо моли́твами твои́ми и нас, в пучи́не греха́ погиба́ющих, да благода́рне вопие́м тебе́ си́це:

Ра́дуйся, смире́ния и терпе́ния наста́вниче наш прему́дрый;

ра́дуйся, в моли́твах и бде́ниях учи́телю наш предо́брый.

Ра́дуйся, я́ко от суесло́вия и суему́дрия нас отвраща́еши;

ра́дуйся, я́ко в доброде́тели нас наставля́еши.

Ра́дуйся, я́ко в суете́ мирсте́й и попече́ниих жите́йских погря́зшим путь в Го́рняя указу́еши;

ра́дуйся, я́ко обремене́нных греха́ми и скорбя́ми мно́гими, никогда́же оставля́еши.

Ра́дуйся, и́стинный учениче́ Христо́в, всех си́рых возлюби́вый;

ра́дуйся, го́рдых и жестоковы́йных смири́вый.

Ра́дуйся, я́ко всех почитаю́щих тя от напа́стей и зол сохраня́еши;

ра́дуйся, я́ко всех скорбя́щих и боле́знующих, к заступле́нию твоему́ притека́ющих, утеша́еши.

Ра́дуйся, свети́льниче, нас потемне́нных грехми́ любо́вию освеща́яй;

ра́дуйся, ми́ро, на́с беззако́нии смра́дными оскверне́нных, облагоуха́яй.

Ра́дуйся, святи́телю о́тче Инноке́нтие, те́плый моли́твенниче о душа́х на́ших.

Кондак 12

Благода́ти сосу́д избра́нный был еси́, святи́телю о́тче Инноке́нтие; те́мже восхваля́юще тя усе́рдно, мо́лим: проле́й те́плую моли́тву ко Господу за Оте́чество на́ше, да изба́вимся от наше́ствия иноплеме́нных и междоусо́бных бра́ней, да́ в ми́ре и тишине́ воспое́м Христу́ Бо́гу: Аллилу́иа.

Икос 12

Пою́ще сла́вное твое́ к Небе́сным оби́телем восхожде́ние, святи́телю о́тче Инноке́нтие, прославля́ем равноа́нгельное житие́ твое́ и во умиле́нии се́рдца сла́вим, хва́лим и велича́ем возвели́чившаго тя Го́спода, дарова́вшаго нам но́ваго моли́твенника и предста́теля, Его́же умоли́ спасти́ся всем, пою́щим ти такова́я:

Ра́дуйся, житие́м чи́стым А́нгелов удиви́вый;

ра́дуйся, по́двиги твои́ми челове́ков наста́вивый.

Ра́дуйся, нището́ю духо́вною сокро́вище Ца́рствия Бо́жия обреты́й;

ра́дуйся, пла́чем и скорбя́ми вре́менными утеше́ния ве́чнаго сподо́бивыйся.

Ра́дуйся, кро́тостию зе́млю пра́ведных насле́дивый;

ра́дуйся, пра́вды на земли́ взыскавый, на Небесе́х же пра́вдою Бо́жиею насыще́нный

Ра́дуйся, ми́лостию и нищелю́бием ми́лость ве́лию от Го́спода стяжа́вый;

ра́дуйся, о́чи серде́чныя от скве́рны греха́ очи́стивый и Бо́га узре́вый.

Ра́дуйся, поноше́ния и непра́ведная гоне́ния Христа́ ра́ди претерпе́вый;

ра́дуйся, изгна́нный пра́вды ра́ди и в Небе́сныя оби́тели со сла́вою вше́дый.

Ра́дуйся, миротво́рче, сы́ном Бо́жиим нарече́нный;

ра́дуйся, мзду́ мно́гу на Небесе́х прие́мый.

Ра́дуйся, святи́телю о́тче Инноке́нтие, те́плый моли́твенниче о душа́х на́ших.

Кондак 13

О, пресла́вный святи́телю Христо́в Инноке́нтие! Приими́ от нас сие́ ма́лое моле́ние, в похвалу́ тебе́ приноси́мое, и изба́ви на́с предста́тельством твои́м от бе́д и скорбе́й, да в житии́ сем вре́меннем сете́й вра́жиих и пре́лести бесо́вския изба́вльшеся, возду́шная мыта́рства непреткнове́нно про́йдем и в Небе́сный Иерусали́м всели́тися сподо́бимся, иде́же с тобо́ю Всеблаго́му Бо́гу на́шему воспое́м: Аллилу́иа.

[Се́й конда́к глаго́лется три́жды.]

Икос 1

А́нгельским смире́нием украси́в житие́ твое́, святи́телю о́тче Инноке́нтие, от ю́ности Боже́ственную Прему́дрость возлюби́л еси́, Ду́хом Святы́м освяще́н, луча́ми Христо́ва уче́ния всех просвеща́я; сего́ ра́ди тебе́, на Небеси́ и на земли́ просла́вленному, во умиле́нии вопие́м си́це:

Ра́дуйся, смире́нием на го́ру доброде́телей возведе́нный;

ра́дуйся, ко А́нгельским ликам на Небеси́ причте́нный.

Ра́дуйся, Це́ркве Правосла́вныя па́стырю предо́брый;

ра́дуйся, па́стве свое́й от волко́в губи́тельных защи́тниче неустраши́мый.

Ра́дуйся, целому́дрия ревни́телю изя́щный;

ра́дуйся, о́бразе кро́тости драгоце́нный.

Ра́дуйся, Правосла́вия пропове́дниче неуста́нный;

ра́дуйся, архиере́ю Бо́жий свы́ше просла́вленный.

Ра́дуйся, я́ко зре́нием ра́ки моще́й твои́х нас утеша́еши;

ра́дуйся, я́ко исто́чник исцеле́ний оби́льно нам излива́еши.

Ра́дуйся, па́ству пе́нзенскую доброде́ланию науча́яй;

ра́дуйся, зе́млю Сара́товскую в ве́ре утвержда́яй.

Ра́дуйся, святи́телю о́тче Инноке́нтие, те́плый моли́твенниче о душа́х на́ших.

Кондак 1

Избра́нный уго́дниче Христо́в и ди́вный благоче́стия подви́жниче, святи́телю о́тче Инноке́нтие, восхваля́ем тя я́ко Правосла́вия побо́рника и па́губных обы́чаев искорени́теля. Ты же, име́яй дерзнове́ние ко Го́споду, дарова́вшему нам тя вели́каго моли́твенника и ско́раго в беда́х помо́щника, моли́ о па́стве твое́й, зову́щей: Ра́дуйся, святи́телю о́тче Инноке́нтие, те́плый моли́твенниче о душа́х на́ших.

Молитва

О, свя́тче Бо́жий, святи́телю Христо́в Инноке́нтие, при́зри от сла́вы твоея́ го́рния и прими́ моли́твы нас, гре́шных и недосто́йных рабо́в твои́х, зде пред о́бразом твои́м честны́м [или́: святы́ми моща́ми твои́ми] припа́дающих и те́пле умоля́ющих тя, и принеси́ их ко Престо́лу вся содержа́щаго в руце́ Свое́й Бо́га, Ему́же ты до́бре послужи́л еси́ во дни земна́го жития́ твоего́. Умоли́, уго́дниче Бо́жий, Всеми́лостиваго Спа́са Христа́ за богода́нную твою́ па́ству, тя возлюби́вшую, да отжене́т от земна́го оте́чества твоего́ вся собла́зны, раздо́ры, нестрое́ния. Це́рковь Христо́ву и град наш огради́ святы́ми твои́ми моли́твами от раско́лов, прельще́ния инове́рием и наве́тов злы́х челове́к. Всех же нас в единомы́слии и любви́ друг ко дру́гу соблюди́, да еди́ными усты́ и еди́нем се́рдцем воспое́м всесвято́е и единодержа́вное И́мя Отца́, и Сы́на, и Свята́го Ду́ха во ве́ки веко́в. Ами́нь.