Рождество Господа Бога и Спаса нашего Иисуса Христа

Евангельское повествование

О событиях праздника Рождества Христова повествуют два евангелиста-синоптика: апостолы Матфей и Лука, причем их рассказы отличаются друг от друга. Конечно, в этом отличии видится особенная ценность каждого повествования, ибо евангелисты взаимно дополняют друг друга и каждый сообщает сведения, не упоминаемые другим. Вспомним также, что используемая нами хронология событий от Рождества Христова — не совсем точная, ибо монах Дионисий Малый, впервые рассчитавший время рождения Христа, допустил ряд ошибок. Потому можно с большой долей уверенности полагать, что Иисус Христос родился в период от 7 до 5 года до н.э., именно в это время происходили евангельские события, краткий пересказ которых с комментариями мы предлагаем далее.

Итак, если выстроить евангельские повествования в хронологическом порядке, то получим следующее. Начало истории излагается в Мф.1:18-25, где мы видим Иосифа Обручника, который, узнав о «непраздности» Девы Марии и подозревая (что было бы естественно для любого человека в его положении) Ее в измене, решил «тайно» развестись с Ней (т.е. оформить развод без указания причины, чтобы не опорочить молодую девушку). Как только он помыслил об этом, Ангел Господень запретил ему поступать таким образом и возвестил, что праведный Иосиф является свидетелем невиданного чуда, совершенного Богом. Также Ангел напомнил пророчество Исаии о рождении Эммануила от Девы (см.: Ис.7:14) и открыл, что Младенец, Которого родит его Обручница, и будет Тем Самым предреченным Эммануилом, Спасителем всех людей.

Продолжение истории содержится в Лк.2:1-20, где сообщается о переписи, которую повелел провести император Октавиан Август на территории всей Римской империи. Чтобы исполнить это повеление, Иосиф с Девой Марией отправились в Вифлеем — место, откуда происходил род Иосифа (хотя римские законы не требовали такой миграции, в Иудее римляне могли провести перепись в соответствии с иудейскими обычаями). Вифлеем — небольшой город — был переполнен по причине большого числа собравшихся для участия в переписи людей. Поэтому Святое Семейство вынуждено было остановиться в темной и пустой пещере (славянское слово «вертеп» означает пещеру). Хотя евангелист слово «пещера» не употребляет, вся христианская древность свидетельствует, что именно в пещере, куда загоняли скот в ненастную погоду, и произошло величайшее событие в истории человечества — рождение Сына Божия. Именно здесь, в такой более чем скромной обстановке, родился Царь царствующих и Господь господствующих! Тот, Кого недостойны принять даже самые роскошные и блестящие земные чертоги, родился в убогой пещере, лишенной элементарных удобств!

Как свидетельствует Предание, Дева Мария Сама, без посторонней помощи и безболезненно родила и спеленала Прекрасного Младенца. Никто из людей не знал о свершившемся событии; первыми, кто удостоился такой чести, были пастухи, находившиеся в поле со скотом. Ангел сообщил пастухам радостную весть, и эти простые люди стали свидетелями небесного ликования, первыми услышав славословие, которое мы сейчас повторяем на каждом богослужении: «Слава в вышних Богу, и на земле мир, в человеках благоволение» (Лк.2:14)! Затем пастухи нашли вертеп с лежащим в нем Младенцем и поклонились Ему, рассказав о своем видении Матери Иисуса и Иосифу.

Следующие события, воспоминаемые в связи с рождеством Христа, излагаются в Мф.2, и произошли они через довольно долгое время после самой рождественской ночи (примерно спустя 1,5-2 года). Откуда такой срок, ведь в Евангелии нет прямых на это указаний? Во-первых, приход волхвов и последовавшее за ним бегство Святого Семейства в Египет должны были непременно случиться после посещения Девой Марией и Ее Сыном Иерусалимского храма (событие, положенное в основу праздника Сретения Господня). Таким образом, имеем как минимум 40 дней между самим днем рождества Христа и поклонением волхвов. Далее, если считать, что звезда, которая привела волхвов, появилась в сам день рождества, то волхвам понадобилось бы время на сборы (в том числе и для того, чтобы приготовить дары) и путешествие из Персии (или Междуречья) в Палестину. Наконец, тот факт, что Ирод, знавший о времени появления звезды, впоследствии приказал убить всех младенцев младше двух лет (Мф.2:16), позволяет говорить, что 2 года — верхняя граница периода от рождения Мессии до прихода волхвов. Интересно, что на богослужении праздника именно этим более поздним событиям уделяется самое пристальное внимание (тогда как ангельскому славословию и поклонению пастухов — второстепенное).

Итак, мудрецы-астрологи, называемые «волхвами» (греч. μάγοι), пришли в Иерусалим, чтобы поклониться новому Царю Иудеи. Скорее всего, эти люди были зороастрийскими священниками, членами особой религиозной группы, занимавшимися изучением неба с целью составления астрологических прогнозов. Они увидели на небе новую звезду, природа которой по причине краткости евангельских сведений является предметом дискуссий. В святоотеческих толкованиях встречаются два варианта объяснения звезды: 1) эту звезду специально сотворил Господь, чтобы отметить эпохальное событие Боговоплощения; 2) это был светящийся Ангел, который казался звездой. Ученые предлагали другие варианты объяснения звезды: или соединение Юпитера и Сатурна в созвездии Рыб (версия И. Кеплера), или рождение сверхновой звезды.

Итак, волхвы, ведомые чудесной звездой, пришли в поисках Царя в Иерусалим, политический центр Иудеи. Надо сказать, время для почестей новорожденному Царю было самым неподходящим, ибо Иудеей правил Ирод, римский наместник с титулом «царь», подозрительно относившийся к любым притязаниям на свою власть. Это был один из самых страшных тиранов в истории человечества, имя которого стало нарицательным. Собранные Иродом священники и книжники указали на древнее пророчество Михея, согласно которому Мессия должен родиться в Вифлееме. В поисках царственного Младенца волхвы пришли в Вифлеем, где уже в «доме» (т.е. Святое Семейство уже переместилось к этому времени в более нормальное жилище, чем то, в котором родился Христос) произошло поклонение волхвов, принесших ценные дары: золото, ладан и смирну.

После того как волхвы ушли в свою страну, миновав Иерусалим и не сообщив Ироду о месте пребывания Младенца, Ирод пришел в бешенство и издал ужасающий своей жестокостью указ: убить всех младенцев в Вифлееме и его окрестностях младше двух лет, надеясь, что вместе с другими будет убит и новый Царь Иудеи. Повествование об этом преступлении против человечества звучит на 9-м часе в навечерие Рождества Христова, а также в попразднство — в праздники Собора Пресвятой Богородицы и Неделю святых Богоотец, внося диссонанс в праздничное настроение, показывая, каким опасностям подвергался уже в первые годы жизни Тот, Кто впоследствии несправедливо будет осужден на крестную смерть. Евангелист Матфей, описывая горе матерей Вифлеема, цитирует пророчество Иеремии о плаче праматери Рахили, применяя его именно к этим событиям (образ Рахили взят не случайно, ибо ее гробница находилась в пределах Вифлеема, см. Быт.35:19). Таким образом, Рахиль в своей скорби соединяет вопль всех несчастных матерей, который становится таким громким, что его слышно даже в Раме (Рама и Вифлеем находятся по разные стороны от Иерусалима, т.е. довольно далеко друг от друга).

Апокрифические истории и информация из Предания

Рождество Христово – значимое, чудесное и загадочное событие; неудивительно, что в раннехристианской литературе и в церковном предании появилось множество подробностей, которые не упоминаются в евангельском повествовании. Все приведенные далее детали можно рассматривать как благочестивые дополнения, их историчность спорна (хотя полностью отвергать их нет необходимости, доля истины может присутствовать).

Обвинения первосвященника и испытание Иосифа и Марии. В апокрифическом «Протоевангелии Иакова» (начало III века) описана история, как высшее иерусалимское священство отреагировало на информацию о беременности Марии: первосвященник, узнав о том, что Иосиф не сохранил вверенной ему Девы, долго обличал его, потом потребовал вернуть Марию. Иосиф отрицал свою виновность. Тогда первосвященник устроил испытание Иосифу и Марии «святой водой» (см. закон о ревности в Чис.5), однако на удивление вода не повредила ни Иосифу, ни Марии. Первосвященник в ошеломлении отпустил Иосифа и Марию, признав, что Бог не судит их.

Действия повитух, чудо наказания и исцеления Саломии. В том же «Протоевангелии Иакова» есть история о двух повитухах, которых привел Иосиф в помощь Марии. Первая повитуха (ее имя не называется), придя после рождения Спасителя, изумилась и прославила Бога. После чего она сообщила о чуде девственного рождения другой повитухе – Саломии. Однако Саломия не поверила ей и решила «проверить» девство Богоматери. За дерзость и неверие она была наказана: ее рука была парализована; однако по совету Ангела она прикоснулась рукой к Младенцу, была исцелена и прославила Бога.

Животные в пещере. Святитель Димитрий Ростовский в Четьих-Минеях приводит информацию о воле и осле, которые были при яслях Спасителя, передавая популярное христианское предание: «К яслям были привязаны вол и осел, дабы исполнилось Писание: вол знает владетеля своего, и осел ясли господина своего (Ис.1:3). А эти вол и осел приведены были Иосифом из Назарета. Осел приведен был ради беременной Девы, чтобы везти Ее на себе во время пути, а вола привел Иосиф для того, чтобы продать его и отдать должную дань, взимавшуюся по повелению кесаря, а также и для себя купить все нужное. Эти бессловесные животные, стоя у яслей, своим дыханием согревали Младенца, по случаю тогдашнего зимнего времени, и таким образом служили своему Владыке и Творцу».

История праздника

Совмещенный праздник Рождества Христова и Богоявления (III – IV вв.).

Праздник Рождества Христова стали праздновать в III веке на Востоке, причем на раннем этапе его довольно долго соединяли с воспоминанием Крещения Господня 6 января. И название «Богоявление» как раз отражало тезис о явлении Бога на земле во плоти, то есть по факту было связано с Рождеством Христовым. Причины появления такого совмещенного праздника доподлинно неизвестны, есть предположение, что Церковь таким способом противодействовала практике гностиков, которые праздновали только крещение Господне на Иордане, нечестиво считая, что до крещения был только человек Иисус, а после крещения в Него вселился Логос и Он стал Богочеловеком. Однако справедливость «антигностического» объяснения спорна: «Слишком большой временной разрыв между упоминанием Климента о гностиках и первым датированным историческим свидетельством о совершении праздника Богоявления в Галлии не позволяет выстроить сколько-нибудь убедительную последовательную линию. Даже если гностики первыми стали отмечать праздник Крещения Господня, христиане могли воспользоваться тем же самым днем, известным издревле, по совершенно независимым соображениям»[1].

Практика совместного празднования в большинстве епархий Востока была актуальна до 2-й половины IV века, однако в отдельных регионах она сохранялась до середины VI века. При этом в богослужении совмещенного праздника «рождественская» тематика преобладала над «крещенской».

Отделение Рождества Христова от Крещения на Востоке (IV–VI вв.).

Во 2-й половине IV века отчасти из-за сложности совмещать два столь разных по содержанию события в рамках одного празднования, отчасти под влиянием Запада, где праздник Рождества Христова возник как самостоятельный в 1-й трети IV века, стали постепенно разделять эти праздники: Рождество Христово переносить на 25 декабря, тогда как 6 января оставляли только воспоминание о крещении Господа на Иордане. Сначала это разделение произошло в Антиохии и Каппадокии, а под их влиянием и в Константинополе. Около 430 года праздники были разделены в Александрийском патриархате. Дольше всех «сопротивлялся» Иерусалим: эта Церковь вплоть до середины VI века сохраняла традицию совместного праздника 6 января, когда уже все остальные Поместные Церкви перешли на раздельное празднование. И только под влиянием императора Юстиниана I в середине VI века Иерусалим перешел на практику раздельного празднования.

Тропарь, глас 4

Рождество́ Твое́, Христе́ Бо́же наш,
возсия́ ми́рови свет ра́зума,
в нем бо звезда́м служа́щии,
звездо́ю уча́хуся,
Тебе кла́нятися Со́лнцу Пра́вды,
и Тебе́ ве́дети с высоты́ Восто́ка:

Го́споди, сла́ва Тебе́.

Кондак, глас 3

Де́ва днесь Пресу́щественнаго ражда́ет,
и земля́ верте́п Непристу́пному прино́сит,
А́нгели с па́стырьми славосло́вят,
волсви́ же со звездо́ю путеше́ствуют:
нас бо ра́ди роди́ся

Отроча́ Мла́до, Преве́чный Бог.

Величание

Велича́ем Тя,
Живода́вче Христе́,
нас ра́ди ны́не пло́тию Ро́ждшагося
от Безневе́стныя
и Пречи́стыя Де́вы Мари́и.

Канон Рождеству Христову

глас 1

Пе́снь 1.

Ирмо́с: Христо́с ражда́ется – сла́вите! Христо́с с Небе́с – сря́щите! Христо́с на земли́ – возноси́теся! По́йте Го́сподеви, вся́ земля́, и весе́лием воспо́йте, лю́дие, я́ко просла́вися.

Ирмос: Христос рождается – славьте!
Христос с небес – встречайте!
Христос на земле – воспряньте!
Пой Господу, вся земля
и с веселием воспойте, люди,
ибо Он прославился!

Припев:Слава Тебе, Боже наш, слава Тебе.

Истле́вша преступле́нием, по Бо́жию о́бразу бы́вшаго, всего́ тле́ния су́ща, лу́чшия отпа́дша Боже́ственныя жи́зни, па́ки обновля́ет му́дрый Соде́тель, я́ко просла́вися.

Ви́дев Зижди́тель ги́блема челове́ка, рука́ми его́же созда́, приклони́в Небеса́, схо́дит; сего́ же от Де́вы Боже́ственныя Чи́стыя всего́ осуществу́ет, вои́стинну вопло́щся, я́ко просла́вися.

Му́дрость, Сло́во и си́ла, Сы́н Сы́й О́тчий и сия́ние, Христо́с Бо́г, си́л утаи́вся, ели́ко преми́рных и ели́ко на земли́, и, вочелове́чся, обнови́л е́сть на́с, я́ко просла́вися.

Премудрость, Слово и Сила,
Сын по естеству и Сияние Отчее, Христос Бог,
втайне от сил, – всех тех, что выше мира
и тех, что на земле,
вочеловечившись, вновь нас приобрел:
ибо Он прославился.

Пе́снь 3.

Ирмо́с: Пре́жде ве́к от Отца́ рожде́нному нетле́нно Сы́ну и в после́дняя от Де́вы воплоще́нному безсе́менно, Христу́ Бо́гу возопии́м: вознесы́й ро́г на́ш, Свя́т еси́, Го́споди.

Ирмос: Прежде веков от Отца рожденному
не по земным законам Сыну
и в последние времена от Девы
воплощенному без семени,
Христу Богу воззовем:
«Возвысивший наше достоинство,
свят Ты, Господи!»

И́же дохнове́ния прича́щся лу́чшаго Ада́м пе́рстный и к тле́нию попо́лзся же́нскою ле́стию, Христа́ от Жены́ ви́дя, вопие́т: и́же мене́ ра́ди по мне́ бы́в, Свя́т еси́, Го́споди.

Адам бренный, причастный высшему дыханию,
но к погибели увлеченный обольщением жены,
видя Христа, от жены рожденного, взывает:
«Ставший меня ради подобным мне,
свят Ты, Господи!»

Сообра́зен бре́нному умале́нию растворе́нием, Христе́, бы́в и прича́стием пло́ти го́ршия, пода́в Боже́ственнаго естества́, зе́млен бы́в, и пребы́в Бо́г, и возвы́сивый ро́г на́ш, Свя́т еси́, Го́споди.

Став низкому составу из глины сообразным
и причастностью к слабейшей плоти
уделив ей, Христе, от божественного естества,
смертным сделавшийся и пребывший Богом,
и возвысивший наше достоинство,
свят Ты, Господи.

Вифлее́ме, весели́ся, князе́й Иу́довых Сы́й Ца́рь: Изра́иля бо пасы́й на ра́мех Херуви́мских, из тебе́ про́йде Христо́с я́ве и вознесы́й ро́г на́ш над все́ми воцари́ся.

Веселись Вифлеем,
царственный град владык Иудиных:
ибо Пастырь Израиля,
Тот, Кто на плечах Херувимов, Христос,
явно из Тебя происшедший
и возвысивший наше достоинство,
над всеми воцарился.

Седален:

Нача́ток язы́ков Не́бо Тебе́ принесе́, лежа́щему Младе́нцу во я́слех, звездо́ю волхвы́ призва́вый, я́же и ужаса́ше не ски́птры и престо́ли, но после́дняя нищета́: что́ бо ху́ждше верте́па? Что́ же смире́ншее пеле́н? в ни́хже просия́ Божества́ Твоего́ бога́тство. Го́споди, сла́ва Тебе́.

Начаток язычников небо привело Тебе,
Младенцу, лежащему в яслях,
звездою призвав волхвов.
И изумили их не скипетры и престолы,
но последняя нищета.
Ибо что беднее пещеры?
И что смиреннее пелен?
Но в них просияло Божества Твоего богатство;
Господи, слава Тебе!

Пе́снь 4.

Ирмо́с: Же́зл из ко́рене Иессе́ова и цве́т от него́, Христе́, от Де́вы прозя́бл еси́, из горы́, Хва́льный, приосене́нныя ча́щи прише́л еси́, вопло́щся от Неискусому́жныя, Невеще́ственный и Бо́же, сла́ва си́ле Твое́й, Го́споди.

Ирмос: Отрасль от корня Иессеева
и Цвет от него,
от Девы Ты произошел, Христе;
Ты пришел, достойный хвалы,
от горы, осененной чащей,
воплотившись от не знавшей мужа,
Невещественный и Бог.
Слава силе Твоей, Господи!

Его́же дре́вле прорече́ Иа́ков, язы́ков ожида́ние, Христе́, от коле́на Иу́дова возсия́л еси́ и си́лу Дама́скову, Самари́йскую же коры́сть прише́л еси́ испроврещи́, ле́сть пременя́я в ве́ру боголе́пну: сла́ва си́ле Твое́й, Го́споди.

Ты, Кого в древности Иаков
ожиданием народов преднарек,
воссиял от племени Иудина, Христе,
и могущество Дамаска и добычи Самарии пришел отнять,
веру богоугодную на место заблуждения вводя.
Слава силе Твоей, Господи!

Волхва́ дре́вле Валаа́ма слове́с ученики́, му́дрыя звездоблюсти́тели, ра́дости испо́лнил еси́, звезда́ от Иа́кова, возсия́в, Влады́ко, язы́ков нача́ток вводи́мый прия́л же еси́ я́ве: сла́ва си́ле Твое́й, Го́споди.

Я́ко на руно́, во чре́во Де́вы сше́л еси́ до́ждь, Христе́, и я́ко ка́пли, на зе́млю ка́плющия. Ефио́пия, и Фарси́с, и Арави́тстии о́строви же, Сава́, Ми́дов всю́ зе́млю держа́щии, припадо́ша Тебе́, Спа́се: сла́ва си́ле Твое́й, Го́споди.

Ты нисшел в девическое чрево,
как дождь на руно, Христе,
и как капли росы, на землю падающие;
Эфиопы и Фарсийцы, как и Аравийские острова,
Сава и над всей землею Мидян властвующие
припали к Тебе, Спаситель:
слава силе Твоей, Господи!

Пе́снь 5.

Ирмо́с: Бо́г Сы́й ми́ра, Оте́ц щедро́т, Вели́каго Сове́та Твоего́ А́нгела, ми́р подава́юща, посла́л еси́ на́м; те́м, Богоразу́мия к све́ту наста́вльшеся, от но́щи у́тренююще, славосло́вим Тя́, Человеколю́бче.

В рабе́х ке́саревым повеле́нием написа́тися поко́рься, и на́с, рабы́ су́щия, врага́ и греха́ свободи́л еси́, Христе́, ве́сь же по на́м обнища́в, и пе́рстнаго от самаго́ едине́ния и обще́ния богосоде́лал еси́.

Се́ Де́ва, я́коже дре́вле рече́, во чре́ве прие́мши, родила́ е́сть Бо́га вочелове́чшася и пребыва́ет Де́ва. Ея́же ра́ди примири́вшеся Бо́гу, гре́шнии, Богоро́дицу су́щую вои́стинну, ве́рнии, воспои́м.

Вот Дева, – как сказано в древности, – зачав во чреве,
родила Бога вочеловечившегося, и пребывает Девой:
чрез Нее примирившись с Богом, мы, грешные,
по справедливости истинную Богородицу
с верою воспоем.

Пе́снь 6.

Ирмо́с: Из утро́бы Ио́ну младе́нца изблева́ морски́й зве́рь, якова́ прия́т; в Де́ву же все́льшееся Сло́во и пло́ть прие́мшее про́йде, сохра́ншее нетле́нну: его́же, бо не пострада́ истле́ния, Ро́ждшую сохрани́ неврежде́нну.

Прии́де, вопло́щся, Христо́с Бо́г на́ш из чре́ва, его́же Оте́ц пре́жде денни́цы ражда́ет; правле́ния же держа́ Пречи́стых си́л, в я́слех ско́тиих возлежи́т и пелена́ми повива́ется, разреша́ет же многоплете́нныя плени́цы прегреше́ний.

Пришел Христос, Бог наш, во плоти,
Которого Отец из чрева прежде утренней звезды рождает;
и Тот, Кто держит бразды правления Силами пречистыми,
ложится в ясли тварей бессловесных
и рубищем пеленается, но расторгает тем
запутанные узы согрешений.

Ю́но из Ада́ма отроча́ смеше́ния, роди́ся Сы́н и ве́рным даде́ся, бу́дущаго ве́ка Се́й е́сть Оте́ц и Нача́льник и нарица́ется Вели́каго Сове́та А́нгел. Се́й кре́пок Бо́г е́сть и держа́й о́бластию всю́ тва́рь.

Конда́к.

Де́ва дне́сь Пресу́щественнаго ражда́ет, и земля́ верте́п Непристу́пному прино́сит. А́нгели с па́стырьми славосло́вят, волсви́ же со звездо́ю путеше́ствуют: на́с бо ра́ди роди́ся Отроча́ мла́до, Преве́чный Бо́г.

Дева в сей день Сверхсущественного рождает,
и земля пещеру Неприступному приносит;
Ангелы с пастухами славословят,
волхвы же за звездою путешествуют,
ибо ради нас родилось
Дитя младое, предвечный Бог!

И́кос:

Еде́м Вифлее́м отве́рзе, прииди́те, ви́дим, пи́щу в та́йне обрето́хом; прииди́те, прии́мем су́щая ра́йская вну́трь верте́па: та́мо яви́ся ко́рень ненапое́н, прозяба́я отпуще́ние, та́мо обре́теся кла́дязь неиско́пан, из него́же Дави́д пи́ти дре́вле возжада́ся. Та́мо Де́ва ро́ждши Младе́нца, жа́жду уста́ви а́бие Ада́мову и Дави́дову. Сего́ ра́ди к Нему́ и́дем, где́ роди́ся Отроча́ мла́до, Преве́чный Бо́г.

Пе́снь 7.

Ирмо́с: О́троцы, благоче́стию совоспита́ни, злочести́ваго веле́ния небре́гше, о́гненнаго преще́ния не убоя́шася, но, посреде́ пла́мене стоя́ще, поя́ху: отце́в Бо́же, благослове́н еси́.

Па́стырие, свиря́юще, ужа́сно светоявле́ние получи́ша: сла́ва бо Госпо́дня облиста́ и́х, и А́нгел, воспо́йте, – вопия́, – я́ко роди́ся Христо́с, отце́в Бо́г благослове́нный.

Внеза́пу с сло́вом А́нгеловым Небе́сная во́инства, сла́ва, – вопия́ху, – Бо́гу в Вы́шних, на земли́ ми́р, в челове́цех благоволе́ние: Христо́с возсия́, отце́в Бо́г благослове́нный.

Глаго́л что́ се́й? – реко́ша па́стырие, – прише́дше, уви́дим бы́вшее, Боже́ственнаго Христа́. Вифлее́ма же доше́дше, с Ро́ждшею покланя́хуся, воспева́юще: отце́в Бо́же, благослове́н еси́.

Пе́снь 8.

Ирмо́с: Чу́да преесте́ственнаго росода́тельная изобрази́ пе́щь о́браз: не бо, я́же прия́т, пали́т ю́ныя, я́ко ниже́ о́гнь Божества́ – Де́вы, в Ню́же вни́де утро́бу. Те́м, воспева́юще, воспое́м: да благослови́т тва́рь вся́ Го́спода и превозно́сит во вся́ ве́ки.

Влече́т Вавило́ня дщи́ о́троки плене́нныя Дави́довы от Сио́на к себе́, дароно́сцы же сле́т волхвы́ де́ти, Дави́дове Богоприя́тней дще́ри моля́щияся. Те́м, воспева́юще, воспои́м: да благослови́т тва́рь вся́ Го́спода и превозно́сит во вся́ ве́ки.

Орга́ны уклони́ша плаче́вныя пе́сни, не поя́ху бо в земли́ чужде́й о́троцы Сио́новы, Вавило́нскую же разреша́ет ле́сть всю́ и мусики́йския соста́вы, в Вифлее́ме возсия́в, Христо́с. Те́м, воспева́юще, воспои́м: да благослови́т тва́рь вся́ Го́спода и превозно́сит во вся́ ве́ки.

Скорбь побудила орудия пения отложить,
ибо дети Сиона не пели в чуждых странах, –
но разрушает всякое заблуждение
и Вавилонское музыкальное согласие
из Вифлеема воссиявший Христос;
потому воспоем песнь:
«Да благословляет все творение Господа
и превозносит во все века!»

Коры́сти Вавило́н ца́рства Сио́ня и плене́нное бога́тство прия́т, сокро́вища же Христо́с в Сио́н сего́, и цари́ звездо́ю наставля́я, звездоблюсти́тели влече́т. Те́м, воспева́юще, воспои́м: да благослови́т тва́рь вся́ Го́спода и превозно́сит во вся́ ве́ки.

Пе́снь 9.

Ирмо́с: Та́инство стра́нное ви́жу и пресла́вное: Не́бо – верте́п, престо́л Херуви́мский – Де́ву, я́сли – вмести́лище, в ни́хже возлеже́ Невмести́мый – Христо́с Бо́г, Его́же, воспева́юще, велича́ем.

Ирмос: Таинство вижу
необычайное и чудное:
пещера – небо, престол Херувимский – Дева,
ясли – вместилище,
где возлег невместимый Христос Бог,
Которого мы в песнях величаем.

Припе́в: Велича́й, душе́ моя́, Честне́йшую и Сла́внейшую Го́рних во́инств, Де́ву Пречи́стую, Богоро́дицу.

Ирмо́с: Та́инство стра́нное ви́жу и пресла́вное: Не́бо – верте́п, престо́л Херуви́мский – Де́ву, я́сли – вмести́лище, в ни́хже возлеже́ Невмести́мый – Христо́с Бо́г, его́же, воспева́юще, велича́ем.

Припе́в: Велича́й, душе́ моя́, от Де́вы Бо́га, пло́тию ро́ждшагося.

Изря́дное тече́ние зря́ще волсви́ необы́чныя но́выя звезды́ новосия́ющия, Небеса́ просвеща́ющия, Христа́ Царя́ зна́менующия на земли́, ро́ждшагося в Вифлее́ме на спасе́ние на́ше.

Припе́в: Велича́й, душе́ моя́, в верте́пе ро́ждшагося Царя́.

Изря́дное тече́ние зря́ще волсви́ необы́чныя но́выя звезды́ новосия́ющия, Небеса́ просвеща́ющия, Христа́ Царя́ зна́менующия на земли́, ро́ждшагося в Вифлее́ме на спасе́ние на́ше.

Припе́в: Велича́й, душе́ моя́, от волхво́в Бо́га покланя́емаго.

Новорожде́нное, – волхво́м, глаго́лющим, – Отроча́ Ца́рь, Его́же звезда́ яви́, где́ есть? Тому́ бо поклони́тися приидо́хом. Яря́ся, И́род смуща́шеся, Христа́ уби́ти богобо́рец шата́яся.

«Где новорожденное Дитя», – вопрошали волхвы –
«Царь, Чья звезда явилась?
Ведь мы пришли для поклонения Ему».
Тогда безумный Ирод-богоборец тревожился
и в ярости намеревался убить Христа.

Припе́в: Велича́й, душе́ моя́, от звезды́ волхво́м Возвеще́ннаго.

Новорожде́нное, – волхво́м, глаго́лющим, – Отроча́ Ца́рь, Его́же звезда́ яви́, где́ есть? Тому́ бо поклони́тися приидо́хом. Яря́ся, И́род смуща́шеся, Христа́ уби́ти богобо́рец шата́яся.

Припе́в: Велича́й, душе́ моя́, Чи́стую Де́ву и Еди́ну Богоро́дицу, ро́ждшую Христа́ Царя́.

Испыта́ И́род вре́мя звезды́, ея́же вожде́нием волсви́ в Вифлее́ме покланя́хуся Христу́ с да́ры; е́юже, ко оте́честву наставля́еми, лю́таго детоуби́йцу оста́виша пору́гана.

Припе́в: Волсви́ и па́стырие приидо́ша поклони́тися Христу́, ро́ждшемуся во Вифлее́ме гра́де.

Испыта́ И́род вре́мя звезды́, ея́же вожде́нием волсви́ в Вифлее́ме покланя́хуся Христу́ с да́ры; е́юже, ко оте́честву наставля́еми, лю́таго детоуби́йцу оста́виша пору́гана.

Свети́лен:

Посети́л ны́ е́сть свы́ше Спа́с на́ш, Восто́к восто́ков, и су́щии во тьме́ и се́ни обрето́хом и́стину, и́бо от Де́вы роди́ся Госпо́дь. (Трижды)

Посетил нас с высоты Спаситель наш,
прежде солнца восшедшее Светило;
и мы, пребывавшие во тьме и тени обрели истину,
ибо от Девы родился Господь.

Акафист Рождеству Христову

Кондак 1

Избра́ннии от всех племе́н и наро́дов в язы́к свят, ца́рское свяще́ние, сы́ны Све́та и насле́дницы Ца́рствия, прииди́те возра́дуемся Го́сподеви и Спаси́телю Бо́гу, в Вифлее́ме Ро́ждшемуся и нас ра́ди пелена́ми повива́емому, с волхвы́ и па́стыри поклони́мся, а́нгельскую вси в весе́лии пою́ще песнь: Сла́ва в вы́шних Бо́гу и на земли́ мир, в челове́цех благоволе́ние!

Икос 1

А́нгелом недове́домую, пресла́вную та́йну Твоего́ смотре́ния на коне́ц веко́в открыва́я, Христе́, я́ко Младе́нец в я́слех безслове́сных возлежи́ши и во убо́зем верте́пе ми́ру явля́ешися, Сло́ве Бо́жий, безна́чальне. О́ле стра́шного та́инства! О́ле Бо́жия снисхожде́ния! Тем у́бо со стра́хом и ра́достию взира́юще на неисповеди́мое истоща́ние Твое́, си́це Тебе́ зове́м:

Сла́ва Тебе́, Све́те Ти́хий, от Де́вы ми́ру возсия́вый;

сла́ва Тебе́, А́нгелов Ра́досте, во страну́ пла́ча прише́дый.

Сла́ва Тебе́, Нача́льниче ми́ра, спасе́ние благовести́вый;

сла́ва Тебе́, Сы́не Бо́жий, Собо́ю то́е устро́ивый.

Сла́ва Тебе́, Сия́ние О́тчия сла́вы;

сла́ва Тебе́, от тьмы́ в чу́дный Твой свет челове́ки призва́вый.

Сла́ва Тебе́, Иису́се, Сы́не Единоро́дный, на зе́млю снизше́дый;

сла́ва Тебе́, Иису́се, восхо́д земноро́дным на Не́бо устро́ивый.

Сла́ва в вы́шних Бо́гу и на земли́ мир, в челове́цех благоволе́ние!

Кондак 2

Ви́дев нищету́ и поги́бель ро́да челове́ческаго, всемогу́щее светоза́рное Сло́во Бо́жие, ти́хому молча́нию содержа́щу вся и но́щи преполовля́ющейся, с Небесе́, от Престо́ла Ца́рскаго, во юдо́ль земну́ю поги́бельную сни́де, во спасе́ние пою́щих Ему́: Аллилу́иа.

Икос 2

Разуме́в ду́хом проро́к Авваку́м прише́ствие Твое́, ужа́сся вопия́ше: Го́споди, услы́шах слух Твой и убоя́хся, разуме́х дела́ Твоя́ и ужасо́хся! Мы же сбытие́ та́йны сея́ зря́ще, Вифлее́м че́ствуем и я́слем Твоим покланя́емся , зову́ще:

Сла́ва Тебе́, Бо́жия Прему́дросте и Си́ло;

сла́ва Тебе́, омраче́нную не́мощь на́шу посети́вый.

Сла́ва Тебе́, повива́ющему мгло́ю зе́млю и не́бо о́блаки,

сла́ва Тебе́, нас ра́ди пови́тому пелена́ми.

Сла́ва Тебе́, одева́яй красото́ю кри́ны се́льныя,

сла́ва Тебе́, наготу́ на́шу облеки́й во оде́жду нетле́ния.

Сла́ва Тебе́, зрак раба́ прие́мый;

сла́ва Тебе́, от ра́бства страсте́й нас свободи́вый.

Сла́ва в вы́шних Бо́гу и на земли́ мир, в челове́цех благоволе́ние!

Кондак 3

Си́лы Небе́сныя ве́лиим гла́сом восхвали́ша Тя, све́тлое Со́лнце Сла́вы, восходя́щее от де́вственнаго О́блака и просвеща́ющее мир за милосе́рдие безме́рное, и в весе́лии воспе́ша: Аллилу́иа.

Икос 3

Име́яй престо́л не́бо и подно́жие зе́млю ме́ста ни еди́на обре́те во оби́тели, те́мже Чи́стая Де́ва, Ма́ти Твоя́, сокрыва́ет Тя от хла́да нощна́го в худе́м верте́пе и во я́слех ско́тиих полага́ет Тя, Сокро́вище го́рняго ми́ра и Зижди́теля вся́ческих. Дивя́щеся милосе́рдию Твоему́, си́це Тебе́ зове́м:

Сла́ва Тебе́, по нам неизрече́нно обнища́вый,

сла́ва Тебе́, неизче́тно нас обогати́вый.

Сла́ва Тебе́, на́шу не́мощь восприе́мый;

сла́ва Тебе́, нас си́лою Твое́ю облеки́й.

Сла́ва Тебе́, хлад нощны́й претерпе́вый;

сла́ва Тебе́, теплото́ю Твоея́ любве́ мир согре́вый.

Сла́ва Тебе́, не име́вый, где главы́ подклони́ти на земли́;

сла́ва Тебе́, преклони́вый небеса́ схожде́нием Твои́м.

Сла́ва в вы́шних Бо́гу и на земли́ мир, в челове́цех благоволе́ние!

Кондак 4

Бу́рею сумни́тельных помышле́ний мяте́тся И́род и весь Иерусали́м с ним; ца́рие же восто́чнии Тебе́, Царю́ царе́й, да́ры избра́нныя прино́сят. С ни́миже и нас сподо́би Тебе́ кла́нятися ду́хом и и́стиною и приноси́ти Тебе́ ве́ру я́ко зла́то, чи́стое житие́ я́ко лива́н, любо́вь же я́ко сми́рну, зову́ще: Аллилу́иа.

Икос 4

Слы́шав Ада́м первозда́нный глас Го́спода сла́вы, ходя́щаго в раи́, стра́хом скры́ся, убоя́вся лица́ Твоего́. Ны́не же Ты, Спа́се, сокрыва́еши под бре́нным покро́вом стра́шную сла́ву Твоего́ Божества́ и низхо́диши на зе́млю, зрак Ада́мов нося́, взыска́ти поги́бшаго, вопию́ща Тебе́:

Сла́ва Тебе́, с Небесе́ до́лу низше́дый;

сла́ва Тебе́, челове́ка горе́ вознесы́й.

Сла́ва Тебе́, беззако́ния моя́ на Себе́ возложи́вый;

сла́ва Тебе́, я́звою Твое́ю мя исцели́вый.

Сла́ва Тебе́, приобщи́выйся моея́ пло́ти;

сла́ва Тебе́, приобща́яй мя Твоего́ Божества́.

Сла́ва Тебе́, сту́дную наготу́ челове́ков ри́зою Твоея́ сла́вы покры́вый;

сла́ва Тебе́, глад души́ утоля́яй сла́достию трапе́зы Твоея́.

Сла́ва в вы́шних Бо́гу и на земли́ мир, в челове́цех благоволе́ние!

Кондак 5

Боготе́чная звезда́ с высоты́ показу́ет Тя, изда́вна предвозвеще́нную мы́сленную Звезду́, от Иа́кова возси́явшую. Сподо́би и нас, ко убо́гому верте́пу со звездосло́вцы прите́кших, узре́ти очище́нными очесы́ души́ па́че зве́зд и со́лнца просия́вшую сла́ву Твоего́ Божества́ и воспе́ти Тебе́: Аллилу́иа.

Икос 5

Прови́дев издале́ча день Твой, Христе́, пра́отец Твой Авраа́м возра́довася ду́хом; мы же ви́дяще Тя, Све́та невече́рняго, на рука́х Де́вы, Ма́тере Твоея́, я́ко на престо́ле почива́юща, ра́достно срета́ем Тя пе́нии си́ми:

Сла́ва Тебе́, млеко́м Неискусому́жныя пита́емый;

сла́ва Тебе́, пита́яй вся́ческую тварь.

Сла́ва Тебе́, Сы́не Де́вы, Емману́иле, О́троча мла́до;

сла́ва Тебе́, Боже Превечный, Отче будущаго века.

Сла́ва Тебе́, на плещу́ херуви́мов носи́мый,

сла́ва Тебе́, нас ради во ясли возлегий.

Сла́ва Тебе́, на земли́ младе́нствуяй;

сла́ва Тебе́, нас ча́да Бо́жия содева́яй.

Сла́ва в вы́шних Бо́гу и на земли́ мир, в челове́цех благоволе́ние!

Кондак 6

Пропове́дует ми́ру ми́лостивое Твое́ прише́ствие проро́к Илия́ Фесви́тянин, тому́ бо на Хори́встей горе́ яви́л еси́ ти́хое сия́ние Твоея́ сла́вы; и́бо не в бу́ри, ни во огни́ ниже́ в трясе́нии, но во гла́се хла́да то́нка соше́л еси́ на зе́млю, Го́споди, просвеща́я и спаса́я вся зову́щия: Аллилу́иа.

Икос 6

Возсия́ иногда́ свет Небе́сный па́стырем вифлее́мским, творя́щим стра́жу нощну́ю о ста́де свое́м и бдя́щим, те́мже и мы в нощи́ жития́ сего́ ле́ности сон отрясе́м, в моли́тве трезвя́щеся, да с па́стырьми зри́телие сла́вы Спа́са ро́ждшагося яви́мся и та́ко Ему́ воззове́м:

Сла́ва Тебе́, Хле́бе живо́тный, всех ду́ши пита́яй;

сла́ва Тебе́, от гла́да сме́ртнаго мир избавля́яй.

Сла́ва Тебе́, Гро́зде Боже́ственный, вино́ но́вое источа́яй;

сла́ва Тебе́, жа́жды грехо́вныя мир изыма́яй.

Сла́ва Тебе́, све́тлое Со́лнце пра́вды и све́те И́стины;

сла́ва Тебе́, теплото́ю Ду́ха зе́млю животворя́й.

Сла́ва Тебе́, Небе́сный Дождю́, ороша́яй лице́ земли́;

сла́ва Тебе́, весну́ благода́ти ми́рови да́руяй.

Сла́ва в вы́шних Бо́гу и на земли́ мир, в челове́цех благоволе́ние!

Кондак 7

Хотя́ испра́вити горды́ню первозда́ннаго челове́ка, смири́л еси́ Себе́ Сама́го, Сло́ве Бо́жий, до я́слей и сме́рти кре́стныя, о́браз нам дая́, да вси, обраща́ющии сердца́ своя́ к Тебе́, облеку́тся в ца́рское одея́ние смире́ния Твоего́ и возоблада́ют над страстьми́ и похотьми́, Тебе́, Царю́ вся́ческих, зову́ще: Аллилу́иа.

Икос 7

Ди́вную та́йну воплоще́ния смири́вшагося Бо́га воспева́юще днесь, прииди́те, возвы́симся от земны́х страсте́й, чи́стою мы́слию присту́пим и припаде́м Богомладе́нцу, в я́слех лежа́щему, во умиле́нии зову́ще:

Сла́ва Тебе́, на земли́ рожде́йся;

сла́ва Тебе́, ми́ру дарова́вый возрожде́ние.

Сла́ва Тебе́, повеле́нием ке́саревым написа́выйся с рабы́;

сла́ва Тебе́, в Кни́гу живота́ на Небеси́ имена́ ве́рных Свои́х вписа́вый.

Сла́ва Тебе́, Соде́телю, Ему́же горе́ слу́жат со́нми А́нгел;

сла́ва Тебе́, послужи́ти прише́дый всеро́дному Ада́му.

Сла́ва Тебе́, Не́бо с земле́ю соедини́вый схожде́нием Твои́м;

сла́ва Тебе́, Бо́га с челове́ком прими́ривый Рождество́м Твои́м.

Сла́ва в вы́шних Бо́гу и на земли́ мир, в челове́цех благоволе́ние!

Кондак 8

Стра́нна и прише́льца Бо́га ви́дящи на земли́, устрани́мся су́етнаго ми́ра и взы́щем всеме́рно Небе́снаго на́шего Оте́чества, благода́ть, и мир и ми́лость всем прише́льствующим на земли́ у Сы́на Бо́жия прося́ще и воспева́юще Ему́: Аллилу́иа.

Икос 8

Весь был еси́ до́лу в я́слех, непостижи́ме Го́споди, горе́ на Престо́ле со Отце́м седя́й. А́нгели воспева́ху Тя я́ко Преве́чнаго Бо́га, челове́цы же зря́ху Младе́нца пови́та, мы же убо́зии прино́сим Ти сле́зы умиле́ния, си́це глаго́люще:

Сла́ва Тебе́, недр Оте́ческих не отступи́вый;

сла́ва Тебе́, с до́льними челове́ки неизре́ченно пожи́вый.

Сла́ва Тебе́, непристу́пную сла́ву Твоего́ Божества́ сокры́вый;

сла́ва Тебе́, приступа́ющия к Тебе́ гре́шныя не отри́нувый.

Сла́ва Тебе́, Исто́чниче чистоты́ и свя́тости;

сла́ва Тебе́, с мытари́ и гре́шники вечеря́вый.

Сла́ва Тебе́, блу́дная ча́да, издале́ча зря, с любо́вию срета́яй,

сла́ва Тебе́, вся с покая́нием приходя́щия в лик друго́в Твои́х вчиня́яй.

Сла́ва в вы́шних Бо́гу и на земли́ мир, в челове́цех благоволе́ние!

Кондак 9

Вся земля́ бога́тство любве́ Твоея́ позна́, Иису́се Всецарю́, егда́ Себе́ Сама́го я́ко Младе́нца гре́шному ми́ру во очище́ние дарова́л еси́ и в Же́ртву предугото́вал еси́. Сего́ ра́ди ро́ды родо́в, спасе́ннии прише́ствием Твои́м, во ве́ки благода́рственне зову́т Ти: Аллилу́иа.

Икос 9

Вети́я многовеща́нныя недоуме́ют воспе́ти недомы́слимое и неизрече́нное Рождество́ Твое́: кий бо язы́к, А́нгельский или́ челове́ческий, возглаго́лет сию́ бе́здну ми́лости Твоея́, Спа́се? Приими́ у́бо благода́рныя сле́зы земноро́дных, искупле́нных Твое́ю Кро́вию, Тебе́ припа́дающих и вопию́щих:

Сла́ва Тебе́, изобреты́й всяк путь худо́жества ;

сла́ва Тебе́, соедини́вый с челове́ки Божество́.

Сла́ва Тебе́, стра́нно во Своя́ прише́дый;

сла́ва Тебе́, устра́ншихся от Бо́га на Не́бо призыва́вый.

Сла́ва Тебе́, верте́п оби́тель Себе́ избра́вый;

сла́ва Тебе́, Небе́сныя оби́тели лю́дем угото́вавый.

Сла́ва Тебе́, грех ми́ра взе́мляй и обреме́ненныя к Себе́ призыва́яй;

сла́ва Тебе́, не́мощи челове́ческия исцеля́яй и тружда́ющияся упокоева́яй.

Сла́ва в вы́шних Бо́гу и на земли́ мир, в челове́цех благоволе́ние!

Кондак 10

Спасе́ние соде́лал еси́ ми́ру стра́нным истоща́нием Твои́м и врата́ милосе́рдия Бо́жия и вы́шнее Ца́рствие отве́рзл еси́ соше́ствием Твои́м: отны́не бо сы́нове челове́честии о́бщницы А́нгелом быва́ют и ра́дующеся ле́гкою стезе́ю в Небеса́ восхо́дят, немо́лчно зову́ще: Аллилу́иа.

Икос 10

Царю́ Преве́чный, рожде́йся на земли́ челове́ка ра́ди, Христе́ Бо́же! Покажи́ ны досто́йны Твоего́ осия́ния, даждь нам во вся дни живота́ на́шего помина́ти Твоя́ благодея́ния и чи́стым се́рдцем воспева́ти Тебе́ сицева́я:

Сла́ва Тебе́, Царю́ веко́в, вы́шнее Ца́рство ве́рным отверза́яй,

сла́ва Тебе́, Па́стырю до́брый, заблу́дших ове́ц на па́жить цветоно́сную призыва́яй.

Сла́ва Тебе́, И́мый ключ Дави́дов, Еде́ма врата́ нам отве́рзый;

сла́ва Тебе́, Ключу́ Боже́ственный, отверза́яй сердца́ к прия́тию благода́ти.

Сла́ва Тебе́, Ма́нно Небе́сная, в пусты́ни жития́ сего́ пита́ющая;

сла́ва Тебе́, Иису́се Бо́же, Но́вый Изра́иль в зе́млю обетова́нную вводя́й.

Сла́ва Тебе́, А́гнче Бо́жий, на закла́ние в мир прише́дый;

сла́ва Тебе́, сме́ртию Твое́ю живо́т нам дарова́вый.

Сла́ва в вы́шних Бо́гу и на земли́ мир, в челове́цех благоволе́ние!

Кондак 11

Песнь благодаре́ния приими́ от нас, Сло́ве Бо́жий, и сподо́би нас, до́льних, сре́сти чи́стыми дея́ньми и подъя́ти Тя, Христа́, пло́тию младе́нствующа, Христа́, во́лею обнища́вша, Христа́, нас ра́ди на зе́млю низше́дша, Его́же горе́ пою́т непреста́нно А́нгели Бо́жии, зову́ще: Аллилу́иа.

Икос 11

Све́том оде́яйся, я́ко ри́зою, безсла́вен и наг в мир сей вхо́дит, и Бо́жие Сло́во, нося́щее вся глаго́лом си́лы Своея́, немотству́ющий Младе́нец зри́тся на земли́, Ему́же покланя́ющеся вси глаго́лем:

Сла́ва Тебе́, Сло́ве, во я́слех немотству́яй;

сла́ва Тебе́, доброте́ молча́ния и сло́ва науча́яй.

Сла́ва Тебе́, Животе́, пови́тый пелены́;

сла́ва Тебе́, плени́цы сме́ртныя разреши́ти гряды́й.

Сла́ва Тебе́, благовести́ти ни́щим прише́дый;

сла́ва Тебе́, сокруше́нныя се́рдцем исцели́вый.

Сла́ва Тебе́, пропове́дуяй слепы́м прозре́ние;

сла́ва Тебе́, отпуща́яй сокруше́нныя во отра́ду.

Сла́ва в вы́шних Бо́гу и на земли́ мир, в челове́цех благоволе́ние!

Кондак 12

Благода́ть спаси́тельная всем челове́ком яви́ся и всех избавле́ние приспе́: сла́вы бо Госпо́дь низхо́дит на зе́млю ми́лости ра́ди. Го́ры и хо́лми, поля́ и де́бри, челове́цы и А́нгели, вся́кое ды́хание и тварь, весе́лия Боже́ственнаго исполня́еми, воскли́кните срета́юще Того́: Аллилу́иа.

Икос 12

Пою́ще ве́лие та́инство Твоего́ вочелове́чения, Го́споди, мо́лим Тя, раби́ Твои́, егда́ прии́деши па́ки на зе́млю с си́лою и сла́вою мно́гою, поми́луй и спаси́ всех, чту́щих Твое́ е́же от Де́вы неизрече́нное Рождество́ и любо́вию зову́щих Ти:

Сла́ва Тебе́, на земли́ воплоти́выйся благовести́ти заблу́ждшим;

сла́ва Тебе́, до а́да снизше́дый взыска́ти па́дших.

Сла́ва Тебе́, сокро́вища благода́ти Твоея́ открыва́яй;

сла́ва Тебе́, удо́бен путь к Небеси́ показу́яй.

Сла́ва Тебе́, вода́ми Креще́ния естество́ челове́ческое обнови́вый;

сла́ва Тебе́, Боже́ственными Та́йнами сие́ обожи́вый.

Сла́ва Тебе́, ве́рныя по исхо́де от жития́ в Ца́рствие Твое́ вводя́й;

сла́ва Тебе́, весе́лие Иерусали́ма го́рняго во ве́ки ве́ков подава́яй.

Сла́ва в вы́шних Бо́гу и на земли́ мир, в челове́цех благоволе́ние!

Кондак 13

О́, неизсле́димая и неизглаго́ланная Бе́здно Любве́ и Щедро́т, младе́нствуяй пло́тию Иису́се! Приими́ приноси́мое Тебе́ убо́гое сие́ моле́ние и не возгнуша́йся возлещи́ в я́слех безслове́сныя души́ моея́. О́, Све́те ми́ра незаходи́мый! Просвети́ мя сия́нием Твои́м, прииди́ и оби́тель в се́рдце мое́м сотвори́, да во ве́ки пою́ Ти: Аллилу́иа.

[Се́й конда́к глаго́лется три́жды.]

Икос 1

А́нгелом недове́домую, пресла́вную та́йну Твоего́ смотре́ния на коне́ц веко́в открыва́я, Христе́, я́ко Младе́нец в я́слех безслове́сных возлежи́ши и во убо́зем верте́пе ми́ру явля́ешися, Сло́ве Бо́жий, безна́чальне. О́ле стра́шного та́инства! О́ле Бо́жия снисхожде́ния! Тем у́бо со стра́хом и ра́достию взира́юще на неисповеди́мое истоща́ние Твое́, си́це Тебе́ зове́м:

Сла́ва Тебе́, Све́те Ти́хий, от Де́вы ми́ру возсия́вый;

сла́ва Тебе́, А́нгелов Ра́досте, во страну́ пла́ча прише́дый.

Сла́ва Тебе́, Нача́льниче ми́ра, спасе́ние благовести́вый;

сла́ва Тебе́, Сы́не Бо́жий, Собо́ю то́е устро́ивый.

Сла́ва Тебе́, Сия́ние О́тчия сла́вы;

сла́ва Тебе́, от тьмы́ в чу́дный Твой свет челове́ки призва́вый.

Сла́ва Тебе́, Иису́се, Сы́не Единоро́дный, на зе́млю снизше́дый;

сла́ва Тебе́, Иису́се, восхо́д земноро́дным на Не́бо устро́ивый.

Сла́ва в вы́шних Бо́гу и на земли́ мир, в челове́цех благоволе́ние!

Кондак 1

Избра́ннии от всех племе́н и наро́дов в язы́к свят, ца́рское свяще́ние, сы́ны Све́та и насле́дницы Ца́рствия, прииди́те возра́дуемся Го́сподеви и Спаси́телю Бо́гу, в Вифлее́ме Ро́ждшемуся и нас ра́ди пелена́ми повива́емому, с волхвы́ и па́стыри поклони́мся, а́нгельскую вси в весе́лии пою́ще песнь: Сла́ва в вы́шних Бо́гу и на земли́ мир, в челове́цех благоволе́ние!

Молитва

О́, Сладча́йший Иису́се, Сло́ве Бо́жий, Сы́не Де́вы, Тебе́ нас ра́ди на земли́ я́вльшагося вся тварь испове́да бы́ти Творца́ и Влады́ку вся́ческих, во́лны морски́я смиря́хуся под но́зе Твои́, умолка́ху ве́тры Твои́м повеле́нием, ме́ртвии сло́вом Твои́м возстава́ху, со́лнце Тебе́ умира́ющу поме́рче, земля́ о Тебе́ потрясе́ся, не́бо Тебе́ возходя́щу отве́рзеся. Тем ýбо и ны́не мо́лим Тя, раби́ Твои́, Влады́ко, ути́ши вся на́ша помышле́ния и чу́вства серде́чная, запрети́ волне́нию страсте́й, возста́ви ны от сме́рти грехо́вныя, сотвори́, да пред све́том любве́ Твоея́ поме́ркнут нам вся сла́вная и кра́сная су́етнаго ми́ра, да потрясу́тся тре́петом ду́ши на́ша и отве́рзутся сердца́ прия́ти Тя Невече́рняго Све́та, просвеща́ющаго вся́каго челове́ка, гряду́щаго в мир. Сподо́би ны́не изы́ти любо́вию в сре́тение Тебе́, низходя́щему на зе́млю нас ра́ди, и в день исхо́да на́шего от вре́меннаго жития́ сего́ усря́щи нас, восходя́щих от земли́, милосе́рдием Твои́м, приими́ в Небе́сныя Твоя́ селе́ния и сотвори́ прича́стники сла́внаго Ца́рствия Твоего́, да со А́нгелы святы́ми пое́м и сла́вим Тя, Спа́са душ на́ших, со Безнача́льным Твои́м Отце́м и с Пресвяты́м Ду́хом, Еди́наго в Тро́ице Бо́га, Ему́же подоба́ет вся́кая сла́ва, че́сть и поклоне́ние во ве́ки ве́ков. Ами́нь.