Преподобномученик Анаста́сий Печерский, диакон

Преподобномученик Анастасий, диакон Печерский, подвизался в Ближних пещерах в XII веке. Иеромонах Афанасий Кальнофийский называет его братом преподобного Тита пресвитера († не ранее 1190; память 27 февраля/12 марта). В рукописных святцах он называется диаконом. В службе Собору отцов Ближних пещер о преподобномученике Анастасии говорится, что он имел такое дерзновение к Богу, что получал всё просимое. Память его празднуется также 28 сентября и во 2-ю Неделю Великого поста.

Тропарь, глас 4

Плотско́е, я́ко безпло́тный А́нгел, возненави́девши препита́ние,
духо́вную во и́ноческом чи́ну возлюби́л еси́ пи́щу,
и в нем Богови́дцу на Сина́и Моисе́ю
до́брым жития́ твоего́ по́двигом уподобля́яйся,
мно́гими на горе́ Бо́жией Пече́рской возвы́сился еси́ доброде́тельми,
иде́же в моле́нии к Вы́шнему непреста́нно пребыва́л еси́,
ны́не же со отцы́ преподо́бными Пече́рскими,
а́ки би́сер многоце́нен, мощми́ нетле́нными
в пеще́ре твои́ми пресве́тло сия́еши,
а душе́ю со А́нгелы пред Престо́лом Бо́жиим,
святы́й преподобному́чениче Анаста́сие, предстои́ши,
о нас всегда́ моля́ся ко Го́споду

спасти́ся душа́м на́шим.

Кондак, глас 8

По́стническим пло́ти твое́й умерщвле́нием
ду́шу оживи́л еси́,
и́бо твоего́ ра́ди презе́льнаго воздержа́ния
и привре́меннаго терпе́ния,
жизнь непрее́мная и диади́ма неувяда́емая
от пострада́вшаго за ны пло́тию
и из ме́ртвых воскре́сшаго Христа́ Бо́га на́шего,
тебе́, свя́те, преподобному́чениче Анаста́сие,
я́ко злочести́вых победи́телю
несумне́нно и вои́стинну угото́вася,
зане́же Бо́жие тридне́вное Воскресе́ние
всем, живу́щим на земли́,
тобо́ю, я́коже иногда́ от отроко́в Ефе́сских правосла́вно воспропове́дася,
и сего́ ра́ди, о́тче, днесь к тебе́ вси вопие́м немо́лчно:
святы́й преподобному́чениче Анаста́сие Пече́рский,
моли́ приле́жно воста́вшаго Христа́ тридне́вно из ме́ртвых,

да изба́вит от сме́рти ве́чныя ду́ши на́ша.