Преподобный Генна́дий Костромской, Любимогра́дский

Краткое житие преподобного Геннадия Костромского, Любимоградского

Святой Геннадий Костромской, в миру Григорий, родился в городе Могилеве от богатых русско-литовских бояр. С юности он отличался благочестием, любил посещать храм Божий и строго соблюдал посты, за что друзья смеялись над ним. Желая посвятить свою жизнь Богу, он тайно оставил родителей, дом и в одежде бедняка отправился в Россию. Посетив Москву и Новгород, он не нашел монастыря по своему духу и тогда отправился на реку Свирь к преподобному Александру. Святой Александр Свирский направил его в вологодские леса к преподобному Корнилию Комельскому, который и постриг его в иноческий чин с именем Геннадий. Некоторое время спустя преподобные Корнилий и Геннадий удалились на Сурское озеро, близ реки Костромы, где основали пустынь с двумя храмами. Эта пустынь впоследствии стала известной как Геннадиев монастырь. Преподобный Геннадий непрерывно трудился, пек просфоры и хлеб, рубил дрова, копал с братией пруды. Ради большего подвига он постоянно носил вериги. Он очень любил писать иконы и ими украшал храмы своей пустыни. За свою благочестивую жизнь святой Геннадий получил от Бога дар прозорливости и исцелений. Так, будучи в Москве, он предсказал дочери боярина Романа Захарьина, Анастасии Романовне, что она станет царицей. Действительно, она потом вышла замуж за царя Ивана Грозного и была его любимой женой. Сам царь Иван Грозный упросил преподобного стать крестным отцом его дочери. Преподобный Геннадий исцелил от смертельной болезни вологодского епископа Киприана.

Скончался преподобный Геннадий в 1565 году, а в 1644 г. были обретены его нетленные мощи. Преподобный Геннадий написал «Наставления духовного старца новоначальному иноку» и «Духовное завещание».

Полное житие преподобного Геннадия Костромского, Любимоградского

Свят Господь Бог наш Иисус Христос, прославляющий святых своих! Свят, подающий дар описывать жития благоугодивших Ему! Они же есть свет миру, особенно иноком. Таким был Божий угодник, преподобный отец наш Геннадий.

Преподобный Геннадий, нареченный во св. крещении Григорий, был единственным сыном неких богобоязненных боярина Иоанна и супруги его Елены, обитавших в городе Могилеве в Литве. Блаженный Григорий с малых лет был возбужден к делам духовным и пребывал день и ночь в церкви, молясь Богу. Родителям Григория это не нравилось. И с того времени Григорий задумал уйти в Русский монастырь. Выбрав время, ушел из дома раздал свою одежду нищим и облекся в рубище. В дороге терпел много бед и напастей. Но хранимый Богом, дошел до Москвы, где покланялся святыням и отыскивал обитель, где бы ему принять иноческий чин и молиться Богу. Встретив единомышленника, именем Федор, отправился с ним в Великий Новгород, а оттуда на Свирь реку, к преподобному Александру, у которого просили благословения остаться в его обители. На что преподобный пророчествовал, что Федор останется богоугодно жить в миру, а Григорий будет наставником многим иноком, и отправил их в комельский лес к преподобному Корнилию. Пробыв в пустыни преподобного Александра сорок дней, и взяв благословение, отправились в путь.

Преподобный Корнилий принял Григория, возложив на него монашеский искус, по святоотеческому преданию, а Федору снова предсказал жизнь мирскую (Федор дожил до глубокой старости, и почил в Москве). По прошествии определенного времени преподобный Корнилий постриг Григория, и нарек ему имя - Геннадий. Молодой инок подвизался в трудах и молитвах, в трапезной, на пекарне и прочих делах служебных. Братия, по научению дьявольскому, роптала на него, а вскоре и на самого Корнилия. И настоятель со своим учеником ушли в костромские пределы, в дикий лес на Сурбское озеро, на шестьдесят поприщ от обители, не далеко от селения царских бортников. Крестьяне очень обрадовались пришествию преподобных, построили им келью и снабжали их всем необходимым. Преподобные же подвизались к Богу молитвами и постом, труды к трудам прилагая, рубили лес, пахали землю и выкопали четыре пруда , два из которых существуют до сих пор. В некотором году великий князь Василий Иоаннович с великою княгинею Еленой отправились на Бело озеро на моление, по обещанию своему о благочадии. Прибыв же им в обитель преподобного Корнилия и узнав о удалении святых на другое место, очень оскорбились на братию и сказали им: "Из-за вашего ропота и непослушания не живет отец Корнилий в своей пустыне". И послали своих слуг молить преподобного вернуться на прежнее место. Преподобный вернулся и пал к ногам великого князя, прося прощения о своем отхождении. Благоверный же князь просил святого: "Любимиче мой, отче Корнилие, моли за нас милостивого Бога, да дарует нам Господь Бог плод благочадия в наследие роду нашему и в устроение обителям, державу российскому царству и в утверждение веры христианской". Также сказал великий князь преподобному, остаться ему в обители, а новую пустынь благословить ученику своему. Так и поступил авва Корнилий, и повелел преподобному Геннадию воздвигнуть храм во имя Преображения Господня. Блаженный Геннадий поступил по повелению великокняжескому и благословению отца своего Корнилия, воздвигнув церковь украсил ее иконами (часть из которых писал сам) и книгами. Ввиду преумножения братии соорудил теплую церковь во имя преподобного Сергия Радонежского, устроив ее, как и первую. Сам преподобный всегда трудился, являя тем образ смирения и терпения братии. Устроив для них жилища, днем рубил дрова, а ночью разносил по братским кельям, стирал одежду братии, делал свечи, пек просфоры, варил еду. Более же всего в церковных службах преуспевал, носил на теле своем вериги, железные кресты и тяжелые цепи. Все это делал он ради смирения своей плоти. Потому почила на нем благодать Пресвятой Троицы, он же устремлялся на больший подвиг, подавая пример своим ученикам. Учил их не только словом, сколько делом. Никто не в силах изречь житие преподобного, его болезни, труды, попечение о братии. В похваление отца нашего Геннадия, а более во славу Божию, поведаем о чудесах его, что сотворил, благодатью Божией.

Сказание о чудесах преподобного отца нашего Геннадия

Чудо первое.

Некогда блаженному случилось придти в Москву, с учениками своими Серапионом и Уаром, и были приняты у боярыни Иулиании Федоровны, жены Романа Юрьевича. Просила его хозяйка благословить сыновей ее Даниила и Никиту, и дочь Анастасию. Когда святой благословлял отроковицу, сказал ей: "Ты розга прекрасная и ветвь плодовитая, будешь государыня царица благоверная". Слышав это все удивились и отпустили блаженного с подарками. Все же сказанное старцем сбылось, с того времени царица Анастасия стала держать большую веру в Бога, и всячески одаривала обитель любимоградскую. (Анастасия была первой женой первого российского самодержца - Иоанна Грозного).

Чудо второе. О князе Борисе Палецком.

Некогда князь Борис Палецкий сильно изнемогал и пришел на Сурбское озеро помолиться. Преподобный Геннадий обрадовался приходу князя, и собрав братию встретил его у святых врат с достойною молитвой и дал в руки гостю свой посошок; с этого момента князь совершенно выздоровел, и прославил Бога и угодника Его, преподобного Геннадия, все же люди возрадовались чудесному выздоровлению князя. Тот в знак благодарности щедро жертвовал обители и возвратился домой. Благословение же старца, посошок, велел везти иерею Василию. Отец Василий, похуля благословение святого, кинул дар в реку Кострому, чем сильно опечалил князя. Иерей же прибыв домой, обрел жену свою мертвой, и вскоре и сам впал в сильный недуг; начал каяться о согрешенном, и дал обещание принять монашеский чин у святого старца Геннадия. И спустя некоторое время просил прощения у старца и молил его, дабы причел его к своему богоизбранному стаду. Блаженный Геннадий постриг его и нарек имя ему Варлаам, и по прошествии нескольких лет стал игуменом в Богоявленской обители города Костромы. Вышереченный князь Борис дал в обитель колокол и 8 рублей.

Чудо третье. О епископе Киприане Вологодском и Великопермском.

Случилось как-то владыке Киприану сильно заболеть, имеюще любовь духовную к преподобному старцу Геннадию, послал слугу своего за ним. Пришел старец с учениками своими иеромонахами Мисаилом и Александром в Вологду, владыка так обрадовался приходу их, что встал с одра своего для благословения, хотя до сего времени встать с постели не мог. Долго беседовал святитель с преподобным, люди же весьма удивились наблюдая облегчение болезни архипастыря и прославили Бога, творящего через угодников своих преславные чудеса всем людям. Утром владыка испрашивал у преподобного молитв, дабы совершенно выздороветь. На что святой отвечал: "Бог Человеколюбец помогает от скорби и целит недуги душевные и болезни телесные и облегчает немощь страждущим, а не наше сие великое дело. Господин мой святитель, все возможно у Бога, а от людей ничто. Господин мой, здрав ты от скорби телесной. Нога же твоя больная да напоминает тебе последний час и не выздоровеет до самой твоей смерти: мир тебе, господин мой святый отче!" после сего владыка прожил еще пять лет и отошел ко Господу.

Чудо четвертое. О игумене Алексие, которое сам написал.

Возвещу же вам о себе, братия моя возлюбленная, великое чудо преподобного старца Геннадия отца нашего и учителя. Случилось мне от братии сильное оскорбление, и я многогрешный игумен Алексий не смог такое оскорбление стерпеть, ушел из обители Спасовой и поселился в Костромской Богоявленский монастырь. Жил совместно с духовным пастырем игуменом Сильвестром и о Христе братстве его: и спустя немного времени пришла ко мне болезнь тяжкая и не смог от нее в церкви стоять. Из-за этого переселился в обитель Пресвятой Богородицы в Андреевскую пустынь, в Пошехонии. По откровению же Божию, возвратился в обитель Преображения Господня и притек к цельбоносному гробу преподобного отца нашего Геннадия, прося благословения и прощения о своем малодушии. И с того момента сотворил меня Господь Бог здоровым молитвами преподобного отца нашего Геннадия.

Чудо пятое. О Иоанне Лихореве.

Некий сын боярский, именем Иоанн Лихорев, тот приложил село свое в дом Спасов. Потом задумал переменить свое решение и удалиться от обители преподобного Геннадия, и вселиться в Троице-Сергиеву лавру. Через некоторое время сын его Алексий умер злою смертью, и доилица его плачуще и рыдающе, тоже отошла ко Господу. Позже и жена его впала в сильный недуг. Соседи же его, собравшись в его доме, видящие ужасное состояние женщины, говорили ей: "Муж твой захотел учинить измену Всемилостивому Спасу и преподобному Геннадию, за это Бог не пощадил сына вашего и вас, поэтому дайте обет Спасителю и пускай муж твой сотворит как обещал изначально". Дав же женщина та обет, тут же стала здрава, и поторопилась написать Иоанну. На Иоанна тем временем напал сильный страх и трепет, бывши ему в городе Переславле-Залесском. От страха в лице он изменился, и слуги его уговаривали ему вернуться. Иоанн возвратился в обитель преподобного старца Геннадия, и обещал сел своих не отлучать. И вскоре молитвами преподобного отца нашего аввы Геннадия был здравый.

Чудо шестое. О беснующемся человеке.

Был некий христианин Евтропий, имея у себя три сына. Один из них, именем Василий сошел с ума и пребывал в этом состоянии долгое время; многих людей кусал, и усмиряли его, надевая на него оковы железные. Во многие обители водили его, ради исцеления, но тщетно. Привели же болящего в обитель Спасову, подвели ко гробу преподобного Геннадия и молитвами его сотворил Бог его здоровым.

Чудо седьмое. О некоем клирике.

Клирик некий именем Севастиан, постриженник Каменской обители, зомовой на озере кубенском, был одержим зубной болезнью, и обещал списать канон и житие преподобного отца Геннадия, по написании был здрав от недуга своего.

Чудо восьмое. О некоем диаконе.

Диакон Прохор, по прозвищу Богдан, родом из рязанского уезда, сильно был одержим зубной болью, врачи вырвали ему уже не один зуб, но он не получал облегчения притек же к чудотворному гробу, обещая переписать канон и житие преподобного отца нашего Геннадия, и Бог разрешил его от болезни в тот час.

Чудо девятое. О некоем диаконе.

Некий диакон, по прозвищу Чернец украл книги церковные и скатерти и бежал в сторону реки Андомы, по пути парализовало его, и не мог шевелить руками и ногами. Когда узнал о сем игумен послал за ним. Диакон покаявшись в согрешении своем припал ко гробу преподобного, прося прощения, рукам и ногам своим облегчения, и по молитвам преподобного отца нашего Геннадия, Господь Бог помиловал его, даровав ему здравие.

Чудо десятое. О беснующемся человеке.

Человек некий, именем Игнатий, был мучим от нечистого духа: многие люди советовали ему обратиться с молитвами к преподобному Геннадию и, прожив несколько дней в обители, ходатайством святого выздоровел.

Чудо одиннадцатое. О бортнике Антипе.

Бортник соседской области, именем Антипа, пошел как-то по своим делам, и напали на него множество бесов, как люди черные, и устрашали его. Антипа же от этой напасти сошел с ума, начал себя ножом резать, и многих людей покусал. С большим трудом привели его ко гробу преподобного Геннадия, в обитель Спасову, пожив там месяц молитвами святого стал здоров, и отправился домой, славя Бога и преподобного отца Геннадия.

Чудо двенадцатое. О беснующемся человеке.

Некий человек, именем Иустин, сильно был беснуем при чем имел огромную силу: приведен был в Спасову обитель и привязан к столбу трапезному, силою же своею столб тот сломал. Когда же наложили на него вериги преподобного отца Геннадия, моментально выздоровел.

Чудо тринадцатое. О некоем крестьянине.

Некий крестьянин, именем Дометий, сильно бесновался: соседи же и родственники привели его к чудотворному гробу преподобного Геннадия, из-за чего Дометий сильно бился, скрежетал зубами, изо рта шла пена, и хватался за руки и за ноги. В день Преображения Господня после утренней службы положили его на помосте у гроба святого Геннадия и во время литургии, молитвами преподобного получил здравие, и прожив в обители еще десять дней, ушел домой радуясь и славя Бога и угодника Его преподобного отца нашего Геннадия.

Чудо четырнадцатое. О некоем сыне боярском, Василие Панине.

Некий сын боярский, именем Василий Панин имел жену, которая долгое время страдала болезнью глаз, он же приехав в обитель Всемилостивого Спаса, припал с молитвой к чудотворному гробу, игумен же и священники, отслужив молебен, освятили воду. Василий, взяв с собой освященной воды, отправился к болящей супруге, и когда жена его окропила святой водой лицо свое и глаза, тот час выздоровела молитвами преподобного Геннадия.

Чудо пятнадцатое. О некоем христианине.

У некоего христианина веси Обнорское, именем Меркурий был сын Леонтий, крайне страдавший болезнью глаз, и уже полтора года не видел света белого, и от сего ужасного недуга кричал день и ночь. Родители привезли его в обитель Спасову, привели ко гробу преподобного отца Геннадия и просили священников совершить молебное пение и освятить воду. Освященной водой начали кропить местные иконы и раку чудотворца, а также больного Леонтия, и в тот час милостью Божией и молитвами преподобного отца нашего Геннадия отрок прозрел, с радостью возвратился в дом свой, славя Бога и угодника Его святого Геннадия.

Чудо шестнадцатое. О некоем человеке, именем Лука.

Некий житель города Костромы, именем Лука Густышев не имел веры в чудеса преподобного Геннадия и дал обещание не бывать в Спасовой обители у гроба преподобного. По ряду своей службы был выбран в целовальники в таможню и отбыл с дружиной собирать пошлинные государевы деньги. И внезапно поразила его болезнь в щеку и во всю голову и упав на землю корчился от боли. Родственниками был привезен домой, но болезнь не унималась и Лука был уже при смерти. Пришед же в разум, вспомнил грех свой и пообещал идти ко гробу святого; по окончании молебного пения был здоров молитвами преподобного отца нашего Геннадия.

Чудо семнадцатое. О некой вдове.

В Галичском уезде Коржеской области в сельце Левском жила вдова именем Евдокия дворянского рода, жена Феодора Лаптева, имела четырех сыновей, один из которых, именем Кирилл восхотел идти в обитель Всемилостивого Спаса и к чудотворцу Геннадию и там принять иноческий чин и в эту обитель отдать свой жребий наследства. Евдокия была против, и стала клясть сына своего, и в той клятве постигла ее сильная болезнь головы, такая, что и зубы у нее сокрушились, и сильно отекла голова, что чуть кожа не трескалась, что причиняло сильные боли. Вспомнив же свое согрешение, стала молиться Всемилостивому Спасу и Пречистой Его Богоматери и на помощь призывать преподобного Геннадия чудотворца, обещая придти в Преображенский монастырь молиться и отдать жребий сына своего. Сразу же после ее обещания ей стало легче и она отправилась к святому Геннадию. Испросивши прощения у гроба старца Геннадия и певши молебные пения отдала в обитель жребий сына своего, и постригся сын ее в монахи и получил имя вместо Кирилла - Корнилий. А вдова вернулась в дом свой, радуясь и славя Бога и Пречистую Богоматерь, и преподобного Геннадия, так как получила от скорби своей исцеление, и молитвами святого выздоровела.

Чудо восемнадцатое. О девице, исцелевшей молитвами св. Геннадия.

Недалеко от обители боголепного Преображения Господа Бога и Спаса нашего Иисуса Христа есть селение, называемое Обнорское. Крестьянин того селения, именем Дометий имел дочь - Дарью, которую постигло расслабление рук и ног, онемение, и даже родителей своих она не узнавала. Пребывала она в этом страшном недуге пол года, от чего отец с матерью сильно скорбели. Вспомнили же они какие творит чудеса Бог угодником своим преподобным Геннадием! Пришел им благий помысел идти в обитель Спасову. Когда отслужили молебен у чудотворного гроба, тот час молитвами преподобного отца нашего Геннадия стала Дарья здорова и радуясь отошла в дом свой, многие благодарения воздавая Христу Богу, творящему дивные и преславные чудеса своим угодником преподобным Геннадием. Богу нашему слава ныне и присно и во веки веков. Аминь.

Чудо девятнадцатое О некоей женщине.

Некая женщина, по имени Елисавета, была больна глазной болезнью и припала к чудотворному гробу преподобного отца нашего Геннадия, отерла покровом свои глаза и стала здоровой, потом настало ей время родить и тошнило ее трое суток, и прочитал ей иерей канон преподобному, и молитвами преподобного отца нашего Геннадия Бог разрешил ее в тот час.

Повесть об обретении мощей преподобного Геннадия Костромского и Любимоградского чудотворца

В (7152) 1644 году во дни благочестивейшаго Государя Царя и Великого Князя Михаила Феодоровича, всея России самодержца, при святейшем Иосифе патриархе Московском и всея России, в Костромском уезде, Любимской городской осады, во обители Всемилостиваго Спаса Боголепного Преображения преподобного отца нашего Геннадия чудотворца, по благословению Великого Господина святейшего Иосифа, патриарха Московского и всея России, старый и ветхий деревянный храм Преображения Господня разобрали и начали строить каменную церковь Боголепного Преображения Господа Бога и Спаса нашего Иисуса Христа, при игумене Филарете. И когда начали рвы копать, обрели гроб преподобного отца нашего Геннадия чудотворца, не предавшегося тлению. Было это 19 августа в день памяти святого мученика Андрея Стратилата, а по преставлении его минуло 80 лет. И когда открыли гроб, сразу изошло от мощей его святых сильное благоухание, и увидели мощи святого все целы и нерушимы, и не предающиеся тлению, и не только мощи, но и ризы его всецелые и нерушимые. Увидев это все возрадовались и прославили Бога, и взяв гроб с мощами преподобного внесли в церковь святого праведного Алексия человека Божия и поставили на уготованном месте. И стоял гроб преподобного с мощами его на том месте 2 года и 6 месяцев, пока не построили каменную Преображенскую церковь 23 ноября (7155) 1647 года. Было это при державе благочестивейшаго Государя Царя и Великого Князя Алексия Михайловича всея России самодержца, освятили новосозданную Божию церковь по благословению Великого Господина святейшего Иосифа, патриарха Московского и всея России. Когда освятили церковь взяли гроб с мощами преподобного Геннадия из Алексиевского храма и внесли в новосозданную, и поставили его на уготованном месте напротив правого клироса в приделе Благовещения Пресвятой Богородицы в стене, и всеми видим и бывают от гроба многие чудеса и исцеления с верою приходящим ко гробу преподобного отца нашего Геннадия чудотворца, и установили сей праздник обретения честных мощей преподобного Геннадия Костромского и Любимоградского праздновать 19 августа в день памяти святого мученика Андрея Стратилата. Был святой Геннадий власами рус, брадою чермен, роста среднего и преставился ко Господу в вечный покой, Его же с молодости возлюбил.(Яр. Еп. Вед. 1873 г. №24 С.195-196).

Тропарь, глас 4

Я́ко пустыннолюби́вая го́рлица,
от су́етнаго и многомяте́жнаго ми́ра в пусты́ню удали́вся,
чистото́ю и гове́нием, моли́твами и тружде́нием
просла́вил еси́ Бо́га в душе́ и телеси́ свое́м.
И та́ко благоче́стно пожи́в,
яви́лся еси́, преподо́бне Генна́дие, пусты́ни Любимогра́дския украше́ние,
и́ноком честна́го жития́ о́браз
и те́плый моли́твенник за всех,

притека́ющих к тебе́ с ве́рою.

Кондак, глас 3

Моли́твою и посто́м, тружде́нием и терпе́нием
умертви́вый вся́кое пло́ти мудрова́ние,
чистоты́ сосу́д благоле́пен,
Боже́ственных даро́в и чуде́с прича́стник,
и́ноком же до́блий наста́вник был еси́,
сподвиза́яся блаже́нному Корни́лию, о́тче Богому́дре.
Сего́ ра́ди вопие́м:
моли́ся ко Го́споду,

да моли́твами твои́ми да́рует мир и спасе́ние душа́м на́шим.

Молитва

Избра́нниче Бо́жий и чудотво́рче, преподо́бный о́тче Генна́дие! От ю́ности твоея́ испо́лнен сый Ду́ха прему́дрости и ра́зума, Ду́ха благоче́стия и стра́ха Госпо́дня, и прии́м вся ору́жия Бо́жия, препоя́сав чре́сла твоя́ и́стиною, обо́лкся в броня́ пра́вды и обув но́зе во угото́вание благовествова́ния ми́ра, над все́ми же восприи́м щит ве́ры, возмо́гл еси́, я́ко добр во́ин Христо́в, вся стре́лы лука́ваго разжже́нныя угаси́ти. Сего́ ра́ди водворя́яся днесь с ли́ками Безпло́тных сил в оби́телях Отца́ Небе́снаго, неувяда́емым венце́м увязе́н еси́ и, предстоя́ Престо́лу Царя́ сла́вы, Го́спода сил, и́маши дерзнове́ние возноси́ти к Нему́ моле́ния и благохвале́ния твоя́. Мы же, окая́ннии, возводя́ из глубины́ зол о́чи и сердца́ на́ша к Го́рнему Сио́ну, Жили́щу Бо́га Иа́ковля, мо́лим тя, преподо́бне Генна́дие: бу́ди засту́пником и хода́таем на́шим пред Бо́гом и Го́сподем на́шим, Судие́ю пра́веднейшим, Его́же вы́ну прогневля́ем, согреша́юще пред Ним. И я́коже во дни пло́ти своея́ ди́вная и пресла́вная соверши́л еси́, о́тче всехва́льне, та́ко и ны́не, преше́д от нас в оби́тели Отца́ Небе́снаго, удиви́ хода́тайством свои́м ми́лость Госпо́дню на нас. Да, отбе́гше нече́стия и мирски́х по́хотей, Бо́гови же благоугоди́вше, обря́щем по́мощь Его́ во вре́мя благопотре́бно и благослове́ние на ны и на дела́ рук на́ших, и да сподо́бит нас насле́дити Ца́рство Небе́сное и с ли́ки святы́х сла́вити и воспева́ти пречестно́е и великоле́пое и́мя Отца́, и Сы́на, и Свята́го Ду́ха ны́не и при́сно и во ве́ки веко́в. Ами́нь.

Канон преподобному Геннадию, Костромскому и Любимоградскому чудотворцу

Минея, 23 Января.

Глас 8

Песнь 1

Ирмос: Во́ду проше́д, я́ко су́шу,
и еги́петскаго зла избежа́в,
изра́ильтянин вопия́ше:
Изба́вителю и Бо́гу на́шему пои́м.

Припев: Преподо́бне о́тче Генна́дие, моли́ Бо́га о на́с.

Вся́кое пло́ти умертви́в мудрова́ние,
с ли́ки Безпло́тных водворя́ешися в Небе́сных черто́зех,
преподо́бне Генна́дие.

Припев: Преподо́бне о́тче Генна́дие, моли́ Бо́га о на́с.

Озаре́нный Све́том невече́рним
и Влады́це всех предстоя́,
моли́, о́тче, изба́витися нам от тьмы грехо́вныя.

Сла́ва Отцу́ и Сы́ну и Свято́му Ду́ху.

Ми́ром доброде́телей облагоуха́нныя святы́я мо́щи твоя́, преподо́бне,
блаже́нным безсме́ртием благоуха́я,
источа́ют ве́рным исцеле́ние.

И ны́не и при́сно и во ве́ки веко́в. Ами́нь.

Богородичен: Лю́тыя пло́ти моея́ стра́сти утоли́, Пресвята́я Де́во,
и заблу́ждшаго мя к ти́хому приста́нищу напра́ви.

Песнь 3

Ирмос: Небе́снаго кру́га Верхотво́рче, Го́споди,
и Це́ркве Зижди́телю,
Ты мене́ утверди́ в любви́ Твое́й,
жела́ний кра́ю, ве́рных утвержде́ние,
Еди́не Человеколю́бче.

Припев: Преподо́бне о́тче Генна́дие, моли́ Бо́га о на́с.

По́хоть пло́ти, по́хоть оче́с и го́рдость жите́йскую отри́нув,
яви́лся еси́, Генна́дие, сосу́д че́стен, Влады́це благопотре́бен.

Припев: Преподо́бне о́тче Генна́дие, моли́ Бо́га о на́с.

Вери́гами желе́зными, посто́м и бде́нием
отягчи́л еси́, о́тче, бре́нную, вку́пе же и многомяте́жную плоть,
да ду́шу свободи́ши от лю́тости страсте́й.

Сла́ва Отцу́ и Сы́ну и Свято́му Ду́ху.

Я́звы Го́спода на те́ле свое́м носи́в и стопа́м Его́ после́довав,
воше́л еси́ и в ра́дость Его́,
я́ко благи́й и ве́рный раб.

И ны́не и при́сно и во ве́ки веко́в. Ами́нь.

Богородичен: Пресла́вная Ма́ти Де́во Богоро́дице,
во утро́бе име́в Преве́чнаго Бо́га,
вознеси́ к Нему́ моли́твы на́ша, я́ко Блага́я Хода́таица.

Седален, глас 8

Уподо́бился еси́ купцу́, и́щущему би́сера многоце́ннаго,
оста́вль бо кров о́тчий
и вменя́я вся тщету́ бы́ти, да Христа́ приобря́щеши,
Тому́ после́довал еси́,
Его́ ра́ди стра́сти и озлобле́ния претерпе́л еси́,
с Ни́мже и прославля́ешися днесь, о́тче Богому́дре.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Мно́гими скорбьми́ и напа́стьми от враг ви́димых и неви́димых вы́ну обдержи́ми су́ще,
к Тебе́, Ма́ти Бо́жия, притека́юще, мо́лимся:
не отри́ни нас, на Тя упова́ющих.

Песнь 4

Ирмос: Услы́шах, Го́споди,
смотре́ния Твоего́ та́инство,
разуме́х дела́ Твоя́
и просла́вих Твое́ Божество́.

Припев: Преподо́бне о́тче Генна́дие, моли́ Бо́га о на́с.

Очи́стив себе́ от вся́кия скве́рны пло́ти и ду́ха,
храм Бо́жий был еси́ на земли́,
по успе́нии же твое́м во хра́ме невече́рния сла́вы предстои́ши Го́споду.

Припев: Преподо́бне о́тче Генна́дие, моли́ Бо́га о на́с.

На всяк день и час моля́ся,
тружда́яся и при́сно рабо́тая Го́споду,
пребы́л еси́ непоколеби́м, я́ко утвержде́нный на ка́мени за́поведей Госпо́дних.

Сла́ва Отцу́ и Сы́ну и Свято́му Ду́ху.

Сла́вим Отца́, Сы́на и Свята́го Ду́ха – Бо́га,
да́рующаго благода́ть святы́м Свои́м
и тех моли́твами избавля́ющаго нас от лю́тых обстоя́ний.

И ны́не и при́сно и во ве́ки веко́в. Ами́нь.

Богородичен: Влады́чице, прии́ми моли́твы на Тя наде́ющихся:
Твои́ бо есмы рабы́, да не постыди́мся.

Песнь 5

Ирмос: Просвети́ нас повеле́нии Твои́ми, Го́споди,
и мы́шцею Твое́ю высо́кою
Твой мир пода́ждь нам,
Человеколю́бче.

Припев: Преподо́бне о́тче Генна́дие, моли́ Бо́га о на́с.

От ю́га в се́верныя страны́ прите́кл еси́, преподо́бне,
горя́ любо́вию Боже́ственною,
ея́же пла́менем наве́ты вра́жия, я́ко бы́лие травно́е, сожго́шася.

Припев: Преподо́бне о́тче Генна́дие, моли́ Бо́га о на́с.

Гра́де Могиле́ве, ра́дуйся!
Ты бо произрасти́л еси́ благода́тный клас,
и́мже процвете́ пусты́ня Любимогра́дская
и сла́вою его́ возвели́чися.

Сла́ва Отцу́ и Сы́ну и Свято́му Ду́ху.

Ве́рнии, прииди́те, ублажи́м преподо́бнаго отца́ на́шего Генна́дия,
прозорли́вец бо и чудотво́рец в жити́и быв,
по сме́рти источа́ет исцеле́ния от святы́х моще́й свои́х.

И ны́не и при́сно и во ве́ки веко́в. Ами́нь.

Богородичен: Богода́нный души́ моея́ свети́льник угаси́х
и све́та стезе́й Госпо́дних не уве́дех,
оба́че, Ма́ти Све́та!
из мра́ка грехо́внаго вопию́:
озари́ мя, омраче́ннаго, и заблу́ждшаго напра́ви ко приста́нищу спасе́ния.

Песнь 6

Ирмос: Моли́тву пролию́ ко Го́споду
и Тому́ возвещу́ печа́ли моя́,
я́ко зол душа́ моя́ испо́лнися
и живо́т мой а́ду прибли́жися,
и молю́ся, я́ко Ио́на:
от тли, Бо́же, возведи́ мя.

Припев: Преподо́бне о́тче Генна́дие, моли́ Бо́га о на́с.

Е́зеро Су́рское!
Во́ды твои́ да воспле́щут днесь, я́ко в имени́тый день пра́здника,
со струя́ми бо твои́ми слия́стася умиле́нныя сле́зы,
и́миже пла́кася преподо́бный Генна́дий,
призыва́я благослове́ние держа́ве Росси́йстей и сыново́м ея́.

Припев: Преподо́бне о́тче Генна́дие, моли́ Бо́га о на́с.

Кладенцы́, иско́паннии преподо́бным,
и́не вся рук его́ тружде́ния,
да науча́т нас, ка́ко подоба́ет умерщвля́ти плоть,
рабо́тая при́сно Го́сподеви.

Сла́ва Отцу́ и Сы́ну и Свято́му Ду́ху.

Я́звы Го́спода Иису́са и Крест Его́, я́ко вене́ц злат, с ра́достию прии́м,
услы́шал еси́, преподо́бне, вожделе́нный глас:
до́брый ра́бе, благи́й и ве́рный, вни́ди в ра́дость Го́спода твоего́.

И ны́не и при́сно и во ве́ки веко́в. Ами́нь.

Богородичен: Богода́нный души́ моея́ свети́льник угаси́х,
и тьма обы́де мя, окая́ннаго,
оба́че к Тебе́ зову́, Ма́ти Све́та:
озари́ ду́шу мою́ омраче́нную и спаси́ мя.

Кондак, глас 3

Моли́твою и посто́м, тружде́нием и терпе́нием
умертви́вый вся́кое пло́ти мудрова́ние,
чистоты́ сосу́д благоле́пен,
Боже́ственных даро́в и чуде́с прича́стник,
и́ноком же до́блий наста́вник был еси́,
сподвиза́яся блаже́нному Корни́лию, о́тче Богому́дре.
Сего́ ра́ди вопие́м:
моли́ся ко Го́споду,
да моли́твами твои́ми дару́ет мир и спасе́ние душа́м на́шим.

Икос

Свети́льник нога́ма твои́ма положи́вый зако́н Госпо́день
и свет стезя́м твои́м,
се́рдце же утверди́вый на ка́мени ве́ры,
в не́йже стоя́ и хваля́ся упова́нием сла́вы Бо́жия,
избе́гл еси́ жите́йския тли, преподо́бне,
и, ко све́ту Ца́рствия Бо́жия упра́влен сый,
призира́еши на ны, моля́ся ко Го́споду,
да обря́щемся сына́ми Све́та
и Ца́рствие Его́ насле́дити сподо́бимся.

Песнь 7

Ирмос: От Иуде́и доше́дше, о́троцы
в Вавило́не иногда́
ве́рою Тро́йческою пла́мень пе́щный попра́ша, пою́ще:
о́тцев Бо́же, благослове́н еси́.

Припев: Преподо́бне о́тче Генна́дие, моли́ Бо́га о на́с.

О́тче Генна́дие, с дру́гом твои́м Фео́дором прише́л еси́ к преподо́бному Алекса́ндру,
и́же до́блестно на Сви́ре реце́ подвиза́ся,
и того́ житию́ поревнова́л еси́.

Припев: Преподо́бне о́тче Генна́дие, моли́ Бо́га о на́с.

Семена́ слове́с прему́дрости Бо́жия прия́в в се́рдце свое́ от преподо́бнаго Корни́лия,
возрасти́л еси́ я, о́тче Генна́дие, в дре́во благосенноли́ственное,
я́ко приити́ к тебе́ со́нму и́ноков и вита́ти, благогове́нствуя,
под се́нию благода́ти, я́же в тебе́.

Сла́ва Отцу́ и Сы́ну и Свято́му Ду́ху.

Ликовству́я днесь, принесе́м, ве́рнии, хвалу́ и благодаре́ние Бо́гови,
нетле́нием просла́вившему уго́дника Своего́
и дарова́вшему ему́ благода́ть исцеле́ний.

И ны́не и при́сно и во ве́ки веко́в. Ами́нь.

Богородичен: Вы́шняго освяще́нное Боже́ственное селе́ние, ра́дуйся,
Тобо́ю бо даде́ся ра́дость, Богоро́дице, зову́щим:
Благослове́на Ты в жена́х еси́, Всенепоро́чная Влады́чице.

Песнь 8

Ирмос: Царя́ Небе́снаго,
Его́же пою́т во́и А́нгельстии,
хвали́те и превозноси́те во вся ве́ки.

Припев: Преподо́бне о́тче Генна́дие, моли́ Бо́га о на́с.

Царя́ Небе́снаго ве́рный ра́бе!
Тому́ порабо́тал еси́, подвиза́яся по́двигом до́брым,
Того́ ра́ди вся претерпе́л еси́,
да насле́диши обетова́ния жи́зни ве́чныя.

Припев: Преподо́бне о́тче Генна́дие, моли́ Бо́га о на́с.

Моли́ся и о нас, преподо́бне,
да благоче́стно пожи́вше и Бо́гови благоугоди́вше,
прича́стницы бу́дем жи́зни ве́чныя.

Сла́ва Отцу́ и Сы́ну и Свято́му Ду́ху.

Не челове́ческую, а Бо́жию возлюби́л еси́ сла́ву, о́тче Генна́дие,
сего́ ра́ди Бог тя просла́ви,
да́руя тобо́ю по́мощь и спасе́ние притека́ющим к тебе́ с ве́рою.

И ны́не и при́сно и во ве́ки веко́в. Ами́нь.

Богородичен: Досто́йно есть блажи́ти Тя, Богоро́дице:
Благослове́на Ты в жена́х
и благослове́н Плод чре́ва Твоего́.

Песнь 9

Ирмос: Вои́стинну Богоро́дицу,
Тя испове́дуем,
спасе́ннии Тобо́ю, Де́во Чи́стая,
с Безпло́тными ли́ки Тя велича́юще.

Припев: Преподо́бне о́тче Генна́дие, моли́ Бо́га о на́с.

Воспомина́юще подви́жничество твое́, преподо́бне Генна́дие,
честно́е успе́ние твое́ и зна́мения, я́же соде́я Госпо́дь руко́ю твое́ю,
со умиле́нием глаго́лем:
вои́стинну ди́вен Бог во святы́х Свои́х.

Припев: Преподо́бне о́тче Генна́дие, моли́ Бо́га о на́с.

Да весели́тся пусты́ня Любимогра́дская,
во́ды Су́рския да воспле́щут:
та́мо бо просия́ ди́вный уго́дник Бо́жий.

Сла́ва Отцу́ и Сы́ну и Свято́му Ду́ху.

Сла́вна и всехва́льна па́мять твоя́, о́тче Генна́дие,
сла́вою бо, я́же от Отца́, Сы́на и Свята́го Ду́ха, просла́влен еси́.

И ны́не и при́сно и во ве́ки веко́в. Ами́нь.

Богородичен: Ма́ти Бо́жия!
ника́коже по достоя́нию мо́жем восхвали́ти Тя.
Оба́че Блага́я су́щи, приими́ моли́тву рабо́в Твои́х
и принеси́ Сы́ну Твоему́ и Бо́гу на́шему, да спасе́т ду́ши на́ша.

Светилен

Я́ко заря́ у́тренняя
и я́ко луна́ полна́ во днех свои́х, был еси́, преподо́бне, в житии́ сем,
горя́ ре́вностию, я́же по Бо́зе,
богате́я святы́ми де́лы и словесы́ благи́ми.
Те́мже мо́лимся:
не забу́ди чту́щих святу́ю па́мять твою́
и моли́ся ко Го́споду спасти́ и просвети́ти ду́ши на́ша.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Дивя́щеся непостижи́мому та́инству вочелове́чения Бо́га Сло́ва,
Тя, Богоро́дицу, немо́лчно велича́ем,
я́ко Сла́внейшую во́инств Небе́сных
и при́сную Хода́таицу ро́да христиа́нскаго.

Акафист преподобному Геннадию Могилёвскому (Костромскому и Любимоградскому) чудотворцу

Кондак 1

Избранный измлада Господу работати, подвизався добрым подвигом веры, течение твое доблестно скончал еси. Водворяяся же днесь в Небесных Селениих, молися еже избавитися нам от лютых обстояний, от всех зол и напастей, да зовем ти:

Радуйся, Геннадие, теплый наш к Богу молитвенниче и чудотворче.

Икос 1

Ангельскому житию восхотев подражати, измлада явился еси тщаливейший в дому Божием делатель, нося в сердцы законы и оправдания Его. Сего ради радостно вопием ти:

Радуйся, всякое мудрование плоти умертвивый.

Радуйся, еще от пелен путь истины познавый.

Радуйся, презревый вся суетная блага мира, Господа ради.

Радуйся, всею душею Богови прилепивыйся.

Радуйся, воине Царя Небеснаго.

Радуйся, подвигом добрым подвизавыйся пред Ним.

Радуйся, благая отрасле благаго корене.

Радуйся, светильниче страны Любимоградския.

Радуйся, Геннадие, теплый наш к Богу молитвенниче и чудотворче.

Кондак 2

Видяще тя приснии еще юна зело, не отходяща от церкви, и пребывающа в посте и молитве, тщахуся ослабити духовный подвиг твой. Ты же, от юности твоея, вдавый сердце Богови, пребыл еси непоколебимь, духом горя, Господеви работая и воспевая: Аллилуиа.

Икос 2

Разум, исходяй от Отца светов, яко бисер драгий обрет, тем озаряемь, всяку мглу греховную далече отгнал еси от себе; управляемь же сый, яко путеводною звездою, в пустыню, сподобился еси очима твоима зрети труды и подвиги Корнилиа и внимати словесем мудрости его. Мы же восхваляюще тя вопием сице:

Радуйся, лучами Божия мудрости озаренный.

Радуйся, благодатною силою во всяцем деле блазе утвержденный.

Радуйся, похоть плоти, похоть очес и гордость житейскую низложивый.

Радуйся, некрадомое добродетелей сокровище стяжавый.

Радуйся, пустыню облагоухавый дел твоих добротою.

Радуйся, заблудших на путь заповедей и оправданий Господних наставивый.

Радуйся, иноком давый образ кротости и смиренномудрия.

Радуйся, обитель твою молитвами твоими ограждаяй и спасаяй.

Радуйся, Любима града прибежище и радование.

Радуйся, помощниче притекающих к тебе с верою.

Радуйся, Геннадие, теплый наш к Богу молитвенниче и чудотворче.

Кондак 3

Силою, данною ти свыше, в пустынях подвизаяся, аще и многи напасти и озлобления от враг видимых и невидимых претерпел еси; обаче та вся доблестно победил еси, и козни их разрушил еси, воспевая к Богу: Аллилуиа.

Икос 3

Имея от юности твоея всажден в сердцы твоем страх Божий, не дал сна очима твоима, и веждома твоима дремания, дондеже обрел еси в пустыни Любимоградской, при водах Сурских, место Господеви, селение Богу Иаковлю, и рекл еси: се покой мой во век века, зде вселюся, яко изволих и. Мы, чудящеся всеблагому о тебе Божию смотрению, вопием ти:

Радуйся, яко измлада познал и всею душею твоею возлюбил еси Отца Небеснаго.

Радуйся, яко вся суетная и тленная презрел еси.

Радуйся, яко вся земная, уметы быти вменил еси, взыскуя Иерусалима Горняго.

Радуйся, яко изволил еси подъяти всяко поношение паче, нежели вкушати временную греха сладость.

Радуйся, яко скорбьми многими вшел еси в радость Господа твоего.

Радуйся, яко странник и пришлец сый, создал еси дом Божий, храм Господеви, в немже от лет многих призвася святое имя Его.

Радуйся, вод Сурских ликование.

Радуйся, града Любима ограждение.

Радуйся, Костромских предел благолепное украшение.

Радуйся, Геннадие, теплый наш к Богу молитвенниче и чудотворче.

Кондак 4

Бурю злоречия, клевет и шептания, по действу змия древнаго, исконнаго отца лжи, окаяннии воздвигоша на тя в обители доблестнаго Корнилиа. Обаче Господь, ведый избавляти и утешати преподобныя своя, обрати студ на главу враг твоих; тебе же на широту изведе, и постави на пространстве нозе твои, Емуже принося жертву хвалы и благодарения, вопиял еси выну: Аллилуиа.

Икос 4

Слышаша ближнии и дальнии, от днепровских до волжских стран о богоугодном житии твоем, твои подвизех и терпении мнозем; град же Москва, в пришествие твое с Серапионом и Уаром, чудящеся, из уст твоих прияша проречение, егда рекл еси непорочной, яко агницы сущей Анастасии: ты еси розга прекрасная, венцем царским будеши благоукрашена; еже и сбыстся во время свое. Хваляще Бога, давшаго ти дар прозрения, вопием:

Радуйся, духа пророчества богомудренным житием стяжавый.

Радуйся, благодатию душу свою ожививый и чистотою возвысивый ю.

Радуйся, сбытием пророчества обрадовавший царство православное.

Радуйся, яко рукою благочестивой Анастасии утрошася слезы многих.

Радуйся, яко царица суще, державцу Русския земли славу во благочестном жителстве приумножи.

Радуйся, яко отложив во успении венец тленный, сподобился еси прияти венец славы нескончаемыя.

Радуйся, яко и мнозем женам, сущым в болезни и скорбех, помощь и утешение подавал еси.

Радуйся, яко и немощнии младенцы не отщетишася от твоея помощи, на цельбу и возраста преспеяние от святыя раки твоея получиша.

Радуйся, яко и всем притекающым ко гробу твоему скорый являешися помощник.

Радуйся, Геннадие, теплый наш к Богу молитвенниче и чудотворче.

Кондак 5

Боготечной уподобився звезде, притекл еси от юга во страны севера; и лучами добродетелей твоих озарив пустыню любимоградскую, научал еси, отче, исповедатися Богу Небесному и пети имени Его, зовуще: Аллилуиа.

Икос 5

Видя благодать яже в тебе и дар Святаго Духа, царь Иоанн изволи, да и чада его твоею рукою, преподобне, обновляются в пакибытие. Мы же славяще Бога, возносящаго смиренных сердцем, и венчающаго их милостию и щедротами, взываем:

Радуйся, Геннадие, яко старцы и послуша тя и мудрии в совет твой внидоша.

Радуйся, яко и пред цари глаголал еси о судьбах и оправданиих Господних.

Радуйся, яко слово твое бысть выну во благодати, солию растворенно.

Радуйся, яко николиже слово праздно и гнило изыде из уст твоих, паче же вся бяху к назиданию верных.

Радуйся, яко был еси сосуд в честь, освящен, благопотребен Владыце.

Радуйся, яко соблюл еси таинство веры в чистой совести.

Радуйся, яко пребыл еси во истине благовествования.

Радуйся, яко ангелу благовестнику уподобился еси, предрек славу Анастасии, о нейже возвеселишася богатии и убозии.

Радуйся, Геннадие, теплый наш к Богу молитвенниче и чудотворче.

Кондак 6

Пустынножительствовавый на Свире реце преподобный Александр, радостно прият тя с содругом твоим Феодором, и прозорливец сый, предпоказа в тебе благаго и мудраго иночествующым вождя и наставника. Слышавшии таковая проречения, прославиша Господа, глаголюще: Аллилуиа.

Икос 6

Возсия, яко звезда утренняя, и яко луна полна во днех своих, слава подвигов, труждения и терпения твоего; пустыня бо возвести о тебе, и добродетели твоя окрест живущым поведа. Сего ради якоже они, такожде и мы благодаряще Бога, вопием ти:

Радуйся, презревый славу мира, ища Божия славы.

Радуйся, сбытие пророчества, еже о тебе, добре показавый.

Радуйся, явивыйся присный ревнователь преподобным Александру и Корнилию.

Радуйся, среди житейских обуреваний обретый тихое пристанище.

Радуйся, пустыню и езеро освятивый ангелоподобным жителством твоим.

Радуйся, положивый основание твердо обители твоей, и молитвами твоими оградивый ю.

Радуйся, образ честнаго жителства иноком собою давый.

Радуйся, словом и делом наказавый буия и строптивыя.

Радуйся, заблудших наставниче и всех притекающих к тебе скорый помощниче.

Радуйся, Геннадие, теплый наш к Богу молитвенниче и чудотворче.

Кондак 7

Прославити хотя пустыню непроходную и просветити сидящыя во тме и сени смертней, всеблагий Бог, державным манием Василиа Иоанновича указует ти место, да созиждеши олтарь Богови и селение исповедающым имя святое Его. Ты же, Господу споспешествующу, сия соделав, с сонмом подвижников и со всеми, иже видеша благословение на делех рук твоих, воспел еси: Аллилуиа.

Икос 7

Новый и дивный злочестия обличитель явился еси, преподобне, егда святотатственную простершаго ко олтарю руку, разслаблением наказл еси; егда же исповеда грех свой пред тобою, и в раскаяние прииде, того благодатною силою исцелил еси, и на путь спасения наставил еси. Сего ради память твою, угодниче Божий, чествующе, зовем ти сице:

Радуйся, злочестия обличителю.

Радуйся, кающихся во гресех своих утешителю.

Радуйся, заблудших наставниче.

Радуйся, молитвами твоими подаваяй исцеление телесное, вкупе же и душевное.

Радуйся, заступничеством твоим низлагаяй демонская возстания.

Радуйся, благодатию яже в тебе подаваяй силы к животу и благочестию.

Радуйся, свыше данною ти премудростию умудряяй неразумныя.

Радуйся, яко всем притекающым к тебе с верою, присно подаеши утешение и радование.

Радуйся, Геннадие, теплый наш к Богу молитвенниче и чудотворче.

Кондак 8

Странное чудо явися, егда немоществующий болярин Борис, прияв с благоговением посох от руки твоея, преподобне, здрав бысть. Иерей же Василий, гордостно презрев приятый от преподобнаго дар, и поверг оный, тяжко искушен бысть. Познав же грех свой, и принес покаяние Богу, прослави правду Его, и угодника Его, вопия: Аллилуиа.

Икос 8

Весь ум вперив в горняя, единаго, искупльшаго нас Господа возлюбил еси, Тому последовал еси и Того язвы на теле своем носил еси, с Нимже и прославляешися днесь. Сего ради восхваляем тя:

Радуйся, обретый премудрость, юже никтоже от князей века сего разуме.

Радуйся, не духа мира сего приявый, но Духа Иже от Бога.

Радуйся, верою уразумевый тайны судеб Божиих.

Радуйся, показавый веру твою не в мудрости человечестей, но в силе Божией.

Радуйся, яко Града Небеснаго взыскал еси.

Радуйся, яко к Иерусалиму Небесному востекл еси.

Радуйся, яко на вечерю брака Агнча зван еси.

Радуйся, не к тому себе пожив, но Богови, днесь во Царствии Его вселяешися.

Радуйся, Геннадие, теплый наш к Богу молитвенниче и чудотворче.

Кондак 9

Всякими духовными даровании украшен, всякия цельбы податель явился еси, блаженне. Темже хваляще и благодаряще Бога, вопием: Аллилуиа.

Икос 9

Витии немотствоваху и мудрии века сего изумевахуся, видяще, како бесный, люте страждай, и путы железными связан сый, пред гробом твоим, преподобне, абие исцеле и воздаде хвалу Богови, дивному во святых Своих. Таяжде творяще, и мы глаголем:

Радуйся, силы многи сотворивый.

Радуйся, демонская сопротивувостания ни во что же вменивый.

Радуйся, обдержимых лютыми недугами уврачевавый.

Радуйся, безутешным утешение и радость о Господе подавый.

Радуйся, омраченных умом в разум истины приведый.

Радуйся, от сердечнаго окаменения и нечестия многих обративый к Богу.

Радуйся, яко немощствующым духом и телом простерл еси руку помощи.

Радуйся, яко безнадежных и отчаянных сущих, утвердил еси во уповании на Бога жива и истинна.

Радуйся, Геннадие, теплый наш к Богу молитвенниче и чудотворче.

Кондак 10

Спасения иский, яко бисера многоценнаго, и к Богу душею возжадав, якоже елень на источники водныя, ничтоже земное в себе

помышлял еси; работая же Господеви со страхом и радуяся пред Ним с трепетом, сподобился еси, блаженне, с лики

избранных предстояти Престолу Царя славы, и присно воспевати: Аллилуиа.

Икос 10

Стена и прибежище был еси, Геннадие, в веце сем: в пустыню бо, в ней же восхотел еси водворитися, к тебе притекаху славнии земли, богатии и убози, вожделевающе, да приимут от руки твоея благословение, да слово уст твоих утешит, и молитва твоя оградит их от враг видимых и невидимых; и мы такожде, притекающе верою к раце твоей, и моляще о заступлении нас грешных и неключимых раб, вопием:

Радуйся, яко страстей возстание победил еси.

Радуйся, яко призывающих тя предварил еси в день озлобления.

Радуйся, яко потопляемых напастей бурею, изхитил еси из пучины зол.

Радуйся, яко влаемых волнами житейских попечений, к тихому пристанищу управил еси.

Радуйся, ищущих Царствия Небеснаго и правды его, молитвами твоими утверждаяй на камени заповедей Господних.

Радуйся, обители твоея столпе и утверждение.

Радуйся, подвизающихся во благочестии неусыпный спомощниче.

Радуйся, покаянныя слезы проливающих ко Господу сомолитвенниче.

Радуйся, Геннадие, теплый наш к Богу молитвенниче и чудотворче.

Кондак 11

Пения и славословия, подвиги и молитвенныя труждения, паче же всего себе принесл еси, преподобне, в жертву живу, святу, благоугодну Богови. Сего ради, стяжав блаженное безсмертие, в чертозе Царя славы, с тмами тем безплотных сил ликовствуя, воспеваеши: Аллилуиа.

Икос 11

Светозарной звезде уподобився, от Могилева града, от предел днепровских, аможе первии возсияша, посреде идольскаго нечестия, лучи благодатныя веры, притекл еси, да и во мраце пустыни костромския узрят людие славу Божию и чудеса Его поведят. Сия убо зрим ныне, и славяще Бога, глаголем:

Радуйся, напоивый себе струями вод благодатных.

Радуйся, утвердивый себе в вере, еюже просветися равноапостольный великий князь Владимир.

Радуйся, осиянный благословением святыя Афонския горы, почивающим на обители печерских чудотворцев.

Радуйся, их житию подражавый.

Радуйся, яко оставль богатство и славу дома отчаго, пустыню возлюбил еси.

Радуйся, яко хлад и зной и всяку тяготу понесл еси.

Радуйся, яко поругания и озлобления, Господа ради, претерпел еси.

Радуйся, яко в терпении мнозе стяжав душу свою, живот вечный наследовал еси.

Радуйся, Геннадие, теплый наш к Богу молитвенниче и чудотворче.

Кондак 12

Благодать и силу данную ти от Бога, еже целити немощствующыя духом, немощствующыя телом, еже спасати погибающих и избавляти от лютых обстояний, даяти же даяния благая, с верою и любовию притекающым к тебе; знаменьми и чудесы научени суще, свемы. Темже молимся ти, преподобне, молися о нас, яко скорбьми паче же многими грехми обдержими есмы выну, да ходатайством твоим улучивше спасение, воспоем Господеви: Аллилуиа.

Икос 12

Поюще и превозносяще Бога, дивнаго во святых своих, благолепно чествуем святую память твою, угодниче; еще бо во днех плоти твоея чудодейственныя благодати был еси причастник; по блаженном успении твоем наследствуя с лики святых вечную жизнь, молиши о чтущих тя. Сего ради вопием:

Радуйся, прославивый Бога в души и телеси своем.

Радуйся, яко славы от человек не приял еси, слава же Господня осия тя.

Радуйся, яко обитая в Небесных селених, не оставляеши нас ходатайством твоим.

Радуйся, яко надеющеся на тя, возсылаем молитвы нашя и тобою хвалимся.

Радуйся, яко надежда притекающих к раце твоей с верою, николиже посрамися.

Радуйся, яко старцы и младенцы возрадовашася о тебе.

Радуйся, яко присный хранитель еси Любимоградския страны, сподобльшияся хранити святыя мощи твоя.

Радуйся, яко память твоя во благословении и чудеса твоя возвещаются в роды родов.

Радуйся, Геннадие, теплый наш к Богу молитвенниче и чудотворче.

Кондак 13

О святче Божий и чудотворче, преподобне Геннадие! Приими молитвы и благохваления наша, приносимыя тебе днесь, по достоянию, и не забуди нас притекающих к тебе, и ищущих помощи твоея и заступления. Паче же буди ходатай наш пред Богом; да отбегше нечестия, и избавльшеся от всякаго злаго обстояния, сподобимся наследити Царство Небесное, и тамо с лики святых, славити Отца и Сына и Святаго Духа, и во вся веки воспевати пред Ним: Аллилуиа.

[Се́й конда́к глаго́лется три́жды.]

Икос 1

Ангельскому житию восхотев подражати, измлада явился еси тщаливейший в дому Божием делатель, нося в сердцы законы и оправдания Его. Сего ради радостно вопием ти:

Радуйся, всякое мудрование плоти умертвивый.

Радуйся, еще от пелен путь истины познавый.

Радуйся, презревый вся суетная блага мира, Господа ради.

Радуйся, всею душею Богови прилепивыйся.

Радуйся, воине Царя Небеснаго.

Радуйся, подвигом добрым подвизавыйся пред Ним.

Радуйся, благая отрасле благаго корене.

Радуйся, светильниче страны Любимоградския.

Радуйся, Геннадие, теплый наш к Богу молитвенниче и чудотворче.

Кондак 1

Избранный измлада Господу работати, подвизався добрым подвигом веры, течение твое доблестно скончал еси. Водворяяся же днесь в Небесных Селениих, молися еже избавитися нам от лютых обстояний, от всех зол и напастей, да зовем ти:

Радуйся, Геннадие, теплый наш к Богу молитвенниче и чудотворче.

Молитва преподобному Геннадию, Костромскому и Любимоградскому чудотворцу

Избранниче Божий и чудотворче, преподобный отче Геннадие! От юности твоея исполнен сый духа премудрости и разума, духа благочестия и страха Господня, и приим вся оружия Божия, препоясав чресла твоя истиною, оболкся в броню правды и обув нозе во уготование благовествования мира, над всеми же восприим щит веры, возмогл еси, яко добр воин Христов, вся стрелы лукаваго разжженыя угасити. Сего ради, водворяяся днесь, с лики безплотных сил, в обителех Отца Небеснаго, неувядаемым венцем увязен еси; и предстоя Престолу Царя славы Господа сил, имаши дерзновение возносити к Нему моления и благохваления твоя. Мы же окаяннии, возводяще из глубины зол очи и сердца наша к горнему Сиону, жилищу Бога Иаковля, молим тя, преподобне Геннадие: буди заступник и ходатай наш пред Богом и Господем нашим, Судиею праведнейшим, Егоже выну прогневляем, согрешающе пред Ним. И якоже во дни плоти своея, дивная и преславная совершил еси, отче всехвальне, тако и ныне прешед от нас в обители Отца Небеснаго удиви ходатайством своим милость Господню на нас. Да отбегше нечестия и мирских похотей, Богови же благоугодивше, обрящем помощь Его во время благопотребно, и благословение на ны и на дела рук наших, и да сподобит нас наследити Царство Небесное, и с лики святых славити и воспевати пречестное и великолепое имя Отца и Сына и Святаго Духа, ныне и присно, и во веки веков. Аминь.