Православный Мир
Житие
Ап. Андрей Первозванный († 62), брат ап. Петра, был рыбаком из Галилеи. Первым последовал за Христом, приведя к Нему и св. Петра. После Пятидесятницы проповедовал в Малой Азии, Фракии, Македонии, прошел Крым, Причерноморье, дошел до поселений славян, где был основан Новгород. В городе Патры, у Коринфского залива, апостол совершал многие чудеса, но правитель Эгеат приказал его распять. Два дня апостол проповедовал с креста, а перед смертью озарился небесным светом. Мощи его позже перенесли в Константинополь и положили в храме Св. Апостолов рядом с мощами св. евангелиста Луки и ученика ап. Павла – ап. Тимофея.
Краткое житие апостола Андрея Первозванного
Апостол Андрей Первозванный был родом из Галилеи. Эта северная часть Святой Земли отличалась плодородием и живописностью, а жители ее – добродушием и гостеприимством. Галилеяне легко уживались с греками, во множестве населявшими их страну, многие говорили по-гречески и даже носили греческие имена. Имя Андрей – греческое и в переводе значит «мужественный».
Когда Иоанн Креститель начал проповедовать на берегах Иордана, Андрей вместе с Иоанном Зеведеевым (происходившим с ним из одного города – Вифсаиды) последовал за пророком, надеясь в его учении найти ответ на свои духовные вопросы. Многие начали думать, что, может быть, Иоанн Креститель и есть ожидаемый Мессия, но он объяснил людям, что он не Мессия, а послан только приготовить Ему путь. В то время Господь Иисус Христос пришел к Иоанну Крестителю на Иордан для Крещения, и тот, указывая на Господа, сказал своим ученикам: «Вот Агнец Божий, Который берет на себя грехи мира». Услышав это, Андрей с Иоанном последовали за Иисусом. Господь, увидев их, спросил: «Что вам надобно?» Они сказали: «Равви (Учитель), где Ты живешь?» – «Пойдите и увидите», – ответил Иисус, и с того времени они стали Его учениками. В этот же день апостол Андрей пошел к своему брату Симону Петру и сказал ему: «Мы нашли Мессию». Так Петр присоединился к ученикам Христовым.
Однако апостолы не сразу всецело посвятили себя апостольскому званию. Из Евангелия мы знаем, что братья Андрей и Симон Петр и братья Иоанн и Иаков должны были на какое-то время вернуться к своим семьям и заняться своей обычной работой – рыбной ловлей. Несколько месяцев спустя Господь, проходя мимо Галилейского озера и увидев их ловящими рыбу, сказал: «Идите за Мной, и Я сделаю вас ловцами человеков». Тогда они оставили свои лодки и сети и с того дня стали неотлучными учениками Христовыми.
После Сошествия Святого Духа на апостолов святой Андрей отправился с проповедью Слова Божия в восточные страны. Прошел Малую Азию, Фракию, Македонию, дошел до Дуная, прошел побережье Черного моря, Крым, Причерноморье и по Днепру поднялся до места, где стоит теперь город Киев. Здесь он останавливался у Киевских гор на ночлег. Встав утром, он сказал бывшим с ним ученикам: «Видите ли горы эти? На этих горах воссияет благодать Божия, будет великий город, и Бог воздвигнет много церквей». Апостол поднялся на горы, благословил их и водрузил крест. Помолившись, он поднялся еще выше по Днепру и дошел до поселений славян, где был основан Новгород. Отсюда апостол прошел через земли варягов в Рим для проповеди и вновь вернулся во Фракию, где в небольшом селении Византии, будущем могучем Константинополе, основал христианскую Церковь. Имя святого апостола Андрея связывает мать – Церковь Константинопольскую с ее дочерью – Русской Церковью.
На своем пути Первозванный апостол претерпел много печалей и мук от язычников: его изгоняли из городов, избивали. В Синопе его побили камнями, но, оставшись невредимым, верный ученик Христов неустанно нес людям проповедь о Спасителе. По молитвам апостола Господь совершал чудеса. Трудами святого апостола Андрея возникали христианские Церкви, которым он ставил епископов и священство. Последним городом, куда пришел Первозванный апостол и где ему суждено было принять мученическую кончину, был город Патры, расположенный у Коринфского залива.
Многие чудеса Господь явил через ученика Своего в городе Патры. Недужные исцелялись, слепые прозревали. По молитве апостола выздоровел тяжело больной Сосий, знатный горожанин; наложением апостольских рук исцелилась Максимилла, жена правителя Патрского, и его брат Стратоклий. Совершённые апостолом чудеса и его пламенное слово просветили истинной верой почти всех граждан города Патры. Немного оставалось язычников в Патрах, среди них был правитель города Эгеат. Апостол Андрей не раз обращался к нему со словами Благовестия. Но даже чудеса апостола не вразумляли Эгеата. Святой апостол с любовью и смирением взывал к его душе, стремясь открыть ему христианскую тайну вечной жизни, чудотворную силу Святого Креста Господня. Разгневанный Эгеат приказал распять апостола. Язычник думал опорочить проповедь святого Андрея, если предаст его смерти на кресте, который прославлял апостол. С радостью принял святой Андрей Первозванный решение правителя и с молитвой ко Господу сам взошел на место казни. Чтобы продлить мучения апостола, Эгеат приказал не прибивать руки и ноги святого, а привязать их ко кресту. Два дня апостол с креста учил собравшихся вокруг горожан. Люди, слушавшие его, всей душой сострадали ему и потребовали снять святого апостола с креста. Испугавшись народного возмущения, Эгеат приказал прекратить казнь. Но святой апостол стал молиться, чтобы Господь удостоил его крестной смерти. Как ни пытались воины снять апостола Андрея, руки им не повиновались. Распятый апостол, воздав Богу хвалу, произнес: «Господи, Иисусе Христе, приими дух мой». Тогда яркое сияние Божественного света осветило крест и распятого на нем мученика. Когда сияние исчезло, святой апостол Андрей Первозванный уже предал свою святую душу Господу († 62). Максимилла, жена правителя, сняла со креста тело апостола и с честью погребла его.
Несколько столетий спустя, при императоре Константине Великом, мощи святого апостола Андрея были торжественно перенесены в Константинополь и положены в храме Святых Апостолов рядом с мощами святого евангелиста Луки и ученика апостола Павла – апостола Тимофея.
Русская Церковь, приняв веру из Византии, епископы которой ведут преемство от апостола Андрея, тоже считает себя его преемницей. Вот почему память святого Андрея Первозванного так торжественно почиталась в дореволюционной России. Император Петр I учредил в честь апостола Андрея первый и высший орден, который давался в награду сановникам государства. С петровских времен русский флот сделал своим стягом Андреевский флаг, на белом фоне голубой крест формы X, под сенью которого русские одержали множество побед.
Полное житие апостола Андрея Первозванного
Святой апостол Андрей родился в Вифсаиде и был сыном Ионы и братом святого апостола Петра. Он, как и его брат Петр, занимался ловлей рыбы. В Евангелии от Иоанна говорится, что сначала апостол Андрей был учеником святого Иоанна Крестителя. Возможно, он даже присутствовал при крещении Господа. По призыву Предтечи он пошел за Иисусом: На другой день опять стоял Иоанн и двое из учеников его. И, увидев идущего Иисуса, сказал: вот Агнец Божий. Услышав от него сии слова, оба ученика пошли за Иисусом. Иисус же, обратившись и увидев их идущих, говорит им: что вам надобно? Они сказали Ему: Равви, – что значит: учитель, – где живешь? Говорит им: пойдите и увидите. Они пошли и увидели, где Он живет; и пробыли у Него день тот. Было около десятого часа. Один из двух, слышавших от Иоанна [об Иисусе] и последовавших за Ним, был Андрей, брат Симона Петра. Он первый находит брата своего Симона и говорит ему: мы нашли Мессию, что значит: Христос; и привел его к Иисусу (Ин.1:35-42).
На основании сведений, содержащихся в этом отрывке, апостола Андрея называют Первозванным. В Евангелии от Матфея, Марка и Луки также рассказывается о встрече Господа с Андреем и Симоном Петром на берегу Галилейского моря.
Проходя же близ моря Галилейского, Он увидел двух братьев: Симона, называемого Петром, и Андрея, брата его, закидывающих сети в море, ибо они были рыболовы, и говорит им: идите за Мною, и Я сделаю вас ловцами человеков. (...) И они тотчас, оставив лодку и отца своего, последовали за Ним (Мф.4:18-19,22).
В Евангелии от Иоанна имя апостола Андрея еще раз упоминается в рассказе о чудесном насыщении пятью хлебами и двумя рыбками пяти тысяч человек, пришедших послушать проповедь Христа. Андрей сказал Господу о мальчике, у которого были эти хлебы и рыбки. В Евангелии зачастую Петр с его непосредственностью и прямотой затеняет присутствие Андрея, но вдумчивый читатель видит, что Андрей был одним из ближайших учеников Господа; он до последнего дня своей жизни нес людям благовестие Христово и принял мученическую смерть за свидетельство о вере.
После сошествия Святого Духа в Пятидесятницу, апостолы, помня слова Христа, заповедавшего им нести свидетельство о Нем "до края Земли", бросили жребий, который показал, кому куда идти. Андрею выпало проповедовать Евангелие в городе Византия и во Фракии (территория, занимающая сейчас северо-восточную часть Греции, юг Болгарии и северо-западную часть Турции). Апостол Андрей обратил ко Христу множество людей в разных странах. В Византии он поставил епископом святого Стахия. В дальнейшем апостол Андрей проповедовал в дунайских землях, в странах Причерноморья (нынешняя Украина и юго-запад России). Существует предание, согласно которому он зашел далеко на север, до земель древнего Новгорода. На берегах Днепра он остановился отдохнуть у подножия зеленых холмов нынешнего Киева и сказал ученикам: "Благодать Божия воссияет на этих холмах; здесь будет великий город; Господь воздвигнет здесь множество церквей, и вся Русь будет просвещена Святым Крещением".
Известно также, что апостол Андрей принес Благую Весть в Эпир, что на западе Греции, и на Пелопоннес, где он проповедовал, совершал множество чудес и исцелений и принял смерть за Христа в городе Патры.
Апостол пришел в Патры, и вскоре его исполненная благодатной силы проповедь дала обильный плод: большая часть горожан обратилась ко Христу. По его молитвам недужные и одержимые исцелялись именем Господа Иисуса Христа. В его присутствии люди, имевшие скорби и несчастья, успокаивались и утешались, а христиане укреплялись в вере. У берега моря недалеко от Патр была колония больных проказой, и когда прокаженные услышали проповедь апостола Андрея, они уверовали и получили исцеление. Один из них, человек по имени Иов, последовал за святым и повсюду громко возвещал, сколь велик Бог христиан.
В Патрах жил римский проконсул по имени Эгеат, жена которого, Максимилла, страдала тяжкой болезнью глаз и была уже при смерти. Проконсул не надеялся, что она может поправиться. Кто-то из домашних проконсула, знавший апостола Андрея, умолял его придти и возложить на нее руки. Святой апостол Андрей пришел, помолился о ней, и она тотчас исцелилась. Эгеат, увидев это, принес и положил к ногам Апостола огромную сумму денег, но апостол Андрей ответил: "Наш Господь и Учитель сказал "Даром получили, даром давайте", (Мф.10:8) и, отказавшись от денег, преподал проконсулу основы веры.
Бывшие идолопоклонники – жители Патр – разбивали статуи богов, которым поклонялись в храмах города, и собирали средства для Апостола и его последователей. Св. Андрей по-прежнему отказывался от всех даров, прося раздать их бедным. Богатые жители Патр пожертвовали много денег на церковь.
Вскоре после исцеления Максимиллы проконсул отправился в Рим для встречи с императором Нероном и решил на это время оставить в Патрах вместо себя своего брата Стратокла, известного афинского математика. Стратокл выехал из Афин в Патры, но в пути один из его слуг, которого Стратокл любил, как брата, подвергся нападению бесов – у него без всякой естественной причины начались припадки и приступы дрожи. Слугу показывали врачам, но те ничем не могли помочь, и Стратокл очень горевал. Когда они прибыли в Патры, Максимилла рассказала ему о своем исцелении. Она посоветовала обратиться к Апостолу и просить его молитв. Стратокл призвал апостола Андрея, и Апостол исцелил слугу, после чего и Максимилла, и Стратокл, отрекшись от язычества, приняли крещение. Проконсул возвратился из Рима, но чудеса исцеления в его собственной семье не подвигли его отвергнуться языческих богов, поскольку его должность не позволяла ему отказаться от идолопоклонства. После долгих попыток обратить его, Максимила заявила, что если он предпочитает оставаться язычником, она не может больше жить с ним как жена.
Эгеат, разгневавшись, приказал бросить апостола Андрея в дворцовую темницу. В ту же ночь Стратокл и Максимилла пришли к нему, и он долго говорил с ними, а потом возложил на Стратокла руки и поставил его епископом Патр. Тем временем у стен собралось множество народа с намерением взять темницу штурмом, убить проконсула и освободить Апостола. Когда об этом плане рассказали апостолу Андрею, он запретил использовать силу, напомнив новообращенным горожанам, что христианину не следует страшиться земных страданий и смерти, но подражать кротости Самого Господа.
На следующий день Эгеат велел привести к себе Апостола и сказал, что если он откажется принести жертву римским богам, то будет распят. Апостол Андрей ответил твердым отказом, попросив лишь не распинать его так же, как Господа. Тогда проконсул велел распять его головой вниз на кресте в форме буквы Х и не прибить ему руки гвоздями к кресту, а привязать, чтобы продлить его мучения.
Когда святого Андрея привели ко кресту, он возгласил: "Радуйся, Крест, освященный Христовою плотию... пока не был распят на тебе Господь, страшен ты был для людей, теперь же тебя любят и с веселием принимают, ибо верующие знают, какое ты заключаешь в себе веселие, и какое уготовано за тебя воздаяние... Возьми меня из среды людей и отдай меня моему Учителю, чтобы через тебя принял меня Тот, который искупил меня тобою".
Апостола Андрея привязали ко кресту, а вокруг собралась двадцатитысячная толпа народа. Там был и епископ Стратокл, брат проконсула. Он кричал вместе с толпой: "Сей праведник страждет несправедливо". С этими криками люди направились к дворцу проконсула, и тот, страшась народного гнева, согласился пойти вместе с ними и снять Апостола с креста.
Но апостол Андрей, увидев приближающегося проконсула, воззвал к нему: "Зачем ты пришел, Эгеат? Если ты хочешь стать христианином, небесные врата откроются тебе, как я обещал тебе и раньше. Если же ты пришел лишь снять меня со креста, я не желаю сойти с него живым. Я уже вижу Царя моего и Бога, уже поклоняюсь Ему, уже стою перед Ним. Моя душа болит лишь за тебя, ведь я знаю, что тебя ждет вечная погибель. Позаботься о себе, пока еще есть время, не откладывай покаяние до того дня, когда уже не в твоих силах будет покаяться".
Тем не менее, Эгеат, опасаясь гнева толпы, скомандовал своим солдатам снять Апостола с креста. Однако как только они прикоснулись ко кресту, руки у них онемели и повисли, словно плети. Святой воззвал опять: "Господи Иисусе Христе, не попусти мне быть снятым со креста, на котором я повешен за Имя Твое, но прими меня, Учитель мой, Ты, Которого я возлюбил, Которого я познал, Которого исповедал". через Которого я стал тем, что есмь". Прими меня, Учитель Благий, и не ранее повели мне быть сняту со креста, как примешь дух мой"."
Когда он произнес это, его осиял небесный свет, видимый всеми. Свет был таким ярким, что людям пришлось прикрывать глаза руками. Примерно через полчаса этот свет погас, и святой Апостол предал дух Господу. Максимилла и Стратокл сняли его тело с креста. Максимилла помазала тело дорогим составом и положила в гроб, который мог стать местом ее упокоения, если бы святой апостол Андрей не избавил ее от смерти своими молитвами. Апостол Андрей принял мученическую кончину в 67 году от Рождества Христова.
Эгеат, негодуя на жителей Патр за их постоянство и преданность Христианскому учению, замыслил месть. Он решил обвинить свою жену Максимиллу перед императором. Но не успел осуществить этот предательский план – в него вселился демон, и он умер в припадке ярости на одной из центральных улиц города. Стратокл, узнав о его смерти, велел раздать все его деньги и имущество бедным. Максимилла также раздала большую часть своего богатства. И Максимилла, и Стратокл в свой срок мирно отошли ко Господу.
Святой Иероним пишет, что мощи апостола Андрея (как и мощи апостола Луки, похороненного в Фивах) в 356 году были перенесены из Патр в Константинополь по повелению Императора Констанция, сына Константина Великого. Мощи сопровождал бывший главнокомандующий армии Императора Константина, святой великомученик Артемий. Они были положены в константинопольском храме Святых Апостолов. Впоследствии десница святого апостола Андрея была увезена в Москву. В 1208 году крестоносцы забрали мощи из Константинополя в Италию, где они потом долго покоились в церкви апостола Андрея. В пятнадцатом веке его глава была перенесена в Рим, а глава апостола Петра — в Ватикан. В 1964 году папа Павел VI в качестве жеста доброй воли вернул главу святого апостола Андрея православным христианам Греции.
По некоторым сведениям, обычай ставить на письмах знак Х, символизирующий святое лобзание, пошел от учеников святого апостола Андрея. После его мученической кончины они писали такой знак на своих письмах и документах, целуя крест в воспоминание о его жертве.
Источник: Евлогите! Благословите! Путеводитель по святым местам Греции
Песнопения
Тропарь, глас 4
Я́ко апо́столов первозва́нный
и верхо́внаго су́щий брат,
Влады́це всех, Андре́е, моли́ся
мир вселе́нней дарова́ти
и душа́м на́шим ве́лию ми́лость.
Кондак, глас 2
Му́жества тезоимени́таго Богоглаго́льника
и Це́ркве возсле́дователя верхо́внаго,
Петро́ва сро́дника восхва́лим,
зане́ я́коже дре́вле сему́, и ны́не нам воззва́:
прииди́те, обрето́хом Жела́емаго.
Величание
Велича́ем тя,
апо́столе Христо́в Андре́е,
и чтим боле́зни и труды́ твоя́,
и́миже труди́лся еси́
во благове́стии Христо́ве.
Молитва
Молитва
Первозва́нне апо́столе Бо́га и Спа́са на́шего Иису́са Христа́, Це́ркве после́дователю верхо́вный, всехва́льне Андре́е, сла́вим и велича́ем апо́стольския труды́ твоя́, сла́дце помина́ем твое́ благослове́нное к нам прише́ствие, ублажа́ем честна́я страда́ния твоя́, я́же за Христа́ претерпе́л еси́, лобыза́ем свяще́нныя мо́щи твоя́, чтим святу́ю па́мять твою́ и ве́руем, я́ко жив Госпо́дь, жива́ же и душа́ твоя́ и с Ним во ве́ки пребыва́еши на Небеси́, иде́же и лю́биши ны то́южде любо́вию, е́юже возлюби́л еси́ нас, егда́ Ду́хом Святы́м прозре́л еси́ на́ше е́же ко Христу́ обраще́ние, и не то́чию лю́биши, но и мо́лиши о нас Бо́га, зря во Све́те Его́ вся ну́жды на́ша. Та́ко ве́руем и та́ко сию́ ве́ру на́шу испове́дуем во хра́ме, и́же во и́мя твое́, святы́й Андре́е, пресла́вно созда́ся, иде́же святы́я мо́щи твоя́ почива́ют; ве́рующе же, про́сим и мо́лим Го́спода и Бо́га и Спа́са на́шего Иису́са Христа́, да моли́твами твои́ми, я́же при́сно послу́шает и прие́млет, пода́ст нам вся потре́бная ко спасе́нию нас гре́шных; да я́коже ты а́бие по гла́су Го́спода, оста́вль мре́жи своя́, неукло́нно Ему́ после́довал еси́, си́це и ки́йждо от нас да и́щет не свои́х си, но е́же к созида́нию бли́жняго и о го́рнем зва́нии да помышля́ет. Иму́ще же тя предста́теля и моли́твенника о нас, упова́ем, я́ко моли́тва твоя́ мно́го мо́жет пред Го́сподем и Спаси́телем на́шим Иису́сом Христо́м, Ему́же подоба́ет вся́кая сла́ва, честь и поклоне́ние со Отце́м и Святы́м Ду́хом во ве́ки веко́в. Ами́нь.
Канон
Канон святому апостолу Андрею Первозванному
Минея, 30 Ноября.
Глас 1
Песнь 1
Ирмос: Твоя́ победи́тельная десни́ца
Боголе́пно в кре́пости просла́вися:
та бо, Безсме́ртне, я́ко всемогу́щая, проти́вныя сотре́,
изра́ильтяном путь глубины́ новосоде́лавшая.
Припев: Святы́й апо́столе Андре́е, моли́ Бо́га о на́с.
Смути́вшуюся мою́ ду́шу помышле́нии же и словесы́
очи́сти все́льшеюся в тя, пропове́дниче Христо́в Андре́е, Боже́ственною благода́тию,
я́ко да чи́сте источу́ ти пе́ние досто́йное.
Припев: Святы́й апо́столе Андре́е, моли́ Бо́га о на́с.
Честно́е, Предте́ча Христо́в, свои́х ученико́в верхо́внейшее,
от непло́дове прозя́бший, из Де́вы ро́ждшемуся Христу́ препросла́вленному,
Андре́я, ра́дуяся, приведе́.
Сла́ва Отцу́ и Сы́ну и Свято́му Ду́ху.
Жела́нием и любо́вию неукло́нною доброде́тели степе́ней наче́н
и восхожде́нию при́сно поуча́яся,
от немощны́я си́лы к верхо́внейшей, Андре́е, си́ле дости́гл еси́.
И ны́не и при́сно и во ве́ки веко́в. Ами́нь.
Богородичен: Ра́дуйся, благода́ти исто́чниче;
ра́дуйся, ле́ствице и две́ре Небе́сная;
ра́дуйся, све́щниче, и ста́мно злата́я, и горо́ несеко́мая,
Я́же Жизнода́вца Христа́ ми́ру Ро́ждшая.
Песнь 3
Ирмос: Еди́не Ве́дый челове́ческаго существа́ не́мощь
и ми́лостивно в не вообра́жся,
препоя́ши мя с высоты́ си́лою,
е́же вопи́ти Тебе́, Святы́й:
одушевле́нный хра́ме неизрече́нныя сла́вы Твоея́, Человеколю́бче.
Припев: Святы́й апо́столе Андре́е, моли́ Бо́га о на́с.
Прите́кл еси́, жа́ждею не зван, Андре́е,
но самово́льне жи́зни ко исто́чнику, я́коже еле́нь,
и всем, сего́ обре́т, пропове́дал еси,
и, пив, напои́л еси́ нетле́ния вода́ми иста́явшия жа́ждею концы́.
Припев: Святы́й апо́столе Андре́е, моли́ Бо́га о на́с.
Уве́дев есте́ственныя зако́ны, Андре́е досточу́дне,
и о́бщника сро́дника прия́л еси́, вопия́:
обрето́хом желае́маго и путесотвори́вшаго пло́ти рожде́ние,
сказа́л еси́ ра́зум духо́вный.
Сла́ва Отцу́ и Сы́ну и Свято́му Ду́ху.
Мре́жею сло́ва из глубины́ пре́лести улови́л еси́ слове́сныя ры́бы, апо́столе,
и трапе́зе Христо́вей снедь чи́стую прине́сл еси́,
просвеще́нныя благода́тию Я́вльшагося в подо́бии пло́ти.
И ны́не и при́сно и во ве́ки веко́в. Ами́нь.
Богородичен: Бо́га заче́нши во утро́бе, Де́во, Ду́хом всесвяты́м,
пребыла́ еси́ неопа́льна,
поне́же Тя купина́, законополо́жнику Моисе́ю пали́му,
несожже́нна я́ве предвозвести́, огнь прии́мшую нестерпи́мый.
Седален, глас 8
Я́ко первозва́ннаго всех ученико́в, и самови́дца Сло́ва, и служи́теля,
Андре́е апо́столе, по до́лгу чтим тя,
А́гнцу бо, взе́млющему грехи́ ми́ра,
несомне́нною ве́рою те́пле после́довал еси́,
отону́дуже и стра́сти Его́ о́бщник показа́лся еси́,
пло́тию претерпе́вшаго нас ра́ди во́льно смерть.
Сего́ ра́ди вопие́м ти:
моли́ся Христу́ Бо́гу грехо́в оставле́ние пода́ти
пра́зднующим любо́вию святую па́мять твою́.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Богородичен: Ра́дуйся, престо́ле огнезра́чный Бо́жий;
ра́дуйся, Отрокови́це, седа́лище ца́рское, о́дре упещренопостла́нный,
златопорфи́рный черто́же, хлами́до червленоша́рная,
украше́нный хра́ме, молнено́сная колесни́це, свети́льниче многосве́тлый;
ра́дуйся, Богоро́дице, двонадесятосте́нный гра́де, и дверь златокова́нная,
и черто́же светообра́зный, светлопозлаще́нная трапе́зо, Богоукраше́нная ски́ние;
ра́дуйся, сла́вная Неве́сто солнцека́плющая;
ра́дуйся, еди́на души́ моея́ благоле́пие.
Песнь 4
Ирмос: Го́ру Тя, благода́тию Бо́жиею приосене́нную,
прозорли́выма Авваку́м усмотри́в очи́ма,
из Тебе́ изы́ти Изра́илеву
провозглаша́ше свято́му
во спасе́ние на́ше и обновле́ние.
Припев: Святы́й апо́столе Андре́е, моли́ Бо́га о на́с.
Боже́ственная, истреби́тельная го́ршаго вседе́тельнаго и светоза́рнаго Ду́ха си́ла,
в тя, Андре́е, все́льшися Боголе́пне,
о́гненнаго язы́ка во о́бразе, неизрече́нных показа́ тя пропове́дника.
Припев: Святы́й апо́столе Андре́е, моли́ Бо́га о на́с.
Не ору́жия ко мще́нию взя́ше плотска́я
и к низверже́нию кре́пких тверды́нь вра́жиих, Андре́й всечестны́й,
но, Христо́м огради́вся, принесе́, плени́в, язы́ки в послуша́ние.
Припев: Святы́й апо́столе Андре́е, моли́ Бо́га о на́с.
Го́ру тя, ка́плющую разу́мное весе́лие,
преесте́ственный Бог, осуществи́выйся е́же о нас, Андре́е, яви́,
го́ры го́рькия де́монскаго возноше́ния потребля́ющую си́лою Ду́ха.
Сла́ва Отцу́ и Сы́ну и Свято́му Ду́ху.
Любо́вию соверша́ющия твою́ па́мять в пе́снех,
от оби́льна да́ра Учи́теля твоего́, Христа́, Андре́е пребога́те,
духо́внаго весе́лия вода́ми исполня́я не преста́й моли́твами твои́ми.
И ны́не и при́сно и во ве́ки веко́в. Ами́нь.
Богородичен: Пое́м ве́лие и стра́шное Твое́ таи́нство,
преми́рных бо утаи́вся чинонача́лий,
на Тя при́сно Сый сни́де, я́ко дождь на руно́, Всепе́тая,
на спасе́ние на́ше и обновле́ние.
Песнь 5
Ирмос: Просвети́вый сия́нием
прише́ствия Твоего́, Христе́,
и освети́вый Кресто́м Твои́м ми́ра концы́,
сердца́ просвети́ све́том Твоего́ Богоразу́мия
правосла́вно пою́щих Тя.
Припев: Святы́й апо́столе Андре́е, моли́ Бо́га о на́с.
Восприя́л еси́, Его́же вожделе́л еси́, Андре́е апо́столе,
в нетле́нных с Ним обита́в селе́ниих,
трудо́в твои́х снопы́ пожа́в досто́йно,
те́мже тя пе́сньми сла́вим.
Припев: Святы́й апо́столе Андре́е, моли́ Бо́га о на́с.
Возлюби́л еси́ Влады́ку
и Того́ во след бы́стро поте́кл еси́, стопа́ми Его́ к жи́зни наставля́емь
и страсте́й Того́ нелжи́во, прече́стне Андре́е, да́же до сме́рти подража́я.
Сла́ва Отцу́ и Сы́ну и Свято́му Ду́ху.
Напря́г тя, я́ко стрелу́ си́льну, блаже́нне, испусти́ в весь мир Госпо́дь,
ураня́я де́моны и злоче́стием уя́звленныя челове́ки врачу́я.
И ны́не и при́сно и во ве́ки веко́в. Ами́нь.
Богородичен: Веселя́тся Небе́сныя си́лы, зря́ще Тя,
ра́дуются с ни́ми и челове́ческая собра́ния,
Рождество́м бо Твои́м соедини́шася, Де́во Богоро́дице, Тя досто́йно сла́вяще.
Песнь 6
Ирмос: Обы́де нас после́дняя бе́здна,
несть избавля́я,
вмени́хомся, я́ко о́вцы заколе́ния,
спаси́ лю́ди Твоя́, Бо́же наш,
Ты бо кре́пость немощству́ющих и исправле́ние.
Припев: Святы́й апо́столе Андре́е, моли́ Бо́га о на́с.
Мо́ре жите́йское препла́вая в ладии́ теле́сней,
вся́ческая пра́вящаго, Христа́, обре́л еси́ ко́рмчия, всеблаже́нне,
и к Нему́, ра́дуяся, приста́л еси́, Андре́е всече́стне.
Припев: Святы́й апо́столе Андре́е, моли́ Бо́га о на́с.
Ду́хи сло́вом прогоня́ются,
неду́зи бе́гают, душе́вных же страсте́й мно́жество дале́че от неду́жных отгоня́ются
да́нною тебе́ от Бо́га, Андре́е, благода́тию.
Сла́ва Отцу́ и Сы́ну и Свято́му Ду́ху.
Я́ко волна́ ти́хая, кро́тким ду́хом дви́жимь, блаже́нне,
изсуши́л еси́ моря́ лука́вая многобо́жия Боже́ственными струя́ми
и ре́ки Богозна́ния всем источи́л еси́.
И ны́не и при́сно и во ве́ки веко́в. Ами́нь.
Богородичен: Веселя́тся о Тебе́, Де́во Пречи́стая, ро́да на́шего пра́отцы,
Еде́м восприе́мше Тобо́ю, его́же преступле́нием погуби́ша,
Ты бо Чи́стая и пре́жде Рождества́ и по Рождестве́ еси́.
Кондак, глас 2
Му́жества тезоимени́таго Богоглаго́льника
и Це́ркве возсле́дователя верхо́внаго,
Петро́ва сро́дника восхва́лим,
зане́ я́коже дре́вле сему́ и ны́не нам воззва́:
прииди́те, обрето́хом Жела́емаго.
Икос
Дре́вле у́бо Дави́д востяга́ет гре́шнаго, я́ко мене́,
пове́дати Бо́жия благосло́вне оправда́ния,
оба́че к ве́ре учи́т па́ки
и слеза́ми мно́жайшими изглаго́льствует:
днесь бо глас Его́ а́ще услы́шите,
серде́ц не ожесточи́те, я́ко не́когда Изра́иль преогорчи́.
Наво́дит же про́чее во псалме́:
Го́сподеви вся земля́ воспо́йте,
прииди́те, обрето́хом Жела́емаго.
Песнь 7
Ирмос: Тебе́, у́мную, Богоро́дице, пещь
разсмотря́ем, ве́рнии,
я́коже бо о́троки спасе́ три Превозноси́мый,
мир обнови́, во чре́ве Твое́м всеце́л,
хва́льный отце́в Бог и препросла́влен.
Припев: Святы́й апо́столе Андре́е, моли́ Бо́га о на́с.
Нелжи́во я́вственно испо́лнися обеща́ние Твое́, Христе́,
бу́ри бо учени́к Твой Боже́ственнейший,
сло́вом запреща́я, на кро́ткую тишину́ преложи́,
хва́льный отце́в Боже и препросла́вленный.
Припев: Святы́й апо́столе Андре́е, моли́ Бо́га о на́с.
На у́мную Сио́на, апо́столе, взы́ти го́ру повеле́н,
спасе́ния же прии́м ча́шу,
ра́дуяся, подае́ши, преходя́ сме́ртию к Боже́ственней жи́зни,
хва́льнаго отце́в Бо́га и препросла́вленнаго.
Припев: Святы́й апо́столе Андре́е, моли́ Бо́га о на́с.
Тя слове́сную реку́ показа́ Боже́ственная вода́ жи́зни,
преле́стныя ре́ки пото́ки изсуша́ющую, блаже́нне, пропове́дания
и вопию́щия напая́ющую:
хва́льный отце́в Бо́же и препросла́вленный.
Сла́ва Отцу́ и Сы́ну и Свято́му Ду́ху.
Ты земноро́ден сый, апо́столе, преесте́ственно чудоде́йствуеши,
любо́вию бо сраствори́вся, Тому́ после́довал еси́, возлюби́вшему тя Христу́,
хва́льный, воспе́вая, Бог и препросла́вленный.
И ны́не и при́сно и во ве́ки веко́в. Ами́нь.
Богородичен: Тя Иа́ков, Богоро́дице, ле́ствицу проро́чески разуме́,
Тобо́ю бо на земли́ Превыша́емый яви́ся челове́ком и поживе́, я́коже благоволи́:
хва́льный отце́в Бог и препросла́вленный.
Песнь 8
Ирмос: В пещи́ о́троцы Изра́илевы,
я́коже в горни́ле,
добро́тою благоче́стия чисте́е зла́та блеща́хуся, глаго́люще:
благослови́те, вся дела́ Госпо́дня, Го́спода,
по́йте и превозноси́те во вся ве́ки.
Припев: Святы́й апо́столе Андре́е, моли́ Бо́га о на́с.
Светоно́сная и веселотво́рная луча́ врачева́ний, Андре́е, Христо́в апо́столе,
осиява́ет нас Боже́ственная па́мять твоя́, вопию́щих:
вся дела́ Госпо́дня, Го́спода по́йте и превозноси́те во вся ве́ки.
Припев: Святы́й апо́столе Андре́е, моли́ Бо́га о на́с.
Челове́ческое естество́ получи́в, того́ превозше́л еси́ зако́ны,
и ко А́нгельстей преше́л еси́ ски́нии, Андре́е апо́столе, и зове́ши:
вся дела́ Госпо́дня, Го́спода по́йте и превозноси́те во вся ве́ки.
Припев: Святы́й апо́столе Андре́е, моли́ Бо́га о на́с.
Е́же с высоты́ Ду́ха Бо́жия дохнове́ние тя пре́жде о́гненно просвети́,
ри́тора, Богоглаго́ливе, показу́ет те́пла, вопию́ща, апо́столе, Христу́ твоему́:
вся дела́ Госпо́дня, Го́спода по́йте и превозноси́те во вся ве́ки.
Сла́ва Отцу́ и Сы́ну и Свято́му Ду́ху.
Светолу́чен, я́коже мо́лния, во свет язы́ков изше́л еси́,
тьму неве́дения отгоня́, и ве́рныя просвеща́я, зову́щия:
благослови́те, вся дела́ Госпо́дня, Го́спода, по́йте и превозноси́те Его́ во ве́ки.
И ны́не и при́сно и во ве́ки веко́в. Ами́нь.
Богородичен: Ра́дуйся, престо́ле сла́вы Бо́жия, ра́дуйся, ве́рных стено́,
Е́юже Свет су́щим во тьме возсия́,– Христо́с, Тебе́ блажа́щим и вопию́щим:
вся дела́ Госпо́дня, Го́спода по́йте и превозноси́те Его́ во ве́ки.
Песнь 9
Ирмос: О́браз чи́стаго рождества́ Твоего́
огнепали́мая купина́ показа́ неопа́льная;
и ны́не на нас напа́стей свире́пеющую угаси́ти, мо́лимся, пещь,
да Тя, Богоро́дице,
непреста́нно велича́ем.
Припев: Святы́й апо́столе Андре́е, моли́ Бо́га о на́с.
Я́ко учени́к всеизя́щнейший,
на Кресте́ хоте́нием распе́ншемуся Влады́це твоему́ да́же до сме́рти после́дуя,
возше́л еси́, ра́дуяся, на высоту́ креста́,
идя́й ше́ствием на Небеса́, блаже́нне апо́столе.
Припев: Святы́й апо́столе Андре́е, моли́ Бо́га о на́с.
Дверь Еде́ма тебе́ отве́рзеся, и предложи́ся ле́ствица небе́сная,
и прия́ша тя небе́сныя оби́тели,
и предста́л еси́, ра́дуяся, апо́столе, Христу́ Жизнода́вцу
о ми́ре моли́твенник изя́щнейший.
Припев: Святы́й апо́столе Андре́е, моли́ Бо́га о на́с.
Ра́вными просла́вился еси́ страда́ньми Учи́теля твоего́, блаже́нне Андре́е всему́дре,
кресто́м бо Боже́ственный коне́ц прия́л еси́ и прича́стием Бог был еси́.
Те́мже тя мо́лим о нас при́сно моли́ся.
Сла́ва Отцу́ и Сы́ну и Свято́му Ду́ху.
Ра́дуяся, дво́ице всеизря́днейшая, на Небесе́х насле́довавши ны́не гражда́нство,
назира́ете же венце́в произволе́ние,
тех побежда́ющи си́лу, и Боже́ственных дарова́ний просвеща́ете светлостьми́.
И ны́не и при́сно и во ве́ки веко́в. Ами́нь.
Богородичен: Из ко́рене Дави́дова прозябла́ еси́ проро́ческаго, Де́ва, и Богооте́ческаго,
но и Дави́да я́ко и́стинно Ты просла́вила еси́,
я́ко ро́ждшая проро́чествуемаго Го́спода сла́вы,
Его́же пою́ще, досто́йне велича́ем.
Светилен
Сло́во Пребезнача́льное обре́т тя, всеблаже́нне,
первозва́нна показа́ всех апо́столов, Андре́е приснопа́мятне,
и, Сего́ стопа́м возсле́дуя, показа́лся еси́ путево́ждь заблу́ждших,
к Небе́сному сия́ возводя́ Боже́ственному ше́ствию.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Петро́ва скро́вника, ученико́в пе́рвейшаго,
самови́дца и слугу́ бы́вшаго Сло́ва, Андре́я апо́стола пресла́вно восхва́лим,
язы́ки бо просвети́ и, ра́спят быв,
кончи́ну подъе́млет, я́ко учени́к Влады́ки.
Акафист
Акафист святому апостолу Андрею Первозванному
Аудио:
30:14
Конда́к 1
Первозва́ннаго апо́стола Христо́ва, Ева́нгелия Свята́го пропове́дника, Росси́йския страны́ богодухнове́ннаго просвети́теля, Андре́я пресла́внаго, пе́сньми восхва́лим, стоя́ще на версе́ холма́, иде́же Кре́ст водрузи́ десни́ца его́, и ему́ я́ко Це́ркве возсле́дователю верхо́вному, в сле́д себе́ указа́вшему е́й пу́ть ко Христу́, во умиле́нии воззове́м:
Ра́дуйся, Андре́е, апо́столе Христо́в Первозва́нный.
И́кос 1
А́нгел благове́стник А́гнца Христа́, взе́млющаго грехи́ ми́ра, бы́л еси́ Андре́е апо́столе, и с Ни́м во ве́ки пребыва́еши на небеси́; отону́дуже и при́зри на пе́ния, приноси́мая тебе́ во хра́ме твое́м, на ме́сте, иде́же стоя́сте но́зе твои́, и я́ко бога́т сы́й благода́тию Бо́жиею, пода́ждь на́м сло́во бла́го, да зове́м ти́:
Ра́дуйся, денни́це от гра́да Вифсаи́ды на́м возсия́вшая;
ра́дуйся равноче́стный бра́те верхо́внаго Петра́.
Ра́дуйся, учениче́ вели́каго Предте́чи Христо́ва;
ра́дуйся пе́рвее про́чих апо́стол зва́нный ко апо́стольскому служе́нию от Самого́ Го́спода.
Ра́дуйся, я́ко и други́м с ра́достию воззва́л еси́: прииди́те, обрето́хом жела́емаго Месси́ю;
ра́дуйся и на́с к Нему́ же приводя́й.
Ра́дуйся, Андре́е, апо́столе Христо́в Первозва́нный.
Конда́к 2
Учи́телю, где́ живе́ши? — вопроси́л еси́, Андре́е, Спа́са ду́ш на́ших и, с Ни́м пребы́в де́нь еди́н, возлюби́л еси́ на вся́ дни́ живота́ твоего́ обре́теннаго тобо́ю Месси́ю, и бра́та твоего́ старе́йшаго приве́л еси́ к Нему́. Те́мже и на́с, я́ко ме́ньшую бра́тию твою́, к Нему́ же не преста́й влещи́, да и мы́, после́дующе стопа́м твои́м, вопие́м Бо́гу: Аллилу́иа.
И́кос 2
Прови́дя в тебе́, святы́й Андре́е, ве́ры и любве́ пла́мень, Госпо́дь па́ки тя́ обре́те на е́зере Геннисаре́тсте, я́ко ры́баря, ку́пно с бра́том твои́м, вмета́юща мре́жи во глубину́, и рече́ ва́ма: гряди́та по Мне́, и А́з сотворю́ вы́ ловца́ челове́ком. — Ты́ же а́бие после́довал еси́ Ему́ и богодухнове́нным сло́вом, я́ко мре́жею, челове́ки улови́л еси́ Христу́, с ни́миже и мы́, уловле́ннии тобо́ю во спасе́ние, веща́ем ти́:
Ра́дуйся, я́ко от Самого́ Го́спода лови́тве духо́вней научи́лся еси́;
ра́дуйся я́ко на то́м же е́зере с про́чими апо́столы обурева́емь бы́в, ве́рою спа́слся еси́ в Го́спода, запреща́ющаго ве́тром и мо́рю.
Ра́дуйся, стяжа́вый ве́лию ве́ру, егда́ ви́дел еси́ пречу́дное насыще́ние пяти́ ты́сящ пятию́ хле́бами;
ра́дуйся да́р прия́вый от Го́спода цели́ти вся́к неду́г и вся́ку боле́знь.
Ра́дуйся, я́ко гла́с с небесе́ слы́шан бы́сть е́ллином, Христа́ тобо́ю узре́вшим;
ра́дуйся я́ко на горе́ Елео́нстей открове́на бы́ша и тебе́ гряду́щая при кончи́не ми́ра.
Ра́дуйся, Андре́е, апо́столе Христо́в Первозва́нный.
Конда́к 3
Стра́нствия Влады́чня и Безсме́ртныя Трапе́зы на го́рнем ме́сте Сио́на наслади́вся, я́ко ве́рный дру́г Христо́в, вку́пе с про́чими апо́столы узре́л еси́ Го́спода и Бо́га твоего́, от Него́же и Ду́х Свя́т прия́л еси́, во е́же вяза́ти и реши́ти грехи́ людски́я. И па́ки, в то́йжде го́рнице Сио́нстей, оби́льное бы́сть на тя́ излия́ние обетова́ннаго Ду́ха во о́гненных язы́цех. Те́мже вся́ племена́ удиви́шася, ка́ко язы́ком и́х глаго́лал еси́ вели́чия Бо́жия, поя́: Аллилу́иа.
И́кос 3
От Го́спода за́поведь прии́м пропове́дати Ева́нгелие все́й тва́ри, обте́кл еси́ мно́гия гра́ды и страны́, апо́столе Андре́е, призыва́я лю́ди к позна́нию И́стиннаго Бо́га и крестя́ и́х во и́мя Отца́ и Сы́на и Свята́го Ду́ха; с ни́миже и мы́ сподо́бихомся благода́ти креще́ния. Сего́ ра́ди благода́рственная воспису́ем ти́:
Ра́дуйся, чуде́с Христо́вых провозве́стниче ве́рный;
ра́дуйся свята́го Ева́нгелия пропове́дниче громогла́сный.
Ра́дуйся, и́дольскаго служе́ния потреби́телю;
ра́дуйся и́стиннаго благоче́стия насади́телю.
Ра́дуйся, я́ко по сло́ву твоему́ лю́дие водо́ю и Ду́хом возрожда́ются;
ра́дуйся я́ко тобо́ю ве́рнии Безсме́ртныя Трапе́зы причаща́ются.
Ра́дуйся, Андре́е, апо́столе Христо́в Первозва́нный.
Конда́к 4
Си́ла Бо́жия осени́ тя́, апо́столе Первозва́нный, во е́же благовести́ти си́лу и сла́ву Сы́на Бо́жия и утвержда́ти вся́ ве́ровати во Святу́ю Тро́ицу призва́нныя. Те́мже у́бо и на́с, покланя́ющихся Еди́ному в Трие́х Ипоста́сех Бо́гу, на зла́чней па́жити ве́ры Христо́вы соблюди́, да благода́тию Свята́го Ду́ха вы́ну освяща́емии, велегла́сно пое́м Ему́: Аллилу́иа.
И́кос 4
Приве́д ко Христу́ бра́та твоего́ Си́мона Петра́, Первозва́нне, с ни́м изше́л еси́ и на апо́стольское служе́ние твое́, пе́рвее во Антиохи́ю и Сино́п, и та́мо победи́в де́монов полки́, от у́з темни́чных спу́тника твоего́ апо́стола Матфи́я свободи́л еси́, и ю́зники с ни́м бы́вшия крести́л, верхо́вному Петру́ отту́ду в за́падныя страны́ теку́щу, ты́ бра́тнее целова́ние да́л еси́ ему́, са́м же до́бре подвиза́лся еси́ на восто́цех. Те́мже и мы́, лю́дие Це́ркве Восто́чныя, блажи́м тя́:
Ра́дуйся, си́ло Бо́жия, полки́ де́монов прогоня́ющая и у́зы темни́ц сокруша́ющая;
ра́дуйся прия́телище благода́ти апо́стольския, от а́довых у́з тайноде́йственне на́с свобожда́ющия.
Ра́дуйся, за́пад и восто́к с бра́том твои́м богому́дрым, про́поведи ра́ди сло́ва Бо́жия, жре́бием раздели́вый;
ра́дуйся во гра́де Сино́пе неве́рие иуде́ев си́лою чуде́с твои́х обличи́вый.
Ра́дуйся, я́ко та́мо от безбо́жных Христа́ ра́ди бие́н бы́л еси́;
ра́дуйся я́ко от Самого́ я́вльшагося ти́ Го́спода исцеле́ние я́зв тебе́ дарова́ся.
Ра́дуйся, Андре́е, апо́столе Христо́в Первозва́нный.
Конда́к 5
Двукра́ты возвра́щся во Святы́й Гра́д, да ку́пно со апо́столы пятидеся́тный де́нь пра́зднуеши та́мо, двукра́ты па́ки ше́ствовал еси́ от свята́го Сио́на, во е́же Христа́ пропове́дати вселе́нней, пе́рвее со Иоа́нном напе́рсником Госпо́дним, посе́м же с Си́моном Канани́том и Матфи́ем, и́же жре́бием назна́менован бы́сть во апо́стола, и вся́ преде́лы Аси́и и По́нта обте́кл еси́, сло́вом спасе́ния все́х оглаша́я, да Бо́гу пою́т: Аллилу́иа.
И́кос 5
От мо́ря Галиле́йскаго до По́нта Евкси́нскаго а́постольския мре́жи твоя́ распростры́й и все́ помо́рие о́крест огласи́вый благове́стием твои́м, восте́кл еси́, Первозва́нне, и в страны́ Ски́фии, Кре́ст Христо́в всю́ду водружа́я в зна́мение на́шего спасе́ния. Сего́ ра́ди и мы́, а́ще и по́зднии ро́ди, вне́млюще благове́стию твоему́ и воспомина́юще по́двиги твоя́, зове́м ти́:
Ра́дуйся, в Нике́и лю́тыя разбо́йники укроти́вый и люте́йшаго драко́на умертви́вый;
ра́дуйся Кре́ст Христо́в посреде́ гра́да сего́ водрузи́вый, я́ко Предте́ча сы́й двукра́ты собра́нных та́мо оте́ц богоно́сных.
Ра́дуйся, я́ко во Аси́и и По́нте тобо́ю све́т Христо́в возсия́;
ра́дуйся я́ко апо́стольский же́зл тво́й предго́рие Кавка́са све́ту Христо́ву отве́рзе.
Ра́дуйся, и́мже мра́к Киммери́йский озари́ся;
ра́дуйся и́мже вселе́нная струя́ми воды́ жи́вы напои́ся.
Ра́дуйся, Андре́е, апо́столе Христо́в Первозва́нный.
Конда́к 6
Бу́рею страсте́й одержи́мая и, я́ко во́ды океа́на, волну́емая, племена́ челове́ков, я́же не ве́дяху Бо́га И́стиннаго, приве́л еси́, апо́столе, к ти́хому приста́нищу Христо́ву и те́х сердца́, а́ки у́тлую ладию́ неве́рием обурева́емая, на я́кори ве́ры Правосла́вныя утверди́л еси́. Те́мже и мы́, я́ко ча́да Правосла́вныя ве́ры, благода́рным се́рдцем и благода́рными усты́ вопие́м Бо́гу: Аллилу́иа.
И́кос 6
На горе́ Елео́нстей Боже́ственнаго Учи́теля твоего́ иногда́ со про́чими апо́столы вопроси́л еси́, Андре́е: Рцы́ на́м, что́ е́сть зна́мение прише́ствия Твоего́? — На гора́х же Ки́евских, я́ко орга́н сы́й благода́ти Ду́ха Свята́го, ты́ предвозвести́л еси́ гряду́щую сла́ву ме́ста сего́; мы́ же, предрече́нныя на́м ми́лости сея́ сподо́бльшеся, умиле́нно взыва́ем ти́:
Ра́дуйся, я́ко с горы́ Сио́на зако́н на́м ева́нгельский прине́сл еси́;
ра́дуйся я́ко по вода́м Ворисфе́на апо́стол Бо́жий к на́м восте́кл еси́.
Ра́дуйся, благода́ть Иорда́нову, креще́ния на́шего ра́ди, реце́ се́й дарова́вый;
ра́дуйся на гора́х Ки́евских Кре́ст на́шего спасе́ния водрузи́вый.
Ра́дуйся, и́мже оби́льное излия́ние благода́ти Бо́жией зде́ предрече́ся;
ра́дуйся и́мже бытие́ гра́да вели́ка и церкве́й мно́гих зде́ предвозвести́ся.
Ра́дуйся, Андре́е, апо́столе Христо́в Первозва́нный.
Конда́к 7
Дне́сь, во исполне́ние проро́ческаго гла́са твоего́, хра́м пресла́вный красу́ется на ме́сте, иде́же не су́щая я́ко су́щая прови́дел еси́ по да́ру Ду́ха Свята́го; о́крест же его́ гра́д ве́лий с це́рквами златове́рхими и́стину слове́с твои́х свиде́тельствует, ему́же и доны́не ты́, я́ко с го́рния кафе́дры, ми́р благовеству́еши. Те́мже и мы́, сбытие́ богодухнове́нных глаго́л твои́х зря́ще, ве́лиим гла́сом взыва́ем Бо́гу: Аллилу́иа.
И́кос 7
От светоно́сныя зари́, Первозва́ннаго апо́стола, све́т богове́дения восприи́мши, свята́я О́льга возсия́ Росси́йстей земли́ я́ко денни́ца на́шего спасе́ния, возводя́ всле́д себе́, я́ко светоза́рное свети́ло, вну́ка своего́ Влади́мира, просвети́теля всея́ полу́нощныя страны́. Те́мже и мы́, возве́дше о́чи на́ша к тебе́, Андре́е богому́дре, я́ко к нача́льному благове́стнику на́шего спасе́ния, воспису́ем ти́ похва́льная сия́:
Ра́дуйся, я́ко денни́це на́шего спасе́ния, О́льзе святе́й, све́та Боже́ственнаго позна́ние дарова́ся;
ра́дуйся я́ко благове́рию ея́ Христо́во Ца́рствие отве́рзеся.
Ра́дуйся, я́ко благослове́нием твои́м пресла́вное свети́ло от сея́ денни́цы на́м произы́де;
ра́дуйся я́ко по твоему́ предвозве́стию апо́стольскому равноапо́стольный кня́зь на́м яви́ся.
Ра́дуйся, я́ко тобо́ю свята́го Влади́мира ца́рствие земно́е к небе́сному приобщи́ся;
ра́дуйся я́ко Дне́пр и Поча́йна, ре́ки Ки́евския, спаси́тельною купе́лию на́м бы́ша.
Ра́дуйся, Андре́е, апо́столе Христо́в Первозва́нный.
Конда́к 8
Пропове́дуют пресла́внаго гра́да Ки́ева и всея́ Росси́йския страны́ па́стырие и пасо́мии па́мять дея́ний твои́х, богому́дре Андре́е апо́столе; в не́драх же пеще́рных нетле́нно почива́ющии уго́дницы Бо́жии, со Анто́нием и Феодо́сием, немо́лчными усты́, я́ко жи́ви су́ще, сла́ву твою́ веко́м и родо́м возглаша́ют, тобо́ю бо водруже́нный зде́ Кре́ст, я́ко благосенноли́ственное дре́во, произрасте́, во е́же изнести́ на́м плоды́ благоче́стия и святы́ни. Мы́ же ра́йскаго вертогра́да твоего́, а́ки птенцы́ духо́внии, тобо́ю науче́ни есмы́ воспева́ти Бо́гу: Аллилу́иа.
И́кос 8
Не то́чию Руси́ еди́ныя бы́л еси́ спасе́ния провозве́стник, Первозва́нный апо́столе Христо́в, но и вся́ слове́нская племена́, я́коже ко́кош, птенцы́ своя́ под криле́ собира́яй, приве́л еси́ я́ ко Христу́; ты́ бо от Херсо́ниса во мра́к полу́нощныя страны́ прозира́я, су́щим та́мо лю́дем, да Бо́жию науча́тся сло́ву, прему́дрыя учи́тели, Кири́лла и Мефо́дия, про́поведию твое́ю за мно́гия ве́ки предугото́вал еси́; мы́ же, а́ки уста́ми си́х просвети́телей на́ших, велегла́сно вопие́м ти́:
Ра́дуйся, слове́нская племена́ искони́ благослови́вый;
ра́дуйся сло́во и́х разу́мное сло́вом Бо́жиим умудри́вый.
Ра́дуйся, я́ко глаго́лу Бо́жию послушли́вии, Це́ркве ча́да слове́сная бы́ша;
ра́дуйся я́ко в Херсо́нисе, иде́же пропове́дал еси́, пе́рвая ру́сская пи́смена Кири́лл святы́й обре́те и прия́т я́.
Ра́дуйся, я́ко те́ми А́лфу и Оме́гу, Нача́ток и Коне́ц — Христа́ Бо́жию прему́дрость возвести́л еси́ и́м;
ра́дуйся я́ко и вся́ богодухнове́нная писа́ния учи́телие сии́ на язы́к слове́нск на́м преложи́ша.
Ра́дуйся, Андре́е, апо́столе Христо́в Первозва́нный.
Конда́к 9
Пусты́нныя Ски́фии не убоя́вся, во глубину́ полу́нощныя страны́ просте́рл еси́ апо́стольская стра́нствия твоя́, Первозва́нне, отону́дуже и в ве́тхий Ри́м прише́л еси́, и́же тогда́ глава́ ми́ру язы́ческому бы́сть; оба́че тмы́ ра́ди и́дольския оста́вль его́, и на кра́сный бре́г Воспо́ра прише́д, та́мо во гра́де Византи́и, и́же но́вый Ри́м и ма́терь христиа́ном бы́сть, апо́стольский престо́л тво́й утверди́л еси́, да от него́ восто́к и се́вер ве́сь све́том ве́ры озари́тся, ве́рнии же ча́да Це́ркве Христо́вы Бо́гу единомы́сленно воззову́т: Аллилу́иа.
И́кос 9
Ма́ти Сио́н, — псало́мски рече́т челове́к, я́ко челове́к духо́вно роди́ся в не́м, но́вый же Сио́н на́м бы́сть Ки́ев: в не́м бо све́т и благода́ть Бо́жия яви́ся все́м сыново́м росси́йстим от кафе́дры, ю́же ты́, Первозва́нне апо́столе, в Византи́и утверди́л еси́. Те́мже и мы́, Невече́рним Све́том озаря́емии, благода́рне взыва́ем ти́:
Ра́дуйся, от горы́ Сио́нския снизше́дый и го́рним све́том Ки́ев многохо́лмный озари́вый;
ра́дуйся гра́ду сему́ многопло́дие духо́вное благослове́нием твои́м, низпосла́вый.
Ра́дуйся, я́ко посреде́ вселе́нныя апо́стольский престо́л тво́й утверди́л еси́;
ра́дуйся я́ко под се́нь его́, в но́вом Ри́ме, вся́ просвеще́нныя тобо́ю язы́ки собра́л еси́.
Ра́дуйся, и́мже Правосла́вие в душа́х и́х утвержда́ется;
ра́дуйся и́мже от восто́ка тма́ за́пада отрева́ется.
Ра́дуйся, Андре́е, апо́столе Христо́в Первозва́нный.
Конда́к 10
Егда́ наста́ вре́мя преставле́ния твоего́, блаже́нне апо́столе, в дре́вния Па́тры Аха́йския прише́л еси́, да та́мо жре́н бу́деши, тече́ние бо сконча́л еси́, по́двигом до́брым подвиза́лся еси́, все́м пропове́дав Христа́ ра́спята, иуде́ем собла́зн, е́ллином же безу́мие, на́м же, зва́нным и спаса́емым, — Христа́, Бо́жию Си́лу и Бо́жию Прему́дрость, от Нея́же и научи́хомся пе́ти Бо́гу: Аллилу́иа.
И́кос 10
Всю́ду и́менем Го́спода Иису́са боля́щия исцеля́я, ме́ртвыя воскреша́я, бе́сы изгоня́я, и во Па́трах предсме́ртную про́поведь твою́ чудеса́ми утверди́л еси́, апо́столе Христо́в, и анфипа́та Ле́звия обрати́л еси́ к позна́нию и́стины, егда́ противле́ния ра́ди я́звою пораже́н бы́в, тобо́ю от одра́ боле́зни воздви́жен бы́сть, лю́дие же вси́, ви́девше в тебе́ си́лу Бо́жию, и́долы своя́ сокруши́ша, посе́м и Госпо́дь яви́ся тебе́, я́коже Па́влу иногда́ в Кори́нфе, и повеле́ взя́ти кре́ст тво́й, назна́меновав си́м твое́ в Па́трах, Его́ ра́ди, страда́ние. Те́мже и мы́, дивя́щеся ве́лией благода́ти в тебе́, благогове́йно взыва́ем:
Ра́дуйся, ве́лия Бо́га всемогу́щаго си́ло;
ра́дуйся многоце́нное чуде́с сокро́вище.
Ра́дуйся, дре́вних Па́тр просвеще́ние и украше́ние;
ра́дуйся неве́рие анфипа́та в ве́ру премени́вый.
Ра́дуйся, я́ко та́мо па́ки яви́ся тебе́ Госпо́дь, на по́двиг кре́стный тя́ призва́вый;
ра́дуйся я́ко угото́вася тебе́ вене́ц пра́вды.
Ра́дуйся, Андре́е, апо́столе Христо́в Первозва́нный.
Конда́к 11
Неро́н ке́сарь, я́коже иногда́ И́род, гоне́ние на вся́ ве́рныя воздви́гнувый, в Ри́ме Па́вла мече́м усе́кну, Петра́ же на кресте́ распя́, подо́бне и тебе́ дости́же в Па́трах рука́ мучи́телева, егда́ вме́сто кро́ткаго Ле́звия судию́ поста́ви Егеа́та лю́таго, и́же не терпя́й креще́ния бра́та своего́, ниже́ исцеле́нием жены́ своея́ умягче́н бы́в, в темни́цу вве́рже тя́ и, я́коже верхо́внаго Петра́, на кре́ст осуди́. Ты́ же ю́зник сы́й, в темни́це мра́чней, я́ко во све́тлем хра́ме, бра́та анфипа́това Стратокли́са во епи́скопа Па́тром проро́чествовал еси́, Бо́гу со все́ми ве́рными посреде́ узи́лища воспева́я: Аллилу́иа.
И́кос 11
На ме́сте ло́бнем кре́ст воздвиза́ем узре́в, на не́мже име́л еси́ ра́спят бы́ти, не убоя́лся еси́, апо́столе, да́же до сме́рти свиде́тельствовати возлю́бльшаго тя́ и возлю́бленнаго тобо́ю Христа́, и к сему́ зна́мению спасе́ния ру́це простира́я, умиле́нно взыва́л еси́:
Ра́дуйся, Кре́сте Всечестны́й, пред ни́мже с весе́лием предстою́, ве́дая тя́, упова́ние мое́;
ра́дуйся Кре́сте Животворя́щий, его́же глава́ до небе́с дости́же, подно́жие же врата́ а́да сокруши́.
Ра́дуйся, Кре́сте достопокланя́емый, восприе́мый Влады́ку моего́, я́ко гро́здие сладча́йшее, источи́вшее на́м спасе́ние;
ра́дуйся Кре́сте благослове́нный, разбо́йника спасы́й и тому́ плоды́ испове́дания дарова́вый.
Ра́дуйся, я́ко и моея́ ра́дости исполне́ние бы́л еси́; — те́мже ра́дуйся и ты́, страстоте́рпче, на Кресте́ ве́ру твою́ во Христа́ запечатле́вый.
Ра́дуйся, Андре́е, апо́столе Христо́в Первозва́нный.
Конда́к 12
Прииди́те, свиде́телие ра́дости моея́! — воззва́л еси́ апо́столе к соверши́телем во́ли Егеа́та, — твори́те во́лю на́ю обою́, распни́те мя́ и, я́ко а́гнца, принеси́те в же́ртву созда́вшему мя́ Творцу́. — И сия́ ре́к, возше́л еси́ на кре́ст, я́ко на го́рнюю кафе́дру, с нея́же три́ дни́ и три́ но́щи пропове́дал еси́ сло́во Бо́жие о́крест стоя́щим лю́дем, да не боя́тся сме́рти, испове́дающе Го́спода Иису́са. Егда́ же све́том небе́сным озари́ся ли́к тво́й, ужасе́ся мучи́тель и тя́ со креста́ взя́ти повеле́; оба́че ты́, страстоте́рпче, не восхоте́л еси́ от кре́стных му́к разреши́тися, до исхо́да твоего́ непреста́нно Бо́гу вопия́: Аллилу́иа.
И́кос 12
Сла́вяще апо́стольския по́двиги твоя́, Андре́е Первозва́нне, ублажа́ем святу́ю кончи́ну твою́, е́юже Живоно́сную Стра́сть Сы́на Бо́жия просла́вил еси́, и во умиле́нии се́рдца взыва́ем ти́ си́це:
Ра́дуйся, дру́же Христо́в, с ра́достию кре́стная страда́ния за Него́ претерпе́вый;
ра́дуйся апо́столе ве́рный, со креста́ глаго́лы живота́ ве́чнаго лю́дем пропове́давый.
Ра́дуйся, я́ко в ча́с сня́тия со креста́ осени́ тя́ све́т, а́ки мо́лния с небесе́;
ра́дуйся я́ко правосла́вно испове́дающим пропове́даннаго тобо́ю Христа́ Сы́на Бо́жия обеща́л еси́ благода́ть ве́лию.
Ра́дуйся, Го́рняго Иерусали́ма апо́стольское основа́ние;
ра́дуйся седя́й со апо́столы на еди́ном от двоюна́десяте престо́лов, во е́же суди́ти вся́ коле́на Изра́илева.
Ра́дуйся, Андре́е, апо́столе Христо́в Первозва́нный.
Конда́к 13
О, Первозва́нный апо́столе Христо́в Андре́е! При́зри на благохвале́ния сия́ все́х чту́щих святу́ю па́мять твою́, и я́ко водрузи́л еси́ кре́стное дре́во на гора́х гра́да Ки́ева, при́сно осеня́й и на́с спаси́тельным зна́мением си́м, да, Кресто́м Го́спода Бо́га и Спа́са на́шего охраня́еми, дости́гнем в ме́ру во́зраста исполне́ния Христо́ва и сподо́бимся с тобо́ю и со все́ми святы́ми, во гла́се ра́дования, в безконе́чныя ве́ки пе́ти Бо́гу, Спаси́телю на́шему: Аллилу́иа.
[Се́й конда́к глаго́лется три́жды.]
И́кос 1
А́нгел благове́стник А́гнца Христа́, взе́млющаго грехи́ ми́ра, бы́л еси́ Андре́е апо́столе, и с Ни́м во ве́ки пребыва́еши на небеси́; отону́дуже и при́зри на пе́ния, приноси́мая тебе́ во хра́ме твое́м, на ме́сте, иде́же стоя́сте но́зе твои́, и я́ко бога́т сы́й благода́тию Бо́жиею, пода́ждь на́м сло́во бла́го, да зове́м ти́:
Ра́дуйся, денни́це от гра́да Вифсаи́ды на́м возсия́вшая;
ра́дуйся равноче́стный бра́те верхо́внаго Петра́.
Ра́дуйся, учениче́ вели́каго Предте́чи Христо́ва;
ра́дуйся пе́рвее про́чих апо́стол зва́нный ко апо́стольскому служе́нию от Самого́ Го́спода.
Ра́дуйся, я́ко и други́м с ра́достию воззва́л еси́: прииди́те, обрето́хом жела́емаго Месси́ю;
ра́дуйся и на́с к Нему́ же приводя́й.
Ра́дуйся, Андре́е, апо́столе Христо́в Первозва́нный.
Конда́к 1
Первозва́ннаго апо́стола Христо́ва, Ева́нгелия Свята́го пропове́дника, Росси́йския страны́ богодухнове́ннаго просвети́теля, Андре́я пресла́внаго, пе́сньми восхва́лим, стоя́ще на версе́ холма́, иде́же Кре́ст водрузи́ десни́ца его́, и ему́ я́ко Це́ркве возсле́дователю верхо́вному, в сле́д себе́ указа́вшему е́й пу́ть ко Христу́, во умиле́нии воззове́м:
Ра́дуйся, Андре́е, апо́столе Христо́в Первозва́нный.
Моли́тва
Первозва́нне апо́столе Бо́га и Спа́са на́шего Иису́са Христа́, Це́ркве после́дователю верхо́вный, всехва́льне Андре́е! Сла́вим и, велича́ем апо́стольския труды́ твоя́, сла́дце помина́ем твое́ благослове́нное к на́м прише́ствие, ублажа́ем честна́я страда́ния твоя́, я́же за Христа́ претерпе́л еси́, лобыза́ем свяще́нныя мо́щи твоя́, чти́м святу́ю па́мять твою́ и ве́руем, я́ко жи́в Госпо́дь, жива́ же и душа́ твоя́ и с Ни́м во ве́ки пребыва́еши на небеси́, иде́же и лю́биши ны́ то́южде любо́вию, е́юже возлюби́л еси́ на́с, егда́ Ду́хом Святы́м прозре́л еси́ на́ше, е́же ко Христу́ обраще́ние, и не то́чию лю́биши, но и мо́лиши о на́с Бо́га, зря́ во Све́те Его́ вся́ ну́жды на́ша. Та́ко ве́руем и та́ко сию́ ве́ру на́шу испове́дуем во хра́ме, и́же во и́мя твое́, святы́й Андре́е, пресла́вно созда́ся, иде́же святы́я мо́щи твоя́ почива́ют; ве́рующе же, про́сим и мо́лим Го́спода и Бо́га и Спа́са на́шего Иису́са Христа́, да моли́твами твои́ми, я́же при́сно послу́шает и прие́млет, пода́ст на́м вся́ потре́бная ко спасе́нию на́с гре́шных; да я́коже ты́ а́бие по гла́су Го́спода, оста́вль мре́жи своя́, неукло́нно Ему́ после́довал еси́, си́це и ки́йждо от на́с да и́щет не свои́х си́, но е́же к созида́нию бли́жняго и о го́рнем зва́нии да помышля́ет. Иму́ще же тя́ предста́теля и моли́твенника о на́с, упова́ем, я́ко моли́тва твоя́ мно́го мо́жет пред Го́сподем и Спаси́телем на́шим Иису́сом Христо́м, Ему́же подоба́ет вся́кая сла́ва, че́сть и поклоне́ние со Отце́м и Святы́м Ду́хом во ве́ки веко́в. Ами́нь.
