Православный Мир
Житие
Жития
Краткое житие священномученика Елевферия, мученицы Анфии и мученика Корива
Святой Елевферий, сын знатного римского гражданина, был воспитан в христианском благочестии своей матерью. Добродетели его были столь высоки, что 20-ти лет от роду он уже был поставлен епископом Иллирийским. При императоре Адриане (II в.) святой Елевферий за смелую проповедь о Христе после мучений был обезглавлен в Риме вместе со своей матерью, святой Анфией. Епарх Корив, мучивший святого Елевферия, сам уверовал во Христа и также был казнен.
Полное житие священномученика Елевферия, мученицы Анфии и мученика Корива
В храме Успения в районе Неа Иониа находятся мощи священномученика Елевферия, который во втором веке принял мученическую кончину вместе со своей матерью Анфией. Этот Иллирийский иерарх ранней Церкви пострадал при римском императоре Адриане (117-138 г.). Как сказано в традиционном Житии, святой родился в Риме, где его отец занимал высокое положение при дворе. После ранней кончины отца мать Елевферия Анфия вместе с маленьким сыном тайно присоединилась к растущей христианской общине, помогая материально небольшой группе учеников святого апостола Павла. Согласно одному из преданий, она еще девочкой приняла крещение от самого Апостола. Однажды епископ Рима Анаклет (76-88 г., третий епископ римский после Петра и Лина) заметил благочестие и благородство манер юноши и решил помочь ему в получении воспитания и образования. В пятнадцатилетнем возрасте молодой человек стал диаконом, в семнадцать — священником, в двадцать — епископом. После посвящения в епископский сан он отправился пасти стадо Христово в Авлону (или Валону, которая сейчас называется Влор и находится на территории современной Албании). Анфия поехала туда с ним. Вскоре по всей Иллирии и Эпиру (ныне северная Греция) разнеслась весть о молодом епископе-чудотворце, и так велика была его известность, что римские власти забеспокоились и начали чинить ему препятствия. В конце концов он был взят под стражу по приказу императора Адриана.
Один из центурионов, пришедших взять его, вошел в храм в тот момент, когда Елевферий говорил проповедь. Послушав проповедь, этот центурион (имя его было Феликс) пожелал стать христианином и попросил крестить его. Он принял крещение, а потом, по настоянию самого Елевферия, исполнил приказ — привел епископа в Рим. Елевферия подвергли истязаниям, за которыми наблюдал местный правитель Хорибус. Увидев, что Святой остался невредим после погружения в кипящее масло, пыток на раскаленной железной решетке, бичевания и пребывания в горящей печи, правитель тоже принял Христианство. Епископ Елевферий, центурион Феликс, правитель Хорибус и еще несколько человек, обращенных Елевферием, были обезглавлены. Мать епископа Анфия стояла над телом сына в молитве. Ее схватили и также отсекли ей голову. Это произошло в 120 году от Рождества Христова. Полагают, что святые мощи матери и сына перевезли в Авлону его последователи. Римляне до сих пор отмечают день их памяти 18 апреля, традиционно считающийся днем их мученической кончины. Православная же служба в их честь совершается 15 декабря: в этот день в Константинополе при императоре Аркадии (395 – 408) была освящена церковь святых Елевферия и Анфии.
Частица мощей священномученика Елевферия имеется еще в итальянском городке Реати, где традиционно проживала большая греческая община; а церковка Успения в Неа Ионии в Афинах – это основное место, куда паломники со всего православного Востока приезжают поклониться этому Святому. Говорят, что в Авлоне (ныне албанский городок Влори) также до сих пор пребывает частица его мощей, и что и сейчас происходят чудеса по молитвам святого. К сожалению, местонахождение мощей мученицы Анфии неизвестно, хотя вполне возможно, что во Влори есть их частица.
Когда в двенадцатом веке французские захватчики превратили Парфенон, бывший собором Богоматери Атениотисса, в католический храм, одна маленькая церковь в честь святого Елевферия была освящена как Православный собор Афин и продолжала выполнять эту функцию, и службы продолжались и при турках. Помимо прочего, в этой церковке состоялось посвящение в сан епископа святителя Дионисия из Закинфа. Она все еще стоит на этом месте, хотя и кажется крохотной по сравнению с "Митрополией" – митрополичьим собором, построенным в девятнадцатом веке, в котором пребывают мощи святой Филофеи Афинской и патриарха Григория V.
Святые Елевферий и Анфия считаются покровителями беременных женщин и рожениц. К тому же, святому Елевферию молятся за плененных, и обоим этим святым – об ограждении от вмешательства бесовских сил. Имя Елевферий означает "свобода", и потому ему молились борцы за независимость во времена греческого восстания и православные греческой Церкви в Албании под гнетом коммунистического атеизма.
Епископа Елевферия не следует путать с Елевферием Папой Римским (175-189 г.), который, по преданию, послал христианских миссионеров в Англию.
Источник: Евлогите! Благословите! Путеводитель по святым местам Греции
Песнопения
Тропарь, глас 4
И нра́вом прича́стник,
и престо́лом наме́стник апо́столом быв,
дея́ние обре́л еси́, Богодухнове́нне,
в виде́ния восхо́д:
сего́ ра́ди сло́во и́стины исправля́я,
и ве́ры ра́ди пострада́л еси́ да́же до кро́ве,
священному́чениче Елевфе́рие,
моли́ Христа́ Бо́га спасти́ся душа́м на́шим.
Кондак, глас 2
Я́ко удобре́ние свяще́нников, преподо́бне,
и предувеща́ние страстоте́рпцев вси восхваля́ем
и про́сим тя, священному́чениче Елевфе́рие,
любо́вию па́мять твою́ пра́зднующия
бед многообра́зных свободи́,
моля́ непреста́нно о всех нас.
Канон
Канон священномученику Елевферию Иллирийскому, Римскому
Минея, 15 Декабря.
Глас 1
Песнь 1
Ирмос: Песнь побе́дную пои́м вси Бо́гу,
сотво́ршему ди́вная чудеса́ мы́шцею высо́кою
и спа́сшему Изра́иля,
я́ко просла́вися.
Припев: Священному́чениче Елевфе́рие, моли́ Бо́га о на́с.
Страсте́й омраче́нием порабоще́ннаго
све́тлыми моли́твами твои́ми, му́чениче Елевфе́рие, ны́не свободи́,
да я́ко раба́ тя Христо́ва Боже́ственными воспою́ пе́сньми.
Припев: Священному́чениче Елевфе́рие, моли́ Бо́га о на́с.
Страда́ния возсия́л еси́ чисте́йшими заря́ми, свяще́ннейше,
обагри́л еси́ кро́вию свяще́нную твою́ оде́жду
и был еси́ светови́ден ду́хом.
Сла́ва Отцу́ и Сы́ну и Свято́му Ду́ху.
Бо́гу прилепля́яся чисте́йшим умо́м от ю́ности,
плотска́го мудрова́ния ду́шу удали́л еси́
и чуде́с оби́льною благода́тию обогати́лся еси́.
И ны́не и при́сно и во ве́ки веко́в. Ами́нь.
Богородичен: Я́ко престо́л огнезра́чен, но́сиши Зижди́теля,
я́ко одушевле́н черто́г и красна́ пала́та, Царя́ вмеща́еши,
бы́вшаго, е́же есмы́, кроме́ преложе́ния и смеше́ния.
Песнь 3
Ирмос: Да утверди́тся се́рдце мое́ в во́ли Твое́й, Христе́ Бо́же,
И́же над вода́ми не́бо утвержде́й второ́е
и основа́вый на вода́х зе́млю, Всеси́льне.
Припев: Священному́чениче Елевфе́рие, моли́ Бо́га о на́с.
За Христа́ страда́ти изво́ливый, я́звы терпи́ши теле́сныя,
услажда́яся, му́дре, боле́зньми и скорбьми́;
сего́ ра́ди неболе́зненну жи́знь ны́не восприя́л еси́.
Припев: Священному́чениче Елевфе́рие, моли́ Бо́га о на́с.
Те́плым жела́нием сотво́ршаго, страда́льче Богому́дре, держи́мь,
разжже́нней тебе́ сама́го поверга́еши хи́трости,
ороша́емь Ду́ха огне́м, Елевфе́рие.
Сла́ва Отцу́ и Сы́ну и Свято́му Ду́ху.
Во свяще́нницех свяще́ннейший и в му́ченицех му́ченик тверде́йший я́влься,
вене́ц сугу́б прия́л еси́, блаже́нне,
Лице́ Бо́жие вы́ну ви́дя.
И ны́не и при́сно и во ве́ки веко́в. Ами́нь.
Богородичен: Жезл кре́пости прозябла́ еси́ – Христа́, И́мже утвержда́емся:
Тя бо вообража́ше Ааро́нов жезл, иногда́ прозя́бший,
неде́ланная земле́, Чи́стая Голуби́це Присноде́во.
Седален, глас 1
Свобо́ден ум от страсте́й стяжа́в,
был еси́ Бо́жий и́скреннейший раб
и от ле́сти свободи́л еси́ до́бре послу́шавшия тебе́:
пострада́в же я́ко иере́й и му́ченик, Елевфе́рие,
сугу́б прия́л еси́ вене́ц:
моли́ спасти́ся нам.
Песнь 4
Ирмос: Ду́хом прови́дя, проро́че Авваку́ме, Словесе́ вопло́щение,
пропове́дал еси́, вопия́:
внегда́ прибли́жится ле́том – позна́ешися,
внегда́ приити́ вре́мени – пока́жешися.
Сла́ва си́ле Твое́й, Го́споди.
Припев: Священному́чениче Елевфе́рие, моли́ Бо́га о на́с.
Ни зия́ния львов, ни вре́ния огня́, ни лю́тых преще́ния
кре́пости твоего́, священнотаи́нниче, разсла́биша терпе́ния,
но, я́ко адама́нт, му́ками услажда́лся еси́,
ре́вностию Боже́ственною распаля́емь.
Припев: Священному́чениче Елевфе́рие, моли́ Бо́га о на́с.
Вод живото́чных уста́ твоя́ испо́лнена,
ре́ки источи́ша Боже́ственных уче́ний, священному́чениче,
потопля́ющия беззако́ннующих руга́ния
и напая́ющия сердца́ позна́вших Христа́ Бо́га.
Сла́ва Отцу́ и Сы́ну и Свято́му Ду́ху.
Вельми́ тя прославля́я твой Соде́тель,
за Него́же усе́рдствовал еси́ страда́ти, страстоте́рпче,
го́лубя тебе́ посыла́ет, приноша́юща пи́щу а́нгельскую,
равноа́нгельну бы́вшу страда́ний светле́йшими сия́ньми.
И ны́не и при́сно и во ве́ки веко́в. Ами́нь.
Богородичен: Ужасо́шася зря́ще А́нгельская во́инства,
ка́ко Неви́димый зра́ком
су́щим по нам из Тебе́ ви́ден бысть, Де́во Богороди́тельнице:
Его́же моли́ спасе́ния сподо́бити вся,
ве́рно Тя сла́вящия.
Песнь 5
Ирмос: Твой мир даждь нам,
Сы́не Бо́жий:
ино́го бо, ра́зве Тебе́, бо́га не зна́ем,
И́мя Твое́ имену́ем,
я́ко Бог живы́х и ме́ртвых еси́.
Припев: Священному́чениче Елевфе́рие, моли́ Бо́га о на́с.
Ле́стными ухищря́яй укра́сти тя словесы́, му́чениче, враг вселука́вый
смех зри́тся,
му́дростию твое́ю му́дрец зло́бы прехищря́емь.
Припев: Священному́чениче Елевфе́рие, моли́ Бо́га о на́с.
На колесни́це взима́емь Боже́ственных доброде́телей, сла́вне,
высоту́ дости́гл еси́ муче́ния
и низложи́л еси́ лука́вых бесо́в превознесе́нную горды́ню.
Сла́ва Отцу́ и Сы́ну и Свято́му Ду́ху.
Ви́дети красоту́ жела́я Иису́сову, преподо́бне,
тебе́ сама́го украси́л еси́ муче́ния красото́ю
и к Нему́ прише́л еси́, венча́вся све́тлым венце́м.
И ны́не и при́сно и во ве́ки веко́в. Ами́нь.
Богородичен: Удивля́ет всяк ум чу́до Твое́, Чи́стая:
ражда́еши бо Бо́га пло́тию и Пита́теля пита́еши млеко́м,
искуше́ния му́жеска не позна́вши, Сам я́ко весть Еди́н.
Песнь 6
Ирмос: Проро́ка Ио́ну подража́я, вопию́:
живо́т мой, Бла́же, свободи́ из тли
и спаси́ мя, Спа́се ми́ра, зову́ща: сла́ва Тебе́.
Припев: Священному́чениче Елевфе́рие, моли́ Бо́га о на́с.
Наро́читый ове́н паств Христо́вых, па́стырь слове́снейший,
по́двигов стезя́ прославля́ется,
Бо́га просла́вив свои́ми удесы́.
Припев: Священному́чениче Елевфе́рие, моли́ Бо́га о на́с.
Вжили́вся к Бо́гу воззре́нии, му́дре,
обезжи́лил еси́ врага́ многоко́зненнаго тве́рдо, приснопа́мятне,
му́чеников сла́во, свяще́нства пра́вило.
Сла́ва Отцу́ и Сы́ну и Свято́му Ду́ху.
К ра́нам терпя́, ко огню́ самоидя́,
успи́л еси́ звере́й свире́пых стремле́ния,
неусы́пну к Зижди́телю име́я любо́вь.
И ны́не и при́сно и во ве́ки веко́в. Ами́нь.
Богородичен: Свяще́ния сень я́вльшися, Мари́е,
оскверне́нную сластьми́ окая́нную мою́ ду́шу освяти́
и Боже́ственныя сла́вы прича́стницу сотвори́.
Кондак, глас 2
Я́ко удобре́ние свяще́нников, преподо́бне,
и предувеща́ние страстоте́рпцев вси восхваля́ем
и про́сим тя, священному́чениче Елевфе́рие:
любо́вию па́мять твою́ пра́зднующия
бед многообра́зных свободи́,
моля́ непреста́нно о всех нас.
Икос
Пре́зри, Благоутро́бне Жизнода́вче,
я́ко Человеколю́бец Еди́н и ще́дрый Бог,
души́ моея́ омраче́ние
и всемо́щною десни́цею Твое́ю, Сло́ве, страсте́й свободи́ стуже́ния,
я́ко да Твоего́ иера́рха воспою́ Елевфе́рия,
той бо и́стинно из утро́бы позна́ся Тебе́, и освяти́ся,
и возложе́н бысть, я́ко Самуи́л,
от ма́тере свяще́нныя Тебе́, Зижди́телю,
моля́ непреста́нно о всех нас.
Песнь 7
Ирмос: Су́щим в пещи́ отроко́м Твои́м, Спа́се,
не прикосну́ся, ниже́ стужи́, огнь.
Тогда́ трие́, я́ко еди́неми усты́, поя́ху
и благословля́ху, глаго́люще:
благослове́н Бог оте́ц на́ших.
Припев: Священному́чениче Елевфе́рие, моли́ Бо́га о на́с.
Да велича́ется,– взыва́л еси́, му́дре, раздробля́емь,–
ны́не во пло́ти мое́й Христо́с,
не ужаса́юся распале́ний коно́бов, не бою́ся сме́рти, ни звере́й стремле́ний
су́щия ра́ди жи́зни.
Припев: Священному́чениче Елевфе́рие, моли́ Бо́га о на́с.
Еди́наго Бо́га добро́ты иски́й,
еди́ну Того́ сла́ву получи́ти жела́ю,
да раздробля́ется и опаля́ется все те́ло мое́,– взыва́л еси́, сла́вне,–
свобожде́ния ищу́, порабоща́ющаго Христу́.
Сла́ва Отцу́ и Сы́ну и Свято́му Ду́ху.
Смотря́я бу́дущую жи́знь, блаже́нне,
ми́ру умертви́лся еси́ и́стинно,
и, я́ко зла́то, я́звенными искуше́нии разже́гся, просия́л еси́,
и положи́лся еси́ в сокро́вищах Небе́сных оби́телей.
И ны́не и при́сно и во ве́ки веко́в. Ами́нь.
Богородичен: Чисте́йшу Тя Еди́ну обре́т, Всенепоро́чная,
Сло́во Чисте́йшее Бо́жие, из чре́ва Твоего́ роди́вся,
ве́рныя очища́ет оскверне́ния, Богоневе́сто,
прибы́вшая нам от неудержа́ния страсте́й.
Песнь 8
Ирмос: Его́же ужаса́ются А́нгели и вся во́инства,
я́ко Творца́ и Го́спода,
по́йте, свяще́нницы, просла́вите, о́троцы,
благослови́те, лю́дие,
и превозноси́те во вся ве́ки.
Припев: Священному́чениче Елевфе́рие, моли́ Бо́га о на́с.
Процве́т, прозя́бл еси́ сад красе́н
муче́ний све́тлостьми, му́чеников добро́то,
и ны́не рая́ цве́ти яви́стеся,
Боже́ственно благово́ние испуща́юще Боже́ственне.
Припев: Священному́чениче Елевфе́рие, моли́ Бо́га о на́с.
Кропле́ньми крове́й твои́х, рожде́ннаго из нея́,
кровь свою́ ма́ти приобща́ет:
твоему́ бо телеси́ объе́мшися, му́дре,
мече́м скончава́ется и живе́т во ве́ки.
Сла́ва Отцу́ и Сы́ну и Свято́му Ду́ху.
Исцеле́ний во́ды, чуде́с ре́ки
излива́ет тре́бующим ра́ка твоя́, му́дре,
отмыва́юще скве́рны душетле́нных страсте́й,
му́чениче иера́рше, во вся ве́ки.
И ны́не и при́сно и во ве́ки веко́в. Ами́нь.
Богородичен: Я́ко дождь, во утро́бу Твою́ сни́де Христо́с
и всю напои́ тварь вои́стинну,
изсуши́в, Де́во, му́тныя ре́ки идолонеи́стовства,
Еди́н Благоде́тель.
Песнь 9
Ирмос: Живоприе́мный исто́чник приснотеку́щий,
светоно́сный свети́льник благода́ти,
храм одушевле́нный, сень пречи́стую,
Небесе́ и земли́ простра́ннейшую,
Богоро́дицу, ве́рнии, велича́ем.
Припев: Священному́чениче Елевфе́рие, моли́ Бо́га о на́с.
Уста́ Бо́жия быв,
от уст чужда́го лю́ди суему́дренныя восхи́тив,
показа́л еси́ насле́дники благода́ти
и, пострада́в кре́пко, со иере́и и страда́льцы живе́ши, Елевфе́рие.
Припев: Священному́чениче Елевфе́рие, моли́ Бо́га о на́с.
Чи́стая мирополо́жница Ду́ха,
доброде́телей кра́сное жили́ще,
а́гнец незло́бивый, свети́льник незаходи́мый,
иера́рхов степе́нь и му́чеников,
да восхва́лится ве́рно Елевфе́рий.
Сла́ва Отцу́ и Сы́ну и Свято́му Ду́ху.
Во Све́те живе́ши и́стинно невече́рнем,
свет быв со́лнца светле́йший.
Тем па́мять твою́ светоно́сную днесь соверша́ющия
страсте́й мглы изба́ви к Бо́гу твои́ми моли́твами, Елевфе́рие.
И ны́не и при́сно и во ве́ки веко́в. Ами́нь.
Богородичен: Пощади́ нас, пою́щих Твое́, Го́споди, е́же из Де́вы, неизрече́нное Рождество́,
от напа́стей избавля́я, и страсте́й, и скорбе́й
мольба́ми Ея́ Твоя́ рабы́, я́ко Благоде́тель
и Еди́н Человеколю́бец.
