Православный Мир
Житие
Преподобный Исидор Пелусиот жил в IV–V веках. Родом из Александрии. Вырос в среде благочестивых христиан. Он состоял в родстве с Феофилом, архиепископом Александрийским, и его преемником святым Кириллом. Еще юношей он покинул мир и удалился в Египет на Пелусиотскую гору, которая стала местом его иноческих подвигов. Духовная мудрость и строгий аскетизм преподобного Исидора в соединении с широкой просвещенностью и природным знанием человеческой души позволили ему в короткое время снискать уважение и любовь иноков. Они избрали его своим настоятелем и возвели в сан пресвитера. Следуя примеру святителя Иоанна Златоуста, которого ему довелось видеть и слышать во время путешествия в Константинополь, преподобный Исидор посвятил себя преимущественно христианской проповеди, той "практической философии", которая, по его собственным словам, является "основанием здания и самим зданием", в то время как логика "есть его украшение", а "созерцание – венец". Он был учителем и безотказным подателем советов для всех, кто обращался к нему за духовной поддержкой – будь то простой человек, вельможа, епископ, патриарх Александрийский или сам император. После него осталось около 10000 писем, из которых до нас дошло 2090. Большая часть этих писем содержит глубокие по богословской мысли и вместе нравственно назидательные толкования Священного Писания. Здесь преподобный Исидор выступает как лучший ученик святителя Иоанна Златоуста. Любовь и преданность преподобного Исидора к святому Иоанну Златоусту проявились в решительных действиях в защиту святого Иоанна во время гонения на него императрицы Евдоксии и архиепископа Феофила. После смерти святителя преподобный Исидор убедил преемника Феофила, святого Кирилла Александрийского, вписать имя святого Иоанна Златоуста в церковные диптихи как исповедника. По инициативе преподобного Исидора был созван III Вселенский Собор в Ефесе (431), на котором было осуждено лжеучение Нестория о Лице Иисуса Христа.
Преподобный Исидор достиг глубокой старости и скончался около 436 года. Церковный историк Евагрий (VI век) о преподобном Исидоре пишет, что "жизнь его казалась всем жизнью ангельской на земле". Другой историк, Никифор Каллист (XI в.), так восхваляет преподобного Исидора: "Он был живым и одушевленным столпом иноческих уставов и Божественного видения и как бы самым высшим образцом теплейшего подражания и учения духовного".
Песнопения
Тропарь, глас 8
В тебе́, о́тче, изве́стно спасе́ся, е́же по о́бразу:
прии́м бо крест, после́довал еси́ Христу́
и, де́я, учи́л еси́ презира́ти у́бо плоть, прехо́дит бо,
прилежа́ти же о души́, ве́щи безсме́ртней.
Те́мже и со А́нгелы сра́дуется, преподо́бне Иси́доре, дух твой.
Кондак, глас 4
Денни́цу другу́ю тя Це́рковь обре́тши, пресла́вне,
твои́х слове́с мо́лниями освеща́ема,
взыва́ет ти:
ра́дуйся, всеблаже́нне Богому́дре Иси́доре.
Канон
Канон преподобному Исидору Пелусиоту
Минея, 4 Февраля.
Глас 6
Песнь 1
Ирмос: Я́ко по су́ху, пешеше́ствовав Изра́иль
по бе́здне сто́пами,
гони́теля фарао́на
ви́дя потопля́ема,
Бо́гу, побе́дную песнь пои́м, вопия́ше.
Припев: Преподо́бне о́тче Иси́доре, моли́ Бо́га о на́с.
Сокруше́ннаго се́рдца стена́ние услы́шав, Влады́ко,
души́ моея́ лю́тое сокруше́ние исцели́ моли́твами преподо́бнаго Твоего́, Христе́,
я́ко Всеси́лен.
Припев: Преподо́бне о́тче Иси́доре, моли́ Бо́га о на́с.
Вшед, ты, Богоно́се, в де́тельную доброде́тель, Иси́доре,
виде́нием чи́стым и кра́сным явле́нием Бо́гу бесе́дуя всегда́,
я́ве обогати́лся еси́.
Сла́ва Отцу́ и Сы́ну и Свято́му Ду́ху.
Прему́дрости ча́ши прине́с твоя́ уста́, прему́дре,
и́же отону́ду дарова́ний исто́чник поче́рпл еси́,
Бо́гу побе́дную песнь воспева́я.
И ны́не и при́сно и во ве́ки веко́в. Ами́нь.
Богородичен: Я́ко на ле́гцем о́блаце, Соде́тель на Тебе́ прии́де
низложи́ти, я́ко Си́лен, еги́петская, Влады́чице Чи́стая, рукотворе́нная,
Христо́с, я́ко Всеси́льный.
Песнь 3
Ирмос: Несть свят,
я́ко же Ты, Го́споди, Бо́же мой,
вознесы́й рог ве́рных Твои́х, Бла́же,
и утверди́вый нас на ка́мени
испове́дания Твоего́.
Припев: Преподо́бне о́тче Иси́доре, моли́ Бо́га о на́с.
Ума́ остро́тою, му́дре, су́щих собра́в, пресла́вне, естество́,
и́мже нача́льную вину́, я́ко чист Богосло́в,
неле́стно пости́гл еси́.
Припев: Преподо́бне о́тче Иси́доре, моли́ Бо́га о на́с.
Поуче́ние положи́в я́сно сме́рти житию́, Богоно́се треблаже́нне,
страсте́й ве́щныя вины́ умертви́л еси́,
безстра́стия объя́т быв жела́нием.
Сла́ва Отцу́ и Сы́ну и Свято́му Ду́ху.
В след ра́дуяся Христа́, крест твой носи́в
после́довал еси́, о́тче, в посте́ тве́рдем
и Се́му, я́ко мо́щно, уподо́бился еси́ жития́ чистото́ю.
И ны́не и при́сно и во ве́ки веко́в. Ами́нь.
Богородичен: Зако́нных естества́ кроме́ Влады́ку ро́ждши, Богоро́дице Де́во,
дре́внюю преслуша́ния кля́тву разори́ла еси́,
благослове́ния исто́чник источа́ющи.
Седален, глас 3
Кни́га ра́зума уче́ния, бога́тством ве́ры сочинена́,
Пресвято́му яви́лся еси́ Ду́ху,
открыва́я Боже́ственная тре́бующим и жизнь сокро́вищствуя хотя́щим.
О́тче преподо́бне, Христа́ Бо́га мо́ли
дарова́ти нам ве́лию ми́лость.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Богородичен: Боже́ственная была́ еси́ ски́ния Сло́ва, Еди́на Всечи́стая Де́во Ма́ти, чистото́ю а́нгелы превозше́дшая, па́че все́х мене́ пе́рсть бы́вша, оскверне́на плотски́ми прегреше́ньми, очи́сти моли́тв Твои́х боже́ственными вода́ми, подаю́щи, Чи́стая, ве́лию ми́лость.
Песнь 4
Ирмос: Христо́с моя́ си́ла,
Бог и Госпо́дь, честна́я Це́рковь,
боголе́пно пое́т, взыва́ющи,
от смы́сла чи́ста о Го́споде пра́зднующи.
Припев: Преподо́бне о́тче Иси́доре, моли́ Бо́га о на́с.
Незави́стно, преподо́бне, Христу́ повину́яся,
да́нное тебе́ бога́тство, я́ко благопокори́в раб, разда́л еси́,
и несказа́нныя тя ра́дости Влады́ка сподо́би.
Припев: Преподо́бне о́тче Иси́доре, моли́ Бо́га о на́с.
Прему́дрости пучи́ну преплы́в,
до́брый би́сер, я́ко добр купе́ц, приобре́л еси́
и сей то́кмо сокро́вище неоску́дно стяжа́л еси́.
Сла́ва Отцу́ и Сы́ну и Свято́му Ду́ху.
Боже́ственным Ду́хом осия́емь,
лучи́ слове́с со́лнечно всем испусти́л еси́,
спасе́ния ве́рным, Богоявле́нне, жела́я.
И ны́не и при́сно и во ве́ки веко́в. Ами́нь.
Богородичен: Я́ко вои́стинну неизглаго́ланна и непости́жна
Твоего́, Богоро́дице, Боголе́пнаго суть Рождества́ су́щим на зе́мли
и на Небеси́, Присноде́во, та́инства.
Песнь 5
Ирмос: Бо́жиим све́том Твои́м, Бла́же,
у́тренюющих Ти ду́ши любо́вию озари́, молю́ся,
Тя ве́дети, Сло́ве Бо́жий,
и́стиннаго Бо́га,
от мра́ка грехо́внаго взыва́юща.
Припев: Преподо́бне о́тче Иси́доре, моли́ Бо́га о на́с.
Умерщвле́нием, всему́дре, страсте́й вне быв и пло́ти,
любо́вию Бо́гу прибли́жился еси́, Пресвятому́ и Пресве́тлому Све́ту
и Еди́ному, истязу́ющему чистоту́.
Припев: Преподо́бне о́тче Иси́доре, моли́ Бо́га о на́с.
Боже́ственным сия́нием твои́м, бла́же,
ум, Богоно́сец, озари́в,
столп всесве́тел бысть,
всем посыла́я Боже́ственнаго Све́та Боже́ственныя зари́
и мрак неве́дения отгоня́.
Сла́ва Отцу́ и Сы́ну и Свято́му Ду́ху.
Хотя́й всем я́ко Благ, всему́дре, спасти́ся,
наста́вника заблу́ждшим тя показа́,
мно́гия обраща́ти ко спасе́ния пути́,
Иси́доре треблаже́нне, о́тче пребога́те.
И ны́не и при́сно и во ве́ки веко́в. Ами́нь.
Богородичен: Вои́стинну усты́ и душе́ю, Влады́чице ми́ра Блага́я,
испове́даю Тя, Всенепоро́чная, воплоще́нна Бо́га ро́ждшую, Чи́стая,
и жития́ Тя предста́тельницу ве́рою предлага́ю.
Песнь 6
Ирмос: Жите́йское мо́ре,
воздвига́емое зря напа́стей бу́рею, к ти́хому приста́нищу Твоему́ прите́к, вопию́ Ти:
возведи́ от тли живо́т мой,
Многоми́лостиве.
Припев: Преподо́бне о́тче Иси́доре, моли́ Бо́га о на́с.
Словесы́ су́дными укра́шься я́ко иере́й,
слове́сно разсуди́л еси́, Богоно́се, и те́лом и душе́ю,
и го́ршее лу́чшему повину́в смы́сленно, досточу́дне.
Сла́ва Отцу́ и Сы́ну и Свято́му Ду́ху.
Благомо́щно Еги́пта страсте́й и пи́щи
ты, мона́шествующих похвало́,
воздержа́тельными, сла́вне, я́звами, истязу́я уязви́л еси́,
ве́рным услажда́я прехожде́ние.
И ны́не и при́сно и во ве́ки веко́в. Ами́нь.
Богородичен: Нося́й вся́ческая си́лою Боже́ственною
и содержа́й, я́ко Благоутро́бен,
Твои́ми объя́тии, Пречи́стая, вопло́щься, я́ко Младе́нец но́сится,
И́же Отцу́ по Существу́ Соприсносу́щный.
Кондак, глас 4
Денни́цу другу́ю тя Це́рковь обре́тши, пресла́вне,
твои́х слове́с мо́лниями освеща́ема,
взыва́ет ти́:
ра́дуйся, всеблаже́нне Богому́дре Иси́доре.
Песнь 7
Ирмос: Росода́тельну у́бо пещь соде́ла А́нгел
преподо́бным отроко́м,
халде́и же опаля́ющее
веле́ние Бо́жие мучи́теля увеща́ вопи́ти:
благослове́н еси́, Бо́же оте́ц на́ших.
Припев: Преподо́бне о́тче Иси́доре, моли́ Бо́га о на́с.
На тве́рди ве́ры поста́ви, о́тче, я́коже со́лнце, Влады́ка тя,
просвеща́ти сия́нием мы́сленным ду́ши вопию́щих приле́жно:
благослове́н еси́, Бо́же оте́ц на́ших.
Сла́ва Отцу́ и Сы́ну и Свято́му Ду́ху.
Скве́рны плотски́я и духо́вныя отмы́л еси́, блаже́нне, сле́з излия́ньми
и, быв, Богоно́сне, свет су́щим на зе́мли,
вся научи́л еси́ вопи́ти:
благослове́н еси́, Бо́же оте́ц на́ших.
И ны́не и при́сно и во ве́ки веко́в. Ами́нь.
Богородичен: На недви́жимем ве́ры стоя́ще основа́нии,
Тя, Богома́терь Чи́стая, испове́дуем Богоро́дицу:
Сло́во бо Бо́жие без семе́не родила́ еси́ нам.
Благослове́н, Пречи́стая, Плод чре́ва Твоего́.
Песнь 8
Ирмос: Из пла́мене преподо́бным ро́су источи́л еси́
и пра́веднаго же́ртву водо́ю попали́л еси́:
вся бо твори́ши, Христе́, то́кмо е́же хоте́ти.
Тя превозно́сим во вся ве́ки.
Припев: Преподо́бне о́тче Иси́доре, моли́ Бо́га о на́с.
Я́ко словесну же́ртву, о́тче, все́ житие́ твое́ в воню́ благово́ния прине́сл еси́
на Кресте́ тебе́ ра́ди пове́шеному Христу́,
Его́же превозно́сим во вся ве́ки.
Припев: Преподо́бне о́тче Иси́доре, моли́ Бо́га о на́с.
Мно́жиши бога́тство и по сме́рти,
одушевле́на словеса́ твоя́ я́коже многоце́нно всем ве́рным насле́дие оста́вль,
превознося́щим Христа́ во вся ве́ки.
Сла́ва Отцу́ и Сы́ну и Свято́му Ду́ху.
Украси́лся еси́, преблаже́нне, добро́тою слове́с твои́х,
Свята́го бо Ду́ха яви́лся еси́ трость,
пиша́ благоче́стно ра́зум Боже́ствен
превознося́щим Го́спода во вся ве́ки.
И ны́не и при́сно и во ве́ки веко́в. Ами́нь.
Богородичен: К Твоему́ кро́ву прибега́ю, Всенепоро́чная,
и Предста́тельницу жи́зни моея́ Тя ны́не предлага́ю,
Тя, па́че ума́ Бо́га Сло́ва ро́ждшую.
Его́же превозно́сим во вся ве́ки.
Песнь 9
Ирмос: Бо́га
челове́ком невозмо́жно ви́дети,
на Него́же не сме́ют чи́ни А́нгельстии взира́ти;
Тобо́ю же, Всечи́стая, яви́ся челове́ком
Сло́во воплоще́нно,
Его́же велича́юще,
с Небе́сными во́и Тя ублажа́ем.
Припев: Преподо́бне о́тче Иси́доре, моли́ Бо́га о на́с.
Я́коже заря́ све́та, облиста́ в твою́ ду́шу благода́ти сло́во, преподо́бне, тобо́ю же вся земля́ испо́лнися того́ сия́ния.
Ему́же причаща́ющиися, твоея́ му́дрости сокро́вищу, о́тче, удивля́емся.
Припев: Преподо́бне о́тче Иси́доре, моли́ Бо́га о на́с.
Тре́м Ли́цам во Еди́нстве Естества́,
оте́ческим после́дуя уче́нием, Богому́дренно покланя́тися научи́л еси́,
чти́ти Богословя́щия Несозда́нную Безнача́льную Тро́ицу,
всем ве́рным просвеще́ние источа́ющую.
Сла́ва Отцу́ и Сы́ну и Свято́му Ду́ху.
Обре́т трудо́в твои́х воздая́ния на Небесе́х, жизнь безконе́чную прие́м,
пою́щим, прему́дре, па́мять твою́ испроси́ спасе́ние, блаже́нне Иси́доре, престо́лу Бо́жию со А́нгелы ны́не предстоя́.
И ны́не и при́сно и во ве́ки веко́в. Ами́нь.
Богородичен: Тле́нен Сло́во Бо́жие нетле́нное о́браз прие́м,
челове́ки в нетле́ние облече́,
благоволе́нием О́тчим все́лься в Тя, Обра́дованная.
Те́мже, Пречи́стая, с Небе́сными во́и Тя велича́ем.
