Святитель Серапио́н, архиепископ Новгородский

Краткое житие святителя Серапиона, архиепископа Новгородского

Родился в подмосковном селе Пехорке и с юных лет стремился к иночеству. По воле родителей вступил в брак, принял сан священства, но через год овдовел и принял пострижение в Дубенском Успенском монастыре. За добродетельную жизнь был избран игуменом обители и так много потрудился для нее, что впоследствии она стала называться его именем – Серапионовой пустынью.

Желая предаться более строгим подвигам, святой слагает с себя настоятельство и переходит в Троице-Сергиеву Лавру, в которой в 1495 г. становится игуменом. Святой пользовался большим уважением великого князя Иоанна Васильевича, и известно, что по его ходатайству он помиловал троих осужденных на смертную казнь боярынь.

Присутствуя на Соборе (1504 г.), святитель горячо отстаивал церковные и монастырские имения как средство благотворительности.

В 1506 г. хиротонисан в архиепископа Новгородского. Во время большого пожара в Новгороде, в 1508 г., святитель своими слезными молитвами умолил Господа о его прекращении.

Много бед перенес святитель Серапион: в 1509 г. он был лишен кафедры и сослан в московский Андроников монастырь. В 1511 г. св. Серапион переселяется в Троице-Сергиеву Лавру, где в непрестанном подвиге богомыслия и молитвы проводит последние годы жизни, сподобившись от Господа дара прозорливости и чудотворения.

Приняв схиму, святитель мирно скончался 16 марта 1516 г. Нетленные мощи его были обретены 7 апреля 1517 г. и доныне почивают под спудом в Серапионовой палате у Троицкого собора в Троице-Сергиевой Лавре.

Господь прославил Своего угодника даром чудотворения как при жизни, так и по смерти: однажды в праздник Успения святитель исцелил хромого, который много лет ползал на ногах и руках, опираясь на деревяшки.

В 1608 г., во время осады Лавры поляками, многие иноки и миряне видели его в святительском облачении, пришедшего в храм помолиться о своей обители.

Полное житие святителя Серапиона, архиепископа Новгородского

Родиной святителя Серапиона было село Пехорка в 20-ти поприщах от Москвы; о родителях же его известно только, что они были поселяне, люди верующие и благочестивые. На седьмом году от рождения Серапион начал обучаться грамоте, а затем в раннем сравнительно возрасте хотел удалиться от мира, но родители не позволили сделать этого. Уступая их желанию, он вступает в брак и принимает сан священства; через год умерла его жена, Серапион постригается в монашество, но для покоя родителей и после пострижения остается для служения при той же Покровской церкви. Когда же скончались его родители, Серапион отпустил на волю рабов отца своего, имущество раздал бедным и поступил в Дубенский Успенский монастырь, что на острове; вскоре он сделан был строителем этой обители, много потрудился для монастыря и так прославился своими иноческими подвигами, что самая обитель стала называться пустынью Серапиона. Желая предаться богомыслию и строгим подвигам, Серапион сложил с себя обязанности строителя обители и перешел в Троице-Сергиеву Лавру при игумене Симоне. Этот Симон был поставлен митрополитом Московским в 1495 году, а святой Серапион волею митрополита и великого князя тогда же сделан был игуменом Лавры. Святой Серапион пользовался большим уважением великого князя Иоанна Васильевича, и был случай, когда по ходатайству святого Серапиона он помиловал осужденных на казнь.

Недобрые люди оклеветали перед великим князем трех боярынь, обвинив их в волшебстве. Иоанн Васильевич страшно опалился на них и присудил к смерти через сожжение. За невинно осужденных печалуется митрополит Симон соборно с духовенством своим, просят бояре, но без всякого успеха. Тогда святой Серапион, помолясь Живоначальной Троице, Пречистой Богородице и преподобному Сергию, отправился к великому князю и наедине со слезами начал печаловаться за несчастных боярынь, прося освободить их от смертной казни. Великий князь умилился просьбой Троицкого игумена, перестал гневаться, умилостивился до того, что без всякого наказания освободил боярынь. Этот подвиг печалования прославил святого Серапиона – народ припоминал святителя Николая, освобождавшего от смертной казни неповинных. Сам великий князь возлюбил за это подвижника.

Выделился своим благоразумием святой Серапион и на Соборе 1504 года, когда горячо отстаивал церковные и монастырские имения как средство благотворительности.

Святой Серапион очень заботился о вверенной ему обители преподобного Сергия, был рачительным хозяином, берег ее вотчины и монастырские запасы, собранные в многочисленных селах и деревнях.

Великий князь Иоанн Васильевич при передаче царства своему сыну Василию указал на святого Серапиона как на одного из достойнейших к занятию архиерейской кафедры. Великий Новгород в то время более двух лет не имел своего святителя. Избрание пало на святого Серапиона, и 15 января 1506 года собором архипастырей он был хиротонисан в архиепископа Новгородского. Попущением Божиим наступили тогда для Новгорода тяжелые времена. Третий уже год Новгород страдал от смертоносной язвы; в 1508 году мор был особенно силен: в одну осень умерло 15396 человек. В том же году страшный пожар опустошил торговую сторону Новгорода: при страшной буре огонь действовал с такою силою, что люди не успевали спасаться; «всех душ сгорело 3315, а утопших в реке Волхове Бог един весть», говорит летописец. Немалые скорби пришлось понести святителю Серапиону среди этих бедствий. Непрестанно молясь о прекращении страшной болезни, святитель Серапион с иконами и крестами ходил около города, велел в один день срубить и поставить церковь во имя Похвалы Богородицы на Детинце и в тот же день (15 октября) освятил ее. В то время молитвами святого архиепископа Серапиона исцелил Господь Бог трех человек: слепого, расслабленного и бесноватого. После этого чуда смертоносная язва немедленно прекратилась. Во время пожара архиепископ с иконами и крестами вышел на Волховский мост к Чудному кресту, но не мог выговорить слова на молебне, сильно рыдал, источая слезы из очей своих, как струи, непрестанно, и молился в тайне сердца своего, пока прекратился гнев Божий. С прекращением пожара святой Серапион велел собрать тела погибших и зарыть в землю, отслужил по ним панихиду и, собравши многих граждан, проклял немилостивых грабителей, похищавших все ценное у обгоревших тел и из домов.

В то же время случилась великая распря святителя Серапиона с игуменом Волоколамского монастыря преподобным Иосифом. Волоколамская обитель находилась тогда в ведении Новгородского владыки. Когда князь Феодор Борисович стал теснить иноков и игумена Иосифа – отнимать монастырские деньги и имущество, приказав ему удалиться, куда угодно, если не желает исполнять княжеские распоряжения, – то святой Иосиф сначала хотел удалиться, а потом по просьбе братии остался и решил просить защиты обители у великого Московского князя Василия Иоанновича и у митрополита Симона. Послал он и к владыке Серапиону некоего старца Игнатия за благословением на это дело, но в Новгород по случаю моровой язвы проникнуть было нельзя, и старец воротился назад. Великий князь тоже не сразу принял под свое покровительство Волоколамскую обитель, но сначала пытался уговорить князя Феодора Борисовича, затем в 1507 году собрал собор и по решению соборному принял обитель под свое покровительство, сказавши в успокоение игумену Иосифу: «Ты из предела Новгородской архиепископии не отошел; я взял монастырь твой только от насилия удельного князя, а к архиепископу сам пошлю, как минет земская невзгода».

Когда узнал владыка Серапион о переходе Волоколамской обители к великому князю, то очень огорчился, не принял посланного преподобным Иосифом старца с объяснениями дела и без сношения с великим князем и митрополитом запретил игумена Иосифа в священнослужении и отлучил от Церкви за то, говорилось в грамоте, что «он отступил от небесного, а пришел к земному». Преподобный Иосиф с покорностью принял гнев святителя, но последние слова неблагословенной грамоты огорчили великого князя и митрополита. Великий князь тогда же лишил архиепископа престола, вытребовал в Москву и заточил в Андрониевском монастыре. В 1509 году на соборе архипастырей разбиралась между прочим жалоба игумена Иосифа на владыку Серапиона за отлучение от Церкви. Три раза отцы собора спрашивали архиепископа Серапиона: за что он отлучил игумена Иосифа и по каким церковным правилам.

Владыка Серапион ничего не отвечал, говорил летописец. По словам же преподобного Иосифа, архиепископ вместо ответа начал только свариться со всеми, говоря: «Про то я ведаю, почему не благословил Иосифа, а вам какое до того дело. Волен я в своем чернеце, как и князь Феодор в своем монастыре». На вопрос великого князя, за что он назвал князя Феодора небесным, а его земным, Серапион не нашелся ничего сказать. Собор простил и благословил игумена Иосифа, владыке же Серапиону определил пребывать в монастыре.

Долгое время новгородцы не могли утешиться о лишении своего доброго пастыря и учителя. Недолго был он у них, но успел и в короткое время показать себя питателем нищих, наказателем вельмож, утехою скорбящим, прохладою обуреваемым и общим всем помощником. 17 лет у новгородцев не было архиепископа после владыки Серапиона.

Много претерпел святой Серапион в заточении в Андрониевом монастыре. Митрополит перед своею смертью примирился с святым Серапионом в 1511 году, пригласил его в Москву к себе, благословил и сам принял от него прощение. Тогда же последовало примирение с владыкою Серапионом и преподобного Иосифа. Сам великий князь Василий Иоаннович, вспомнив завет своего родителя, смиловался и позволил владыке Серапиону переселиться в Троице-Сергиев монастырь, где он много подвизался в посте, молитве, глубоком смирении и терпении. Перед кончиною своею святой Серапион принял схиму; простившись с братией обители Преподобного Сергия и причастившись Святых Тайн, он скончался 16 марта 1516 года со словами на устах: «Господи, в руце Твои предаю дух мой».

Необыкновенною радостью осветилось лицо почившего святителя; со слезами и скорбью погребли иноки владыку Серапиона близ церкви Живоначальной Троицы; святые мощи его обретены нетленными в следующем 1517 году, 7 апреля, и почивают под спудом в Троице-Сергиевой Лавре, на южной стороне Троицкого собора, где прежде была келлия преподобного Сергия.

Бог прославил Своего угодника особым даром чудотворений и прозорливости как при жизни, так и после блаженной его кончины.

Однажды святитель Серапион в праздник Успения Пресвятой Богородицы пригласил к себе на пир старейшин града и множество народа; среди пришедших был один хромой, который ползал много лет на ногах и руках, опираясь на деревяшки. Милостивая душа архиепископа захотела напитать хромого сначала духовною пищею. Святой Серапион со слезами помолился Господу об исцелении больного и сказал хромому: «Во имя Господа Бога и Спаса нашего Иисуса Христа востани на ноги твои». Хромой поднялся на ноги, подошел к архиепископу и принял от него благословение. Бывшие при этом чуде прославили Бога и его угодника.

Провидел святитель Серапион будущую судьбу своего любимого ученика архидиакона Иакова и еще в юношеском возрасте его поклонился ему как будущему игумену Троице-Сергиева монастыря, что и исполнилось: Иаков игуменствовал в Троицкой Лавре с 1515 по 1520 гг.

Святой Серапион видел дальнее, как бы находящееся близ него. Когда скончался преподобный Иосиф Волоколамский (9 сентября 1515 года), святой Серапион, пребывая в Троице-Сергиевом монастыре, в тот самый час сказал бывшим с ним: «Брат наш Иосиф преставился. Бог да простит его». И, молясь перед иконой Спасителя, прибавил: «Не постави ему, Господи, греха, ибо бывает подобное и с праведными».

В 1608 году, в тяжелую годину Троице-Сергиевой Лавры, на призыв святого Сергия вошел в храм святой Серапион в святительском облачении и с поднятыми к небу руками молился в алтаре перед иконою Пресвятой Богородицы: «О, Всепетая Мати! От всякия избави напасти всех».

Имя святителя Серапиона вместе с другими призывается на помощь в церковных грамотах и в чине поставления епископа.

Местное празднование святого Серапиона в Троицкой Лавре началось после 1559 года, когда его мощи были открыты, переложены в новый гроб и снова погребены, причем произошли два чуда. В XVII веке Серапиона почитают святым на месте его святительства в Новгороде. В настоящее время празднование угоднику Божию общецерковное. Святые мощи его под спудом.

Тропарь, глас 8

Тве́рдый адама́нт вои́стинну, о́тче, показа́лся еси́,
во всем подо́бяся Влады́це своему́ и Го́споду,
непра́ведная изгна́ния, ра́дуяся, претерпе́л еси́,
те́мже и Христо́с святи́телем и му́чеником сли́ковна тя сотвори́
и дарова́ тя ста́ду твоему́, я́ко сокро́вище неотъе́млемо,
чудесы́ всех обогаща́ющее,
я́ко да и мы, соше́дшеся к ра́це моще́й твои́х,
любо́вию вопие́м ти:
о вели́кий во святи́телех и ди́вный во страда́льцех
пречестны́й архиере́ю, Серапио́не о́тче наш,
моли́ о нас всеблага́го Бо́га,

да спасе́т ду́ши на́ша.

Кондак, глас 3

Я́ко венце́м пресве́тлым, украси́вся днесь, Вели́кий Новогра́д
лику́ет в па́мять па́стыря своего́ и учи́теля,
и, я́ко диади́му ца́рскую, возложи́вши,
Ла́вра вели́кая о́на све́тло ра́дуется,
иде́же просла́ви тебе́ Бог, уго́дника Своего́,
и прояви́ после́днему ро́ду на́шему
цельбоно́сныя мо́щи твоя́,
о пресла́вне святи́телю Серапио́не,
Це́рковь же Бо́жия весели́тся,
созыва́ющи мона́хов сосло́вие и всех ве́рных
велегла́сно вопи́ти:
ра́дуйся, Вели́кому Нову́гра́ду и оби́тели Се́ргиевой похвало́

и всея́ Росси́йския земли́ пресве́тлый свети́льниче.

Молитва

О, вели́кий святи́телю Бо́жий о́тче Серапио́не! Вонми́ мое́й сла́бой моли́тве, и предста́ни за мя, гре́шнаго и убо́гаго, пред Го́сподем, и испроси́ твои́ми усе́рдными моли́твами мно́жеству грехо́в мои́х проще́ние, да, получи́в по́мощь твою́, поживу́ во исправле́ние жития́ моего́. Ты, я́ко испо́лненный живо́ю струе́ю от Приснотеку́щаго Исто́чника воды́ живота́ ве́чнаго – Христа́ Иису́са, ороси́ се́рдце мое́ и возбуди́ жела́ние любви́ моея́ ко Го́споду, да путь маловре́меннаго жития́ поживу́ в поуче́нии за́поведем Его́ и в покая́нии серде́чнем. И, охраня́емь твои́ми те́плыми за мя моли́твами, улучу́ от благосе́рдаго Спа́са Го́спода на́шего Иису́са Христа́ благовре́менную в ну́ждах по́мощь и непосты́дный христиа́нский коне́ц живота́ моего́, прославля́я Его́ со все́ми, от ве́ка благоугоди́вшими Ему́, во ве́ки веко́в. Ами́нь.

Канон святителю Серапиону, архиепископу Новгородскому

Минея, 16 Марта.

Глас 8

Песнь 1

Ирмос: Пои́м Бо́гу,
от го́рькия рабо́ты фарао́новы изба́вльшему Изра́иля
и о́гненным столпо́м и све́тлым о́блаком наста́вльшему,
я́ко просла́вися.

Припев: Святи́телю, о́тче Серапио́не, моли́ Бо́га о на́с.

Отве́рзи устне́ мои́, Го́споди,
просвети́ ми смысл помраче́нный,
разреши́ ю́зу язы́ка моего́,
я́ко да све́тло и ра́достно восхвалю́ до́бляго страда́льца Серапио́на,
Твои́м страсте́м подража́теля.

Припев: Святи́телю, о́тче Серапио́не, моли́ Бо́га о на́с.

А́ще и гру́бо приноси́мое тебе́ пе́ние,
но от усе́рдия приими́, о́тче преблаже́ннейший,
я́коже две ле́пты о́ноя вдови́цы прия́т Христо́с,
и не лише́на мя сотвори́ Твои́х даро́в,
и согреше́нием проще́ние испроси́.

Сла́ва Отцу́ и Сы́ну и Свято́му Ду́ху.

Блага́го Бо́га подража́тель был еси́, Серапио́не преди́вне,
ми́лость же к ни́щим и любо́вь нелицеме́рну ко всем ра́вно стяжа́в, помина́я рече́нная:
возлю́биши и́скренняго своего́, я́ко сам себе́.

И ны́не и при́сно и во ве́ки веко́в. Ами́нь.

Богородичен: Всепе́тая Богоро́дице,
Я́же Всеми́лостиваго Бо́га поро́ждшая,
ду́шу мою́, омраче́нную де́монскими прило́ги, просвети́, Всенепоро́чная,
и ума́ моего́ уврачу́й изступле́ние,
я́ко да по достоя́нию сла́влю Тя.

Песнь 3

Ирмос: Утвержде́ние мое́, Спа́се, еси́,
прибе́жище мое́ и си́ла,
поколеба́вшееся се́рдце мое́ утверди́ в стра́се Твое́м,
я́ко не́сть свят, я́коже Ты, Бог наш.

Припев: Святи́телю, о́тче Серапио́не, моли́ Бо́га о на́с.

Го́спода своего́ во́лю сотвори́в, Серапио́не сла́вне,
сугу́б тала́нт приобре́л еси́,
сего́ ра́ди и благи́й о́ный глас слы́шиши:
до́брый ра́бе и ве́рный,
вни́ди в ра́дость Го́спода своего́.

Припев: Святи́телю, о́тче Серапио́не, моли́ Бо́га о на́с.

Душе́вную чистоту́ стяжа́в,
без нея́же никто́ же у́зрит Го́спода, святи́телю Серапио́не, о́тче наш,
стра́сти окая́нныя души́ моея́ и сла́сти теле́сныя моли́твами твои́ми угаси́.

Сла́ва Отцу́ и Сы́ну и Свято́му Ду́ху.

Егда́ у́бо Бо́гу производя́щу тя на лу́чшая,
тогда́ мирска́я вся оплева́л еси́
и, благи́й яре́м на ра́мо взем, усе́рдно Тому́ после́довал еси́.

И ны́не и при́сно и во ве́ки веко́в. Ами́нь.

Богородичен: Живо́т ро́ждшая Ипоста́сный, Де́во Всенепоро́чная,
се́рдца моего́ стру́пы исцели́ хода́тайствы Твои́ми,
е́же к Сы́ну Твоему́, Богоблагода́тная.

Седален, глас 8

Чистото́ю душе́вною и теле́сною па́че со́лнца облиста́л еси́,
терпе́нием му́жествовав, велиа́ру главу́ стерл еси́,
льсти́вно на тя вооружи́вшихся
по́мощию Вседержи́теля под но́зе пове́ргл еси́,
самоде́ржца непови́ннаго гне́ва не устраши́лся еси́,
ни ласка́нием, ни лю́тым преще́нием непревра́тен пребы́л еси́,
Серапио́не о́тче наш,
сего́ ра́ди Христо́с побе́дным венце́м увязе́ тя,
тем мо́лим тя:
моли́ спасти́ся и́же па́мять твою́ любо́вию почита́ющим.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Челове́к вражду́ющих и де́монская стреля́ния уста́вила еси́, Всенепоро́чная,
хода́тайством к Сы́ну Твоему́ и Бо́гу на́шему,
душа́м спасе́ние и телесе́м здра́вие подаю́щи
ве́рою при́сно блажа́щих Тя
и пресвято́е рождество́ Твое́ почита́ющих.

Песнь 4

Ирмос: Всел еси́ на ко́ни, апо́столы Твоя́, Го́споди,
и прия́л еси́ рука́ма Твои́ма узды́ их,
и спасе́ние бы́сть ежде́ние Твое́
ве́рно пою́щим:
сла́ва си́ле Твое́й, Го́споди.

Припев: Святи́телю, о́тче Серапио́не, моли́ Бо́га о на́с.

Зе́льным поще́нием, и моли́твами непреста́нными,
и чистото́ю серде́чною живу́ща в себе́ Христа́ име́л еси́, преблаже́нне святи́телю,
во огра́ду бо вни́де Пречи́стыя Его́ Ма́тери,
на Нея́же всю наде́жду возложи́л еси́.

Припев: Святи́телю, о́тче Серапио́не, моли́ Бо́га о на́с.

Земна́я отри́нув, Небе́сная насле́довал еси́,
от си́лы бо в си́лу пре́йде,
к преми́рному Ца́рствию, иде́же угото́вася ти, терпе́ния ра́ди твоего́,
вене́ц нетле́нный и ве́чное весе́лие.

Сла́ва Отцу́ и Сы́ну и Свято́му Ду́ху.

Изволе́нием Бо́жиим и избра́нием по́стников сосло́вия
па́стырь поставля́ешися и наста́вник, и́же ко спасе́нию,
непреле́стным путе́м вводя́ ста́до свое́ во огра́ду Небе́сную.

И ны́не и при́сно и во ве́ки веко́в. Ами́нь.

Богородичен: И ражда́еши, и де́вствуеши, Де́во Всенепоро́чная,
иску́са бо му́жескаго не прие́мши,
родила́ еси́ Бо́га воплоще́нна от пречи́стую боку́ Твое́ю,
Его́же моли́ о пою́щих Тя.

Песнь 5

Ирмос: У́тренюет дух мой к Тебе́, Бо́же,
зане́ свет повеле́ния прише́ствия Твоего́,
и́миже у́бо озари́ ум наш, Влады́ко,
и наста́ви на стезю́ жи́зни.

Припев: Святи́телю, о́тче Серапио́не, моли́ Бо́га о на́с.

Кре́пко вооружи́ся на неви́димыя враги́, я́коже тве́рдый адама́нт,
вы́я их сокруши́л еси́
и, под но́зе попра́в, го́рдостная шата́ния низве́ргл еси́,
Го́споду тя, святи́телю Серапио́не, прославля́ющу,
и́стиннаго Своего́ уго́дника.

Припев: Святи́телю, о́тче Серапио́не, моли́ Бо́га о на́с.

Лука́вых де́монов ла́яния ста́до свое́ сохраня́я,
И́стиннаго Па́стыря Христа́ и́стинный учени́к быв, Серапио́не преди́вне,
сего́ ра́ди избра́нием первосвяти́теля
наме́стник блаже́ннаго Се́ргия в вели́цей Ла́вре устроя́ешися.

Сла́ва Отцу́ и Сы́ну и Свято́му Ду́ху.

Ми́лостивно наказу́я, о́тче Серапио́не,
о Христе́ поруче́нное тебе́ ста́до упасе́ на па́житех зако́на живоно́снаго:
собо́ю бо о́браз показа́л еси́,
возвеща́я пу́ть ко спасе́нию и е́же от злых премене́ние.

И ны́не и при́сно и во ве́ки веко́в. Ами́нь.

Богородичен: На́шего спасе́ния Хода́таица Ты яви́лася еси́, Всенепоро́чная,
ду́шу мою́ окая́нную изба́ви де́монскаго мучи́тельства
и пода́ждь прегреше́нием очище́ние,
ра́зве бо Тебе́, раби́ Твои́, не име́ем Помо́щницы.

Песнь 6

Ирмос: Из чре́ва а́дова
во́пля моего́ услы́шал еси́ глас мой
и изба́вил еси́ от тли живо́т мой, Многоми́лостиве.

Припев: Святи́телю, о́тче Серапио́не, моли́ Бо́га о на́с.

О ученице́ свое́м провозвести́л еси́ иногда́, преблаже́нне Серапио́не святи́телю,
я́ко бу́дет сей,– рече́,– па́стырь кинови́и сия́ вели́кия.
Того́ ра́ди и поклони́лся еси́ ему́,
не я́ко ученику́ своему́, но я́ко собесе́днику.

Припев: Святи́телю, о́тче Серапио́не, моли́ Бо́га о на́с.

Проро́чества дар ви́дяще, чу́днии ученицы́ твои́
не я́ко челове́ку, но я́ко Христу́ повину́ющеся во всем,
зря́ху бо тя, о святи́телю, по стопа́м ходя́ща блаже́ннаго Се́ргия,
и после́дующа трудолю́бному его́ житию́,
и о всех моля́щася Бо́гу, хвалу́ возсыла́ху.

Сла́ва Отцу́ и Сы́ну и Свято́му Ду́ху.

Ра́зум от Бо́га прии́м, о вели́кий во святи́телех,
благочести́выя па́че приводя́ к Богоразу́мию,
нечести́вым же уста́ загражда́я, Серапио́не о́тче наш,
в собра́нии бо бы́вшу ти святи́тельстем,
самоде́ржца кро́ткими глаго́лы повину́в,
кинови́ям поле́зная сотвори́л еси́.

И ны́не и при́сно и во ве́ки веко́в. Ами́нь.

Богородичен: Святе́йши Херуви́м и Серафи́м яви́лася еси́, Пречи́стая,
Зижди́теля бо их несказа́нно родила́ еси́,
не опали́вшися огне́м Божества́,
и ны́не блажа́т Тя вси ро́ди,
я́коже прорекла́ еси́, Препе́тая.

Кондак, глас 3

Я́ко венце́м пресве́тлым, украси́вся дне́сь, Вели́кий Новогра́д
лику́ет в па́мять па́стыря своего́ и учи́теля,
и, я́ко диади́му ца́рскую, возложи́вши,
Ла́вра вели́кая она́ све́тло ра́дуется,
иде́же просла́ви тебе́ Бог, уго́дника Своего́,
и прояви́ после́днему ро́ду на́шему
цельбоно́сныя мо́щи твоя́,
о пресла́вне святи́телю Серапио́не,
Це́рковь же Бо́жия весели́тся,
созыва́ющи мона́хов сосло́вие и всех ве́рных
велегла́сно вопи́ти:
ра́дуйся, Вели́кому Нову́гра́ду и оби́тели Се́ргиевой похвало́
и всея́ Росси́йския земли́ пресве́тлый свети́льниче.

Икос

Из оте́чества ху́да и незна́ема вели́кий граждани́н Небе́снаго Ца́рствия произы́де,
я́ко из мра́чна о́блака пресве́тлая звезда́, провозсия́ дне́сь вели́кий Серапио́н
и всех озари́ чуде́с луча́ми,
и́же с ве́рою приходя́щих к цельбоно́сному его́ гро́бу
и любе́зно целу́ющих ра́ку моще́й его́,
не ве́рующих же дале́че отгоня́
и льсти́вая тех шата́ния, я́ко паучи́ну, растерза́я и ка́знем предая́,
да и тии науча́тся не ху́лити Бо́жьяго И́мене и Его́ уго́дников.
Мы же, ве́рнии, обстоя́ще дне́сь свяще́нную его́ ра́ку,
не очи́ма то́кмо ви́дяще, но серде́чною любо́вию ве́рно возопие́м:
ра́дуйся, я́ко от младе́нства Бо́гу порабо́тав;
ра́дуйся, я́ко мирска́я вся оплева́в.
Ра́дуйся, я́ко Христо́в яре́м на ра́мо взем, усе́рдно Тому́ после́довал еси́;
ра́дуйся, я́ко вруче́нное ста́до до́бре упа́сл еси́.
Ра́дуйся, я́ко наме́стник быв блаже́ннаго Се́ргия
и того́ стопа́м во всем поревнова́л еси́;
ра́дуйся, проро́чества дар восприе́мый.
Ра́дуйся, я́ко чуде́с мно́гих де́латель яви́лся еси́;
ра́дуйся, Прему́дрости Бо́жия престо́л укра́сивый.
Ра́дуйся, чудесы́ град свой озари́вый;
ра́дуйся, я́ко сподо́бился еси́ непови́нным осужде́нием
и с престо́ла святи́тельскаго сверже́нием ревнова́ти Златоу́сту Иоа́нну.
Ра́дуйся, я́ко обличи́л еси́ злоко́зненных, на тя вооружи́вшихся, мудрова́ние;
ра́дуйся, страда́льче до́брый, во всем подража́я Влады́це своему́,
Его́же моли́ о чту́щих святу́ю па́мять твою́,
да вси в весе́лии се́рдца вопие́м ти:
ра́дуйся, святи́телю Серапио́не,
Вели́кому Нову́гра́ду и оби́тели Се́ргиевой похвало́
и всея́ Росси́йския земли́ пресве́тлый свети́льниче.

Песнь 7

Ирмос: Халде́йския пещи́
всепа́губную си́лу угаси́вше
о́бразом А́нгела снизше́дшаго,
Зижди́телю ю́ноши взыва́ху:
благослове́н еси́ и хва́льный, Бо́же оте́ц на́ших.

Припев: Святи́телю, о́тче Серапио́не, моли́ Бо́га о на́с.

Терпе́нием свои́м и му́жеством
возвесели́л еси́ И́же над все́ми Су́щаго Бо́га,
и Той тебе́, святи́телю Серапио́не, просла́ви, я́ко при́снаго Своего́ уго́дника,
и чудесы́ обогати́л тя есть,
я́ко и я́рость самоде́ржца на кро́тость возмо́гл еси́ преложи́ти
и непови́нныя от сме́рти изба́вити, пою́щия:
благослове́н Бог оте́ц на́ших.

Припев: Святи́телю, о́тче Серапио́не, моли́ Бо́га о на́с.

Устроя́ет тя Госпо́дь Це́ркви Свое́й архиере́я,
па́стыря всеизря́дна слове́сным овца́м,
ты же, прему́дре Серапио́не,
егда́ святи́тельства па́ству прии́м,
к бо́льшим подвиго́м вдава́шеся, поя́ Христо́ви:
благослове́н Бог оте́ц на́ших.

Сла́ва Отцу́ и Сы́ну и Свято́му Ду́ху.

Фараони́тская ка́знь за грехи́ на́ша
егда́ прии́де на лю́ди твоя́, святи́телю преди́вне,
тогда́ приле́жно Бо́гу моля́шеся, призыва́я на по́мощь Того́ ро́ждшую Богоро́дицу,
смертоно́сие уста́вил еси́ и, трие́м исцеле́ние пода́в,
пе́ти всех, Серапио́не, научи́л еси́:
благослове́н Бог оте́ц на́ших.

И ны́не и при́сно и во ве́ки веко́в. Ами́нь.

Богородичен: Христа́, Его́же родила́ еси́, Богоро́дице, моли́,
да просвети́т ду́шу мою́ омраче́нную
и лю́таго паде́ния изба́вит,
я́ко да во хвале́нии сла́влю Тя, Всенепоро́чная, Сы́ну Твоему́ вопия́:
благослове́н Бог оте́ц на́ших.

Песнь 8

Ирмос: Нече́стия орга́ны ину́ю пе́снь,
благоче́стия же боговеща́ннии поя́ху гу́сли;
благослови́те, дела́ Госпо́дня, Христа́ во ве́ки.

Припев: Святи́телю, о́тче Серапио́не, моли́ Бо́га о на́с.

От вся́ких напа́стей и озлобле́ния изба́ви нас, святи́телю Серапио́не, о́тче наш,
я́коже дре́вле град свой спасл еси́ от запале́ния,
и в ра́дости лю́ди своя́ вопи́ти научи́в:
благослови́те, вся дела́ Госпо́дня, Го́спода,
по́йте и превозноси́те Его́ во ве́ки.

Припев: Святи́телю, о́тче Серапио́не, моли́ Бо́га о на́с.

Царю́ и Влады́це моля́ся, святи́телю,
разсла́бленнаго исцели́л еси́,
по́мощь име́я и заступле́ние Бо́жия Ма́тере,
он бо проша́ше пи́щи, е́же к теле́сней потре́бе,
ты же, ди́вный иера́рше, пре́жде духо́вною пи́щею напита́в,
здра́вие по́дал еси́ и пе́ти научи́л еси́:
благослови́те, вся дела́ Госпо́дня, Го́спода,
по́йте и превозноси́те Его́ во ве́ки.

Припев: Святи́телю, о́тче Серапио́не, моли́ Бо́га о на́с.

Челове́цы веселя́хуся, ви́дяще пресла́вная чудеса́ твоя́, уго́дниче Христо́в,
е́же возда́ ти Госпо́дь возме́здие проти́ву трудо́м твои́м,
враг же вооружа́шеся льсти́вых наважде́ньми,
изгна́нием на тя поуча́ется,
ты же, кро́ткий страда́льче, в ра́дости пел еси́:
благослови́те, вся дела́ Госпо́дня, Го́спода,
по́йте и превозноси́те Его́ во ве́ки.

Сла́ва Отцу́ и Сы́ну и Свято́му Ду́ху.

Ше́ствие егда́ творя́ше во изгна́ние от гра́да своего́, страда́льче Серапио́не,
ре́чное стремле́ние моли́твою уста́вил еси́
и иду́щих с тобо́ю, па́че же по́сланных к тебе́, удиви́л еси́,
они́ же глаго́лаша:
ди́внаго Бо́га на́шего, прославля́ющаго святы́я Своя́,
по́йте, вся дела́ Госпо́дня, Го́спода
и превозноси́те Его́ во ве́ки.

И ны́не и при́сно и во ве́ки веко́в. Ами́нь.

Богородичен: Ще́драго и Всеми́лостиваго Влады́ки Ма́ти сподо́бльшися бы́ти, Богоро́дице,
низпосли́ нам щедро́ты от неистощи́мых сокро́вищ Твои́х
и пода́ждь в ну́ждах терпе́ние, моли́твами святи́теля Серапио́на,
я́коже он претерпе́ Сы́на Твоего́ ра́ди, в весе́лии поя́ Ему́:
благослови́те, вся дела́ Госпо́дня, Го́спода,
по́йте и превозноси́те Его́ во ве́ки.

Песнь 9

Ирмос: Воспита́нная во свята́я святы́х
и ро́ждшая Свет вселе́нныя,
Благода́тная, ра́дуйся,
пе́сньми Рождество́ Твое́ велича́ем.

Припев: Святи́телю, о́тче Серапио́не, моли́ Бо́га о на́с.

Рве́нием распала́емь по Го́споде Бо́зе,
поруга́ния и доса́ды, заточе́ния и изгна́ния претерпе́л еси́,
помина́я Госпо́дни стра́сти, я́же претерпе́ и пострада́ на́шего ра́ди спасе́ния,
бие́ния и оплева́ния, па́че же и смерть поно́сную,
сего́ ра́ди, ди́вный страда́льче, Серапио́не святи́телю,
по́мощию Вседержи́теля льсти́вно на тя вооружи́вшихся шата́ния низложи́л еси́.

Припев: Святи́телю, о́тче Серапио́не, моли́ Бо́га о на́с.

Фарисе́йскаго киче́ния отвраща́яся, преблаже́нне о́тче Серапио́не,
Христо́во смире́ние име́л еси́:
я́коже Он Отцу́ о распина́ющих моля́шеся:
О́тче, не поста́ви им греха́ сего́, не ве́дят бо что творя́т,
– та́кожде и ты сотвори́л еси́, святи́телю,
престу́пльших пред тобо́ю и необраща́ющихся
проще́нию сподобля́еши, сам взыску́я поги́бшаго.

Сла́ва Отцу́ и Сы́ну и Свято́му Ду́ху.

Легко́, я́коже оре́л, крило́ма Небе́сную высоту́ дости́гл еси́,
терпе́ния ра́ди по́честь прия́л еси́ от Мздовоздая́теля,
и ны́не Госпо́дь показа́ нам цельбоно́сныя мо́щи твоя́,
точа́щия исцеле́ния всем, с ве́рою приходя́щим.
Те́мже мо́лим тя, святи́телю Серапио́не,
помяни́ нас, и́же ве́рою чту́щих тя,
да тя, пресла́вне, достодо́лжно ублажа́ем.

И ны́не и при́сно и во ве́ки веко́в. Ами́нь.

Богородичен: Из пречи́стых ложе́сн Твои́х, Влады́чице, про́йде У́мное Со́лнце,
просвеща́я и́же во тьме́ седя́щих, омраче́нных неве́дением,
и приводя́ к све́ту Богоразу́мия,
страда́вшим Его́ ра́ди нетле́нный венцы́ подава́я и ве́чное ра́дование.
Его́же моли́ о нас, Пречи́стая,
да не лиши́т нас десна́го стоя́ния в час испыта́ния,
Тя бо вси немо́лчно ублажа́ем.

Светилен

Мно́гими ле́ты покрове́ны бы́ша честны́я мо́щи твоя́,
о вели́кий святи́телю и ди́вный страда́льче Серапио́не,
ны́не же прояви́л Госпо́дь пресла́вно после́днему ро́ду на́шему,
ве́рным на исцеле́ние и ра́дование,
неве́рным же на обличе́ние и посрамле́ние.
Сего́ ра́ди велича́ем Христа́, тя просла́вльшаго.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Всеблага́я Влады́чице,
я́же Всеще́драго Бо́га пло́тию ро́ждшая,
поми́луй нас, озло́бленных прило́ги лука́ваго,
и устрани́вшихся за́поведей Сы́на и Бо́га Твоего́,
и греху́ рабо́тавших свои́м хоте́нием,
привлецы́, Пречи́стая, к повеле́нием Бо́жиим
и не лиши́ нас ве́чнаго наслажде́ния моли́твами Твои́ми.