Православный Мир
Житие
Преподобномученик Никон родился в Неаполе. Его отец был язычником, а мать – христианкой. Возмужав, Никон оставался язычником. Он служил воином и отличался необычайной храбростью и силой. Однажды Никон со своим отрядом был окружен врагами. В смертельной опасности он вспомнил христианские наставления матери и, осенив себя крестным знамением, помолился Богу, обещая в случае спасения креститься. Он избежал неминуемой смерти и, возвратясь домой, по благословению матери, отправился на поиски священника, что было нелегким делом во времена гонений. На корабле святой Никон добрался до острова Хиос, возшел там на высокую гору и 8 дней пребывал в посте и молитве, прося Господа помочь ему. В сонном видении святому Никону явился Ангел Божий, указавший ему путь. Святой Никон направился на гору Ганос, где скрывалось много иноков, возглавляемых Феодосием, епископом Кизическим. От епископа святой Никон принял Таинство Крещения и Ангельский образ. Поселившись в пещерном храме, святой Никон был примером для всей братии. Когда преподобный Никон пробыл на горе три года, епископу было откровение от Ангела, чтобы он посвятил преподобного Никона в сан епископа и велел переселиться со всеми иноками в Сицилийскую область. Епископ Феодосий исполнил это и, поручив святому Никону 190 иноков, скончался. Похоронив епископа Феодосия, святитель Никон отплыл с братией на корабле в Сицилию, спасаясь от приближавшихся варваров. По Божию произволению святитель Никон побывал в родном Неаполе. Он застал там в живых свою мать и провел вместе с нею последние дни ее жизни. Мать, увидев его, со слезами радости пала ему на грудь и целовала его. Сотворив земной поклон, она сказала: "Благодарю Пресвятое Имя Твое, Господи, что Ты привел меня увидать сына моего в Ангельском образе и епископском достоинстве; и ныне, Владыко мой, услышь меня, рабу Твою, и приими душу мою в Твои руки". Сотворив эту молитву, праведная женщина скончалась. Присутствующие прославили Бога и погребли ее с псалмопением.
По городу пронесся слух о приезде святого Никона, и девять воинов, его бывших соратников, пришли повидаться с ним. После беседы со святителем они уверовали и крестились и последовали за ним в Сицилию. Прибыв на остров, святитель Никон поселился вместе с иноками в пустынном месте, называвшемся Гигия, неподалеку от реки Асинос. Прошло много лет, и снова начались гонения на христиан. Правителю Сицилии Квинтиану сообщили, что неподалеку с многочисленной братией живет епископ Никон. Все 199 монахов были схвачены и обезглавлены, а святителя Никона оставили в живых, чтобы предать мучениям. Его жгли огнем, но он оставался невредим; привязывали за ноги к диким лошадям, чтобы волочить по земле, но лошади не трогались с места. Святителю отрезали язык, били его камнями и, наконец, обезглавили.
Тело священномученика Никона было брошено на съедение зверям и птицам. Один пастух, одержимый злым духом, ходил на том месте и, найдя тело святого, тотчас упал лицом на землю, ибо нечистый дух, изгоняемый силой святого, поверг его на землю и вышел из него с громким воплем: "Горе мне, горе мне, куда мне бежать от лица Никонова?"
Исцеленный пастух рассказал об этом окрестным жителям. Епископ города Мессины тоже узнал об этом и вместе с клиром похоронил тело священномученика Никона и его учеников.
Канон
Канон преподобномученику Никону, епископу Сицилийскому, и 199 его ученикам
Минея, 23 Марта.
Глас 4
Песнь 1
Ирмос: Мо́ря чермну́ю пучи́ну
невла́жными стопа́ми
дре́вний пешеше́ствовав Изра́иль,
крестообра́зныма Моисе́овыма рука́ма
Амали́кову си́лу в пусты́ни победи́л е́сть.
Припев: Святи́и му́ченицы, моли́те Бо́га о на́с.
Победи́в по́стническими боре́нии злоко́зненнаго,
страда́льческими венча́лся еси́ добро́тами
и Бо́гу ны́не предстои́ши, о нас моля́ся, преподо́бне Ни́коне, чту́щих тя.
Припев: Святи́и му́ченицы, моли́те Бо́га о на́с.
Кре́постию на́ша не́мощи укрепи́вшаго возмо́г,
хра́бровал еси́ пре́жде во бране́х, блаже́нне,
и, победи́тель быв, ко Христо́ву притека́еши креще́нию.
Сла́ва Отцу́ и Сы́ну и Свято́му Ду́ху.
Украша́ется муче́нием полк блаже́ннейший учени́к твои́х,
пе́рвее му́дре просве́щся поще́ньми,
и сугу́быми боре́нии сугу́бы венцы́ исплете́.
И ны́не и при́сно и во ве́ки веко́в. Ами́нь.
Богородичен: Две́рь, я́же к нам Твоего́, Го́споди, сни́тия, восто́ка,
и со́лнце, и свет, та́инственно Тя нарица́емаго,
преесте́ственно роди́ сугу́ба естество́м Невме́стнаго.
Песнь 3
Ирмос: Весели́тся о Тебе́ Це́рковь Твоя́, Христе́, зову́щи,
Ты моя́ кре́пость, Го́споди,
и прибе́жище, и утвержде́ние.
Припев: Святи́и му́ченицы, моли́те Бо́га о на́с.
Во́инством духо́вным препоя́сан,
во́инство Боже́ственное, му́чениче Христо́в,
вооружи́л еси́ ко страда́ния подвиго́м.
Припев: Святи́и му́ченицы, моли́те Бо́га о на́с.
Распя́в по́стнически пло́ть, всесла́вне, пе́рвее,
потща́лся еси́ страда́льческими ра́нами полки́ де́монския победи́ти.
Сла́ва Отцу́ и Сы́ну и Свято́му Ду́ху.
От восто́ка я́коже звезда́, Ни́коне, прише́д,
к за́падом дости́гл еси́.
Те́мже, у́мер, заше́л еси́ и ко Христу́ возсия́л еси́.
И ны́не и при́сно и во ве́ки веко́в. Ами́нь.
Богородичен: Му́ченический собо́р Твое́ изобрази́ заколе́ние, Влады́ко,
позна́в Тя, из Отрокови́цы Неискусобра́чныя прозя́бша.
Седален, глас 4
Преподо́бно пожи́в, Ни́коне, пе́рвее,
и лик собра́л еси́ богопокори́вых,
благоче́стно при́сно после́дующих тебе́,
от восто́ка к за́паду возсия́в, я́коже со́лнце светоно́сно, заря́ми страда́ний,
гно́ем крове́й ва́ших пре́лесть ума́ливше.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Богородичен: Де́во Всенепоро́чная, Я́же пресу́щнаго Бо́га ро́ждшая,
со безпло́тными Того́ непреста́нно моли́
оставле́ние прегреше́ний и исправле́ние жития́ да́ти нам пре́жде конца́,
ве́рою и любо́вию пою́щим Тя по до́лгу, еди́на Всепе́тая.
Песнь 4
Ирмос: Вознесе́на Тя ви́девши Це́рковь на Кресте́,
Со́лнце Пра́ведное,
ста в чи́не свое́м,
досто́йно взыва́ющи:
сла́ва си́ле Твое́й, Го́споди.
Припев: Святи́и му́ченицы, моли́те Бо́га о на́с.
Наслажда́яся Боже́ственными светоли́тии,
мук тече́ния неуя́звлен преше́л еси́, Ни́коне досточу́дне,
и побе́ды вене́ц, му́чениче, досто́йно прия́л еси́.
Припев: Святи́и му́ченицы, моли́те Бо́га о на́с.
Светлостьми́ преле́потствуя до́блестей, я́ко по́стник подвиза́лся еси́,
стра́сти умертви́в пе́рвее теле́сныя страда́нием,
второ́е де́монския победи́в полки́.
Сла́ва Отцу́ и Сы́ну и Свято́му Ду́ху.
Ополчи́стеся ору́жием благоче́стия на врага́, Богому́дрии,
и сме́ртию сла́вною безсме́ртие прия́сте, пою́ще:
сла́ва си́ле Твое́й, Го́споди.
И ны́не и при́сно и во ве́ки веко́в. Ами́нь.
Богородичен: Я́ко су́щу тва́ри вы́шшу Творе́ц возлюби́в,
о Де́во Ма́ти, показа́ Тя Ма́терь Себе́,
Ю́же ны́не мо́лят собо́ри страда́лец благоле́пнейше.
Песнь 5
Ирмос: Ты, Го́споди, мой свет,
в мир прише́л еси́,
Свет Святы́й, обраща́яй из мра́чна неве́дения
ве́рою воспева́ющия Тя.
Припев: Святи́и му́ченицы, моли́те Бо́га о на́с.
Боже́ственным твоея́ ма́тере благоповину́яся наказа́нием,
си́лу, Ни́коне, име́л еси́ кре́стную во бране́х, науча́яся лу́чшим.
Припев: Святи́и му́ченицы, моли́те Бо́га о на́с.
Житие́ твое́, све́том доброде́телей просвеща́емо,
страда́ние, я́коже у́тварь благоле́пнейшу, и́мать,
Богому́дре и всече́стне.
Сла́ва Отцу́ и Сы́ну и Свято́му Ду́ху.
Зако́ном Богонача́льным повину́ющеся, му́ченицы хра́бровавше
и беззако́нныя Бо́жиим посо́бием му́жески победи́ша.
И ны́не и при́сно и во ве́ки веко́в. Ами́нь.
Богородичен: Свет безле́тный нам, О́тчее сия́ние, родила́ еси́,
подле́тна бога́тством бла́гости бы́вша, Всенепоро́чная.
Песнь 6
Ирмос: Пожру́ Ти со гла́сом хвале́ния, Го́споди,
Це́рковь вопие́т Ти,
от бесо́вския кро́ве очи́щшися,
ра́ди ми́лости от ребр Твои́х
исте́кшею Кро́вию.
Припев: Святи́и му́ченицы, моли́те Бо́га о на́с.
От восто́ка, я́ко многосве́тлое устреми́лся еси́ со́лнце,
я́коже зве́зды, Богому́дре, ученико́в лик приводя́,
и за́пад заря́ми ва́шими просвети́сте.
Припев: Святи́и му́ченицы, моли́те Бо́га о на́с.
Ка́плями крове́й твои́х, му́чениче, потопи́л еси́ многобо́жия мо́ре
и глубино́ю по́двигов удави́л еси́ зло́бы лю́таго обрета́теля и вселука́ваго.
Сла́ва Отцу́ и Сы́ну и Свято́му Ду́ху.
Я́ко крин, во страда́нии зла́чнем процвето́сте,
и, я́ко сладкодыха́тельный шипо́к, на́ша сердца́ благоуха́ете муче́ния добро́тами,
страстоте́рпцы Богодухнове́ннии.
И ны́не и при́сно и во ве́ки веко́в. Ами́нь.
Богородичен: Храм Тя Бо́жий и пала́ту одушевле́нну
страстоте́рпческий лик позна́в, Влады́чице,
мо́лит Тя, еди́ну жен отъе́мшую поноше́ние.
Песнь 7
Ирмос: В пещи́ авраа́мстии о́троцы перси́дстей
любо́вию благоче́стия па́че,
не́жели пла́менем, опаля́еми, взыва́ху,
благослове́н еси́ в хра́ме сла́вы Твоея́, Го́споди.
Припев: Святи́и му́ченицы, моли́те Бо́га о на́с.
Па́че зла́та искуси́вся, Богому́дре, ра́нами,
столп доброде́телей яви́лся еси́, напа́дания де́монская отгоня́:
благослове́н еси́, Бо́же мой,– зовы́й,– и Го́споди оте́ц на́ших.
Припев: Святи́и му́ченицы, моли́те Бо́га о на́с.
По кончи́не пове́ржено твое́ те́ло, му́чениче, та́йно,
Боже́ственныя врачева́ний испуща́я све́тлости, отго́нит вред де́монский,
тя явле́ннаго Боже́ственною сотво́ршаго си́лою.
Припев: Святи́и му́ченицы, моли́те Бо́га о на́с.
Ве́сь Боже́ственными наслади́вся, всеблаже́нне, манове́ньми,
те́ло ра́нам пре́дал еси́ терпели́вно,
венцено́сец же предстои́ши Вседержи́телю на Небесе́х,
я́ко возжела́л еси́, преподо́бне.
Сла́ва Отцу́ и Сы́ну и Свято́му Ду́ху.
Па́стырь ове́ц сый слове́сных, му́дре,
от волко́в мы́сленных соблю́л еси́ невре́дны
и, с си́ми в Небе́сней огра́де всели́вся,
жела́ний кра́йнейшему предстои́ши.
И ны́не и при́сно и во ве́ки веко́в. Ами́нь.
Богородичен: Не растли́в де́вства Твоего́, Отрокови́це, отню́д,
Сло́во О́тчее в Тя всели́ся,
и му́чеников лобыза́ лик сла́вный,
Богоро́дицу Тя чи́стую пропове́дающ.
Песнь 8
Ирмос: Ру́це распросте́р, Дании́л
льво́в зия́ния в ро́ве затче́,
о́гненную же си́лу угаси́ша,
доброде́телию препоя́савшеся,
благоче́стия рачи́тели о́троцы, взыва́юще:
благослови́те, вся дела́ Госпо́дня, Го́спода.
Припев: Святи́и му́ченицы, моли́те Бо́га о на́с.
Недрема́нно нося́ сия́ние се́рдца твоего́,
напое́но слез пото́ки, преподо́бне, и страда́ния кровьми́,
в нерукотворе́ннем, вопия́, черто́зе ны́не живе́ши:
благослови́те, вся дела́ Госпо́дня, Го́спода.
Припев: Святи́и му́ченицы, моли́те Бо́га о на́с.
Красота́ по́стников и страда́льцев показа́лся еси́, преподо́бне,
во обои́х бо благоизво́лил еси́ побе́ды,
удивля́юща мы́сль, на еди́наго врага́, Ни́коне, стяжа́в, зовы́й:
благослови́те, вся дела́ Госпо́дня, Го́спода.
Сла́ва Отцу́ и Сы́ну и Свято́му Ду́ху.
Кровьми́ напои́в ду́ши,
на ре́вность Боже́ственную воздви́гл еси́, преподо́бне,
я́звами муче́ний уязви́л еси́ де́монское ополче́ние,
и́стинствующее в тебе́ зва́ние показа́в, вопия́:
благослови́те, вся дела́ Госпо́дня, Го́спода.
И ны́не и при́сно и во ве́ки веко́в. Ами́нь.
Богородичен: Расто́ргни вери́ги тя́жкия мои́х паде́ний,
испра́вльши Ада́мово испаде́ние, Чи́стая, рождество́м Твои́м, Всепе́тая,
и светово́ждствуй вопи́ти чи́стым по́мыслом:
благослови́те, вся дела́ Госпо́дня, Го́спода.
Песнь 9
Ирмос: Ка́мень нерукосе́чный
от несеко́мыя горы́ – Тебе́, Де́во,
краеуго́льный отсече́ся,
Христо́с, совокупи́вый разстоя́щаяся естества́.
Тем, веселя́щеся, Тя, Богоро́дице, велича́ем.
Припев: Святи́и му́ченицы, моли́те Бо́га о на́с.
Ви́де тя, ран добро́тою процве́тша
и багряни́цею от му́ченических твои́х крове́й Венцеда́тель облече́на,
с собо́ю всели́, Ни́коне, Боже́ственно ра́дующася.
Припев: Святи́и му́ченицы, моли́те Бо́га о на́с.
Я́ко предобра́ твоя́ любо́вь, ю́же к Бо́гу стяжа́л еси́, Ни́коне,
и тепла́ твоя́ ре́вность, огне́м Боже́ственным распала́ема,
и чу́дно страда́ние, с Небе́сными тя совоку́пльшее.
Припев: Святи́и му́ченицы, моли́те Бо́га о на́с.
Тя на церко́вней высоте́ со́лнце посреди́ иму́ще лик страстоте́рпец,
я́ко зве́зды, све́том Боже́ственным облиста́ни,
лучеда́тными сия́нии вселе́нную всю озаря́ют.
Сла́ва Отцу́ и Сы́ну и Свято́му Ду́ху.
Взя́лся еси́ ко оби́телем нетле́нным,
лик сугубосо́тный, му́чениче, страда́льцев предста́вив Венцеда́вцу,
с ни́миже помина́й соверша́ющих дне́сь свяще́нную ва́шу па́мять.
И ны́не и при́сно и во ве́ки веко́в. Ами́нь.
Богородичен: Све́та жили́ще яви́лася еси́ нас ра́ди из Тебе́ я́вльшагося,
Его́же непреста́нно моли́ просвети́ти мы́сли на́ша,
благоче́стно пою́щих Тя, Де́во Ма́ти Всенепоро́чная.
