Преподобный Игна́тий Ломский, Ярославский

Обстоятельства его жизни в миру неизвестны. Свой подвижнический путь он начал в Спасо-Прилуцком монастыре, в Вологде, иноческий постриг принял в Кирилло-Белозерском монастыре. Затем преподобный Игнатий удалился в окрестности города Ломска и там основал пустынь, которую через некоторое время вверил ученикам, а сам удалился в лесной скит и подвизался в безмолвии. Пропитание он добывал себе (также иноку Иоакиму, жившему за три версты от него) плетением лаптей, которые оставлял на дороге. Прохожие обменивали лапти на хлеб. В этих же местах преподобным Игнатием был построен храм в честь Покрова Пресвятой Богородицы, при котором была основана Вадоисская Богородичная пустынь. В XVIII веке эта пустынь была упразднена, осталась только церковь Спаса на Лому, в которой покоились мощи преподобного Игнатия, прославившиеся чудотворением. Скончался святой подвижник в 1591 году.

Тропарь, глас 8

Изволением Божественнаго разума
во внутреннюю пустыню вселился еси преподобне,
и мирская сладострастия отрясл еси от себе,
крепким воздержанием победил еси демонския полки
молитвами же и постными подвиги благоукрасил еси себе,
пустынныя труды лобызая, отче Игнатие:
прилежно молися Госповеди, блаженне,
от бед избавитися присно поющим тя,

и празднующих любовию святую память твою.

Кондак, глас 8

Воздержанием крепким Богови благоугодил еси, блаженне,
и слезными тучами душевныя бразды напоил еси,
ниву добродетелей, преподобне, яко сад благоцветущ возрастил еси:
и в безмолвии и в трудех присно поучаяся, отче Игнатие,
прилежно молися Владыце всех Христу Богу
о иже верою и любовию празднующих святую память твою,
да зовем ти:

радуйся, отче Игнатие, монахов удобрение.

Молитва

О святый преподобне отче Игнатие, первейший веси сея просветителю, иноческаго зде жития законоположителю! Ты убо телом человек был еси, житием же яко Ангел явился еси: уста бо твоя, якоже серафимская, Бога день и нощь хваленьми прославляху, пресветлое же житие твое бысть чистоты и целомудрия зерцало. Не отрини мене, недостойного, с верою и любовию тебе покланяющагося и тебе, угодниче Христов Игнатие, сице молящагося: буди ми учитель и просветитель, душевныя страсти утишая, и телесныя болезни исцеляя, и на путь спасения наставляя. О преблаженне отче Игнатие! Милостив буди скорбней и грешней души моей, и представи ю ко Господу спасену, под кров твой притекающую, да твоим, отче, ходатайством сохранен буду от враг видимых и невидимых, и восхвалю Бога, в Троице Святей прославляемаго, Отца, и Сына, и Святаго Духа, ныне и присно, и во веки веков.