Гаврии́л, Архангел

Архангел Гавриил – один из главных вестников Божиих в истории спасения человечества. Именно он принёс Деве Марии Благую весть о рождении Сына Божьего – Иисуса Христа. Он вдохновлял пророка Моисея, возвещал пророку Даниилу судьбы народа, предсказал рождение Богородицы праведной Анне и св. Иоанна Крестителя – священнику Захарии. Архангел Гавриил охранял Деву Марию с детства, наставлял Иосифа Обручника, благовестил пастухам о Рождестве Христовом и укреплял Спасителя в Гефсиманском саду. Он же возвестил мироносицам о Воскресении Христовом.

Архангел Гавриил – посланник Божий

Архангел Гавриил был избран Господом для того, чтобы благовестить Деве Марии, а с Нею и всем людям великую радость о Воплощении Сына Божия. Поэтому на следующий день после Благовещения, прославив Пречистую Деву, мы благодарим Господа и почитаем Его посланника Архангела Гавриила, послужившего таинству нашего спасения.

Святой Архистратиг Гавриил – служитель Божественного Всемогущества. Он возвещал ветхозаветному человечеству о будущем воплощении Сына Божия: вдохновлял пророка Моисея при написании книги Бытия; пророку Даниилу возвещал о грядущих судьбах еврейского народа (Дан.8:16; Дан.9:21-24); являлся праведной Анне с вестью о рождении от нее Преблагословенной Девы Марии. Святой Архистратиг Гавриил неотступно пребывал со святой Отроковицей Марией в Иерусалимском храме и впоследствии охранял Ее во все время земной жизни. Он возвестил в день Благовещения Деве Марии, что имя ее Сына будет — Иисус (Спаситель) (Мф.1:21). Он явился священнику Захарии, предсказав рождение Предтечи Господня – Иоанна Крестителя (Лк.1:13). Господь посылал его к святому Иосифу Обручнику: он явился ему во сне, чтобы открыть ему тайну воплощения Сына Божия от Пресвятой Девы Марии (Мф.1:20-23), предупредил о замыслах Ирода и повелел бежать в Египет с Младенцем и Богородицей (Мф.2:13). По Рождении Господа Гавриил явился пастухам и объявил им о пришествии Спасителя (Лк.2:9-14). Когда Господь перед Своими страданиями молился в Гефсиманском саду до кровавого пота, на укрепление Его, по Церковному Преданию, был послан с Небес Архангел Гавриил, имя которого означает "Крепость Божия" (Лк.22:43). Жены-мироносицы услышали от Архистратига радостную весть о Воскресении Христовом. (Мф.28:2-7; Мк.16:5-7; Лк.24:4-7; Ин.20:12-13).

Вспоминая в этот день многократные явления святого Архистратига Гавриила и его ревностное исполнение Божественной воли, исповедуя его ходатайство пред Господом о христианах, Православная Церковь призывает своих чад с верой и усердием прибегать в молитвах к великому Ангелу.

Тропарь, глас 4

Небе́сных во́инств Архистрати́же,
мо́лим тя при́сно мы недосто́йнии,
да твои́ми моли́твами огради́ши нас
кро́вом крилу́ невеще́ственныя твоея́ сла́вы,
сохраня́я нас, припа́дающих приле́жно и вопию́щих:
от бед изба́ви нас,

я́ко чинонача́льник Вы́шних сил.

Кондак, глас 8

Пресве́тлыя и Честны́я, и Вседе́тельныя,
пренеисче́тныя и стра́шныя Тро́ицы,
ты еси́, Архистрати́же, сла́вный служи́телю и моли́твенниче,
ны́не непреста́нно моли́
изба́витися нам от вся́ких бед и мук, да зове́м ти́:

ра́дуйся, покро́ве рабо́м твои́м.

Ин кондак, глас 2 Архистрати́же Бо́жий, служи́телю Боже́ственныя сла́вы,/ А́нгелов нача́льниче, и челове́ков наста́вниче,/ поле́зное нам проси́, и ве́лию ми́лость,// я́ко Безпло́тных Архистрати́г. Ин кондак, глас 2 На Небесе́х зря Бо́жию сла́ву/ и на земли́ с высоты́ подая́ благода́ть,/ нача́льниче А́нгелов, му́дре Гаврии́ле, Бо́жия сла́вы служи́телю/ и ми́ра Боже́ственный побо́рниче,/ спаса́й, соблюда́й вопию́щия ти:// сам бу́ди помо́щник, и никто́же на ны.

Величание

Велича́ем вас,
Арха́нгели и А́нгели
и вся во́инства,
Херуви́ми и Серафи́ми,

сла́вящия Го́спода.

Молитва

О, святы́й Арха́нгеле Бо́жий Гаврии́ле, при́сно предстоя́й Престо́лу Всевы́шняго, прера́достный благове́стниче и усе́рдный споспе́шниче на́шего спасе́ния! С сво́йственным тебе́ милосе́рдием приими́ сие́ хвале́бное пе́ние, от нас недосто́йных тебе́ приноси́мое. Испра́ви моли́твы на́ша, и принеси́ я́, я́ко фимиа́м, на Небе́сный Олта́рь кади́льный; озари́ умы́ на́ша све́том позна́ния та́ин спаси́тельныя ве́ры на́шея; воспламени́ сердца́ на́ша любо́вию ко Христу́ Спаси́телю на́шему, обрати́ и укрепи́ жела́ния на́ша на спаси́тельный путь Ева́нгельских Его́ за́поведей; да в сем ве́це ти́хо и благоче́стно поживе́м во сла́ву Бо́жию, в бу́дущем же не лиши́мся ве́чнаго Ца́рствия Бо́жия, е́же получи́ти да сподо́бимся благода́тию Христа́ Бо́га на́шего, хода́тайством Пречи́стыя Его́ Ма́тере, Пренепоро́чныя Де́вы Мари́и и твои́ми многомо́щными ко Го́споду Бо́гу о нас моли́твами, и да просла́вим с тобо́ю и про́чими безпло́тными си́лами небе́сными и все́ми святы́ми Еди́наго во Тро́ице сла́вимаго Бо́га, Отца́ и Сы́на и Свята́го Ду́ха во ве́ки веко́в. Ами́нь.

2-я Молитва

О, святы́й Арха́нгеле Гаврии́ле! Всеусе́рдно мо́лим тя, наста́ви нас, раб Бо́жиих (имена), к покая́нию от злы́х дел и ко утвержде́нию в ве́ре на́шей, укрепи́ и огради́ ду́ши на́ша от искуше́ний прельсти́тельных и умоли́ Созда́теля на́шего о отпуще́нии грехо́в на́ших. О, святы́й вели́кий Гаврии́ле Арха́нгеле! Не пре́зри нас, гре́шных, моля́щихся тебе́ о по́мощи и заступле́нии твое́м, в ве́це сем и в бу́дущем, но при́сно помо́щник нам яви́ся, да непреста́нно сла́вим Отца́ и Сы́на и Свята́го Ду́ха держа́ву и твое́ предста́тельство во ве́ки веко́в. Ами́нь.

3-я Молитва

Святы́й вели́кий Арха́нгеле Гаврии́ле! Бо́жию Престо́лу предстоя́й и озаре́нием от Боже́ственнаго све́та осия́нный, ве́дением же непостижи́мых та́ин о преве́чней прему́дрости Его́ просвеще́нный! Всеусе́рдно молю́ тя, наста́ви мя к покая́нию от злых дел и ко утвержде́нию в ве́ре мое́й, укрепи́ и огради́ ду́шу мою́ от искуше́ний прельсти́тельных, и умоли́ Созда́теля на́шего о отпуще́нии грехо́в мои́х. О, святы́й вели́кий Гаврии́ле Арха́нгеле! Не пре́зри мене́ гре́шнаго, моля́щагося тебе́ о по́мощи и заступле́нии твое́м в ве́це сем и в бу́дущем, но при́сно помо́щник мне яви́ся, да непреста́нно сла́влю Отца́ и Сы́на и Свята́го Ду́ха держа́ву и твое́ предста́тельство во ве́ки веко́в. Ами́нь.

Канон собору Архангела Гавриила

Глас 4

Аудио:

13:42

Минея, 13 Июля, Канон Архангела

Песнь 1

Ирмос: Отве́рзу уста́ моя́,
и напо́лнятся Ду́ха,
и сло́во отры́гну Цари́це Ма́тери,
и явлю́ся, све́тло торжеству́я,
и воспою́, ра́дуяся, Тоя́ чудеса́.

Ирмос: Отверзу уста мои,
и они исполнятся Духа;
и слово изреку Царице Матери,
и явлюсь светло торжествующим,
и воспою радостно Ее чудеса.

Припев: Святы́й Арха́нгеле Бо́жий Гаврии́ле, моли́ Бо́га о на́с.

Припев: Святой Архистратиг Божий Гавриил, моли Бога о нас.

Я́ко све́та су́ща, к све́ту кра́йнему невеще́ственными причаще́нии,
Боже́ственнаго и невеще́ственнаго, молю́ тя, Арха́нгеле Госпо́день:
ум мой просвети́ моли́твами твои́ми, я́ко да воспева́ю тя.

Припев: Святы́й Арха́нгеле Бо́жий Гаврии́ле, моли́ Бо́га о на́с.

Соста́вим днесь лик Боже́ственный, веселя́щеся,
пе́рваго почита́юще Безпло́тных умо́в, неизрече́нную ра́дость возвести́вшаго,
в мир прише́дшую за бла́гость.

Составим в сей день весело хор Божественный,
почитая того, кто первым из бесплотных Умов,
возвестил неизреченную радость, в мир пришедшую
по Божией благости.

Сла́ва Отцу́ и Сы́ну и Свято́му Ду́ху.

Предста́теля тя вели́ка, и к Бо́гу засту́пника,
и сте́ну, и утвержде́ние, Гаврии́ле, иму́ще,
лю́бящии тя, избавля́емся от бед и вре́да змии́на, восхваля́ющии тя.

Слава: Тебя, заступника величайшего,
и пред Богом ходатая,
и стену, и утверждение имея, Гавриил,
мы, любящие тебя, избавляемся
от бед и вреда, причиняемого змием,
когда восхваляем тебя.

И ны́не и при́сно и во ве́ки веко́в. Ами́нь.

Богородичен: Чи́сту Тя Всенепоро́чную Гаврии́л я́ко узре́,
ра́дуйся, – Тебе́, Влады́чице, све́тло возопи́, – Неискусобра́чная,
челове́ков спасе́ние, А́нгелов похвала́ и честносло́вие.

И ныне: Когда Тебя, Чистую Всенепорочную, Гавриил узрел,
он Тебе, Владычица, «Радуйся!» ясно возгласил,
брака не познавшая, людям спасение,
Ангелов хвала и чествование!

Песнь 3

Ирмос: Твоя́ песносло́вцы, Богоро́дице,
Живы́й и Незави́стный Исто́чниче,
лик себе́ совоку́пльшия, духо́вно утверди́,
в Боже́ственней Твое́й сла́ве
венце́в сла́вы сподо́би.

Ирмос: Твоих песнопевцев, Богородица,
– живой и обильный источник,
устроивших духовный праздник, утверди
и в божественной Твоей славе
удостой венцов славы.

Припев: Святы́й Арха́нгеле Бо́жий Гаврии́ле, моли́ Бо́га о на́с.

Прича́стием Све́та невеще́ственнаго, я́ко невеще́ствен вои́стинну, Гаврии́ле,
невеще́ственно просвеща́емь, свет ви́ден был еси́ вторы́й,
веще́ственныя всегда́ челове́ки просвеща́я, пою́щия тя.

Припев: Святы́й Арха́нгеле Бо́жий Гаврии́ле, моли́ Бо́га о на́с.

Вели́каго благозва́ния сподо́бился еси́,
вели́кое та́инство нам откры́в, вели́кий А́нгелов,
и́мже взя́ти бы́хом от земли́ к велича́йшей высоте́,
вельми́ чту́щии тя.

Сла́ва Отцу́ и Сы́ну и Свято́му Ду́ху.

Яви́ся всем с Небесе́, любо́вию и́щущим тя при́сно,
и уста́ви бу́рю, на ны дви́жимую, напа́стей же и скорбе́й,
о Гаврии́ле Архистрати́же!

Слава: Явись с небес всем,
с любовью ищущим тебя всегда,
и прекрати надвигающуюся на нас
бурю напастей и скорбей,
о Гавриил Архистратиг!

И ны́не и при́сно и во ве́ки веко́в. Ами́нь.

Богородичен: Сказу́я е́же дре́вле сокрове́нное та́инство, Отрокови́це,
Тебе́ иногда́ Гаврии́л взыва́ше:
ра́дуйся, Бо́жия пала́то, в ню́же всели́вся, вся челове́ки обожи́л есть,
я́ко Милосе́рд.

И ныне: Изъясняя издревле сокровенное таинство,
Гавриил Тебе, Отроковица, некогда взывал:
«Радуйся, Божий Дворец, куда вселившись,
Он всех людей обожил, как Милосердный!»

Седален, глас 4

Безпло́тных служи́телей ты пе́рвенствуяй,
первове́чное повеле́нное стра́шное та́инство тебе́ еди́ному, Гаврии́ле сла́вне, вверя́ется,
Рождество́ неизрече́нное Святы́я Де́вы:
ра́дуйся, – провозглаша́я Ей, – Обра́дованная.
Те́мже тя должно, ве́рнии, с весе́лием при́сно ублажа́ем.

Песнь 4

Ирмос: Неизсле́дный Бо́жий Сове́т,
е́же от Де́вы, воплоще́ния
Тебе́, Вы́шняго,
проро́к Авваку́м усмотря́я, зовя́ше:
сла́ва си́ле Твое́й, Го́споди.

Ирмос: Созерцая неисследимый Божий совет
о Твоем, Всевышний, воплощении от Девы,
пророк Аввакум восклицал:
«Слава силе Твоей, Господи!»

Припев: Святы́й Арха́нгеле Бо́жий Гаврии́ле, моли́ Бо́га о на́с.

Стоя́л еси́ прича́стием Богонача́льным, дре́вле, Гаврии́ле досточу́дне,
просвеща́я проро́ка Дании́ла
и изложи́в явле́ние недове́домых ду́хом.

Стоял ты в древности, Гавриил, достойный изумления,
приобщением к Божественному Началу
просвещая пророка Даниила
и явление вещей непостижимых
изъяснив Духом.

Припев: Святы́й Арха́нгеле Бо́жий Гаврии́ле, моли́ Бо́га о на́с.

Усты́ бре́нными тя ра́достно, о́гненное естество́ су́ща, восхваля́ем:
изми́ нас огня́ всегда́ паля́щаго,
Боже́ственными, Гаврии́ле, хода́тайствы твои́ми.

Сла́ва Отцу́ и Сы́ну и Свято́му Ду́ху.

Па́че со́лнца в Боже́ственную оде́жду, сла́вою непристу́пною блиста́ющуся, одева́емь,
Архистрати́же служи́телей,
Царю́ предстои́ши Небе́сному, веселя́ся.

Слава: В Божественную одежду,
ярче солнца славою неприступною блистающую облаченный,
ты, верховный военачальник бесплотных служителей,
предстоишь Царю Небесному, веселясь.

И ны́не и при́сно и во ве́ки веко́в. Ами́нь.

Богородичен: Всю Тя, Ду́хом Гаврии́л преочище́ну, Всенепоро́чная, разуме́в,
вопие́т Тебе́ я́вственно:
ра́дуйся, кля́твы избавле́ние и пра́отцев воззва́ние.

И ныне: Уразумев, что Ты, Всенепорочная,
всецело очищена Духом,
Гавриил взывает Тебе явственно:
«Радуйся, от проклятия избавление
и праотцов восстановление!»

Песнь 5

Ирмос: Ужасо́шася вся́ческая
о Боже́ственней сла́ве Твое́й:
Ты бо, Неискусобра́чная Де́во,
име́ла еси́ во утро́бе над все́ми Бо́га
и родила́ еси́ Безле́тнаго Сы́на,
всем воспева́ющим Тя
мир подава́ющая.

Припев: Святы́й Арха́нгеле Бо́жий Гаврии́ле, моли́ Бо́га о на́с.

Ума́ прича́стием пе́рваго просвеща́емь, вторы́й ви́ден был еси́ свет,
зовы́й со безчи́сленными А́нгел чи́нми:
Свят Оте́ц Вседе́тель, Сын Собезнача́лен и Дух Сопресто́лен.

К Уму Первому приобщением просвещаемый,
ты видим был как второй свет,
взывающий с бесчисленными полками Ангелов:
«Свят Отец всего Создатель,
Сын, столь же безначальный,
и Дух Им равный властью!»

Припев: Святы́й Арха́нгеле Бо́жий Гаврии́ле, моли́ Бо́га о на́с.

Вид твой о́гнен, добро́та пречу́дна, вся́ку мысль удивля́я,
ве́лия сла́ва, Гаврии́ле, вели́кий Боже́ственных Безпло́тных нача́льниче,
всех удобре́ние, ве́рно воспева́ющих тя.

Вид твой огненный, красота пречудная,
великая слава всякую мысль ужасает, Гавриил величайший,
Божественных бесплотных Сил начальник,
украшение для всех,
с верою воспевающих тебя.

Сла́ва Отцу́ и Сы́ну и Свято́му Ду́ху.

Боже́ственный я́ко ви́де тя, во вре́мя кажде́ния дре́вле стоя́ща, Заха́рия быва́ет нем:
не ве́рова бо твоему́ возвеще́нию стра́шному,
его́же возгласи́л еси́, Гаврии́ле Архистрати́же.

Слава: Когда в древности увидел божественный Захария
во время каждения тебя стоящим,
он делается немым, ибо не поверил
твоему повергающему в трепет возвещению,
которое провозгласил ты, Гавриил Архистратиг.

И ны́не и при́сно и во ве́ки веко́в. Ами́нь.

Богородичен: Храм свяще́ния су́щи, Пренепоро́чная,
гла́сом Гаврии́ла Арха́нгела, во святы́х почива́ющаго, родила́ еси́ Пресвята́го Бо́га,
вся освяща́ющаго и лю́тых изыма́ющаго.

И ныне: Храм освящённый воистину, Всенепорочная,
Ты по возгласу Гавриила Архангела
родила во святых почивающего Всесвятого Бога,
всё освящающего и от бед лютых избавляющего.

Песнь 6

Ирмос: Боже́ственное сие́ и всечестно́е
соверша́юще пра́зднество,
Богому́дрии, Богома́тере,
прииди́те, рука́ми воспле́щим,
от Нея́ ро́ждшагося Бо́га сла́вим.

Ирмос: Божественный сей и всеми чтимый
совершая праздник Богоматери,
придите, богомудрые,
начнем рукоплескать,
от Нее рожденного Бога славя.

Припев: Святы́й Арха́нгеле Бо́жий Гаврии́ле, моли́ Бо́га о на́с.

Земни́и язы́цы почести́ тя, ума́ светоза́рнаго и Небе́снаго, не возмо́гут,
пресве́тло просвеща́ема па́че ума́ и сло́ва Боже́ственными светлостьми́.

Земные языки почтить тебя не смогут,
ум светозарный и небесный,
пресветло просвещаемый превыше ума
Божественными сияниями неизреченно.

Припев: Святы́й Арха́нгеле Бо́жий Гаврии́ле, моли́ Бо́га о на́с.

Заря́ со́лнца многосве́тлая, о́гненных слуг нача́льниче,
светоно́сными твои́ми ко Влады́це мольба́ми
пою́щия тя тьмы страсте́й исхи́ти.

Луч Солнца многосветлый,
огненных служителей верховный военачальник,
светоносными твоими мольбами ко Владыке
воспевающих тебя исторгни из тьмы страстей.

Сла́ва Отцу́ и Сы́ну и Свято́му Ду́ху.

Сове́ты язы́ков разори́, ве́ру правосла́вную утверди́,
уста́ви раздира́ния церко́вная, Арха́нгеле,
ко всех Творцу́ твои́ми моли́твами.

Слава: Замыслы язычников разрушь,
веру православную утверди,
прекрати разделения в Церкви, Архангел,
ко всех Творцу твоими молитвами.

И ны́не и при́сно и во ве́ки веко́в. Ами́нь.

Богородичен: Глаго́лов Боже́ственных послушли́ва, Чи́стая, Гаврии́ловых была́ еси́
и пребезнача́льнаго Сло́ва пло́тию родила́ еси́,
безслове́сия мир изба́вльшаго.

И ныне: Глаголам Божественным, Гавриилом изреченным
Ты была послушна, Чистая,
и Пребезначальное Слово по плоти родила,
от неразумия мiр избавляющего.

Кондак, глас 2

Архистрати́же Бо́жий, служи́телю Боже́ственныя сла́вы,
А́нгелов нача́льниче и челове́ков наста́вниче,
поле́зное нам проси́ и ве́лию ми́лость,
я́ко Безпло́тных Архистрати́г.

Архистратиг Божий, служитель Божественной славы,
Ангелов начальник и людей наставник,
полезное нам испроси и великую милость,
как бесплотных Архистратиг.

Икос

Рекл еси́, Человеколю́бче, в писа́ниих Твои́х,
мно́жеству ра́доватися А́нгел на Небеси́ о челове́це еди́ном ка́ющемся, Безсме́ртне.
Те́мже мы, и́же в беззако́нниих, Безгре́шне еди́не Сердцеве́дче,
Тя моли́ти всегда́ дерза́ем, я́ко Благоутро́бнаго,
уще́дрити и низпосла́ти недосто́йным умиле́ние, Влады́ко, подая́й нам проще́ние:
о всех бо нас мо́лится Тебе́ Безпло́тных Архистрати́г.

Песнь 7

Ирмос: Не послужи́ша тва́ри Богому́дрии
па́че Созда́вшаго,
но, о́гненное преще́ние му́жески попра́вше,
ра́довахуся, пою́ще:
препе́тый отце́в Госпо́дь и Бог благослове́н еси́.

Ирмос: Не почтили богомудрые
творения больше Творца,
но угрожавший им огонь мужественно поправ,
радостно воспевали:
«Прехвальный Господь и Бог отцов,
благословен Ты!»

Припев: Святы́й Арха́нгеле Бо́жий Гаврии́ле, моли́ Бо́га о на́с.

Иоа́нново рождество́, сла́вне, возвести́л еси́ Заха́рии,
иногда́ внутрь Боже́ственнаго хра́ма предстоя́щу и пою́щу Изба́вителю и Бо́гу:
препе́тый отце́в Госпо́дь и Бог, благослове́н еси́.

Иоанна рождество возвестил ты некогда, славный,
Захарии, внутри Божественного храма предстоявшему
и ныне поющему Избавителю и Богу:
«Прехвальный Господь и Бог отцов, благословен Ты!»

Припев: Святы́й Арха́нгеле Бо́жий Гаврии́ле, моли́ Бо́га о на́с.

Пресла́вное хра́ма твоего́ благоле́пие пресве́тло, Гаврии́ле, освяща́ет ду́ши ве́рных
и повелева́ет велегла́сно вопи́ти:
препе́тый отце́в Госпо́дь и Бог, благослове́н еси́.

Сла́ва Отцу́ и Сы́ну и Свято́му Ду́ху.

Просвеща́емь прича́стием, Архистрати́же, пе́рваго Све́та та́йно,
вторы́й свет вои́стинну ви́ден был еси́,
пою́щия просвеща́еши всегда́:
препе́тый отце́в Госпо́дь и Бог, благослове́н еси́.

Слава: Просвещаемый таинственно
к Первому Свету приобщением,
как второй свет воистину ты был видим, Архистратиг,
просвещая поющих всегда:
«Прехвальный Господь и Бог отцов, благословен Ты!»

И ны́не и при́сно и во ве́ки веко́в. Ами́нь.

Богородичен: По́слан бысть Гаврии́л Архистрати́г,
ра́дость возвеща́я Тебе́, Де́во Ма́ти Чи́стая,
Ея́же ра́ди печа́ль преста́, и кля́тва вои́стинну непло́дна бысть,
и благослове́ние процвете́ ве́рным во ве́ки.

И ныне: Послан был Гавриил Архистратиг,
возвещая радость Тебе, Дева, Матерь Чистая;
благодаря Тебе прекратилась печаль
и проклятие воистину лишилось силы,
а благословение верным процвело навеки.

Песнь 8

Ирмос: О́троки благочести́выя в пещи́
Рождество́ Богоро́дичо спасло́ есть;
тогда́ у́бо образу́емое,
ны́не же де́йствуемое,
вселе́нную всю воздвиза́ет пе́ти Тебе́:
Го́спода по́йте, дела́,
и превозноси́те Его́ во вся ве́ки.

Ирмос: Отроков благочестивых в печи
Дитя Богородицы спасло:
тогда – прообразуемое, а ныне – действующее;
всю вселенную созывает Он петь Тебе.
Пойте Господа, творения,
и во все века превозносите!

Припев: Святы́й Арха́нгеле Бо́жий Гаврии́ле, моли́ Бо́га о на́с.

Священносло́вии свяще́нными тя лю́дие свяще́ннии пою́т, веселя́щеся:
ты бо всевино́вное Сло́во воплоща́емо,
е́же по нам, Арха́нгеле, и е́же от нас, провозглаша́еши Де́ве, па́че ума́ же и сло́ва.
Те́мже тя почита́ем во вся ве́ки.

Припев: Святы́й Арха́нгеле Бо́жий Гаврии́ле, моли́ Бо́га о на́с.

Уму́ вели́кому же и пе́рвому невеще́ственно, Арха́нгеле, соединя́яся,
усты́ о́гненными твои́ми пое́ши пе́ние стра́шное, е́же пою́т вси а́нгельстии ли́цы:
Го́спода по́йте, дела́, и превозноси́те Его́ во вся ве́ки.

Припев: Святы́й Арха́нгеле Бо́жий Гаврии́ле, моли́ Бо́га о на́с.

Благоле́пием я́ве испещре́н Боже́ственным, прохо́диши Небе́сная, та́же и земна́я,
соверша́я свяще́нная хоте́ния Христа́, всех Бо́га,
А́нгелов нача́льниче Гаврии́ле, красота́ ве́рою при́сно тя хва́лящих.

Изукрашен явственно славою Божественной,
ты проходишь Небесные пределы,
также, как и земные,
исполняя священную волю Христа, всех Бога,
Ангелов начальник Гавриил,
красота всегда с верою тебя восхваляющих.

Сла́ва Отцу́ и Сы́ну и Свято́му Ду́ху.

Пло́тию по ипоста́си Сло́во челове́ком примеси́тися хотя́,
име́ тя предтеку́ща и проуготовля́юща свяще́нную пала́ту, о свяще́нный Гаврии́ле!
Го́спода по́йте, – вопию́ща, – и превозноси́те Его́ во вся ве́ки.

Слава: Слово Божие по ипостаси,
решив соединиться плотию с людьми,
вперед тебя послало, о священный Гавриил,
поспешить и приготовить Чертог священный,
взывая: «Воспевайте Господа,
и во все века Его превозносите!»

И ны́не и при́сно и во ве́ки веко́в. Ами́нь.

Богородичен: Яко престо́л красе́н Царе́в, я́ко всех тва́рей преиму́щую,
я́ко Пресу́щнаго еди́ну осуществова́вшую, челове́ки обожи́вшаго
соедине́нием лу́чшим рождества́ неизрече́ннаго и стра́ннаго,
благослове́нную воспое́м Де́ву.

И ныне: Как прекрасный престол Царя,
как всех творений превосходнейшую,
как единственную, Сверхсущественного облекшую в наше естество,
Того, Кто людей обожил совершеннейшим с Собой соединением
неизреченно и дивно родившись от Нее,
– воспоем благословенную Деву.

Песнь 9

Ирмос: Всяк земноро́дный
да взыгра́ется, Ду́хом просвеща́емь,
да торжеству́ет же Безпло́тных умо́в естество́,
почита́ющее свяще́нное торжество́ Богома́тере,
и да вопие́т:
ра́дуйся, Всеблаже́нная Богоро́дице,
Чи́стая Присноде́во.

Ирмос: Всякий на земле рожденный
да ликует, Духом просвещаясь;
да торжествует и бесплотных Умов естество,
почитая священное торжество Богоматери,
и да взывает:
«Радуйся, Всеблаженная,
Богородица чистая, Приснодева!»

Припев: Святы́й Арха́нгеле Бо́жий Гаврии́ле, моли́ Бо́га о на́с.

Предстои́ши стра́шно, Престо́лу благода́ти служа́,
и облиста́емь светоли́тии, е́же па́че ума́, и свяще́нно обожа́емь,
и свет зри́мь, и просвеща́яй ве́рою чту́щия тя,
свяще́нне Гаврии́ле Архистрати́же.

Предстоишь ты престолу Благодати,
со страхом служение совершая,
и озаряемый света излияниями, высшими ума,
и священно обожаемый,
и созерцаешься как свет, и просвещаешь с верою чтущих тебя,
священный Гавриил Архистратиг.

Припев: Святы́й Арха́нгеле Бо́жий Гаврии́ле, моли́ Бо́га о на́с.

Я́коже не́бо, зри́шися, звезда́ми укра́шено, Боже́ственными светлостьми́,
и, я́коже воево́да, рука́ми держи́ши скиптр пресве́тлый,
и прехо́диши всю зе́млю, во́лю Влады́чню всегда́ соверша́я
и лю́тых ве́рныя изыма́я.

Как небо ты созерцаешься,
украшенное звездами – Божественными светочами,
а как воевода держишь в руках пресветлый скипетр
и быстро землю всю проходишь,
волю Владыки исполняя всегда
и от бед лютых верных избавляя.

Припев: Святы́й Арха́нгеле Бо́жий Гаврии́ле, моли́ Бо́га о на́с.

Ути́ши лю́тую ва́рварскую бу́рю, воздви́жемую всегда́ на рабы́ твоя́,
церко́вныя уста́ви раздо́ры, пою́щим тя пода́ждь прегреше́ний избавле́ние,
во́инству же да́руй победи́тельная, Гаврии́ле,
те́плым предста́тельством твои́м.

Укроти лютую варварскую бурю,
воздвигаемую всегда против рабов твоих,
останови раздоры в Церкви,
воспевающим тебя подай от согрешений избавление,
а царю даруй победы, Гавриил,
горячим заступлением твоим.

Сла́ва Отцу́ и Сы́ну и Свято́му Ду́ху.

Предо́брая дво́ице и пресла́вная, Михаи́ле и Гаврии́ле,
престо́лу предстоя́ще Боже́ственныя сла́вы,
всем проси́те грехо́в проще́ния и злых премене́ния,
я́ко предста́телие и я́ко бла́гости Влады́чней во всем подо́бящеся.

Слава: Прекрасная и преславная двоица,
предстоящая престолу Божественной славы,
Михаил и Гавриил,
всем испросите грехов прощение
и бедствий прекращение,
как наши заступники,
как благости Владыки во всем подражающие.

И ны́не и при́сно и во ве́ки веко́в. Ами́нь.

Богородичен: Свет благода́ти Рождество́м Твои́м возсия, и просвети́ всю подсо́лнечную,
и предста́теля тьмы погуби́, Богороди́тельнице Пречи́стая,
А́нгелов похвало́ и челове́ков всех спасе́ние,
непреста́нными гла́сы восхваля́ющих Тя.

И ныне: Свет блистающий воссиял рождением от Тебя Христа,
и озарил всё под солнцем,
и начальника тьмы погубил, Божия Родительница Всечистая,
Ангелов хвала и спасение всех людей,
не смолкающими голосами Тебя восхваляющих.

Светилен

Архистрати́же Бо́жий, в кро́ве крилу́ твое́ю ополчи́вся,
огради́ мя, прибега́ющаго к тебе́, и во исхо́де изба́ви мя го́рьких истяза́телей,
и спаси́ мя мольба́ми твои́ми.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Бог нам, Чи́стая, прибе́жище, и си́лу, и по́мощь Тя подаде́
в ско́рбех на́ших и во обстоя́ниих,
всех у́бо нас изба́ви от бед на́ших.

Слава, и ныне, Богородичен: Бог нам, Чистая,
как прибежище. и силу, и помощь
дал Тебя в наших скорбях и несчастьях;
избавь же всех нас от бед наших.

Молитва Архангелу Гавриилу

О святый Архангеле Гаврииле! Всеусердно молим тя, настави нас, раб Божиих (имя рек), к покаянию от злых дел и ко утверждению в вере нашей, укрепи и огради души наша от искушений прельстительных и умоли Создателя нашего о отпущении грехов наших. О святый великий Гаврииле Архангеле! He презри нас, грешных, молящихся тебе о помощи и заступлении твоем, в веце сем и в будущем, но присно помощник нам явися, да непрестанно славим Отца и Сына и Святаго Духа державу и твое предстательство во веки веков.

О святой Архангел Гавриил! Со всем усердием молим тебя: направь нас, рабов Божиих (имена), к покаянию от злых дел и к утверждению в вере нашей, укрепи и огради души наши от искушений прельстительных и умоли Создателя нашего об отпущении грехов наших. О святой великий Гавриил Архангел! Не пренебреги нами, грешными, молящимися тебе о помощи и заступничестве твоем в веке нынешнем и будущем, но всегда помощником нам являйся, дабы мы непрестанно славили власть Отца и Сына и Святого Духа и твою покровительство во веки веков.

Акафист святому Архангелу Гавриилу

Аудио:

22:45

Конда́к 1

Избра́нный Бо́гом от все́х Небе́сных Си́л послужи́ти предве́чной та́йне спасе́ния ро́да челове́ческаго, ди́вный предстоя́телю Престо́лу Святы́я Тро́ицы, носи́телю та́йн и чуде́с Бо́жиих, Арха́нгеле Гаврии́ле, к тебе́ припа́даем и умиле́нно воспева́ем ти́:

Ра́дуйся, Гаврии́ле, тайнозри́телю Святы́я Тро́ицы.

И́кос 1

А́нгелов Творе́ц и вся́ческих избра́ тя́, тайнови́дче Гаврии́ле, в пречу́днем Сове́те Святы́я Тро́ицы, да послу́жиши та́йне Боговоплоще́ния, и повеле́ бы́ти тебе́ носи́телем си́лы и чуде́с Бо́жиих. Сего́ ра́ди вопие́м ти́ си́це:

Ра́дуйся, Гаврии́ле, избра́нный Творцо́м служи́телю;

Ра́дуйся, Гаврии́ле, Промышле́ния Бо́жия носи́телю.

Ра́дуйся, я́ко тобо́ю хва́лятся Си́лы Небе́сныя;

Ра́дуйся, я́ко тебе́ сла́вят сердца́ земноро́дных.

Ра́дуйся, ве́рно послужи́вый Престо́лу Святы́я Тро́ицы;

Ра́дуйся, со дру́ги свои́ми сокруши́вый и изри́нувый денни́цу.

Ра́дуйся, обличи́вый заблужде́ния того́;

Ра́дуйся, из пе́рвых пе́снь Трисвяту́ю воспе́вый.

Ра́дуйся, Гаврии́ле, тайнозри́телю Святы́я Тро́ицы.

Конда́к 2

Ви́дя Творе́ц тя́ усе́рднаго и ве́рнаго служи́теля Своего́, возлюби́ тя́ и вознесе́ пред А́нгельскими чи́нми, и укрепле́нный благода́тию Его́ в свои́х вели́цех до́блестех, ты́ воспева́еши с ли́ки А́нгельскими усе́рдно Бо́гу: Аллилу́иа.

И́кос 2

Ра́зумом смиренному́дренно прекло́ньшеся пред та́йною непостижи́мою единосу́щности Святы́я Тро́ицы, ты́ благода́тных открове́ний прия́л еси́ неистощи́мый исто́чник благогове́йнаго тре́пета, любви́ к Творцу́, и ра́дости испо́лненный сия́еши, Арха́нгеле, пред Престо́лом Всевы́шняго, я́ко свети́льник пла́менный. О се́м благогове́йно воспева́ти дерза́ем:

Ра́дуйся, лампа́до неугаси́мая седмисве́щника вели́каго;

Ра́дуйся, звездо́ светоза́рная небосво́да духо́внаго.

Ра́дуйся, первоприе́мниче Боже́ственных сия́ний;

Ра́дуйся, сокро́вище Боже́ственных веле́ний.

Ра́дуйся, кла́дезь смире́ния неисчерпа́емый;

Ра́дуйся, реко́, послуша́ния испо́лненная.

Ра́дуйся, я́ко ты́ у Престо́ла вы́ну пребыва́еши;

Ра́дуйся, я́ко ты́ ве́лие дерзнове́ние к Бо́гу и́маши.

Ра́дуйся, Гаврии́ле, тайнозри́телю Святы́я Тро́ицы.

Конда́к 3

Си́лы Небе́сныя ра́дуются о тебе́, Арха́нгеле, и защище́нныя не́когда от зловре́дных заблужде́ний денни́цы, в го́рдости возста́вшаго проти́в Творца́ своего́, с весе́лием взыва́ют непреста́нно Бо́гу: Аллилу́иа.

И́кос 3

Иму́ще ве́лие дерзнове́ние ко Святе́й Тро́ице, ве́лию благода́ть прие́млеши от Бо́га непреста́нно, и я́ко лу́ч Боже́ственнаго Трисия́тельнаго Со́лнца, повсю́ду разлива́еши све́т веле́ний Бо́жиих, да сла́вится спаси́тельное и́мя Бо́жие сердца́ми земноро́дных, тебе́ пою́щих:

Ра́дуйся, Небе́сных Си́л Нача́льниче;

Ра́дуйся, Пра́вды ве́чныя побо́рниче.

Ра́дуйся, твоя́ кре́пкая пре́данность Бо́гу чи́ны А́нгельския укрепи́;

Ра́дуйся, чрез тебе́ Госпо́дня благода́ть и́х сугу́бо просвети́.

Ра́дуйся, и земле́ ты́ благода́ть от Бо́га прино́сиши;

Ра́дуйся, ты́ о́гнь небе́сный в сердца́ челове́ков низво́диши.

Ра́дуйся, Гаврии́ле, тайнозри́телю Святы́я Тро́ицы.

Конда́к 4

Бу́ря злочести́вых за́мыслов врага́ Бо́жия разбия́ о скалу́ ве́рности слу́г Госпо́дних, и победи́вши свои́м смире́нием горды́ню того́, воспе́ли Бо́гу: Аллилу́иа.

И́кос 4

Слы́ша Госпо́дь испове́дования тобо́ю вели́каго И́мени Его́, Арха́нгеле, испо́лнися благоволе́ния, и озари́в тя́ Свое́ю благода́тию, вся́ просвети́ воспе́ти ти́:

Ра́дуйся, адама́нте небе́сный;

Ра́дуйся, сто́лпе Це́ркви Вселе́нский.

Ра́дуйся, рая́ Госпо́дня храни́телю;

Ра́дуйся, цве́те благоче́стия.

Ра́дуйся, лучу́ престо́ла Бо́жия;

Ра́дуйся, украше́ние порфи́ры Царя́ Христа́.

Ра́дуйся, знамено́сче Бо́жий;

Ра́дуйся, украше́ние военача́льниче Небе́сных Си́л.

Ра́дуйся, Гаврии́ле, тайнозри́телю Святы́я Тро́ицы.

Конда́к 5

Богото́чною звездо́ю те́кл от высо́т надзве́здных, Гаврии́ле, да возвести́ши земны́м ра́дость бли́зкаго спасе́ния, предста́л еси́ пра́ведным Иоаки́му и А́нне и провеща́л еси́ и́м ми́лость Бо́жию, и ра́дуяся с ни́ми ку́пно, воспе́л Бо́гу: Аллилу́иа.

И́кос 5

Ви́девши тя́ единовре́менно роди́тели Богоотрокови́цы, су́щии в страна́х разли́чных, сше́дшихся у двере́й хра́ма по твоему́ глаго́лу, диви́шася и в ра́дости взыва́ху ти́:

Ра́дуйся, служи́телю Святы́я Тро́ицы;

Ра́дуйся, ди́вный благове́стниче.

Ра́дуйся, Бо́жий избра́нниче;

Ра́дуйся, Госпо́дней во́ли провозве́стниче.

Ра́дуйся, я́ко тобо́ю ра́дость лю́дям прино́сится;

Ра́дуйся, я́ко тебе́ хвала́ во сла́ву Бо́жию земноро́дными пое́тся.

Ра́дуйся, пла́нов Тво́рческих исполни́телю; Ра́дуйся щедро́т Бо́жиих раздая́телю.

Ра́дуйся, Гаврии́ле, тайнозри́телю Святы́я Тро́ицы.

Конда́к 6

Пропове́дником Бо́жия милосе́рдия ты́, Гаврии́ле, яви́лся Заха́рии, веща́я ему́ Боже́ственныя глаго́лы и науча́я его́ пе́ти Бо́гу: Аллилу́иа.

И́кос 6

Возсия́в благода́тию Бо́жиею пред очи́ма Заха́рии, ужаси́л еси́ его́, и вла́стию ти́ Бо́гом да́нною смири́л еси́ его́, да не де́рзнет сомне́нием ума́лити си́лу Бо́жию. И умудре́нный свы́ше Заха́рия безмо́лвным у́мным гла́сом воспе́л ти́ такова́я:

Ра́дуйся, досто́инств Бо́жиих храни́телю;

Ра́дуйся, вели́кий в ли́ке А́нгельском.

Ра́дуйся, прекра́сное творе́ние Творца́;

Ра́дуйся, та́йн сокрове́нных ми́ру открове́ние.

Ра́дуйся, вели́ких обе́тов Бо́жиих соверше́ние;

Ра́дуйся, пра́вды Бо́жией испо́лненный.

Ра́дуйся, благода́тию Бо́жией осия́нный.

Ра́дуйся, Гаврии́ле, тайнозри́телю Святы́я Тро́ицы.

Конда́к 7

Хотя́щу Бо́гу воплоти́тися и на земли́ яви́тися челове́ком, предста́л еси́, служи́телю, провозве́стником ко избра́нней от ве́ка Де́ве и откры́л еси́ Е́й во́лю созда́вшего Ю́, воспева́я Бо́гу: Аллилу́иа.

И́кос 7

Но́вую и непостижи́мую та́йну Боговоплоще́ния откры́л еси́ Богоотрокови́це, Гаврии́ле сла́вне, не постига́я и са́м се́й вели́кой та́йны, дивя́ся безпреде́льной любви́ и милосе́рдию Бо́жию к лю́дям. О се́м и мы́, земноро́днии, со стра́хом и ра́достию диви́мся и вопие́м ти́ си́це:

Ра́дуйся, Сове́та предве́чнаго служи́телю;

Ра́дуйся, к Богоневе́сте Бо́гом низпо́сланный.

Ра́дуйся, Пречи́стыя Де́вы небе́сный храни́телю;

Ра́дуйся, Ма́тери Бо́жией ди́вный служи́телю.

Ра́дуйся, Боже́ственной Отрокови́цы учи́телю;

Ра́дуйся, Ея́ хле́бом небе́сным пита́телю.

Ра́дуйся, во Свята́я Святы́х с Не́ю глаго́лавый;

Ра́дуйся, глубины́ Бо́жия Про́мысла Е́й откры́вый.

Ра́дуйся, Гаврии́ле, тайнозри́телю Святы́я Тро́ицы.

Конда́к 8

Стра́нно челове́ком зре́ти ли́к А́нгельский, стра́нно и глаго́лы небе́сныя слы́шати, но умудре́нная Боже́ственною му́дростию Присноде́ва, не устраши́лась зра́ка твоего́ и вознесла́ к Творцу́ и Бо́гу пе́снь: Аллилу́иа.

И́кос 8

Ве́сь бе́ в ни́жних, узре́л еси́ Богоотрокови́цу вы́сшую чино́в А́нгельских, Гаврии́ле, и трепе́ща откры́л еси́ Е́й во́лю Влады́ки, и ужаса́ясь та́йне Боговоплоще́ния, испо́лнися благогове́ния к Богоизбра́нной Де́ве. Ви́дяще вели́кое твое́ служе́ние Престо́лу и зря́ще неизглаго́ланное смире́ние твое́ пред Де́вою, пое́м ти́ си́це:

Ра́дуйся, первоприе́мниче сия́ний Тро́ических;

Ра́дуйся, сия́ниями те́ми осия́нный.

Ра́дуйся, благода́ти испо́лненный;

Ра́дуйся, Присноде́ве Благода́ть прине́сший.

Ра́дуйся, в ли́ке А́нгелов вы́сших;

Ра́дуйся, пред Де́вою Мари́ею коле́на склони́вший.

Ра́дуйся, избра́нней ра́дость возвести́вый;

Ра́дуйся, и са́м се́й ра́дости возра́довавыйся.

Ра́дуйся, Гаврии́ле, тайнозри́телю Святы́я Тро́ицы.

Конда́к 9

Вся́кий чи́н А́нгельский превосходя́, ты́ пред Боже́ственною земноро́дною Богоотрокови́цею смире́нно предстои́ши, взыва́я ра́достию Творцу́ Бо́гу: Аллилу́иа.

И́кос 9

Вити́йства многовеща́нныя все́х вити́й челове́ческих ничто́ су́ть пред безгла́сною ве́твью ра́йскою, тобо́ю принесе́нною, егда́ воспе́л еси́ Святу́ю Де́ву, благовеству́я Е́й избра́ние Ея́ бы́ти Богома́терию и па́ки возвеща́я спаси́тельное успе́ние Ея́. Твое́й вели́кой му́дрости удиви́шася земля́ и возопи́:

Ра́дуйся, смире́ния учи́телю;

Ра́дуйся, вели́ких та́йн Боготво́рческих зри́телю.

Ра́дуйся, ве́твью чистоту́ Матереде́вства Пречи́стыя знамена́вый;

Ра́дуйся, благоуха́нием кри́на ра́йскаго благоуха́ние души́ чисте́йшия показа́вый.

Ра́дуйся, неувяда́нием Цве́та небе́снаго неувяда́емость жи́зни Богома́тери предвеща́вый;

Ра́дуйся, смире́нной ве́твью смире́ние ве́тви ца́рственней восхвали́вый.

Ра́дуйся, красото́ю Цве́та небе́снаго духо́вную красоту́ Присноде́вы воспе́вый;

Ра́дуйся, всю́ сла́ву Де́вы Мари́и си́м изобрази́вый.

Ра́дуйся, Гаврии́ле, тайнозри́телю Святы́я Тро́ицы.

Конда́к 10

Спасе́ние ду́ш челове́ческих предвозвеща́я, Арха́нгеле Бо́жий, научи́л еси́ на́с воспева́ти Бо́гу: Аллилу́иа.

И́кос 10

Стена́ грехо́вная между́ не́бом и земле́ю не загради́ла пу́ть тебе́, Арха́нгеле, но я́ко ды́м и мра́к разсе́ялась пред свя́тостию твое́ю и ты́ предста́л еси́ Пречи́стей Де́ве благове́стником небе́сным в Назаре́те, веща́я: «Ра́дуйся», — прине́сл еси́ Е́й, си́м ра́дость Воскресе́ния Христо́ва возвеща́я, и ра́ди ра́дости возвеще́нной тобо́ю Де́ве, и чрез Де́ву ми́ру, ми́р принести́ тебе́ дерза́ет:

Ра́дуйся, ра́дости ми́ру веща́ние;

Ра́дуйся, Бо́жиих даро́в раздая́ние.

Ра́дуйся, Гаврии́ле, свети́льниче светоза́рный;

Ра́дуйся, дру́г и сослужи́тель вели́каго Архистрати́га Михаи́ла.

Ра́дуйся, звездо́, явле́ние со́лнца Христа́ возвести́вый;

Ра́дуйся, мно́гажды Боже́ственней Ма́тери Его́ послужи́вый.

Ра́дуйся, вели́ких обетова́ний Бо́жиих соверши́телю;

Ра́дуйся, я́ко ты́ при гро́бе: «Воскре́се Христо́с, не́сть зде́», — мироно́сицам возвести́.

Ра́дуйся, Гаврии́ле, тайнозри́телю Святы́я Тро́ицы.

Конда́к 11

Пе́снь лико́в А́нгельских прине́сл еси́ земле́ ты́, Арха́нгеле, и веща́ти благогове́йное «Досто́йно» Афо́нския го́ры и́нока научи́л еси́, и науче́ннии тобо́ю чрез того́ лю́дие благода́рно о се́м воспе́ша Бо́гу: Аллилу́иа.

И́кос 11

Светоза́рный ли́к сво́й сокры́л еси́ ты́, Гаврии́ле, обле́кшися оде́ждою и́ноческою, дабы́ не ужасну́лся сме́ртный боголе́пнаго зра́ка твоего́, но умудри́лся бы пости́гнути и уясни́ти себе́ песнопе́ние небе́сное, и да не мни́тся пре́лестию лука́ваго и́ноку смире́нному явле́ние чинонача́льника Си́л Вы́шних бы́ти, удостове́рить и́стину явле́ния твоего́ возжела́л еси́. Сего́ ра́ди, ка́мень ве́лий взе́мше, на не́м пе́рстом безпло́тным, я́ко по во́ску, начерта́л еси́ Небе́сное: «Досто́йно», уви́дев чу́до сие́ ве́лие, вси́ и́ноцы Афо́нския горы́ воспе́ша ти́ согла́сно:

Ра́дуйся, Бо́жий служи́телю;

Ра́дуйся, Боже́ственный Арха́нгеле.

Ра́дуйся, благове́стниче преди́вный;

Ра́дуйся, Богоотрокови́цы храни́телю.

Ра́дуйся, земноро́дных пе́сне Небе́сней научи́вый;

Ра́дуйся, са́м пре́жде пе́снь сию́ ди́вную пред и́ноком воспе́вый.

Ра́дуйся, Боже́ственныя слова́ чу́дно на ка́мени начерта́вый;

Ра́дуйся, се́й ка́мень в зало́г и́стиннаго зна́мения твоего́ горе́ Афо́нстей да́вый.

Ра́дуйся, Гаврии́ле, тайнозри́телю Святы́я Тро́ицы.

Конда́к 12

Благода́тныя твоя́ явле́ния воспомина́я, благодаре́ние прино́сим Творцу́ и Бо́гу, спаса́ющему ро́д челове́ческий, и пое́м Бо́гу усе́рдно: Аллилу́иа.

И́кос 12

Пою́ще все́ на́м ве́домыя, Гаврии́ле, до́блести твоя́, неве́домыя же ча́ем за предста́тельство твое́ о на́с уве́дети в Небе́сном Ца́рствии. Ны́не же по си́ле на́шей дерза́ем ти́ воспе́ти:

Ра́дуйся, Сове́та преве́чнаго Святы́я Тро́ицы предначерта́ния прия́вший;

Ра́дуйся, домострои́тельства Бо́жия все́ пла́ны охраня́вый.

Ра́дуйся, охране́нием о́ных Творцу́ служи́вый;

Ра́дуйся, ми́ру спасе́ние возвести́вый.

Ра́дуйся, Ма́тери Бо́жией храни́телю;

Ра́дуйся, Це́ркви Христо́вой блюсти́телю.

Ра́дуйся, и Втора́го прише́ствия Христо́ва на зе́млю возвести́телю;

Ра́дуйся, я́ко ты́ предъи́деши Си́лам Небе́сным с вели́ким тру́бным гла́сом в де́нь Стра́шнаго Суда́ Бо́жия.

Ра́дуйся, Гаврии́ле, тайнозри́телю Святы́я Тро́ицы.

Конда́к 13

О ди́вный тайнови́дче и пресла́вный Арха́нгеле, вели́ко дерзнове́ние твое́ пред Го́сподом и си́льна моли́тва твоя́. Припа́даем к тебе́ и мо́лим, Гаврии́ле пречу́дне, приими́ на́с немощны́х под кро́в кри́л твои́х и защити́ от ко́зней враго́в ви́димых и неви́димых. Помяни́ на́с недосто́йных в твое́м предста́тельстве пред Престо́лом Всевы́шняго, да воспое́м Ему́ по неизрече́нному милосе́рдию Его́ в Ца́рстве Сла́вы с лико́м А́нгелов и все́ми святы́ми: Аллилу́иа.

[Се́й конда́к глаго́лется три́жды.]

И́кос 1

А́нгелов Творе́ц и вся́ческих избра́ тя́, тайнови́дче Гаврии́ле, в пречу́днем Сове́те Святы́я Тро́ицы, да послу́жиши та́йне Боговоплоще́ния, и повеле́ бы́ти тебе́ носи́телем си́лы и чуде́с Бо́жиих. Сего́ ра́ди вопие́м ти́ си́це:

Ра́дуйся, Гаврии́ле, избра́нный Творцо́м служи́телю;

Ра́дуйся, Гаврии́ле, Промышле́ния Бо́жия носи́телю.

Ра́дуйся, я́ко тобо́ю хва́лятся Си́лы Небе́сныя;

Ра́дуйся, я́ко тебе́ сла́вят сердца́ земноро́дных.

Ра́дуйся, ве́рно послужи́вый Престо́лу Святы́я Тро́ицы;

Ра́дуйся, со дру́ги свои́ми сокруши́вый и изри́нувый денни́цу.

Ра́дуйся, обличи́вый заблужде́ния того́;

Ра́дуйся, из пе́рвых пе́снь Трисвяту́ю воспе́вый.

Ра́дуйся, Гаврии́ле, тайнозри́телю Святы́я Тро́ицы.

Конда́к 1

Избра́нный Бо́гом от все́х Небе́сных Си́л послужи́ти предве́чной та́йне спасе́ния ро́да челове́ческаго, ди́вный предстоя́телю Престо́лу Святы́я Тро́ицы, носи́телю та́йн и чуде́с Бо́жиих, Арха́нгеле Гаврии́ле, к тебе́ припа́даем и умиле́нно воспева́ем ти́:

Ра́дуйся, Гаврии́ле, тайнозри́телю Святы́я Тро́ицы.

Моли́тва

О, святы́й вели́кий Арха́нгеле Гаврии́ле, Бо́жию Престо́лу предстоя́й и озаре́нием от Боже́ственнаго све́та осия́нный, ве́дением же непостижи́мых та́йн о преве́чней Прему́дрости Его́ просвеще́нный! Всеусе́рдно молю́ тя́, наста́ви мя́ к покая́нию от злы́х де́л и ко утвержде́нию в ве́ре мое́й, укрепи́ и огради́ ду́шу мою́ от искуше́ний прельсти́тельных и умоли́ Созда́теля на́шего о отпуще́нии грехо́в мои́х. О, святы́й вели́кий Гаврии́ле Арха́нгеле! Не пре́зри мене́ гре́шнаго моля́щаго тебя́ о по́мощи и заступле́нии твое́м в ве́це се́м и в бу́дущем, но при́сно помо́щник мне́ яви́ся, да непреста́нно сла́влю Отца́ и Сы́на и Свята́го Ду́ха держа́ву и твое́ предста́тельство во ве́ки веко́в. Ами́нь