Святая Евву́ла Никомидийская

Краткое житие святой Еввулы Никомидийской

Святая Еввула, мать великомученика Пантелеимона (память 27 июля), скончалась мирно около 303 года ранее мучений своего сына.

Полное житие святой Еввулы Никомидийской

Святая Еввула преставилась ко Господу 30 марта около 303 года в г. Никомидии, незадолго до начала масштабных гонений на христиан со стороны императора Диоклетиана, во время которых пострадал и ее сын – великомученик Пантелеимон. В Синаксарии на этот день говорится, что эта дивная и благодатная жена воистину явила, по Писанию «венец честен мужу своему, славу спасения возведший на главу его», «матерь, о чаде своем веселящаяся».

Будучи рожденной в семье христианских родителей и воспитанной в христианском правоверии, она была сопряжена браком с мужем неверным, то есть – язычником, которого звали Евсторгий. Родители надеялись, что таким образом на дочери их исполнятся слова апостольские: «святится муж неверен о жене верне». Итак, браком сочетавшиеся, были они сопряжены телесами, но духом – разделены. Муж приносил со усердием тучные жертвы языческим идолам, жена же – Истинному Богу жертву хвалы и благодарения на всякий час совершала. Когда же стяжала она во утробе долгожданный плод супружества, возблагодарила Господа и боголюбия ради, добродетели преумножила, всецело во дни и в ночи в молитве к Богу простираясь. Провидев скорое свое отшествие из временной жизни, стремилась святая еще от самой утробы посвятить сына своего Богу. Когда же родилось на свет отроча, то муж праведной Еввулы нарек ему имя Панталеон, что означает – по всему подобный льву, в надежде, что сын его станет великим воином.

Еввула воспитывала сына своего в благочестии, поучая его, по мере возможности, о Едином и Истинном Боге. Все поучения свои слагала блаженная матерь не столько в разум, сколько в тайники сердца отрока, надеясь, что когда придет на него благодать Святого Духа, тогда отверзет ему ум к разумению божественных таин и напомнит все сказанное некогда матерью.

Немногим годам прошедшим, приблизилась святая Еввула к смертному одру и призвала сына своего, чтобы дать ему последнее наставление. Облобызав его и благословив, она, плачущи, говорила такие слова: «чадо, чадо мое любезное, вот, телом ко гробу ныне отхожу, душею же не отлучусь от тебя. Молю тебя, свете мой, да ничто в мире сем не отлучит тебя от любви Божией, на небо очи твои возводи, к Богу Единому взирай, памятуй всевидящее око Его, и помощи от Него взыскуй. Тому всем житием своим подражай, Он милостив, щедр и человеколюбив, так и ты милующее стяжи сердце и милосердию во все дни жизни твоей более всего прилежи».

В этой беседе изливающая слезы Еввула исполнилась благодати Божией и стала говорить пророческими словами: «Вижу взором духовным, насколько Господь мне подает, что лютое гонение на Церковь Божию предстоит, яростью и прещением дышащее. Но вижу, что Великий Бог наш чрез тебя, сын мой, злобу диаволову посрамит и уничижит. Ты бо, словно лев, против самого диавола изыдешь, в выю его поперешь, и о имени Господа нашего Иисуса Христа, как о камень сотрешь. О, каковой чести сподобил меня Господь! И откуда мне сие, да нарекусь великомученикова матерь! Се уже ангели пресветлии предстоят и зовут душу мою к сладчайшему Владыке моему. От юности моей возлюбила я Его и хранила заповеди Его». И так сына своего во объятиях держа, просветилась святая велиим светом и душу в руки Божии предала.

По блаженной кончине святой, отрок рос и укреплялся духом. Благодать же Божия, по молитвам матери его охраняла. Памятуя слова матери своей, что она будет присно пребывать рядом с ним, Панталеон старался проводить внимательное житие. Нравом был он кроток и смирен, послушлив и трудолюбив. Не оставил Бог неплодными молитвы рабы Своей, но со временем привел Панталеона к одному старцу – священнику по имени Ермолай. Когда начал святой проповедовать ему о Господе нашем Иисусе Христе, взыгралось сердце юноши, узнал бо слова матери своей в старческих глаголах.

Был наречен он прозорливым старцем во святой купели Пантелеимоном, что означает «Всемилостивый». По принятии же святого Крещения и святых Христовых Таин причастия, пребыл Пантелеимон с Ермолаем 7 дней, как от источника, живительную воду словес его принимая, утучняя душу свою к плодоносию духовному по благодати Христовой.

После этого и отца своего Евсторгия ко Господу обратил и ко крещению привел, и вместе с ним идолы сокрушил. Евсторгий же по принятии святого крещения настолько изменился духовно, что сделался как младенец прост, кроток и незлобив. Сего ради и Господь вскоре престави его от временного в вечное житие, с супругою своею праведною Еввулою о чаде своем вечно радоваться. Святой же Пантелеимон много о Христе пострадав и имя Его прославив, окончил подвиг мученичества своего.

Главный подвиг Еввулы — подвиг материнства. Благочестивая мать воспитала безмездного врача, целителя и великомученика Церкви Христовой. Поэтому ее и почитают как покровительницу православных матерей. В тропаре святой Еввуле выражена мысль, что святые дети есть дар Божий святым матерям: «Всерадостное дарование от Бога святым женам — святыя дети».

Особым почитанием святая Еввула пользуется в Русском Пантелеимоновом монастыре, где ей была составлена полиелейная служба еще в XIX в. На ее память — 12 апреля — в монастыре совершается Панагир, т.е. всенощное бдение в течение всей ночи по чину престольного праздника, а если этот день выпадает на будничный день великого поста, то праздник переносится на 4-ю или 5-ю Неделю Св. Четыредесятницы.

В 2003 году в Русской Свято-Пантелеимоновой обители на Афоне был создан храм в честь святой праведной Еввулы, который был освящен 9 ноября того же года тогда еще архиепископом Черновицким и Буковинским (ныне Митрополитом Киевским и всея Украины) Онуфрием. Отошедший ко Господу настоятель Пантелеимонова монастыря старец Иеремия любил говорить, что праведная Еввула является второй после Пресвятой Богородицы матерью насельников Русской святогорской обители.

Тропарь

Всера́достное дарова́ние от Бо́га
святы́м жена́м – святы́я де́ти;
всера́достное дая́ние и тебе́, свята́я Евву́ло, –
святы́й великому́ченик Пантелеи́мон,
ми́лости тезоимени́тый,
неду́гующих цели́тель и наш засту́пник.
Сла́ва у́бо о вас Всеми́лостивому Влады́це,
сла́ва Подаю́щему ва́ми цельбы́,

сла́ва предста́тели на́ши вас Показа́вшему.

Кондак, глас 3

Па́мять твоя́, Евву́ло,
весели́т чту́щих тя,
ма́терь сла́внаго Пантелеи́мона,
с ни́мже Бо́жию Престо́лу предстоя́щи,

моли́ся прегреше́ний оставле́ние да́ти нам.

Канон святой праведной Еввуле, матери святого великомученика Пантелеимона

Минея, 30 Марта.

Глас 4

Песнь 1

Ирмос: Отве́рзу уста́ моя́,
и напо́лнятся Ду́ха,
и сло́во отры́гну Цари́це Ма́тери,
и явлю́ся, све́тло торжеству́я,
и воспою́, ра́дуяся, Тоя́ чудеса́.

Припев: Святáя пра́ведная Евву́ло, моли́ Бо́га о на́с.

Чти́телие Пантелеи́мона сла́внаго,
того́ святу́ю ма́терь пе́сньми почти́м,
обои́х вку́пе велича́юще.

Припев: Святáя пра́ведная Евву́ло, моли́ Бо́га о на́с.

К злому́дрию идолослужи́телей не примеша́ющися, Богому́драя Евву́ло,
Христа́ возлюби́ла еси́
и Тому́ усе́рдно порабо́тала еси́.

Сла́ва Отцу́ и Сы́ну и Свято́му Ду́ху.

И́стинное чадолю́бие к рожде́нному тобо́ю име́ющи,
благоче́стием па́че, не́же млеко́м,
того́ воспита́ла еси́, достоблаже́нная.

И ны́не и при́сно и во ве́ки веко́в. Ами́нь.

Богородичен: Яви́лася еси́, Богороди́тельнице,
вы́сшая Го́рних сил и всея́ тва́ри,
возвы́сившая естество́ челове́ческое рождество́м Твои́м.

Песнь 3

Ирмос: Твоя́ песносло́вцы, Богоро́дице,
живы́й и незави́стный Исто́чниче,
лик себе́ совоку́пльшия, духо́вно утверди́,
в Боже́ственней Твое́й сла́ве,
венце́в сла́вы сподо́би.

Припев: Святáя пра́ведная Евву́ло, моли́ Бо́га о на́с.

Твоя́ песносло́вцы, засту́пниче наш, лик себе́ совоку́пльше,
воспева́ем дне́сь достоблаже́нную ма́терь твою́.
Моли́твами у́бо ва́шими духо́вно утверди́те ны.

Припев: Святáя пра́ведная Евву́ло, моли́ Бо́га о на́с.

Словеса́ свята́го Дави́да испо́лнишася на тебе́, пра́ведная Евву́ло:
ты бо еси́ ма́терь,
о святе́м ча́де свое́м веселя́щаяся в Небе́сных селе́ниих.

Сла́ва Отцу́ и Сы́ну и Свято́му Ду́ху.

Я́ко иму́щии дерзнове́ние ко Го́споду, дво́ице свята́я,
чту́щия вас свобожда́йте от бед и нужд
и ве́чных мук изба́витися нам Того́ умоли́те.

И ны́не и при́сно и во ве́ки веко́в. Ами́нь.

Богородичен: Благоле́пная ски́ние Божества́, Мари́е,
первозда́нную ле́поту возврати́вшая нам Вопло́щшимся из Тебе́,
неблаголе́пие души́ моея́ претвори́ во благоле́пие.

Седален, глас 8

Ми́лование име́ла еси́, честна́я ма́ти, ко и́скреннему,
ве́ру же и́стинную и любо́вь, я́же к Бо́гу,
сего́ ра́ди Бо́жия благода́ть в тебе́ предпочи́ла есть,
ю́же испроси́ и нам, воспева́ющим тя.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Богоро́дицу Тя испове́дуем, Влады́чице,
Ро́ждшимся от Тебе́ спа́сшиися гре́шнии раби́,
Бо́га бо непостижи́мо родила́ еси́,
Кро́вию Свое́ю очища́ющаго нас от вся́каго греха́
и в ра́йское весе́лие приводя́щаго.

Песнь 4

Ирмос: Седя́й в сла́ве на Престо́ле Божества́
во о́блаце ле́гце,
прии́де Иису́с Пребоже́ственный
Нетле́нною Дла́нию и спасе́ зову́щия:
сла́ва, Христе́, си́ле Твое́й.

Припев: Святáя пра́ведная Евву́ло, моли́ Бо́га о на́с.

Кто не похва́лит, о Евву́ло, благоче́стие твое́,
ве́ру же и любо́вь ко Христу́ посреде́ идолослужи́телей,
их же су́етная чти́лища презира́ла еси́.

Припев: Святáя пра́ведная Евву́ло, моли́ Бо́га о на́с.

Я́ко сын предо́брый, весели́ши ты, Пантелеи́моне, ублажа́емую на́ми ма́терь твою́,
ея́же почита́ние отно́сится и к тебе́,
благотво́рное нам, обои́х вас восхваля́ющим.

Сла́ва Отцу́ и Сы́ну и Свято́му Ду́ху.

Удиви́шася никомиди́йцы,
возра́довашася Небожи́телие о му́ченическом боре́нии кра́снаго прозябе́ния твоего́, Евву́ло,
его́же увенча́ Христо́с венце́м побе́ды.

И ны́не и при́сно и во ве́ки веко́в. Ами́нь.

Богородичен: Неудо́бь соединя́емая в Себе́ соедини́вшая,
е́же пре́жде рождества́, в рождестве́ и по рождестве́ де́вство,
в де́встве утверди́ и в чистоте́ соблюди́ ны, Чи́стая Присноде́во.

Песнь 5

Ирмос: Ужасо́шася вся́ческая
о Боже́ственней сла́ве Твое́й:
Ты бо, Неискусому́жная Де́во,
име́ла еси́ во утро́бе над все́ми Бо́га
и родила́ еси́ Безле́тнаго Сы́на,
всем воспева́ющим Тя
мир подава́ющая.

Припев: Святáя пра́ведная Евву́ло, моли́ Бо́га о на́с.

И́стинную любо́вь име́ла еси́ к Бо́гу, Боголюби́вая ма́ти,
за́поведи Его́ храня́:
сей бо и́стинно лю́бит Бо́га, и́же за́поведи Его́ соблюда́ет.

Припев: Святáя пра́ведная Евву́ло, моли́ Бо́га о на́с.

Благода́тию спасе́ннии чрез ве́ру,
благи́ми де́лы угожда́ти Бо́гови до́лжни есмы́,
я́коже угоди́ Тому́ благолюби́вая Евву́ла.

Сла́ва Отцу́ и Сы́ну и Свято́му Ду́ху.

Не оправди́тся пред Бо́гом всяк живы́й,
ты же пра́ведна яви́лася еси́ пред Ним, приснопа́мятная.
Пра́ведную у́бо, тя пе́сньми почита́ем.

И ны́не и при́сно и во ве́ки веко́в. Ами́нь.

Богородичен: Кра́сную, и избра́нную, и всечестну́ю разуме́в Тя,
Сын Бо́жий Сын Твой бы́сть.
Сы́ны сотвори́ по благода́ти, чту́щия Тя, Богоневе́сто.

Песнь 6

Ирмос: Боже́ственное сие́ и всечестно́е
соверша́юще пра́зднество,
Богому́дрии, Богома́тере,
прииди́те, рука́ми воспле́щим,
от Нея́ ро́ждшагося Бо́га сла́вим.

Припев: Святáя пра́ведная Евву́ло, моли́ Бо́га о на́с.

Блаже́нна в христиа́нских жена́х вои́стинну показа́лася еси́, Евву́ло,
вели́каго Христо́ва страстоте́рпца ма́терь су́щи, прехва́льная.

Припев: Святáя пра́ведная Евву́ло, моли́ Бо́га о на́с.

Досто́йна еси́ почита́ема бы́ти, ма́ти всечестна́я,
я́ко в Боже́ственных повеле́ниих поуча́лася еси́
и сих при́сная храни́тельница была́ еси́.

Сла́ва Отцу́ и Сы́ну и Свято́му Ду́ху.

Благочести́ва су́щи,
и рожде́ннаго тобо́ю, Евву́ло, благоче́стию учи́ла еси́, глаго́лющи:
Христо́с бу́ди тебе́, ча́до, Свет, Пу́ть, И́стина и Живо́т.

И ны́не и при́сно и во ве́ки веко́в. Ами́нь.

Богородичен: Тя, Госпоже́, жи́зни на́шея
предлага́ем Храни́тельницу и Засту́пницу Непобеди́мую:
Помо́щница нам бу́ди, избавля́ющи от бед сла́вящих Тя.

Кондак, глас 3

Па́мять твоя́, Евву́ло,
весели́т чту́щих тя,
ма́терь сла́внаго Пантелеи́мона,
с ни́мже Бо́жию Престо́лу предстоя́щи,
моли́ся прегреше́ний оставле́ние да́ти нам.

Икос

Достоблаже́нную и святу́ю Евву́лу во гла́се ра́дования ны́не ублажи́м.
Сия́ бо, благоче́стие, я́ко щит, иму́щи,
и́дольскую пре́лесть и сопроти́внаго низложи́
и по кончи́не свое́й пра́ведною душе́ю свое́ю на Небеса́ возлете́,
иде́же с Пантелеи́моном Бо́жию Престо́лу предстоя́щи,
мо́лится прегреше́ний оставле́ние да́ти нам.

Песнь 7

Ирмос: Не послужи́ша тва́ри Богому́дрии
па́че Созда́вшаго,
но, о́гненное преще́ние му́жески попра́вше,
ра́довахуся, пою́ще:
препе́тый отце́в Госпо́дь и Бог, благослове́н еси́.

Припев: Святáя пра́ведная Евву́ло, моли́ Бо́га о на́с.

Не послужи́сте тва́ри, Богому́драя дво́ице, па́че Созда́вшаго,
но преще́ние неве́рных и и́долы их попра́вше,
с весе́лием взыва́сте:
препе́тый отце́в Госпо́дь и Бог, благослове́н еси́.

Припев: Святáя пра́ведная Евву́ло, моли́ Бо́га о на́с.

Стре́лы огнено́сныя де́монов ты угаси́ла еси́, Евву́ло, огради́вшися ве́рою,
смире́нием же твои́м низложи́ла еси́ го́рдаго зми́я, взыва́ющи:
препе́тый отце́в Госпо́дь и Бог, благослове́н еси́.

Сла́ва Отцу́ и Сы́ну и Свято́му Ду́ху.

Побе́дных по́честей, я́же прия́ Пантелеи́мон,
о́бщница еси́, блаже́нная того́ ма́ти:
тобо́ю бо пе́рвее наста́вленный,
му́жески подвиза́ся за Христа́ Богому́дрый сын твой.

И ны́не и при́сно и во ве́ки веко́в. Ами́нь.

Богородичен: Сбытие́ слове́с Твои́х, Влады́чице, испо́лнися:
се бо ублажа́ют Тя вси ро́ди,
ро́ждшую Спа́са ро́да челове́ческаго,
Ему́же о Тебе́ пое́м:
препе́тый отце́в Госпо́дь и Бог, благослове́н еси́.

Песнь 8

Ирмос: О́троки благочести́выя в пещи́
Рождество́ Богоро́дичо спасло́ есть,
тогда́ у́бо образу́емое,
ны́не же де́йствуемое,
вселе́нную всю воздвиза́ет пе́ти Тебе́:
Го́спода по́йте, дела́,
и превозноси́те Его́ во вся ве́ки.

Припев: Святáя пра́ведная Евву́ло, моли́ Бо́га о на́с.

Свети́льник нога́ма свои́ма иму́щи зако́н Госпо́день и свет стезя́м свои́м,
воспи́товала еси́ в том сы́на своего́, пою́щи с ним:
Го́спода по́йте, дела́, и превозноси́те Его́ во вся ве́ки.

Припев: Святáя пра́ведная Евву́ло, моли́ Бо́га о на́с.

Я́ко зве́зды, просия́сте све́тлостию благоче́стия, свята́я дво́ице,
науча́юще в но́щи неве́рия су́щих пе́ти:
Го́спода по́йте, дела́, и превозноси́те Его́ во вся ве́ки.

Сла́ва Отцу́ и Сы́ну и Свято́му Ду́ху.

Зря́щи Пантелеи́мона, му́ченическим венце́м укра́шенна,
на Небеси́, лику́еши, прехва́льная, и вопие́ши:
сра́дуйтеся мне вси, пою́ще:
Го́спода по́йте, дела́, и превозноси́те Его́ во вся ве́ки.

И ны́не и при́сно и во ве́ки веко́в. Ами́нь.

Богородичен: Я́ко Небе́снаго Царя́ чисте́йший храм,
Того́ моли́, Де́во, очи́стити ду́ши на́ша
и хра́мы себе́ человеколю́бием Свои́м соде́лати, да пое́м:
Го́спода по́йте, дела́, и превозноси́те Его́ во вся ве́ки.

Песнь 9

Ирмос: Всяк земноро́дный
да взыгра́ется, Ду́хом просвеща́емь,
да торжеству́ет же Безпло́тных умо́в естество́,
почита́ющее свяще́нное торжество́ Богома́тере,
и да вопие́т:
ра́дуйся, Всеблаже́нная Богоро́дице,
Чи́стая Присноде́во.

Припев: Святáя пра́ведная Евву́ло, моли́ Бо́га о на́с.

Ве́руя во Христа́ Бо́га и за́поведи Его́ усе́рдно храня́,
благоугоди́ла еси́ Ему́, Боголюби́вая Евву́ло,
моли́ у́бо Всеблага́го Влады́ку и нам благоуго́дным Ему́ бы́ти
и спасти́ся душа́м на́шим.

Припев: Святáя пра́ведная Евву́ло, моли́ Бо́га о на́с.

И́же за́поведи Бо́жия сохраня́ет, того́ возлюби́ти обещава́ется Бог.
В за́поведех Его́ ходи́вшая, возлю́блена еси́ Им, ма́ти,
но моли́ся, да и мы возлю́бим Бо́га
и возлю́блени бу́дем благоутро́бием Его́.

Сла́ва Отцу́ и Сы́ну и Свято́му Ду́ху.

Чту́щую вас, честна́я дво́ице, оби́тель присеща́йте, блаже́ннии,
предста́тельством ва́шим избавля́ющи от вся́ких лю́тых обстоя́ний,
и грехо́м на́шим испроси́те проще́ние.

И ны́не и при́сно и во ве́ки веко́в. Ами́нь.

Богородичен: А́да Победи́теля ро́ждшая,
Того́ моли́, Влады́чице,
да изба́вит вы, гре́шныя, от де́рзости лука́вых де́монов,
страстьми́ нас борю́щих,
и да огради́т ми́ром ду́ши на́ша.

Светилен

Све́том Тро́йческим осиява́емая, яви́лася еси́, Евву́ло, я́ко свеща́,
све́том Богоразу́мия светя́щая Никомиди́и.
Те́мже, светоно́сную твою́ па́мять чту́ще,
похва́льными пе́сньми тя ублажа́ем.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Две́ре Боже́ственная све́та,
Безле́тный Свет ми́рови возсия́вшая,
све́том благода́ти просвети́ ны
и во све́те Того́ повеле́ний жи́тельствовати укрепи́,
да похва́льными пе́сньми Тя, Богоро́дице, ублажа́ем.