Святитель Ни́фонт Печерский, епископ Новгородский

Он был епископом Новгородским и не позволил,
чтобы митрополит Киевский был посвящен
помимо благословения патриарха Константинопольского;
перед смертью видел преподобного Феодосия,
обещавшего ему место с собой.

Ревность по доме Твоем снедает меня (Пс.68:10). Этой надписью следует отметить честный гроб великого ревнителя о православии русском, блаженного Нифонта, который много потрудился, чтобы русские сыны не лишились усыновления Восточной Церкви и вместе Самого Господа, Которому имя – Восток (Лк.1:78). О подвиге его узнаем из следующего сказания.

Блаженный Нифонт был черноризцем святого Печерского монастыря во дни игумена Тимофея и много подражал житию великих преподобных отцов, трудясь богоугодно в молитве, бдении, посте и всяких добродетельных подвигах.

Когда же блаженный Иоанн, епископ Новгородский, по воле своей оставил престол, на котором потрудился двадцать лет, и, чувствуя изнеможение, отошел на безмолвие в монастырь, тогда блаженный Нифонт, сияя лучами многих своих добродетелей и далеким странам, изволением Божиим всеми согласно избран был на епископский престол Новгорода и посвящен в Киеве преосвященным митрополитом Михаилом – вторым этого имени.
Итак, вступив на престол свой и поставленный как светильник на свещнике, он просиял еще светлее великой ревностью о благочинном устроении православия, много заботился об умножении славы Божией и о жизни временной и вечной словесных своих овец. Прежде всего, умножая славу Божию, своим старанием заложил он посреди Новгорода каменную церковь Пресвятой Богородицы и Божией помощью вскоре соорудил ее. Престольную же церковь Святой Софии в том же городе украсил всю, даже с притвором, иконным писанием, и весь верх ее покрыл оловом. Сохраняя жизнь словесных овец – и сперва временную, – пастырь этот имел такую привычную добродетель: когда православные собирались на междоусобный бой, он всячески старался примирить их.

Так, услыхал он однажды, что киевляне и черниговцы восстали друг против друга с множеством воинов и хотят вступить в бой. И, взяв с собой вельмож новгородских, он пришел к ополчившимся и при помощи Божией примирил их. Так же и в прочих междоусобиях благословлял он людей миром, сохраняя временную их жизнь.

Но особенно заботился он о вечной жизни словесных овец своих. Он вспоминал Господни слова, сказанные о Боге Отце: И Я знаю, что заповедь Его есть жизнь вечная (Ин.12:50). И потому изо всех сил убеждал он православных не удаляться от исполнения заповедей Господних и от преданий и правил Его Церкви, чтобы не удалить себя от вечной жизни, а к удаляющимся и преступающим закон относился с негодованием, ясно проповедуя им, что они погибнут за беззаконие свое, настаивал во время и не во время, обличал, запрещал и молил со всяким долготерпением, как повелел апостол (2Тим.4:2).

Эту ревность доброго пастыря доказало прежде всего такое событие. Когда при блаженном новгородцы изгнали князя своего Всеволода Мстиславича, пришел к ним на княжение призванный ими Святослав Ольгович и женился на такой женщине, на которой по правилам церковным ему не должно было жениться. Тогда блаженный этот архиерей не только не захотел венчать его, но запретил всему своему клиру присутствовать при его венчании как при беззаконном, когда князя венчали пришедшие с ним священники. И смело обличал он князя в законопреступлении его, ревнуя тому, кто сказал в псалме: Буду говорить об откровениях Твоих пред царями и не постыжусь (Пс.118:46).

Но хотя и такая ревность была велика, настало время, и он явил несравненно большую ревность, спасая от нарушения правил саму Русскую Церковь, чем больше всего просиял славой этот наставник православия. Это было так.

Наступила блаженная кончина преосвященного митрополита Киевского Михаила, от которого святой епископ Нифонт принял рукоположение.

Великий же князь Киевский Изяслав Мстиславич избрал на его место, на архиерейский престол Киевской митрополии Клима-философа, черноризца, уже постриженного в схиму, и захотел, чтоб его рукоположили, не посылая на благословение ко Вселенскому патриарху Константинопольскому. И он для этого собрал собор епископов Русской Церкви, из которых сошлись следующие: Онуфрий Черниговский, Феодор Белогородский, Евфимий Переяславский, Дамиан Юрьевский, Феодор Владимирский, святой Нифонт Новгородский, Мануил Смоленский, Иоаким Туровский, Козьма Полоцкий.

На этом соборе святой Нифонт, епископ Новгородский, никак не допускал, чтоб сами епископы русские решились рукоположить себе митрополита без благословения Вселенского своего патриарха Константинопольского. И он с достоверностью и твердостью утверждал, что это противно православному преданию святой Восточной Церкви, которая через Константинопольский свой престол просветила сынов Руси и сделала нас сынами Востока, посетившего нас свыше, то есть сынами Божиими; оттуда же дала Киеву и первого митрополита Михаила через благословение природного своего Вселенского патриарха Константинопольского. Высказав это, доблестный исповедник мужественно запрещал сынам русским через свое противление отпасть от усыновления Восточного и вместе Божия. Ибо, – говорил он, – грядет гнев Божий на сынов противления (Кол.3:6). И истины исповедания этого неподвижно держались пять русских епископов – Козьма Полоцкий, Иоаким Туровский, Мануил Смоленский, Евфимий Переяславский и Феодор Белогородский. Но князь, не желая быть посрамленным в своем неправильном желании, не послушал блаженного и сделал то, что хотел, с прочими прельщенными им епископами. Итак, по приказанию князя и по совету Онуфрия, епископа Черниговского, Клим был благословлен епископами-человекоугодниками главой святого Климента, папы Римского, вместо благословения живого природного патриарха Константинопольского, и сел не по правилам на архиерейском престоле Киевской митрополии. Он стал принуждать блаженного епископа Нифонта служить с собой, но ревнитель православия святой Нифонт сказал ему: “Так как ты не принял благословения от Вселенского патриарха Константинограда, но через недостойное и несправедливое похищение сана считаешь себя равным истинному пастырю, между тем как ты – истинный волк, то, как я не соглашался на твое посвящение, так и ныне не должен служить с тобой и не буду поминать тебя при моем служении, потому что ты не поминаешь патриарха, от престола которого приняли мы начало благословения”. Тогда Клим, не стерпев правды, сильно стал гневаться на блаженного и наущать против него князя Изяслава и своих сторонников послать его на заточение или сделать ему какое-нибудь другое зло. Но злоба не одолела добродетели.

Князь Изяслав за это дело не пустил блаженного в Новгород, на престол его епископии, но удержал в Печерском монастыре, как в заточении. А блаженный пребывал там в великой радости и благодарил Бога: и за то, что лишился престола ради православия, и что вернулся к безмолвной своей жизни со святыми.

Когда же христолюбивый князь Георгий Мономахович победил Изяслава Мстиславича и принял Киевское княжение, тогда с великой честью отпустил он блаженного в Новгород на престол. Новгородцы же, которые были изнурены и рассеяны, как овцы, не имеющие пастыря (Мф.9:36), с невыразимой радостью приняли его.

Тогда Вселенский патриарх Константинограда, услышав обо всем этом про блаженного, который так много мужества показал ради законов церковных, – прислал ему послание, ублажая его за великий его разум и крепость и причисляя его к древним святым отцам, которые твердо стояли за православие. Он же, прочтя в грамоте патриаршее благословенье, утверждал себя в еще большей ревности. Потому и не лишился он достойного трудов его воздаяния от Начальника пастырей Иисуса, как доказала его блаженная кончина, к повествованию о которой мы перейдем.

Спустя некоторое время по возвращении своем в Новгород на престол услышал блаженный епископ Нифонт, что от Вселенского патриарха из Константинограда идет в Русь митрополит Константин, чтобы низложить Клима, митрополита Киевского, неправильно посвященного и возмутившего православных, а самому взойти на престол. Тогда, исполнившись духовной радости, он замыслил за раз сделать два дела: и принять благословение от святителя, и в святой Печерской обители поклониться Пресвятой Богородице и преподобным отцам. С этой целью он опять прибыл в Киев и ожидал прибытия митрополита, выехавшего уже из царствующего града, как он о том наверное знал. И он жил в святом Печерском монастыре с великим усердием к Пресвятой Богородице и к преподобным отцам. И вскоре постигла его там сильная болезнь, предварившая честную пред Господом смерть этого преподобного. Тогда он поведал братии дивное видение, которое он видел за три дня до того, как заболел.
“Когда, – рассказывал он, – после утреннего пения я пришел в келлию, мне нужно было немного отдохнуть, и тотчас сошел на меня легкий сон. И я очутился в этой святой Печерской церкви, на месте Николы Святоши, и много молился я со слезами к Пресвятой Богородице, чтоб увидать мне доброго строителя, и по смерти заботящегося об умножении добродетелей в своей обители, преподобного Феодосия. В церковь сходилось много братии, и один из них, подойдя ко мне, сказал: “Хочешь ли видеть преподобного отца нашего Феодосия?” Я отвечал: “Да, желаю, если возможно, покажи место”. Он взял меня и повел в алтарь, и там показал мне святого Феодосия. Я же, увидев его, поспешил к нему с радостью, упал к ногам его и поклонился ему до земли. Он же, подняв меня, благословил меня и сказал мне: “Хорошо, что ты пришел, брат мой и сын Нифонт; отныне ты будешь с нами неразлучно”. Он держал в руке своей свиток и дал его мне, когда я попросил у него. Я разогнул его и прочел, и в начале было написано так: Вот я и дети, которых дал мне Господь (Ис.8:18). После этого видения, – сказал блаженный Нифонт, – я пришел в себя и теперь знаю, что эта болезнь есть посещение от Бога”.

Итак, поболев тринадцать дней, уснул он с миром в Господе, месяца апреля в 8-й день, в субботу Светлой недели. И положено было его тело с честью в пещере преподобного Феодосия. Духом же с тем же дароименитым преподобным он предстоит престолу Владыки Христа, где, неразлучно наслаждаясь неизреченными небесными красотами, да помолятся они и о нас, чадах своих, и похвалятся, говоря вместе: Вот мы и дети, которых дал нам Бог. Ему, хвалимому в нераздельной Троице, Отцу, и Сыну, и Святому Духу, подобает всякая слава, честь и поклонение, ныне и присно и в бесконечные веки, аминь.

Источник: lavra.ua

Тропарь, глас 3

Я́ко сый нра́вом правосла́вных
Восто́чныя Це́ркве преда́ний и́стинный защи́тник,
сподо́бился еси́ вели́каго во отце́х Феодо́сия
ви́дети по сме́рти, я́ко жи́ва,
возвеща́юща тебе́ Ца́рствия Небе́снаго насле́дие,
его́же неизрече́нных добро́т
ны́не с ним неразлу́чно наслажда́яся,

моли́ и о нас, ча́дех свои́х, Ни́фонте прехва́льне.

Ин тропарь, глас 4 От мирска́го мяте́жа из млады́х ногте́й/ исше́д в ти́хое приста́нище,/ честны́я оби́тели Пече́рския дости́гл еси́/ и, та́мо яре́м Христо́в восприи́м на ся,/ ра́вно А́нгелом житие́ поживе́,/ отню́ду же прише́д, святи́телю Христо́в Ни́фонте, в вели́кий Но́вград,/ и архиере́йский престо́л восприя́л еси́/ и мно́ги лю́ди уче́нием свои́м ко Христу́ приве́л еси́,// Его́же моли́, святи́телю преподо́бне, спасти́ся душа́м на́шим.

Кондак, глас 5

Ре́вности дре́вних оте́ц
в тве́рдом и́стинных догма́т хране́нии подо́бяся,
крепкоу́мне Ни́фонте,
не восхоте́л еси́ восхи́тившему самово́льне престо́л Митропо́лии Кли́му сослужи́тель бы́ти,
избра́нному же на се от всех, поко́рся,
священноле́пне с ним служи́л еси́
и, жизнь свою́ сконча́в,

обре́л еси́ безконе́чное Ца́рство Христо́во.

Ин кондак, глас 8 Возложи́в себе́ от ю́ности Бо́гу, преподо́бне,/ мир тле́нных нивочто́же вмени́в/ и па́че всех Христа́ возлюби́в,/ Тому́ от всея́ души́ любо́вию после́довал еси́/ и, я́ко светоза́рное со́лнце,/ от Ки́ева просия́ во вся концы́ Ру́сския земли́ доброде́телию,/ и бысть па́стырь вели́кому Нову́гра́ду,/ и, до́бре упас ста́до Христо́во слове́сных ове́ц на па́житех духо́вных,/ к Бо́гу отше́л еси́,/ и ны́не со А́нгелы Влады́чню Престо́лу предстоя́,/ нас помина́й, раб свои́х, да зове́м ти:/ ра́дуйся, о́тче Ни́фонте,// святи́телем изря́дная похвало́.

Канон святителю Нифонту, епископу Новгородскому

Минея, 8 Апреля.

Глас 1

Песнь 1

Ирмос: Твоя́ победи́тельная десни́ца
боголе́пно в кре́пости просла́вися:
та бо, Безсме́ртне,
я́ко всемогу́щая проти́вныя сотре́,
изра́ильтяном путь глубины́ новосоде́лавшая.

Припев: Святи́телю, о́тче Ни́фонте, моли́ Бо́га о на́с.

Твоя́ десни́ца, Христе́ мой,
да наста́вит мя в дне́шний день пе́ти па́мять уго́дника Твоего́,
стира́я запина́ющия ми враги́
и путь, страстьми́ обветша́вший, во утро́бе мое́й обновля́я.

Припев: Святи́телю, о́тче Ни́фонте, моли́ Бо́га о на́с.

Благода́ть Паракли́та Твоего́ посла́в, Христе́, рабу́ Твоему́,
призва́л еси́ в след Тебе́ тещи́:
и́же а́бие отве́ржеся ми́ра и возлюби́ зако́н Твой,
путь в любви́ Твое́й обновля́ющ.

Припев: Святи́телю, о́тче Ни́фонте, моли́ Бо́га о на́с.

Твое́ю мы́шцею наста́влен преподо́бный Твой, Го́споди,
прии́де к безбу́рному приста́нищу
в пречестну́ю Ма́тере Твоея́ Пече́рскую оби́тель,
и бысть и́нок, и́ночествуя доброде́тельными нра́вы.

Сла́ва Отцу́ и Сы́ну и Свято́му Ду́ху.

Просия́ дале́че доброде́тель твоя́, о́тче,
ю́же ви́дяще, мно́зи велича́ху тя,
и прославля́ху Небе́снаго Отца́, да́вшаго тебе́ благода́ть сицеву́ю,
ея́же и мы да не лиши́мся твои́ми, о́тче, исправле́нии.

И ны́не и при́сно и во ве́ки веко́в. Ами́нь.

Богородичен: Бу́ди ми Руководи́тельница, Богоневе́стная Де́во,
руководя́щи на спасе́нную стезю́,
и ду́шу мою́, страстьми́ обветша́вшую, обновля́ющи, Мари́е, Твои́ми щедро́тами.

Песнь 3

Ирмос: Еди́не, ве́дый челове́ческаго существа́ не́мощь
и ми́лостивно в не вообра́жся,
препоя́ши мя с высоты́ си́лою,
е́же вопи́ти Тебе́, Святы́й,
одушевле́нный хра́ме неизрече́нныя сла́вы Твоея́, Человеколю́бче.

Припев: Святи́телю, о́тче Ни́фонте, моли́ Бо́га о на́с.

Еди́н путь прав ви́дя ве́рный раб Твой,
е́же прия́ти в жи́зни сей Крест Твой
и Тебе́, Влады́це своему́, после́довати,
а́бие к Тому́ спе́шно поте́кл есть,
тем ны́не неизрече́нныя сла́вы Твоея́ насыща́ется, Человеколю́бче.

Припев: Святи́телю, о́тче Ни́фонте, моли́ Бо́га о на́с.

Еди́ному Бо́гу от чи́стаго се́рдца моли́твы твоя́ непреста́нно возсыла́я,
немощна́го врага́ ко́зни разруши́л еси́, уби́в того́ копие́м ве́ры,
тем прия́л еси́, святи́телю, вене́ц сла́вы от Христа́ Человеколю́бца.

Припев: Святи́телю, о́тче Ни́фонте, моли́ Бо́га о на́с.

Бде́нием и посто́м горе́ возлете́в,
не изводи́л еси́ ума́ своего́ до́лу к скоротеку́щим
и сицевы́м дея́нием стяжа́л еси́ виде́ние Бо́жия сла́вы,
ю́же и нам улучи́ти моли́ Иису́са Человеколю́бца.

Сла́ва Отцу́ и Сы́ну и Свято́му Ду́ху.

Та́ко просвети́ся житие́ твое́ пред челове́ки,
я́ко ви́девше доброде́тели твоя́, о́тче,
избра́ша тя на престо́л архиере́йский Нову́гра́ду, ему́же и был еси́ па́стырь,
Пастыренача́льнику приводя́ своя́ о́вцы, Иису́су Человеколю́бцу.

И ны́не и при́сно и во ве́ки веко́в. Ами́нь.

Богородичен: Пастыренача́льника Ма́ти Чи́стая су́щи,
заблу́ждшее мя овча́ на путь пра́вый наста́ви и упра́ви живо́т мой,
да, Тобо́ю упра́влен, сподо́блюся насы́титися сла́вы Иису́са Человеколю́бца.

Седален, глас 4

Ре́вностию зело́ о Правосла́вии подвиза́яся,
умножа́л еси́ в па́стве твое́й сла́ву Бо́жию,
и ны́не у́бо прославля́яся иде́же глас пра́зднующих непреста́нно,
моли́ о чту́щих па́мять твою́, Ни́фонте, о́тче свяще́ннейший.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Я́ко ро́ждшая сла́вы Го́спода,
шу́ияго нас безсла́внаго стоя́ния свобо́ждши,
прича́стники сла́вы святы́х бы́ти сподо́би
и просла́ви чту́щих рождество́ Твое́, Чи́стая.

Песнь 4

Ирмос: Го́ру Тя, благода́тию Бо́жиею приосене́нную,
прозорли́выма Авваку́м усмотри́в очи́ма,
из Тебе́ изы́ти Изра́илеву провозглаша́ше свято́му
во спасе́ние на́ше и обновле́ние.

Припев: Святи́телю, о́тче Ни́фонте, моли́ Бо́га о на́с.

Горо́ю высокоу́мия ходя́щих смири́л еси́, блаже́нне,
не дав междоусо́бныя бра́ни сотвори́ти,
но благослови́л еси́ ми́ром,
приве́д тех ко спасе́нию и любви́ обновле́нию.

Припев: Святи́телю, о́тче Ни́фонте, моли́ Бо́га о на́с.

Словесе́м апо́стольским после́дуя,
благовре́менно и безвре́менно настоя́л еси́, о́тче,
все́ю си́лою завещава́я свои́м овца́м не удаля́тися от за́поведей Госпо́дних
и от пра́вильных Це́ркве Его́ преда́ний,
я́ко та суть на спасе́ние на́ше и обновле́ние.

Припев: Святи́телю, о́тче Ни́фонте, моли́ Бо́га о на́с.

Де́рзость твою́, святи́телю, кто испове́сть,
глаго́лал бо еси́ о свиде́ниих Госпо́дних пред цари́, не стыдя́ся диади́мы,
тем был еси́ вторы́й Предте́ча, облича́я дея́ния беззако́нныя.

Сла́ва Отцу́ и Сы́ну и Свято́му Ду́ху.

Те́ло свое́ не Христу́, но блуже́нию беззако́нным бра́ком предаю́щих князе́й
дерзнове́нно обличи́л еси́,
апо́стольски повелева́я Це́ркви свое́й и всему́ кли́ру
сицевы́х, безчи́нно ходя́щих, отмета́тися.

И ны́не и при́сно и во ве́ки веко́в. Ами́нь.

Богородичен: Беззако́ннующа мя испра́ви
и разсвире́певшия во мне стра́сти смири́, Богоро́дице,
да Тобо́ю тех свобо́дь быв, обря́щу отра́ду,
Ты бо еси́ Еди́на всех нас спасе́ние и обновле́ние.

Песнь 5

Ирмос: Просвети́вый сия́нием
прише́ствия Твоего́, Христе́,
и освети́вый Кресто́м Твои́м ми́ра концы́,
сердца́ просвети́ све́том Твоего́ Богоразу́мия
правосла́вно пою́щих Тя.

Припев: Святи́телю, о́тче Ни́фонте, моли́ Бо́га о на́с.

Втора́го тя Фео́дора Студи́йскаго пое́т Це́рковь Росси́йская, блаже́нне,
де́рзости ра́ди и испове́дания
и призыва́ет к духо́вному весе́лию любо́вию, о́тче, хва́лящих тя.

Припев: Святи́телю, о́тче Ни́фонте, моли́ Бо́га о на́с.

Ты непра́вильно ходя́щим сопротивоста́л еси́, преподо́бне,
ника́коже соизволя́я без благослове́ния Вселе́нскаго Константи́ня гра́да Патриа́рха произвести́ на престо́л архиере́я
и нече́стно да́ти во́лка в па́стыря овца́м, благоче́стно Христа́ сла́вящим.

Припев: Святи́телю, о́тче Ни́фонте, моли́ Бо́га о на́с.

Че́сти досто́ин еси́, свя́те,
я́ко на честь святи́тельства главо́ю Кли́мента свята́го возводя́щим не соизво́лил еси́,
па́че же обличи́в, с человекоуго́дники сих собо́р осуди́л еси́.

Сла́ва Отцу́ и Сы́ну и Свято́му Ду́ху.

И́стинный сын Восто́чнаго Вселе́нскаго престо́ла сый,
сыно́м Росси́йским не соизволя́л еси́ от пе́рвенства своего́ отстава́ти,
но достове́рно испове́дал еси́ то испе́рва рукописа́нием утвержде́но бы́ти,
да изволе́нием приро́днаго па́стыря своего́, Константи́ня гра́да Патриа́рха,
все твори́мо бу́дет.

И ны́не и при́сно и во ве́ки веко́в. Ами́нь.

Богородичен: Благослове́нием род челове́ческий Венча́вшая,
благослове́ния избра́нных нас сподо́би
и сла́ву Сладча́йшаго Сы́на Твоего́ зре́ти даждь правове́рно хва́лящим Тя.

Песнь 6

Ирмос: Обы́де нас после́дняя бе́здна,
несть избавля́яй,
вмени́хомся, я́ко о́вцы заколе́ния,
спаси́ лю́ди Твоя́, Бо́же наш,
Ты бо кре́пость немощству́ющих и исправле́ние.

Припев: Святи́телю, о́тче Ни́фонте, моли́ Бо́га о на́с.

Обы́де тя зло́бою архиере́й, ненави́дяй пра́вды,
не сообща́лся бо еси́ ему́, я́ко непра́ведно престо́л похи́тившу,
но ты, о́тче, не устраши́лся еси́ того́, име́яй наде́жду на Бо́га,
И́же есть кре́пость немощны́х и исправле́ние.

Припев: Святи́телю, о́тче Ни́фонте, моли́ Бо́га о на́с.

Удержа́ти тя, блаже́нне, не удержа́ннаго, покуша́яся, архиере́й
наусти́ кня́зя в заточе́ние тя посла́ти
и удержа́ самаго́, язы́ка же твоего́ не удержа́,
обличи́л бо еси́ того́, я́ко незако́нно престо́л похи́тивша.

Припев: Святи́телю, о́тче Ни́фонте, моли́ Бо́га о на́с.

Словеса́ твоя́ бы́ша меч беззако́нным,
и́мже посе́кл еси́ тех неи́стовство,
сего́ ра́ди и ненави́дяху тя и престо́ла отлучи́ша,
но ты не малоду́шествовал еси́, о́тче,
блаже́нства изгна́нных пра́вды ра́ди наде́яся.

Сла́ва Отцу́ и Сы́ну и Свято́му Ду́ху.

Обличе́ние твое́, святи́телю Ни́фонте, я́зва бысть нечести́вым,
снеда́ше бо их я́ко законопресту́пных,
и распыха́хуся сердцы́, скреже́щуще зубы́ зве́рски,
хотя́ще тя растерза́ти.

И ны́не и при́сно и во ве́ки веко́в. Ами́нь.

Богородичен: Обыдо́ша нас мы́сленнии зве́ри, скреже́щуще зубы́,
и ра́дуются о поги́бели на́шей,
но Ты, я́ко сильна́ в кре́пости, Де́во, сокруши́ им че́люсти
и нас испра́ви проти́ву тем ста́ти,
Ты бо еси́ кре́пость немощны́м и исправле́ние.

Кондак, глас 5

Ре́вности дре́вних оте́ц
в тве́рдом и́стинных догма́т хране́нии подо́бяся,
крепкоу́мне Ни́фонте,
не восхоте́л еси́ восхи́тившему самово́льне престо́л Митропо́лии Кли́му сослужи́тель бы́ти,
избра́нному же на се от всех, поко́рся,
священноле́пне с ним служи́л еси́
и, жизнь свою́ сконча́в,
обре́л еси́ безконе́чное Ца́рство Христо́во.

Песнь 7

Ирмос: Тебе́, у́мную, Богоро́дице, пещь
разсмотря́ем, ве́рнии,
я́коже бо о́троки спасе́ три Превозноси́мый,
мир обнови́, во чре́ве Твое́м всеце́л,
хва́льный отце́в Бог и препросла́влен.

Припев: Святи́телю, о́тче Ни́фонте, моли́ Бо́га о на́с.

Ты, о́тче блаже́ннейший, в оби́тели многочуде́сней, я́ко в Черто́зе Небе́сном живы́й,
ра́дуйся, благода́рственная воздава́л еси́ всех Цари́це и Сладча́йшему Сы́ну Ея́, поя́:
отце́в Бо́же, благослове́н еси́.

Припев: Святи́телю, о́тче Ни́фонте, моли́ Бо́га о на́с.

Дерзнове́нно став, преподо́бне, Правосла́вия ра́ди,
лиши́лся еси́ от законопресту́пных престо́ла своего́,
но престо́л тебе́ гото́вяшеся во огра́де Небе́сной,
я́ко и́стинному свиде́телю пра́вды.

Припев: Святи́телю, о́тче Ни́фонте, моли́ Бо́га о на́с.

Ви́дя Пастыренача́льник о́вцы твоя́, укосне́нием твои́м смяте́нны,
па́ки тя па́стыря им подае́т,
и́бо зло творя́й пра́ведным судо́м Бо́жиим сам зло сугу́бо прия́т
и отлучи́вый тя престо́ла сам отпаде́ престо́ла.

Сла́ва Отцу́ и Сы́ну и Свято́му Ду́ху.

Христолюби́вый князь Гео́ргий, Изясла́ва пра́ведно с престо́ла княже́ния изгна́в,
со мно́гою че́стию отпусти́ тя на престо́л твой,
на не́мже узре́вше тя, о́вцы твоя́, преподо́бне, с ра́достию воспе́ша:
отце́в Бо́же, благослове́н еси́.

И ны́не и при́сно и во ве́ки веко́в. Ами́нь.

Богородичен: Пра́ведно низпа́дший род челове́ческий от Бо́жия благода́ти
возста́вила еси́ пречи́стым рождество́м Твои́м, Богома́ти,
сего́ ра́ди ра́достно пое́т Ти во вся ро́ды, Благослове́нная.

Песнь 8

Ирмос: В пещи́ о́троцы Изра́илевы,
я́коже в горни́ле,
добро́тою благоче́стия чисте́е зла́та блеща́хуся, глаго́люще:
благослови́те, вся дела́ Госпо́дня, Го́спода,
по́йте и превозноси́те во вся ве́ки.

Припев: Святи́телю, о́тче Ни́фонте, моли́ Бо́га о на́с.

В пещи́ искуше́ний и в пла́мени ласка́ния законопресту́пных
егда́ тебе́ неопали́вшася слы́ша Вселе́нский Константи́ня гра́да Патриа́рх,
ублажи́ му́жество твое́, о́тче, и причте́ тя к дре́вним испове́дником,
с ни́миже ны́не пое́ши Го́спода во ве́ки.

Припев: Святи́телю, о́тче Ни́фонте, моли́ Бо́га о на́с.

Ви́дя твое́ дерзнове́ние, в кни́зе живы́х напи́сано,
Патриа́рх Константи́ня гра́да присла́ и свое́ к тебе́ напи́санное посла́ние,
в не́мже ублажа́ше твою́ о Правосла́вии ре́вность,
ю́же помина́юще, и сы́нове росси́йстии превозно́сят Го́спода во ве́ки.

Припев: Святи́телю, о́тче Ни́фонте, моли́ Бо́га о на́с.

Сугу́бым жела́нием распала́емь, святи́телю, спе́шно прише́л еси́ в град Ки́ев,
жела́я Богома́тери в оби́тели Пече́рской и преподо́бным отце́м поклони́тися,
та́кожде от гряду́щаго архиере́я благослове́ние прия́ти.
Те́мже ди́вно виде́ние ви́дети сподо́бился еси́,
я́ко святы́й Феодо́сий глаго́ла тебе́:
отсе́ле бу́деши с на́ми неразлу́чно, сла́вя и поя́ Го́спода во ве́ки.

Сла́ва Отцу́ и Сы́ну и Свято́му Ду́ху.

Я́ко птене́ц, любя́ гнездо́, на холме́ Пече́рском от Чи́стыя Голуби́цы созда́нное,
любе́зно жела́л еси́ в нем жи́ти неисхо́дно,
а́ще же и привлече́ тя жела́ние сицево́е,
но Бо́жий Про́мысл угото́ваше отше́ствие твое́ от вре́менных к ве́чным.

И ны́не и при́сно и во ве́ки веко́в. Ами́нь.

Богородичен: Птене́ц есмь, в Твое́й огра́де, Влады́чице моя́, рожде́нный,
но низпадо́х, уловле́н бесо́вскими прило́ги,
оба́че молю́ся: приведи́ мя па́ки во о́ну,
да иде́же нача́ло, та́мо и кончи́ну прииму́ благу́ю
и со святы́ми отцы́ превозношу́ си́лу Твою́ во ве́ки.

Песнь 9

Ирмос: О́браз чи́стаго рождества́ Твоего́
огнепали́мая купина́ показа́ неопа́льная
и ны́не на нас напа́стей свире́пеющую угаси́ти, мо́лимся, пещь,
да Тя, Богоро́дице,
непреста́нно велича́ем.

Припев: Святи́телю, о́тче Ни́фонте, моли́ Бо́га о на́с.

О́бразом чу́днаго виде́ния извести́ тебе́, свя́те, всех Влады́ка,
я́ко и́маши по труде́х в поко́йная отыти́ места́,
иде́же сла́вят немо́лчно Тро́ицу Пресвяту́ю а́нгельския си́лы,
Ю́же и мы с ни́ми велича́ем.

Припев: Святи́телю, о́тче Ни́фонте, моли́ Бо́га о на́с.

В то́нок сон низве́дся,
возмне́лся еся́, о́тче, в це́ркви Пече́рской стоя́, простира́ти к Пречи́стей Богоро́дице мольбу́,
да ви́диши лице́ блаже́ннаго Феодо́сия,
и бысть, я́коже восхоте́л еси́.

Припев: Святи́телю, о́тче Ни́фонте, моли́ Бо́га о на́с.

По жела́нию твоему́, в виде́нии не́кто от бра́тий, пое́мь, преподо́бне,
приведе́ тя ко блаже́нному Феодо́сию,
его́же ра́достне узре́в, я́лся еси́ за но́зе и благослове́ния сподо́бился еси́.
Жела́нием сего́ и мы одержи́ми, Тро́ицу Пресвяту́ю велича́ем.

Сла́ва Отцу́ и Сы́ну и Свято́му Ду́ху.

О сла́дкаго гла́са!
О, до́браго целова́ния отца́ на́шего,
рече́ бо: отсе́ле бу́деши с на́ми, и показа́ ти сви́ток, в не́мже бе напи́сано: се аз и де́ти мои́.
Сей глас и мы да услы́шим, мо́лимся Бо́жией Ма́тери,
и при́сно Сию́ с тобо́ю, о́тче, велича́ем.

И ны́не и при́сно и во ве́ки веко́в. Ами́нь.

Богородичен: Ра́дуйся, сви́тче, Пресвята́я Де́во,
в Тебе́ бо написа́ся пе́рстом Бо́жиим Предве́чное Сло́во.
Ты же нас напиши́ во сви́тце с рабы́ Твои́ми,
вы́ну бо о сем Тебе́ мо́лимся и пе́сньми Тя велича́ем.

Светилен

А́нгельски на земли́ пожи́в,
А́нгелом сожи́тель яви́лся еси́,
преста́вився бо от ни́жних, к Вы́шним отше́л еси́,
иде́же предстоя́ Влады́це всех Бо́гу,
моли́ о чту́щих па́мять твою́, Ни́фонте блаже́нне.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Вы́шних чинонача́лий превы́шшая су́щи,
нас, ни́жних, не отступа́й,
но при́сно с на́ми бу́ди, свобожда́ющи от вся́ких наве́тов,
Твою́ бо кре́пкую о нас по́мощь ви́дяще,
никто́же воста́нет на ны.