Православный Мир
Житие
Жития
Священномученик Ианнуарий, епископ, мученики Прокул, Соссий, Фавст диаконы, Дисидерий чтец, Евтихий и Акутион
Священномученик Ианнуарий, епископ, и с ним святые мученики Прокул, Соссий, Фавст диаконы, Дисидерий чтец, Евтихий и Акутион приняли мученическую смерть за Христа около 305 года, во время гонения императора Диоклитиана (284–305).
Святителя Ианнуария схватили и привели на суд к правителю Кампании (Средняя Италия) Тимофею. За твердое исповедание христианской веры святителя бросили в раскаленную печь. Но, подобно вавилонским отрокам, он вышел оттуда невредимым. Тогда по приказу Тимофея его растянули на станке и били железными прутьями так, что обнажились кости.
Среди собравшейся толпы были святой диакон Фавст и святой чтец Дисидерий, которые плакали при виде страданий своего епископа. Язычники догадались, что они христиане, и бросили их в тюрьму города Путеола вместе со священномучеником Ианнуарием. В той тюрьме находились заключенные ранее за исповедание Христа два диакона, святые Сессий и Прокул, и два мирянина – святые Евтихий и Акутион.
На следующее утро всех мучеников вывели в цирк на растерзание диким зверям, но звери не тронули их. Тимофей объявил, что все чудеса происходят от колдовства христиан, но тут же ослеп и стал взывать о помощи. Кроткий священномученик Ианнуарий помолился об его исцелении, и Тимофей прозрел. Душевная же слепота не оставила мучителя, и он, с еще большей яростью обвиняя христиан в колдовстве, приказал отсечь всем мученикам головы за стенами города († 305).
Христиане окрестных городов взяли тела святых мучеников для погребения, причем каждый город взял по одному, чтобы иметь своего ходатая пред Богом. Жители Неаполя взяли себе тело священномученика Ианнуария. Вместе с телом они собрали с земли его запекшуюся кровь. Когда сосуд с этой кровью поставили на мощи святого мученика, положенные в церкви города Неаполя, кровь растворилась и сделалась горячей, как только что пролитая. От мощей священномученика Ианнуария происходило много чудес. Во время извержения Везувия, когда жители города молились священномученику Ианнуарию, лава остановилась, не дойдя до города. Благочестивая женщина приложила икону с изображением священномученика к умершему сыну, и он воскрес.
Песнопения
Кондак, глас 3
Свяще́ния пома́занием и муче́ния кро́вию украси́стеся,
сла́вне Ианнуа́рие и Фео́доре,
и сия́ете всю́ду, в Вы́шних лику́юще,
и нас назира́йте, в храм ваш прише́дшия
и в нем непреста́нно зову́щия:
всех нас соблюди́те, моля́ще Человеколю́бца Бо́га.
Канон
Канон священномученику Ианнуарию Беневентскому и дружине его
Минея, 21 Апреля.
Глас 4
Песнь 1
Ирмос: Триста́ты кре́пкия,
рожде́йся от Де́вы,
безстра́стия во глубине́, души́ трича́стное потопи́, молю́ся,
да Тебе́, я́ко в тимпа́не,
во умерщвле́нии телесе́ побе́дное воспою́ пе́ние.
Припев: Священному́чениче Ианнуа́рие, моли́ Бо́га о на́с.
Сый с во́инствы невеще́ственных А́нгел,
и прича́стием све́та незаходи́маго ду́шу свяще́нно просвеща́я,
просвети́ ми се́рдце,
светоно́сный твой дне́сь пра́здник восхваля́ющу, блаже́нне.
Припев: Священному́чениче Ианнуа́рие, моли́ Бо́га о на́с.
Во́инство светови́дно, свяще́нный собо́р пострада́ с тобо́ю терпели́вно,
му́дре священноде́йственне,
с ни́миже вся́ко разори́л еси́ зми́ево кова́рство,
претерпе́в многоплете́нныя смы́слом му́ки.
Сла́ва Отцу́ и Сы́ну и Свято́му Ду́ху.
Стопа́м Христа́, вели́каго и пе́рваго Па́стыря, му́дре, после́дуя,
обагре́нии муче́ния уясни́л еси́ твоего́ святи́тельства оде́жду,
сего́ ра́ди тя почита́ем ума́ пра́востию.
И ны́не и при́сно и во ве́ки веко́в. Ами́нь.
Богородичен: Блаже́ни су́ть лю́дие, Богоро́дице, сла́вящии Тя, Ма́терь Бо́жию нело́жную,
и при́сно блажа́щии Тя, Чи́стая,
я́коже прорекла́ еси́, свяще́нно прорица́ющи,
егда́ Христа́ вну́трь носи́ла еси́.
Песнь 3
Ирмос: Лук си́льных изнемо́же,
и немощству́ющии препоя́сашася си́лою,
сего́ ра́ди утверди́ся в Го́споде се́рдце мое́.
Припев: Священному́чениче Ианнуа́рие, моли́ Бо́га о на́с.
Заре́ю Свята́го Ду́ха огражде́н,
посреде́ пе́щи ликова́л еси́,
ю́ношам и́же пе́рвее преподо́бным, преблаже́нне, подо́бяся.
Припев: Священному́чениче Ианнуа́рие, моли́ Бо́га о на́с.
Чи́ни свяще́нных сил посреде́ пе́щи
с тобо́ю, Богому́дре, ликова́ху,
с ни́миже пое́ши Благоде́теля, пребыва́я неопали́м.
Сла́ва Отцу́ и Сы́ну и Свято́му Ду́ху.
Река́, ме́двена уче́ний медото́чных твои́х, Ианнуа́рие прему́дре,
вои́стинну язы́к твой бы́сть,
мы́сли зря́щих тя наслажда́ющи.
И ны́не и при́сно и во ве́ки веко́в. Ами́нь.
Богородичен: Расто́ргни плени́цы, Богоневе́сто, грехо́в мои́х,
я́же у́зы расто́ргши а́довы рождество́м Твои́м
и ра́дости вся испо́лньши.
Седален, глас 4
Свяще́ния оде́жду обагри́в крове́й твои́х омоче́нии,
светле́йшу я́ве показа́л еси́, уго́дниче Христо́в.
Те́мже вшел еси́ во оби́тели ве́чныя,
источа́я чту́щим тя исцеле́ний пучи́ну
и моля́ всегда́ Бо́га всем да́ти прегреше́ний проще́ние.
Песнь 4
Ирмос: Любве́ ра́ди, Ще́дре, Твоего́ о́браза
на Кресте́ Твое́м стал еси́,
и раста́яшася язы́цы,
Ты бо еси́, Человеколю́бче,
кре́пость моя́ и хвале́ние.
Припев: Священному́чениче Ианнуа́рие, моли́ Бо́га о на́с.
Вси Со́сса диа́кона и страда́льца и свяще́ннаго Фа́вста,
Проку́ла же вели́каго и Дисиде́рия же согла́сно почти́м.
Припев: Священному́чениче Ианнуа́рие, моли́ Бо́га о на́с.
Дрема́нием нече́стия, Проку́ле му́чениче,
ты ника́коже воздрема́лся еси́,
бодростьми́ Боже́ственными все успи́л еси́ безбо́жных зломы́слие.
Сла́ва Отцу́ и Сы́ну и Свято́му Ду́ху.
Но́ва я́ко Дании́ла тя, звере́й посреде́ сострада́льцы спаса́ет,
невре́дна изводи́ма, о Ианнуа́рие,
Христо́с Бог наш.
И ны́не и при́сно и во ве́ки веко́в. Ами́нь.
Богородичен: Возвели́чим еди́ну Благослове́нную,
Ея́же ра́ди вельми́ всех благослови́ вои́стинну Всепреблаги́й,
от Сея́ воплоща́емь.
Песнь 5
Ирмос: Ты, Го́споди, мой свет,
в мир прише́л еси́,
Свет Святы́й, обраща́яй из мра́чна неве́дения
ве́рою воспева́ющия Тя.
Припев: Священному́чениче Ианнуа́рие, моли́ Бо́га о на́с.
Кро́вию свяще́нною оде́жду твою́, пребога́те, соверши́л еси́ светле́йшу
и к Це́ркви Вы́шней я́ко свяще́нник прише́л еси́.
Припев: Священному́чениче Ианнуа́рие, моли́ Бо́га о на́с.
Исте́кши на земли́ многочестне́й кро́ви твое́й,
был еси́ исцеле́ний река́,
страсте́й изсуша́я пото́ки.
Сла́ва Отцу́ и Сы́ну и Свято́му Ду́ху.
Непра́веднаго судию́ ослепле́на моли́твою твое́ю просвети́л еси́,
милосе́рдию Влады́ки всех подо́бяся, пребога́те.
И ны́не и при́сно и во ве́ки веко́в. Ами́нь.
Богородичен: Пое́м Тя, Ея́же ра́ди су́щим во тьме́
Свет незаходи́мый возсия́, Богоро́дице, всех Влады́ка,
и любо́вию ублажа́ем.
Песнь 6
Ирмос: Приидо́х во глубины́ морски́я,
и потопи́ла мя е́сть бу́ря мно́гих грехо́в,
но, я́ко Бог, из глубины́ возведи́ живо́т мой,
Многоми́лостиве.
Припев: Священному́чениче Ианнуа́рие, моли́ Бо́га о на́с.
Глаго́лы зна́мения ви́дя тя, собо́р беззако́нных, де́юща, священнотаи́нниче,
ко Творцу́ от души́ прихо́дит, пресла́вно просвеща́емь.
Припев: Священному́чениче Ианнуа́рие, моли́ Бо́га о на́с.
Яви́лся еси́ пре́жде конца́, святи́телю,
и по Боже́ственней кончи́не, творя́ мно́жество чуде́с,
дар Свята́го Ду́ха от младе́нства прие́м.
Сла́ва Отцу́ и Сы́ну и Свято́му Ду́ху.
Ны́не свяще́нным согла́сием Фа́вста и Со́сса вси,
Дисиде́рия с Евти́хием и му́драго Акути́она воспое́м,
и с Проку́лом Богоно́сным.
И ны́не и при́сно и во ве́ки веко́в. Ами́нь.
Богородичен: Во благодея́ние челове́ком от Твои́х Чи́стых крове́й воплоща́ется Бог Сло́во.
Его́же приле́жно, Богома́ти, моли́
спасти́ся душа́м на́шим.
Кондак, глас 3
Свяще́ния пома́занием и муче́ния кро́вию украси́стеся,
сла́вне Ианнуа́рие и Фео́доре,
и сия́ете всю́ду, в Вы́шних лику́юще,
и нас назира́йте, в храм ваш прише́дшия
и в нем непреста́нно зову́щия:
всех нас соблюди́те, моля́ще Человеколю́бца Бо́га.
Песнь 7
Ирмос: Ю́ноши три в Вавило́не,
веле́ние мучи́телево на бу́йство прело́жше,
посреде́ пла́мене вопия́ху:
благослове́н еси́, Го́споди, Бо́же оте́ц на́ших.
Припев: Священному́чениче Ианнуа́рие, моли́ Бо́га о на́с.
Отроко́м Боже́ственным уподо́бился еси́ посреде́ пла́мене, о Ианнуа́рие!
Соше́ствием А́нгела, лику́я о́крест и пе́сньми та́йными Спа́са поя́:
благослове́н еси́, Го́споди, Бо́же оте́ц на́ших.
Припев: Священному́чениче Ианнуа́рие, моли́ Бо́га о на́с.
Безболе́знен по́мысл твой благода́тию Боже́ственною соблюда́я,
и пре́жде страда́ния неду́ги исцели́л еси́ вся́кия,
па́стырь, и му́ченик, и вели́к чудотво́рец познава́емь.
Сла́ва Отцу́ и Сы́ну и Свято́му Ду́ху.
Стоя́л еси́ пред суди́щем, му́чениче, мучи́телей,
стражда́ терпели́вно, и злочести́выя посрамля́я,
и прельще́нным всем показу́я и́стину.
И ны́не и при́сно и во ве́ки веко́в. Ами́нь.
Богородичен: Умертви́ моя́ движе́ния, Пречи́стая, плотска́я,
я́же Живо́т ро́ждшая,
оживи́, Чи́стая, ду́шу мою́, умерщвле́нную страстьми́ и мно́гими грехи́.
Песнь 8
Ирмос: Изба́вителю всех Всеси́льне,
посреде́ пла́мене благоче́ствовавшия,
снизше́д, ороси́л еси́
и научи́л еси́ пе́ти:
вся дела́, благослови́те, по́йте Го́спода.
Припев: Священному́чениче Ианнуа́рие, моли́ Бо́га о на́с.
Да восхва́лится вели́кий Проку́л со Аку́тием, и Евтихи́й,
и Боже́ственный Дисиде́рий,
Фавст же и Сосс доблему́дреннии,
Спа́са сла́внии му́ченицы.
Припев: Священному́чениче Ианнуа́рие, моли́ Бо́га о на́с.
Тя лик страда́лец блаже́нный верхо́вника притяжа́,
попра́, священнотаи́нниче сла́вне, верх де́монов,
и безбо́жия вознесе́нную горды́ню потреби́.
Сла́ва Отцу́ и Сы́ну и Свято́му Ду́ху.
Я́коже о́троцы, о́гнь попра́л еси́ и звере́й стремле́ния обузда́л еси́,
я́коже Дании́л, всеизря́дне, и я́ко Па́вел, во главу́ усе́клся еси́,
благоче́стно сконча́в тече́ние твое́.
И ны́не и при́сно и во ве́ки веко́в. Ами́нь.
Богородичен: Всели́выйся несказа́нно во чре́во Твое́,
Себе́ жили́ще показа́ Тя, Пречи́стая Богоневе́сто,
Ему́же непреста́нно вопие́м:
вся дела́, благослови́те Госпо́дня Го́спода.
Песнь 9
Ирмос: Е́ва у́бо неду́гом преслуша́ния кля́тву всели́ла е́сть:
Ты же, Де́во Богоро́дице,
прозябе́нием чревоноше́ния
ми́рови благослове́ние процвела́ еси́.
Тем Тя вси велича́ем.
Припев: Священному́чениче Ианнуа́рие, моли́ Бо́га о на́с.
Ианнуа́рия честна́я боре́ния, по́двиги и бие́ния,
е́же до кро́ве, му́жество, боле́зни и ну́ждную сме́рть,
чуде́с же неизме́рную пучи́ну с весе́лием возвели́чим.
Припев: Священному́чениче Ианнуа́рие, моли́ Бо́га о на́с.
Ви́ден был еси́ на высоте́ честна́го, сла́вне, муче́ния, я́коже незаходи́мое со́лнце;
я́ко Боже́ственныя зве́зды, му́ченик мно́жество веды́й
и ны́не просвеща́ет концы́ страда́ний вели́ких све́тлостию.
Сла́ва Отцу́ и Сы́ну и Свято́му Ду́ху.
Па́мять твоя́ светоно́сная возсия́,
лучи́ Бо́жественного Ду́ха ве́сь мир озаря́ющи,
омраче́ние зол отгоня́щи,
в не́йже тя мо́лим, Богодухнове́нне, просвети́ вся, пою́щия тя.
И ны́не и при́сно и во ве́ки веко́в. Ами́нь.
Богородичен: Све́та, и́же в тебе́, сия́нии, ослепле́нную ду́шу мою́ просвети́,
и руко́ю наста́ви, Отрокови́це, в пути́ спасе́нных ходи́ти,
и преле́стна отбе́гнути преткнове́ния,
я́ко да ве́рою ублажа́ю тя.
