Православный Мир
Житие
Жития
В 4-ю субботу по Пасхе Русская Православная Церковь отмечает День памяти Собора новомучеников, в Бутове пострадавших.
Это переходящее празднование было внесено в месяцеслов Русской Православной Церкви по благословению Святейшего Патриарха Московского и всея Руси Алексия II 3 сентября 2003 года.
Бутовский полигон в настоящее время находится в черте Москвы, это место массовых захоронений жертв репрессий 30-х – начала 50-х годов XX века.
В настоящее время известны около тысячи человек, расстрелянных на Бутовском полигоне за исповедание православной веры, к лету 2003 года 255 из них канонизированы Русской Православной Церковью.
На территории России нет другого места, где почивали бы мощи такого многочисленного Собора святых.
Бутовский полигон находится на земле бывшей усадьбы Дрожжино, известной с XVI века. Последним хозяином усадьбы был И.И. Зимин, старший брат владельца московской частной оперы С.И. Зимина.
После Октябрьской революции имение и конный завод при нём были конфискованы в пользу государства, завод поставлял лошадей внутренним войскам.
До середины 30-х годов в Бутове размещалась сельскохозяйственная колония ОГПУ.
В 1934 году почти все были выселены из этих мест, в конце 1935 – начале 1936 года на территории бывшего имения Зиминых оборудовали стрелковый полигон «Бутово», где сразу же начали проводиться расстрелы и захоронения репрессированных лиц. С августа 1937 по октябрь 1938 года здесь были расстреляны и похоронены 20765 человек.
Массовые расстрелы 1937-1938 годов стали следствием решений Политбюро ВКП(б) от 2 июля 1937 года и вытекавших из них приказов наркома внутренних дел Н.И. Ежова о борьбе с «врагами народа», в т. ч. с «церковниками».
Расстрелы на Бутовском полигоне производились по постановлениям внесудебных органов: «тройки» Московского УНКВД, реже – комиссии, состоявшей из наркома внутренних дел и прокурора СССР – «двойки». Предписания на расстрелы подписывал начальник УНКВД Московской обл. (в разное время – комиссары госбезопасности С.Ф. Реденс, Л.М. Заковский, В.Е. Цесарский). Приведением в исполнение приговоров руководили комендант и начальник административно-хозяйственного отдела УНКВД по Московской области И.Д. Берг и его заместитель и одновременно руководитель Управления рабоче-крестьянской милиции М.И. Семёнов.
На Бутовский полигон осужденных доставляли из московских тюрем: Таганской, Сретенской, Бутырской, а также из районных тюрем Московской области и из Дмитлага – огромного лагерного объединения, предназначенного для строительства канала Москва-Волга (узниками этого лагеря были также сооружены стадион «Динамо», Южный и Северный (Химкинский) порты Москвы, жилые комплексы и многое др.).
После прибытия на Бутовский полигон осуждённых заводили в барак якобы для санобработки. Непосредственно перед расстрелом объявляли приговор, сверяли данные и наличие фотографии. Случалось, что казнь откладывали из-за каких-либо разночтений в документах, а иногда (в единичных случаях) даже отменяли. Приведение приговора в исполнение осуществляла одна из «расстрельных команд» – группа из 3-4 офицеров спецотряда, как правило, людей со стажем, служивших в органах ОГПУ-НКВД со времён гражданской войны, имевших правительственные награды. В дни особо массовых расстрелов число исполнителей, очевидно, увеличивалось.
На казнь из барака выводили по одному, каждый палач вёл свою жертву к краю рва, стрелял в затылок с расстояния не более метра и сбрасывал тело в траншею. Далеко не всегда при этом присутствовали врач и прокурор.
Первое время расстрелянных хоронили в небольших ямах-могильниках, которые копали вручную. С августа 1937 года, когда казни в Бутове приняли невиданные в мировой истории масштабы, экскаваторы карьерного типа выкапывали для этих целей траншеи шириной и глубиной в 3 м, длиной от 150 м.
За день в Бутове редко расстреливали менее 100 человек, бывали дни (как, например, 28 февраля 1938 года), когда казнили более 500 человек. Иногда, очевидно, приговоренных расстреливали в московских тюрьмах, а на Бутовский полигон привозили только для захоронения.
Большую часть расстрелянных на Бутовском полигоне составляют крестьяне и рабочие Москвы и Подмосковья, которых зачастую арестовывали и казнили семьями, включая подростков и стариков. Подавляющее число жертв были беспартийными, т. е. далекими от политики людьми, имевшими низшее образование или неграмотными.
Примерно четверть от общего числа казненных на Бутовском полигоне – уголовники, подавляющее число их было расстреляно за прошлые судимости, по которым прежде они уже отбыли срок наказания.
Под категории «социально опасных» и «социально вредных элементов», осужденных и расстрелянных на Бутовском полигоне, подпадали самые разные люди: родственники ранее осужденных, бывшие царские министры, нищие, уличные торговцы, гадалки, картежники.
В январе 1938 года с санкции властей началась тайная расправа над инвалидами: в феврале-марте того же года было расстреляно 1160 инвалидов.
Большинство казнённых на Бутовском полигоне были русскими (более 60%), затем следуют латыши, поляки, евреи, украинцы, немцы, белорусы, – всего свыше 60 национальностей, в т. ч. граждане других государств: Германии, Польши, Франции, США, Австрии, Венгрии, Румынии, Италии, Греции, Чехословакии, Турции, Японии, Индии, Китая и др.
В числе похороненных на Бутовском полигоне – люди, оставившие след в русской истории: председатель 2-й Государственной Думы Ф.А. Головин, бывший московский генерал-губернатор В.Ф. Джунковский, один из первых русских лётчиков Н.Н. Данилевский, член экспедиции О.Ю. Шмидта бортмеханик Я.В. Брезин, правнук М.И. Кутузова профессор церковного пения и композитор М.Н. Хитрово-Крамской, художник А.Д. Древин, спортсмены, заложившие основы советского альпинизма.
В земле Бутова лежат представители русских дворянских родов: Ростопчиных, Тучковых, Гагариных, Шаховских, Оболенских, Олсуфьевых, Бибиковых, большая группа бывших царских генералов (генерал-лейтенант Е.И. Мартынов, генерал-майор М.Ф. Кригер, обладатель 7 воинских боевых наград генерал Б.И. Столбин и др.).
На Бутовском полигоне были замучены 739 священнослужителей Русской Православной Церкви: 1 митрополит, 2 архиепископа, 4 епископа, 15 архимандритов, 118 протоиереев, 14 игуменов, 52 иеромонаха, 363 священника, 60 диаконов (в т. ч. 4 протодиакона и 1 архидиакон), 10 монахов, 58 монахинь (в т. ч. 3 схимонахини), 14 послушников и послушниц, 8 священнослужителей (без уточнения сана).
За веру на Бутовском полигоне были расстреляны 219 мирян (псаломщики, чтецы, регенты, певчие, церковные старосты, иконописцы, члены церковных советов, уборщицы храмов, церковные сторожа).
В числе казнённых в Бутове «церковников» – 59 старообрядцев, 9 обновленцев, более 60 баптистов, хлысты, «антивоенники», евангелисты, сектанты (без уточнения, к какой именно секте принадлежали; иногда следователи так называли представителей «катакомбной» церкви или истинно-православных христиан), а также 4 муллы и 1 раввин.
Первыми православными священнослужителями, расстрелянными на Бутовском полигоне, были священномученики протоиереи Алексий Воробьёв, Алексий Касимов и сщмч. диакон Елисей Штольдер († 20 авг. 1937).
Больше всего священнослужителей пострадало в сентябре-декабре 1937 года и в феврале-марте 1938 года (17 февраля 1938 года было расстреляно 502 человека, 75 из них священнослужители и монахи).
Почти всем, проходившим по церковным делам, предъявлялось обвинение по 58-й статье УК РСФСР. Поводы для обвинения могли быть разные: «сохранение церкви и насаждение тайного монашества», «богослужения на дому», «недоносительство», «помощь ссыльному духовенству», приют бездомных священнослужителей или, напр., такое абсурдное обвинение: «клеветал, что церкви закрываются, священники арестовываются».
Большинство подследственных, замученных или обманутых следователями, в конце концов признавали себя полностью или частично виновными в «антисоветской агитации», «контрреволюционной деятельности», но в вопросах веры церковный народ показал себя неустрашимым. Ни пытки, ни угрозы смерти не могли заставить верующих отречься от Бога, возвести хулу на Церковь. Не редкостью является «отсутствие в деле скомпрометированных лиц», то есть отсутствие новых имен, необходимых следователям для новых арестов.
С середины Великой Отечественной войны в Бутове располагался лагерь для военнопленных, работавших на строительстве Симферопольского шоссе и на кирпичном заводе. В 1949 – начале 1950 года вблизи полигона был выстроен поселок из 3 домов, в двух из которых поселились сотрудники НКВД, в третьем расположилась спецшкола для офицеров внутренних служб стран Восточной Европы.
В середине 50-х годов «спецзона» была ликвидирована. Сам полигон, где находилась основная часть захоронений, обнесли глухим деревянным забором с натянутой поверх него колючей проволокой. По краям «зоны» возник дачный поселок НКВД, в котором разрешалось строить только лёгкие одноэтажные дачи без фундаментов и погребов.
В начале 70-х годов в восточной части Бутовского полигона разбили яблоневый сад, обновили обветшавший забор вокруг.
До 1995 года территория находилась в ведении ФСК-ФСБ и тщательно охранялась.
Начиная с 1992 года московская общественная группа по увековечению жертв политических репрессий (группа М.Б. Миндлина) с помощью сотрудников ФСК-ФСБ приступила к работе со следственными делами расстрелянных на Бутовском полигоне, составлялись краткие биографические сведения для будущей «Книги памяти».
Весной 1993 года полигон впервые посетили родственники погибших, осенью того же года в его южной части была установлена гранитная мемориальная плита.
С 1997 года на Бутовском полигоне ведутся комплексные работы с целью определения местоположения погребальных рвов, проводятся историко-археологические, геоботанические, геоморфологические исследования. В 1997 г. был вскрыт один из погребальных рвов: на площади в 12 кв. м обнаружили захоронения в 5 слоев, где погребены останки 149 чел. В 2001-2002 гг. специалисты выявили и нанесли на карту 13 погребальных рвов.
Весной 1994 года на Бутовском полигоне был установлен Большой Поклонный крест (освящён 8 мая 1994), сооруженный по проекту скульптора Д.М. Шаховского, чей отец, священник Михаил Шик, был расстрелян в Бутове.
25 июня 1995 года в Бутове в походном палаточном храме Всех Святых, в земле Российской просиявших, Православного Свято-Тихоновского Богословского института была отслужена первая литургия, которую возглавил ректор института протоиерей Владимир Воробьёв.
Начиная с 1994 года горячее участие в деле увековечения памяти пострадавших в Бутове принимала внучка расстрелянного здесь сщмч. Серафима (Чичагова) игумения Серафима (Чёрная) .
В 1995 году Бутовский полигон передали Московской Патриархии. По проекту Шаховского был воздвигнут деревянный храм во имя Новомучеников и исповедников Российских (освящён в 1996 году), настоятелем которого стал внук расстрелянного здесь сщмч. протоиерея Владимира Амбарцумова священник Кирилл Каледа.
27 мая 2000 года на Бутовском полигоне состоялось грандиозное богослужение под открытым небом, которое возглавил Патриарх Московский и всея Руси Алексий II. Были совершены Божественная литургия и панихида по убиенным – последняя перед их прославлением на Архиерейском Юбилейном Соборе Русской Православной Церкви 2000 года.
На Юбилейном Соборе были канонизированы 120 человек, расстрелянных на Бутовском полигоне, за последующие годы число канонизированных Бутовских новомучеников удвоилось.
Собор Бутовских новомучеников возглавляют 6 архиереев: Ленинградский и Гдовский митрополит сщмч. Серафим (Чичагов), Можайский архиепископ сщмч. Димитрий (Добросердов), Владимирский и Суздальский архиепископ сщмч. Николай (Добронравов), Бежецкий епископ сщмч. Аркадий (Остальский), Нижнетагильский епископ сщмч. Никита (Делекторский), Велижский епископ сщмч. Иона (Лазарев).
На Бутовском полигоне было казнено много почитаемых иереев-священномучеников: братья Агафонниковы – Александр, Василий и Николай, Владимир Амбарцумов, Владимир Медведюк, Зосима Трубачёв, Иоанн Артоболевский, Сергий Лебедев, Сергий Махаев, Петр Петриков и многие другие.
Празднование Собору новомучеников, в Бутове пострадавших, установлено в 4-ю субботу после Пасхи. Над погребальными бутовскими рвами ежегодно совершается торжественное богослужение, возглавляемое Святейшим Патриархом, в котором принимают участие десятки архиереев и сотни священнослужителей Москвы и Московской области, стекаются тысячи паломников.
Песнопения
Тропарь, глас 5
Во́инство Царя́ Небе́снаго
па́че земна́го возлюби́в,
служи́тель пла́менный Святы́я Тро́ицы яви́лся еси́.
Наставле́ния Кроншта́дтскаго па́стыря
в се́рдце свое́м слага́я,
да́нная ти от Бо́га многообра́зная дарова́ния
к по́льзе наро́да Бо́жия преумно́жил еси́.
Учи́тель благоче́стия
и побо́рник еди́нства Церко́внаго быв,
пострада́ти да́же до кро́ве сподо́бился еси́.
Священному́чениче Серафи́ме,
моли́ Христа́ Бо́га
спасти́ся душа́м на́шим.
Тропарь, глас 4 Па́стырю до́брый и кро́ткий,/ Це́ркве Христо́вы ве́рный служи́телю,/ па́ству твою́ сло́вом жи́зни пита́я,/ лю́тых муче́ний не убоя́лся еси́, сме́рть за Христа́ претерпе́вый,/ венца́ нетле́ннаго сподо́бился еси́,/ священному́чениче Васи́лие,/ моли́ Христа́ Бо́га// спасти́ся душа́м на́шим. Тропарь, глас 3 Мироно́сицам жена́м в доброде́телех подража́ющи,/ в темни́цах и у́зах су́щим усе́рдно послужи́ла еси́/ и, о́браз ева́нгельскаго милосе́рдия на́м показа́вши,/ за Христа́ му́ченическую сме́рть прия́ла еси́,/ Татиа́но пресла́вная./ Ны́не, престо́лу Бо́жию предстоя́щи,// моли́ спасти́ся душа́м на́шим. Тропарь, глас 5 Новому́ченик Тво́й, Го́споди, Нико́лай, во дни́ гоне́ния безбо́жнаго жи́знь свою́ за ве́ру правосла́вную и Сло́во Бо́жие положи́вый, и кровьми́ свои́ми ве́рность Тебе́ показа́вый, и гра́д Москву́ освяти́вый, его́ же моли́твами, я́ко Многоми́лостив, спаси́ души́ на́ша. Тропарь, глас 3 От ю́ности Бо́га усе́рдно взыска́вый,/ и́стину в Це́ркви Правосла́вней обре́л еси́/ и, кре́ст па́стырскаго служе́ния ре́вностно подъе́мый,/ ве́рныя во дни́ гоне́ний до́бре окормля́л еси́./ Те́мже и преще́ний безбо́жных не убоя́вся,/ да́же до кро́ве пострада́л еси́,/ о́тче священному́чениче Влади́мире,/ моли́ Милостива́го Бо́га// спасти́ся душа́м на́шим. Тропарь, глас 4 По́слан бы́сть во гра́д Орехово-Зуево/ для утвержде́ния правосла́вия,/ просла́вился еси́ моли́твою и благоче́стием,/ уподо́бился еси́ юро́дством блаже́нной Ксе́нии,/ венча́лся еси́ венце́м му́ченическим,/ святи́телю о́тче Ники́то,/ моли́ Христа́ Бо́га/ дарова́ти гра́ду на́шему ми́р// и душа́м на́шим ве́лию ми́лость. Тропарь, глас 4 Многотру́дное и́ноческое житие́ измла́да избра́вый и благо́е и́го Христо́во возлюби́вый, преще́ния слу́г велиа́ровых му́жески презре́л еси́, ве́рность Влады́це все́х показу́я. Те́мже ны́не в невече́рнем све́те при́сно наслажда́ешися, к со́нму святы́х Бо́жиих сопричте́нный. Моли́ о на́с Бо́га, преподо́бне Иоаса́фе, о́тче на́ш. Тропарь, глас 1 Преподо́бному Се́ргию от ю́ности после́дуя,/ о́тче богому́дре Крони́де,/ ве́ру во Святу́ю Тро́ицу стяжа́л еси́/ и да́же в ста́рости масти́те до кро́ве сохрани́л еси́./ Те́мже и мы, ча́да твоя́, любо́вию вопие́м ти:/ сла́ва Да́вшему ти си́лу терпе́ния,/ сла́ва Увенча́вшему тя я́ко му́ченика,// сла́ва Спаса́ющему тобо́ю ду́ши на́ша. Тропарь, глас 4 Во́ине Бо́га Вы́шняго, во дни́ гоне́ния безбо́жнаго, жи́знь свою́ за ве́ру во Христа́ положи́в, служи́телю ве́рный земли́ Подо́льския бы́л еси́, священному́чениче Се́ргие, моли́ за на́с Христа́ и Засту́пницу усе́рдную, сохрани́тися от зла́ и тя́жких обстоя́ний. Тропарь, глас 3 Це́ркве Ру́сския сто́лпе непоколеби́мый,/ благоче́стия пра́вило,/ жития́ ева́нгельскаго о́бразе,/ священному́чениче Нико́лае,/ Христа́ ра́ди пострада́вый да́же до кро́ве,/ Его́же моли́ усе́рдно,/ я́ко Нача́льника и Соверши́теля спасе́ния,/ Ру́сь Святу́ю утверди́ти в Правосла́вии// до сконча́ния ве́ка. Тропарь, глас 4 Приспе́ де́нь све́тлаго торжества́,/ ве́сь Ямска́я ра́дуется,/ и вси́ ча́да ве́рнии Це́ркве Христо́вы духо́вно торжеству́ют,/ восхваля́юще засту́пника и моли́твенника на́шего пред Бо́гом,/ священному́ченика Яросла́ва,/ па́стыря до́браго, ду́шу свою́ за ве́ру Христо́ву положи́вшаго./ Те́мже мо́лим тя́,/ от вся́ких бе́д и зо́л изба́ви на́с// чту́щих святу́ю па́мять твою́. Тропарь, глас 4 Всу́е шата́ется богоотсту́пных собо́рище,/ на Христа́ возстае́т дре́вней лю́тостию,/ устреля́нием у́бо тщи́тся де́рзостне, христоно́сных в Бу́тове му́ченик одоле́ти,/ но всесла́вное те́х Серафи́мово во́инство,/ всеору́жие восприи́м Креста́,/ утвержда́ет ве́ру ре́вностию, упова́ние страстоте́рпчеством,// водворя́яся в Ца́рстве всепобежда́ющия любве́. Тропарь, глас 3 Пресла́вную му́ченик дво́ицу,/ служи́телей Та́ин Боже́ственных,/ хвалу́ Це́ркве и же́ртву свяще́нную,/ дне́сь любо́вию восхва́лим, ве́рнии,/ Алекса́ндра и Иоа́нна па́стырей на́ших,/ и́же по́двиги ве́ры и благоче́стия/ па́ству во еди́нстве соблюдо́ша/ и да́же до сме́рти за Христа́ пострада́ша,// Его́же приле́жно мо́лят спасти́ души́ на́ша. Тропарь, глас 2 Ве́рою несумне́нною, я́ко брачною оде́ждею, обле́кшеся,/ к све́тлому черто́гу Небе́сному устреми́стеся,/ священному́ченицы Алекса́ндре и Иоа́нне,/ еди́наго же Христа́ все́м се́рдцем возлюби́вше,/ страда́ния мно́гая и сме́рть претерпе́сте./ Ны́не нетле́нныя трапе́зы наслажда́етеся// и моли́теся спасти́ся душа́м на́шим. Тропарь, глас 4 Во пресви́терстве Христу́ непоро́чно послужи́в,/ в терпе́нии ду́шу твою́ стяжа́л еси́, блаже́нне,/ ве́рою тве́рдою дре́вним му́чеником уподо́бився,/ я́ко же́ртва благоприя́тна, Бо́гови прине́слся еси́./ Ны́не же, на Небесе́х со А́нгелы ликовству́я,/ священному́чениче Се́ргие,// моли́ Христа́ Бо́га спасти́ся душа́м на́шим. Тропарь, глас 2 Во оби́тели преподо́бнаго Се́ргия благода́тию укрепи́вся,/ ду́шу твою́ во искуше́ние угото́вал еси́,/ священному́чениче пресла́вне,/ те́мже, темни́чная заключе́ния и изгна́ния за Христа́ претерпе́в,/ мно́гими доброде́тельми ве́рныя облагоуха́л еси́/ и, крест на ра́мо взем,/ в черто́г Небе́сный вшел еси́./ Сего́ ра́ди яви́лся еси́ земли́ Моско́вския украше́ние,/ Новоде́вичия оби́тели Пречи́стыя Одиги́трии ве́рный засту́пник// и те́плый о нас к Бо́гу моли́твенник. Тропарь, глас 4 Но́ваго священному́ченика Влади́мира,/ лю́дие, ны́не почти́м,/ той бо кро́вию свое́ю зе́млю моско́вскую обагри́/ и, я́ко же́ртва жива́я, Христу́ принесе́ся./ Те́мже благодать предста́тельства стяжа́в/ и в со́нме новому́чеников Росси́йских водвори́вся,// мо́лится при́сно о спасении душ наших. Тропарь, глас 4 Приспе́ день све́тлаго торжества́,/ земля́ Моско́вская ра́дуется,/ наипа́че же лю́дие Схо́дненстии духо́вно торжеству́ют,/ прославля́юще вас, преподобному́ченицы Ната́лие, Екатери́но и Еле́но./ Вы бо, ду́ши своя́ за ве́ру Христо́ву положи́вше,/ венцы́ му́ченическими украси́лися е́сте,/ сего́ ра́ди, Престо́лу Святы́я Тро́ицы ны́не предстоя́ще,/ душа́м на́шим мир испроси́те// и ве́лию ми́лость. Тропарь, глас 5 Священному́ченик Твой, Го́споди, Дими́трий,/ во́ин добропобе́дный показа́ся,/ той бо, любо́вию к Тебе́ распала́емь,/ гоне́ние и сме́рть му́жественне претерпе́.// Его́же моли́твами спаси́ ду́ши на́ша. Тропарь, глас 2 Цвет ди́вный лу́га духо́внаго/ новому́чеников Це́ркве Ру́сския/ яви́лся еси́, па́стырю до́брый, свя́те Иоа́нне,/ ты бо, ча́да твоя́ в ве́ре наставля́я,/ лю́тых преще́ний не убоя́лся еси́/ и, глад, нищету́, темни́чная заключе́ния претерпева́я,/ наве́ты гони́телей отве́ргл еси́./ Сего́ ра́ди му́ченическаго венца́ сподо́би тя Подвигополо́жник Христо́с,/ Его́же моли́ спасти́ся душа́м на́шим. Тропарь, глас 4 Днесь ра́дуется земля́ Моско́вская,/ восхваля́ющи священному́ченика пресви́тера Михаи́ла,/ во дни гоне́ний небоя́зненно Христа́ испове́давшаго/ и мно́гия лю́ди в Правосла́вней ве́ре укрепи́вшаго./ Мы же, страда́ния того́ почита́юще,/ с ве́рою и любо́вию вопие́м:/ о, па́стырю ве́рный и му́чениче,/ моли́ся о нас ко Го́споду,/ да поми́лует и спасе́т нас по вели́цей Свое́й ми́лости. Тропарь, глас 4 А́гница Твоя́, Иису́се, и кро́ткая голуби́ца Да́рия,/ я́ко заколе́ние непоро́чно и приноше́ние чи́сто,/ любо́вию прине́сшися в же́ртву Тебе́,/ сочета́ся преподо́бных светле́йшему ли́ку/ и му́чеников до́блестному полку́./ Тоя́ моли́твами, Христе́ Бо́же,// я́ко Ми́лостив, спаси́ ду́ши на́ша. Тропарь, глас 4 Преподобному́чениче Ни́коне,/ учи́телю прему́дрый и па́стырю до́брый,/ ты во дни гоне́ний, на Це́рковь Ру́сскую воздви́гнутых,/ ста́до Христо́во до́бре сохрани́ти потща́лся еси́,/ пропове́дании ве́рныя укрепля́я/ и к Ца́рству Небе́сному управля́я./ Те́мже, лю́тыми мучи́тели сме́рти пре́дан быв,/ ны́не пред Престо́лом Бо́жиим предстои́ши,/ преподобному́чениче Ни́коне,/ вене́ц побе́дный от Христа́ Бо́га прия́л еси́,/ Его́же моли́ Оте́честву на́шему в ми́ре сохрани́тися// и спасти́ся душа́м на́шим. Тропарь, глас 3 О́браз ве́рным во святе́м житии́ твое́м явля́я,/ священному́чениче Константи́не,/ Христа́ ра́ди пострада́л еси́ да́же до сме́рти,/ те́мже моли́ Ми́лостиваго Бо́га/ в ве́ре правосла́вней нас утверди́ти// и от смертоно́сных страсте́й изба́вити. Тропарь, глас 5 И́ноческий крест му́жественне подъе́мши/ и служе́нием бли́жнему той украси́вши,/ путе́м у́зким и приско́рбным ше́ствовала еси́,/ свята́я Ве́ро благохва́льная,/ па́че же венце́м страда́ния увенча́лася еси́;/ сего́ ра́ди Христу́ приле́жно, му́ченице, моли́ся,/ грехо́в отпуще́ние нам дарова́ти // и душа́м на́шим ве́лию ми́лость. Тропарь, глас 5 До́брым по́двигом подвиза́яся,/ украше́ние иере́ем яви́лся еси́, о́тче Иоа́нне,/ любому́дрию же отце́в Сина́йских поуча́яся,/ ра́зум и́стине Христо́вой покори́л еси́,/ па́стве твое́й о́браз чистоты́ и благоче́стия яви́в,/ кро́вию му́ченическою житие́ запечатле́л еси́./ Те́мже Бо́гу предстоя́,// моли́ спасти́ся душа́м на́шим. Тропарь, глас 2 Христа́ всем се́рдцем возлюби́в,/ жела́ния плотска́я отве́ргл еси́/ и, пусты́ннаго жития́ взыску́я,/ я́ко стра́нник в ку́щи лесно́й всели́лся еси́./ Егда́ же призва́ тя Бог к сла́ве жи́зни ве́чныя,/ испове́дание до́брое пред гони́тели му́жественне прине́сл еси́/ и вене́ц сугу́б де́вства и му́ченичества от Го́спода прия́л еси́./ Те́мже, святы́й му́чениче Нико́лае,/ моли́ Христа́ Бо́га// спасти́ся душа́м на́шим. Ин тропарь, глас 3 Це́ркве Ру́сския сто́лпе непоколеби́мый,/ благоче́стия пра́вило,/ жития́ ева́нгельскаго о́бразе,/ священному́чениче Васи́лие,/ Христа́ ра́ди пострада́вый да́же до кро́ве,/ Его́же моли́ усе́рдно,/ я́ко Нача́льника и Соверши́теля спасе́ния,/ Русь Святу́ю утверди́ти в Правосла́вии// до сконча́ния ве́ка. Ин тропарь, глас 4 Ни́вы церко́вныя кла́сы безчи́сленнии/ пло́д стори́чный я́ве прино́сят,/ сме́ртным страда́нием в Бу́тове за Христа́/ полага́ются в основа́ние ве́ры,/ укрепля́ют наде́ждею небе́сных/ добропобе́дныя свиде́телие И́стины и Любве́,/ дерзнове́нии о на́с моли́твенницы,/ се́ бо кро́вь му́ченическая// вои́стину се́мя Це́ркве е́сть. Ин тропарь, глас 5 О́тче священному́чениче Ники́то,/ ты, в годи́ну лю́тых гоне́ний/ святи́тельский сан восприе́м,/ во благоче́стии до́бре подвиза́лся еси́,/ последи́ же, я́ко юро́д Христа́ ра́ди поживы́й,/ венце́м му́ченическим украси́лся еси́./ Сего́ ра́ди моли́ Всеблага́го Бо́га/ в ве́ре и́стинней нам утверди́тися// и спасти́ся душа́м на́шим. Ин тропарь, глас 2 Егда́ прии́деши, Иису́се, Судие́ Пра́ведный,/ испыта́ти ве́ру на земли́,/ тогда́ моли́твы за ны приими́ преподобному́ченицы Ве́ры,/ с любо́вию Тебе́ поже́ршияся/ и безбо́жная гоне́ния со смире́нием претерпе́вшая,/ ны́не же в Черто́зех Небе́сных Тебе́ моля́щияся,/ да отврати́ши от нас Твой пра́ведный гнев,/ благоче́стием на неви́димыя враги́ препоя́шеши // и ча́сти спаса́емых нас сподо́биши.
Кондак, глас 6
Саро́вскому чудотво́рцу тезоимени́т быв,
те́плую любо́вь к нему́ име́л еси́,
писа́ньми свои́ми по́двиги и чудеса́ того́ ми́ру возвести́в,
ве́рныя к его́ прославле́нию подви́гл еси́
и благода́рственнаго посеще́ния
сама́го Преподо́бнаго сподо́бился еси́.
С ни́мже ны́не, священному́чениче Серафи́ме,
в Небе́сных черто́зех водворя́яся,
моли́ Христа́ Бо́га
серафи́мския ра́дости на́м прича́стником бы́ти.
Кондак, глас 3 Ре́вность по Бо́гу измла́да стяжа́вый,/ па́стырства кре́ст восприя́л еси́,/ мно́гия ско́рби и боле́зни в житии́ твое́м претерпе́л еси́,/ утеше́ние в моли́тве обрета́я,/ лю́ди твоя́ в смутную годи́ну до́бре упа́сл еси́,/ сло́во и́стины усе́рдно веща́я./ Сего́ ра́ди от безбо́жных мучи́телей лю́те гони́мый,/ сме́рти вре́менныя не устраши́лся еси́./ Священному́чениче Васи́лие,/ дерзнове́ние к Бо́гу име́я,// моли́ спасти́ся душа́м на́шим. Кондак, глас 2 Сло́во Бо́жие се́рдцем твои́м восприе́мши,/ ми́ру распя́лася еси́,/ свята́я му́ченице Татиа́но,/ и, в служе́нии стра́ждущим Бо́гу угоди́вши,/ пло́д доброде́телей оби́лен пожа́ла еси́./ Сего́ ра́ди бу́ди на́м хода́таица/ и умоли́ Созда́теля все́х,/ безпло́дие серде́ц на́ших исцели́ти,/ да принесе́м Ему́ плоды́ покая́ния,// любо́вь, милосе́рдие и смире́ние. Кондак, глас 3 Дне́сь ты́ предстои́ши пред Престо́лом Бо́жиим, побе́дную пе́снь воспева́я, и све́том и́стинныя ве́ры просвеща́я, и Засту́пницу Усе́рдную восхваля́я, новому́чениче Нико́лае, моли́ Христа́ Бо́га, спасти́ся душа́м на́шим. Кондак, глас 7 Ору́жием пра́вды облече́нный,/ страда́ния за ве́ру му́жески прия́л еси́/ и, я́ко и́стинный во́ин Христо́в,/ мучи́телем противоста́л еси́, глаго́ля:/ привре́менно е́сть госпо́дство ва́ше./ Мы́ же вопие́м ти́:/ ра́дуйся, священному́чениче Влади́мире,// во Ца́рствии Небе́снем венце́м нетле́нным от Бо́га увенча́нный. Кондак, глас 3 На престо́ле Ореховстем архиере́й пе́рвый бы́л еси́,/ доброде́тельми мно́гими укра́шен,/ в ли́ке новому́чеников ра́дуешися,/ блаже́нне о́тче Ники́то,// па́стырю на́ш преди́вный. Кондак, глас 8 Я́ко кри́н благоуха́нный, в вертогра́де святы́я великому́ченицы Екатери́ны процве́л еси́, о́тче сла́вный Иоаса́фе. Доброде́тельми мно́гими украси́лся еси́ и изше́л еси́ на по́двиг, сла́вя Христа́ Бо́га. Лю́тыя стра́сти претерпе́в и ве́лие дерзнове́ние пред Го́сподом стяжа́в, при́сно моли́ся о душа́х на́ших. Кондак, глас 2 Я́ко ве́рный учени́к преподо́бнаго Се́ргия,/ послуша́нием, смире́нием и моли́твою/ ду́шу твою́ очи́стил еси́, Крони́де приснопа́мятне,/ и Бо́жиим промышле́нием во игу́мена оби́тели Тро́ицкия/ досто́йно поста́влен был еси́./ Во дни же гоне́ния лю́таго/ за Христа́ и вве́ренную ти бра́тию/ я́ко му́ченик пострада́л еси́./ Сего́ ра́ди ны́не, предстоя́ Святе́й Тро́ице,/ моли́ е́же Ла́вре Се́ргиевой утвержде́нней бы́ти// и спасти́ся душа́м на́шим. Кондак, глас 3 Ве́рный служи́телю Бо́га Вы́шняго, до́брый па́стырю о́тче на́ш Се́ргие, Правосла́вныя ве́ры защи́тниче и преди́вный моли́твенниче, ты́ в со́нме новому́чеников Росси́йских в Го́рних оби́телях пребыва́еши, моли́ся за на́с, гре́шных, да возда́ст на́м Госпо́дь ве́лию ми́лость. Кондак, глас 2 Восхва́лим, ве́рнии,/ изря́днаго во свяще́нницех/ и сла́внаго в му́ченицех Никола́я,/ Правосла́вия побо́рника и благоче́стия ревни́теля,/ земли́ Ру́сския кра́сное прозябе́ние,/ и́же страда́нием Небе́с дости́же/ и та́мо те́пле мо́лит Христа́ Бо́га// спасти́ся душа́м на́шим. Кондак, глас 3 Па́стырю до́брый и страстоте́рпче Яросла́ве Ямский,/ моли́ ми́лостиваго Бо́га,/ да сердца́ наро́да ру́сскаго к Себе́ обрати́т/ и лю́тых прегреше́ний оставле́ние// пода́ст душа́м на́шим. Кондак Избра́нный от земли́ Уржу́мския за ве́ру во Христа́ Го́спода на́шего ду́шу свою́ положи́вшаго и венце́м сла́вы му́ченическим укра́шенный восхваля́ем по́двиги и страда́ния твоя́ и с любо́вию воспева́ем ти́ си́це: Ра́дуйся, новому́чениче Алекси́е, те́плый о на́с Бо́гу моли́твенниче Ра́дуйся, о́тче на́ш Алекси́е, но́вый му́чениче и ско́рый помо́щниче! Кондак, глас 6 Ру́сская Голго́фа Бу́тово-село́ показа́ся,/ я́ко дре́во спасе́ния воздви́гше Солове́цкий кре́ст,/ я́ко гро́б святы́й яви́вше пребезмо́лвныя рвы́ –// громогла́сныя свиде́телие страсте́й и воскресе́ния. Кондак, глас 2 Первосвяти́телю Всеросси́йскому Ти́хону споспе́шник был еси́,/ с ни́мже и ча́шу гоне́ний испи́в,/ Христу́ да́же до сме́рти ве́рен яви́лся еси́./ Сего́ ра́ди Ему́ я́ко Вели́кому Царю́ ны́не предстои́ши,/ о́тче наш Влади́мире,/ и мо́лиши непреста́нно// о чту́щих любо́вию святу́ю па́мять твою́. Кондак, глас 3 Восхва́лим днесь тро́ицу преподобному́чениц Схо́дненских,/ во хра́ме Святы́я Тро́ицы усе́рдно подвиза́вшихся,/ в годи́ну же лю́тых искуше́ний/ ве́ру Правосла́вную пред мучи́тели испове́давших/ и кровь свою́ за Христа́ пролия́вших./ Сего́ ра́ди страстоте́рпицам Христо́вым воспои́м:/ ра́дуйтеся, Ната́лие, Екатери́но и Еле́но,/ ве́си Схо́дни засту́пницы богодарова́нныя// и моли́твенницы о душа́х на́ших. Кондак, глас 2 До́бре во благоче́стии пожи́в/ и страда́ния за Христа́ до́блественно претерпе́в,/ Черто́га Небе́снаго дости́гл еси́,/ священному́чениче Дими́трие./ Те́мже моли́ Человеколю́бца Бо́га/ грехо́в оставле́ние нам дарова́ти,// чту́щим любо́вию святу́ю па́мять твою́. Кондак, глас 8 Непобеди́мыя твоея́ ве́ры мучи́тели не одоле́ша/ и от любве́ Бо́жия тя не разлучи́ша,/ ты бо, я́ко до́брый во́ин Христо́в, безбо́жным противоста́в,/ оклевета́ния и темни́чнаго заточе́ния не убоя́лся еси́/ и Го́спода да́же до сме́рти испове́дал еси́./ Те́мже, восхваля́юще по́двиги твоя́, те́пле вопие́м:/ священному́чениче Иоа́нне,/ моли́ Ми́лостиваго Бо́га спасти́ся душа́м на́шим. Кондак, глас 2 Я́ко ве́рный служи́тель Боже́ственных Та́ин,/ Михаи́ле му́чениче добропобе́дный,/ ты усе́рдно лю́дем послужи́л еси́/ и, Христа́ Воскре́сшаго испове́дуя,/ да́же до кро́ве пострада́л еси́./ Ны́не же, в селе́ниих Небе́сных пребыва́я,/ моли́ Человеколю́бца Бо́га,/ спасти́ся душа́м на́шим. Кондак, глас 8 Доброде́тели и́ноческия стяжа́вши,/ благоче́стием и любо́вию себе́ украси́ла еси́,/ мук же и сме́рти не убоя́вшися,/ те́ло свое́ не пощади́ла еси́./ Те́мже, ве́рою тьму безбо́жия посрами́вши,/ насле́дница Ца́рствия Христо́ва яви́лася еси́./ Сего́ ра́ди с любо́вию зове́м ти:// ра́дуйся, Да́рие преподобному́ченице, в духо́вней бра́ни нас укрепля́ющая. Кондак, глас 7 Пастыренача́льника Христа́ спаси́тельныя за́поведи возлюби́вый,/ да́нную ти па́ству до́бре упа́сл еси́,/ преподобному́чениче Ни́коне,/ и за испове́дание ве́ры во Христа́ страда́ния и смерть прия́л еси́./ Сего́ ра́ди, я́ко име́яй дерзнове́ние ко Го́споду,/ моли́ дарова́ти нам мир// и ве́лию ми́лость. Кондак, глас 8 Святы́й священному́чениче Константи́не,/ изгна́ния, темни́чная заключе́ния/ и от безбо́жных беззако́нное убие́ние/ за Христа́ претерпе́л еси́,/ стра́ждущих от винопи́тия исцеля́я,/ воздержа́нию, чистоте́ и благоче́стию науча́я,/ ны́не же Христу́ Бо́гу за всех моли́ся/ дарова́ти нам грехо́в оставле́ние// и душа́м на́шим спасе́ние. Кондак, глас 1 Небе́сную сла́ву па́че земны́я предпоче́тши,/ во оби́тель Страстну́ю всели́лася еси́,/ иде́же, усе́рдно подвиза́вшися,/ стра́сти обузда́ла еси́ и терпе́ние мно́гое стяжа́ла еси́,/ любо́вию же ко Христу́ уязви́вшися,/ в же́ртву Тому́ себе́ принесла́ еси́./ Его́же моли́, свята́я блаже́нная Ве́ро,/ да с наде́ждой крест свой понесе́м,/ ве́ру непоро́чну сохрани́м // и любо́вь нелицеме́рну приобря́щем во спасе́ние душ на́ших. Кондак, глас 2 Моли́твенника те́пла/ обре́те тя земля́ Моско́вская,/ священному́чениче Иоа́нне,/ ты бо, в па́стырских труде́х усе́рдно подвиза́яся,/ мно́гия на стези́ спасе́ния наста́вил еси́/ и, от Христа́ му́ченическим венце́м украси́вся,/ во оби́телех ра́йских водвори́лся еси́.// Те́мже тя любо́вию велича́ем. Кондак, глас 6 Я́ко дре́во, насажде́нное при исхо́дищих вод,/ доброде́тельми мно́гими процве́т,/ плод терпе́ния Христу́ прине́сл еси́/ и, лю́тым мучи́телем предста́в,/ о́браз и́стиннаго смире́ния яви́л еси́/ и ве́ру правосла́вную тве́рдо испове́дал еси́./ Сего́ ра́ди восхваля́ем тя, вопию́ще:/ ра́дуйся, святы́й му́чениче Нико́лае,// ве́си Коси́нския украше́ние. Ин кондак, глас 2 Восхва́лим, ве́рнии,/ изря́днаго в свяще́нницех и сла́внаго в му́ченицех Васи́лия,/ Правосла́вия побо́рника и благоче́стия ревни́теля,/ земли́ Ру́сския кра́сное прозябе́ние,/ и́же страда́нием Небесе́ дости́же/ и та́мо те́пле мо́лит Христа́ Бо́га// спасти́ся душа́м на́шим. Ин кондак, глас 4 Днесь ра́достно лику́ет град Оре́хово-Зу́ево,/ прославля́я святи́теля своего́,/ священному́ченика Ники́ту,/ той бо, нищету́ Христо́ву возлюби́в,/ пра́вило ве́ры и о́браз милосе́рдия яви́./ Ны́не же Престо́лу Бо́жию предстои́т// и мо́лится о душа́х на́ших.
Величание
Велича́ем тя,
священному́чениче Серафи́ме,
и чтим святу́ю па́мять твою́,
ты бо мо́лиши за нас
Христа́ Бо́га на́шего.
Молитва
Молитва
О, избра́нниче и уго́дниче Христо́в, священному́чениче Васи́лие, Це́ркве Ру́сския сто́лпе непоколеби́мый, земли́ на́шея благо́е прозябе́ние и кра́сный плод, сро́дников твои́х предста́телю и наста́вниче! Ты во вре́мя гоне́ния безбо́жнаго от сокро́вищницы души́ твоея́ спаси́тельное испове́дание Правосла́вныя ве́ры изне́сл еси́, и лю́дем ве́рным па́стырь до́брый яви́лся еси́, ду́шу твою́ за Христа́ и Его́ о́вцы полага́я и лю́тыя во́лки дале́че отгоня́я. Ны́не у́бо при́зри на нас, недосто́йных чад твои́х, умиле́нною душе́ю и сокруше́нным се́рдцем тя призыва́ющих. Умоли́ Го́спода Бо́га, да прости́т согреше́ния на́ша и изба́вит от а́довых уз и ве́чнаго муче́ния. Утверди́ нас в ве́ре святе́й, научи́ нас всегда́ твори́ти во́лю Бо́жию и храни́ти за́поведи церко́вныя. Бу́ди па́стырем на́шым — пра́вило ве́ры, во́ином — вождь духо́вный, боля́щим — врач изря́дный, печа́льным — уте́шитель, гони́мым — засту́пник, ю́ным — наста́вник, всем же благосе́рдый оте́ц и те́плый моли́твенник. Я́ко да моли́твами твои́ми соблюде́ся в Правосла́вии Свята́я Русь и непреста́нно сла́вится в ней и́мя Пресвяты́я Тро́ицы, Отца́, и Сы́на, и Свята́го Ду́ха, во ве́ки веко́в. Ами́нь.
Молитва
О, свята́я му́ченице Христо́ва, Татиа́но! А́гнца Бо́жия непоро́чная а́гнице, целому́дрия голуби́це, неве́сто Христа́, Жениха́ твоего́! Ты́, во дни́ жития́ твоего́ мирски́я по́хоти презре́вши, па́че земны́х бла́г Го́спода возлюби́ла еси́ и во страда́ниих обрела́ еси́ небе́сный поко́й. При́зри ны́не с Небесе́ и ви́ждь, я́ко погиба́ем во обстоя́ниих и ско́рбех на́ших. К тебе́ прибега́ем и твоея́ ми́лости про́сим, не отве́ржи на́с, убо́гих ча́д твои́х, не иму́щих еле́я до́брых де́л, и на пу́ть покая́ния наста́ви. Помяни́ ста́рцы и ю́ныя, сироты́ и вдови́цы, ни́щия и убо́гия, в темни́цах и заточе́нии су́щия, неду́гующия и скорбя́щия, изря́днее же, гони́мыя ве́ры ра́ди Правосла́вныя. На́с же, ю́зами греха́ свя́занныя, разреши́ и ко спасе́нию ско́ро напра́ви, тебе́ бо даде́ся благода́ть моли́тися за ны́. Да, твои́м предста́тельством огражда́еми, дости́гнем Ца́рствия Небе́снаго, иде́же вси́ святи́и пребыва́ют, прославля́юще И́мя Пресвяты́я Тро́ицы, Отца́ и Сы́на и Свята́го Ду́ха во ве́ки веко́в. Ами́нь.
Молитва
О, святы́й новому́чениче Нико́лае, ты́ в житии́ свое́м земно́м яви́лся ре́вностным храни́телем и испове́дником ве́ры правосла́вной. За нея́же и му́ченическую кончи́ну прия́л еси́. И ны́не, в поко́й Небе́снаго Ца́рствия вше́дше, и́маши ве́лие дерзнове́ние ко Пресвяте́й Тро́ице хода́тайствовати о на́с, недосто́йных и гре́шных. Услы́ши на́с, страстоте́рпче всехва́льне, и помози́ на́м в ве́к се́й лука́вый ве́ру Христо́ву незы́блему соблюсти́. Пода́й роди́телем му́дрость в воспитании ча́д свои́х в любви́, смире́нии, кро́тости, целому́дрии и убереги и́х от все́х натисков бесо́вских, дабы́ и они́ могли́ противостоять ду́ху кова́рства, зла́ и безбо́жия и свое́й благочести́вой жи́знию послужили свято́му де́лу возрожде́ния Земли́ Ру́сской из мра́ка неве́рия и сму́ты. Да моли́твами и предста́тельством твои́м охраняемии еди́ным се́рдцем и еди́ными уста́ми воспое́м и просла́вим Всесвято́е И́мя Отца́ и Сы́на и Свята́го Ду́ха во ве́ки веко́в. Ами́нь.
Молитва
О, священному́чениче Влади́мире, избра́нный учениче́ и после́дователю Христо́в! От ю́ности твоея́ Бо́га усе́рдно взыска́в, ве́ру и́стинную обре́л еси́, и сло́вом ева́нгельским, я́ко свети́льником, весь путь жития́ твоего́ озари́вый, в те́мную годи́ну гоне́ний крест па́стырский небоя́зненно подъя́л еси́, и ве́рным наста́вник, окорми́тель и уте́шитель быв, смерть за ве́ру претерпе́л еси́. Те́мже моли́ся и ны́не Влады́це Христу́ правосла́вныя христиа́ны от разделе́ний соблюсти́, свяще́нники и мона́шествующия в по́двизе укрепи́ти, о́троки от па́губных и бесо́вских наве́тов сохрани́ти и вся ве́рныя в Правосла́вии утверди́ти и сию́ ве́ру отце́в непрело́жну нам соблюсти́, да просла́вим ку́пно с тобо́ю на Небесе́х Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.
Молитва
О, пресла́вный священному́чениче, святи́телю о́тче на́ш Ники́то, первоепископе Орехово-Зуевский! Услы́ши на́с, гре́шных, моля́щихся тебе́ и к твоему́ предста́тельству усе́рдно притека́ющих и прося́щих моли́твеннаго твоего́ заступле́ния. Помози́ на́м, уго́дниче Бо́жий; ве́ру христиа́нскую до конца́ жития́ на́шего содержа́ти, за́поведи Бо́жии неле́ностно исполня́ти, оби́дящих проща́ти, чистоту́ и целому́дрие храни́ти и все́х бли́жних преи́скренне люби́ти. О, святы́й страстоте́рпче, во дни́ земна́го жития́ ты́ са́м, искуше́н бы́в, мо́жеши и на́м искуша́емым по́мощи, я́ко немощни́и есмы́ и о спасе́нии ве́чном неради́м. Про́сим у́бо тя́, священному́чениче о́тче на́ш Ники́то, воззови́ ко Творцу́ вся́ческих, да да́рует все́м на́м си́лу побежда́ти искуше́ния на́ша, ре́вность ко исправле́нию грехо́внаго жития́ на́шего, любо́вь к Бо́гу и бли́жним нелицеме́рную; малоду́шным – успокое́ние, заблу́ждшим – исправле́ние, согреши́вшим – ду́х сокруше́ния, бе́дствующим – благовре́менную по́мощь. Не посрами́ на́с, к тебе́ с ве́рою притека́ющих, споспешеству́й, я́ко оте́ц чадолюби́вый ча́дам, и на́м понести́ и́го Христо́во во благоду́шии и терпе́нии, и все́х упра́ви в ми́ре и покая́нии сконча́ти живо́т сво́й непосты́дно и пресели́тися со упова́нием во оби́тели небе́сныя, иде́же и ты́ ны́не водворя́ешися со а́нгелы и святы́ми, зря́ и прославля́я Бо́га, в Тро́ице сла́вимаго, Отца́ и Сы́на и Свята́го Ду́ха. Ами́нь.
Молитва
О, вели́кий и пречу́дный уго́дниче Христо́в, священному́чениче Серафи́ме! Приими́ ны́не на́шу смире́нную песнь благодаре́ния и умоли́ Вседержи́теля Бо́га в Неразде́льней Тро́ице прославля́емаго низпосла́ти нам мир и благоде́нствие, да сохрани́тся от разоре́ния держа́ва на́ша. Любо́вию и му́дростию твое́ю лю́ди росси́йстии к едине́нию собо́рному приведи́ и от ересе́й и раско́лов огради́. Си́лою хода́тайства твоего́ терпе́ние в ско́рбех и боле́знех нам низпосли́. О, всехва́льный святи́телю Христо́в! Испроси́ у Всеми́лостиваго Бо́га пода́ти нам пре́жде конца́ покая́ние, да сподо́бимся с тобо́ю зре́ти лица́ Его́ добро́ту неизрече́нную, воспева́юще Отца́ и Сы́на и Свята́го Ду́ха во ве́ки. Ами́нь.
Молитва
О, избра́нниче и уго́дниче Христо́в, священному́чениче Нико́лае, Це́ркве Ру́сския сто́лпе непоколеби́мый, земли́ на́шея благо́е прозябе́ние и кра́сный пло́д, сро́дников твои́х предста́телю и наста́вниче! К тебе́ припа́даем и мо́лимся мы́, смире́ннии и гре́шнии, и, я́ко отца́ чадолюби́ваго про́сим: всели́ в сердца́ на́ша любо́вь, е́юже к Бо́гу и бли́жним твои́м при жи́зни земне́й преиспо́лнен бы́л еси́, я́ко и ду́шу твою́ положи́л еси́, му́ченически пострада́в. Научи́ на́с, о́тче Нико́лае, подража́ти тебе́ ве́рно, Бо́га и бли́жних на́ших люби́ти и́скренне и за́поведи Госпо́дни соверша́ти непогреши́тельно, да бу́дем и мы́ с тобо́ю ча́да Бо́жия, не по и́мени то́кмо, но и сами́м де́лом и все́м житие́м на́шим. При́зри благоутро́бно на вся́кую ду́шу христиа́нскую, ми́лости и по́мощи от тебе́ и́щущую. Бу́ди все́м на́м в боле́знех – цели́тель, в ско́рбех – уте́шитель, в печа́лех – изба́витель, в беда́х – помо́щник, в ча́с сме́ртный – покрови́тель, да по́мощию моли́тв твои́х святы́х сподо́бимся и мы́ гре́шнии спасе́ние ве́чное получи́ти и Ца́рствие Небе́сное унасле́довати. Е́й, страстоте́рпче Христо́в, не посрами́ упова́ния на́шего, е́же по Бо́зе и Пресвяте́й Богоро́дице на тя́ кре́пко возлага́ем, но яви́ на́м многомо́щное заступле́ние, да хва́лим, сла́вим и велича́ем человеколю́бие ди́внаго во святы́х Свои́х Бо́га, Отца́ и Сы́на и Свята́го Ду́ха, во ве́ки веко́в. Ами́нь.
Молитва
О, святы́й страстоте́рпче священному́чениче Яросла́ве, ты́ от ю́ности Христа́ возлюби́л еси́ и по благода́ти Его́ свяще́нство восприя́в, я́ко свети́льник ве́ры и благоче́стия просия́л еси́! В годи́ну искуше́ний, внегда́ обыше́дше обыдо́ша страну́ на́шу врази́ ве́ры Христо́вы, яви́ тя́ Госпо́дь па́стыря до́браго, ду́шу свою́ за ча́д Бо́жиих положи́вша. Ны́не у́бо при́зри на ны́, приими́ от на́с усе́рдныя моли́твы и вознеси́ я́ ко престо́лу Святы́я Тро́ицы, иде́же ты́ в ли́це святы́х новому́чеников и испове́дников Росси́йских предстои́ши, я́ко да твои́м хода́тайством утверди́т Госпо́дь страну́ на́шу, да укрепи́т ду́х ве́ры и благоче́стия в лю́дех правосла́вных, в па́стырех Це́ркви да утверди́т ре́вность в служе́нии Бо́гу и бли́жним и да при́зрит ми́лостивым о́ком на на́с, предстоя́щих и прибега́ющих к твое́й по́мощи. Испроси́ у́бо у Всеми́лостиваго Го́спода ми́ра умире́ние, земли́ плодоно́сие, от гла́да и па́губы избавле́ние, скорбя́щим утеше́ние, неду́гующим исцеле́ние, па́дшим возставле́ние, заблужда́ющимся на пу́ть и́стины возвраще́ние, подвиза́ющимся в де́лех благи́х укрепле́ние, си́рым, неиму́щим, убо́гим и бездо́мным по́мощь и заступле́ние. Споспешеству́й, священному́чениче Яросла́ве, святы́ми твои́ми моли́твами настоя́телю и бра́тии свята́го хра́ма, иде́же ты́ соверша́л еси́ служе́ние свое́ во времена́ лю́тых гоне́ний на ве́ру правосла́вную, просвети́ умы́ и се́рдца на́ша све́том Боже́ственнаго уче́ния, научи́ во е́же Бо́га и бли́жняго на́шего люби́ти и за́поведи Госпо́дни соблюда́ти, да не по и́мени то́кмо, но все́м житие́м на́шим ча́да Бо́жия яви́мся. Не забу́ди, о́тче Яросла́ве, оби́тели святы́я Гро́дненскую Рождество́-Богоро́дицкую и Свя́то-Екатери́нинскую, но соблюди́ от вся́каго зла́ все́х живу́щих и подвиза́ющихся в ни́х и на поклоне́ние в ни́х приходя́щих. Осени́ все́х на́с небе́сным твои́м благослове́нием и в ско́рбех, боле́знех утеше́ние, избавле́ние и исцеле́ние на́м пода́ждь, да возблагодари́м просла́вившаго тя́ Го́спода на́шего Иису́са Христа́, Ему́же подоба́ет вся́кая сла́ва, че́сть и поклоне́ние со Безнача́льным Отце́м и Пресвяты́м Ду́хом во ве́ки веко́в. Ами́нь.
Молитва
О, уго́дниче Бо́жий, святы́й священному́чениче о́тче на́ш Алекси́е, са́да Христо́ва благово́нный цве́те, не́ба церко́внаго кро́ткая звездо́, земли́ на́шея небе́сный у́ме, гра́да Уржу́ма и держа́вы на́шея тве́рдое основа́ние! Те́плый к Бо́гу моли́твенниче, ско́рый в по́мощи, ми́лостивый в ну́ждах, к тебе́ припа́даем и тебе́ мо́лимся: бу́ди предста́тель на́ш пред Престо́лом Бо́жия сла́вы неусы́пный. Собери́ на́с дру́г ко дру́гу, да печа́ли бли́жняго своего́ ки́йждо любо́вию нелицеме́рною приобща́ется. Онебеси́ у́м на́ш, да, и́го тя́жкое земны́х попече́ний отве́ргше, бре́мя ле́гкое Христо́ва Ева́нгелия возлю́бим. Откры́й о́чи на́ши, да у́зрим нетле́нную красоту́ Госпо́дню и да не отчуждены́ бу́дем жи́зни Бо́жия. Ти́хость Ду́ха Бо́жия да соблюде́т се́рдце на́ше. Весна́ покая́ния да украсит дела́ на́ша. Засту́пниче ми́лостивый и ще́дрый, сохрани́ страну́ на́шу, гра́д тво́й и зде́ моля́щихся тебе́ от вся́кия напа́сти, от вра́г ви́димых и неви́димых, от губи́тельства и гла́да, от междоусо́бных ра́спрей и внеза́пныя сме́рти. Отве́рзи на́м две́ри милосе́рдия Бо́жия и изба́ви на́с от вся́каго зла́. Под кре́пкий покро́в благосты́ни твоея́ прибега́юще, мо́лим: бу́ди на́м ти́хое приста́нище в ско́рбях и искуше́ниях. Огради́ на́с моли́твами твои́ми. Соблюди́ на́с от паде́ний грехо́вных и заблужде́ний, да се́рдцем сокруше́нным, ду́хом смире́нным в печа́ли и ра́дости вы́ну зове́м: Го́споди, предста́тельством священному́ченика Твоего́ Алекси́я поми́луй на́с и сохрани́ во ве́ки веко́в. Ами́нь.
Молитва
О, святи́и бу́товстии му́ченицы и вси́ испове́дницы и новому́ченицы Це́ркве Ру́сския, во вся́ком во́зрасте и сосло́вии за Христа́ пострада́вшии, ве́рность Ему́ да́же до сме́рти свиде́тельствовавшии и вене́ц жи́зни от Него́ прия́вшии. Вы́ во дни́ гоне́ния лю́таго, зе́млю на́шу от безбо́жных пости́гшаго, на суди́щех, в заточе́ниих и про́пастех земны́х в го́рьких рабо́тах и вся́ких ско́рбных обстоя́ниих о́браз терпе́ния и непосты́днаго упова́ния му́жественно яви́ли есте́. Ны́не же в раи́ сла́дости наслажда́ющися, пред престо́лом Бо́жиим во сла́ве предстоите́ и при́сно хвалу́ и хода́тайство со а́нгелы и все́ми святы́ми Триеди́ному Бо́гу возно́сите. Сего́ ра́ди мы́ недосто́йнии мо́лим ва́с: святи́и сро́дницы на́ши, не забу́дите земна́го оте́чества ва́шего, грехо́м Ка́инова братоуби́йства, поруга́нием святы́нь, безбо́жием и на́шими беззако́нии отягче́ннаго. Умоли́те Го́спода Си́л, да утверди́т Це́рковь Свою́ непоколеби́му в ми́ре се́м многомяте́жном и лука́вом. Да возроди́т в земли́ на́шей ду́х ра́зума и благоче́стия, ду́х свя́тости и стра́ха Бо́жия, ду́х братолю́бия и ми́ра, да па́ки бу́дем мы́ ца́рское свяще́ние, ро́д Бо́жий, избра́нный и святы́й, при́сно с ва́ми сла́вящи Отца́ и Сы́на и Свята́го Ду́ха во ве́ки веко́в. Ами́нь.
Молитва
О, па́стырю наш до́брый, священному́чениче Се́ргие, первопресто́льнаго гра́да похвало́ и оби́тели Новоде́вичия свети́льниче всесве́тлый! Ты, от ю́ности Христу́ после́дуя, во пресви́терстве непоро́чне послужи́л еси́ и, па́ству твою́ сло́вом Бо́жиим напита́в, да́нный ти тала́нт стори́цею умно́жил еси́. В годи́ну же гоне́ний ве́лия ско́рби, клеветы́, лише́ния и са́мую смерть от богобо́рцев му́жественне претерпе́в, мзду пра́ведных трудо́в твои́х на Небесе́х прия́л еси́. Сего́ ра́ди мы, мно́гими грехи́ обремене́ннии, к тебе́, я́ко ве́рному свиде́телю ве́чныя И́стины, прибега́ем и уми́льно вопие́м: сподо́би нас не то́кмо по́двиги твоя́ сла́вити, но и подража́тели доброде́телей твои́х бы́ти: ве́ру правосла́вную храни́ти, в ско́рбех и боле́знех упова́ние на Бо́га возлага́ти и непреста́нное благодаре́ние Тому́ Еди́ному возсыла́ти; кро́тость и смире́ние стяжа́ти, ю́ныя благоче́стию и целому́дрию науча́ти, с бли́жними в ми́ре и любви́ пребыва́ти, да тобо́ю наставля́еми, ве́чнаго блаже́нства дости́гнем, сла́вяще Отца́, и Сы́на, и Свята́го Ду́ха, во ве́ки веко́в. Ами́нь.
Молитва
О, святы́я и всехва́льныя неве́сты Христо́вы, преподобному́ченицы Ната́лие, Екатери́но и Еле́но! Вы, от ю́ности Бо́га возлюби́вше, Тому́ еди́ному служи́ти восхоте́ли е́сте и, мона́шеский путь ко спасе́нию избра́вше, в труде́х и моли́твах усе́рдно подвиза́лися е́сте. Егда́ же прии́де вре́мя лю́тых гоне́ний на ве́ру Правосла́вную и безбо́жнии разори́ша оби́тели ва́ша, призва́ Госпо́дь вас в весь Схо́дненскую, во храм Святы́я Тро́ицы, иде́же усе́рдно подвиза́лися е́сте, по́слежде и вене́ц му́ченичества восприя́ли е́сте. Те́мже, предстоя́ще пред честны́м о́бразом ва́шим, хва́лим, сла́вим и велича́ем просла́вльшаго вас Го́спода, Ему́же вы с ли́ки новому́чеников Це́ркве Ру́сския ны́не предстои́те, и уми́льно вопие́м: О, святы́я му́ченицы! Моли́те Всеблага́го Бо́га, да низпосле́т нам ми́лости Своя́ бога́тыя и в Правосла́вней ве́ре нас утверди́т, неве́рующих вразуми́т, отпа́дших от Це́ркве на путь И́стины обрати́т, весь же на́шу Схо́дню и вся ве́си и гра́ды Росси́йския от вся́каго зла сохрани́т, да ти́хое и ми́рное житие́ поживе́м во вся́ком благоче́стии и чистоте́, и сподо́бимся вку́пе с вами прославля́ти Отца́ и Сы́на и Свята́го Ду́ха, Тро́ицу Единосу́щную и Неразде́льную в безконе́чныя ве́ки. Ами́нь.
Молитва
О, святы́й Дими́трие, иере́ю Бо́жий и му́чениче, Оте́чества на́шего благо́е прозябе́ние, Це́ркве Ру́сския похвало́ и украше́ние! Ты во вре́мя гоне́ния безбо́жнаго от сокро́вищницы души́ твоея́ спаси́тельное испове́дание Правосла́вныя ве́ры изне́сл еси́, и лю́дем ве́рным па́стырь до́брый яви́лся еси́, ду́шу твою́ за Христа́ и Его́ о́вцы полага́я и лю́тыя во́лки дале́че отгоня́я. Ны́не убо при́зри на нас, недосто́йных чад твои́х, умиле́нною душе́ю и сокруше́нным се́рдцем тя призыва́ющих. Умоли́ Го́спода Бо́га, да прости́т согреше́ния на́ша и изба́вит от а́довых уз и ве́чнаго муче́ния. Утверди́ нас в ве́ре святе́й, научи́ нас всегда́ твори́ти во́лю Бо́жию и исполня́ти за́поведи Его́. Бу́ди па́стырем на́шим пра́вило ве́ры, во́ином — во́ждь духо́вный, боля́щим — врач изря́дный, печа́льным — уте́шитель, гони́мым — засту́пник, ю́ным — наста́вник, всем же — благосе́рдый оте́ц и те́плый моли́твенник, я́ко да моли́твами твои́ми храни́тся Правосла́вие во Оте́честве на́шем и непреста́нно сла́вится в нем и́мя Пресвяты́я Тро́ицы, Отца́ и Сы́на и Свята́го Ду́ха во ве́ки веко́в. Ами́нь.
Молитва
О, избра́нниче и уго́дниче Христо́в, священному́чениче Иоа́нне, Це́ркве Ру́сския украше́ние, земли́ на́шея благо́е прозябе́ние и кра́сный плод, за сро́дников твои́х предста́телю и всем правосла́вным лю́дям наста́вниче! Ты во вре́мя гоне́ния безбо́жнаго от сокро́вищницы души́ твоея́ спаси́тельное испове́дание Правосла́вныя ве́ры изне́сл еси́ и лю́дем ве́рным па́стырь до́брый яви́лся еси́, ду́шу твою́ за Христа́ и Его́ о́вцы полага́я и лю́тыя во́лки дале́че отгоня́я. Ны́не у́бо при́зри на нас, недосто́йных чад твои́х, умиле́нною душе́ю и сокруше́нным се́рдцем тя призыва́ющих. Умоли́ Го́спода Бо́га, да прости́т согреше́ния на́ша и изба́вит от а́довых уз и ве́чнаго муче́ния. Утверди́ нас в святе́й правосла́вней ве́ре, научи́ нас всегда́ твори́ти во́лю Бо́жию и храни́ти за́поведи церко́вныя. Бу́ди па́стырем на́шым пра́вило ве́ры, во́ином – вождь духо́вный, боля́щым – врач изря́дный, печа́льным – уте́шитель, гони́мым – засту́пник, ю́ным – наста́вник, всем же благосе́рдый оте́ц и те́плый моли́твенник, я́ко да моли́твами твои́ми соблюде́тся в Правосла́вии Свята́я Русь и непреста́нно сла́вится в ней и́мя Пресвяты́я Тро́ицы, Отца́ и Сы́на и Свята́го Ду́ха во ве́ки веко́в. Ами́нь.
Молитва
О, святы́й священному́чениче Христо́в, о́тче наш Михаи́ле! Ты, от ю́ности Бо́га возлюби́в, служи́тель ре́вностный Того́ яви́лся еси́ и, я́ко па́стырь до́брый, ду́шу свою́ за слове́сныя о́вцы полага́я, вене́ц нетле́нный от Го́спода прия́л еси́. Ны́не же мы, недосто́йнии, прославля́юще тя со все́ми новому́ченики и испове́дники Це́ркве Ру́сския, я́ко предста́теля и моли́твенника на́шего, про́сим: просвети́ умы́ и сердца́ на́ша све́том Боже́ственнаго уче́ния, укрепи́ нас во и́стинней ве́ре, научи́ нас всегда́ твори́ти во́лю Бо́жию, благу́ю и соверше́нную, и храни́ти за́поведи ева́нгельския, пода́ждь ре́вность о умноже́нии бра́тския любве́, боля́щыя и немощны́я уврачу́й, печа́льныя уте́ши, гони́мыя защити́, ю́ныя наста́ви, всем же благосе́рдый оте́ц и те́плый моли́твенник яви́ся. О, свя́тче Бо́жий! Моли́ Го́спода Бо́га, да соблюда́ется в ве́ре Правосла́вней Оте́чество на́ше и в нем досто́йно и пра́ведно прославля́ется и́мя Пресвяты́я Тро́ицы, Отца́ и Сы́на и Свята́го Ду́ха во ве́ки веко́в. Ами́нь.
Молитва
О святы́й преподобному́чениче Ни́коне, па́стырю до́брый и ве́ры тве́рдый испове́дниче и ре́вностный пропове́дателю! Ты во дни гоне́ний на Це́рковь Ру́сскую усе́рдно па́ству твою́ наставля́я, страда́ния и смерть за Христа́ претерпе́л еси́. И ны́не, Невече́рним Све́том осия́емь, ве́чныя блаже́нныя жи́зни наслажда́ешися. Мы же, во тьме грехо́в су́щии и, я́ко тро́сти, ве́тром коле́блемии, от всех искуше́ний ми́ра сего́, на ны воздвиза́емых, обурева́еми есмы́ лю́те. Те́мже мо́лим тя, я́ко моли́твенника те́пла и служи́теля пред Престо́лом Бо́жиим благоприя́тна: испроси́ нам от Христа́ Бо́га на́шего ве́ры правосла́вныя укрепле́ние, Оте́чества на́шего утвержде́ние, ми́ра умире́ние, ересе́й и раско́лов искорене́ние, оби́тели твое́й во всем благо́е устрое́ние, ю́ным наставле́ние, от напа́стей бесо́вских избавле́ние, грехо́в и прегреше́ний на́ших проще́ние. Ей, свя́тче Бо́жий, умоли́ Го́спода Сил Ца́рствия Небе́снаго насле́дие нам улучи́ти и со все́ми святы́ми воспева́ти Еди́наго Бо́га, в Тро́ице сла́вимаго, Отца́, и Сы́на, и Свята́го Ду́ха, во ве́ки веко́в. Ами́нь.
Молитва
О, свята́я преподобному́ченице Ве́ро! Ты изде́тска во святе́м Креще́нии, я́ко зерно́ ма́лое, ве́ру святу́ю восприя́ла еси́ и, во благоче́стии возраста́ющи, сию́ в се́рдце твое́м, я́ко сокро́вище безце́нное, храни́ла еси́. Сего́ ра́ди и во оби́тель Страстну́ю притекла́ еси́, ча́ющи глас Христо́в услы́шати: ве́ра твоя́ спасе́ тя, иди́ в ми́ре. Егда́ же годи́на гоне́ний безбо́жных зе́млю на́шу пости́же, ве́ра твоя́ яви́ся, я́ко дре́во многоли́ственное, е́же се́нию свое́ю приста́нище стра́нным и отра́ду стра́ждущим подава́ше. Тем и мучи́телей твои́х стра́ха не убоя́лася еси́ и в сме́рти, я́же за Христа́, жизнь ве́чную обрела́ еси́. О, всехва́льная му́ченице Ве́ро! Моли́ Го́спода Бо́га, да изба́вит страну́ на́шу от неве́рия, лю́ди ея́ в Правосла́вии утверди́т и во благоче́стии сохрани́т. Научи́ нас, гре́шных и уны́лых, не страши́тися тьмы ве́ка сего́, но све́том ве́ры Христо́вы сию́ побежда́ти, в час же кончи́ны на́шея сподо́би моли́твами твои́ми спаса́емых часть восприя́ти, да ничто́же отлучи́т нас от любве́ Бо́жия, я́же о Христе́ Иису́се, Ему́же подоба́ет вся́кая сла́ва, честь и поклоне́ние со Безнача́льным Его́ Отце́м, Пресвяты́м, Благи́м и Животворя́щим Его́ Ду́хом ны́не, и при́сно, и во ве́ки веко́в. Ами́нь.
Молитва
О пресла́вный и добропобе́дный му́чениче Христо́в Нико́лае, и́стинный сы́не Святы́я Це́ркве, ве́си Коси́нския украше́ние и гра́да Ре́утова похвало́! Ты, во дни всео́бщаго отступле́ния от ве́ры, Христа́ не отве́рглся еси́ и, Тому́ еди́ному после́довав, в ку́щу пусты́нную всели́лся еси́. Благода́тию же Ду́ха Свята́го укрепля́емь, преще́ний безбо́жных не убоя́лся еси́ и ве́ру правосла́вную да́же до кро́ве испове́дал еси́. Те́мже, врата́ми пра́вды в Ца́рство Небе́сное вшед, с новому́ченики Це́ркве Ру́сския во ве́ки пребыва́еши. Ей, святы́й му́чениче Нико́лае, моли́ся, да пода́ст нам Госпо́дь за́поведи Его́ животво́рныя соблюсти́, ве́ру и́стинную сохрани́ти и Ца́рствия Небе́снаго дости́гнути, иде́же, ра́дующеся, прославля́ем Отца́, и Сы́на, и Свята́го Ду́ха, во ве́ки веко́в. Ами́нь.
2-я Молитва
О, святы́й новому́чениче Нико́лае, при́зри с высо́т Небе́сных на на́с, гре́шных и недосто́йных ча́д твои́х и помози́ и на́м досто́йно вре́менное житие́ прожити и сконча́ти: отгони́ стра́сти ми́ра сего́ лука́ваго; да не отвратя́т на́с от пути́ спасе́ния ни ко́зни вра́жии, ни пре́лести бесо́вския; напра́ви стопы́ на́ши на стезю́ пра́вой ве́ры; бу́ди на́м поддержкой в беда́х и напа́стех; пода́й терпе́ние в ско́рбях и обстоя́ниях; научи́ покая́нию; любви́ к бли́жним; проще́нию — к оби́дящим. Ве́дуще у́бо тя́ и по сме́рти живы́м су́ща, припа́даем к тебе́ и мо́лимся: испроси́ у Го́спода Бо́га на́шего, святы́й Нико́лае, дарова́ти на́м вся́ поле́зная для спасе́ния ду́ш на́ших; христиа́нскую непосты́дную кончи́ну, да по́мощию твое́ю непреткнове́нно прейти́ воздушные мыта́рства и в де́нь стра́шнаго прише́ствия Своего́ от шу́ия стоя́ния да изба́вит и вме́сте с ва́ми насле́дниками Небе́снаго Ца́рствия да сотвори́т. Ему́ же подоба́ет вся́кая сла́ва, че́сть и поклоне́ние со Безнача́льным Его́ Отце́м и Святы́м Ду́хом, ны́не и при́сно и во ве́ки веко́в. Ами́нь.
2-я Молитва
О, пресла́вный и ди́вный страстоте́рпче, архиере́е Христо́в, священному́чениче о́тче на́ш Ники́то. К тебе́, я́ко и́стинному хода́таю и моли́твеннику у Престо́ла Бо́жия, мы́ недосто́йнии прибега́ем и смире́нно мо́лимся. Ты́, я́ко па́стырь до́брый, ду́шу свою́ положи́вый за о́вцы своя́, преиспо́лнен бы́в любве́ и ве́ры Христо́вой, укрепи́ и на́с на стези́ спасе́ния, да не поги́бнем лю́те. Ты́ бо прия́л еси́ от Го́спода благода́ть и си́лу за тя́жкия и мно́гия страда́ния твоя́, чту́щим па́мять твою́, помога́ти и от бе́д избавля́ти, изба́ви и на́с, моли́твенниче всесла́вне, вся́ких раздо́ров и нестрое́ний, призыва́ющих тя́ с ве́рою и любо́вию, и изба́ви от вся́каго зла́го обстоя́ния. Ми́р умири́, безу́мныя вразуми́ и в ве́ре Христо́вой укрепи́, согрева́я огне́м моли́твы твоея́ охладе́вшия сердца́ на́ша, да сподо́бит Госпо́дь на́с, гре́шных, Небе́снаго Ца́рствия Своего́, и со все́ми святы́ми прославля́ти всечестно́е и великоле́пое и́мя Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.
2-я Молитва
О, святы́й священному́чениче Влади́мире, избра́нный учениче́ и после́дователю Христо́в, ве́рою, я́ко свети́льником, озари́вый ве́сь пу́ть жития́ твоего́, наипа́че же в те́мную годи́ну гоне́ний, егда́ и сме́рть за ве́ру претерпе́л еси́ и возше́л еси́ к све́ту Богообще́ния, иде́же лице́м зри́ши Бо́га, Ему́же послужи́л еси́. Благода́ть восприя́л еси́, ве́ру у́бо, в не́йже бе́ воспита́н умно́жив, креще́нием и́стинным крести́лся еси́, и кре́ст свяще́ннический на пе́рси восприя́в, на кре́ст Голгофский возше́л еси́, от си́лы ве́ры вы́ну в си́лу любве́ восходя́, бли́жним у́бо послужи́л еси́, у́зники и больны́я уте́шив, ве́рныя от раско́ла сохрани́в и дру́ги твоя́ от безбо́жных гони́телей сокры́в. Те́мже приими́ и на́шу моли́тву, ча́д твои́х, Бо́га о тебе́ благодаря́щих, Госпо́дь бо не сокры́ по́двига твоего́ от на́с, и просла́вити тя́ благослови́, и сро́дники твоя́ моли́твами твои́ми Це́ркви вся́ко послужи́ти сподо́би. Те́мже моли́ся и ны́не Влады́це Христу́, свяще́нники умудри́ти и от разделе́ний соблюсти́, мона́шествующия в по́двизе укрепи́ти, де́ти от па́губных наве́тов бесо́вских сохрани́ти и вся́ ве́рныя в правосла́вии утверди́ти, и сию́ ве́ру отце́в непрело́жну до конца́ на́м соблюсти́, да просла́вим ку́пно с тобо́ю на Небесе́х Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.
3-я Молитва
О пресла́вный священному́чениче, святи́телю о́тче наш Ники́то, гра́да Оре́хова-Зу́ева пе́рвый епи́скопе! Ты во вре́мя гоне́ния безбо́жнаго от сокро́вищницы души́ твоея́ спаси́тельное испове́дание правосла́вныя ве́ры изне́сл еси́ и, я́ко па́стырь до́брый, ду́шу свою́ за о́вцы полага́я, любве́ и милосе́рдия преиспо́лнен был еси́ и, в нищете́ пребыва́я, мно́гим благотвори́л еси́. Услы́ши нас гре́шных, моля́щихся тебе́ и к твоему́ предста́тельству усе́рдно притека́ющих, и помози́ нам ве́ру правосла́вную до конца́ жития́ на́шего соблюсти́, любо́вь нелицеме́рную к Бо́гу име́ти, за́поведи Госпо́дни неле́ностно исполня́ти, чистоту́ и целому́дрие храни́ти, оби́дящих проща́ти и бли́жних преи́скренне люби́ти. Ты во дни земна́го жития́ мно́гими испыта́нии искуше́н быв, мо́жеши ны́не и искуша́емым помо́щник бы́ти. Сего́ ра́ди про́сим тя: воззови́ ко Творцу́ вся́ческих, да да́рует малоду́шным – укрепле́ние, заблу́ждшим – исправле́ние, согреши́вшим – дух покая́ния, бе́дствующим – благовре́менную по́мощь, и всем нам – ре́вность ко исправле́нию грехо́внаго жития́ на́шего. Не оста́ви нас, к тебе́ с ве́рою притека́ющих, споспешеству́й, я́ко оте́ц чадолюби́вый, и́го Христо́во со упова́нием во благоду́шии и терпе́нии понести́, да сподо́бимся унасле́довати Небе́сныя оби́тели, иде́же ты со А́нгелы и все́ми святы́ми ны́не водворя́ешися, прославля́я Бо́га, в Тро́ице сла́вимаго, Отца́, и Сы́на, и Свята́го Ду́ха. Ами́нь.
Акафист
Акафист священномученику Василию Максимову
Кондак 1
Избранный угодниче Христов и страстотерпче священномучениче Василие, в годину гонений лютых душу свою за Христа и Церковь Его положивый и к сонму новомучеников российстих сопричтенный, помяни нас во святых твоих молитвах ко Пресвятой Троице, да зовем ти:
Радуйся, священномучениче Василие, теплый молитвенниче о спасении нашем!
Икос 1
Ангелов Творец и всея твари Создатель во дни смут и нестроений церковных избра тя, святе Василие, в проповедника Православия среди народа от веры отступавшего. Ты же, яко добрый воин Христов, Креста оружием вооруженный, со усердием провозвещал еси учение Спасителя Нашего, за Него же многия страдания смиренне претерпевши, венцем мученическим украсился еси на небесех, идеже молишися о всех, взывающих ти сице:
Радуйся, всем сердцем и всем помышлением твоим Бога возлюбивый;
Радуйся, за веру и Отечество живот свой положивый;
Радуйся, царствия Христова сонаследниче;
Радуйся, славы Божия сопричастниче;
Радуйся, Спасителя возлюбивших покровителю;
Радуйся, кающихся с Богом примирителю;
Радуйся, чтущих память твою пред Богом поминающий;
Радуйся, о прославляющих тя Господа умоляющий;
Радуйся, священномучениче Василие, теплый молитвениче о душах наших!
Кондак 2
Видя Господь благочестивое и праведное житие родителей твоих, угодниче Божий, дарова им тя, да прославиши во трудах, подвигах и страданиях имя Господне. Мы же, дивящеся таковому промышлению Божиему о тебе, вопием Господеви: Аллилуйя!
Икос 2
Разум богопросвещенный даровася тебе, преславне Василие, от дней детства твоего: яко не игрищам и забавам, а трудом крестьянским, молитве и посещении храма Божьего, усердно прилежал еси. Сего ради таковые похвалы приносим ти:
Радуйся, добраго корене отрасле благородная;
Радуйся, ветве вертограда Христова многоплодная;
Радуйся, от юности служити Христу возжелавый;
Радуйся, кротостью и беззлобием Господеви подражавый;
Радуйся, от малых лет радость молитвы вкусивый;
Радуйся, нелицемерную ревность по Бозе показавый;
Радуйся, псалмопением Творца неустанно прославлявый;
Радуйся, благоволение пред лицем Его стяжавый;
Радуйся, священномучениче Василие, теплый молитвенниче о душах наших!
Кондак 3
Сила Христова осени тя, преславне Василие, и дарова ти крепость мужественне претерпети искушения врага невидимаго, его же стрелы разженные угасил еси твоими слезными к Богу молитвами; сего ради, яко победитель, воспеваеши с безплотными силами песнь победную Христу Богу: Аллилуйя!
Икос 3
Имуще Всеблагий Создатель Наш велие о тебе, святый Василие, милосердное попечение, благоволи святителю своему, во храме сельстем тя узревшему, благословити тя и ко учению духовному определити; ты же, благословение архиерея сего, аки Божию волю восприял еси и со усердием ко учению прилежал еси. Мы же, сия воспоминающе, величаем тя сице:
Радуйся, Христом Богом возлюбленный;
Радуйся, силою свыше облеченный;
Радуйся, благодатию Божией просвещеный;
Радуйся, научение книжное возлюбивый;
Радуйся, к пастырским трудам сердце твое устремивый;
Радуйся, дар Слова наитием Духа Святаго получивый;
Радуйся, благим супружеством своим и нам образ брака честнаго явивый;
Радуйся, в супружнице твоей добраго помощника на пути Христовом обретый;
Радуйся, священномучениче Василие, теплый молитвенниче о душах наших!
Кондак 4
Буря искушений и устремлений бесовстих и волны соблазнов мирских не возмогоша поколебати храмины твоея душевныя, святый Василие, основана бо бе на твердом камене веры во Христа и хранима трезвлением, трудами и молитвы твоима богоприятными; ты бо на Единаго Спасителя уповая, умиленным сердцем воспевал еси Ему: Аллилуйя!
Икос 4
Слышавше, святый Василие, глаголы Спасителя нашего, яко «жатва убо многа, делателей же мало» (Лк 10:2), сему поревновал еси, и, егда сан священный прияти сподобился еси; со усердием провозвещал еси учение Христово; сего ради твоя пастырские добродетели хваляще тя, Боголюбче, ублажаем и на предстательство твое уповая, вопием ти сице:
Радуйся, священство, яко великий дар Господень, восприявый;
Радуйся, обильно в хиротонии благословение небесное стяжавый;
Радуйся, Жертву безкровную со страхом и трепетом совершавый;
Радуйся, словом мудрым всех приходящих к тебе питавый;
Радуйся, помраченные умы наша просвещающий;
Радуйся, окаменелыя сердца наша оживляющий;
Радуйся, Бога любити и волю Его творити нас научающий;
Радуйся, в радости Творца благодарити нас побуждающий;
Радуйся, священномучениче Василие, теплый молитвениче о спасении нашем!
Кондак 5
Боготечней звезде уподобился еси, священномучениче Василие, мнозих бо к Солнцу Правды Христу путеводил еси словом твоим премудрым и примером преславнаго жития твоего, еже посвящено бысть Богу и ближним твоим. Темже блаженство вечное со всеми святыми унаследовал еси и с ними же, предстоя престолу святыя Троицы, пение хвалебное воспеваеши: Аллилуйя!
Икос 5
Видяще, яко властителие богоборныя возвигоша супротив христиан православных гонение лютое, не престал еси молитися, священномучениче Василие, да укрепит тя Всемудрый Господь за веру правую даже до смерти стояти; паству же твою наставлял еси благодатию Божественной в таинствах укреплятися и от Матери – Церкви никакоже ни отхождати. Сего ради величающе тя, добрый воине Христов, таковыя похвалы приносим ти:
Радуйся, Христова стада пастырю верный;
Радуйся, носителю духа кротости добропобедный;
Радуйся, правды и истины паче всего в житии твоем искавый;
Радуйся, проповеди Слова Божьего николиже оставлявый;
Радуйся, всех нас к покаянию ныне призывающий;
Радуйся, на милость Божию уповати нас подвизающий;
Радуйся, от плевел ненависти сердца наша очищающий;
Радуйся, светом любве нелицемерныя нас озаряющий;
Радуйся, священномучениче Василие, теплый молитвенниче о спасении нашем!
Кондак 6
Проповедует днесь Церковь Христова подвизи и труды твоя, святый угодниче Божий Василие, и величает честная страдания твоя яже за Христа претерпел еси и умиленно Богу, дивному во Святых Своих воспевая о тебе: Аллилуйя!
Икос 6
Воссиял еси, яко светило незаходимое, горением веры и чистотою души твоея в земли Московстей, идеже Пастыреначальник Господь поставит тя пасти овец Его, имже ты воистину был еси правилом жития благочестиваго и, яко наставник богомудрый, в вере Православной паству твою, утвердил еси, образ пастыря добраго, аки память благую и драгоценную, оставил еси нам, приносящим ти благохваления сия:
Радуйся, духовных чад богомудрое окормление;
Радуйся, паствы твоея отрадное утешение;
Радуйся, в годину бед и испытаний отеческою любовию всех утешавый;
Радуйся, к благодатной и благомощной защите Спасителя прибегати паству твою научавый;
Радуйся, чад наших от соблазнов мира соблюдаяй;
Радуйся, оных в целомудрии и чистоте укрепляяй;
Радуйся, скорби наша в радость претворяющий;
Радуйся, светом надежды Христовой нас озаряющий;
Радуйся, священномучениче Василие, теплый молитвенниче о спасении нашем!
Кондак 7
Хотящее веру Православную в веси Кабановстей утвердити, святый отче наш Василие, крест Христов с кротостью восприял еси, укрепляя чад твоих духовных в добродетелех христианских; смирении, кротости, любви к Богу и ближнему. Мы же ныне молим тя, угодниче Христов, предстательством твоим испроси и нам сия боголюбезные добродетели; да не поработимся страстем греховным, но чистым сердцем воспоем Спасителю Нашему: Аллилуйя!
Икос 7
Новые труды и подвиги ко устроению жизни христианской в земли Московстей подъял еси, новомучениче Василие, чад твоих духовных на усердное служение Христу Богу и исполнение заповедей Его подвизая и был еси има наставник благодатный и праведный. Тогда властилие богоборческия воздвигоша гонение супротив тя, дабы отвратити тя от трудов сих; ты же благодатию свыше укрепленный, верен Господу даже до смерти пребыл еси. Мы же, ныне память твою славим и взываем ти сице:
Радуйся, пастырю добрый, душу свою положити за словесных овец готовый;
Радуйся, о потерянных овцех зело скорбевый;
Радуйся, никогоже от приходящих ти отвергавый;
Радуйся любовию твоею вся покрывавый;
Радуйся о укреплении веры во чадех своих ко Господу взывавый;
Радуйся, образ истиннаго служения Христу явивый;
Радуйся, светом Божим от растления нас охраняющий;
Радуйся, в вере и верности Богу нас утверждающий;
Радуйся, священномучениче Василие, теплый молитвенниче о душах наших!
Кондак 8
Странно бысть людем маловерным видети пречудное житие твое, новомучениче Василие, яко не о славе си, ни о мимотекущих и преходящих благах земных помышлял еси; егда нечестивых советы, о еже оставити ти служение твое пастырское отвергл еси. Мы же, благочестие и мудрость воспевающе Всеблагого Господа Нашего, умудрившего тако тя, славим вопиюще Ему о тебе: Аллилуйя!
Икос 8
Всего себе Господу предал еси, святый новомучениче Василие, егда взяша тя нечестивии и в темницу ввергоша. Ты вслед апостолу помышлял еси «аще бо живем, Господеви живем, аще бо умираем, Господеви умираем» (Рим.14:8); благодатию Христовой укрепляемь путь страданий добропобедно прошел еси. Мы же, воспоминающе о подвигах твоих, восписуем ти хваления сия:
Радуйся, яко неблагомысленных наветы претерпел еси;
Радуйся, яко от яростных поношения приял еси;
Радуйся, неправедный приговор с кротостью приявый;
Радуйся, крилами богомыслия сети вражия сокрушивый;
Радуйся, злобные умышления того доброславно посрамивый;
Радуйся, заповедь Христову о любви ко врагом исполнивый;
Радуйся, прощати и благословляти ближних нас научающий;
Радуйся, в кротости и смирении нас укрепляющий;
Радуйся, священномучениче Василие, теплый молитвенниче о душах наших!
Кондак 9
Вся помыслы и все упование на Спасителя Нашего возложил еси, страстотерпче Василие, егда во узах темничных суще, от гонителей веры Православия оскорбления, надругания, заушение и биения незлобливе приял еси, моляще Всеблагаго Христа о даровании ти в муках терпения и во страданиях – укрепления. Мы же, Господа Нашего, озарившего тя светом своим во дни испытаний твоих, славим и вопием Ему: Аллилуйя!
Икос 9
Вития многовещаннии не довлеют по достоянию восхвалити праведное житие и мученическую кончину твою, всехвальне Василие; обаче же мы, любовию к тебе подвизаемы и надеждою на предстательство твое окрыляемы, со смирением и верою таковыя похвалы приносим ти:
Радуйся, венец терновый на земли благочестно носивый;
Радуйся, венец нетленный на небеси от Господа получивый;
Радуйся, нужды наша ко Престолу Божиему возносящий;
Радуйся, отраду и утешение нам ниспосылающий;
Радуйся, от глада духовнаго всех нас избавляющий;
Радуйся, грешников ко исправлению направляющий;
Радуйся, суетную славу мира сего презирати нас научающий;
Радуйся, светом радости души наша озаряющий;
Радуйся, священномучениче Василие, теплый молитвенниче о душах наших!
Кондак 10
Спасительнаго подвига ищуще, страстотерпче святый Василие, взял еси крест Христов и Христу последовал еси, тесноты, лишения, осмеяния и иныя злострадания кротце претерпел еси, на Бога уповая, веру и верность даже до конца явил еси, песнопоя Господеви ангельскую песнь: Аллилуйя!
Икос 10
Стена крепкая, козньми врага неодоленная пребыл еси до конца, всехвальный священномучениче Василие, егда тя злочествии богоотступницы в веси Бутовстей лютой смерти предаша. Темже мы, благоговейно поминающее страдания твоя и подвиги твоя, с любовию зовем ти:
Радуйся, последователю верный распятаго Учителя;
Радуйся, споспешниче усердный ада Разрушителя;
Радуйся, пастырю, за Христову веру пострадавый;
Радуйся, не убоявыйся убивающих тело, душу же свою не погубивый;
Радуйся, ум и сердце посреди мучения горького ко Господу устремивый;
Радуйся, ризы твоя в крови Агнца убеливый;
Радуйся, пренесением мук лютых тленныя на нетленная пременивый;
Радуйся, благодать молитвы от Творца получивый;
Радуйся, священномучениче Василие, теплый молитвенниче о душах наших!
Кондак 11
Пение наше всякое побеждается, и многое множество хвалебных песен, воспеваемых ти, несть довольно, дабы по достоянию восхвалити тя, священномучениче Василие; обаче молитвами твоими получающее от Христа Бога благодеяния многообразныя, благодарни сущи, поем о тебе Ему: Аллилуйя!
Икос 11
Света нетварнаго зритель и радости Божественныя причастник явился еси, новомучениче Василие, темже молим тя: не престани молитися о нас, купно со всеми новомученики росийстими, да помилует нас Господь твоего предстательства ради и сподобит нас, немощных, новую силу нечестия посрамити и победители злонравия явистися, да ублажаем тя сицевыми похвалы:
Радуйся, в неизреченной славе Творца мира созерцающий!
Радуйся, во благоухании святыни присно почивающий!
Радуйся, от райских обителей в юдоль плачевную нисходящий;
Радуйся, молитвы наша к стопам Вседержателя возносящий;
Радуйся, труды наша на пути спасения облегчающий;
Радуйся, тайно творити добродетели нас научающий;
Радуйся, от обычаев душетленных сердца наша отвращающий;
Радуйся, нравы добрыя и благочестие в нас насаждающий;
Радуйся, священномучениче Василие, теплый молитвениче о спасении нашем!
Кондак 12
Благодать Божию обильно приял еси, священномучениче Василие, еюже укрепися сердце твое в любви ко Христу Богу Нашему; сице бо долготерпением и верою просиявше, мученически житие твое скончавше, со лики ангельскими водворился еси в чертозех Отца Небеснаго. Ему же со дерзновением предстоя, молися тепле, о еже благодатию Всесвятаго Духа укрепитися и нам, грешным, о тебе, Господеви, поющим: Аллилуйя!
Икос 12
Поюще преславныя подвиги твоя и величая добропобедныя страдания твоя, восхваляем неизреченное благоволение Божие на нас свершившееся. Тя бо, благаго и вернаго раба Своего, Всеблагий Наш Спаситель во утешение и утверждение веры нам дарова, да уразумеем, яко Щедр и Милостив Господь, в род и род Помощник и Защититель нам будет: избавит нас от всяческих скорбей житейских, очи наша от слез, нози от поползновений лукавых, и твоего предстательства ради услышит нас и спасения вечнаго нас удостоит. О сем же воздыхающе, тебе, всехвальне Василие, таковыя похвалы приносим:
Радуйся, мучеников пречестных неувядаемое украшение;
Радуйся, верных в терпении непоколебимое утверждение;
Радуйся, ходити в заповедех Божиих нас наставляющий;
Радуйся, друг друга тяготы носити нас подвизающий;
Радуйся, от сетей вражиих чтущих тя избавляющий;
Радуйся, от заблуждений духовных нас исцеляющий;
Радуйся, за вся Творца благодарити нас научающий;
Радуйся, милосердие Божие к нам приклоняющий;
Радуйся, священномучениче Василие, теплый молитвенниче о спасении нашем!
Кондак 13
О, страдальче многосветлый и служителю Христов Василие! Приими малое хваление сие в простоте сердечной тебе возносимое. Вонми гласу недостойному молящихся тебе и твоими скорыми ко Господу прошениями, умоли Его пробавити благоутробие Свое на ны, да сподобимся в радости блаженней купно с тобою воспевати Ему ангельскую песнь: Аллилуйя!
[Се́й конда́к глаго́лется три́жды.]
Икос 1
Ангелов Творец и всея твари Создатель во дни смут и нестроений церковных избра тя, святе Василие, в проповедника Православия среди народа от веры отступавшего. Ты же, яко добрый воин Христов, Креста оружием вооруженный, со усердием провозвещал еси учение Спасителя Нашего, за Него же многия страдания смиренне претерпевши, венцем мученическим украсился еси на небесех, идеже молишися о всех, взывающих ти сице:
Радуйся, всем сердцем и всем помышлением твоим Бога возлюбивый;
Радуйся, за веру и Отечество живот свой положивый;
Радуйся, царствия Христова сонаследниче;
Радуйся, славы Божия сопричастниче;
Радуйся, Спасителя возлюбивших покровителю;
Радуйся, кающихся с Богом примирителю;
Радуйся, чтущих память твою пред Богом поминающий;
Радуйся, о прославляющих тя Господа умоляющий;
Радуйся, священномучениче Василие, теплый молитвениче о душах наших!
Кондак 1
Избранный угодниче Христов и страстотерпче священномучениче Василие, в годину гонений лютых душу свою за Христа и Церковь Его положивый и к сонму новомучеников российстих сопричтенный, помяни нас во святых твоих молитвах ко Пресвятой Троице, да зовем ти:
Радуйся, священномучениче Василие, теплый молитвенниче о спасении нашем!
Молитва
О, избранниче и угодниче Христов, священномучениче Василие, Церкве Русския столпе непоколебимый, земли нашея благое прозябение и красный плод, сродников твоих предстателю и наставниче! Ты во время гонения безбожнаго от сокровищницы души твоея спасительное исповедание Православныя веры изнесл еси, и людем верным пастырь добрый явился еси, душу твою за Христа и Его овцы полагая и лютыя волки далече отгоняя. Ныне убо призри на нас, недостойных чад твоих, умиленною душею и сокрушенным сердцем тя призывающих. Умоли Господа Бога, да простит согрешения наша и избавит от адовых уз и вечнаго мучения. Утверди нас в вере святой, научи нас всегда творити волю Божию и хранити заповеди церковныя. Буди пастырем нашим – правило веры, воином – вождь духовный, болящим – врач изрядный, печальным – утешитель, гонимым – заступник, юным – наставник, всем же благосердый отец и теплый молитвенник, яко да молитвами твоими соблюдется в Православии Святая Русь и непрестанно славится в ней имя Пресвятыя Троицы, Отца и Сына и Святаго Духа во веки веков. Аминь.
