Православный Мир
Житие
Житие апостолов от 70-ти Иасона и Сосипатра, мученицы Керкиры девы и иных многих
Апостол Иасон происходил из Тарса (Малая Азия). Он был первым христианином в городе. Апостол Сосипатр был родом из Ахаии. Оба они стали учениками апостола Павла, который даже назвал их своими "сродниками" (Рим.16,21). Святой Иасон был поставлен епископом в родном городе Тарсе, а святой Сосипатр – в Иконии. С евангельской проповедью они отправились на запад и в 63 году достигли острова Керкиры в Ионическом море близ Греции.
Там они построили церковь во имя первомученика Стефана и многих крестили. Правитель острова узнал об этом и заключил их в темницу, где сидели семь разбойников: Саторний, Иакисхол, Фавстиан, Ианнуарий, Марсалий, Евфрасий и Маммий. Апостолы обратили их ко Христу. За исповедание Христа семь узников мученически скончались в котле с растопленной смолой, серой и воском.
Тюремный сторож, видя их мученический подвиг, объявил себя христианином. За это ему отрубили левую руку, потом обе ноги и затем голову. Апостолов Иасона и Сосипатра правитель приказал бить кнутом и снова заключить в тюрьму.
Когда дочь правителя, девица Керкира, узнала, как мученики страдают за Христа, она объявила себя христианкой и раздала все свои украшения нищим. Взбешенный правитель пытался уговорить дочь отречься от Христа, но святая Керкира твердо стояла и против уговоров, и против угроз. Тогда озлобленный отец придумал ужасное наказание дочери: он приказал поместить ее в отдельной темнице и впустить к ней разбойника и блудника Мурина, чтобы тот обесчестил невесту Христову.
Но когда разбойник подошел к двери тюрьмы, на него напал медведь. Святая Керкира услышала шум и именем Христовым отогнала зверя, а затем молитвой исцелила раны Мурина. После этого святая Керкира просветила его Христовой верой, святой Мурин объявил себя христианином и тут же был казнен.
Правитель приказал поджечь тюрьму, но святая девица осталась жива. Тогда по приказу злобствующего отца она была повешена на дерево, удушена едким дымом и расстреляна стрелами. После ее кончины правитель решил казнить всех христиан на острове Керкире. Мученики Зинон, Евсевий, Неон и Виталий, просвещенные апостолами Иасоном и Сосипатром, были сожжены.
Жители Керкиры, спасаясь от гонения, переправились на соседний остров. Правитель с отрядом воинов поплыл, но был поглощен волнами. Сменивший его правитель приказал бросить апостолов Иасона и Сосипатра в котел с кипящей смолой, но когда увидел их невредимыми, со слезами воскликнул: "Боже Иасонов и Сосипатров, помилуй меня!"
Освобожденные апостолы крестили правителя и дали ему имя Севастиан. С его помощью апостолы Иасон и Сосипатр построили на острове несколько церквей и, дожив там до глубокой старости, своей горячей проповедью приумножили стадо Христово.
Иное жизнеописание апостолов от 70-ти Иасона и Сосипатра, мученицы Керкиры девы и иных многих
Святые апостолы Иасон и Сосипатр проповедовали в городе Корфу. Мощи святого Иасона до сих пор покоятся здесь, в византийском храме двенадцатого века, названном в честь этих двух святых. Иасон и Сосипатр принадлежат к числу семидесяти апостолов Христовых и почитаются как просветители Корфу. О них упоминает и апостол Павел в конце своих Посланий к римлянам: "...и Иасон и Сосипатр, сродники мои, приветствуют тебя" (Рим.16:21). Возможно, Павел говорит здесь не только о духовном родстве. Мы знаем, что апостол Иасон, как и сам апостол Павел, родился в Тарсе, а апостол Сосипатр, хотя и происходил из Ахайи, вполне мог быть связан корнями с местечком Икониум, находящимся недалеко от Тарса – в свое время он был там епископом.
После Вознесения Господа, Иасон подвизался епископом в Тарсе, Сосипатр – в Икониуме. Прослужив несколько лет, они выбрали себе преемников и отправились вместе проповедовать Евангелие. Они построили на Корфу церковь в честь святого первомученика Стефана, после чего приступили к проповеди, обращая жителей острова ко Христу. Правитель острова, Керкилин, бросил их за это в темницу. Вместе с ними в темнице сидели семь известных воров: Саторнин, Иакисхол, Фаустиан, Иануарий, Марсал, Евфрасий и Маммин. Всех их апостолы обратили в Христианство.
Разгневанный обращением этих воров, Керкилин велел бросить их в кипящую смолу. Таким образом, они стали первомучениками Корфу. Керкира, дочь правителя, наблюдала из окна, как они бесстрашно переносили мучения. Узнав, что они осуждены за то, что являются христианами, она также объявила себя христианкой и начала раздавать свои драгоценности и богатые одежды бедным.
Гнев правителя обратился на собственную дочь. Он запер ее в одиночестве в темнице с намерением сломить ее волю голодом. Она не отреклась от Христа, и тогда отец приказал сжечь тюрьму до основания вместе с собственной дочерью. Однако, ко всеобщему изумлению, тюрьма сгорела дотла, а девушка оказалась жива. Многие из жителей острова, став свидетелями ее чудесного избавления от смерти, пожелали креститься. В ярости и отчаянии от того, что может сильно пострадать его репутация в глазах языческого Рима, отец приказал привязать ее к дереву и пронзить стрелами. Так предала душу Христу девица Керкира. Возможно, она была первой в истории Христианства мученицей царской крови.
После этого события, новообращенные христиане бежали на соседний остров, чтобы избежать гнева правителя. Находясь в состоянии демонической ярости, Керкилин поклялся преследовать и загнать их, как охотники загоняют диких зверей. Но когда он плыл к острову, его корабль перевернулся, и он бесславно погиб вместе со своими людьми. Его преемник принял Христианство, крестившись с именем Севастиан. Непредвиденная гибель Керкилина избавила святых Иасона и Сосипатра от мученической смерти, и они продолжали служить Церкви Корфу, которая тогда еще была в младенческом состоянии. Существует несколько версий кончины святых Иасона и Сосипатра. По одним сведениям, она была мирной и естественной, по другим – мученической, или мученический венец принял только один из них. Согласно местному преданию и рассказу священника храма святых апостолов Иасона и Сосипатра (он составил современное переложение их жития), святой Иасон мирно почил в 60 году, а святой Сосипатр принял мученический венец незадолго до его смерти. Год его мученической кончины неизвестен; известно лишь, что, перед тем как его погрузили в котел с кипящей смолой, он поставил свою подпись на каком-то документе – подписался крестом. Мощи святого Иасона покоятся на Корфу в храме его имени, а глава святого Сосипатра хранится в монастыре Осиу Лукас недалеко от Фив. Местонахождение мощей мученицы Керкиры неизвестно.
Источник: Евлогите! Благословите! Путеводитель по святым местам Греции
Песнопения
Тропарь, глас 3
Апо́столи святи́и,
моли́те Ми́лостиваго Бо́га,
да прегреше́ний оставле́ние
пода́ст душа́м на́шим.
Кондак, глас 4
Яви́стеся, я́ко зве́зды пресве́тлыя,
просвеща́юще всю вселе́нную све́том пропове́дания,
апо́столи Боже́ственнии
Иа́соне и Сосипа́тре,
спаса́йте ве́рою чту́щих вас.
Канон
Канон святым апостолам Иасону Тарсийскому и Сосипатру Иконийскому
Минея, 28 Апреля.
Глас 8
Песнь 1
Ирмос: Посе́ченый несеко́маго пресече́,
и ви́де со́лнце зе́млю, ю́же не ви́де;
лю́таго врага́ вода́ потопи́,
и непроходи́мое про́йде Изра́иль.
Песнь же воспева́шеся:
Го́сподеви пои́м, сла́вно бо просла́вися.
Припев: Святи́и апо́столи, моли́те Бо́га о на́с.
Со А́нгельскими живы́й ли́ки, и невече́рняго Све́та всегда́ исполня́емь,
и прича́стием и́стинным обожа́емь, пребога́те,
любо́вию пра́зднующия твою́ святу́ю па́мять просвети́, Го́сподеви пою́щия:
сла́вно бо просла́вися.
Припев: Святи́и апо́столи, моли́те Бо́га о на́с.
Боже́ственное тя отню́д распали́, Иа́соне, жела́ние те́плое,
те́мже после́довал еси́ огнь на зе́млю воврещи́ Прише́дшему, сла́вне,
от Него́же просвеща́емь, све́тло взыва́л еси́:
Го́сподеви пои́м, сла́вно бо просла́вися.
Сла́ва Отцу́ и Сы́ну и Свято́му Ду́ху.
Умо́м невеще́ственным нра́вом подо́бяся,
на земли́ нас ра́ди ве́щию, блаже́нне, те́ла Я́вльшемуся ми́лостивно, преблаже́нне, служи́л еси́;
служи́тель же Сего́ свяще́нен, зовы́й, был еси́:
Го́сподеви пои́м, сла́вно бо просла́вися.
И ны́не и при́сно и во ве́ки веко́в. Ами́нь.
Богородичен: От Де́вы безму́жны ви́ден бысть, воплоща́емь за милосе́рдие мно́гое, Недоуме́нный,
страстьми́ те́ла окая́нно пони́кших,
возводя́ к безстра́стию я́ве стра́стию пло́ти Свое́я,
Ему́же обы́чно пои́м:
сла́вно бо просла́вися.
Песнь 3
Ирмос: Ты еси́ утвержде́ние
притека́ющих к Тебе́, Го́споди,
Ты еси́ свет омраче́нных,
и пое́т Тя дух мой.
Припев: Святи́и апо́столи, моли́те Бо́га о на́с.
Цевни́ца яви́лся еси́ Ду́ха,
возглаша́я нам уче́ния Богокра́сная,
отрева́я прелука́вая пе́ния.
Припев: Святи́и апо́столи, моли́те Бо́га о на́с.
Источи́ язы́к твой, я́коже река́, жи́зни исто́чники
и го́рькия во́ды преле́стныя, изсуши́, сла́вне.
Сла́ва Отцу́ и Сы́ну и Свято́му Ду́ху.
Исцеле́ния то́чат свяще́нныя твоя́, му́дре, мо́щи разли́чная,
Ду́ха Свята́го де́йством и благода́тию.
И ны́не и при́сно и во ве́ки веко́в. Ами́нь.
Богородичен: Умертви́, Пречи́стая, живопода́тельною мольбо́ю Твое́ю
во мне живу́щий грех,
Я́же Живо́т ро́ждшая.
Седален, глас 8
Светосия́нными заря́ми слове́с честны́х, просвети́л еси́ всех богоподо́бно, Иа́соне апо́столе,
и тьму отгна́л еси́,
и, пострада́в, блаже́нне, источа́еши исцеле́ния,
и теле́с уставля́еши лю́тыя боле́зни.
Тем, соше́дшеся, свято́е твое́ вси твори́м торжество́, Спа́са сла́вяще,
и ве́рно вопие́м ти:
моли́ Христа́ Бо́га грехо́в оставле́ние пода́ти
чту́щим любо́вию святу́ю па́мять твою́.
Песнь 4
Ирмос: Услы́шах, Го́споди,
смотре́ния Твоего́ та́инство,
разуме́х дела́ Твоя́
и просла́вих Твое́ Божество́.
Припев: Святи́и апо́столи, моли́те Бо́га о на́с.
Учени́к был еси́ Па́влу, прему́дрому священнопропове́днику,
подо́бник же Христу́, сла́вне,
Того́ повину́яся Боже́ственным манове́нием.
Припев: Святи́и апо́столи, моли́те Бо́га о на́с.
Черто́га оде́ждею укра́шен был еси́ Боже́ственныя Це́ркве,
сей Ду́хом, Богоно́се, обручи́вся сла́дким сло́вом му́дрости твоея́.
Сла́ва Отцу́ и Сы́ну и Свято́му Ду́ху.
Врач преиску́сен злоотгони́тельными Боже́ственными дла́ньми твои́ми неду́гующих был еси́,
исцеля́я стра́сти прелю́тыя.
И ны́не и при́сно и во ве́ки веко́в. Ами́нь.
Богородичен: Неискусобра́чная Влады́чице,
спаси́ мя, Спа́са Сло́ва ро́ждшая,
и бед свободи́, и ве́чнующаго осужде́ния.
Песнь 5
Ирмос: От но́щи неве́дения
по душелови́тельному пути́ при́сно блудя́щаго,
све́том ра́зума Твоего́, Го́споди, преднаставля́я мя,
на стезю́ за́поведей Твои́х напра́ви.
Припев: Святи́и апо́столи, моли́те Бо́га о на́с.
Содержи́мыя ле́стию и па́губе безу́мно рабо́тающия челове́ки, преблаже́нне,
Боже́ственными уче́нии свободи́л еси.
Припев: Святи́и апо́столи, моли́те Бо́га о на́с.
Я́коже не́кое свети́ло, на высоте́ Богоразу́мия, Иа́соне предлежа́,
привле́кл еси́ ко приста́нищу Боже́ственному лю́те потопля́емыя.
Сла́ва Отцу́ и Сы́ну и Свято́му Ду́ху.
Умерщвле́нныя дре́вле су́щия змии́ным угрызе́нием,
живото́чным твои́м сло́вом, блаже́нне, удиви́в, оживи́л еси́.
И ны́не и при́сно и во ве́ки веко́в. Ами́нь.
Богородичен: Святе́йши яви́лася еси́ Херуви́м,
на земли́ вопло́щши всех Влады́ку,
Чи́стая Всенепоро́чная Влады́чице.
Песнь 6
Ирмос: Я́коже проро́ка
изба́вил еси́ из глубины́ преиспо́дния, Христе́ Бо́же,
и мене́ от грехо́в мои́х изба́ви, я́ко Человеколю́бец,
и упра́ви живо́т мой, молю́ся.
Припев: Святи́и апо́столи, моли́те Бо́га о на́с.
Преуди́влься добро́те за милосе́рдие нам Прибли́жшагося, Иа́соне апо́столе,
сему́ после́довал еси́
и оста́вил еси́ жите́йскую красоту́.
Припев: Святи́и апо́столи, моли́те Бо́га о на́с.
Научи́вся Боже́ственным,
научи́л еси́ благода́тию, сла́вне, Тро́йческому сия́нию
дре́вле слепоту́ обнося́щия неразу́мия безу́мие.
Сла́ва Отцу́ и Сы́ну и Свято́му Ду́ху.
Неду́ги отгоня́ разли́чныя и прогоня́ зло́бныя ду́хи,
лю́ди к позна́нию Госпо́дню обрати́л еси́,
изба́вль от пре́лести лука́ваго.
И ны́не и при́сно и во ве́ки веко́в. Ами́нь.
Богородичен: Я́ко дождь на руно́, спаси́тельное Сло́во в ложесна́ Твоя́ сни́де,
и Челове́к из Тебе́ бысть,
спаса́я мя, Отрокови́це, хода́тайством Твои́м.
Кондак, глас 4
Яви́стеся, я́ко зве́зды пресве́тлыя,
просвеща́юще всю вселе́нную све́том пропове́дания,
апо́столи Боже́ственнии
Иа́соне и Сосипа́тре,
спаса́йте ве́рою чту́щих вас.
Песнь 7
Ирмос: О́троцы благочести́вии в Вавило́не
о́бразу злато́му не поклони́шася,
но посреде́ пе́щи о́гненныя, ороша́еми,
песнь воспева́ху, глаго́люще:
превозноси́мый отце́в и нас Бо́же, благослове́н еси́.
Припев: Святи́и апо́столи, моли́те Бо́га о на́с.
Боле́знем приближа́яся непреста́нным,
боле́зни, Иа́соне, облегчи́л еси́ ве́рным
и к неболе́зненному прия́тию наста́вил еси́ благоче́стно воспева́ющия:
благослове́н Бог о́тец на́ших.
Сла́ва Отцу́ и Сы́ну и Свято́му Ду́ху.
Тле́ние уста́вил еси́ зло́бы, блаже́нне,
и ра́зум насади́л еси́ спаси́тельный в мы́сли челове́ческия,
и́мже просвеща́емь, Влады́це всех взыва́л еси́:
благослове́н Бог оте́ц на́ших.
И ны́не и при́сно и во ве́ки веко́в. Ами́нь.
Богородичен: Нося́щи Христа́ на руку́, я́ко престо́л огнезра́чен, Всенепоро́чная,
моли́ Его́, я́ко Сы́на Твоего́ и Го́спода, умири́ти мир, зову́щи:
благослове́н Бог оте́ц на́ших.
Песнь 8
Ирмос: Богоглаго́ливии о́троцы в пещи́,
со огне́м пла́мень попира́юще, поя́ху:
благослови́те, дела́ Госпо́дня, Го́спода.
Припев: Святи́и апо́столи, моли́те Бо́га о на́с.
Искорени́л еси́ те́рние злохуле́ния се́менем Сло́ва, Иа́соне:
стори́чествующий клас, спа́сшихся мно́жество, возде́лал еси́.
Припев: Святи́и апо́столи, моли́те Бо́га о на́с.
Просвеще́ние су́щих во тьме тя свети́льника Та́рсу поставля́ет, блаже́нне,
и́же сего́ престо́л стро́яща свяще́нно и преподо́бно, Иа́соне апо́столе.
Сла́ва Отцу́ и Сы́ну и Свято́му Ду́ху.
Зако́нен был еси́ учи́тель
су́етней повину́вшимся ле́сти Еди́наго Бо́га чести́ несозда́ннаго,
и́же тва́рем че́сти принося́щия спасл еси́.
И ны́не и при́сно и во ве́ки веко́в. Ами́нь.
Богородичен: Воплоще́нна ро́ждши Бо́га Сло́ва,
пло́ти на́шея стра́сти и душе́вныя, Отрокови́це, исцели́,
да ве́рою Тя вси и любо́вию сла́вим.
Песнь 9
Ирмос: Уста́вы прешла́ еси́ естества́,
Соде́теля заче́нши и Го́спода,
и дверь спасе́ния ми́рови была́ еси́:
тем Тя, Богоро́дице,
непреста́нно велича́ем.
Припев: Святи́и апо́столи, моли́те Бо́га о на́с.
Свяще́нныя соста́вим вси ли́ки, свяще́нно блажа́ще Иа́сона, вели́каго Христо́ва апо́стола,
с ли́ки безпло́тными всегда́ веселя́щася.
Припев: Святи́и апо́столи, моли́те Бо́га о на́с.
Игра́ет тварь, лику́ющи ны́не в честне́м торжестве́ твое́м, сла́вне,
апо́столи, проро́цы и вси му́ченицы ра́дуются, Иа́соне:
с ни́миже тя ве́рою велича́ем.
Сла́ва Отцу́ и Сы́ну и Свято́му Ду́ху.
Ра́ка, иде́же лежи́т терпели́вое и многострада́льное те́ло твое́,
сла́вне Иа́соне, зари́ испуща́ет всегда́
и тьму боле́зней разоря́ет, пребла́женне.
И ны́не и при́сно и во ве́ки веко́в. Ами́нь.
Богородичен: Я́вльшися Ма́ти Всенепоро́чная Емману́ила,
воплоще́ннаго из ложе́сн Твои́х, обожи́вшаго естество́ челове́ческое,
те́мже Тя, Пресвята́я Богороди́тельнице, ублажа́ем.
